Short News

உலகின் மிகப்பெரிய இருசக்கர வாகன சந்தையாக இருந்து வரும் இந்தியாவில், ஒவ்வொரு மாதமும் விற்பனை புள்ளிவிவரங்கள் பெரும் எதிர்பார்ப்பை ஏற்படுத்தி வருகின்றன. குறிப்பாக, கிராமப்புற தேவை, நகர்ப்புற போக்குவரத்து, பண்டிகைக் கால சலுகைகள் மற்றும் புதிய மாடல்களின் அறிமுகம் போன்ற காரணிகள் இருசக்கர வாகன விற்பனையில் நேரடி தாக்கத்தை ஏற்படுத்துகின்றன. இந்திய வாகன உற்பத்தியாளர் கூட்டமைப்பு (SIAM) வெளியிட்டுள்ள சமீபத்திய அறிக்கையின்படி, கடந்த ஜூன் மாதத்தில் இந்திய இருசக்கர வாகன சந்தை மீண்டும் வலுவான வளர்ச்சியை பதிவு செய்துள்ளது.

இந்தியாவில் எத்தனால் கலந்த E20 பெட்ரோல் பயன்பாடு படிப்படியாக விரிவுபடுத்தப்பட்டு வரும் நிலையில், பழைய பெட்ரோல் கார் உரிமையாளர்கள் மத்தியில் அதுகுறித்த பெரிய விவாதத்தை கிளப்பியுள்ளது. சமூக வலைத்தளங்களில் பல வாகன உரிமையாளர்கள் E20 பெட்ரோல் பயன்பாடு மற்றும் அது எஞ்சினை பாதிக்கும் என்று அச்சம் தெரிவித்து வருகின்றன. இந்த நிலையில், சமீபத்தில் வெளியான ஒரு புதிய சர்வே, E20 பெட்ரோல் தொடர்பான விவகாரத்தை மீண்டும் தேசிய அளவில் பேசுபொருளாக்கியுள்ளது.

இந்திய கார் சந்தையில் ஜூலை மாதத்தின் இரண்டாவது பாதி மிகவும் பரபரப்பாக இருக்க உள்ளது. காம்பாக்ட் எஸ்யூவி, பிளக்-இன் ஹைபிரிட் (PHEV), ஸ்ட்ராங் ஹைபிரிட் மற்றும் பிக்-அப் டிரக் என வெவ்வேறு பிரிவுகளில் பல முக்கிய மாடல்கள் அறிமுகமாக உள்ளன. குறிப்பாக, நீண்ட காலமாக எதிர்பார்க்கப்பட்ட சில மாடல்கள் இந்த மாத இறுதிக்குள் அறிமுகமாகலாம் என தகவல்கள் வெளியாகியுள்ளன.

சீனாவை சேர்ந்த முன்னணி கார் தயாரிப்பு நிறுவனமான செர்ரி (Chery Automobile), இந்தியாவில் தனது தயாரிப்பு வரிசையை விரிவுபடுத்தும் முயற்சியில் தொடர்ந்து காப்புரிமை (Design Patent) விண்ணப்பங்களை தாக்கல் செய்து வருகிறது. அந்த வரிசையில் தற்போது LEPAS L4 என்ற புதிய எலெக்ட்ரிக் எஸ்யூவியின் வடிவமைப்பிற்கும் இந்தியாவில் காப்புரிமை பெறப்பட்டுள்ளது. இந்த மாடல் உடனடியாக இந்தியாவில் அறிமுகமாகும் என்பதற்கான உறுதியான தகவல் அல்ல. இருப்பினும், எதிர்கால திட்டங்களுக்கு முன்னோட்டமாக பார்க்கப்படுகிறது.