Short News

இந்தியாவின் அதிவேக ரயில் கனவுக்கு ஜப்பானின் சின்கென்சென் தொழில்நுட்பம் ஏற்கனவே அடித்தளம் அமைத்து வரும் நிலையில், தற்போது ரஷ்யாவும் தனது புதிய அதிவேக புல்லட் ரயிலை வழங்க முன்வந்துள்ளது. ரஷ்யாவின் Transmashholding (TMH) என்ற நிறுவனம், இந்திய சந்தைக்காக இவோல்கா எஃப்ஜி (Ivolga FG) என்ற அதிவேக புல்லட் ரயில் கான்செப்ட்டை இந்தியாவுக்கு வழங்க தயாராக இருப்பதாக அறிவித்துள்ளது.

இந்திய ஆட்டோமொபைல் சந்தையில் தனது வர்த்தகத்தை வலுப்படுத்த நிஸான் நிறுவனம் தீவிர முயற்சிகளை மேற்கொண்டு வருகிறது. நடப்பு ஆண்டில் அறிமுகம் செய்யப்பட்ட நிஸான் டெக்டான் 5 சீட்டர் மிட்சைஸ் எஸ்யூவிக்கு இந்திய வாடிக்கையாளர்கள் மத்தியில் நல்ல வரவேற்பு கிடைத்து வரும் நிலையில், இதன் 7 சீட்டர் மாடலையும் விரைவில் இந்திய சந்தையில் அறிமுகப்படுத்த அந்நிறுவனம் திட்டமிட்டுள்ளது. இதனை நிசான் மோட்டார் இந்தியாவின் நிர்வாக இயக்குனர் சவுரப் வத்ஸா (Saurabh Vatsa) சமீபத்திய நிகழ்ச்சி ஒன்றில் பேசியதன் மூலமாக உறுதியாகி இருக்கிறது.

இந்தியாவின் கார் சந்தை கடந்த ஆகஸ்ட் மாதத்திலும் வலுவான வளர்ச்சியை பதிவு செய்துள்ளது. நாட்டின் முக்கிய கார் நிறுவனங்களின் உள்நாட்டு மொத்த விற்பனை எண்ணிக்கையை அடிப்படையாகக் கொண்டு பார்க்கும்போது, மொத்தம் 4,41,576 கார்கள் விற்பனை செய்யப்பட்டுள்ளன. கடந்த ஆண்டு ஆகஸ்ட் மாதத்தில் 3,27,719 கார்கள் விற்பனை செய்யப்பட்ட நிலையில், இந்த ஆண்டு 34.7 சதவீத வளர்ச்சி ஏற்பட்டுள்ளது.

டாடா மோட்டார்ஸ், மஹிந்திரா நிறுவனங்களை போலவே இந்தியாவின் மிக முக்கியமான வாகன தயாரிப்பு குழுமமாக மாற வேண்டும் என்ற வேட்கையுடன் களமிறங்கி உள்ளது ஜேஎஸ்டபிள்யூ மோட்டார் நிறுவனம். சீனாவின் செயிக் குழுமத்தின் அங்கமாக செயல்பட்டு வரும் இங்கிலாந்து பிராண்டான எம்ஜி மோட்டார் நிறுவனத்தில் குறிப்பிடத்தக்க பங்குடன் ஏற்கனவே இந்திய சந்தையில் கால் பதித்து விட்ட ஜேஎஸ்டபிள்யூ மோட்டார் அடுத்து சொந்த பிராண்டிலும் கார்களை மிக விரைவில் அறிமுகம் செய்ய இருக்கிறது.