സൂപ്പർസ്റ്റാർ രജനികാന്ത് നായകനായെത്തിയ കൂലി എന്ന ചിത്രത്തിൽ ഏവരുടേയും ശ്രദ്ധ പോയത് നടൻ നാഗാർജുനയിലേക്കാണ്. നാഗാർജുനയുടെ തന്നെ പഴയ സിനിമയിലെ ഗാനവും കൂടിയാണ് ഇതോടെ വൈറലായിരിക്കുന്നത്. അതിന് ശേഷം സോഷ്യൽ മീഡിയയിൽ റീലുകൾ ഭരിക്കുന്നത് നാഗാർജുനയാണ് എന്ന് വേണം പറയാൻ. ഇപ്പോഴിതാ നാഗാർജുനയും ഭാര്യയും റോൾസ് റോയ്സ് കലിനനിൽ വന്നിറങ്ങുന്ന ചിത്രങ്ങളാണ് സോഷ്യൽ മീഡിയയിൽ വൈറലായിരിക്കുന്നത്. 'കിംഗ്' എന്ന് ആരാധകര്‍ വിളിക്കുന്ന നാഗാര്‍ജുന തെലുങ്കിലെ ഇതിഹാസ താരം അക്കിനേനി നാഗേശ്വര റാവുവിന്‍െ മകനാണ്. നാഗാര്‍ജുനയുടെ മക്കളായ നാഗചൈതന്യയും അക്കിനേനി അഖിലും തെലുങ്കിലെ പ്രമുഖരായ യുവതാരങ്ങളുമാണ്.

ടൊയോട്ടയെന്നാൽ ഇന്ത്യക്കാരുടെ അവസാനവാക്ക് ഇന്നോവയാണ്. എംപിവി സെഗ്മെന്റിൽ കാലങ്ങളായി തമ്പുരാനായി വിലസുകയാണ് ഈ ജനനായകൻ. ദീർഘദൂര യാത്രകൾ പ്ലാൻ ചെയ്‌താൽ തന്നെ ആദ്യം ചിന്തിക്കുക ഒരു ഇന്നോവ ഒപ്പിച്ച് പോയാലോ എന്നാവും. യാത്രാസുഖവും, നല്ല മൈലേജും പെർഫോമൻസുമുള്ള എഞ്ചിനുമെല്ലാം കൂടി വരുമ്പോൾ മറിച്ചൊന്ന് ചിന്തിക്കേണ്ടതില്ല. അതുകൊണ്ട് തന്നെ ഇന്നോവയാവും (Toyota Innova) ടൊയോട്ടയുടെ ഏറ്റവും ബെസ്റ്റ് സെല്ലിംഗ് മോഡലെന്നാണ് ഏവരും ധരിച്ച് വെച്ചിട്ടുണ്ടാവുക. ഹൈക്രോസും ക്രിസ്റ്റയും ഒന്നിച്ച് നിന്നാൽ പോലും ഇപ്പോൾ ഈയൊരു വണ്ടിയെ തളയ്ക്കാനാവുന്നില്ലെന്നതാണ് സത്യം.

ഗെറ്റ്‌സിന്റെ പിന്‍ഗാമിയായി കൊണ്ട് ദക്ഷിണ കൊറിയന്‍ വാഹന നിര്‍മാതാക്കളായ ഹ്യുണ്ടായി ഇന്ത്യന്‍ വിപണിയില്‍ എത്തിച്ച പ്രീമിയം ഹാച്ച്ബാക്കാണ് i20 (Hyundai i20). 2008-ല്‍ ആദ്യമായി ഇന്ത്യന്‍ വിപണിയില്‍ എത്തിയ ഹ്യുണ്ടായി i20. 2020-ല്‍ പുറത്തിറങ്ങിയ മൂന്നാം തലമുറ i20 ആണ് നിലവില്‍ ഇന്ത്യയില്‍ വിപണനം ചെയ്യുന്നത്. ഇപ്പോള്‍ പുതിയ i20 കൊണ്ടുവരുന്നതിന്റെ ഭാഗമായി പരീക്ഷണയോട്ടം തകൃതിയാക്കിയിരിക്കുകയാണ് കമ്പനി. ഹ്യുണ്ടായിയുടെ 2026 മോഡല്‍ i20 ഹാച്ച്ബാക്ക് പരീക്ഷണയോട്ടത്തിനിടെ ഗുരുഗ്രാമില്‍ വെച്ച് ക്യാമറക്കണ്ണില്‍ പതിഞ്ഞു. റഷ്ലൈനാണ് ഇതിന്റെ ചിത്രങ്ങള്‍ പങ്കുവെച്ചിരിക്കുന്നത്. അടുത്ത തലമുറ i20 ഇന്ത്യന്‍ നിരത്തുകളില്‍ ഇതാദ്യമായാണ് കാണപ്പെടുന്നത്.

