'ಕೀವೇ ಇಂಡಿಯಾ' (Keyway India) ಕಂಪನಿಯು ಭಾರತದಲ್ಲಿ ಇತ್ತೀಚೆಗೆ ತನ್ನ K300 ಮೋಟಾರ್‌ಸೈಕಲ್ ಸಿರೀಸ್‌ನ ಅಪ್‌ಡೇಟೆಡ್ ಹಾಗೂ ವಿಶೇಷ ಆವೃತ್ತಿಯನ್ನು ಬಿಡುಗಡೆ ಮಾಡಿದೆ. ಈ ಪರ್ಫಾಮೆನ್ಸ್ ಮೋಟಾರ್‌ಸೈಕಲ್, ಹಣಕ್ಕೆ ಉತ್ತಮ ಮೌಲ್ಯದ ಬೈಕ್ ಆಗಿದ್ದು, ವಿಶೇಷ ಆಫರ್ ಭಾಗವಾಗಿ ಮೊದಲ 100 ಗ್ರಾಹಕರು ಈ ಅದ್ಭುತ ಮೋಟಾರ್‌ಸೈಕಲ್ ಅನ್ನು ಕೇವಲ ರೂ. 1.69 ಲಕ್ಷ (ಎಕ್ಸ್-ಶೋರೂಂ) ವಿಶೇಷ ಬೆಲೆಯಲ್ಲಿ ಖರೀದಿಸಿಬಹುದು ಎಂದು ಕಂಪನಿ ಹೇಳಿಕೊಂಡಿತ್ತು. ಸದ್ಯ ಈ ಆಫರ್ ಚಾಲ್ತಿಯಲ್ಲಿದೆಯೇ ಎಂಬುದನ್ನು ತಿಳಿಯಲು ಆಸಕ್ತರು ಡೀಲರ್‌ ಅನ್ನು ಸಂಪರ್ಕಿಸಬಹುದು.

ಭಾರತದ ಎಲೆಕ್ಟ್ರಿಕ್ ವಾಹನ ವಿಭಾಗದಲ್ಲಿ ಮುಂಚೂಣಿಯಲ್ಲಿರುವ TATA.ev, ಇಂದು ದೇಶದ ಚಾರ್ಜಿಂಗ್ ಮೂಲಸೌಕರ್ಯವನ್ನು ಪರಿವರ್ತಿಸಲು ಒಂದು ದಿಟ್ಟ, ಪರಿವರ್ತನಾಶೀಲ ಕ್ರಮವನ್ನು ಘೋಷಿಸಿದೆ. 2,00,000 EV ಮಾರಾಟವನ್ನು ಮೀರಿದ ಯಶಸ್ಸಿನ ಆಧಾರದ ಮೇಲೆ, TATA.ev 2027 ರ ವೇಳೆಗೆ ಲಭ್ಯವಿರುವ ಚಾರ್ಜ್ ಪಾಯಿಂಟ್‌ಗಳ ಸಂಖ್ಯೆಯನ್ನು 4,00,000 ಕ್ಕೆ ದ್ವಿಗುಣಗೊಳಿಸುವ ಮೂಲಕ ಎಲೆಕ್ಟ್ರಿಕ್ ವಾಹನಗಳನ್ನು ಹೆಚ್ಚು ಪ್ರವೇಶಿಸುವಂತೆ ಅನುಕೂಲಕರವಾದ ವ್ಯವಸ್ಥೆಗೆ ಮುಂದಾಗಿದೆ. ಇದು ಇವಿ ಕಾರು ಮಾಲೀಕರಿಗೆ ಚಾರ್ಜಿಂಗ್ ಭಯವಿಲ್ಲದೆ ನಿಶ್ಚಿಂತೆಯಿಂದ ಓಡಿಸಲು ಅನುವು ಮಾಡಿಕೊಡುತ್ತದೆ ಎಂದು ಕಂಪನಿ ಭರವಸೆ ನೀಡಿದೆ.

ವಿಶ್ವದ ಪ್ರೀಮಿಯಂ ಸ್ಪೋರ್ಟ್ಸ್ ಮೋಟಾರ್‌ಸೈಕಲ್ ಬ್ರಾಂಡ್ ಆಗಿರುವ ಕೆಟಿಎಂ (KTM), ತನ್ನ ಪ್ರಮುಖ 390 ಡ್ಯೂಕ್ ಜೊತೆಗೆ ಭಾರತದಲ್ಲಿ ಯುವಕರ ಮನಗೆದ್ದಿದೆ. 390cc ಬೈಕ್ ವಿಭಾಗದಲ್ಲಿ ಈ ಮೋಟಾರ್‌ಸೈಕಲ್‌ನ ಅಬ್ಬರವನ್ನು ತಗ್ಗಿಸದೆ ಮುಂದುವರಿಸುತ್ತಿರುವ ಕಂಪನಿಯು ಈಗ ಬೆಲೆ ಇಳೆಕೆ ಮಾಡಿ ಯುವಕರಿಗೆ ಮತ್ತಷ್ಟು ಕೈಗೆಟುಕುವಂತೆ ಮಾಡಿದೆ. ಬರೋಬ್ಬರಿ 18,000 ರೂ. ಬೆಲೆ ಇಳಿಕೆ ಮಾಡಿ, ಬೈಕ್ ಬೇಡಿಕೆಯನ್ನು ಹೆಚ್ಚಿಸಿಕೊಳ್ಳುವ ಜೊತೆಗೆ ಹೊಸ ಫೀಚರ್ಸ್ ಅನ್ನು ಪರಿಚಯಿಸಿದೆ. ಹೊಸ ಕೆಟಿಎಂ 390 ಡ್ಯೂಕ್ ಕುರಿತ ಹೆಚ್ಚಿನ ವಿಶೇಷತೆಗಳನ್ನು ನೋಡೋಣ.

