Telangana Short News

వస్తున్నా.. కొండగట్టునుంచి మొదలెడుతున్నా.. ఆశీర్వదించండి: జనసేనాని కీలక ప్రకటన

వస్తున్నా.. కొండగట్టునుంచి మొదలెడుతున్నా.. ఆశీర్వదించండి: జనసేనాని కీలక ప్రకటన

'మీ ముందుకు వస్తున్నా.. ఆశీర్వదించండి' అంటూ సినీనటుడు, జనసేన అధినేత పవన్ కల్యాణ్ శనివారం కీలక ప్రకటన చేశారు. తన అప్రహిత రాజకీయ యాత్రను తెలుగునేలపై పుణ్యస్థలమైన కొండగట్టు ఆంజనేయ స్వామి ఆలయం నుంచి ప్రారంభించబోతున్నట్లు ఆయన పేర్కొన్నారు. 2009లో ఎన్నికల ప్రచారంలో సంభవించిన పెను ప్రమాదం నుంచి తాను కొండగట్టు వద్దే క్షేమంగా బయటపడ్డానని, దానికితోడు తమ కుటుంబ ఇలవేల్పు కూడా ఆంజనేయ స్వామి కావడం తన రాజకీయ యాత్రను అక్కడ్నుంచి ఆరంభించేందుకు కారణభూతమైందని పవన్ కళ్యాణ్ తెలిపారు.

ఆప్ ఎమ్మెల్యేలపై అనర్హత వేటు: కేసీఆర్‌పై రేవంత్‌కు దొరికిన అస్త్రం

ఆప్ ఎమ్మెల్యేలపై అనర్హత వేటు: కేసీఆర్‌పై రేవంత్‌కు దొరికిన అస్త్రం

తెలంగాణ ప్రభుత్వంపై కాంగ్రెస్ నేత రేవంత్ రెడ్డి తీవ్రస్థాయిలో విరుచుకుపడ్డారు. కేసీఆర్ సర్కారు అధికార దుర్వినియోగానికి పాల్పడుతోందని ఆరోపించారు.

శనివారం ఆయన మీడిమాతో మాట్లాడుతూ.. పార్లమెంటరీ సెక్రటరీలుగా శాసనసభ్యులు ఉండరాదని అన్నారు. ఈ విధంగా బాధ్యతలు నిర్వహిస్తున్న ఆరుగురు ఎమ్మెల్యేలను అనర్హులుగా ప్రకటించాలని కేంద్ర ఎన్నికల సంఘానికి ఫిర్యాదు చేస్తామని అన్నారు. ఆ ఎమ్మెల్యేలు వెంటనే రాజీనామా చేయాలని డిమాండ్ చేశారు.

మందకృష్ణ బెయిల్ పిటీషన్‌ కొట్టివేత

మందకృష్ణ బెయిల్ పిటీషన్‌ కొట్టివేత

అనుమతి లేకుండా దీక్ష చేశారనే కేసులో ఎంఆర్‌పీఎస్ నాయకులు మందకృష్ణ మాదిగ వేసిన బెయిల్ పిటీషన్‌ను సికింద్రాబాద్ కోర్టు తిరస్కరించింది. కాగా, ఇదే కేసులో మందకృష్ణ మినహా ఐదుగురికి బెయిల్ మంజూరు చేసింది. దీంతో మందకృష్ణ బెయిల్ కోసం జిల్లా కోర్టులో అప్పీలు చేస్తామని స్పష్టం చేశారు. అనుమతి లేకుండా దీక్ష, రెచ్చగొట్టే ప్రసంగాలు చేశారనే కారణంతో ఈనెల 2న చిలకలగూడ పోలీసులు మందకృష్ణను అరెస్ట్ చేసిన సంగతి తెలిసిందే.
కలెక్టర్ ఆమ్రపాలిపై కోర్టు ఆగ్రహం: కారు జప్తునకు ఆదేశం

కలెక్టర్ ఆమ్రపాలిపై కోర్టు ఆగ్రహం: కారు జప్తునకు ఆదేశం

కలెక్టర్ ఆమ్రపాలి కాటాపై జిల్లా కోర్టు శనివారం ఆగ్రహం వ్యక్తం చేసింది. ఐసీడీఎస్ అద్దె భవనానికి అద్దె చెల్లించనందుకు కలెక్టర్ వాహనాన్ని జప్తు చేయాలని ఆదేశాలు జారీ చేసింది.

తన భవనాన్ని ఐసీడీఎస్ కార్యాలయానికి వాడుకుంటూ.. రూ.3లక్షల అద్దె బకాయిలు చెల్లించడం లేదంటూ ఇంటి యజమాని కృష్ణారెడ్డి కోర్టును ఆశ్రయించాడు. దీనిపై విచారణ జరిపిన వరంగల్ రెండో అదనపు సీనియర్ సివిల్ జడ్జీ.. జిల్లా కలెక్టర్ తీరుపై అసంతృప్తి వ్యక్తం చేశారు.