ബസ് പ്രേമികളുടെ എണ്ണത്തിൽ ഒരു കുറവുമില്ലാത്ത നാടാണല്ലോ നമ്മുടേത്. അത് കൊണ്ട് തന്നെ പുതിയ ബസുകൾ അവതരിപ്പിക്കുമ്പോൾ ഏതൊരാളും വളരെ താൽപ്പര്യത്തോടെയാണ് നോക്കി കാണുന്നത്. അതിൽ തന്നെ പ്രധാന ബ്രാൻഡാണ് വോൾവോ. കൊമേഴ്ഷ്യൽ വിപണിയിൽ ഒരു വിപ്ലവം സൃഷ്ടിക്കാൻ തന്നെയാണ് ബ്രാൻഡിൻ്റെ തീരുമാനം. അതിൻ്റെ ഭാഗമായിട്ടാണ് 720 kWh ശേഷിയുളള ബാറ്ററി പായ്ക്കുകൾ ഘടിപ്പിച്ച് 700 കിലോമീറ്റർ വരെ റേഞ്ച് ലഭിക്കുന്ന ഇലക്ട്രിക് ബസുകൾ നിർമ്മിക്കാൻ സാധിക്കുന്ന ചേസിസി അവതരിപ്പിച്ചിരിക്കുകയാണ്. രണ്ടോ മൂന്നോ ആക്‌സിൽ കോൺഫിഗറേഷനുകളും നാല് മുതൽ എട്ട് വരെ മോഡുലാർ എനർജി സ്റ്റോറേജ് യൂണിറ്റുകളും ഉള്ള ഇലക്ട്രിക് ബസുകൾ നിർമിക്കാൻ പുതിയ വോൾവോ BZR ഇലക്ട്രിക് ഷാസി പ്ലാറ്റ്‌ഫോം ഉപയോഗിക്കും.

റോയൽ എൻഫീൽഡിനിട്ട് പണികൊടുക്കാനായി മിഡ്-കപ്പാസിറ്റി മോട്ടോർസൈക്കിൾ സെഗ്മെന്റിലേക്ക് ജാപ്പനീസ് ഇരുചക്ര വാഹന നിർമാതാക്കളായ ഹോണ്ട കൊണ്ടുവന്ന മോഡലായിരുന്നു ഹൈനസ് CB350. സംഭവം വേഗത്തിൽ ഹിറ്റായതോടെ ഇതിനെ അടിസ്ഥാനമാക്കി CB350, CB350 RS എന്നിങ്ങനെ രണ്ട് വേരിയന്റുകൾക്ക് കൂടി കമ്പനി രൂപം കൊടുക്കുകയുണ്ടായി. ഇതിൽ ആദ്യത്തേത് ക്ലാസിക് വൈബ് വേണ്ടവരെ തൃപ്ത്തിപ്പെടുത്താനായി എത്തിയതാണ്. റെട്രോ സ്റ്റൈലിംഗും കാര്യങ്ങളും ഉൾപ്പെടുത്തിയ മോഡൽ വിപണിയിൽ ചലനങ്ങളുണ്ടാക്കിയെന്ന് വേണം പറയാൻ. എൻഫീൽഡിന്റെ നിരയിൽ നിന്നും ഏറ്റവും കൂടുതൽ വിറ്റഴിക്കപ്പെടുന്ന ക്ലാസിക് 350-യുടെ കച്ചോടമായിരുന്നു ഇതിന്റെ ഉന്നം.

പൗരന്‍മാരുടെ ജീവനും സ്വത്തിനും സംരക്ഷണം നല്‍കാനും നിയമനിര്‍വഹണത്തിനും സദാ കര്‍മനിരതരായ പൊലീസ് സേനാംഗങ്ങള്‍ സ്തുത്യര്‍ഹമായ സേവനമാണ് ചെയ്യുന്നത്. മൂന്നരക്കോടി ജനങ്ങളുള്ള കേരളത്തിലെ പൊലീസ് സേനയില്‍ 62000-ത്തിനടുത്ത് അംഗങ്ങള്‍ മാത്രമാണുള്ളത്. ക്രമസമാധാന ചുമതലയുള്ളവരായതിനാല്‍ തന്നെ മികച്ച വാഹനങ്ങളാണ് സര്‍ക്കാര്‍ പൊലീസിന് അനുവദിക്കാറുള്ളത്. ഫോര്‍വീലറുകള്‍ക്ക് പുറമെ ടൂവീലറുകളും പൊലീസിന്റെ വാഹന വ്യൂഹത്തിലുണ്ട്. കാലത്തിനൊത്ത് കോലം മാറുന്ന കണക്കെ കേരള പൊലീസും ഇപ്പോള്‍ വൈദ്യുതീകരണ പാതയിലാണ്. ഇന്ത്യന്‍ ഇരുചക്ര വാഹന വിപണിയില്‍ ഇലക്ട്രിക് വാഹനങ്ങള്‍ക്ക് വര്‍ധിച്ചുവരുന്ന സ്വീകാര്യതയുടെ ഏറ്റവും പുതിയ ഉദാഹരണമാണ് കേരള പൊലീസിന്റെ പുതിയ നീക്കം. അതിനെ കുറിച്ച് വിശദമായി വായിക്കാം.

