India Short News

அன்று திமுகவில் ஸ்டாலின் தரப்புதான் குஷ்புவுக்கு நிறைய நெருக்கடி தந்து வெளியேற்றியது.. அதனால், ஸ்டாலினை கடுமையாக விமர்சனம் செய்ய குஷ்புதான் சரியாக நபர் என்று பாஜக கருதுகிறதாம். எப்படி பார்த்தாலும் ஸ்டாலினுக்கு எதிரான வலுவான வேட்பாளர்தான் நிறுத்த முடிவாகி உள்ளது. கொளத்தூரிலேயே ஸ்டாலினை தோற்கடிப்பதாக இருந்தால், தமிழகம் முழுவதும் பிரச்சாரம் கூட தேவையில்லை என்ற யோசனையும் பாஜகவுக்கு இருக்கிறது.

நாடு முழுவதும் பரவலாக கொரோனாவின் தாக்கம் வெகுவாக குறைந்தும் வருகிறது. தம்முடைய ட்விட்டர் பக்கத்தில், நாட்டு மக்களிடையே ஒரு முக்கியமான செய்தியை பகிர்ந்து கொள்ளப் போகிறேன் என பிரதமர் மோடி அறிவித்திருக்கிறார். இன்றைய உரையின் போது, பண்டிகை கால முன்னெச்சரிக்கைகள் உள்ளிட்டவை குறித்து பிரதமர் மோடி அறிவுறுத்தரக் கூடும் என எதிர்பார்க்கப்படுகிறது.

விருதுநகர்: இந்திய தேசிய லீக் கட்சியின் மாநில தலைவர் பஷீர் அகமதுவுக்கு தொழிலதிபர் ஒருவர் கொலைமிரட்டல் விடுத்ததாக போலீஸ் வழக்குப்பதிவு செய்துள்ளது.சென்னை கோனிமேடு பகுதியை சேர்ந்த கலிலுர் ரஹ்மான் என்பவரிடம் பஷீர் அகமது ரூ.3 கோடி கடன் பெற்றிருந்ததாகவும் அதில் ஒன்றரை கோடி ரூபாய் மட்டுமே திருப்பிக் கொடுத்துள்ளதாகவும், மீதி ஒன்றரைக் கோடியை தராமல் பஷீர் அகமது தாமதித்து வந்ததாகவும் தெரிவிக்கப்படுகிறது.

இளம் பெண்கள், இளைஞர்கள் பாசறை மூலமாக இளம் வாக்காளர்களின் வாக்குகளை கவரும் திட்டத்தை அதிமுக கையில் எடுக்கவுள்ளது. ஜெயலலிதா காலத்தில் இலவச லேப்டாப் திட்டம் வெற்றியை பெற்றது. தற்போதும் அதேபாணி திட்டமாக எதை செய்யலாம் என்ற யோசனையில் உள்ளதாம். திமுக தரப்பில் கண்டிப்பாக இலவச மொபைல் போன் தரும் திட்டம் கையில் எடுக்கப்படலாம் என எதிர்பார்ப்பு நிலவுவதால் அதை மிஞ்சும் வகையிலான திட்டத்தை யோசித்து வருகிறதாம்.