Movie Short News

"ಲೆಗಸಿ ನಮಗೆ ದೊಡ್ಡ ಪ್ರಾಬ್ಲಂ": ಯಶ್ ಉದಾಹರಣೆ ಕೊಟ್ಟು ದರ್ಶನ್ ಹೇಳಿದ್ದೇನು?

"ಲೆಗಸಿ ನಮಗೆ ದೊಡ್ಡ ಪ್ರಾಬ್ಲಂ": ಯಶ್ ಉದಾಹರಣೆ ಕೊಟ್ಟು ದರ್ಶನ್ ಹೇಳಿದ್ದೇನು?

ಖ್ಯಾತ ಖಳನಟ ತೂಗುದೀಪ ಶ್ರೀನಿವಾಸ್ ಮಗನಾದರೂ ದರ್ಶನ್ ಚಿತ್ರರಂಗದಲ್ಲಿ ಗುರ್ತಿಸಿಕೊಳ್ಳಲು ಬಹಳ ಕಷ್ಟಪಡಬೇಕಾಯಿತು. ಈ ಬಗ್ಗೆ ಅವರು ಬಹಳ ಸಂದರ್ಭಗಳಲ್ಲಿ ಹೇಳಿಕೊಂಡಿದ್ದಾರೆ. ಚಿತ್ರರಂಗದಲ್ಲಿ ಅವಮಾನ, ಅಪಮಾನ ಎದುರಿಸಿ ಬಾಕ್ಸಾಫೀಸ್ ಸುಲ್ತಾನ್ ಪಟ್ಟಕ್ಕೆ ಏರಿದವರು ದರ್ಶನ್. ಸಾಕಷ್ಟು ಏಳುಬೀಳು ಕಂಡು ಇವತ್ತು ಕನ್ನಡದ ಟಾಪ್ ನಟರ ಸಾಲಿನಲ್ಲಿ ನಿಂತಿದ್ದಾರೆ. ದೊಡ್ಡ ಅಭಿಮಾನಿ ಬಳಗ ಸೃಷ್ಟಿಸಿಕೊಂಡಿದ್ದಾರೆ. ಆದರೆ ಆರಂಭದ ದಿನಗಳಲ್ಲಿ ಪರಿಸ್ಥಿತಿ ಈ ರೀತಿ ಇರಲಿಲ್ಲ. ತಮ್ಮನ್ನು ತಾವು ಸಾಬೀತು ಪಡಿಸಿಕೊಳ್ಳಲು ಪಟ್ಟ ಪಾಡು ಅಷ್ಟಿಷ್ಟಲ್ಲ.

1000, 1200, 1450 ರೂಪಾಯಿಗಳಿಗೆ 'ಅವತಾರ್ 2' ಟಿಕೆಟ್ ಸೇಲ್; ಭಾರತದ ಯಾವ ನಗರದಲ್ಲಿ ದುಬಾರಿ?

1000, 1200, 1450 ರೂಪಾಯಿಗಳಿಗೆ 'ಅವತಾರ್ 2' ಟಿಕೆಟ್ ಸೇಲ್; ಭಾರತದ ಯಾವ ನಗರದಲ್ಲಿ ದುಬಾರಿ?

ಹದಿಮೂರು ವರ್ಷಗಳ ಹಿಂದೆ ಅವತಾರ್ ಎಂಬ ಮ್ಯಾಗ್ನಮ್ ಒಪಸ್ ಒಂದು ಇಡೀ ವಿಶ್ವ ಚಿತ್ರರಂಗವನ್ನೇ ತನ್ನ ಕಥೆ, ಮೇಕಿಂಗ್ ಹಾಗೂ ಕಲೆಕ್ಷನ್ ಮೂಲಕ ಅಲುಗಾಡಿಸಿತ್ತು. ಅವತಾರ್ ಅಂದಿನ ಟಿಕೆಟ್ ದರದಲ್ಲಿ ಗಳಿಸಿದ್ದ ಮೊತ್ತವನ್ನು ಬರೋಬ್ಬರಿ ಹನ್ನೊಂದು ವರ್ಷಗಳ ನಂತರ ಮುರಿಯಲು ಸಾಧ್ಯವಾಯಿತು. ಈ ಮಟ್ಟಿಗಿನ ದಾಖಲೆ ಬರೆಯುವಂತಹ ಕತೆಯನ್ನು ಹದಿಮೂರು ವರ್ಷಗಳ ಹಿಂದೆ ಹೇಳಿದ್ದ ನಿರ್ದೇಶಕ ಜೇಮ್ಸ್ ಕ್ಯಾಮರಾನ್ ಇದೀಗ ಅವತಾರ್‌ನ ಮುಂದುವರಿದ ಭಾಗ 'ಅವತಾರ್ 2' ಅಥವಾ 'ಅವತಾರ್: ದಿ ವೇ ಆಫ್ ವಾಟರ್' ಅನ್ನು ಪ್ರೇಕ್ಷಕರ ಮುಂದಿಡಲು ಸಜ್ಜಾಗಿದ್ದಾರೆ.