നമ്മുടെ നിരത്തുകളിലെ സ്ഥിരം സാന്നിധ്യമായി മാറിയിരിക്കുകയാണ് ഇലക്‌ട്രിക് കാറുകൾ. ശബ്‌ദമില്ലാതെ ഒരു മൂളിച്ച മാത്രമായി പായുന്ന ഇവർ റോഡിലെ രസമുള്ള കാഴ്ച്ചയാണെന്ന് തന്നെ പറയാം. പരമ്പരാഗത പെട്രോൾ, ഡീസൽ വാഹനങ്ങളേക്കാൾ കുറഞ്ഞ ചെലവിൽ കൊണ്ടുനടക്കാമെന്നതാണ് ഇവയുടെ ഏറ്റവും വലിയ ഹൈലൈറ്റ്. കുറഞ്ഞ മെയിന്റനൻസ്, മികച്ച റേഞ്ച് എന്നിങ്ങനെ അനവധി ഗുണങ്ങളുള്ള ഇവികൾ പെട്രോൾ, ഡീസൽ കാറുകളെക്കാൾ ലാഭകരമാണെന്നതിനു പുറമെ പരിസ്ഥിതി സൗഹൃദവുമാണ്. ടാറ്റ മോട്ടോർസാണ് ഇവികളെ ഇന്ത്യയിൽ ജനകീയരാക്കിയത്. പിന്നീട് എംജി പോലുള്ള വിദേശ കമ്പനികളും കളത്തിലെത്തിയതോടെ സംഭവം ഉഷാറായി.

സംസ്ഥാനത്ത് ഇപ്പോൾ സംസാരവിഷയമാണ് ഓപ്പറേഷൻ നുംഖോർ, ഭൂട്ടാനിൽ നിന്ന് ഇരുന്നൂറോളം വാഹനങ്ങളാണ് കേരളത്തിൽ എത്തിയിരിക്കുന്നതെന്നാണ് കസ്റ്റംസിൻ്റെ റിപ്പോർട്ടിൽ പറയുന്നത്. ദുൽഖർ സൽമാൻ്റെ പക്കൽ ഇത്തരത്തിൽ ഭൂട്ടാനിൽ നിന്ന് അനധികൃതമായി എത്തിച്ച നാലോളം വാഹനങ്ങളുണ്ടെന്നും അതിൽ രണ്ട് വാഹനങ്ങളാണ് കസ്റ്റംസ് പിടിച്ചെടുത്തിരിക്കുന്നത്. ഈ വാഹനങ്ങൾ തിരികെ ലഭിക്കണമെന്ന് കാണിച്ചുകൊണ്ടാണ് ദുൽഖർ ഹൈകോടതിയിൽ ഹർജി നൽകിയത്. ഹർജിയിൻമേൽ കസ്റ്റംസിനോട് വിശദീകരണം ചോദിച്ചിരിക്കുകയാണ് ഹൈകോടതി. ദുൽഖറിന് വാഹനം വിട്ടുകൊടുക്കാതിരിക്കാനുളള കാരണങ്ങൾ വ്യക്തമാക്കുന്നതിന് വേണ്ടിയാണ് ചൊവ്വാഴ്ച്ച വരെ സമയം നൽകിയിരിക്കുന്നത്. പരിശോധിക്കാൻ എത്തിയ കസ്റ്റംസ് ഉദ്യോഗസ്ഥർ വാഹനങ്ങളുടെ രേഖകൾ വ്യക്തമായി പരിശോധിക്കാൻ പോലും മെനക്കെട്ടില്ല എന്നും ദുൽഖർ ഹർജിയിൽ പറയുന്നു.

ലുക്കിൻ്റെ കാര്യത്തിൽ ബോളിവുഡിലെ നടിമാരൊന്നും തന്നെ മോശമല്ല. പ്രത്യേകിച്ച് പ്രായമാകുംന്തോറും ലുക്ക് കൂടുകയാണ്. അതിൽ പ്രധാനിയാണ് 51 വയസുകാരി മലൈക അറോറ. നടി, നർത്തകി എന്നീ നിലയിലെല്ലാം പ്രശസ്തയായ നടിക്കെതിരെയുളള കിംവദന്തികൾക്കും കുറവില്ല. പലപ്പോഴും പല താരങ്ങളുടേയും പേരിനൊപ്പം മലൈകുടെ പേരും കേൾക്കാം. കഴിഞ്ഞ വർഷം രാഹുൽ വിജയ് എന്ന് സൈറ്റിസ്റ്റിൻ്റെ ഒപ്പമായിരുന്നു എങ്കിൽ ഈ വർഷം ക്രിക്കറ്റ് താരം കുമാർ സങ്കക്കാരയ്ക്കൊപ്പം ഗാലറിയിൽ ഇരിക്കുന്ന ചിത്രങ്ങൾ സോഷ്യൽ മീഡിയയിൽ വൈറലായിരുന്നു. എന്നാൽ താൻ ഇപ്പോഴും സിംഗിൾ ആണെന്നും കിംവദന്തികൾക്ക് ഉത്തരം പറയാൻ തന്നെ കിട്ടില്ലെന്നുമായിരുന്നു നടിയുടെ പ്രതികരണം. ഇപ്പോൾ താരം വീണ്ടും സോഷ്യൽ മീഡിയയിൽ വൈറലായിരിക്കുകയാണ്.

