Short News

బీసీసీఐ పెద్ద‌ల‌కు గ‌ట్టి ఎదురు దెబ్బ‌

బీసీసీఐ పెద్ద‌ల‌కు గ‌ట్టి ఎదురు దెబ్బ‌

బీసీసీఐలో చక్రం తిప్పాలనుకుంటున్న పెద్దలకు గట్టి ఎదురుదెబ్బ తగిలింది. బోర్డు రాజ్యాంగ ముసాయిదాలో లోధా కమిటీ సిఫారసుల్లో దాదాపు అన్నింటికీ అమికస్‌ క్యూరీ గోపాల్‌ సుబ్రమణియం చోటు కల్పించారు. సెలెక్షన్‌ కమిటీకి సంబంధించి ముగ్గు రు సభ్యులకు బదులు ఐదుగురు సభ్యుల పాత విధానానికి సూచనలు చేశారు. ప్రస్తుతం టెస్టు క్రికెట్‌ ఆడిన వారికి మాత్రమే సెలెక్షన్‌ కమిటీలో చోటు. అయితే, ఈ క్లాజ్‌లో వెసులుబాటు కల్పిస్తూ కనీసం 20 ఫస్ట్‌క్లాస్‌ మ్యాచ్‌లు ఆడిన వారినీ పరిగణనలోకి తీసుకోవాలనే సలహా ఇచ్చారు.
టాస్ గెలిచి ఫీల్డింగ్ ఎంచుకున్న చెన్నై

టాస్ గెలిచి ఫీల్డింగ్ ఎంచుకున్న చెన్నై

టీ20లీగ్ 2018లో భాగంగా పుణే వేదికగా చెన్నై సూపర్ కింగ్స్, కింగ్స్ ఎలెవన్ పంజాబ్ జట్లు తలపడనున్నాయి. టాస్ గెలిచిన చెన్నై ఫీల్డింగ్ ఎంచుకుంది. ఇప్పటికే 13 మ్యాచ్ లు ఆడిన చెన్నై సూపర్ కింగ్స్ జట్టు 8 మ్యాచ్ ల్లో గెలిచి పాయింట్స్ పట్టికలో 2 వ స్థానంలో ఉంది. ఇక కింగ్స్ ఎలెవన్ పంజాబ్ జట్టు 13 మ్యాచ్ లు ఆడగా.. కేవలం మూడింటిలో గెలిచి పాయింట్స్ పట్టికలో కింద వరుస నుంచి రెండో స్థానంలో ఉంది. నేటి మ్యాచ్ గెలిస్తే చెన్నై టాప్ ప్లేస్ కు చేరుకోనుంది.
వైరల్ గా రాం చరణ్, ఎన్టీఆర్ ఫొటో

వైరల్ గా రాం చరణ్, ఎన్టీఆర్ ఫొటో

నటుడు రామ్‌చరణ్‌.. తారక్‌కు బర్త్ డే విషెస్ చెబుతూ ఫేస్ బుక్ లో పోస్ట్ చేసిన ఫొటో ఒకటి వైరల్ గా మారింది. చరణ్, ఎన్టీఆర్ ను వెనక నుంచి పట్టుకుని సరదాగా ఆటపట్టిస్తున్నట్లు ఉన్న ఫొటోకు అభిమానులు ఫిదా అవుతున్నారు. ‘పుట్టినరోజు శుభాకాంక్షలు సోదరా! ఈ ఏడాది నీకు అద్భుతంగా ఉండాలి' అని చరణ్‌ పోస్ట్ చేశారు.‌ ప్రస్తుతం ఎస్ఎస్ రాజమౌళి డైరెక్షన్ లో రాంచరణ్, ఎన్టీఆర్ కాంబినేషన్ లో మల్టీ స్టారర్ మూవీ తెరకెక్కుతున్న విషయం తెలిసిందే.
న్యూయార్క్‌ పోలీస్‌గా తొలిసారి  సిక్కు మహిళ

న్యూయార్క్‌ పోలీస్‌గా తొలిసారి సిక్కు మహిళ

గురుశోచ్‌ కౌర్‌ అనే సిక్కు మహిళ తొలిసారిగా అరుదైన ఘనత సాధించారు. తలపాగా ధరించిన ఓ సిక్కు మహిళ మొదటిసారిగా న్యూయార్క్‌ పోలీస్‌ విభాగంలో చేరనున్నారు. న్యూయార్క్‌ సిటీ పోలీస్‌ అకాడమీలో గతవారం డిగ్రీ పూర్తి చేసుకున్న ఆమె పోలీసు సహాయక అధికారిణిగా న్యూయార్క్‌ పోలీస్‌ డిపార్ట్‌మెంట్‌లో చేరనున్నారు. యూఎస్‌ ప్రజలు సిక్కిజాన్ని అర్థం చేసుకునే విధంగా గురుశోచ్‌ కౌర్‌ మార్పుతేవాలని ‘మినిష్టర్‌ ఆఫ్‌ హౌసింగ్‌ అండ్‌ అర్బన్‌ అఫైర్స్‌' హరదీప్‌ సింగ్‌ పూరి కోరారు.