ಪಲ್ಸರ್ ಸೆಲೆಬ್ರೇಷನ್ ಆಫರ್: ಮತ್ತೆ ಸಿಗೋದಿಲ್ಲ ಬ್ರದರ್

ಭಾರತದ ಪ್ರಮುಖ ದ್ವಿಚಕ್ರ ಮತ್ತು ತ್ರಿಚಕ್ರ ವಾಹನ ತಯಾರಕರಾದ ಬಜಾಜ್ ಆಟೋ ಲಿಮಿಟೆಡ್ (Bajaj Auto Ltd), 25 ವರ್ಷಗಳ ಪಲ್ಸರ್ ಸೆಲೆಬ್ರೇಷನ್ ಆಫರ್ (Pulsar Celebration Offer) ಘೋಷಿಸಿದೆ. ಇಂದಿನಿಂದ ಸೀಮಿತ ಅವಧಿಯ ಈ ಗ್ರಾಹಕ ಕೊಡುಗೆಯು ಆಯ್ದ ಪಲ್ಸರ್ ಮಾಡಲ್‌ಗಳ ಮೇಲೆ ರೂ. 7000 ವರೆಗಿನ ಒಟ್ಟು ಪ್ರಯೋಜನಗಳನ್ನು ನೀಡುತ್ತಿದೆ. ಇದು ಪ್ರಮುಖ ಮಾರುಕಟ್ಟೆಗಳಲ್ಲಿ ಯುವ ಸವಾರರಿಗೆ ಪರ್ಫಾಮೆನ್ಸ್ ಬೈಕ್‌ಗಳನ್ನು ಮತ್ತಷ್ಟು ಸುಲಭವಾಗಿ ಖರೀದಿಸುವ ಅತ್ಯುತ್ತಮ ಆಯ್ಕೆಯಾಗಿದೆ.

ಕಮ್ಮಿ ಬೆಲೆಯ ಬೆಸ್ಟ್ ಸ್ಕೂಟರ್‌ಗಳು: ಖರೀದಿಗೆ ಮುಗಿಬಿದ್ದ ಜನ

ಟಿವಿಎಸ್ ಎಲೆಕ್ಟ್ರಿಕ್ (TVS Electric) ವಾಹನಗಳು ಡಿಸೆಂಬರ್ 2025 ರ ಮಾರಾಟದಲ್ಲಿ ಶೇಕಡಾ 77 ರಷ್ಟು ಬೆಳವಣಿಗೆಯನ್ನು ಕಂಡಿವೆ. ಡಿಸೆಂಬರ್ 2024 ರಲ್ಲಿ ಮಾರಾಟವಾಗಿದ್ದ 20,171 ಯುನಿಟ್ ವಾಹನಗಳಿಗೆ ಹೋಲಿಸಿದರೆ ಕಳೆದ ಡಿಸೆಂಬರ್‌ನಲ್ಲಿ ಟಿವಿಎಸ್ 35,605 ಯುನಿಟ್ ವಾಹನಗಳನ್ನು ಮಾರಾಟ ಮಾಡಿದೆ. ಬ್ರ್ಯಾಂಡ್ ನ ಅಸ್ತಿತ್ವದಲ್ಲಿರುವ ಇವಿ ಪೋರ್ಟ್ಫೋಲಿಯೊದಲ್ಲಿ ಟಿವಿಎಸ್ ಎಕ್ಸ್ ಹೈ-ಎಂಡ್ ಸ್ಕೂಟರ್, ಐಕ್ಯೂಬ್ ಎಲೆಕ್ಟ್ರಿಕ್ ಸ್ಕೂಟರ್ ಮತ್ತು ಹೊಸದಾಗಿ ಬಿಡುಗಡೆಯಾದ ಆರ್ಬಿಟರ್ ಎಲೆಕ್ಟ್ರಿಕ್ ಸ್ಕೂಟರ್ ನಂತಹ ಮಾಡಲ್‌ಗಳು ಇವಿ ವಿಭಾಗದಲ್ಲಿ ಮುನ್ನುಗ್ಗುತ್ತಿವೆ.

Toyota: ವರ್ಷಾರಂಭದಲ್ಲಿ ಕಹಿಸುದ್ದಿ.. 2027ರ ವೇಳೆಗೆ ಜನಪ್ರಿಯ..

ಟೊಯೊಟಾ ಇನ್ನೋವಾ ಕ್ರಿಸ್ಟಾ (Toyota Innova Crysta), ಜನಪ್ರಿಯ ಎಂಪಿವಿಯಾಗಿ ಹೊರಹೊಮ್ಮಿದೆ. 2027ರ ವೇಳೆಗೆ ಹಂತ - ಹಂತವಾಗಿ ಈ ಕಾರಿನ ಉತ್ಪಾದನೆಯನ್ನು ನಿಲ್ಲಿಸುವ ಸಾಧ್ಯತೆಯಿದೆ. ಮುಂಬರುವ ಕಠಿಣ ಎಮಿಷನ್ ಮಾನದಂಡಗಳು ಹಾಗೂ ಡೀಸೆಲ್ ವಾಹನಗಳಿಗೆ ಸಂಬಂಧಿಸಿದ ನಿಯಮಗಳು ಹೆಚ್ಚು ಬಿಗಿಯಾಗುತ್ತಿರುವ ಹಿನ್ನೆಲೆ, ಟೊಯೊಟಾ ತನ್ನ ಕಾರ್ಯ ಯೋಜನೆ ಬದಲಾಯಿಸುತ್ತಿದೆ. ಹೀಗಾಗಿ 'ಇನ್ನೋವಾ ಕ್ರಿಸ್ಟಾ' ತಯಾರಿಕೆ ಸ್ಥಗಿತಗೊಳಿಸುವ ಆಲೋಚನೆಯಲ್ಲಿದೆ ಎಂದು 'ಆಟೋಕಾರ್' ಸೇರಿದಂತೆ ವಿವಿಧ ಮಾಧ್ಯಮಗಳು ವರದಿ ಮಾಡಿವೆ. ಆದರೆ, ಈ ಬಗ್ಗೆ ಕಂಪನಿಯು ಅಧಿಕೃತವಾಗಿ ಯಾವುದೇ ಸ್ಪಷ್ಟನೆ ನೀಡಿಲ್ಲ.

ಭಾರತದಲ್ಲಿ ಹೊಸ ಬೈಕ್ ಬಿಡುಗಡೆ: ಹತ್ತು ಕಾರು ಖರೀದಿಸಬಹುದು!

