10 മുതൽ 15 വർഷം പഴക്കമുള്ള വാഹനങ്ങൾക്ക് രാജ്യ തലസ്ഥാനത്ത് നിരോധനം ഏർപ്പെടുത്തിയപ്പോൾ കാരണമായി പറഞ്ഞത് വായു മലിനീകരണമായിരുന്നു. എന്നാൽ ഇതിൻ്റെ പിന്നിൽ എന്ത് ശാസ്ത്രീയ പഠനമാണ് നടത്തിയതെന്ന് ആരും തന്നെ ചോദ്യം ഉന്നയിച്ചില്ല എന്നതാണ് സത്യം. ഇപ്പോൾ പുറത്ത് വരുന്ന വാർത്തകളിൽ നിന്ന് ഞെട്ടിക്കുന്ന വിവരങ്ങളാണ് അറിയാൻ സാധിക്കുന്നത്. രാജ്യത്ത് വലിയ വാർത്തയായ ഇന്ധന നിരോധനവും വാഹനങ്ങൾക്കുളള നിരോധനവും എല്ലാം ഒരു ശാസ്ത്രീയ പഠനത്തിൻ്റേയും പിൻബലമില്ലാതെയാണ് പ്രഖ്യാപിച്ചതെന്ന് എയർ ക്വാളിറ്റി മാനേജ്‌മെൻ്റ് കമ്മിഷൻ തുറന്ന് പറഞ്ഞിരിക്കുകയാണ്.

ബുള്ളറ്റ് എന്ന് കേൾക്കുമ്പോൾ തന്നെ പലർക്കും വികാരവും വിറയലും നിറഞ്ഞൊരു രൂപമാണ് മനസിലേക്ക് ആദ്യം ഓടിയെത്തുക. തലമുറകളായി അലയടിക്കുന്ന ഇന്ത്യൻ ചരിത്രത്തിന്റെ ഒരു ഭാഗമാണിത്. കാതുകളിൽ പ്രകമ്പനമാവുന്ന ശബ്‌ദവും അന്യായ റോഡ് പ്രസൻസുമെല്ലാം ലേഡീസിനെ വരെ ഫാൻസാക്കിയിട്ടുണ്ട്. ഒരുകാലത്ത് പൗരുഷത്തിന്റെ പ്രതീകമായാണ് റോയൽ എൻഫീൽഡ് ബുള്ളറ്റുകൾ അറിയപ്പെട്ടിരുന്നതെങ്കിൽ ഇന്ന് സ്ത്രീകൾ വരെ മെരുക്കിയ മിടുക്കനാണ് കക്ഷി. കാലത്തിനൊത്ത് മാറിയ പടക്കുതിരകൾ ഇന്നും ഇതിഹാസത്തിന്റെ രൂപം അതേപടി നിലനിർത്തിയാണ് മുമ്പോട്ട് പോവുന്നത്. ഒപ്പം പണ്ടത്തെ വിറയലും തകരാറുകളുമൊന്നും ഇപ്പോൾ പറയാനില്ലെന്നതും ശ്രദ്ധേയമാണ്.

ദൂരയാത്രകളിൽ പലപ്പോഴും മറന്ന് പോകുന്ന കാര്യമാണ് നിങ്ങളുടെ കാറുകളിലെ ഫാസ്ടാഗ് റീചാർജ് ചെയ്യാൻ. അങ്ങനെ അബദ്ധം പറ്റി ടോൾ പ്ലാസയിലേക്ക് കയറുമ്പോഴായിരിക്കും മതിയായ ബാലൻസ് ഇല്ല എന്ന കാര്യം അറിയുന്നത്. എന്നാൽ ഇനി നിങ്ങളുടെ യാത്രകളിൽ ഫാസ്ടാഗ് റീചാർജിങ്ങ് ഒരു തലവേദനയാവാതിരിക്കാനാണ് കേന്ദ്ര സർക്കാർ വാർഷിക പാസ് അവതരിപ്പിച്ചത്. ഓഗസ്റ്റ് 15 മുതൽ അത് പ്രാബല്യത്തിൽ വരികയാണ്. രാജ്യത്തുടനീളമുള്ള ക്രോസ് ടോളുകൾ കൂടുതൽ സുഗമമാക്കുക എന്നതാണ് ഈ വാർഷിക പാസിന്റെ ലക്ഷ്യം. ഇതിൻ്റെ പ്രവർത്തനം ഏതുവിധമാണ് എന്നുള്ള ലേഖനങ്ങൾ നിങ്ങളിലേക്ക് ഞങ്ങൾ എത്തിച്ചിട്ടുളളതാണ്. എന്നാൽ ഇനി ദിവസങ്ങൾ മാത്രം ശേഷിക്കെ ഓർക്കേണ്ട ചില കാര്യങ്ങൾ നിങ്ങളെ ഓർമിപ്പിക്കുകയാണ് ഈ ലേഖനത്തിലൂടെ.

