Short News

ఐదో వన్డేలో సౌతాఫ్రికా లక్ష్యం 275

ఐదో వన్డేలో సౌతాఫ్రికా లక్ష్యం 275

దక్షిణాఫ్రికాతో జరుగుతున్న ఐదో వన్డేలో టీమిండియా బ్యాటింగ్ ముగిసింది. ఓపెనర్‌ రోహిత్‌ శర్మ (115) అదరగొట్టాడు. తొలుత టాస్ గెలిచిన ఆతిధ్యజట్టు బౌలింగ్ ఎంచుకుంది. బ్యాటింగ్ ప్రారంభించిన ఓపెనర్లు ఆచితూచి ఆడారు, ధావన్ పెవిలియన్ చేరినా కోహ్లీ సహకారంతో రోహిత్‌ సెంచరీ సాధించాడు. నిర్ణీత 50ఓవర్లు ముగిసే సరికి భారత్‌ 274 పరుగులు చేసింది. ఈమ్యాచ్ గెలిస్తే టీమిండియా సిరీస్ సొంతం చేసుకుంటుంది.
కల్యాణ్ రామ్ కు క్లాప్ కొట్టిన యంగ్ టైగర్ ఎన్టీఆర్

కల్యాణ్ రామ్ కు క్లాప్ కొట్టిన యంగ్ టైగర్ ఎన్టీఆర్

బుధవారం నటుడు నందమూరి కల్యాణ్‌ రామ్‌ కొత్త సినిమా ప్రారంభమైంది. ఈసినిమాకు యంగ్ టైగర్ ఎన్టీఆర్‌ క్లాప్‌ కొట్టారు.  మే 2 నుంచి చిత్రీకరణ మొదలవుతుంది. శేఖర్‌ చంద్ర సంగీతం అందించనున్నారు. ఇందులో కల్యాణ్‌రామ్‌కు జోడీగా నివేదా థామస్‌, షాలిని పాండే నటించనున్నారు. సస్పెన్స్‌ థ్రిల్లర్‌గా ఈ సినిమాను తెరకెక్కిస్తున్నారు.ఈస్ట్‌కోస్ట్‌ ప్రొడక్షన్స్‌ బ్యానర్‌పై ఈ సినిమాను నిర్మిస్తున్నారు. కేవీ గుహన్‌ ఈ సినిమాకు దర్శకత్వం వహించనున్నారు.
మీ పాస్‌వర్డ్‌ దొంగిలించారో లేదో ఇలా తెలుసుకోండి

మీ పాస్‌వర్డ్‌ దొంగిలించారో లేదో ఇలా తెలుసుకోండి

మీ మెయిల్ ఐడీ పాస్ వర్డ్ ఎవరైనా దొంగిలించారా..? ఒక వేళ దొంగిలిస్తే  తెలుసుకోవడం ఎలా అని ఆలోచిస్తున్నారా..? అయితే సింపుల్. మరి మీ పాస్‌వర్డ్ ఎవరికైనా తెలుసో లేదో ఇలా చెక్ చేసుకోండి. Troy Hunt Have I Been Pwnedను గూగుల్ సెర్చ్ ఇంజిన్‌లో టైప్ చేస్తే.. సంబంధిత వెబ్‌సైట్ వస్తుంది. దానిలో మీ మెయిల్ ఐడీని టైప్ చేసి pwned మీద ఎంటర్ చేస్తే మీ పాస్‌వర్డ్ హ్యాక్ అయిందా? లేదా? తెలుస్తుంది. ఎవ్వరూ దొంగిలించకపోతే గుడ్‌న్యూస్ అని గ్రీన్ కలర్‌లో, ఎవరైనా దొంగిలిస్తే ఓ నో-pwned అని బ్రౌన్ కలర్‌లో కింద కనిపిస్తుంది.
హెచ్‌-4 వీసా పని అనుమతి తొల‌గిస్తే అమెరికాకు కూడా న‌ష్ట‌మే!

హెచ్‌-4 వీసా పని అనుమతి తొల‌గిస్తే అమెరికాకు కూడా న‌ష్ట‌మే!

అమెరికాలో హెచ్‌-4 వీసా పని అనుమతిని తొలగించడంపై కొందరు శాసనకర్తల నుంచి, ఐటీ ప‌రిశ్ర‌మ‌ నుంచి తీవ్ర వ్యతిరేకత వ్యక్తమవవుతోంది. దీనిపై ఈ వేసవిలోనే అధికారికంగా ప్రకటన వెలువడుతుందని అమెరికా పౌరసత్వం, వలసల సేవల విభాగం వెల్లడించడంతో ప్రవాస భారతీయుల్లో ఆందోళన నెలకొంది. పని అనుమతి రద్దు చేస్తే అధికంగా నష్టపోయేది భారతీయులే. ఈ నిబంధన వల్ల ఎంతో మంది ఉద్యోగాలు కోల్పోతారని, ఇది ఎన్నో కుటుంబాలపై ప్రభావం చూపిస్తుందని, అలాగే అమెరికా ఆర్థిక వ్యవస్థను కూడా దెబ్బ తీస్తుందని సిలికాన్ వ్యాలీకి చెందిన ఎఫ్‌డబ్ల్యుడీ యూఎస్‌ వెల్లడించింది.