ಐಷಾರಾಮಿ ಮೋಟಾರ್‌ಸೈಕಲ್ ಬ್ರಾಂಡ್ ಆಗಿರುವ ಡುಕಾಟಿ ಇಂದು ಭಾರತದಲ್ಲಿ ಹೊಸ ಪ್ಯಾನಿಗೇಲ್ V4 R ಅನ್ನು ಬಿಡುಗಡೆ ಮಾಡಿದೆ. ಖರೀದಿಸುವ ಪ್ರತಿಯೊಂದು ಪ್ಯಾನಿಗೇಲ್ V4 R ಬೈಕ್‌ನ್ನು ಸಂಖ್ಯೆಯ ಸರಣಿಯಲ್ಲಿ ಉತ್ಪಾದಿಸಲಾಗುತ್ತದೆ, ಮಾಡಲ್ ಹೆಸರು ಮತ್ತು ಸರಣಿ ಸಂಖ್ಯೆಯನ್ನು ಅದರ ಮೇಲೆ ಪ್ರದರ್ಶಿಸಲಾಗುತ್ತದೆ. ವಿಶ್ವ ಸೂಪರ್‌ಬೈಕ್ ಚಾಂಪಿಯನ್‌ಶಿಪ್‌ನಲ್ಲಿ ಸ್ಪರ್ಧಿಸಲು ನಿರ್ಮಿಸಲಾದ ಪ್ಯಾನಿಗೇಲ್ V4 R, ಉತ್ಸಾಹಿಗಳಿಗೆ ಸ್ಪೋರ್ಟಿ ಬೈಕಿಂಗ್‌ನ ಉತ್ತುಂಗವನ್ನು ನೀಡುತ್ತದೆ. ರೇಸಿಂಗ್ ಪ್ರಪಂಚದಿಂದ ನೇರವಾಗಿ ಪಡೆದ ವಿಶಿಷ್ಟ ಫೀಚರ್‌ಗಳನ್ನು ಒಳಗೊಂಡಿದ್ದು, ಈ ಫೀಚರ್‌ಗಳು ಸಾಮಾನ್ಯ ಮೋಟಾರ್‌ಸೈಕಲ್‌ಗಳಲ್ಲಿ ಎಂದಿಗೂ ಕಾಣಿಸಿಕೊಂಡಿಲ್ಲ ಎಂದು ಡುಕಾಟಿ ತಿಳಿಸಿದೆ.
Advertisement

ಭಾರತದಲ್ಲಿ ಹೊಸ ಕಂಪನಿಯ ಅಬ್ಬರ.. ಪ್ರತಿಷ್ಠಿತ ಬ್ರ್ಯಾಂಡ್‌ಗಳೇ..

ವಿಯೆಟ್ನಾಂಗೆ ಸೇರಿರುವ ವಿನ್‌ಫಾಸ್ಟ್‌ (VinFast), ಜಾಗತಿಕ ಎಲೆಕ್ಟ್ರಿಕ್ ವಾಹನೋದ್ಯಮದಲ್ಲಿ ತನ್ನದೆಯಾದ ಛಾಪನ್ನು ಮೂಡಿಸಿದೆ. ಭಾರತದಲ್ಲೂ ವಿಎಫ್6 ಮತ್ತು ವಿಎಫ್7 ಎಲೆಕ್ಟ್ರಿಕ್ ಎಸ್‌ಯುವಿಗಳನ್ನು ಮಾರಾಟ ಮಾಡುತ್ತಿದೆ. ಗ್ರಾಹಕರು ಕೂಡ ಇಷ್ಟಪಟ್ಟು ಖರೀದಿಸುತ್ತಿದ್ದಾರೆ. 2025ರ ಡಿಸೆಂಬರ್‌ನಲ್ಲಿಯೂ ದೇಶೀಯ ಮಾರುಕಟ್ಟೆಯಲ್ಲಿ ಅತಿ ಹೆಚ್ಚಿನ ಸಂಖ್ಯೆಯಲ್ಲಿ ಕಾರುಗಳನ್ನು ಮಾರಾಟಗೊಳಿಸಿದೆ. ಈ ಮೂಲಕ ಪ್ರತಿಷ್ಠಿತ ಕಾರು ತಯಾರಕ ಕಂಪನಿಗಳಾದ ಕಿಯಾ ಹಾಗೂ ಹುಂಡೈಗಳನ್ನು ಹಿಂದಿಕ್ಕಿದೆ. ಆ ಬಗ್ಗೆ ಇಲ್ಲಿದೆ ಹೆಚ್ಚಿನ ಮಾಹಿತಿ.

ಹ್ಯುಂಡೈ ಕಾರಿಗೆ ಫುಲ್ ಡಿಮ್ಯಾಂಡ್: 50,000 ಕ್ಕೂ ಹೆಚ್ಚು ಬುಕಿಂಗ್

ಹುಂಡೈ ಮೋಟಾರ್ ಇಂಡಿಯಾ ಲಿಮಿಟೆಡ್ (HMIL), ಇತ್ತೀಚೆಗೆ ಬಿಡುಗಡೆಯಾದ 9,99,900 ರೂ. (ಎಕ್ಸ್-ಶೋರೂಂ) ಬೆಲೆಯ ಹೊಸ ಹುಂಡೈ ವೆನ್ಯೂ (Hyundai Venue) ಎಸ್‌ಯುವಿನಲ್ಲಿ ಹೊಸ HX5+ ವೇರಿಯೆಂಟ್ ಅನ್ನು ಇಂದು ಪರಿಚಯಿಸಿದೆ. ಹೊಸದಾಗಿ ಪರಿಚಯಿಸಲಾದ HX5+ ವೇರಿಯೆಂಟ್ ಕಪ್ಪಾ 1.2L ಪೆಟ್ರೋಲ್ ಎಂಜಿನ್ - MT ಗೇರ್‌ ಬಾಕ್ಸ್‌ನೊಂದಿಗೆ ಬರುತ್ತದೆ. ಈ ಮೂಲಕ ಹೊಸ ವೇರಿಯೆಂಟ್ ಹೊಸ ಹುಂಡೈ ವೆನ್ಯೂ ಪೋರ್ಟ್ಫೋಲಿಯೊವನ್ನು ಮತ್ತಷ್ಟು ಬಲಪಡಿಸಲಿದೆ, ಗ್ರಾಹಕರ ಆಯ್ಕೆ ಮತ್ತು ಮೌಲ್ಯವನ್ನು ಹೆಚ್ಚಿಸಲಿದೆ ಎಂದು ಕಂಪನಿ ಹೇಳಿದೆ.