ഉത്സവ സീസണില്‍ കൂടുതല്‍ ഉപഭോക്താക്കളെ ആകര്‍ഷിക്കുക എന്ന ലക്ഷ്യത്തോടെ സുസുക്കി മോട്ടോര്‍സൈക്കിള്‍ ഇന്ത്യ തങ്ങളുടെ ജനപ്രിയ ക്വാര്‍ട്ടര്‍ ലിറ്റര്‍ മോട്ടോര്‍സൈക്കിളായ വി-സ്റ്റോം SX നാല് പുതിയ നിറങ്ങളില്‍ പുറത്തിറക്കി. പുതിയ കളര്‍ കോമ്പിനേഷനുകളും ഡീക്കലുകളും ഉപയോഗിച്ച് മോട്ടോര്‍സൈക്കിള്‍ മൊഞ്ചാക്കിയിട്ടുണ്ടെങ്കിലും വിലയില്‍ മാറ്റമൊന്നും വരുത്തിയിട്ടില്ല. നിലവില്‍ 1.98 ലക്ഷം ഡല്‍ഹി എക്‌സ്-ഷോറൂം വില കമ്പനി നിലനിര്‍ത്തിയിട്ടുണ്ട്. പുതിയ കളര്‍ ഓപ്ഷനുകള്‍ക്കൊപ്പം ഷോറൂമില്‍ ആളെ് കൂട്ടാനായി ഉത്സവകാല ഓഫറുകളും കമ്പനി പ്രഖ്യാപിച്ചിട്ടുണ്ട്. അവയെ കുറിച്ച് വിശദമായി ഈ ലേഖനത്തില്‍ വായിക്കാം.

ഒരു വാഹനം വാങ്ങുമ്പോൾ സുരക്ഷയ്ക്ക് പ്രാധാന്യം കൊടുക്കുന്നത് സാധാരണമാണ്. വാഹനം എപ്പോഴെങ്കിലും അപകടത്തിൽപ്പെട്ടാൽ യാത്രക്കാരുടെ സുരക്ഷ പ്രധാനമാണല്ലോ. സുരക്ഷയുടെ പേരിൽ ഒരുപാട് കളിയാക്കലുകൾ കേട്ട ബ്രാൻഡെന്നത് കൊണ്ട് തന്നെ സേഫ്റ്റിയാണ് അവരുടെ മെയിൻ ഐറ്റമാക്കി മാറ്റിക്കൊണ്ടിരിക്കുകയാണ് മാരുതി സുസുക്കി. നിലവിൽ മാരുതി സുസുക്കിയുടെ വാഹനങ്ങളിലെ സുരക്ഷ വർധിപ്പിച്ചുകൊണ്ടിരിക്കുകയാണ്. അതിന്റെ ഭാഗമായിട്ട് എയർബാഗുകളുടെ എണ്ണം വർധിപ്പിക്കുകയും അത് പോലെ തന്നെ ക്രാഷ് ടെസ്റ്റിൽ ഫൈവ് സ്റ്റാർ കരസ്ഥമാക്കുകയും ചെയ്യുന്നുണ്ട്. അങ്ങനെ സേഫ്റ്റിയിൽ ഫുൾ മാർക്കുളള മോഡലുകളെ കുറിച്ച് കൂടുതലായി അറിഞ്ഞാലോ.

ബിഎംഡബ്ല്യു ഗ്രൂപ്പിന്റെ മോട്ടോര്‍സൈക്കിള്‍ ഡിവിഷനാണ് ബിഎംഡബ്യു മോട്ടോറാണ്. ജര്‍മന്‍ ബ്രാന്‍ഡ് പുറത്തിറക്കുന്ന ജനപ്രിയ മോട്ടോര്‍സൈക്കിളാണ് G310 RR (BMW G 310 RR). ഈ മോട്ടോര്‍സൈക്കിള്‍ അടുത്തിടെ ഇന്ത്യയില്‍ 10,000 യൂണിറ്റ് വില്‍പ്പന നാഴികക്കല്ല് പിന്നിട്ടിരുന്നു. ഇതിന്റെ സ്മരണയ്ക്കായി ബിഎംഡബ്ല്യു മോട്ടോറാഡ് ലിമിറ്റഡ് എഡിഷന്‍ G 310 RR പുറത്തിറക്കി. പരിമിതമായ എണ്ണം മാത്രമായിരിക്കും ഈ മോട്ടോര്‍സൈക്കിളുകള്‍ ലഭ്യമാകുക. രാജ്യത്തുടനീളമുള്ള ബിഎംഡബ്ല്യു മോട്ടോറാഡ് ഡീലര്‍ഷിപ്പുകള്‍ വഴി ഇത് വാങ്ങാന്‍ സാധിക്കും. പുത്തന്‍ ലിമിറ്റഡ് എഡിഷന്‍ മോട്ടോര്‍സൈക്കിളിനെ കുറിച്ച് ചുവടെ വിശദമായി വായിക്കാം.

