₹4.69 ലക്ഷത്തിന്റെ ഇലക്ട്രിക് കാര് നിരത്തിലേക്ക്
ഓട്ടോമൊബൈൽസ്
- 3 hr, 21 min ago
ഇന്ത്യക്കാരുടെ പ്രിയപ്പെട്ട ഇലക്ട്രിക് കാര് മോഡലായ ടിയാഗോ ഇവിയുടെ (Tiago.EV) ഏറ്റവും പുതിയ 2026 ഫെയ്സ്ലിഫ്റ്റ് പതിപ്പിന്റെ രാജ്യത്തെ ആദ്യ ഡെലിവറി ടാറ്റ മോട്ടോര്സ് വിജയകരമായി പൂര്ത്തിയാക്കി. ഗുജറാത്തില് ശക്തമായ സാന്നിധ്യമുള്ള പ്രോഗ്രസീവ് ടാറ്റ ഡീലര്ഷിപ്പിലാണ് ചടങ്ങ് നടന്നത്. 'ചിന്തന് സുതാര് വ്ലോഗ്സ്' (@chintansutharvlogs) എന്ന യൂട്യൂബ് ചാനലിലൂടെയാണ് പുതിയ കാര് ഉപഭോക്താവിന് കൈമാറുന്നതിന്റെ ദൃശ്യങ്ങള് പുറത്തുവന്നത്. ഡീലര്ഷിപ്പിലെത്തിയ ഉപഭോക്താക്കള് പേപ്പര്വര്ക്കുകള് പൂര്ത്തിയാക്കിയ ശേഷം കേക്ക് മുറിച്ചും ഹൈന്ദവ ആചാരപ്രകാരമുള്ള പൂജകള് നിര്വഹിച്ചുമാണ് തങ്ങളുടെ പ്രിയ വാഹനം ഷോറൂമില് നിന്നും ഏറ്റുവാങ്ങിയത്.