ಫುಲ್ ಟ್ಯಾಂಕ್ ಮಾಡಿಸಿದ್ರೆ 600 Km ಮೈಲೇಜ್.. 1.13 ಲಕ್ಷ ರೂಪಾಯಿ..

ಹೋಂಡಾ ಎಸ್‌ಪಿ 160 (Honda SP 160) ಜಗಮೆಚ್ಚಿದ ಬೈಕ್ ಆಗಿದೆ. ಇದು ನೋಡಲು ತುಂಬಾ ಚೆನ್ನಾಗಿದ್ದು, ಪ್ರೀಮಿಯಂ ಲುಕ್‌ನ್ನು ಹೊಂದಿದೆ. ಗ್ರಾಹಕರು ಕೂಡ ಇಷ್ಟಪಟ್ಟು ಖರೀದಿಸುತ್ತಿದ್ದಾರೆ. ನೀವು ಹೊಚ್ಚ ಹೊಸ ಮೋಟಾರ್‌ಸೈಕಲ್‌ವೊಂದನ್ನು ಮನೆತರಲು ಪ್ಲಾನ್ ಮಾಡಿದ್ದೀರಾ.. ಹಾಗಾದರೆ ಇದೇ 'ಎಸ್‌ಪಿ 160' ಬೆಸ್ಟ್ ಚಾಯ್ಸ್ ಆಗಲಿದೆ. ಬನ್ನಿ, ಈ ಬೈಕ್‌ನ ಬೆಲೆ ಎಷ್ಟು.. ಹೇಗೆ ಕಾರ್ಯನಿರ್ವಹಿಸುತ್ತದೆ ಹಾಗೂ ವಿಶೇಷತೆಗಳೇನು ಎಂಬುದರ ಕುರಿತಂತೆ ಸಂಪೂರ್ಣವಾದ ವಿವರವನ್ನು ತಿಳಿಯೋಣ.

Kia Seltos: ಕಿಯಾ ಸೆಲ್ಟೋಸ್ ಬೆಲೆ ಕೊನೆಗೂ ಬಹಿರಂಗ

ಕಿಯಾ ಇಂಡಿಯಾ ಇಂದು ಹೊಸ ಕಿಯಾ ಸೆಲ್ಟೋಸ್‌ನ (Kia Seltos) ಬೆಲೆಗಳನ್ನು ಘೋಷಿಸಿದ್ದು, ಮಿಡ್‌-ಸೈಜ್ ಎಸ್‌ಯುವಿ ವಿಭಾಗದಲ್ಲಿ ಬಲವಾದ ಬೇಡಿಕೆ ಪಡೆದುಕೊಳ್ಳುವುದು ಖಚಿತ ಎನ್ನಲಾಗಿದೆ. ಬೆಲೆ ವಿಷಯಕ್ಕೆ ಬಂದರೆ ಈ ಕಾರು ರೂ. 10.99 ಲಕ್ಷದಿಂದ (ಎಕ್ಸ್-ಶೋರೂಂ) ಪ್ರಾರಂಭವಾಗುತ್ತದೆ. ಹಾಗೆಯೇ ಟಾಪ್ ವೇರಿಯೆಂಟ್ ಬೆಲೆಯು ರೂ. 19,99 ಲಕ್ಷ (ಎಕ್ಸ್-ಶೋರೂಂ) ಬೆಲೆಯನ್ನು ಹೊಂದಿದೆ. ಈ ಬಾರಿಯ ಹೊಸ ಕಿಯಾ ಸೆಲ್ಟೋಸ್ ಆಧುನಿಕ ಭಾರತೀಯ ಕುಟುಂಬಗಳು ಮತ್ತು ಎಸ್‌ಯುವಿ ಖರೀದಿದಾರರಿಗೆ ಅತ್ಯಂತ ಆಕರ್ಷಕ ಆಯ್ಕೆಗಳಲ್ಲಿ ಒಂದಾಗಿದ್ದು, ಅತ್ಯಾಧುನಿಕತೆ, ಸುರಕ್ಷತೆ ಮತ್ತು ತಂತ್ರಜ್ಞಾನದ ಪರಿಪೂರ್ಣ ಮಿಶ್ರಣವನ್ನು ನೀಡುತ್ತದೆ ಎಂದು ಕಿಯಾ ಹೇಳಿದೆ.
Advertisement

ಬೈಕ್‌ನಂತೆ ಮೈಲೇಜ್.. 6 ಜನ ತಿರುಗಾಡಬಹುದು..

ಮಾರುತಿ ಸುಜುಕಿ ಇಂಡಿಯಾ (Maruti Suzuki India) ಜನಮೆಚ್ಚಿದ ವಾಹನ ತಯಾರಕ ಕಂಪನಿಯಾಗಿ ಹೊರಹೊಮ್ಮಿದೆ. ಪ್ರತಿ ತಿಂಗಳು ಕಂಪನಿಯ ಕಾರುಗಳು ಉತ್ತಮ ಸಂಖ್ಯೆಯಲ್ಲಿ ಮಾರಾಟವಾಗುತ್ತವೆ. ಗ್ರಾಹಕರು ಕೂಡ ನಾ ಮುಂದು - ತಾ ಮುಂದು ಎಂಬಂತೆ ಕೊಂಡುಕೊಳ್ಳುತ್ತಿದ್ದಾರೆ. 2025ರ ಡಿಸೆಂಬರ್‌ನಲ್ಲೂ ಅದು ಮುಂದುವರಿದಿದೆ. ಒಟ್ಟು 2,17,854 ಯುನಿಟ್‌ಗಳನ್ನು ಗ್ರಾಹಕರಿಗೆ ವಿತರಿಸಲಾಗಿದೆ. 2024ರ ಇದೇ ಅವಧಿಯಲ್ಲಿಯೂ 1,78,248 ಯುನಿಟ್‌ಗಳನ್ನು ಮಾರಲಾಗಿತ್ತು. ಈ ಅಂಕಿಸಂಖ್ಯೆಯನ್ನು ಲೆಕ್ಕ ಹಾಕಿದಾಗ ಮಾರಾಟ ಪ್ರಮಾಣವು ವರ್ಷದಿಂದ ವರ್ಷಕ್ಕೆ ಶೇಕಡ 22.21% ಪ್ರಗತಿಯಾಗಿದೆ.