ಪ್ರಮುಖ ದ್ವಿಚಕ್ರ ವಾಹನ ತಯಾರಕ ಕಂಪನಿಯಾಗಿರುವ ಹೋಂಡಾ ಮೋಟಾರ್ ಸೈಕಲ್ (Honda Motorcycle), ತನ್ನ ಹೋಂಡಾ ಸಿಬಿ 200 X ಅನ್ನು ಈಗ NX 200 ಎಂದು ಮರುನಾಮಕರಣ ಮಾಡಿ ಬಿಡುಗಡೆ ಮಾಡಿದೆ. ಇದನ್ನು ಆಧುನಿಕ ವಿನ್ಯಾಸ ಹಾಗೂ ಹೊಸ ಡಿಸೈನ್‌ನೊಂದಿಗೆ NX 200 ಅಡ್ವೆಂಚರ್ ವಿಭಾಗದಲ್ಲಿ ಬಿಡುಗಡೆ ಮಾಡಿದೆ. ಈ ಹೊಸ ಬೈಕ್ ಬೆಲೆಯು 1,68,499 (ಎಕ್ಸ್ ಶೋರೂಂ) ಇದೆ. ಹೊಸ ಹೋಂಡಾ NX 200 ಈಗ ದೇಶಾದ್ಯಂತ HMSI ರೆಡ್ ವಿಂಗ್ ಮತ್ತು ಬಿಗ್ ವಿಂಗ್ ಡೀಲರ್ ಶಿಪ್‌ಗಳಲ್ಲಿ ಖರೀದಿಗೆ ಲಭ್ಯವಿದೆ. ಹೋಂಡಾ ಕಂಪನಿಯು NX 200 ಬೈಕ್ ಅನ್ನು ಒಂದೇ ರೂಪಾಂತರದಲ್ಲಿ ಬಿಡುಗಡೆಗೊಳಿಸಿದ್ದು, - ಅಥ್ಲೆಟಿಕ್ ಬ್ಲೂ ಮೆಟಾಲಿಕ್ (Athletic Blue Metallic) - ರೇಡಿಯಂಟ್ ರೆಡ್ ಮೆಟಾಲಿಕ್ (Radiant Red Metallic) - ಪರ್ಲ್ ಇಗ್ನಿಯಸ್ ಬ್ಲ್ಯಾಕ್ (Pearl Igneous Black) ಎಂಬ ಮೂರು ಆಕರ್ಷಕ ಬಣ್ಣಗಳಲ್ಲಿ ಲಭ್ಯವಿದೆ.

ಕರ್ನಾಟಕದ ಕೈಗಾರಿಕಾ ಭೂದೃಶ್ಯಕ್ಕೆ ಒಂದು ಮಹತ್ವದ ಹೆಜ್ಜೆಯಾಗಿ, ಟ್ರಕ್‌ಗಳು, ಬಸ್‌ಗಳು, ನಿರ್ಮಾಣ ಉಪಕರಣಗಳ ನಿರ್ಮಾಣದಲ್ಲಿ ಜಾಗತಿಕವಾಗಿ ಮುಂಚೂಣಿಯಲ್ಲಿರುವ ವೋಲ್ವೋ ಗ್ರೂಪ್ (Volvo Group), ಕರ್ನಾಟಕದಲ್ಲಿ ತನ್ನ ಉತ್ಪಾದನಾ ಕಾರ್ಯಾಚರಣೆಗಳನ್ನು ವಿಸ್ತರಿಸುವುದಾಗಿ ಘೋಷಿಸಿದೆ. ಗುರುವಾರ ಮುಖ್ಯಮಂತ್ರಿಯವರ ಅಧಿಕೃತ ನಿವಾಸ 'ಕಾವೇರಿ'ಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ, ಕಂಪನಿಯು ಬೆಂಗಳೂರಿನ ಹೊಸಕೋಟೆಯಲ್ಲಿ ತನ್ನ 4ನೇ ಅಂತರರಾಷ್ಟ್ರೀಯ ಉತ್ಪಾದನಾ ಕೇಂದ್ರವನ್ನು ಸ್ಥಾಪಿಸಲು ಕರ್ನಾಟಕ ಸರ್ಕಾರದೊಂದಿಗೆ ತಿಳುವಳಿಕೆ ಒಪ್ಪಂದಕ್ಕೆ (ಎಂಒಯು) ಸಹಿ ಹಾಕಿದೆ. ಇದು ರೂ. 1,400 ಕೋಟಿಗಳ ಕಾರ್ಯತಂತ್ರದ ಹೂಡಿಕೆಯಾಗಿದೆ.

ಭಾರತೀಯ ಕಾರು ಮಾರುಕಟ್ಟೆಯಲ್ಲಿ ಹಲವರಿಗೆ ತಿಳಿಯದ ವಿಷಯವೇನೆಂದರೆ ರೂ. 10 ಲಕ್ಷ ಬಜೆಟ್ ಅಡಿಯಲ್ಲಿ ಬಿಎನ್‌ಸಿಎಪಿ (Bharat New Car Assessment Program) ಕ್ರ್ಯಾಶ್ ಟೆಸ್ಟ್ ರೇಟಿಂಗ್‌ಗಳ ಪ್ರಕಾರ ಅತ್ಯಂತ ಸುರಕ್ಷಿತೆಯನ್ನು (Safest cars 2025)ನೀಡುವ ಕಾರುಗಳನ್ನು ಖರೀದಿಸಬಹುದು. ನೀವು ಕೂಡ 10 ಲಕ್ಷಕ್ಕಿಂತ ಕಡಿಮೆ ಬೆಲೆಯ ಸುರಕ್ಷಿತ ಕಾರನ್ನು ಖರೀದಿಸಲು ಯೋಚಿಸುತ್ತಿದ್ದರೆ ಸರಿಯಾದ ಲೇಖನವನ್ನೆ ಓದುತ್ತಿದ್ದೀರ. ವಾಹನದ ಸುರಕ್ಷತಾ ರೇಟಿಂಗ್ ಖರೀದಿದಾರರಿಗೆ ಅವರು ಖರೀದಿಸುವ ಮಾದರಿ ಎಷ್ಟು ಸುರಕ್ಷಿತವಾಗಿದೆ ಎಂಬುದನ್ನು ತಿಳಿಸಿಕೊಡುತ್ತದೆ. ನಿಮ್ಮ ಬಜೆಟ್‌ಗೆ ಅನುಗುಣವಾಗಿ ಸುರಕ್ಷಿತ ಕಾರನ್ನು ಈ ಲೇಖನ ಓದಿ ಖರೀದಿಸಬಹುದು.

