Short News

రూ.999తో బీఎస్ఎన్‌ఎల్ ప్రీ పెయిడ్ సూపర్ ఆఫర్

రూ.999తో బీఎస్ఎన్‌ఎల్ ప్రీ పెయిడ్ సూపర్ ఆఫర్

ప్రభుత్వ రంగ టెలికాంసంస్థ బీఎస్‌ఎన్‌ఎల్ సరికొత్త ప్లాన్‌ని అందుబాటులోకి తెచ్చింది. ఈ ప్లాన్‌ లో ప్రీ పెయిడ్ కస్టమర్లు రూ.999 రిఛార్జ్‌ చేసుకుంటే ఏడాది వ్యాలిడితో రోజుకు 1జీబీ డేటా, 100 ఎస్ఎంఎస్‌లు, ఆరు నెలల పాటు అన్‌లిమిటెడ్ కాల్స్‌ పొందవచ్చు. డేటా పరిమితి తర్వాత 40 కేబీపీఎస్ వేగంతో ఇంటర్నెట్ వినియోగించుకోవచ్చు. తాజా ఆఫర్‌తో జియో, ఎయిర్‌టెల్‌‌కి బీఎస్ఎన్‌ఎల్ పోటీ ఇవ్వనుంది.
రెండో టీ20లో సత్తా చాటిన సఫారీలు

రెండో టీ20లో సత్తా చాటిన సఫారీలు

భారత్‌తో జరుగుతున్న రెండో టీ20లో సఫారీలు దూకుడుగా ఆడి విజయం సాధించారు. తొలుత టాస్ ఓడి బ్యాటింగ్ చేసిన టీమిండియా మనీష్ పాండే, ధోనీల దూకుడుతో నిర్ణీత 20 ఓవర్లలో నాలుగు వికెట్లు కోల్పోయి 188 పరుగులు చేసింది. లక్ష్యచేధనలో దక్షిణాఫ్రికా ఆటగాడు హెన్రిచ్‌ క్లాసెన్‌ (69) కెప్టెన్ డుమిని (64)ల ధాటికి 18.4 ఓవర్లలో 4 వికెట్ల కోల్పోయి లక్ష్యాన్ని చేధించింది. ఈ విజయంతో సఫారీలు 1-1తో సిరీస్ సమం చేసారు.
బుందేల్ ఖండ్‌పై మోడీ వరాల జల్లు..

బుందేల్ ఖండ్‌పై మోడీ వరాల జల్లు..

ఉత్తరప్రదేశ్‌లోని బుందేల్ ఖండ్‌పై బుధవారం ప్రధాని మోడీ వరాల జల్లు కురిపించారు. ఆ ప్రాంత అభివృద్ధి కోసం రూ.20 వేల కోట్ల ప్యాకేజ్‌తోపాటు రక్షణ పారిశ్రామిక కారిడార్‌ను కూడా ఆయన ప్రకటించారు. బుధవారం లక్నోలో నిర్వహించిన ఉత్తరప్రదేశ్ ఇన్వెస్టర్ సమ్మిట్-2018 కార్యక్రమంలో పాల్గొన్న ప్రధాని మోడీ మాట్లాడుతూ ఈ ప్రాంత అభివృద్ధికి బీజేపీ కట్టుబడి ఉందన్నారు. రక్షణ కారిడార్ కేటాయింపుతో రాష్ట్రానికి రూ.20 వేల కోట్ల పెట్టుబడులు రావడంతోపాటు 2.5 లక్షల మందికి ఉద్యోగాలు లభిస్తాయని మోడీ చెప్పారు.

ఈ ఏడాది పెళ్ళి చేసుకోనున్న 'రోబో' సుందరి

ఈ ఏడాది పెళ్ళి చేసుకోనున్న 'రోబో' సుందరి

నటి అమీ జాక్సన్‌ బ్రిటన్‌కి చెందిన వ్యాపారవేత్త జార్జితో పెళ్ళిపీటలెక్కబోతోంది. వ్యాలెంటైన్స్‌ డే రోజున అమీ ప్రియుడితో కలిసి ఉన్న ఫొటో పోస్ట్‌ చేయడంతో ప్రేమ విషయం అందరికీ తెలిసింది. ఈ ఏడాదిలోనే వీరిద్దరూ పెళ్ళిచేసుకోబోతున్నట్లు తెలుస్తోంది. గతేడాదే వీరిద్దరి పెళ్ళి జరగాల్సి ఉండగా అమీ సినిమాలతో బిజీగా ఉండడంతో వాయిదా వేసినట్లు సమాచారం. అమీ జాక్సన్‌ ప్రస్తుతం '2.0 సినిమాతో బిజీగా ఉంది.