Tata: ಸ್ವದೇಶಿ ಬ್ರಾಂಡ್‌ನ್ನು ಬಿಟ್ಟುಕೊಡದ ಜನ

ದೇಶದ ಪ್ರತಿಷ್ಠಿತ ವಾಹನ ತಯಾರಕ ಕಂಪನಿಯಾಗಿರುವ ಟಾಟಾ ಮೋಟಾರ್ಸ್ (Tata Motors) ಭರ್ಜರಿ ಲಾಭವನ್ನು ಕಂಡಿದೆ. ದೇಶೀಯ ಮತ್ತು ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ 2025 ರ ಮೂರನೇ ಹಣಕಾಸು ವರ್ಷದಲ್ಲಿ 1,39,829 ಯುನಿಟ್‌ ಕಾರುಗಳ ಮಾರಾಟವಾಗಿದ್ದರೆ, 2026 ರ ಮೂರನೇ ಹಣಕಾಸು ವರ್ಷದಲ್ಲಿ (Q3 FY26) 1,71,013 ಯುನಿಟ್‌ ಕಾರುಗಳ ಮಾರಾಟವಾಗಿವೆ. ಟಾಟಾ ಮೋಟಾರ್ಸ್ ಪ್ಯಾಸೆಂಜರ್ ವೆಹಿಕಲ್ಸ್ ಲಿಮಿಟೆಡ್‌ನ ಅಂಗಸಂಸ್ಥೆಯಾದ ಟಾಟಾ ಪ್ಯಾಸೆಂಜರ್ ಎಲೆಕ್ಟ್ರಿಕ್ ಮೊಬಿಲಿಟಿ ಲಿಮಿಟೆಡ್‌ನ ಮಾರಾಟವೂ ಇದರಲ್ಲಿ ಸೇರಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.

Kia Seltos: ಇಂದೇ ಬಿಡುಗಡೆ.. ನೂತನ ಕಿಯಾ ಸೆಲ್ಟೋಸ್ ಕಾರಿನ..

ಇಂದು 2026ರ ಹೊಸ ಕಿಯಾ ಸೆಲ್ಟೋಸ್ (Kia Seltos) ಎಸ್‌ಯುವಿ ಮಾರಾಟಕ್ಕೆ ಬಂದಿದೆ. ಈ ಕಾರು ರೂ.10,99 ಲಕ್ಷದಿಂದ ರೂ.19,99 ಲಕ್ಷ (ಎಕ್ಸ್-ಶೋರೂಂ) ಬೆಲೆಯನ್ನು ಹೊಂದಿದೆ. ಹೆಚ್‌ಟಿಇ, ಹೆಚ್‌ಟಿಇ (ಒ), ಹೆಚ್‌ಟಿಕೆ, ಹೆಚ್‌ಟಿಎಕ್ಸ್, ಹೆಚ್‌ಟಿಎಕ್ಸ್ (ಎ) ಹಾಗೂ ಜಿಟಿಎಕ್ಸ್ (ಎ) ಸೇರಿದಂತೆ ವಿವಿಧ ರೂಪಾಂತರಗಳೊಂದಿಗೂ ಲಭ್ಯವಿದೆ. ಡಿಸೆಂಬರ್ 11ರಿಂದಲೇ ಬುಕ್ಕಿಂಗ್ ಪ್ರಕ್ರಿಯೆಯೂ ಶುರುವಾಗಿದೆ. ಆಸಕ್ತರು ರೂ.25,000 ಮುಂಗಡ ಹಣ ಪಾವತಿಸಿ, ಸಮೀಪದ ಶೋರೂಂ ಅಥವಾ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ, ಕಾಯ್ದಿರಬಹುದು. ಇಲ್ಲಿ ನೂತನ 'ಸೆಲ್ಟೋಸ್' ಕಾರಿನ ವೇರಿಯೆಂಟ್‌ವಾರು ದರದ ಕುರಿತಂತೆ ಸಂಪೂರ್ಣವಾಗಿ ವಿವರಿಸಿದ್ದೇವೆ.

ಹೀರೋ ವಾಹನಗಳಿಗೆ ಫುಲ್ ಡಿಮ್ಯಾಂಡ್: ಶೇ.40 ರಷ್ಟು ಬೆಳವಣಿಗೆ

ಮೋಟಾರ್ ಸೈಕಲ್‌ಗಳು ಮತ್ತು ಸ್ಕೂಟರ್‌ಗಳ ತಯಾರಕರಾದ ಹೀರೋ ಮೋಟೋಕಾರ್ಪ್, ಡಿಸೆಂಬರ್ 2025 ರಲ್ಲಿ ಶೇ40 ರಷ್ಟು ಬಲವಾದ ರವಾನೆ ಬೆಳವಣಿಗೆಯನ್ನು ದಾಖಲಿಸಿದ್ದು, ಕಳೆದ ವರ್ಷ ಇದೇ ಅವಧಿಯಲ್ಲಿ 3,24,906 ಯುನಿಟ್‌ ವಾಹನಗಳಿಗೆ ಹೋಲಿಸಿದರೆ ಈ ತಿಂಗಳು 2,91,732 ವಾಹನ ನೋಂದಣಿಗಳನ್ನು ದಾಖಲಿಸಿದೆ. ಇದು ICE ಮತ್ತು EV ಸ್ಕೂಟರ್ ಪೋರ್ಟ್‌ಫೋಲಿಯೊ ಎರಡರಲ್ಲೂ ಬಲವಾದ ಬೇಡಿಕೆಯನ್ನು ತೋರಿಸಿದೆ. ಈ ತಿಂಗಳು ಜಾಗತಿಕ ವ್ಯವಹಾರದಲ್ಲಿ ಬಲವಾದ ನಿರಂತರ ಬೇಡಿಕೆಯನ್ನು ಕಂಡಿತು, ಪ್ರಮುಖ ಮಾರುಕಟ್ಟೆಗಳಲ್ಲಿ ಒಟ್ಟಾರೆ ಬೆಳವಣಿಗೆಗೆ ಕೊಡುಗೆ ನೀಡಿರುವುದಾಗಿ ಹೀರೋ ಪ್ರಕಟಣೆಯಲ್ಲಿ ತಿಳಿಸಿದೆ.
Advertisement

Kia: ಪ್ರತಿಸ್ಪರ್ಧಿಗಳಿಗೆ ಶುರುವಾಯ್ತು ನಡುಕ.. ಬರೀ 10.99 ಲಕ್ಷ..