ಪ್ಯಾರಿಸ್ ಒಲಿಂಪಿಕ್ಸ್‌ನಲ್ಲಿ ಕಂಚಿನ ಪದಕ ವಿಜೇತ, ಭಾರತದ ರಾಷ್ಟ್ರೀಯ ಹಾಕಿ ತಂಡದ ಭಾಗವಾಗಿದ್ದ ಗೋಲ್‌ಕೀಪರ್ ಪಿಆರ್ ಶ್ರೀಜೇಶ್ (PR Sreejesh) ಅವರಿಗೆ ಎಂಜಿ ವಿಂಡ್ಸರ್ ಇವಿಯನ್ನು ಉಡೊಗೊರೆಯಾಗಿ ನೀಡಲಾಗಿದೆ. ಒಲಿಂಪಿಕ್ಸ್‌ ಸಂದರ್ಭದಲ್ಲಿ ಜಿಂದಾಲ್ ಹಾಗೂ ಎಂಜಿ ಕಂಪನಿಯ ಪಾಲುದಾರಿಕೆಯಲ್ಲಿ ಭಾಗವಾಗಿ 'ವಿಂಡ್ಸರ್' ಎಲೆಕ್ಟ್ರಿಕ್ ಕಾರನ್ನು ಅದ್ದೂರಿಯಾಗಿ ಬಿಡುಗಡೆಗೊಳಿಸಲಾಗಿತ್ತು. ಆಗಲೇ ಎಂಜಿ ಕಂಪನಿ ಕೂಡ ಒಲಿಂಪಿಕ್ಸ್‌ ಪದಕ ವಿಜೇತರಿಗೆ ಈ ವಿಂಡ್ಸರ್‌ನ್ನು ಗಿಫ್ಟ್ ನೀಡುವುದಾಗಿ ಘೋಷಣೆ ಮಾಡಿತ್ತು. ಸದ್ಯ, ಶ್ರೀಜೇಶ್ ಅವರಿಗೆ ನೂತನ ಕಾರನ್ನು ಡೆಲಿವರಿ ಮಾಡಲಾಗಿದೆ.

ಅಂತರರಾಷ್ಟ್ರೀಯ ಕಾರು ಮಾರುಕಟ್ಟೆಯಲ್ಲಿ ಅಮೆರಿಕದ ಎಲಾನ್ ಮಸ್ಕ್ ಒಡೆತನದ ಟೆಸ್ಲಾ (Tesla) ಹಾಗೂ ಚೀನಾ ಮೂಲದ ಬಿವೈಡಿ (BYD) ಕಂಪನಿಗಳು ದೊಡ್ಡ ಮಟ್ಟದ ಪ್ರಾಬಲ್ಯ ಸಾಧಿಸಲು ಪೈಪೋಟಿ ನಡೆಸುತ್ತಿವೆ. ಈ ಕಂಪನಿಗಳ ಓಟಕ್ಕೆ ಇತಿಶ್ರೀ ಹಾಕಲು ಜಪಾನ್ ಕಾರು ತಯಾರಕ ಕಂಪನಿಗಳಾದ ಹೋಂಡಾ (Honda) ಹಾಗೂ ನಿಸ್ಸಾನ್ (Nissan) ಕಂಪನಿಗಳು ಒಟ್ಟಿಗೆ ವಿಲೀನಗೊಳ್ಳಲು ಮಾತುಕತೆ ನಡೆಸುತ್ತಿರುವುದು ಎಲ್ಲರಿಗೂ ಗೊತ್ತಿರುವ ವಿಚಾರ. ಆದರೀಗ ಈ ಮಾತುಕತೆಯೇ ಮುರಿದು ಬಿದ್ದಿದೆ ಎಂದು ವರದಿಯಾಗಿದೆ. ಆ ಬಗ್ಗೆ ಇಲ್ಲಿದೆ ಹೆಚ್ಚಿನ ಮಾಹಿತಿ.

ಮಾರುತಿ ಸುಜುಕಿ ಸೆಲೆರಿಯೊ (Maruti Suzuki Celerio) ಜನಪ್ರಿಯ ಹ್ಯಾಚ್‌ಬ್ಯಾಕ್ ಆಗಿ ಹೊರ ಹೊಮ್ಮಿದೆ. ಈ ಕಾರಿನ ಬೆಲೆ ಫೆಬ್ರವರಿ 1ಕ್ಕೆ ಅನ್ವಯವಾಗುವಂತೆ ಸರಿ ಸುಮಾರು ರೂ.32,500 ವರೆಗೆ ಅಧಿಕಗೊಂಡಿದೆ. ದರ ಏರಿಕೆ ನಂತರ, ಈ ಹ್ಯಾಚ್‌ಬ್ಯಾಕ್ ರೂ.5.64 ಲಕ್ಷದಿಂದ ರೂ.7.37 ಲಕ್ಷ (ಎಕ್ಸ್ ಶೋರೂಂ) ಬೆಲೆಯನ್ನು ಒಳಗೊಂಡಿದೆ. ನೀವು ಹೊಸ ಕಾರೊಂದನ್ನು ಖರೀದಿಸಲು ಯೋಚಿಸಿದ್ದೀರಾ.. ಹಾಗಾದರೆ, ಮಾರುತಿ ಸೆಲೆರಿಯೊ ಹೆಚ್ಚು ಸೂಕ್ತವಾಗಲಿದೆ. ನಾವಿಲ್ಲಿ ಈ ಹ್ಯಾಚ್‌ಬ್ಯಾಕ್‌ನ ಆನ್-ರೋಡ್ ಬೆಲೆ (On-Road Price) ಹಾಗೂ ಇಎಂಐ (EMI) ಆಯ್ಕೆಯ ಬಗ್ಗೆ ಸಂಕ್ಷಿಪ್ತವಾಗಿ ವಿವರಿಸಿದ್ದೇವೆ.

