Short News

చెంప దెబ్బ‌లు... ప్రాణాలు తీశాయి

చెంప దెబ్బ‌లు... ప్రాణాలు తీశాయి

సరదాగా మొదలైన చెప్ప దెబ్బ‌ల ఆట ఓ విద్యార్థి ప్రాణం తీసింది. పాకిస్థాన్‌ పంజాబ్‌ ప్రొవిన్స్‌లోని ఓ ప్రభుత్వ పాఠశాలలో ఈ ఘటన చోటు చేసుకుంది. స్కూల్‌ విరామ సమయంలో బిలాల్‌, అమీర్‌ అనే ఇద్దరు విద్యార్థులు తప్పర్‌ కబడ్డీకి సిద్ధమయ్యారు. అమీర్‌ దెబ్బలకి తాళలేక బిలాల్‌ కుప్పకూలిపోగా సాయం చేసేందుకు ఎవరూ ముందుకు రాలేదు.  కొన ఊపిరితో ఉన్న బిలాల్‌ను పోలీసులు ఆస్పత్రికి తరలించగా అప్పటికే అతని ప్రాణాలు పోయాయని వైద్యులు వెల్లడించారు. త‌మ కొడుకు చావు దేవుడి ఆజ్ఞ అని బిలాల్ త‌ల్లిదండ్రులు ప్ర‌క‌టించ‌డం శోచ‌నీయం.       
శ్రీరెడ్డికి పెళ్లికాకుండానే.. సంచలనం రేపుతున్న కరాటే కల్యాణి లీక్స్

శ్రీరెడ్డికి పెళ్లికాకుండానే.. సంచలనం రేపుతున్న కరాటే కల్యాణి లీక్స్

క్యాస్టింగ్ కౌచ్, తెలుగు అమ్మాయిలకు అవకాశాలు కల్పించాలని ఉద్యమం చేస్తున్న శ్రీరెడ్డికి సంబంధించిన కొన్ని విషయాలను నటి కరాటే కల్యాణి బయటపెట్టడం సంచలనంగా మారింది. సోషల్ మీడియాలో కల్యాణి షేర్ చేసిన ఫోటోలు వైరల్‌గా మారాయి. ఇటీవల ఓ టెలివిజన్ ఛానెల్‌లో చర్చ సందర్భంగా శ్రీరెడ్డి, కల్యాణి మధ్య వివాదం చోటుచేసుకొన్న సంగతి తెలిసిందే. ఆ సయయంలో శ్రీరెడ్డి గొంతు పిసికి కల్యాణి చంపబోయిన విషయం విదితమే. ఈ నేపథ్యంలో శ్రీరెడ్డిపై కల్యాణి సంచలన విషయాలు బయటపెట్టారు.

రెవెన్యూ ఉద్యోగులకు శుభవార్త

రెవెన్యూ ఉద్యోగులకు శుభవార్త

రాష్ట్ర రెవెన్యూ అధికారులు, సిబ్బందికి ప్రభుత్వం శుభవార్త వినిపించింది. భూరికార్డుల ప్రక్షాళన ప్రక్రియ పూర్తి చేసినందుకు గానూ సీఎం కేసీఆర్.. ఒక నెల మూలవేతనాన్ని రెవెన్యూ సిబ్బంది ప్రోత్సాహకంగా అందుకోనుంది. సీఎం కేసీఆర్ ఆదేశాలకు అనుగుణంగా రెవెన్యూ శాఖ ఉత్తర్వులు జారీ చేసింది. ప్రోత్సాహకాలు ప్రకటించడంపై రెవెన్యూ ఉద్యోగులు హర్షం వ్యక్తం చేస్తున్నారు. ముఖ్యమంత్రి కేసీఆర్‌కు రెవెన్యూ సిబ్బంది కృతజ్ఞతలు తెలిపారు.
రూ.లక్ష కోట్లతో ఫ్లిప్‌కార్ట్‌, వాల్‌మార్ట్‌ డీల్‌ ..వచ్చేవారమే.!

రూ.లక్ష కోట్లతో ఫ్లిప్‌కార్ట్‌, వాల్‌మార్ట్‌ డీల్‌ ..వచ్చేవారమే.!

గత కొంతకాలంగా ఫ్లిప్‌కార్ట్‌లో మెజారిటీ వాటాను వాల్‌మార్ట్‌ సొంతం చేసుకోనుందనే వార్తలు వస్తున్న సంగతి తెలిసిందే. అయితే ఈ డీల్ దాదాపు ఖరారైనట్లు తెలుస్తోంది. వచ్చే వారంలో రెండు సంస్థల మధ్య ఒప్పందం జరగొచ్చని సమాచారం. ఈ ఒప్పందం విలువ 18 బిలియన్‌ డాలర్లు అంటే భారత కరెన్సీలో దాదాపు రూ.1.19లక్షల కోట్లు. ఫ్లిప్‌కార్ట్‌లో 51శాతం, అంతకంటే ఎక్కువ వాటాను కొనుగోలు చేసేందుకు వాల్‌మార్ట్‌ చర్చలు జరుపుతోంది. డీల్‌ దాదాపు పూర్తయ్యిందని, మే మొదటి వారంలో దీనిపై స్పష్టత వస్తుందని కూడా అంటున్నారు.