Short News

పిచ్ విషయంలో తప్పుగా అంచనా వేసాం

పిచ్ విషయంలో తప్పుగా అంచనా వేసాం

పిచ్‌ను తప్పుగా అంచనా వేయడంతో రాజస్థాన్‌పై ఓటమి చవిచూసామని బెంగళూరు కెప్టెన్‌ కోహ్లి అభిప్రాయపడ్డాడు. ఆదివారం చిన్నస్వామి స్టేడియంలో జరిగిన మ్యాచ్‌లో రాజస్థాన్‌, బెంగళూరుని చిత్తు చేసింది. రాజస్థాన్‌ బ్యాట్స్‌మన్‌ సంజూశాంసన్‌ చెలరేగడంతో 216 పరుగులు చేసింది. లక్ష్యచేధనలో బెంగళూరు తడబడటంతో రాజస్థాన్‌ విజయాన్నందుకుంది.  మ్యాచ్‌ అనంతరం కోహ్లీ మాట్లాడుతూ 'పిచ్‌ను చాలా నెమ్మదిగా ఉంటుందని భావించా. కానీ ఆశ్చర్యపోయేలా బంతి నేరుగా బ్యాట్‌పైకి వెళ్ళింది' అని పేర్కొన్నాడు. 
మరో ఎన్‌కౌంటర్: ఆరుగురు మావోయిస్టుల మృతి

మరో ఎన్‌కౌంటర్: ఆరుగురు మావోయిస్టుల మృతి

మహారాష్ట్రలోని గడ్చిరోలి జిల్లాలో జరిగిన తాజా ఎన్‌కౌంటర్‌లో ఆరుగురు నక్సల్స్‌ మరణించారు. అదే జిల్లాలో ఆదివారం జరిగిన ఎన్‌కౌంటర్‌లో 16 మంది నక్సల్స్‌ మృతి చెందిన సంగతి తెలిసిందే. గడ్చిరోలి జిల్లా రాజారాం ఖాండ్లా అడవిలోని జిమాల్‌గట్ట ప్రాంతంలో సోమవారం సాయంత్రం ఈ ఎదురుకాల్పులు చోటుచేసుకున్నాయని ఐజీ శరద్‌ షెలార్‌ తెలిపారు. అయితే ఎంతమంది మరణించారన్న దానిపై కచ్చితమైన లెక్క లేకపోయినా కనీసం ఆరుగురు మరణించారని చెప్పారు.

నాతో 15 నిమిషాల చర్చకు సిద్ధమా: మోడీకి రాహుల్ సవాల్

నాతో 15 నిమిషాల చర్చకు సిద్ధమా: మోడీకి రాహుల్ సవాల్

'సేవ్‌ ది కాన్‌స్టిట్యూషన్‌(రాజ్యాంగ పరిరక్షణ)' ప్రచారంలో భాగంగా ప్రధాని నరేంద్ర మోడీకి బహిరంగ సవాలు విసిరారు రాహుల్. రాహుల్‌ గాంధీ సోమవారం 'సేవ్‌ ది కన్‌స్టిట్యూషన్‌' కార్యక్రమాన్ని ఢిల్లీలో ప్రారంభించారు. ఈ సందర్భంగా ' ప్రధాని మోడీ నన్ను పార్లమెంటులో ఎదుర్కోలేరు. నాతో కనీసం 15 నిమిషాల పాటు చర్చకు కూడా ధైర్యం చేయలేరు. ఇప్పుడు ఆయన దృష్టంతా మళ్లీ ప్రధాని కావడం మీదే ఉంది. మోడీజీ నాతో చర్చకు మీరు సిద్ధంగా ఉన్నారా?' అంటూ రాహుల్ గాంధీ సవాల్‌ విసిరారు.

లోకేష్‌పై చంద్రబాబు ప్రశంసలు

లోకేష్‌పై చంద్రబాబు ప్రశంసలు

ఏపీ సీఎం, టీడీపీ అధినేత చంద్రబాబు నాయుడు ఐటీ మంత్రి నారా లోకేష్‌పై ప్రశంసల వర్షం కురిపించారు. మంత్రి లోకేష్‌కు టెక్నాలజీపై మంచి పట్టుందని చెప్పారు. మ‌న ఐటీ మంత్రి ప్రొఫెషనల్‌ అని, ఐటీలో లోకేష్‌కు మంచి పట్టుందని చెప్పారు. తాను మేనేజర్, లీడర్‌ను మాత్రమేనని.. సూచనలు ఇస్తుంటానని చెప్పారు. సాంకేతికత చాలా వేగంగా అభివృద్ధి చెందుతోందని, ప్రస్తుతం ఐటీ వేదికగా నాలుగో పారిశ్రామిక విప్లవం నడుస్తోందని ఏపీ సీఎం, టీడీపీ అధినేత చంద్రబాబు నాయుడు అన్నారు.