ಭಾರತದಲ್ಲಿ ಟಾಟಾ ಮೋಟಾರ್ಸ್ (Tata Motors) ನಂಬಿಕೆ ಹೆಸರುವಾಸಿಯಾಗಿರುವ ವಾಹನ ತಯಾರಕ ಕಂಪನಿಯಾಗಿದೆ. ದೇಶೀಯ ಮಾರುಕಟ್ಟೆಯಲ್ಲಿ ಕಂಪನಿ ಮಾರಾಟಗೊಳಿಸುವ ಕಾರುಗಳು ಹೆಚ್ಚು ಸುರಕ್ಷಿತವಾಗಿರುವ ಕಾರಣ, ಗ್ರಾಹಕರು ಕೂಡ ಇಷ್ಟಪಟ್ಟು ಖರೀದಿ ಮಾಡುತ್ತಿದ್ದಾರೆ. ಇತ್ತೀಚೆಗೆ ನವದೆಹಲಿಯಲ್ಲಿ ಮುಕ್ತಾಯಗೊಂಡ ಭಾರತ್ ಮೊಬಿಲಿಟಿ ಗ್ಲೋಬಲ್ ಎಕ್ಸ್‌ಪೋದಲ್ಲಿ ಟಾಟಾ ಮೋಟಾರ್ಸ್ ಜನಪ್ರಿಯ ಎಸ್‌ಯುವಿಗಳಾದ ಹ್ಯಾರಿಯರ್ ಮತ್ತು ಸಫಾರಿಯ 'ಸ್ಟೆಲ್ತ್ ಎಡಿಷನ್'ನ್ನು ಅನಾವರಣಗೊಳಿಸಿತ್ತು. ಸದ್ಯ, ಈ ಕಾರುಗಳನ್ನು ಮಾರಾಟಕ್ಕೂ ತಂದಿದೆ. ಆ ಬಗ್ಗೆ ಇಲ್ಲಿದೆ ಹೆಚ್ಚಿನ ಮಾಹಿತಿ.

ಆಹಾ... ಪ್ರೇಮಿಗಳ ದಿನ ಬಂದೇ ಬಿಡ್ತು. ಫೆ. 14 ಈ ದಿನಕ್ಕಾಗಿ ಎಷ್ಟೋ ಪ್ರೇಮ ಪಕ್ಷಿಗಳು ಕಾಯ್ತಾ ಇರ್ತವೆ. ಈ ದಿನ ನಮ್ಮ ದಿನ, ನಮ್ಮ ಪ್ರೇಮಿಯ ಮುಂದೆ ಮನಸ್ಸು ತೆರೆದಿಡುವ ದಿನ, ಆಕೆ/ಆತನನ್ನು ನಾನೆಷ್ಟು ಪ್ರೀತಿಸುತ್ತಿದ್ದೇನೆ ಎಂದು ಪ್ರೇಮ ನಿವೇದನೆ ಮಾಡುವ ದಿನ. ಕೆಲವರು ಎಷ್ಟೋ ಸಮಯದಿಂದ ಹೇಳದೆ ಮನಸ್ಸಿನಲ್ಲಿಯೇ ಹುದುಗಿಟ್ಟ ಪ್ರೇಮವನ್ನು ವ್ಯಕ್ತಪಡಿಸಿದರೆ, ಈಗಾಗಲೇ ಪ್ರೀತಿಯಲ್ಲಿ ಇರುವವರು ತನ್ನ ಪ್ರೇಮಿಗಾಗಿ ವಿಶೇಷ ಉಡುಗೊರೆ ನೀಡಿ ಸಂಭ್ರಮಿಸುವ ದಿನ.

ಪ್ರೇಮಿಗಳ ದಿನ ಎಂದ ತಕ್ಷಣ ಅದು ಕೇವಲ ಯೌವನದ ಪ್ರೇಮಕ್ಕೆ ಸೀಮಿತವಾಗುವುದಿಲ್ಲ. ಮದುವೆಯಾಗಿ ಹಣ್ಣು.

ಹೋಂಡಾ ಸ್ಕೂಟರ್ & ಮೋಟಾರ್‌ಸೈಕಲ್ ಇಂಡಿಯಾ (Honda Scooter & Motorcycle India), ವಿಶ್ವಾಸಾರ್ಹ ದ್ವಿಚಕ್ರ ವಾಹನ ತಯಾರಕ ಕಂಪನಿಯಾಗಿದ್ದು, ಸಾಮಾನ್ಯ ಹಳ್ಳಿಯಿಂದ ದಿಲ್ಲಿವರೆಗೆ ಮನೆ ಮಾತಾಗಿದೆ. ಸದ್ಯ, 2025ರ ಶೈನ್ 125 (Shine 125) ಬೈಕ್‌ನ್ನು ಅದ್ದೂರಿಯಾಗಿ ಬಿಡುಗಡೆಗೊಳಿಸಿದೆ. ಈ ನೂತನ ಮೋಟಾರ್‌ಸೈಕಲ್ ಹಲವು ಹೊಸತನಗಳಿಗೂ ಸಾಕ್ಷಿಯಾಗಿದ್ದು, ಆಕರ್ಷಕ ವಿನ್ಯಾಸ ಹಾಗೂ ವೈಶಿಷ್ಟ್ಯಗಳನ್ನು ಪಡೆದುಕೊಂಡಿದೆ. ಬನ್ನಿ.. ಆ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ತಿಳಿಯೋಣ.

