Sports Short News

'गांगुली अन् ग्रेग चॅपेलचच्या वादावर सेहवागचा मोठा खुलासा

'गांगुली अन् ग्रेग चॅपेलचच्या वादावर सेहवागचा मोठा खुलासा

टीम इंडियाचे माजी प्रशिक्षक ग्रेग चॅपेल आणि टीम इंडियाचा माजी कर्णधार सौरव गांगुली यांच्यातील वादावर अजूनही अधूनमधून चर्चा होत असते. आता पुन्हा एकदा या वादावर चर्चा सुरु झाली आहे. या वादाबाबत टीम इंडियाचा माजी खेळाडू वीरेंद्र सेहवाग याने मोठा खुलासा केला. ग्रेगने ईमेल द्वारे बीसीसीआयला काहीतरी लिहित होते, आपण पाहिल्याचे सेहवान म्हणाला. हा वाद झिम्बॉब्वे दौ-यापासून सुरू झाला होता.
धोनीच्या पहिल्या प्रेमाचा आयसीसीने केला फोटो  शेअर

धोनीच्या पहिल्या प्रेमाचा आयसीसीने केला फोटो शेअर

महेंद्रसिंग धोनीची क्रेझ कायम असून पुण्यात रंगलेल्या चेन्नई विरुद्ध राजस्थानच्या सामन्यात त्याचा पुन्हा एकदा प्रत्यय आला. सामन्यावेळी प्रेक्षकांमध्ये उपस्थित असलेल्या एका तरुणीकडचे पोस्टर सर्वांचे लक्ष वेधून घेणारे ठरले. विशेष म्हणजे आयसीसीनेही आपल्या ट्विटर हँडलवरून संबधित छायाचित्र पोस्ट करून धोनीच्या लोकप्रियतेला दाद दिली आहे.  धोनी आपले पहिले प्रेम असल्याचे तिने पोस्टर मध्ये लिहिले होते. 
विराट कोहलीच्या मते 'हा' खेळाडू त्याच्यापेक्षा सरस

विराट कोहलीच्या मते 'हा' खेळाडू त्याच्यापेक्षा सरस

दक्षिण आफ्रिकेचा सर्वोत्तम क्रिकेटपटू एबी डिव्हिलियर्स आणि भारताचा कर्णधार विराट कोहली यांच्यातील मैत्री सर्वश्रृत आहे. आपण या दोघांनाही एकमेकांवर कौतुकाचा वर्षाव करताना आपण पाहिले आहे. मी सर्व प्रकारचे फटके मारत असलो तरी एबी डिव्हिलियर्ससारखे फटके खेळू शकत नसल्याचे विराट कोहलीने इडिया टूडेला सांगितले. विराटने आयपीएलच्या या हंगामात 201 धावा करत अव्वल स्थान गाठले आहे. 
'ऑलिम्पिकच्या पदकासाठी 90 मीटरपेक्षा जास्त अंतर भाला फेकू'

'ऑलिम्पिकच्या पदकासाठी 90 मीटरपेक्षा जास्त अंतर भाला फेकू'

राष्ट्रकुल क्रीडा स्पर्धेतील सुवर्णपदक ही ऑलिम्पिक पदकाची नांदी आहे. त्यासाठी मी 90 मीटरपेक्षा जास्त अंतरापर्यंत भालाफेकीचा सराव करणार आहे, असे आंतरराष्ट्रीय धावपटू नीरज चोप्राने सांगितले. गोल्ड कोस्ट येथे नुकत्याच झालेल्या राष्ट्रकुल क्रीडा स्पर्धेत त्याने सोनेरी कामगिरी केली. या स्पर्धेत भारताला अ‍ॅथलेटिक्समध्ये मिळालेले एकमेव सुवर्णपदक आहे. नीरज येथे बुधवारी मायदेशी परतला.