Gujarat Short News

તાપી નદીમાં યુવકે મોતની છલાંગ લગાવી

તાપી નદીમાં યુવકે મોતની છલાંગ લગાવી

સરથાણા વિસ્તારમાં ગેરેજના વ્યવસાય સાથે સંકળાયેલા યુવકે તાપી નદીમાં આપઘાત કર્યો. ઘટનાની જાણ થતાં ફાયરબ્રિગેડનો કાફળો ઘટના સ્થળે દોડી આવ્યો હતો. જો કે યુવકને બચાવવામાં તેઓ નિષ્ફળ રહ્યા હતા. યુવક પાસેથી મળી આવેલા પર્સ દ્વારા તેની ઓળખાણ થઇ શકી છે. પોલીસે અકસ્માતે ગુનો નોંધી કાર્યવાહી આગળ ધપાવી.
એમપીઃ કોર્પોરેશનની ચૂંટણીમાં ભાજપ-કોંગ્રેસને 9-9 સીટ મળી

એમપીઃ કોર્પોરેશનની ચૂંટણીમાં ભાજપ-કોંગ્રેસને 9-9 સીટ મળી

મધ્યપ્રદેશના 19 નગર નિગમ અને 17 જનપદ પંચાયત ચૂંટણીના પરિણામો શનિવારે જાહેર કરવામાં આવ્યા. 17 નગર નિગમની સીટમાંથી બીજેપીને 9 અને કોંગ્રેસને 9 સીટો મળી છે. જ્યારે એક સીટ અપક્ષના ખાતામાં ગઇ છે. છ નગરપાલિકાઓમાંથી બીજેપીએ ફક્ત 2 પર જ જીત મેળવી, જ્યારે કોંગ્રેસે 4 સીટો મેળવી છે. 13 નગર પરિષદની સીટોમાં બીજેપીને 7 અને કોંગ્રેસને 5 સીટોપ પર જીત મળી છે.
સેલવાસઃ સસીબીઆઇ તપાસની માંગ સાથે દાનહ બંધ

સેલવાસઃ સસીબીઆઇ તપાસની માંગ સાથે દાનહ બંધ

સેલવાસમાં પીડબલ્યુડી વિભાગમાં કાર્યપાલક ઈજનેરે ભેદી સંજોગોમાં આપઘાત કરી લેતા ચકચાર મચી ગઈ હતી. ત્રણેક દિવસ અગાઉ એસ.એસ.ભોયાએ કરેલી આત્મહત્યા ભારે શંકાના વાદળો ખડા કરી રહી છે. ત્યારે હાઈ પ્રોફાઈલ આત્મહત્યા કેસની સમગ્ર તપાસ સીબીઆઈ પાસે નિષ્પક્ષ રીતે કરવાની માંગ સાથે સમગ્ર સંઘ પ્રદેશ દાનહમાં બંધ પાળવામાં આવ્યો હતો.
વડોદરામાં ગોજારો અકસ્માત, 3નાં મોત

વડોદરામાં ગોજારો અકસ્માત, 3નાં મોત

શહેર પાસે આવેલા ભીમપુરા પાસે એક કાર અને ટ્રક વચ્ચે ગોજારો અકસ્મમાત સર્જાયો હતો. ઘટનાને પગલે કરમસદમાં આવેલી મેડિકલ કોલેજમાં ફીઝીયોથેરાપીમાં અભ્યાસ કરતા વડોદરાના વિદ્યાર્થિની અને કાર ચાલકનું મોત થયુ્ં હતું. જ્યારે અન્ય એક વિદ્યાર્થિનીને ઇજા પહોંચી હતી. ઉપરાંત એક બાઇક ચાલકનું પણ નિધન થયું હતું.