ಭಾರತೀಯ ಆಟೋ ಉದ್ಯಮದಲ್ಲಿ ಪ್ರಮುಖ ವಿಭಾಗವಾದ 'ಹ್ಯಾಚ್‌ಬ್ಯಾಕ್' ಪ್ರತಿಯೊಂದು ಬ್ರಾಂಡ್‌ನ ಮೂಲಾಧಾರವಾಗಿದೆ. ಈ ಪುಟ್ಟ ಕಾರುಗಳು ಅಗ್ಗದ ಬೆಲೆಯಲ್ಲಿ ಮಧ್ಯಮ ವರ್ಗದವರ ಕಾರು ಖರೀದಿಸುವ ಕನಸನ್ನು ನನಸು ಮಾಡುತ್ತವೆ. ಈ ವಿಭಾಗದಲ್ಲಿ ಪ್ರಮುಖ ಕಾರುಗಳಾಗಿ ಗುರ್ತಿಸಿಕೊಂಡಿರುವ ಟಾಟಾ ಟಿಯಾಗೋ ಹಾಗೂ ಮಾರುತಿ ಸುಜುಕಿ ಸೆಲೆರಿಯೋ ಸದ್ಯ ಹೊಸ ಅಪ್‌ಡೇಟ್‌ಗಳೊಂದಿಗೆ ಇತ್ತೀಚೆಗೆ ಬಿಡುಗಡೆಯಾಗಿವೆ. 2025 ರ ಹೊಸ ಮಾಡಲ್‌ಗಳನ್ನು ನೀವು ಖರೀದಿಸಲು ಬಯಸಿದರೆ ಯಾವೆಲ್ಲಾ ಅಪ್‌ಡೇಟ್‌ಗಳನ್ನು ಪಡೆದಿವೆ ಎಂಬುದನ್ನು ತಿಳಿಯುವುದು ತುಂಬಾ ಮುಖ್ಯ.

ಪ್ರಪಂಚದಾದ್ಯಂತ ನಾಳೆ (ಫೆ.14) ಪ್ರೇಮಿಗಳ ದಿನವನ್ನು (Valentine's Day) ಬಹಳ ಅದ್ದೂರಿಯಾಗಿ ಆಚರಿಸಲಾಗುತ್ತದೆ. ಈ ದಿನ ತಮ್ಮ ಪ್ರೇಯಸಿಗೆ ವಿಶೇಷ ಉಡುಗೊರೆ ನೀಡಿ, ಪ್ರಪೋಸ್ ಮಾಡಬೇಕೆಂಬುದು ಹಲವು ಯುವಕರ ಹೆಬ್ಬಯಕೆಯಾಗಿರುತ್ತದೆ. ನೀವು ಪ್ರೀತಿಸಿ ಮದುವೆಯಾಗಿದ್ದು, ನಿಮ್ಮ ಮಡದಿಗೆ ಸರ್ಪ್ರೆಸ್ ಗಿಫ್ಟ್ ನೀಡಲು ಆಲೋಚಿಸುತ್ತಿದ್ದೀರಾ.. ಹಾಗಾದರೆ, ಮಾರುತಿ ಸುಜುಕಿ ಆಲ್ಟೋ 10, ಟಾಟಾ ಟಿಯಾಗೊ, ರೆನಾಲ್ಟ್ ಕ್ವಿಡ್, ಹ್ಯುಂಡೈ ಗ್ರ್ಯಾಂಡ್ ಐ10 ನಿಯೋಸ್ ಹಾಗೂ ಎಂಜಿ ಕಾಮೆಟ್ ಇವಿಗಳು ಉತ್ತಮ ಆಯ್ಕೆಯಾಗಲಿವೆ. ಬನ್ನಿ.. ಈ ಕಾರುಗಳ ವಿಶೇಷತೆ ಕುರಿತಂತೆ ಸಂಪೂರ್ಣವಾದ ಮಾಹಿತಿಯನ್ನು ತಿಳಿಯೋಣ. ಮೊದಲಿಗೆ ಮಾರುತಿ ಸುಜುಕಿ ಆಲ್ಟೊ ಕೆ10 (Maruti Suzuki Alto K10) ಬಗ್ಗೆ ಹ್ಯಾಚ್‌ಬ್ಯಾಕ್ ಮಾತನಾಡೋಣ. ಇದು ಕನಿಷ್ಠ ರೂ.4.09 ಲಕ್ಷ ಹಾಗೂ ಗರಿಷ್ಠ ರೂ5.99 ಲಕ್ಷ ಎಕ್ಸ್ ಶೋರೂಂ ದರವನ್ನು ಒಳಗೊಂಡಿದೆ. 1-ಲೀಟರ್ ಪೆಟ್ರೋಲ್ ಹಾಗೂ ಸಿಎನ್‌ಜಿ ಎಂಜಿನ್‌ ಆಯ್ಜೆಯನ್ನು ಪಡೆದಿದೆ. 24.39 ರಿಂದ 33.85 ಕೆಎಂಪಿಎಲ್‌ವರೆಗೆ ಮೈಲೇಜ್ ನೀಡುತ್ತದೆ. ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಮತ್ತು ಸೆಮಿ ಡಿಜಿಟಲ್ ಇನ್‌ಸ್ಟ್ರುಮೆಂಟ್ ಕ್ಲಸ್ಟರ್ ಸೇರಿದಂತೆ ವಿವಿಧ ವೈಶಿಷ್ಟ್ಯಗಳನ್ನು ಹೊಂದಿದೆ.

