ഡസ്റ്ററി വിലക്കുറവിൽ കൂടുതൽ ഓട്ടോമാറ്റിക് വേരിയന്റുകൾ എത്തും
ഓട്ടോമൊബൈൽസ്
- 3 hr, 2 min ago
ഇന്ത്യയിലേക്ക് തിരിച്ചുവരവ് നടത്തി മികച്ച രീതിയിൽ മുന്നേറിക്കൊണ്ടിരിക്കുകയാണ് റെനോ ഡസ്റ്റർ. നിർത്തിപ്പോയപ്പോഴുണ്ടായിരുന്ന മിഡ്-സൈസ് എസ്യുവി സെഗ്മെന്റിലെ എതിരാളികളേയല്ല തിരിച്ചുവരവിൽ ഡസ്റ്റർ നേരിടേണ്ടി വന്നത്. ന്യൂജെൻ മോഡലുകളുടെ പെരുന്നാളിനിടയിലേക്ക് എത്തിയിട്ടും മോശമാക്കാതെ പിടിച്ചുനിൽക്കാൻ ഫ്രഞ്ച് വാഹന നിർമാതാക്കളുടെ എസ്യുവിക്ക് സാധിച്ചിട്ടുണ്ട്. വിപണിയില് അവതരിപ്പിച്ച് ചുരുങ്ങിയ മാസങ്ങള്ക്കുള്ളില് തന്നെ 5000 യൂണിറ്റുകളുടെ വില്പ്പനയാണ് ഡസ്റ്റർ വാരിയിരിക്കുന്നത്. വിൽപ്പന കൂടുതൽ വർധിപ്പിക്കുന്നതിനായി റെനോ കൂടുതൽ വിലക്കുറവുള്ള ഓട്ടോമാറ്റിക് വേരിയന്റുകൾ ഡസ്റ്ററിലേക്ക് അവതരിപ്പിക്കാൻ പദ്ധതിയിടുകയാണെന്നാണ് പുതിയ റിപ്പോർട്ടുകൾ.
