കിടിലൻ വിലയിൽ കീവേയുടെ ക്രൂയിസർ
ഓട്ടോമൊബൈൽസ്
- 1 hr, 55 min ago
ക്രൂയിസർ ബൈക്കുകൾക്ക് ഏറ്റവും ഡിമാന്റുള്ള നാടുകളിൽ ഒന്നാണ് നമ്മുടെ ഇന്ത്യ. വ്യത്യസ്ത തരത്തിലുള്ള മോഡലുകളുണ്ടെങ്കിലും ദീർഘദൂര യാത്രകൾക്കും സിറ്റി കമ്മ്യൂട്ടിംഗിനും ഒരുപോലെ അനുയോജ്യമായ ഇത്തരം മോട്ടോർസൈക്കിളുകൾ ഏറ്റവും കൂടുതൽ നിർമിക്കുന്ന ബ്രാൻഡ് റോയൽ എൻഫീൽഡാണ്. എന്നാൽ ഇതേ വിഭാഗത്തിൽ മറ്റ് വലിയ ബ്രാൻഡുകളും തങ്ങളുടേതായ രീതിയിൽ വേറിട്ടുനിൽക്കുന്നുണ്ട്. കുറച്ച് വർഷങ്ങളായി ഇന്ത്യൻ വാഹന വിപണിയിലെ സാന്നിധ്യമാണ് ഹംഗേറിയന് ഇരുചക്ര വാഹന നിര്മാതാക്കളായ കീവേ. എൻഫീൽഡ് പോലുള്ള ബ്രാൻഡുകളോട് മത്സരിക്കാൻ കഴിവുള്ള കിടിലൻ മോട്ടോർസൈക്കിളുകൾ തന്നെയാണ് കമ്പനി പുറത്തിറക്കിയിട്ടുള്ളത്.
