Automobile Short News

இந்தியாவில் தேர்தல் காலங்களில் தேர்தல் பணிகளுக்குத் தேவையான போக்குவரத்து வசதிக்காக, சட்டப்பூர்வ நடைமுறைகளின் கீழ் தனியார் வாகனங்களை அரசு நிர்வாகம் தற்காலிகமாக கையகப்படுத்தி பயன்படுத்திக் கொள்வது நடைமுறையில் உள்ளது. ஆனால், தேர்தல் பணிக்காக நள்ளிரவில் குடும்பத்துடன் பயணித்துக் கொண்டிருந்த ஒருவரின் சொந்த பயன்பாட்டு வாகனத்தை அங்குள்ள வட்டாரப் போக்குவரத்துத் துறை அதிகாரிகள் வலுக்கட்டாயமாகப் பறிமுதல் செய்ய முயன்றதாக எழுந்துள்ள குற்றச்சாட்டு பெரும் பரபரப்பை ஏற்படுத்தியுள்ளது.

இந்திய கார் சந்தையில் கடந்த ஆகஸ்ட் மாதாந்திர கார் விற்பனை புதிய சாதனையை பதிவு செய்துள்ளது. நாடு முழுவதும் மொத்தம் 4,02,398 பயணிகள் வாகனங்கள் விற்பனையாகி உள்ளன. கடந்த ஆண்டு ஆகஸ்ட் மாதத்தில் 3,46,468 கார்கள் விற்பனையான நிலையில், இந்த ஆண்டு விற்பனை 16.14 சதவீதம் அதிகரித்துள்ளது. மேலும், இதுவரையில் ஆகஸ்ட் மாதத்தில் இந்தியாவின் பயணிகள் வாகன சில்லறை விற்பனை 4 லட்சத்தை கடந்தது இதுவே முதல் முறை என்ற சாதனையும் படைத்துள்ளது.

இந்திய கார் சந்தையில் சிஎன்ஜி எரிபொருள் கார்களுக்கான வரவேற்பு தொடர்ந்து அதிகரித்து வருகிறது. கடந்த ஆகஸ்ட் மாதத்தில் பயணிகள் வாகன சில்லறை விற்பனையில் சிஎன்ஜி மற்றும் எல்பிஜி பயணிகள் வாகனங்கள் மட்டும் 25.28 சதவீத பங்கை பெற்றுள்ளன. சிஎன்ஜி, ஹைப்ரிட், எலெக்ட்ரிக் ஆகியவை சேர்ந்து 41.95 சதவீதத்தை எட்டிய நிலையில், பெட்ரோல் மற்றும் பெட்ரோல் எத்தனால் கலப்பு எரிபொருள் கார்களின் பங்கு 40.85 சதவீதமாக இருந்தது.

வியட்நாம் நாட்டை சேர்ந்த வின்ஃபாஸ்ட் நிறுவனம் இந்தியாவில் தனது எலெக்ட்ரிக் கார் வரிசையை அதிகரிக்கும் முயற்சியில் தீவிரமாக இறங்கி உள்ளது. தற்போது VF6, VF7 மற்றும் VF MPV 7 ஆகிய மாடல்களை இந்தியாவில் விற்பனை செய்து வருகிறது.