Sports Short News

బోర్డర్‌-గవాస్కర్‌ టెస్టు సిరీస్ కైవ‌సం చేసుకున్న భార‌త్‌

బోర్డర్‌-గవాస్కర్‌ టెస్టు సిరీస్ కైవ‌సం చేసుకున్న భార‌త్‌

బోర్డర్‌-గవాస్కర్‌ టెస్టు సిరీస్‌ను కైవసం చేసుకుని టీమిండియా చ‌రిత్ర సృష్టించింది. సిడ్నీలో జరిగిన నాలుగో టెస్టుకు వర్షం కారణంగా అంతరాయం ఏర్పడడంతో మ్యాచ్‌ను రద్దు చేశారు. చివరి రోజు మ్యాచ్‌ ఒక్క బంతి కూడా పడకుండానే మ్యాచ్‌ డ్రాగా ముగిసింది. దీంతో నాలుగు టెస్టుల సిరీస్‌ను భారత్‌ 2-1 తేడాతో దక్కించుకుంది. ఆస్ట్రేలియా గడ్డపై 72 ఏళ్లలో భారత్ తొలి టెస్టు సిరీస్ కైవసం చేసుకోవడం విశేషం. గతంలో 1980-81, 1985-86, 2003-04 పర్యటనల్లో భారత్‌ సిరీస్‌ను డ్రా చేసుకుంది. ఇప్పటి వరకు ఆస్ట్రేలియాలో ఆడిన 47 టెస్టుల్లో భారత్‌కు 7 విజయాలు దక్కాయి.    
బాక్సింగ్ డే టెస్టులో విజ‌యం ముంగిట టీమిండియా!

బాక్సింగ్ డే టెస్టులో విజ‌యం ముంగిట టీమిండియా!

ఆస్ట్రేలియాతో జరుగుతున్న బాక్సింగ్‌ డే టెస్టులో భారత్‌ విజయం ముంగిట నిలిచింది. నాలుగో రోజు ఆట ముగిసే సమయానికి ఆసీస్‌ ఎనిమిది వికెట్ల నష్టానికి 258 పరుగులు చేసింది. అయితే చివ‌రి వ‌రుస బ్యాట్స్‌మెన్ కుదురుగా ఆడ‌టంతో భార‌త్ విజ‌యం వాయిదా ప‌డింది. నాలుగో రోజు ఆట ముగిసే సమయానికి ఆసీస్ 258 పరుగులు చేసింది. ప్రస్తుతం టీమిండియా 141 పరుగులు ఆధిక్యంలో ఉంది. జడేజా మూడు వికెట్లు, బుమ్రా, షమీ చెరో రెండు వికెట్లు తీయగా ఇషాంత్ ఖాతాలో ఒక వికెట్ చేరింది. నాలుగో రోజు ఆట 30 నిమిషాలు పొడిగించినా భార‌త్‌కు టెయింలెడ‌ర్లు చిక్క‌లేదు.   
మూడో టెస్టులో మ‌యాంక్ అగ‌ర్వాల్ మెడ‌కు గాయం

మూడో టెస్టులో మ‌యాంక్ అగ‌ర్వాల్ మెడ‌కు గాయం

ఆస్ట్రేలియాతో జ‌రుగుతున్న మూడో టెస్టులో భార‌త ఫీల్డ‌ర్ మ‌యాంక్ అగ‌ర్వాల్ మెడ‌కు గాయ‌మైంది. రెండో ఇన్నింగ్స్‌లో ఆసీస్ బ్యాట్స్‌మెన్ ఉస్మాన్ ఖ్వాజా భారీ స్వీప్ షాట్‌కు ప్ర‌య‌త్నించిన సంద‌ర్భంగా ఇది చోటు చేసుకుంది. ముందు నేల‌కు త‌గిలిన బంతి.. ఆ త‌ర్వాత షార్ట్‌లెగ్‌లో ఉన్న మ‌యాంక్ మెడ‌కు బ‌లంగా త‌గిలింది. ఫిజియో స‌ల‌హా మేర‌కు మ‌యాంక్ విశ్రాంతి తీసుకున్నాడు. దీంతో మ‌యాంక్ స్థానంలో రాహుల్ ఫీల్డింగ్ చేస్తున్నాడు. ఆస్ట్రేలియా నాలుగ‌వ రోజు టీ విరామ స‌మ‌యానికి అయిదు వికెట్లు కోల్పోయి 138 ర‌న్స్ చేసింది.    
106 పరుగులకు భార‌త్ రెండో ఇన్నింగ్స్ డిక్లేర్‌

106 పరుగులకు భార‌త్ రెండో ఇన్నింగ్స్ డిక్లేర్‌

ఆస్ట్రేలియాతో జరుగుతున్న మూడో టెస్టుపై టీమిండియా పట్టు బిగిస్తోంది. రెండో ఇన్నింగ్స్ లో ఎనిమిది వికెట్ల నష్టానికి 106 పరుగులు చేసి ఇన్నింగ్స్‌ డిక్లేర్‌ చేసింది. దీంతో ఆసీస్‌ ముందు 399 పరుగుల భారీ లక్ష్యాన్ని ఉంచింది. అంతకుముందు ఓవర్‌నైట్‌ స్కోరు 54 పరుగులతో క్రీజులోకి దిగిన భారత బ్యాట్స్‌మెన్‌ వెంటవెంటనే పెవిలియన్‌కు చేరుకున్నారు. మ‌రోవైపు భారీ లక్ష్యంతో రెండో ఇన్నింగ్స్‌ ఆరంభించిన ఆసీస్‌కు ఆరంభంలోనే ఎదురుదెబ్బ తగిలింది. బుమ్రా వేసిన తొలి ఓవర్ లోనే ఓపెనర్‌ ఫించ్‌(3; 4 బంతుల్లో) కోహ్లీ చేతికి చిక్కాడు.   
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more