ഷോറൂമിൽ ലഭിക്കുന്ന പല വാഹനങ്ങളും നിങ്ങൾക്ക് മറ്റേതെങ്കിലും വഴി വാങ്ങാൻ സാധിക്കുന്നുണ്ടെങ്കിൽ അത് കാൻ്റീൻ സ്റ്റോഴ്സ് വകുപ്പിൽ നിന്നാണ്. സ്കോഡ കൈലാഖ് രാജ്യത്തുളള സിഎസ്‌ഡിയിൽ നിന്ന് സ്വന്തമാക്കാൻ സാധിക്കുന്നു എന്ന സന്തോഷകരമായ വാർത്തയാണ് പങ്കുവയ്ക്കുന്നത്. കരസേന, നാവികസേന, വ്യോമസേന എന്നിവയിലെ സേവനമനുഷ്ഠിക്കുന്നവരും വിരമിച്ചവരുമായ ഉദ്യോഗസ്ഥരും അവരുടെ കുടുംബങ്ങളും സൈനിക ഉദ്യോഗസ്ഥരുടെ വിധവകളും ഉൾപ്പെടുന്ന ഇന്ത്യയിലെ പ്രതിരോധ വിഭാഗത്തിലുളളവർക്കാണ് കാന്റീൻ സ്റ്റോഴ്‌സ് ഡിപ്പാർട്ട്‌മെൻ്റ് വഴി വാഹനങ്ങൾ വാങ്ങാൻ സാധിക്കുക. പലതിൻ്റേയും വിപണി വിലയിൽ നിന്ന് വളരെ കുറഞ്ഞ നിരക്കിലാണ് വാഹനങ്ങൾ സ്വന്തമാക്കാൻ സാധിക്കുന്നത്.

ഇന്ത്യയുടെ വാഹന വിപണിക്ക് ഉത്സവകാലം പുത്തന്‍ ഉണര്‍വ് സമ്മാനിച്ചിരിക്കുകയാണ്, പ്രത്യേകിച്ച് മാരുതി സുസുക്കിക്ക് (Maruti Suzuki). നവരാത്രി ആരംഭിച്ചത് മുതല്‍ രാജ്യത്തെ ഏറ്റവും വലിയ കാര്‍ നിര്‍മ്മാതാക്കളായ മാരുതി സുസുക്കിക്ക് വമ്പന്‍ വില്‍പ്പനയാണ് നേടാനാകുന്നത്. ശ്രദ്ധിക്കേണ്ട സംഗതി എന്തെന്നാല്‍ നവരാത്രിയുടെ ഒന്നാം ദിവസമായിരുന്ന സെപ്റ്റംബര്‍ 22-നാണ് രാജ്യത്ത് പുതിയ ജിഎസ്ടി 2.0 സമ്പ്രദായം പ്രാബല്യത്തില്‍ വന്നത്. അതിന് ശേഷം ഇതുവരെ മാരുതി 80000 യൂണിറ്റിലധികം വാഹനങ്ങള്‍ വിറ്റഴിച്ചതായി എച്ച്ടി ഓട്ടോ റിപ്പോര്‍ട്ട് ചെയ്തു. അതിന്റെ വിശദാംശങ്ങള്‍ നോക്കാം.

ഹോണ്ടയെന്നാൽ അതിന് തുല്യം കംഫർട്ട് എന്നാണല്ലാ. സെഡാൻ ആയാലും എസ്‌യുവി ആയാലും കംഫർട്ട് വിട്ടൊരു കളിയില്ല ബ്രാൻഡിന്. ഇന്ത്യയിൽ നിർമിക്കുക മാത്രമല്ല, പല രാജ്യങ്ങളിലേക്കും കയറ്റി വിടുന്നുമുണ്ട്. അത്തരത്തിൽ ഹോണ്ട ഇന്ത്യയിൽ നിന്ന് കയറ്റി വിട്ടത് രണ്ട് ലക്ഷം യൂണിറ്റുകളാണ്. SAARC രാജ്യങ്ങൾ, ദക്ഷിണാഫ്രിക്ക, SADC രാജ്യങ്ങൾ എന്നിവടങ്ങളിലേക്കാണ് തുടക്കത്തിൽ അയച്ചിരിക്കുന്നത്. മിഡിൽ ഈസ്റ്റ്, മെക്സിക്കോ, തുർക്കി എന്നിവടങ്ങളിലേക്കെല്ലാം തന്നെ ഹോണ്ട തങ്ങളുടെ കാറുകൾ അയച്ചിട്ടുണ്ട്. മൊത്തത്തിൽ, വാഹനങ്ങൾ ആഗോളതലത്തിൽ 33 രാജ്യങ്ങളിൽ എത്തിയിട്ടുണ്ട്. ഹോണ്ട സിറ്റി, എലിവേറ്റ് എന്നീ മോഡലുകളാണ് കയറ്റുമതിയിൽ മുന്നിൽ തന്നെ നിൽക്കുന്നത്.

