30 ദിവസത്തിൽ വിറ്റത് 2 ലക്ഷത്തിലധികം കാറുകൾ
ഓട്ടോമൊബൈൽസ്
- 18 days ago
ഇന്ത്യയിൽ മാരുതി സുസുക്കിക്ക് (Maruti Suzuki) എതിരളികളില്ലെന്ന് പറയുന്നത് എത്ര ശരിയാണെന്ന കാര്യം വീണ്ടും ഉറപ്പിച്ചിരിക്കുകയാണ്. 2026 ജൂൺ മാസത്തിലെ വിൽപ്പന കണക്കുകൾ പുറത്തുവരുമ്പോൾ 2,00,390 കാറുകളാണ് കമ്പനി നിരത്തിലെത്തിച്ചിരിക്കുന്നത്. 2025 ജൂണിൽ വിറ്റ 1,67,993 യൂണിറ്റുകളെ അപേക്ഷിച്ച് 19.3 ശതമാനത്തിന്റെ വാർഷിക വളർച്ചയും ബ്രാൻഡിന് നേടിയെടുക്കാനായെന്നതാണ് രസകരമായ കാര്യം. ശക്തമായ പാസഞ്ചർ വാഹന വിൽപ്പന, യൂട്ടിലിറ്റി വാഹനങ്ങളിലെ തുടർച്ചയായ ഡിമാന്റ്, ശക്തമായ കയറ്റുമതി എന്നിവയാണ് രാജ്യത്തെ ഏറ്റവും വലിയ വാഹന നിർമാതാക്കളുടെ ഈ വളർച്ചയ്ക്ക് കാരണമായിരിക്കുന്നത്.
