Short News

టీ20 సిరీస్‌కు జులన్‌ గోస్వామి దూరం

టీ20 సిరీస్‌కు జులన్‌ గోస్వామి దూరం

భారత మహిళల జట్టు దక్షిణాఫ్రికాతో టీ20 సిరీస్‌ ఆడనుంది. ఈ సిరీస్‌కు  కాలి గాయం కారణంగా టీమిండియా బౌలర్ జులన్‌ గోస్వామి దూరమైంది. ఈ మేరకు బీసీసీఐ ప్రకటన చేసింది. దక్షిణాఫ్రికాతో భారత్ ఐదు టీ20 మ్యాచ్‌లు ఆడనుంది. గాయం కారణంగా జులన్‌ గోస్వామి దక్షిణాఫ్రికాతో మూడో వన్డేకు దూరమైంది. మూడు వన్డే మ్యాచ్‌ల సిరీస్‌ను 2-1తో సొంతం చేసుకున్న భారత్‌ టీ20 సిరీస్‌పై కన్నేసింది.  
గవర్నర్ పేరు తొలగిస్తేనే విచారణ: పిటిషన్ విచారణపై హైకోర్టు

గవర్నర్ పేరు తొలగిస్తేనే విచారణ: పిటిషన్ విచారణపై హైకోర్టు

వేరే పార్టీ టికెట్ పై గెలిచి.. ప్రస్తుతం మంత్రులుగా కొనసాగుతున్న తెలంగాణ మంత్రి తలసాని శ్రీనివాస్ యాదవ్, ఏపీ మంత్రి అఖిలప్రియలను బాధ్యతల నుంచి నియంత్రించాలని కోరుతూ హైకోర్టులో పిటిషన్ దాఖలైన సంగతి తెలిసిందే. అయితే ఇందులో గవర్నర్ నరసింహన్‌ను ప్రతివాదిగా చేర్చడంపై హైకోర్టు అభ్యంతరం తెలిపింది.

గవర్నర్ ప్రతివాదిగా ఉన్న పిటిషన్లను విచారించడం సాధ్యం కాదని స్పష్టం చేసింది. ఈ సందర్భంగా సుప్రీంకోర్టు గత తీర్పును ప్రస్తావించింది. ఆ మేరకు గవర్నర్‌ను ప్రతివాదిగా చేయడానికి వీల్లేదని తెలిపింది.

వణుకు పుట్టిస్తోన్న 'పార్థీ' గ్యాంగ్: పోలీసుల అలర్ట్

వణుకు పుట్టిస్తోన్న 'పార్థీ' గ్యాంగ్: పోలీసుల అలర్ట్

ఏపీలో పార్థీ గ్యాంగ్ సంచరిస్తుందన్న వార్త ప్రజలను భయభ్రాంతులకు గురిచేస్తోంది. దేశంలోని అత్యంత నేరపూరిత గ్యాంగుల్లో ఒకటైన ఈ గ్యాంగ్.. ప్రస్తుతం చిత్తూరు-నెల్లూరు జిల్లా సరిహద్దుల్లో సంచరిస్తోందని పోలీసులకు సమాచారం అందింది.

రాత్రివేళల్లో ఒంటికి ఒండ్రుమట్టి, నూనె రాసుకుని చోరీలు, దోపిడీలకి పాల్పడుతుంటారు పార్థీ గ్యాంగ్ సభ్యులు. ఆ క్రమంలో ఇంట్లోవాళ్లు ఎవరైనా తిరగబడితే.. నిర్దాక్షిణ్యంగా వారిని హత్య చేస్తారు. అనుమానస్పద వ్యక్తులు సంచరిస్తున్నట్టు అనిపిస్తే వెంటనే తమకు సమాచారం అందించాలని పోలీసులు తెలిపారు.

దంపతులపై కాల్పులకు తెగబడ్డ దుండగులు: ఎవరై ఉంటారు?

దంపతులపై కాల్పులకు తెగబడ్డ దుండగులు: ఎవరై ఉంటారు?

బైక్‌పై వెళ్తున్న దంపతులపై కొందరు దుండగులు తుపాకులతో కాల్పులకు పాల్పడిన ఘటన పశ్చిమగోదావరి జిల్లాలో చోటు చేసుకుంది.పెనుమంట్ర మండలం మార్టేరు వద్ద నాటు తుపాకులతో కొంతమంది వారిపై కాల్పులు జరిపినట్టు తెలుస్తోంది.

కాల్పుల సమయంలో.. భర్త శ్రీనివాసరెడ్డి పారిపోగా, భార్య ధనలక్ష్మిపై దుండగులు హత్యాయత్నం చేశారు. శ్రీనివాస రెడ్డి కేకలు వేయడంతో చుట్టుపక్కలవారు హుటాహుటిన అక్కడికి వచ్చారు.దీంతో దుండగులు అక్కడినుంచి పరారయ్యారు. అనంతరం ధనలక్ష్మిని విజయవాడధనలక్ష్మిని విజయవాడ ఆస్పత్రికి తరలించారు.