ಹೊಸ ತಲೆಮಾರಿನ ಕಿಯಾ ಸೆಲ್ಟೋಸ್ (New Generation Kia Seltos) ಎಸ್‌ಯುವಿ ಶುಕ್ರವಾರ ಅದ್ದೂರಿಯಾಗಿ ಬಿಡುಗಡೆಗೊಂಡಿದೆ. ಈ ಕಾರು ಕೈಗೆಟುಕುವ ಬೆಲೆಯಲ್ಲಿ ಗ್ರಾಹಕರ ಖರೀದಿಗೆ ಲಭ್ಯವಿದೆ. ಇದು ನೋಡಲು ತುಂಬಾ ಚೆನ್ನಾಗಿದ್ದು, ಹೆಚ್ಚು ಅತ್ಯಾಧುನಿಕವಾದ ವಿನ್ಯಾಸ ಹೊಂದಿದ್ದು, ಹತ್ತಾರು ವೈಶಿಷ್ಟ್ಯಗಳಿಗೂ ಸಾಕ್ಷಿಯಾಗಿದೆ. ಬನ್ನಿ, ನೂತನ 'ಸೆಲ್ಟೋಸ್' ದರವೆಷ್ಟು.. ವಿಶೇಷತೆಗಳೇನು ಎಂಬುದರ ಕುರಿತಂತೆ ಸಂಪೂರ್ಣವಾದ ವಿವರಗಳನ್ನು ತಿಳಿಸಿಕೊಟ್ಟಿದ್ದೇವೆ.

ಚೀನಾ ಕಂಪನಿಯಾದರೂ ಭಾರತೀಯರ ಮನಗೆದ್ದಿದೆ

2024 ಕ್ಕೆ ಹೋಲಿಸಿದರೆ JSW MG ಮೋಟಾರ್ ಇಂಡಿಯಾ 2025 ರಲ್ಲಿ ವರ್ಷದಿಂದ ವರ್ಷಕ್ಕೆ ಶೇ19 ಬೆಳವಣಿಗೆಯನ್ನು ದಾಖಲಿಸಿದೆ. 2025 ರ ಜನವರಿಯಿಂದ ಡಿಸೆಂಬರ್ ಅವಧಿಯಲ್ಲಿ ಕಂಪನಿಯು 70,554 ಯುನಿಟ್‌ ಕಾರುಗಳನ್ನು ಮಾರಾಟ ಮಾಡಿದೆ. ಬ್ರ್ಯಾಂಡ್‌ನ ಐಷಾರಾಮಿ ಚಾನೆಲ್ ಆಗಿರುವ MG SELECT, M9 ಪ್ರೆಸಿಡೆನ್ಶಿಯಲ್ ಲಿಮೋಸಿನ್ ಮತ್ತು ವಿಶ್ವದ ಅತ್ಯಂತ ವೇಗದ MG ಸೈಬರ್‌ಸ್ಟರ್‌ ಇವಿಗೆ ಗ್ರಾಹಕರ ಬಲವಾದ ಪ್ರತಿಕ್ರಿಯೆಯಿಂದ ತಿಂಗಳಿನಿಂದ ತಿಂಗಳಿಗೆ ಶೇ38 ಬೆಳವಣಿಗೆಯನ್ನು ಕಂಡಿದೆ ಎಂದು ಎಂಜಿ ಮೋಟಾರ್ ಪ್ರಕಟಣೆಯಲ್ಲಿ ತಿಳಿಸಿದೆ.

Toyota: ನಮ್ಮ ಕರ್ನಾಟಕದ ಕಾರುಗಳಿಗೆ ಫುಲ್ ಡಿಮ್ಯಾಂಡ್

ಕರ್ನಾಟಕದ ಬಿಡದಿಯಲ್ಲಿ ಉತ್ಪಾದನಾ ಸ್ಥಾವರ ಹೊಂದಿರುವ ಟೊಯೋಟಾ ಕಿರ್ಲೋಸ್ಕರ್ ಮೋಟಾರ್ (TKM)' 2025 ರಲ್ಲಿ ಒಟ್ಟು 3,88,801 ಯುನಿಟ್‌ ಕಾರುಗಳ ಮಾರಾಟದೊಂದಿಗೆ 2025ರ ವರ್ಷವನ್ನು ಮುಗಿಸಿದೆ. ಇದು 2024 ರಲ್ಲಿ ಮಾರಾಟವಾದ 3,26,329 ಯುನಿಟ್‌ ಕಾರುಗಳಿಗೆ ಹೋಲಿಸಿದರೆ ಶೇ19 ರಷ್ಟು ಬೆಳವಣಿಗೆಯನ್ನು ಸಾಧಿಸಿದೆ. ಡಿಸೆಂಬರ್ 2025 ರವರೆಗೆ ನಿರಂತರ ವೇಗದಿಂದ ಬೆಂಬಲಿತವಾದ ಈ ಕಾರ್ಯಕ್ಷಮತೆಯು, ವಿಕಸಿಸುತ್ತಿರುವ ಗ್ರಾಹಕರ ನಿರೀಕ್ಷೆಗಳಿಗೆ ಅನುಗುಣವಾಗಿ ಉತ್ತಮ - ಗುಣಮಟ್ಟದ, ವಿಶ್ವಾಸಾರ್ಹ ಮತ್ತು ಸುರಕ್ಷಿತ ಕಾರುಗಳನ್ನು ತಲುಪಿಸುವತ್ತ ಟೊಯೋಟಾ ನಿರಂತರ ಗಮನವನ್ನು ಒತ್ತಿಹೇಳುತ್ತದೆ.

2025 ರಲ್ಲಿ 2,80,286 ಯೂನಿಟ್‌ ಕಾರುಗಳ ಮಾರಾಟ: ಶೇ15 ಏರಿಕೆ ಕಂಡ ಕಿಯ

ಪ್ರಮುಖ ಕಾರು ತಯಾರಕ ಕಂಪನಿಯಾದ ಕಿಯಾ ಇಂಡಿಯಾ, 2025 ಅನ್ನು ಬಲವಾದ ಮಾರಾಟದೊಂದಿಗೆ ಮುಕ್ತಾಯಗೊಳಿಸಿದೆ. ಒಟ್ಟು 2,80,286 ಯುನಿಟ್‌ ಕಾರುಗಳ ಮಾರಾಟವನ್ನು ನೋಂದಾಯಿಸಿದೆ. ಇದು 2024 ರಲ್ಲಿ ಮಾರಾಟವಾದ 2,45,000 ಯುನಿಟ್‌ ಕಾರುಗಳಿಗಿಂತ ಶೇ15 ರಷ್ಟು ವಾರ್ಷಿಕ ಬೆಳವಣಿಗೆ ಸಾಧಿಸಿದೆ. ಈ ಸ್ಥಿರವಾದ ಕಾರ್ಯಕ್ಷಮತೆಯು ಕಂಪನಿಯ ಕೇಂದ್ರೀಕೃತ ಗ್ರಾಹಕ ಕೇಂದ್ರಿತ ವಿಧಾನ, ನಿರಂತರ ಉತ್ಪನ್ನ ನಾವೀನ್ಯತೆಗಳು, ನಿರಂತರ ಗ್ರಾಹಕ ಬೇಡಿಕೆ ಮತ್ತು ಬೆಂಬಲಿತ ಮಾರುಕಟ್ಟೆ ವಾತಾವರಣವನ್ನು ಒತ್ತಿಹೇಳುತ್ತದೆ ಎಂದು ಕಿಯಾ ಹೇಳಿದೆ.
Advertisement

