Short News

ఇండియాలో టాప్‌ డోన్‌లోడింగ్‌ 'యాప్స్‌'

ఇండియాలో టాప్‌ డోన్‌లోడింగ్‌ 'యాప్స్‌'

నేటి డిజిటల్‌ యుగంలో ప్రతి ఒకరి చేతిలో స్మార్ట్‌ఫోన్‌ కనిపిస్తోంది. వీటిలో పలు యాప్‌లు డౌన్‌లోడ్‌ చేసుకుని ఎన్నో పనులు చేసుకుంటున్నారు. 'యాప్‌ అన్నే' నివేదిక-2018 ప్రకారం ఆండ్రాయిడ్‌, ఐఓఎస్‌ యాప్‌ల ద్వారా ప్రస్తుతం భారత్‌లో అత్యధిక మంది డౌన్‌లోడ్‌ చేస్తున్న టాప్‌-10 యాప్‌లు ఏమిటో తెలుసా. ఫేస్‌బుక్‌, యూసీ బ్రౌజర్‌, యూసీ బ్రౌజర్‌, వాట్సాప్‌, ఎఫ్‌బీ మెసెంజర్‌, షేర్‌ ఇట్‌, జియో టీవీ, ఎయిర్‌టెల్‌ టీవీ, హాట్‌ స్టార్‌, ట్రూకాలర్‌, హైప్‌స్టార్‌ యాప్ లు పదో స్థానాల్లో నిలిచాయి.
‘భూమా’తో సంబంధాలు తెగిపోయాయి: ఏవీ సుబ్బారెడ్డి

‘భూమా’తో సంబంధాలు తెగిపోయాయి: ఏవీ సుబ్బారెడ్డి

ఏపీ మంత్రి భూమా అఖిలప్రియపై టీడీపీ సీనియర్ నేత ఏవీ సుబ్బారెడ్డి తీవ్రంగా మండిపడ్డారు. తనపై ఎప్పుడైతే రాళ్లదాడి జరిపారో అప్పుడే భూమా కుటుంబంతో తనకున్న సంబంధాలు తెగిపోయాయని దివంగత భూమా నాగిరెడ్డి సన్నిహితుడైన ఏవీ సుబ్బారెడ్డి అన్నారు. ఆళ్లగడ్డలో సైకిల్‌ ర్యాలీ సందర్భంగా ఏవీ సుబ్బారెడ్డిపై రాళ్లదాడి జరిగిన విషయం తెలిసిందే. తనపై మంత్రి అఖిలప్రియే రాళ్ల దాడి చేయించారంటూ ఏవీ సుబ్బారెడ్డి అధిష్టానానికి ఫిర్యాదు చేశారు.

గవర్నర్‌పై బాబు యూటర్న్ ఎందుకు?: సోము ఫైర్

గవర్నర్‌పై బాబు యూటర్న్ ఎందుకు?: సోము ఫైర్

గవర్నర్‌పై ఏపీ సీఎం చంద్రబాబు నాయుడు విమర్శలు చేస్తున్న నేపథ్యంలో బీజేపీ ఎమ్మెల్సీ సోము వీర్రాజు తీవ్రంగా స్పందించారు. నాలుగేళ్లుగా మంచివారిగా ఉన్న గవర్నర్ నర్సింహన్.. ఒక్కసారిగా చంద్రబాబుకు చెడ్డవారిగా ఎందుకు కనిపిస్తున్నారని ప్రశ్నించారు. బుధవారం రాజమండ్రిలో మీడియాతో మాట్లాడిన సోము వీర్రాజు.. ఏపీ సీఎం తీరుపై నిప్పులు చెరిగారు. దేశంలో ఏ ముఖ్యమంత్రి కోరని విధంగా 'ప్రజలే నన్ను రక్షించాలి'అని చంద్రబాబు కోరడం విచిత్రంగా ఉందన్నారు.

ఫేస్‌బుక్, కేంబ్రిడ్జ్ అనలిటికాలకు నోటీసులు

ఫేస్‌బుక్, కేంబ్రిడ్జ్ అనలిటికాలకు నోటీసులు

ఫేస్‌బుక్‌ వినియోగదారుల వ్యక్తిగత వివరాల దుర్వినియోగంపై కేంబ్రిడ్జి అనలిటికా, ఫేస్‌బుక్‌ సంస్థలకు భారత ప్రభుత్వం మరోసారి నోటీసులు జారీ చేసింది. గతంలో ఇచ్చిన నోటీసులకు కేంబ్రిడ్జ్‌ అనలిటికా ఇచ్చిన సమాధానంలో స్పష్టత లేని నేపథ్యంలో కేంద్రం రెండు సంస్థలపై మరోసారి ప్రశ్నల వర్షం కురిపించింది. ఎన్నికల ఫలితాలను ప్రభావితం చేయడం వంటి పనులకు భారతీయుల వ్యక్తిగత వివరాలు దుర్వినియోగం కాకుండా నివారించేందుకు ఎలాంటి భద్రతా చర్యలు చేపడుతున్నారో చెప్పాలని ఫేస్‌బుక్‌ను కోరింది.