Telangana Short News

అమృతవర్షిణి ఏకగ్రీవంగా ఎన్నుకొని అసెంబ్లీకి పంపాలి

అమృతవర్షిణి ఏకగ్రీవంగా ఎన్నుకొని అసెంబ్లీకి పంపాలి

ప్రణయ్ భార్య అమృతవర్షిణని పలువురు రాజకీయ నేతలు పరామర్శించి ధైర్యం చెబుతున్నారు. ఈ కష్టసమయంలో కూడా ఆమె ధైర్యం చూసి నేతలు నివ్వెరపోతున్నారు. కులహంకారంపై ఆమె పోరాడుతానని చెప్పడం చూస్తూ ఆమెకు ఎంతటి ధైర్యం ఉందో తెలుస్తోందన్నారు. అమృతను మంగళవారం కమ్యూనిస్ట్ నేత తమ్మినేని వీరభద్రం, టీమాస్ ఛైర్మెన్ కంచెఐలయ్యలు పరామర్శించారు. ఈ సందర్భంగా అమృతను ఏకగ్రీవంగా అసెంబ్లీకి పంపాలని ప్రతిపాదించారు.ప్రతిపాదించారు. అమృతను పోటీకి నిలిపితే ఏకగ్రీవం చేసేందుకు తాము సిద్దంగా ఉన్నట్లు తెలిపారు.

బోల్తా పడిన ట్రావెల్స్ బస్సు ..30మందికి గాయాలు

బోల్తా పడిన ట్రావెల్స్ బస్సు ..30మందికి గాయాలు

సూర్యాపేట జిల్లాలో మరో రోడ్డు ప్రమాదం జరిగింది. మునగాల దగ్గర శ్రీకృష్ణ ట్రావెల్స్‌కు చెందిన ప్రయాణికుల బస్సు అదుపు తప్పి బోల్తా పడింది. బస్సు రోడ్డుకు అడ్డంగా పడిపోవడంతో ఈ ప్రమాదంలో 30 మందికి తీవ్ర గాయాలయ్యాయి. హైదరాబాద్ నుంచి శ్రీకాకుళం వెళ్తుండగా ఈ ఘటన చోటు చేసుకుంది. క్షతగాత్రులను సమీపంలోని ఆస్పత్రికి తరలించారు. పోలీసులు సంఘటనా స్థలానికి చేరుకొని సహాయక చర్యలు చేపట్టారు. అతివేగమే ప్రమాదానికి కారణమని భావిస్తున్నారు.
ట్యాంక్‌బండ్‌కు తరలిపోతున్న గణనాధులు

ట్యాంక్‌బండ్‌కు తరలిపోతున్న గణనాధులు

భాగ్యనగరంలో గణనాథులు సాగర తీరానికి బయలుదేరారు. మూడో రోజు నుంచే నిమజ్జనాలు మొదలవ్వగా మంగళవారం నాటికి ట్యాంక్‌బండ్‌లో ఏడు వేల విగ్రహాలు నిమజ్జనమయ్యాయని నగర ట్రాఫిక్‌ అదనపు కమిషనర్‌ అనిల్‌కుమార్‌ తెలిపారు. సందర్శకులకు ఇబ్బందులు తలెత్తకుండా పోలీసులు పటిష్ఠ భద్రత చర్యలు చేపడుతున్నట్లు చెప్పారు. చిన్న, పెద్ద విగ్రహాల నిమజ్జనం కోసం ట్యాంక్‌బండ్‌పైన ఎనిమిది క్రేన్లు, ఎన్టీఆర్‌ మార్గ్‌లో నాలుగు క్రేన్లు అందుబాటులో ఉన్నాయి. వాహనాల రాకపోకలకు ట్రాఫిక్‌ సమస్య తలెత్తకుండా తాత్కాలిక మార్గాలను ఏర్పాటు చేసారు.
తెలంగాణలో నేడు, రేపు వర్షాలు

తెలంగాణలో నేడు, రేపు వర్షాలు

బంగాళాఖాతం తూర్పు ప్రాంతంలో మంగళవారం సాయంత్రం అల్పపీడనం ఏర్పడింది. ఇది ఉత్తరాంధ్ర-దక్షిణ ఒడిశా తీరం వైపు పయనిస్తోంది. ఇది గురువారానికల్లా మరింత తీవ్రమై వాయుగుండంగా మారే అవకాశాలున్నాయని హైదరాబాద్‌ వాతావరణ కేంద్రం తెలిపింది. దీనికి అనుబంధంగా 7.6 కిలోమీటర్ల ఎత్తులో ఉపరితల ఆవర్తనం ఉంది. వీటి ప్రభావంతో తెలంగాణలో గురు, శుక్రవారాల్లో పలుచోట్ల భారీ వర్షాలు కురిసే అవకాశాలున్నాయి. ఇప్పటికే రాష్ట్రంలో రెండు రోజులుగా అక్కడక్కడ వర్షాలు కురుస్తూ వాతావరణం చల్లబడి ఉష్ణోగ్రతలు తగ్గుతున్నాయి.
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more