2026 ಕಿಯಾ ಸೆಲ್ಟೋಸ್ ಎಸ್‌ಯುವಿ ಬೆಲೆ ನಾಳೆ ಘೋಷಣೆ

ಕಿಯಾ 2026 ರ ಸೆಲ್ಟೋಸ್ SUV ಯ ಬೆಲೆಗಳನ್ನು ನಾಳೆ, ಜನವರಿ 2, 2026 ರಂದು ಹೈದರಾಬಾದ್‌ನಲ್ಲಿ ಘೋಷಿಸಲಿದೆ. ಡಿಸೆಂಬರ್ 11, 2025 ರಂದು ರೂ.25,000 ಗೆ ಬುಕಿಂಗ್ ಪ್ರಾರಂಭವಾಯಿತು, ವಿತರಣೆಗಳು ಜನವರಿ ಮಧ್ಯದಿಂದ ಪ್ರಾರಂಭವಾಗುತ್ತವೆ. ಮುಂಬರುವ ಸೆಲ್ಟೋಸ್ ಹೊಸ ವಿನ್ಯಾಸ, ಒಳಾಂಗಣ ವಿನ್ಯಾಸ, ವೈಶಿಷ್ಟ್ಯಗಳು ಮತ್ತು ಪವರ್‌ಟ್ರೇನ್ ಆಯ್ಕೆಗಳಲ್ಲಿ ಗಮನಾರ್ಹ ಬದಲಾವಣೆಗಳನ್ನು ಪಡೆದಿದೆ. ಮಧ್ಯಮ ಗಾತ್ರದ SUV ವಿಭಾಗದಲ್ಲಿ ಹೊಸ ಅಲೆ ಎಬ್ಬಿಸಲು ಸಜ್ಜಾಗಿದೆ, ಈ ಹೊಸ ಸೆಲ್ಟೋಸ್ ಬಗ್ಗೆ ನೀವು ತಿಳಿಯಬೇಕಾದ ಮುಖ್ಯಾಂಶಗಳು ಇಲ್ಲಿವೆ.

ಪುರುಷ, ಮಹಿಳಾ ಟೂರ್ನಮೆಂಟ್‌ಗಳ ICC ಪ್ರೀಮಿಯರ್ ಪಾಲುದಾರರಾದ ಹುಂಡೈ

ಹುಂಡೈ ಮೋಟಾರ್ (Hyundai Motor) ಕಂಪನಿಯು ಅಂತರರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ಐಸಿಸಿ) ಜೊತೆ ಜಾಗತಿಕ ಪಾಲುದಾರಿಕೆಯನ್ನು ಘೋಷಿಸಿದ್ದು, 2026 ರಿಂದ 2027 ರವರೆಗಿನ ತನ್ನ ಪ್ರತಿಷ್ಠಿತ ಪಂದ್ಯಾವಳಿಗಳಿಗೆ ಪ್ರೀಮಿಯರ್ ಪಾಲುದಾರನಾಗಿರಲಿದೆ. 2027 - ರ ಪುರುಷರ ಕ್ರಿಕೆಟ್ ವಿಶ್ವಕಪ್ ಸೇರಿದಂತೆ ಐಸಿಸಿಯ ಮುಂಬರುವ ಅಂತರರಾಷ್ಟ್ರೀಯ ಕ್ರಿಕೆಟ್ ಕ್ಯಾಲೆಂಡರ್‌ ಗಾಗಿ ವಿಶೇಷ ಹಕ್ಕುಗಳು ಮತ್ತು ಅವಕಾಶಗಳನ್ನು ಪಡೆದುಕೊಂಡಿದೆ. ಈ ಹಕ್ಕುಗಳಲ್ಲಿ ನಾಣ್ಯ ಟಾಸ್, ಕ್ರೀಡಾಂಗಣದಲ್ಲಿ ಪ್ರಮುಖ ಬ್ರ್ಯಾಂಡಿಂಗ್ ಅನ್ನು ಪಡೆದುಕೊಳ್ಳುವುದು ಮತ್ತು ಅಭಿಮಾನಿಗಳಿಗೆ ಸೂಕ್ತವಾದ ಅನುಭವಗಳನ್ನು ನೀಡುವಂತಹ ಐಕಾನಿಕ್ ಪಂದ್ಯದ ದಿನದ ಕ್ಷಣಗಳಲ್ಲಿ ಭಾಗವಹಿಸುವುದು ಸೇರಿವೆ.

ಎರಡು ಹೊಸ ಹುಂಡೈ ಪ್ರೈಮ್ ಕಾರುಗಳು ಬಿಡುಗಡೆ: ಕೇವಲ 6 ಲಕ್ಷ ಬೆಲೆ

ಭಾರತದ ಪ್ರಮುಖ ಕಾರು ಬ್ರ್ಯಾಂಡ್‌ಗಳಲ್ಲಿ ಒಂದಾದ ಹುಂಡೈ ಮೋಟಾರ್, ಇಂದು ತನ್ನ ಮೀಸಲಾದ ಟ್ಯಾಕ್ಸಿ ಕಾರುಗಳಾದ ಪ್ರೈಮ್ HB (ಹ್ಯಾಚ್‌ಬ್ಯಾಕ್) ಮತ್ತು ಪ್ರೈಮ್ SD (ಸೆಡಾನ್) ಗಳನ್ನು ಪ್ರಾರಂಭಿಸುವುದರೊಂದಿಗೆ ವಾಣಿಜ್ಯ ವಾಹನ ವಿಭಾಗಕ್ಕೆ ಪ್ರವೇಶವನ್ನು ಘೋಷಿಸಿದೆ. ಫ್ಲೀಟ್ ಆಪರೇಟರ್‌ಗಳು ಮತ್ತು ಟ್ಯಾಕ್ಸಿ ಉದ್ಯಮಿಗಳ ವಿಕಸನಗೊಳ್ಳುತ್ತಿರುವ ಅಗತ್ಯಗಳನ್ನು ಪೂರೈಸುವ ಉದ್ದೇಶದಿಂದ ನಿರ್ಮಿಸಲಾದ ಪ್ರೈಮ್ ಸಿರೀಸ್, ನಂಬಿಕೆ, ವಿಶ್ವಾಸಾರ್ಹತೆ, ಕಡಿಮೆ ಮಾಲೀಕತ್ವದ ವೆಚ್ಚ ಮತ್ತು ಬಲವಾದ ಗಳಿಕೆಯ ಸಾಮರ್ಥ್ಯದೊಂದಿಗೆ ಉತ್ತಮ ಸೌಕರ್ಯವನ್ನು ನೀಡುತ್ತದೆ ಎಂದು ಹ್ಯುಂಡೈ ಹೇಳಿದೆ.