2024 ರಲ್ಲಿ ಗ್ರಾಹಕರ ಮೇಲೆ ಎಸ್‌ಯುವಿಗಳ (SUV) ಪ್ರಭಾವ ಹೆಚ್ಚಿದಂತಿದೆ. ಭಾರತೀಯ ಗ್ರಾಹಕರ ಪ್ರಾಧಾನ್ಯತೆಗಳಲ್ಲಿ ಈ ಬದಲಾವಣೆ ಎಸ್‌ಯುವಿಗಳ ಮುಂದುವರೆದ ಪ್ರಭಾವವನ್ನು ತೋರಿಸುತ್ತಿದೆ. 2024 ರಲ್ಲಿ ಭಾರತದಲ್ಲಿ ಗ್ರಾಹಕರು ಹೆಚ್ಚು ಇಷ್ಟಪಟ್ಟು ಖರೀದಿಸಿರುವ ಜನಪ್ರಿಯ ಎಸ್‌ಯುವಿಗಳನ್ನು ಇಲ್ಲಿ ಪಟ್ಟಿ ಮಾಡಿದ್ದೇವೆ. ಇವು ಅತಿ ಹೆಚ್ಚು ಮಾರಾಟವಾಗುವ ಹ್ಯಾಚ್‌ಬ್ಯಾಕ್‌ಗಳನ್ನು ಹಿಂದಿಕ್ಕಿ ಭಾರೀ ಮಾರಾಟ ಕಂಡಿರುವ ಕಾರುಗಳಾಗಿವೆ. ಮಾರುತಿ, ಮಹೀಂದ್ರಾ, ಟಾಟಾ, ಹ್ಯುಂಡೈನ ತಲಾ ಒಂದೊಂದು ಕಾರು ಭಾರತದಲ್ಲಿ 2024 ರಲ್ಲಿ ತಮ್ಮ ಅಬ್ಬರವನ್ನು ತೋರಿಸಿವೆ.

ಟೊಯೊಟಾ ಕಿರ್ಲೋಸ್ಕರ್ ಮೋಟಾರ್ (Toyota Kirloskar Motor), ಪ್ರಮುಖ ವಾಹನ ತಯಾರಕ ಕಂಪನಿಯಾಗಿದೆ. ಕರ್ನಾಟಕದ ಬಿಡದಿಯಲ್ಲಿ ಉತ್ಪಾದನಾ ಘಟಕವನ್ನು ಹೊಂದಿದ್ದು, ಇನ್ನೋವಾ, ಅರ್ಬನ್ ಕ್ರೂಸರ್ ಹೈರೈಡರ್ ಮತ್ತು ಟೈಸರ್ ಸೇರಿದಂತೆ ಹಲವು ಕಾರುಗಳನ್ನು ತಯಾರಿಸಿ ಯಶಸ್ವಿಯಾಗಿ ಮಾರಾಟಗೊಳಿಸುತ್ತಿದೆ. ಕಳೆದ ತಿಂಗಳು (ಜನವರಿ - 2025) ಕೂಡ ಕಂಪನಿಯು 26,178 ಯುನಿಟ್ ಕಾರುಗಳನ್ನು ಮಾರಾಟಗೊಳಿಸಿದೆ. 2024 ಇದೇ ಅವಧಿಯಲ್ಲಿ ಮಾರಲ್ಪಟ್ಟ 23,197 ಯುನಿಟ್‌ಗಳಿಗೆ ಹೋಲಿಸಿದರೆ, ಮಾರಾಟ ಪ್ರಮಾಣ ವರ್ಷದಿಂದ ವರ್ಷಕ್ಕೆ ಶೇಕಡ 13% ಏರಿಕೆಯಾಗಿದೆ. ಅದರಲ್ಲೂ ರೂಮಿಯನ್ ಎಂಪಿವಿ ಮಾರಾಟ ನಿರೀಕ್ಷಿತ ಮಟ್ಟಕ್ಕಿಂದಲೂ ಹೆಚ್ಚಳಗೊಂಡಿದೆ.

ಟೊಯೋಟಾ ಕಿರ್ಲೋಸ್ಕರ್ ಮೋಟಾರ್ (TKM) ಬೆಂಗಳೂರು ಅರಮನೆಯಲ್ಲಿ ನಡೆಯುತ್ತಿರುವ ಇನ್ವೆಸ್ಟ್ ಕರ್ನಾಟಕ 2025 ಜಾಗತಿಕ ಹೂಡಿಕೆದಾರರ ಸಭೆ (GIM) ಯಲ್ಲಿ ಭಾಗವಹಿಸುವ ಮೂಲಕ ಕರ್ನಾಟಕದ ಸುಸ್ಥಿರ ಬೆಳವಣಿಗೆ ಮತ್ತು ಸಮಗ್ರ ಅಭಿವೃದ್ಧಿಗೆ ತನ್ನ ಬದ್ಧತೆಯನ್ನು ಪ್ರದರ್ಶಿಸಿದೆ. 25 ವರ್ಷಗಳಿಗೂ ಹೆಚ್ಚು ಕಾಲ ಕರ್ನಾಟಕದಲ್ಲಿ ಇತಿಹಾಸ ಹೊಂದಿರುವ TKM, ಆರ್ಥಿಕ ಬೆಳವಣಿಗೆ, ಉದ್ಯೋಗ ಸೃಷ್ಟಿ ಮತ್ತು ಹಸಿರು ಚಲನಶೀಲತೆಗಾಗಿ ರಾಜ್ಯದ ಆಕಾಂಕ್ಷೆಗಳನ್ನು ಬೆಂಬಲಿಸಲು ಬದ್ಧವಾಗಿದೆ. ಕರ್ನಾಟಕದ ಆರ್ಥಿಕ ಪ್ರಗತಿಯಲ್ಲಿ ತನ್ನ ಪಾತ್ರವನ್ನು ಬಲಪಡಿಸಿದ್ದಕ್ಕಾಗಿ ಕರ್ನಾಟಕ ಸರ್ಕಾರವು ಟಿಕೆಎಂಗೆ ಪ್ರತಿಷ್ಠಿತ 'ಹೂಡಿಕೆ ಪ್ರಮಾಣಪತ್ರ'ವನ್ನು ನೀಡಿ ಗೌರವಿಸಿದೆ.

