Short News

సుడి 'గేల్' విధ్వంసం ..చెన్నై లక్ష్యం 198

సుడి 'గేల్' విధ్వంసం ..చెన్నై లక్ష్యం 198

టీ20 లీగ్-2018లో భాగంగా సొంత మైదానంలో జరిగిన మ్యాచ్ లో పంజాబ్‌ రెచ్చిపోయింది. క్రిస్‌గేల్‌ (63), కేఎల్‌ రాహుల్‌ (37) రెచ్చిపోయి ఆడటంతో చెన్నై ముందు 197 పరుగుల లక్ష్యం ఉంచింది. వీరి దూకుడుకి ఒక దశలో జట్టు స్కోరు 7 ఓవర్లకు 92కు చేరింది. తొలుత ప్రశాంతంగా ఆడిన గేల్ తర్వాత సిక్సర్లతో చెలరేగాడు. వీరిద్దరూ ఔటయ్యాక మయాంక్‌‌ అగర్వాల్‌ (30), కరుణ్‌ నాయర్‌ (29) యువీ (20), అశ్విన్‌ (14) పరుగులు చేసారు. కింగ్స్‌ ఆరంభం చూస్తే ఆ జట్టు ఓ దశలో 220 పరుగులు చేసేలా కనిపించింది.
ఉచితంగా 'హార్లీ డేవిడ్సన్‌' బైక్

ఉచితంగా 'హార్లీ డేవిడ్సన్‌' బైక్

ప్రముఖ బైక్‌ల కంపెనీ హార్లీ డేవిడ్సన్‌ 'హార్లీ డేవిడ్సన్‌' బైక్‌ని ఉచితంగా పొందే అవకాశం కల్పిస్తోంది. ఈ వేసవిలో హార్లీ డేవిడ్సన్‌ కంపెనీలో 12వారాల పాటు ఇంటర్న్‌షిప్‌ చేయాలి. ఎంపికైన అభ్యర్థులకు ఒక బైక్‌ను ఇస్తారు. అభ్యర్థులు ఈ బైక్‌ల మీద విహరించి తమ అనుభవాలను సోషల్‌ మీడియాలో షేర్‌ చేయాలి. ఇంటర్న్‌షిప్‌లో భాగంగా అభ్యర్థులకు బైక్‌ని ఎలా నడపాలి అనే విషయంలో శిక్షణ ఇవ్వడమే కాక వారికి ప్రయాణ ఖర్చులతో పాటు వేతనాన్ని కూడా చెల్లిస్తారు. 18 ఏళ్ళు నిండిన పట్టభద్రులు ఎవరైనా దరఖాస్తు చేసుకోవచ్చు. దరఖాస్తులకు చివరి తేది 2018, మే 11.  
రామ మందిరం తీర్పు అనుకూలంగా రాకుంటే ఆత్మాహుతులు!

రామ మందిరం తీర్పు అనుకూలంగా రాకుంటే ఆత్మాహుతులు!

బీజేపీ సీనియర్ నేత వినయ్ కటియార్ మరోసారి వివాదాస్పద వ్యాఖ్యలు చేశారు. అయోధ్య రామ మందిరం కేసులో సుప్రీం కోర్టు తీర్పు తమకు అనుకూలంగా రాకుంటే ఆత్మాహుతి దళాలు (బలిదానీ దాస్తా) రంగంలోకి దిగుతాయని హెచ్చరించారు. సుప్రీంకోర్టు తన నిర్ణయాన్ని వెల్లడించనంత వరకు ఈ దళాలు ముందుకు రావు, అయితే వాటికి సంబంధించిన ప్రక్రియ ఇప్పటికే మొదలైంది అని లక్నోలో ఆయన మీడియాతో చెప్పారు. బాబ్రీ మసీదు కేసులో పిటిషనర్‌గా ఉన్న ఇక్బాల్ అన్సారీకి ఈ వివాదంపై పూర్తి అవగాహన లేదని కటియార్ చెప్పారు. కటియార్ బాబ్రీ మసీదు కేసులో అభియోగాలు ఎదుర్కొంటున్నారు.    
పదిమందితో జియో ఫోన్ కొనిపిస్తే ..112 జీబీ డేటా ఉచితం

పదిమందితో జియో ఫోన్ కొనిపిస్తే ..112 జీబీ డేటా ఉచితం

రిలయన్స్‌ జియో వినియోగదారులకు బంపర్‌ఆఫర్‌ ప్రకటించింది. ఈసారి ఉచిత డేటా ఆఫర్‌ ప్రకటించింది. 'జియో ఫోన్‌ మ్యాచ్‌ పాస్‌' ఆఫర్లో వినియోగదారులు మరో 10మంది చేత జియో ఫోన్లను కొనిపిస్తే 112 జీబీ డేటాను ఉచితంగా అందిస్తోంది. ఈ ఆఫర్‌ మే 27వ తేదీవరకు మాత్రమే చెల్లుతుంది. 10మంది స్నేహితులు లేదా, బంధువులను జియో ఫోన్‌ కొనుగోలు చేయించాల్సి ఉంటుంది. 1800-890-8900 టోల్‌ ఫ్రీ నంబరుకు ఫోన్‌ చేసి జియో ఫోన్‌పై ఆసక్తి ఉన్న స్నేహితుల గురించి సమాచారం ఇవ్వాలి.