Honda Bikes: ದುಡಿಯುವ ಜನರು ತೆಗೆದುಕೊಳ್ಳಬಹುದಾದ 5 ಹೋಂಡಾ..

ಹೋಂಡಾ ಮೋಟಾರ್‌ಸೈಕಲ್ ಮತ್ತು ಸ್ಕೂಟರ್ ಇಂಡಿಯಾ (Honda Motorcycle & Scooter India) ವಿಶ್ವಾಸಾರ್ಹ ದ್ವಿಚಕ್ರ ವಾಹನ ತಯಾರಕ ಕಂಪನಿಯಾಗಿ ಹೊರಹೊಮ್ಮಿದೆ. ದೇಶೀಯವಾಗಿ ವಿವಿಧ ಬೈಕ್‌ಗಳನ್ನು ಮಾರಾಟಗೊಳಿಸುತ್ತಿದೆ. ಗ್ರಾಹಕರು ಕೂಡ ಇಷ್ಟಪಟ್ಟು ಖರೀದಿಸುತ್ತಿದ್ದಾರೆ. ನೀವು ದುಡಿಯುವ ವರ್ಗದವರಾಗಿದ್ದು, ಹೊಚ್ಚ ಹೊಸ ಮೋಟಾರ್‌ಸೈಕಲ್‌ವೊಂದನ್ನು ಕೊಂಡುಕೊಳ್ಳಲು ಆಲೋಚಿಸಿದ್ದೀರಾ.. ಹಾಗಾದರೆ ಹೋಂಡಾ ಶೈನ್ 100, ಹೋಂಡಾ ಶೈನ್ 125, ಹೋಂಡಾ ಶೈನ್ 100 ಡಿಎಕ್ಸ್, ಹೋಂಡಾ ಎಸ್‌ಪಿ 125 ಹಾಗೂ ಹೋಂಡಾ ಯುನಿಕಾರ್ನ್ ಬೆಸ್ಟ್ ಚಾಯ್ಸ್ ಆಗಲಿವೆ. ಬನ್ನಿ, ಇವುಗಳ ಬೆಲೆ ಹಾಗೂ ವಿಶೇಷತೆಗಳ ಕುರಿತಂತೆ ಸಂಕ್ಷಿಪ್ತವಾದ ವಿವರಗಳನ್ನು ತಿಳಿಯೋಣ.
Advertisement

ಮಾರುತಿ ಆಲ್ಟೋ vs ರೆನಾಲ್ಟ್ ಕ್ವಿಡ್: ಎರಡರ ಬೆಲೆಯೂ ಕಮ್ಮಿ..

ಮಾರುತಿ ಸುಜುಕಿ ಆಲ್ಟೊ ಕೆ10 (Maruti Suzuki Alto K10) ಹಾಗೂ ರೆನಾಲ್ಟ್ ಕ್ವಿಡ್ (Renault Kwid) ಜನಪ್ರಿಯ ಹ್ಯಾಚ್‌ಬ್ಯಾಕ್‌ಗಳಾಗಿವೆ. ಇವೆರೆಡು ಕಾರುಗಳು ಹೆಚ್ಚು ಆಕರ್ಷಕವಾಗಿದ್ದು, ಪ್ರತಿ ತಿಂಗಳು ಉತ್ತಮ ಸಂಖ್ಯೆಯಲ್ಲಿ ಮಾರಾಟವಾಗುತ್ತಿವೆ. ಖರೀದಿದಾರರು ಕೂಡ ನಾ ಮುಂದು - ತಾ ಮುಂದು ಎಂಬಂತೆ ಕೊಂಡುಕೊಳ್ಳುತ್ತಿದ್ದಾರೆ. ನಾವಿಲ್ಲಿ ಈ ಕಾರುಗಳ ಬೆಲೆ, ಕಾರ್ಯಕ್ಷಮತೆ ಹಾಗೂ ವೈಶಿಷ್ಟ್ಯಗಳ ಕುರಿತು ಹೋಲಿಕೆ ಮಾಡಿದ್ದೇವೆ.

ಟಾಟಾ ಪಂಚ್ EV VS ಸಿಟ್ರನ್ eC3: ಯಾವುದು ಬೆಸ್ಟ?

ಟಾಟಾ ಪಂಚ್ ಇವಿ ಮತ್ತು ಸಿಟ್ರನ್ ಇಸಿ3 ಕಾರುಗಳು ಸದ್ಯ ಎಲೆಕ್ಟ್ರಿಕ ಹ್ಯಾಚ್‌ಬ್ಯಾಕ್ ವಿಭಾಗದಲ್ಲಿ ಯೋಗ್ಯವಾದ ರೇಂಜ್ ಮತ್ತು ದೈನಂದಿನ ನಗರ ಪ್ರಯಾಣಕ್ಕೆ ಬೆಸ್ಟ್ ಆಯ್ಕೆಯಾಗಿವೆ. ಎರಡೂ ಕಾಂಪ್ಯಾಕ್ಟ್ ಎಸ್‌ಯುವಿಗಳು ಒಮ್ಮೆ ಚಾರ್ಜ್ ಮಾಡಿದರೆ 240 ಕಿ.ಮೀ.ಗಿಂತ ಹೆಚ್ಚಿನ ರೇಂಜ್ ನೀಡುತ್ತವೆ. ಆದರೆ ಎರಡರಲ್ಲಿ ಯಾವುದು ಉತ್ತಮ ಎಂಬುದನ್ನು ಪರಿಗಣಿಸಲು ಗೊಂದಲವಿದ್ದವರಿಗಾಗಿಯೇ ಈ ಎರಡೂ ಕಾರುಗಳನ್ನು ಹೋಲಿಕೆ ಮಾಡಿದ್ದೇವೆ. ಯಾವುದು ನಿಮಗೆ ಹೆಚ್ಚು ಸೂಕ್ತವಾಗಿದೆ ಎಂಬುದನ್ನು ಅರ್ಥಮಾಡಿಕೊಳ್ಳಲು ಇಲ್ಲಿ ತ್ವರಿತ ಹೋಲಿಕೆ ಇದೆ.