മോഹൻലാൽ ദാദാസാഹേബ് ഫാൽക്കെ പുരസ്കാരം നേടിയതിൽ ഭാര്യ സുചിത്രയുടെ സന്തോഷം. She reveals her joy, his 50 years in cinema, and thoughts on 'Malaikottai Vaaliban'.

പെട്രോള്‍ ടൂവീലറുകളോട് വിടപറഞ്ഞ ഇലക്ട്രിക് വാഹനങ്ങളിലേക്ക് മാറാന്‍ ഉദ്ദേശിക്കുന്നവര്‍ക്ക് മുന്നില്‍ ഇന്ന് ധാരാളം ഒാപ്ഷനുകള്‍ ഉണ്ട്. പരമ്പരാഗത വാഹന നിര്‍മാതാക്കള്‍ക്കും സ്റ്റാര്‍ട്ടപ്പ് ബ്രാന്‍ഡുകള്‍ക്കും ഒപ്പം പഴയ പടക്കുതിരകളും ഇലക്ട്രിക് അവതാരത്തില്‍ പിറവിയെടുക്കുന്നത് നാം കണ്ടു. ഏതാനും മാസങ്ങള്‍ക്ക് മുമ്പായിരുന്നു കൈനറ്റിക് ഗ്രീന്‍ എനര്‍ജി ആന്‍ഡ് പവര്‍ സെല്യൂഷന്‍സ് ലിമിറ്റഡ് ഇ-ലൂണ പുറത്തിറക്കിയത്. മാസങ്ങള്‍ കൊണ്ട് രാജ്യത്ത് ഈ മോഡലിന്റെ 25000-ത്തിലേറെ യൂണിറ്റുകള്‍ വിറ്റുപോയിട്ടുണ്ട്. ഇപ്പോള്‍ ഇ-ലൂണ പ്ലാറ്റ്‌ഫോമിന് കീഴില്‍ ഒരു പുതിയ ഉല്‍പ്പന്നം പുറത്തിറക്കിയിരിക്കുകയാണ് കൈനറ്റിക് ഗ്രീന്‍. അതിനെ കുറിച്ച് വിശദമായി വായിക്കാം.

മാരുതി സുസുക്കിയുടെ കാറുകൾ റീബാഡ്‌ജ് ചെയ്‌ത് പണംവാരുന്നവരാണ് ടൊയോട്ട. ബലേനോ ഗ്ലാൻസ ആയപ്പോഴും ബ്രെസ അർബൻ ക്രൂയിസർ ആയപ്പോഴും എർട്ടിഗ റൂമിയോൺ ആയപ്പോഴുമെല്ലാം സാധാരണക്കാരിലേക്ക് ഇറങ്ങിച്ചെല്ലാൻ ടൊയോട്ടയ്ക്കായി. ഒടുവിൽ മാരുതിയാവട്ടെ ഇന്നോവയുടെ മൂന്നാംതലമുറ മോഡലായ ഹൈക്രോസിനെയാണ് റീബാഡ്‌ജ് ചെയ്‌ത് പുറത്തിറക്കിയത്. അങ്ങനെ പ്രീമിയം കാർ വിഭാഗത്തിലേക്ക് ചുവടുവെക്കാനും രാജ്യത്തെ ഏറ്റവും വലിയ വാഹന നിർമാതാക്കൾക്ക് സാധിച്ചിരുന്നു. 2023-ലാണ് ഹൈക്രോസ് മാരുതി ഇൻവിക്റ്റോയായി പണിതിറക്കിയത്. പുതുക്കി പണിതപ്പോൾ ഉണ്ടാവുന്ന പരിഷ്ക്കാരങ്ങൾ മാത്രമാണ് പ്രീമിയം എംപിവിയിൽ നടപ്പിലാക്കിയത്.

കുടുംബവുമായുള്ള ആനന്ദകരമായ നിമിഷങ്ങൾ എപ്പോഴും ആസ്വദിക്കുന്നവരാണ് നമ്മൾ. അത്തരം നല്ല നിമിഷങ്ങൾക്ക് പ്രാധാന്യം നൽകാത്തവരായി ആരും തന്നെ ഉണ്ടാവില്ല. ഫാമിലിയുമായി ഒന്നിച്ച് യാത്ര പോവുന്നതെല്ലാം പറഞ്ഞറിയിക്കാൻ പറ്റാത്തത്ര സുന്ദരമായ നിമിഷങ്ങളാണ്. ഇന്ന് എല്ലാ വീടുകളിലും കാർ പ്രത്യക്ഷപ്പെട്ട് തുടങ്ങിയിട്ടുണ്ടെങ്കിലും എല്ലാവരേയും ഒന്നിച്ച് കൊണ്ടുപോവാൻ പറ്റുന്ന 7-സീറ്ററുകൾ എല്ലാവർക്കും സ്വന്തമായി ഉണ്ടാകില്ല. നിലവിലെ കാർ കൊടുത്ത് ഒരു വലിയ ഫാമിലി കാർ വാങ്ങണമെന്ന് ആഗ്രഹിക്കുന്നവർക്ക് കുറഞ്ഞ ചിലവിലുള്ള സീറ്റർ മോഡലുകൾ പരിചയപ്പെട്ടാലോ?

