Sports Short News

తుదిపోరుకు చేరిన భారత జట్టు

తుదిపోరుకు చేరిన భారత జట్టు

నాలుగు దేశాల హాకీ టోర్నీలో భారత జట్టు ఫైన‌ల్‌కు చేరింది. శనివారం జరిగిన మ్యాచ్‌లో ఆతిథ్య న్యూజిలాండ్‌ను 3-1 తేడాతో భారత్ చిత్తుచేసింది. కాగా బెల్జియంతో ఆదివారం జరిగే తుదిపోరులో అమీతుమీ తేల్చుకోనుంది. అంతకుముందు బెల్జియం చేతిలోనే భారత్‌ 0-2తో ఓటమి పాలైంది. భారత జట్టులో హర్మన్‌ప్రీత్‌ (2 ని), దిల్‌ప్రీత్‌ సింగ్‌ (21 ని), మన్‌దీప్‌ సింగ్‌ (47 ని) గోల్స్‌ చేశారు. ఆట ప్రారంభం నుంచి భారత ఆటగాళ్లు దూకుడుగా ఆడారు.
శ్రీలంకపై బంగ్లాదేశ్ భారీ విజయం

శ్రీలంకపై బంగ్లాదేశ్ భారీ విజయం

శ్రీలంక-బంగ్లాదేశ్-జింబాబ్వే మధ్య ఢాకాలో జరుగుతున్న ముక్కోణపు కప్‌లో బంగ్లాదేశ్ చేతిలో శ్రీలంక చిత్తుగా పరాజయం పాలైంది. మ్యాచ్‌లో టాస్ గెలిచి తొలుత బ్యాటింగ్ చేసిన బంగ్లాదేశ్ నిర్ణీత 50ఓవర్లలో 7వికెట్లు కోల్పోయి 320పరుగులు చేసి శ్రీలంక ఎదుట 321పరుగుల భారీ విజయ లక్ష్యం ఉంచింది. అనంతరం బ్యాటింగ్‌కు దిగిన శ్రీలంక 32.2 ఓవర్లలో 157పరుగులకే కుప్పకూలడంతో బంగ్లాదేశ్ 163పరుగుల భారీ తేడాతో గెలుపొందింది.
ఆస్ట్రేలియా గ్రాండ్‌ స్లామ్‌ నుంచి షరపోవా నిష్క్రమణ

ఆస్ట్రేలియా గ్రాండ్‌ స్లామ్‌ నుంచి షరపోవా నిష్క్రమణ

సుదీర్ఘ విరామం అనంతరం ఆస్ట్రేలియా గ్రాండ్‌ స్లామ్‌లో అడుగుపెట్టిన రష్యా టెన్నిస్‌ స్టార్‌ మారియా షరపోవాకు నిరాశ ఎదురైంది. శనివారం జరిగిన మూడో రౌండ్‌ పోరులో షరపోవా 1-6, 3-6 తేడాతో జర్మనీ స్టార్‌ క‍్రీడాకారిణి ఎంజెలిక్ కెర్బర్ చేతిలో పరాజయం పాలైంది. ఏకపక్షంగా సాగిన పోరులో షరపోవా అంచనాలను అందుకోలేక ఓటమి పాలైంది. తొలి సెట్‌ను సునాయాసంగా కోల్పోయిన షరపోవా.. రెండో సెట్‌లో కాస్త పోరాడింది. దీంతో టోర్నీ నుంచి నిష్క్రమించింది.
ఒక్క ఓవర్లో 37 పరుగులు

ఒక్క ఓవర్లో 37 పరుగులు

దక్షిణాఫ్రికా ఆటగాడు జేపీ డుమిని క్రికెట్లో సంచలనం నమోదు చేశాడు. ఒకే ఓవర్లో 37 పరుగులు సాధించి ఆశ్చర్యపరిచాడు. వన్డే కప్‌ టోర్నీ పేరిట జరుగుతోన్న ఓ స్థానిక టోర్నీలో కేప్‌ కోబ్రాస్‌-నైట్స్‌ మధ్య మ్యాచ్‌‌లో డుమిని ఈ ఘనత సాధించాడు. ఈ టోర్నీలో డుమిని కేప్‌ కోబ్రాస్‌కు ప్రాతినిధ్యం వహిస్తున్నాడు. 37వ ఓవర్‌లో ఎడ్డీ లీ వేసిన బంతులపై 6, 6, 6, 6, 2, 5(నోబాల్‌), 6 పరుగులు సాధించాడు.