Tata: ಮುಂಬರುವ ಗಜ ಗಾತ್ರದ ಹೊಸ ಟಾಟಾ ಎಸ್‌ಯುವಿಗೆ 3 ಬದಲಿ..

ಅತಿ ಶೀಘ್ರದಲ್ಲೇ ಟಾಟಾ ಹ್ಯಾರಿಯರ್ ಪೆಟ್ರೋಲ್ (Tata Harrier Petrol) ಎಸ್‌ಯುವಿ ಬಿಡುಗಡೆಯಾಗಲಿದೆ. ಇದು ಸ್ಪರ್ಧಾತ್ಮಕ ಬೆಲೆಯಲ್ಲಿ ಗ್ರಾಹಕರ ಖರೀದಿಗೆ ದೊರೆಯುವ ಸಾಧ್ಯತೆಯಿದೆ. ರೂ.15.49 ಲಕ್ಷ (ಎಕ್ಸ್-ಶೋರೂಂ) ಬೆಲೆಯನ್ನು ಹೊಂದಿರಬಹುದು ಎಂದು ಅಂದಾಜಿಸಲಾಗಿದೆ. ಹೆಚ್ಚು ಅತ್ಯಾಧುನಿಕವಾದ ವಿನ್ಯಾಸ ಹೊಂದಿದ್ದು, ವಿವಿಧ ಆಕರ್ಷಕ ಬಣ್ಣಗಳೊಂದಿಗೂ ಲಭ್ಯವಾಗುವ ಸಾಧ್ಯತೆಯಿದೆ. 205 ಮಿ.ಮೀ ಗ್ರೌಂಡ್ ಕ್ಲಿಯರೆನ್ಸ್ ಹಾಗೂ 2741 ಮಿ.ಮೀ ವೀಲ್‌ಬೇಸ್‌ನ್ನು ಒಳಗೊಂಡಿದೆ.

ಚಳಿಗಾಲದಲ್ಲಿ ಎಲೆಕ್ಟ್ರಿಕ್ ವಾಹನ ಚಾರ್ಜ್ ಮಾಡುವಾಗ ಎಚ್ಚರ!

ಚಳಿಗಾಲವು ಎಲೆಕ್ಟ್ರಿಕ್ ವಾಹನಗಳಿಗೆ ಸವಾಲಿನ ವಾತಾವರಣವಾಗಿದೆ, ಶೀತ ಹವಾಮಾನವು ಲಿಥಿಯಂ - ಐಯಾನ್ ಬ್ಯಾಟರಿಗಳ ರಾಸಾಯನಿಕ ಕ್ರಿಯೆಗಳನ್ನು ನಿಧಾನಗೊಳಿಸುವುದರಿಂದ ರೇಂಜ್ ಅನ್ನು ಶೇ20 ರಿಂದ ಶೇ40 ರಷ್ಟು ಕಡಿಮೆ ಮಾಡುತ್ತದೆ. ತಾಪಮಾನ ಕಡಿಮೆಯಾದಂತೆ, ಇವಿಗಳ ಬ್ಯಾಟರಿಗಳು ಸ್ವಾಭಾವಿಕವಾಗಿ ದಕ್ಷತೆಯನ್ನು ಕಳೆದುಕೊಳ್ಳುತ್ತವೆ. ಇಂತಹ ಸಮಯದಲ್ಲಿ ವಾಹನವನ್ನು ಹೇಗೆ ನೋಡಿಕೊಳ್ಳಬೇಕು ಎಂಬುದು ತಿಳಿದಿರಬೇಕು. ನೀವು ಕೂಡ ಎಲೆಕ್ಟ್ರಿಕ್ ವಾಹನವನ್ನು ಹೊಂದಿದ್ದರೆ, ದೀರ್ಘಾವಧಿಯ ಹಾನಿಯನ್ನು ತಪ್ಪಿಸಲು ಚಳಿಗಾಲದಲ್ಲಿ ಸರಿಯಾದ ಚಾರ್ಜಿಂಗ್ ಅಭ್ಯಾಸಗಳನ್ನು ಅನುಸರಿಸುವುದು ಮುಖ್ಯ. ನಿಮಗಾಗಿ ಒಂದಷ್ಟು ಸಲಹೆಗಳು ಇಲ್ಲಿವೆ.
Advertisement

Hero: ಅಗ್ಗದ ಹೀರೋ ಇ-ಸ್ಕೂಟರ್‌ನ ಕಾರುಬಾರು.. ಜನ ಮುಗಿಬಿದ್ದು ಖರೀದಿ!

ಹೀರೋ ವಿಡಾ (Hero Vida) ಜನಪ್ರಿಯ ಸ್ಕೂಟರ್ ಆಗಿದ್ದು, ದಿನದಿಂದ ದಿನಕ್ಕೆ ಬೇಡಿಕೆ ಹೆಚ್ಚಾಗುತ್ತಿದೆ. ಗ್ರಾಹಕರು ಕೂಡ ನಾ ಮುಂದು - ತಾ ಮುಂದು ಎಂಬಂತೆ ಖರೀದಿ ಮಾಡುತ್ತಿದ್ದಾರೆ. ಈ ನವೆಂಬರ್ ತಿಂಗಳಲ್ಲೂ 'ವಿಡಾ' ಸ್ಕೂಟರ್ ಭಾರೀ ಸಂಖ್ಯೆಯಲ್ಲಿ ಮಾರಾಟಗೊಂಡಿದೆ. ಒಟ್ಟು 14,196 ಯುನಿಟ್‌ಗಳನ್ನು ಗ್ರಾಹಕರಿಗೆ ವಿತರಿಸಲಾಗಿದೆ. 2024ರ ಇದೇ ಅವಧಿಯಲ್ಲಿ 1,976 ಯುನಿಟ್‌ಗಳನ್ನು ಮಾರಲಾಗಿತ್ತು. ಈ ಅಂಕಿಅಂಶವನ್ನು ಲೆಕ್ಕ ಹಾಕಿದಾಗ ಮಾರಾಟ ಪ್ರಮಾಣವು ವರ್ಷದಿಂದ ವರ್ಷಕ್ಕೆ 618.42% ಪ್ರಗತಿಯಾಗಿದೆ.