നഗരങ്ങളിലെ വര്‍ധിച്ചുവരുന്ന ഗതാഗതക്കുരുക്കും പെട്രോള്‍ വില വര്‍ധനവും കാരണം രാജ്യത്ത് ഇലക്ട്രിക് സ്‌കൂട്ടറുകള്‍ക്കുള്ള ആവശ്യം ക്രമാനുഗതമായി കൂടിക്കൊണ്ടിരിക്കുകയാണ്. ഈ സാഹചര്യത്തില്‍ നവരാത്രി ആഘോഷങ്ങളുമായി ബന്ധപ്പെട്ട് ഒന്നിനുപുറകെ ഒന്നായി കമ്പനികള്‍ ഓഫറുകള്‍ വാഗ്ദാനം ചെയ്യുന്നു. ഇടത്തരക്കാരെ സംബന്ധിച്ച് നോക്കുമ്പോള്‍ നിരവധി കുറഞ്ഞ വിലയുള്ള ഓഫറുകള്‍ വാഗ്ദാനം ചെയ്യുന്നു. ഇപ്പോള്‍ ഒരു ഇലക്ട്രിക് സ്‌കൂട്ടര്‍ കമ്പനി ഇടിവെട്ട് ഓഫറുമായി എത്തിയിരിക്കുന്നു. ഇ-സ്‌കൂട്ടറിന്റെ ഒരു പ്രത്യേക മോഡല്‍ ഇപ്പോള്‍ 50 ശതമാനം ഡിസ്‌കൗണ്ടില്‍ വെറും 50,000 രൂപയ്ക്ക് വാങ്ങാം. ഓഫറിനെ കുറിച്ച് വിശദമായി വായിക്കാം.

ഒക്‌ടാവിയ മുതൽ കൈലാക് വരെ നീണ്ടുകിടക്കുന്ന എണ്ണം പറഞ്ഞ കിടിലൻ കാറുകൾ നമ്മുടെ നിരത്തുകൾക്ക് സമ്മാനിച്ചവരാണ് ചെക്ക് റിപ്പബ്ലിക്കൻ വാഹന നിർമാതാക്കളായ സ്കോഡ. നിലവിൽ ഫോക്‌സ്‌വാഗൺ ഗ്രൂപ്പിന് കീഴിലാണുള്ളതെങ്കിലും തങ്ങളുടേതായ ശൈലി ഇന്നും കമ്പനി തുടർന്നുപോവുന്നുണ്ട്. സ്കോഡ ഇന്ത്യയിൽ പുറത്തിറക്കിയ കാറുകളുടെ ലിസ്റ്റ് എടുത്ത് നോക്കിയാൽ തന്നെ പല വണ്ടിഭ്രാന്തൻമാരുടേയും കണ്ണ്തണ്ണിപ്പോയേക്കാം. ഒക്‌ടാവിയ, സൂപ്പർബ്, റാപ്പിഡ്, യെതി അങ്ങനെ നീളുന്ന അഡാറ് വണ്ടികളാണ് യൂറോപ്യൻ ബ്രാൻഡ് നമുക്ക് സമ്മാനിച്ചിട്ടുള്ളത്. ഇതിൽ ഒക്‌ടാവിയ എന്ന എക്‌സിക്യൂട്ടീവ് സെഡാന് പ്രത്യേക ആരാധകവൃന്ദമാണ് ഇവിടുള്ളതും.

കന്നഡ സിനിമാ ലോകത്തെ ഏറ്റവും വലിയ സൂപ്പര്‍ താരങ്ങളില്‍ ഒരാളാണ് കിച്ച സുദീപ്. ബ്രഹ്‌മാണ്ഡ സംവിധായകന്‍ എസ്എസ് രാജമൗലി ഒരുക്കിയ 'ഈച്ച' എന്ന സിനിമയിലെ പ്രതിനായക വേഷത്തില്‍ അഭിനയിച്ച സുദീപ് മലയാളികള്‍ക്കും സുപരിതനാണ്. മലയാളിയായ പ്രിയ രാധാകൃഷ്ണയെ വിവാഹം ചെയ്ത സുദീപ് കേരളക്കരയുടെ മരുമകന്‍ കൂടിയാണ്. നടന്‍ എന്ന നിലയില്‍ മാത്രമല്ല, സംവിധായകന്‍, നിര്‍മ്മാതാവ്, ടെലിവിഷന്‍ അവതാരകന്‍, ഗായകന്‍ എന്നീ നിലകളിലും അദ്ദേഹം പേരെടുത്തിട്ടുണ്ട്. കര്‍ണാടകയിലുടനീളം പ്രത്യേകിച്ച് യുവാക്കളിലും കുടുംബ പ്രേക്ഷകരിലും അദ്ദേഹത്തിന് വലിയൊരു ആരാധകവൃന്ദമുണ്ട്.