തന്റെ ലംബോര്‍ഗിനി ഉറൂസ് ഡ്രീം11 ഫാന്റസി മത്സരത്തിലെ വിജയിക്ക് സമ്മാനിച്ചതിന് പിന്നാലെ ഇന്ത്യന്‍ ഏകദിന ക്രിക്കറ്റ് ടീം നായകനായ രോഹിത് ശര്‍മ്മ ഒരു പുതിയ ലംബോര്‍ഗിനി ഉറൂസ് SE ഹൈബ്രിഡ് എസ്യുവി സ്വന്തമാക്കി. 5.39 കോടി രൂപ വിലവരുന്ന ഈ ആഡംബര വാഹനം സ്റ്റാര്‍ ബാറ്ററുടെ വീട്ടിലേക്ക് എത്തിക്കുന്നതിന്റെ വീഡിയോ ഇന്റര്‍നെറ്റില്‍ ശ്രദ്ധിക്കപ്പെടുകയാണ്. തന്റെ പഴയ ഉറൂസ് അപ്‌ഗ്രേഡ് ചെയ്യാന്‍ രോഹിത് നേരത്തെ പദ്ധതിയിട്ടിരുന്നതിനാലായിരിക്കണം പഴയ മോഡല്‍ ഡ്രീം 11 മത്സര വിജയിക്ക് സമ്മാനിച്ചത്. രോഹിത് ഡെലിവറിയെടുക്കുന്ന ചിത്രങ്ങള്‍ നിലവില്‍ ലഭ്യമല്ലെങ്കിലും, വാഹനത്തിന്റെ നമ്പര്‍ പരിശോധിക്കുമ്പോള്‍ ഇത് താരത്തിന്‍േറത് തന്നെയാണെന്ന് മനസ്സിലാകും.

ഇലക്ട്രിക് കാറുകൾ നിരത്തുകൾക്ക് സുപരിചിതമായി കഴിഞ്ഞു. പഞ്ച നമ്പർ പ്ലേറ്റം വഹിച്ച് ഒച്ചയില്ലാതെ പായുന്ന ഇവയെ കാണാനും പിന്നാലെ കൂടാനും വല്ലാത്തൊരു ചേലാണ്. പെട്രോൾ പമ്പുകളോട് എന്നന്നേക്കുമായി ഗുഡ്ബൈ പറഞ്ഞ് ഇവികൾ ഓടുന്നത് കാണുമ്പോൾ ഏതൊരു പെട്രോൾ വാഹന പ്രേമിയും വൈദ്യുത കാറിലേക്ക് മാറിയാലോയെന്ന് ചിന്തിക്കുന്നുണ്ടാവും. ഭാവി ഇവരാണെന്ന കാര്യത്തിൽ യാതൊരു സംശയവും വേണ്ട. എംജിയും ടാറ്റയും ഹ്യുണ്ടായിയും കിയയുമെല്ലാം ഇവിടെ മത്സരിക്കുന്നത് വെറുതേയല്ലെന്ന് മനസിലായല്ലോ. എന്തായാലും വ്യത്യസ്‌ത ബോഡി ശൈലിയിൽ കൂടുതൽ മോഡലുകൾ ഇന്ത്യൻ വിപണിയിലേക്ക് എത്താൻ തുടങ്ങിയിട്ടുണ്ടെന്നത് ഉപഭോക്താക്കൾക്ക് സന്തോഷം നൽകുന്ന കാര്യമാണ്.