ವಿಮಾನಗಳಿಗೆ ಪೈಪೋಟಿ ನೀಡುವಂತಹ ರೈಲುಗಳನ್ನು ಶೀಘ್ರದಲ್ಲೇ ನಾವು ಭಾರತದಲ್ಲಿ ನೋಡಲಿದ್ದೇವೆ. ಅದು ಕೂಡ ದಕ್ಷಿಣ ಭಾರತದಲ್ಲಿ ಹೈದರಾಬಾದ್ ನಿಂದ ಬೆಂಗಳೂರು ಮತ್ತು ಚೆನ್ನೈಗೆ ಈ ರೈಲು ಮಾರ್ಗವಿರಲಿದೆ. ವೇಗದ ವಿಷಯದಲ್ಲಿ ಈ ಹೈ-ಸ್ಪೀಡ್ ರೈಲು ವಿಮಾನ ಪ್ರಯಾಣಕ್ಕೆ ಪ್ರತಿಸ್ಪರ್ಧಿಯಾಗಲಿದೆ. ಈ ರೈಲುಗಳು ಗಂಟೆಗೆ 320 ಕಿ.ಮೀ ವೇಗದಲ್ಲಿ ಕಾರ್ಯನಿರ್ವಹಿಸುವ ನಿರೀಕ್ಷೆಯಿದೆ. ಎರಡು ಹೈ-ಸ್ಪೀಡ್ ರೈಲು ಕಾರಿಡಾರ್ಗಳನ್ನು ಅಭಿವೃದ್ಧಿಪಡಿಸುವ ಕೇಂದ್ರದ ಮಹತ್ವಾಕಾಂಕ್ಷೆಯ ಯೋಜನೆಯು ಪ್ರಯಾಣದ ಸಮಯವನ್ನು ಸುಮಾರು 10 ಗಂಟೆಗಳಷ್ಟು ಕಡಿಮೆ ಮಾಡುವ ಗುರಿಯನ್ನು ಹೊಂದಿದೆ ಎಂದು ವರದಿಯಾಗಿದೆ.

ಮಾರುತಿ ಸುಜುಕಿ ಇಂಡಿಯಾ (Maruti Suzuki India), ಅರೆನಾ ಮತ್ತು ನೆಕ್ಸಾ ಡೀಲರ್‌ಶಿಪ್ ಮೂಲಕ ಮಾರಾಟಗೊಳಿಸುವ ಎಲ್ಲ ಕಾರುಗಳ ಬೆಲೆಯನ್ನು ಫೆಬ್ರವರಿ 1ಕ್ಕೆ ಅನ್ವಯವಾಗುವಂತೆ ಏರಿಕೆ ಮಾಡಿದೆ. ನೂತನ ದರಗಳು ರೂ.1,500 ರಿಂದ ರೂ.32,500 ವರೆಗೆ ಹೆಚ್ಚಳಗೊಂಡಿದೆ. ತಯಾರಿಕಾ ವೆಚ್ಚಗಳು ಅಧಿಕಗೊಂಡ ಹಿನ್ನೆಲೆ, ಈ ಕ್ರಮವನ್ನು ಕೈಗೊಳ್ಳಲಾಗಿದೆ ಎಂದು ಕಂಪನಿ ತಿಳಿಸಿದೆ. ಈ ದರ ಏರಿಕೆ ಬಿಸಿ ಜನಪ್ರಿಯ ಎರ್ಟಿಗಾ (Ertiga) ಎಂಪಿವಿಗೂ ತಟ್ಟಿದೆ. ಬನ್ನಿ.. ಆ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ತಿಳಿಯೋಣ.

ವಿಶ್ವದೆಲ್ಲೆಡೆ ಫೆ.14ರಂದು ಪ್ರೇಮಿಗಳ ದಿನವನ್ನು (Valentine's Day) ಯುವ ಪ್ರೇಮಿಗಳು ಸಂಭ್ರಮದಿಂದ ಆಚರಿಸುತ್ತಾರೆ. ಈ ದಿನ ತಮ್ಮ ಪ್ರೇಯಸಿಗೆ ವಿಶೇಷ ಉಡುಗೊರೆಯನ್ನು ನೀಡಿ, ಪ್ರಪೋಸ್ ಮಾಡಬೇಕೆಂಬುದು ಹಲವು ಯುವಕರ ಬಹುದೊಡ್ಡ ಆಸೆಯಾಗಿರುತ್ತದೆ. ನಿಮ್ಮ ಪ್ರೇಯಸಿಗೆ ಸರ್ಪ್ರೆಸ್ ಗಿಫ್ಟ್ ಕೊಡಲು ಆಲೋಚಿಸುತ್ತಿದ್ದೀರಾ.. ಹಾಗಾದರೆ, ಈ ಸುಜುಕಿ ಆಕ್ಸೆಸ್ 125, ಹೀರೋ ಜೂಮ್ 110, ಟಿವಿಎಸ್ ಸ್ಕೂಟಿ ಜೆಸ್ಟ್ ಸ್ಕೂಟರ್‌ಗಳು ಅತ್ಯುತ್ತಮ ಆಯ್ಕೆಯಾಗಲಿವೆ. ಬನ್ನಿ.. ಇವುಗಳ ವಿಶೇಷತೆ ಕುರಿತಂತೆ ಸಂಕ್ಷಿಪ್ತವಾದ ಮಾಹಿತಿಯನ್ನು ತಿಳಿಯೋಣ.

ಎಲ್ಲರಿಗು ತಿಳಿದಿರುವಂತೆ ಟೊಯೋಟಾ (Toyota) ಹಾಗೂ ಮಾರುತಿ ಸುಜುಕಿ (Maruti) ಪಾಲುದಾರಿಕೆಯಲ್ಲಿವೆ. ಕೆಲವು ಜನಪ್ರಿಯ ಮಾದರಿಗಳನ್ನು ಬ್ಯಾಡ್ಜ್ ಬದಲಿಸಿ ಎರಡೂ ಕಂಪನಿಗಳು ಮಾರಾಟ ಮಾಡುತ್ತಿವೆ. ಇದೀಗ ಈ ಬ್ರಾಂಡ್‌ಗಳು ಭಾರತೀಯ ಎಲೆಕ್ಟ್ರಿಕ್ ವಾಹನ ವಿಭಾಗಕ್ಕೆ ಎಂಟ್ರಿ ಕೊಡಲು ಸಜ್ಜಾಗಿವೆ. ಜನವರಿಯಲ್ಲಿ ನಡೆದ ಆಟೋ ಎಕ್ಸ್‌ಪೋ 2025 ರಲ್ಲಿ ಮಾರುತಿ ಸುಜುಕಿ ತನ್ನ ಮೊದಲ ಎಲೆಕ್ಟ್ರಿಕ್ ಎಸ್‌ಯುವಿ ಇ-ವಿಟಾರಾವನ್ನು ಅನಾವರಣಗೊಳಿಸಿತು. ಈ ವರ್ಷದ ಕೊನೆಯಲ್ಲಿ ಈ ಕಾರನ್ನು ಬಿಡುಗಡೆ ಮಾಡುವ ನಿರೀಕ್ಷೆಯಿದೆ. ಹಾಗೆಯೇ ಇದೇ ಎಸ್‌ಯುವಿಯ ಟೊಯೋಟಾ ಮಾದರಿ ಕೂಡ ಬರಲಿದೆ.