ഇലക്‌ട്രിക് സ്‌കൂട്ടർ വിപണിയിൽ ഓലയോടും ഏഥറിനോടും ബജാജിനോടും ടിവിഎസിനോടുമെല്ലാം പടവെട്ടി തങ്ങളുടേതായ സ്ഥാനം കണ്ടെത്തിയവരാണ് ഇറ്റാലിയൻ വൈദ്യുത വാഹന നിർമാതാക്കളായ VLF എന്നറിയപ്പെടുന്ന വെലോസിഫെറോ (Velocifero). KAW വെലോസ് മോട്ടോർസ് പ്രൈവറ്റ് ലിമിറ്റഡുമായുള്ള പങ്കാളിത്തത്തോടെയാണ് ബ്രാൻഡ് രാജ്യത്ത് പ്രവർത്തനം ആരംഭിച്ചത്. നമ്മൾ പൊതുവേ കണ്ടുവന്നിരുന്ന ഇവികളിൽ നിന്നും വ്യത്യസ്‌തമായ രൂപവും ഭാവവുമായി എത്തിയ VLF മോഡലുകൾ അതിവേഗം ജനപ്രീതിയാർജിക്കുകയുണ്ടായി. ഇപ്പോഴിതാ രാജ്യത്തെ പെട്രോൾ സ്‌കൂട്ടർ രംഗത്തേക്കും ചുവടുവെച്ചിരിക്കുകയാണ് കമ്പനി. നീണ്ടനാളത്തെ കാത്തിരിപ്പുകൾക്കൊടുവിൽ വെലോസിഫെറോ മോബ്സ്റ്ററാണ് വിപണിയിൽ എത്തിയിരിക്കുന്നത്.

കേന്ദ്ര സര്‍ക്കാര്‍ ചരക്കുസേവന നികുതി പരിഷ്‌കരിച്ചതോടെ കോംപാക്ട് എസ്‌യുവികള്‍ ഇപ്പോള്‍ കൂടുതല്‍ താങ്ങാനാകുന്ന വിലയില്‍ ലഭ്യമായി തുടങ്ങി. പെട്രോള്‍ കാറുകള്‍ക്ക് പുറമെ ഡീസല്‍ മോഡലുകള്‍ക്കും വില കുറഞ്ഞിട്ടുണ്ട്. എണ്ണത്തില്‍ കുറവാണെങ്കിലും എസ്‌യുവികളുടെ ഡീസല്‍ വേരിയന്റുകള്‍ക്ക് എന്നും സ്വന്തമായി ഫാന്‍ബേസ് ഉണ്ടായിരുന്നു. ഇപ്പോള്‍ ഗണ്യമായ നികുതി ഇളവ് കൂടിയായതോടെ ഡീസല്‍ എസ്‌യുവികള്‍ക്ക് ഡിമാന്‍ഡ് കൂടും. ജിഎസ്ടി 2.0 പ്രാബല്യത്തില്‍ വന്നതോടെ കോംപാക്ട് ഡീസല്‍ എസ്‌യുവി വാങ്ങുന്നവര്‍ക്ക് 1.86 ലക്ഷം രൂപ വരെയാണ് ലാഭം. ഏറ്റവും കൂടുതല്‍ നികുതി ഇളവ് ലഭിച്ച 5 കോംപാക്ട് ഡീസല്‍ എസ്‌യുവകള്‍ ഏതൊക്കെയാണെന്ന് ഈ ലേഖനത്തില്‍ നോക്കാം.

സ്കോഡയുടെ ജനപ്രിയ മോഡലാണ് കുഷാഖ്. വിപണിയിൽ അവതരിപ്പിച്ചപ്പോൾ മുതൽ വിൽപ്പനയിൽ ഒരു കുറവും മോഡൽ വരുത്തിയിട്ടില്ല എന്നതാണ് പ്രത്യേകത. ഏത് മോഡലാണെങ്കിലും ഒരു മുഖം മിനുക്കൽ ആവശ്യമാണല്ലോ. അത്തരത്തിൽ സ്കോഡ കുഷാഖിൻ്റെ പുതിയ മുഖം മിനുക്കിയെത്തുന്ന മോഡലിൻ്റെ സ്പൈ ചിത്രങ്ങൾ ഇപ്പോൾ പുറത്ത് വന്നിരിക്കുകയാണ്. എന്തൊക്കെ മാറ്റങ്ങളാണ് എസ്‌യുവിയിൽ വരുത്തിയിരിക്കുന്നതെന്ന് അറിയാൻ എല്ലാവരും കാത്തിരിക്കുകയാണെന്ന് അറിയാം. പ്രാദേശികമായി നിർിക്കുന്ന MQB A0 IN പ്ലാറ്റ്‌ഫോമിനെ അടിസ്ഥാനമാക്കിയാണ്, കുഷാഖ്, സ്ലാവിയ എല്ലാ നിർമിക്കുന്നത്. 2021-ന് ശേഷം ആദ്യമാണ് സ്കോഡ തങ്ങളുടെ കുഷാഖിന് പുതിയ മുഖം സമ്മാനിക്കുന്നത്.