Short News

అయ‌స్కాంత శ‌క్తి పువ్వుల్ని తిప్పేసింది!

అయ‌స్కాంత శ‌క్తి పువ్వుల్ని తిప్పేసింది!

భూ మధ్య రేఖ వెళ్లే కెన్యాలో చేసిన ఓ ప్రయోగం సోషల్ మీడియాలో వైరల్‌ అవుతోంది. కెన్యా పర్యటనకు వచ్చిన ఓ విదేశీయుడికి స్థానికులు ఈ ప్రయోగాన్ని చేసి చూపించారు. భూ మధ్య రేఖకు ఉత్తరాన తొలుత ఈ ప్రయోగాన్ని నిర్వహించగా నీటిలో వేసిన పువ్వు కుడి వైపు నుంచి తిరగడం (క్లాక్ వైజ్‌ డైరెక్షన్‌) ప్రారంభించింది. అదే భూ మధ్యరేఖకు దక్షిణాన ఈ ప్రయోగాన్ని నిర్వహించగా నీటిలో వేసిన పువ్వు ఎడమ వైపు నుంచి తిరిగింది. ఈ మార్పులు కనిపించడానికి భూమికి ఉన్న అయస్కాంత శక్తే కారణమ‌ని వారు తెలిపారు.   
రామ మందిరం తీర్పు అనుకూలంగా రాకుంటే ఆత్మాహుతులు!

రామ మందిరం తీర్పు అనుకూలంగా రాకుంటే ఆత్మాహుతులు!

బీజేపీ సీనియర్ నేత వినయ్ కటియార్ మరోసారి వివాదాస్పద వ్యాఖ్యలు చేశారు. అయోధ్య రామ మందిరం కేసులో సుప్రీం కోర్టు తీర్పు తమకు అనుకూలంగా రాకుంటే ఆత్మాహుతి దళాలు (బలిదానీ దాస్తా) రంగంలోకి దిగుతాయని హెచ్చరించారు. సుప్రీంకోర్టు తన నిర్ణయాన్ని వెల్లడించనంత వరకు ఈ దళాలు ముందుకు రావు, అయితే వాటికి సంబంధించిన ప్రక్రియ ఇప్పటికే మొదలైంది అని లక్నోలో ఆయన మీడియాతో చెప్పారు. బాబ్రీ మసీదు కేసులో పిటిషనర్‌గా ఉన్న ఇక్బాల్ అన్సారీకి ఈ వివాదంపై పూర్తి అవగాహన లేదని కటియార్ చెప్పారు. కటియార్ బాబ్రీ మసీదు కేసులో అభియోగాలు ఎదుర్కొంటున్నారు.    
పదిమందితో జియో ఫోన్ కొనిపిస్తే ..112 జీబీ డేటా ఉచితం

పదిమందితో జియో ఫోన్ కొనిపిస్తే ..112 జీబీ డేటా ఉచితం

రిలయన్స్‌ జియో వినియోగదారులకు బంపర్‌ఆఫర్‌ ప్రకటించింది. ఈసారి ఉచిత డేటా ఆఫర్‌ ప్రకటించింది. 'జియో ఫోన్‌ మ్యాచ్‌ పాస్‌' ఆఫర్లో వినియోగదారులు మరో 10మంది చేత జియో ఫోన్లను కొనిపిస్తే 112 జీబీ డేటాను ఉచితంగా అందిస్తోంది. ఈ ఆఫర్‌ మే 27వ తేదీవరకు మాత్రమే చెల్లుతుంది. 10మంది స్నేహితులు లేదా, బంధువులను జియో ఫోన్‌ కొనుగోలు చేయించాల్సి ఉంటుంది. 1800-890-8900 టోల్‌ ఫ్రీ నంబరుకు ఫోన్‌ చేసి జియో ఫోన్‌పై ఆసక్తి ఉన్న స్నేహితుల గురించి సమాచారం ఇవ్వాలి.  
13,000 mAh బ్యాటరీతో స్మార్ట్‌ఫోన్ లాంచ్, ధర, హైలెట్ ఫీచర్లు ఇవే

13,000 mAh బ్యాటరీతో స్మార్ట్‌ఫోన్ లాంచ్, ధర, హైలెట్ ఫీచర్లు ఇవే

మొబైల్ మార్కెట్లో మరో సంచలనం నమోదైంది. స్మార్ట్ ఫోన్ మార్కెట్లో దిగ్గజాలకు సవాల్ విసురుతూ అతి పెద్ద బ్యాటరీ ఫోన్ దూసుకొచ్చింది. మొబైల్ దిగ్గజం యూల్‌ఫోన్ తన నూతన స్మార్ట్‌ఫోన్ పవర్ 5 ను మార్కెట్లోకి విడుదల చేసింది. షియోమి, ఆపిల్, శాంసంగ్, ఎల్‌జి, హువాయి, ఒప్పో లాంటి కంపెనీలకు సవాల్ విసురుతూ అదిరే ఫీచర్లు భారీ బ్యాటరీతో ఈ ఫోన్ మార్కెట్లోకి వచ్చింది. ఇందులో 6 ఇంచుల సైజ్ ఉన్న భారీ డిస్‌ప్లేను ఏర్పాటు చేశారు. అలాగే 13000 ఎంఏహెచ్ కెపాసిటీ ఉన్న భారీ బ్యాటరీని ఏర్పాటు చేశారు. దీనికి ఫాస్ట్ చార్జింగ్ సపోర్ట్ కూడా ఉంది.