ಬೆಂಗಳೂರಿನಲ್ಲಿ ಬೆಳ್ಳಂಬೆಳಗ್ಗೆ ವಿಪರೀತ ಸಂಚಾರ ದಟ್ಟಣೆ ಸಂಖ್ಯೆ ಉಂಟಾಗಿದೆ. ಬಿಎಂಆರ್‌ಸಿಎಲ್ (BMRCL) ಮೆಟ್ರೋ ಕಾಮಗಾರಿ ಹಿನ್ನೆಲೆ, ಎಚ್‌ಎಸ್‌ಆರ್ ಲೇಔಟ್ (HSR Layout) ಸಮೀಪದ ಫ್ಲೈಓವರ್‌ನ್ನು ಬಂದ್ ಮಾಡಿದೆ. ಇದರಿಂದ ಕಿಲೋಮೀಟರ್​ಗಟ್ಟಲೆ ಟ್ರಾಫಿಕ್ ಜಾಮ್ ಆಗಿದ್ದು, ಕೆ.ಆರ್.ಪುರಂ, ಮಾರತಹಳ್ಳಿ ಹಾಗೂ ಕಾಡುಬೀಸನಹಳ್ಳಿ ಸೇರಿದಂತೆ ಇತರೆಡೆಗೆ ಕೆಲಸಕ್ಕೆ ತೆರಳುವವರೂ ಪರದಾಡುವಂತಹ ಸ್ಥಿತಿ ನಿರ್ಮಾಣವಾಗಿದೆ. ವಾಹನ ಸವಾರರು ಕೂಡ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಬೆಂಗಳೂರಿನಲ್ಲಿ ಜಾಗತಿಕ ಬಂಡವಾಳ ಹೂಡಿಕೆದಾರರ ಸಮಾವೇಶ ಇನ್ವೆಸ್ಟ್‌ ಕರ್ನಾಟಕ - 2025ಕ್ಕೆ ಮಂಗಳವಾರ ಅದ್ದೂರಿಯಾಗಿ ಚಾಲನೆ ದೊರೆತಿದೆ. ಈ ಸಮಾವೇಶದಲ್ಲಿ ವಿವಿಧ ಕಂಪನಿಗಳು, ರಾಜ್ಯದಲ್ಲಿ ದೊಡ್ಡ ಪ್ರಮಾಣದ ಬಂಡವಾಳ ಹೂಡಿಕೆ ಮಾಡುವುದರೊಂದಿಗೆ, ಉದ್ಯೋಗ ಸೃಷ್ಟಿಗೂ ಹೆಚ್ಚಿನ ಆದ್ಯತೆ ನೀಡಲಾಗುವುದು ಎಂದು ಅಧಿಕೃತವಾಗಿ ಘೋಷಣೆ ಮಾಡಿವೆ. ಮೊದಲ ದಿನವೇ ಬರೋಬ್ಬರಿ ರೂ.5 ಲಕ್ಷ ಕೋಟಿ ಮೊತ್ತದ ಹಲವು ಹೂಡಿಕೆ ಒಪ್ಪಂದಗಳಿಗೆ ಕರ್ನಾಟಕ ಸರ್ಕಾರದೊಂದಿಗೆ ಸಹಿ ಹಾಕಿವೆ.

ದ್ವಿಚಕ್ರ ಮತ್ತು ತ್ರಿಚಕ್ರ ವಾಹನ ವಿಭಾಗದಲ್ಲಿ ಪ್ರಮುಖ ಜಾಗತಿಕ ವಾಹನ ತಯಾರಕರಾದ ಟಿವಿಎಸ್ ಮೋಟಾರ್ ಕಂಪನಿ (TVSM) ಕರ್ನಾಟಕದಲ್ಲಿ ಜಾಗತಿಕ ಸಾಮರ್ಥ್ಯ ಕೇಂದ್ರವನ್ನು ಸ್ಥಾಪಿಸಲಿದೆ. ಮೈಸೂರಿನಲ್ಲಿ ತನ್ನ ಉತ್ಪಾದನೆ ಮತ್ತು ಎಂಜಿನಿಯರಿಂಗ್ ಸಾಮರ್ಥ್ಯಗಳನ್ನು ವಿಸ್ತರಿಸಲಿದೆ, ಪರೀಕ್ಷಾ ಟ್ರ್ಯಾಕ್ ಅನ್ನು ನಿರ್ಮಿಸಿ ರಾಜ್ಯದಲ್ಲಿ ಹೊಸ ಕಂಪನಿ ಕಚೇರಿ ಮೂಲಸೌಕರ್ಯವನ್ನು ಸ್ಥಾಪಿಸಲಿದೆ. ಮುಂದಿನ 5 ವರ್ಷಗಳಲ್ಲಿ ರಾಜ್ಯದಲ್ಲಿ 2,000 ಕೋಟಿ ರೂ. ಹೂಡಿಕೆ ಮಾಡಲು ಟಿವಿಎಸ್ ಕಂಪನಿಯು ಕರ್ನಾಟಕ ಸರ್ಕಾರದೊಂದಿಗೆ ತಿಳುವಳಿಕೆ ಒಪ್ಪಂದಕ್ಕೆ ಸಹಿ ಹಾಕಿದೆ.