Short News

மாதாந்திர கார் விற்பனை தரவுகளின்படி, சிறிய கார்களின் விற்பனை தொடர்ந்து கணிசமாக உயர்ந்து வருகிறது. யாருமே எதிர்பாராத வகையில் கடந்த மாதம் சிறிய கார்களின் விற்பனையின் வளர்ச்சி 78 சதவீதம் அதிகரித்துள்ளது. குறிப்பாக, முதல்முறையாக கார் வாங்குவோர் தற்போது எஸ்யூவி மாடல்களைவிட சிறிய வகையிலான ஹேட்ச்பேக் கார்கள் பக்கம் கவனத்தை திருப்பி உள்ளனர்.

பாரத் என்சிஏபி அமைப்பு நடத்திய பாதுகாப்பு தரத்தை மதிப்பிடும் மோதல் சோதனையில் டாடா பன்ச் எலெக்ட்ரிக் எஸ்யூவி கார் அதிகபட்சமான 5 நட்சத்திர மதிப்பீட்டை பெற்று அசத்தி உள்ளது. டாடா பன்ச் எலெக்ட்ரிக் எஸ்யூவின் அனைத்து வேரியண்ட்டுகளுக்கும் இந்த பாதுகாப்பு தர மதிப்பீடு பொருந்தும் என்றும் தெரிவிக்கப்பட்டுள்ளது.

நாட்டில் எத்தனை வாகனங்கள் இ20 பெட்ரோல் வாகனங்களுக்கு இணக்கமாக தயாரிக்கப்பட்டவை என்று மதிப்பீடு எதுவும் செய்வில்லை என்று நாடாளுமன்றத்தில் மத்திய அரசு தெரிவித்துள்ளது. இதனால், இ20 பெட்ரோல் விற்பனைக்கு கொண்டு வரும்போது, அரசு சார்பில் எந்த ஒரு முழுமையான மதிப்பீடும் செய்யவில்லை என்பது தெரியவந்துள்ளது. இது வாகன உரிமையாளர்கள் மத்தியில் பெரும் விவாதத்தை ஏற்படுத்தி உள்ளது.

கடந்த வாரம் விற்பனைக்கு கொண்டு வரப்பட்ட புதிய மாருதி சுஸுகி பிரெஸ்ஸா ஃபேஸ்லிஃப்ட் காரின் டெலிவிரிப் பணிகள் தற்போது நாடு முழுவதும் உள்ள டீலர்களில் தொடங்கி உள்ளது. மாருதி நிறுவனத்தின் அரேனா (Arena) ஷோரூம்களில் முன்பதிவு செய்த வாடிக்கையாளர்களுக்கு வரிசைப்படி, புதிய பிரெஸ்ஸா கார் டெலிவிரி வழங்கப்பட்டு வருகிறது.