Short News in Marathi | Marathi Short News | Today's Marathi News Headlines

अक्षय कुमारचा आणखी एक सिनेमा रखडला

बॉलिवूडचा ‘खिलाडी' अक्षय कुमारने आपल्या करिअरची सुरूवात अ‍ॅक्शन चित्रपटांनी केली होती. अक्षयच्या या चित्रपटांना प्रेक्षकांचे अपार प्रेम लाभले. अक्षयने साऊथ सुपरस्टार अजीतच्या ‘वीरम' या चित्रपटाचा हिंदी रिमेक करण्याचा निर्णय घेतला होता. ही बातमी ऐकून अक्षयच्या चाहत्यांची उत्सुकता शिगेला पोहोचली होती. पण ताजी खबर मानाल तर ‘वीरम'च्या हिंदी रिमेकचे काम थंडबस्त्यात गेले आहे.

सरकारकडून शिवस्मारकाचे काम तातडीने थांबवण्याचे आदेश

महाराष्ट्र - 1 month, 20 hr, 42 min ago

फडणवीस सरकारचा महत्त्वाकांक्षी प्रकल्प असलेल्या अरबी समुद्रातील शिवस्मारकाचे काम लांबवणीवर पडण्याची शक्यता आहे. पर्यावरवाद्यांनी घेतलेल्या आक्षेपांमुळे उच्च न्यायालयाने राज्य सरकारला यासंदर्भात तोंडी आदेश दिले होते. त्यानंतर राज्याच्या सार्वजनिक बांधकाम विभागाने शिवस्मारकाचे काम तुर्तास थांबवण्याचे लेखी आदेश कंत्राटदाराला दिले आहेत.

औकातीत राहा; नीलेश राणेंचा शिवसैनिकांना इशारा

महाराष्ट्र - 1 month, 20 hr, 45 min ago

राणे कुटुंबीय आणि शिवसेना यांच्यातील वाक् युद्ध संपण्याची चिन्हे नसून आता नीलेश राणे यांनी पुन्हा एकदा शिवसैनिकांना इशारा दिला आहे. शिवसेनाप्रमुख बाळासाहेब ठाकरेंवर गंभीर आरोप केल्याच्या निषेधार्थ शिवसैनिकांनी नीलेश राणे यांचे पुतळे जाळले होते. या पार्श्वभूमीवर नीलेश राणे यांनी शिवसैनिकांना ‘औकातीत राहा', असा इशाराच दिला आहे.

इंधन दराचे 'अच्छे दिन' संपले, पेट्रोल-डिझेल महागले!

व्यापार - 1 month, 2 days ago

गेल्या काही दिवसांपासून इंधनाच्या दरात सातत्याने घट होत होती. मात्र दर कपातीनंतर आता पुन्हा इंधन दरवाढीचा भडका उडाला आहे. पेट्रोल-डिझेलच्या दरात वाढ झाली आहे. मुंबईत आज पेट्रोल 38 पैशांनी महागलं आहे. त्यामुळे मुंबईकरांना आज पेट्रोलसाठी 75.77 रुपये मोजावे लागतील. डिझेलच्या दरातही 52 पैशांची वाढ झाली आहे. त्यामुळे मुंबईत डिझेलचा दर 67.18 रुपयांवर गेला आहे.