ഉത്സവകാലത്താണ് പല ബ്രാൻഡുകളുടെ തങ്ങളുടെ മോഡലുകൾക്ക് ഓഫറുകൾ പ്രഖ്യാപിക്കുന്നത്. ആ കൂട്ടത്തിൽ മാരുതി സുസുക്കി എന്നും ഒരു പടി മുന്നിൽ തന്നെയാണ്.തങ്ങളുടെ ഉപഭോക്താക്കളുടെ മനസറിഞ്ഞാണ് ഓഫറുകൾ പ്രഖ്യാപിക്കുന്നത്. മാരുതി സുസുക്കിയുടെ പ്രീമിയം വാഹനങ്ങളുടെ വിൽപ്പന കൈകാര്യം ചെയ്യുന്നത് നെക്സ ഡീലർഷിപ്പിലാണ്. ജനപ്രിയ മോഡലുകളാണ് ഇഗ്നിസ്, ബലേനോ,ഫ്രോങ്ക്സ്,ഗ്രാൻഡ് വിറ്റാര,XL6, ഇൻവിക്ടോ പിന്നെ ഓഫ്റോഡ് പ്രേമികളുടെ ഇഷ്ടമോഡലും ജിപ്സിയുടെ പിൻഗാമിയായി എത്തിയ ജിംനിയുമാണ് നെക്സ ഷോറൂമുകളിൽ ലഭ്യമാകുന്ന മോഡലുകൾ. മറ്റ് മോഡലുകളൊക്കെ അരീന ഡീലർഷിപ്പുകളിലൂടെയാണ് വിൽക്കുന്നത്. കോട്ടയത്തെ നെക്സ ഷോറൂമുകളിലെ കിടിലൻ ഓഫറുകളും സമ്മാനങ്ങളും എന്തൊക്കെയെന്ന് അറിയാൻ തുടർന്ന് വായിക്കുക.

കഴിഞ്ഞ ദിവസമാണ് ബ്രിട്ടീഷ് മോട്ടോര്‍സൈക്കിള്‍ നിര്‍മാതാക്കളായ ട്രയംഫ് പുതിയ ത്രക്‌സ്റ്റണ്‍ 400 ഇന്ത്യന്‍ വിപണിയില്‍ അവതരിപ്പിച്ചത്. കഫേറേസര്‍ മോഡല്‍ ലോഞ്ച് ചെയ്തതിന് പിന്നാലെ കമ്പനി സ്പീഡ് 400 എന്‍ട്രി ലെവല്‍ റോഡ്‌സ്റ്റര്‍ മോഡലിന്റെ വില കൂട്ടി. 4177 രൂപ കൂടിയതോടെ 2025 ട്രയംഫ് സ്പീഡ് 400 വാങ്ങാന്‍ ഇനിമുതല്‍ 2.51 ലക്ഷം രൂപ എക്‌സ്‌ഷോറൂം വിലയായി മുടക്കണം. എന്നാല്‍ വില കൂടിയെന്ന് കരുതി നിരാശപ്പെട്ടിരിക്കേണ്ട കാര്യമില്ല. ട്രയംഫ് ഇന്ത്യ തങ്ങളുടെ മോഡേണ്‍ ക്ലാസിക് ആനിവേഴ്‌സറി മാസം ആഘോഷിക്കുന്നതിന്റെ ഭാഗമായി സ്പീഡ് 400 വാങ്ങുന്നവര്‍ക്ക് പ്രത്യേക ഓഫര്‍ നല്‍കുന്നുണ്ട്. അത് എന്താണെന്ന് നോക്കാം.

ഒരു അപകടം സംഭവിക്കുമ്പോൾ നിങ്ങൾക്ക് സ്വാഭാവികമായി ഇൻഷുറൻസ് ക്ലെയിം ചെയ്യേണ്ട അവസ്ഥ വരുമല്ലോ, എന്നാൽ ചില സമയത്ത് നിങ്ങളുടെ ക്ലെയിം തള്ളിക്കളയാൻ ഇൻഷുറൻസ് കമ്പനി പല വഴികളും തേടുന്നുണ്ട്. പലതരം നൂലാമാലകൾ പരിഹരിച്ചാൽ മാത്രമേ ഇൻഷുറൻസ് തുക ലഭിക്കുകയുള്ളു. എന്നാൽ ഹിമാചൽപ്രദേശ് ഹൈകോടതിയുടെ വിധി പുറത്ത് വന്നിരിക്കുന്നതിൽ പറയുന്നത് എന്താണെന്ന് വച്ചാൽ സ്വകാര്യ വാഹനത്തില്‍ യാത്രക്കാരുടെ എണ്ണം കൂടുതലാണങ്കിൽ പോലും അത് ഇന്‍ഷുറന്‍സ് നിരസിക്കാനുള്ള കാരണമായി എടുക്കരുതെന്നാണ് കോടതി പറയുന്നത്. പോളിസി വ്യവസ്ഥകൾ ലംഘിച്ചാൽ മാത്രമേ അപേക്ഷ നിരസിക്കാൻ സാധിക്കു എന്നും കോടതിയുടെ നിരീക്ഷണത്തിൽ പറയുന്നു.

