Business Short News

ఫ్లాట్‌గా ట్రేడవుతున్న స్టాక్ మార్కెట్లు

ఫ్లాట్‌గా ట్రేడవుతున్న స్టాక్ మార్కెట్లు

దేశీయ మార్కెట్లు ఒడుదొడుకుల్లో సాగుతున్నాయి. నేటి ట్రేడింగ్‌లో సూచీలు ఫ్లాట్‌గా కదులుతున్నాయి. అంతర్జాతీయ వాణిజ్య యుద్ధ భయాలు సద్దుమణగడంతో మదుపర్లు కొనుగోళ్ళ వైపు మొగ్గుచూపారు. దీంతో బుధవారం నాటి ట్రేడింగ్‌ను సూచీలు లాభాలతో ప్రారంభించాయి. సెన్సెక్స్‌ 12 పాయింట్ల లాభంతో 37,302 వద్ద, నిఫ్టీ 2 పాయింట్ల లాభంతో 11,281 వద్ద ట్రేడవుతున్నాయి. డాలర్‌తో రూపాయి మారకం విలువ 23 పైసలు కోలుకుని 72.74గా కొనసాగుతోంది. ఉదయం ఉత్సాహంగానే ప్రారంభమైన సూచీలు స్తబ్దుగా కదులుతున్నాయి.  
రేపటి నుండి 'పేటీఎం మాల్' ఫెస్టివల్‌ సేల్

రేపటి నుండి 'పేటీఎం మాల్' ఫెస్టివల్‌ సేల్

పేటీఎం మాల్‌లో రేపటి నుంచి మూడు రోజుల పాటు ఫెస్టివల్‌ సెలబ్రేషన్స్‌ ప్రారంభం కాబోతున్నాయి. ఈ సేల్‌లో స్మార్ట్‌ఫోన్లు, ఇతర ఎలక్ట్రానిక్స్‌ ఉత్పత్తులపై డిస్కౌంట్లను, క్యాష్‌బ్యాక్‌ ఆఫర్లను ప్రకటించింది. ఈ సేల్‌లో భాగంగా కస్టమర్లు సుజుకి జిక్సర్‌ బైక్‌ను గెలుపొందే అవకాశాన్ని కల్పిస్తోంది. పలు స్మార్ట్‌ఫోన్లపై పేటీఎం 50 శాతం డిస్కౌంట్‌ అందిస్తుంది. గెలాక్సీ నోట్‌ 9 128జీబీ వేరియంట్‌ను రూ.67,900కే కొనుగోలు చేయొచ్చు. మోటో జీ6పై 12 శాతం డిస్కౌంట్‌ను ఆఫర్‌ చేస్తుంది. అయితే ఈ ఫెస్టివ్‌ సేల్‌ నిర్వహించే రోజుల్లో ఆఫర్లు మారతాయి.
వాషింగ్టన్‌, చికాగో, లాస్‌ ఏంజెలిస్‌ @రూ.13,499

వాషింగ్టన్‌, చికాగో, లాస్‌ ఏంజెలిస్‌ @రూ.13,499

'వావ్‌ ఎయిర్‌' విమానయాన సంస్థ చౌక ధరల ఆఫర్లను ప్రకటించింది. రూ.13,499కే దిల్లీ నుంచి అమెరికా, కెనడాకు ప్రయాణాన్ని కల్పిస్తోంది. ఈనెల 18న మొదలైన టికెట్ల విక్రయం 28న ముగియనుంది. ఈ ఏడాది డిసెంబరు నుంచి 2019 మార్చి మధ్యలో ప్రయాణాలకు ఈ ఆఫర్‌ వర్తిస్తుంది. చికాగో, ఓర్లాండో, నెవార్క్‌, డెట్రాయిట్‌, శాన్‌ఫ్రాన్సిస్కో, బాల్టిమోర్‌, బోస్టన్‌, పిట్స్‌బర్గ్‌, లాస్‌ ఏంజెలిస్‌, వాషింగ్టన్‌ డీసీ, సెయింట్‌ లూయిస్‌లకు ప్రయాణికులు రూ.13,499తో ప్రయాణం చేయచ్చు అని తెలిపింది.
2019 ఏప్రిల్‌ 1న బీఓబీ, విజయా, దేనా బ్యాంక్‌ల విలీన బ్యాంకు

2019 ఏప్రిల్‌ 1న బీఓబీ, విజయా, దేనా బ్యాంక్‌ల విలీన బ్యాంకు

బ్యాంక్‌ ఆఫ్‌ బరోడా, విజయా బ్యాంక్‌, దేనా బ్యాంక్‌ల విలీన బ్యాంకు కార్యకలాపాలు 2019 ఏప్రిల్‌ 1 నుంచి ప్రారంభమయ్యే అవకాశం ఉంది. కొత్త బ్యాంకు రూ.14.82 లక్షల కోట్ల వ్యాపారంతో దేశంలోనే మూడో అతిపెద్ద బ్యాంకుగా అవతరించనుంది. ఆర్థిక శాఖ సీనియర్‌ అధికారి ఒకరు మాట్లాడుతూ 'కొత్త బ్యాంకు కార్యకలాపాలు వచ్చే ఆర్థిక సంవత్సరం మొదటి రోజు నుంచి ప్రారంభం అవుతాయని అనుకుంటున్నాం. ఈ నెలలో జరిగే ఆయా బ్యాంకుల బోర్డు సమావేశాల్లో తీసుకునే నిర్ణయాల ప్రకారం, విలీన ప్రక్రియ విధానాన్ని రూపొందిస్తారు' అని తెలిపారు.
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more