ಕಮಲ್ ಹಾಸನ್‌ ವಿರುದ್ಧ ಮಾಜಿ ಬಿಗ್‌ಬಾಸ್ ಸ್ಪರ್ಧಿ ವನಿತಾ ಗಂಭೀರ ಆರೋಪ

ಕಮಲ್ ಹಾಸನ್‌ ವಿರುದ್ಧ ಮಾಜಿ ಬಿಗ್‌ಬಾಸ್ ಸ್ಪರ್ಧಿ ವನಿತಾ ಗಂಭೀರ ಆರೋಪ

ಕನ್ನಡದಲ್ಲಿ ಸುದೀಪ್‌ ಬಿಗ್‌ಬಾಸ್ ಕಾರ್ಯಕ್ರಮ ನಡೆಸಿಕೊಡುವಂತೆಯೇ ಕಮಲ್ ಹಾಸನ್ ತಮಿಳಿನಲ್ಲಿ ಬಿಗ್‌ಬಾಸ್ ನಿರೂಪಣೆ ಮಾಡುತ್ತಾರೆ. ಕನ್ನಡದಲ್ಲಿ ಸುದೀಪ್‌ಗೆ ಇರುವಂತೆಯೇ ತಮಿಳಿನಲ್ಲಿ ಕಮಲ್ ನಿರೂಪಣೆಗೆ ಅಭಿಮಾನಿ ವರ್ಗವಿದೆ. ಆದರೆ ಇದೀಗ ಕಮಲ್ ಹಾಸನ್‌ ವಿರುದ್ಧ ಮಾಜಿ ಬಿಗ್‌ಬಾಸ್ ಸ್ಪರ್ಧಿಯೊಬ್ಬರು ಗಂಭೀರ ಆರೋಪ ಮಾಡಿದ್ದಾರೆ. ತಮಿಳು ಬಿಗ್‌ಬಾಸ್ ಸೀಸನ್ ಆರು ಪ್ರಸ್ತುತ ಚಾಲ್ತಿಯಲ್ಲಿದ್ದು ಈವರೆಗೆ ಏಳು ಮಂದಿ ಸ್ಪರ್ಧಿಗಳು ಮನೆಯಿಂದ ಹೊರ ಹೋಗಿದ್ದಾರೆ. ಒಬ್ಬ ಸ್ಪರ್ಧಿ ಇತರೆ ಕಾರಣಗಳಿಂದ ಮನೆಯಿಂದ ಹೊರಗುಳಿದಿದ್ದಾರೆ. ಆದರೆ ಇದೀಗ ಮಾಜಿ ಬಿಗ್‌ಬಾಸ್ ಸ್ಪರ್ಧಿಯೊಬ್ಬರು ಶೋ ನಿರೂಪಕ ಕಮಲ್ ಹಾಸನ್ ವಿರುದ್ಧ ಗಂಭೀರ ಆರೋಪವೊಂದನ್ನು ಮಾಡಿದ್ದಾರೆ.

BBK9: ಕಾಡಿನ ಊಟ ಉಂಡು ಹೌಹಾರಿದ ಮನೆ ಮಂದಿ: ರೂಪೇಶ್ ಗೋಳೋ ಕೇಳೋರಿಲ್ಲ..!

BBK9: ಕಾಡಿನ ಊಟ ಉಂಡು ಹೌಹಾರಿದ ಮನೆ ಮಂದಿ: ರೂಪೇಶ್ ಗೋಳೋ ಕೇಳೋರಿಲ್ಲ..!

ಊಟಕ್ಕೆಂದು ಬೇರೆ ಏನನ್ನು ಬಿಗ್ ಬಾಸ್ ನೀಡಿಲ್ಲ. ಬೆಳಗ್ಗಿನ ತಿಂಡಿಗೆ ಮನೆಯಲ್ಲಿ ಇದ್ದ ಅಕ್ಕಿಯನ್ನು ಬಳಸಿ ಅನ್ನ ಮಾಡಿ, ಬೇಳೆ ಬೇಯಿಸಿ, ಅನ್ನ ಬೇಳೆ ಮಿಕ್ಸ್ ಮಾಡಿ ಎಲ್ಲರಿಗೂ ನೀಡಲಾಗಿದೆ. ಅದನ್ನೇ ಮೃಷ್ಟಾನ್ನ ಬೋಜನ ಎಂದು ಎಲ್ಲರೂ ಸವಿದಿದ್ದಾರೆ. ಆದರೆ ಮಧ್ಯಾಹ್ನಕ್ಕೆ ಏನು ಮಾಡುವುದು ಎಂದು ಮನೆಯವರೆಲ್ಲಾ ತಲೆ ಮೇಲೆ ಕೈ ಹೊತ್ತು ಕುಳಿತಿದ್ದಾರೆ. ಅದರಲ್ಲೂ ಇನ್ನು ಎರಡು ದಿನಗಳ ಕಾಲ ಇದೇ ವನವಾಸದಲ್ಲಿ ಇರಬೇಕು ಎಂಬ ಆತಂಕ ಮನೆ ಮಂದಿಗೆ ಶುರುವಾಗಿದೆ.