വേറിട്ട സംസാര രീതിയും ചിരിയുമായി മലയാളികൾക്ക് പ്രിയങ്കരിയായി മാറിയ താരമാണ് ശിവാംഗി കൃഷ്ണകുമാർ. തമിഴ് റിയാലിറ്റി ഷോ സൂപ്പർ സിംഗറിലൂടെ പോപ്പുലറായ പെൺകുട്ടി പാട്ടുകാരായ ബിന്നിയുടെയും കൃഷ്ണകുമാറിന്റെയും മകളാണ്. നിഷ്ക്കളങ്കമായ തുറന്നു പറച്ചിലുകളാണ് ശിവാംഗിയെ പ്രേക്ഷകർ ഇത്രയേറെ ഇഷ്‌ടപ്പെടാൻ കാരണം. റിയാലിറ്റി ഷോകളിലിലൂടെയും ടിവി അവതരണത്തിലൂടെയുമാണ് താരം അറിയപ്പെടാൻ തുടങ്ങിയതെങ്കിലും പാട്ടുകാരിയായും നടിയായും വരെ ശിവാംഗി തിളങ്ങുന്നുണ്ട്. അമ്മയും മകളും ഒന്നിച്ചുള്ള ഓൺലൈൻ അഭിമുഖങ്ങളെല്ലാം പ്രേക്ഷകർക്ക് കാണാനും ഏറെയിഷ്ടമാണ്. ഉരുളക്കുപ്പേരി പോലെ മറുപടി പറയുന്ന കുസൃതിക്കുട്ടിയാണെങ്കിലും ആളൊരു പുലിയാണ് കേട്ടോ.

രാജ്യത്തെ മിഡ്കപാസിറ്റി മോട്ടോര്‍സൈക്കിള്‍ വിഭാഗത്തിലെ രാജാക്കന്‍മാരായ റോയല്‍ എന്‍ഫീല്‍ഡ് തങ്ങളുടെ ഭാവി പ്രവര്‍ത്തനങ്ങള്‍ക്കായി കൃത്യമായ മാര്‍ഗരേഖ തയാറാക്കിയിട്ടുണ്ട്. ഇതിന്റെ ഭാഗമായി ഇലക്ട്രിക് മോട്ടോര്‍സൈക്കിളുകള്‍ അടക്കം പുതിയ മോഡലുകള്‍ വിപണിയിലെത്തിക്കാന്‍ റോയല്‍ എന്‍ഫീല്‍ഡ് ഒരുങ്ങുകയാണ്. 2027 വരെ ഓരോ മൂന്നു മാസത്തിലും ഓരോ പുതിയ മോട്ടോര്‍സൈക്കിള്‍ പുറത്തിറക്കാനാണ് ചെന്നൈ ആസ്ഥാനമായി പ്രവര്‍ത്തിക്കുന്ന ഐക്കണിക് ബ്രാന്‍ഡ് ലക്ഷ്യമിടുന്നത്. ഈ തന്ത്രത്തിന്റെ ഭാഗമായി ഇതിനോടകം വിപണിയിലെത്തിയ മോഡലുകള്‍ ആണ് ഹണ്ടര്‍ 350, പുതിയ ബുള്ളറ്റ് 350 എന്നിവ. എന്‍ഫീല്‍ഡിന്റെ ഭാവി ഉല്‍പ്പന്നങ്ങളില്‍ ഏറെ പ്രതീക്ഷ നല്‍കുന്ന 750 സിസി ബൈക്കുകളുമുണ്ട്.

ഓണക്കാലമിങ്ങ് എത്തിപ്പോയി, പുത്തൻ വാഹനം വാങ്ങാൻ പലരും ആഗ്രഹിക്കുന്നുണ്ടാകും, എന്നാൽ 10 ലക്ഷം രൂപയിൽ നിങ്ങൾക്ക് സ്വന്തമാക്കാൻ സാധിക്കുന്ന വാഹനങ്ങൾ ഏതൊക്കെ എന്ന് ആശയക്കുഴപ്പമുണ്ടോ, ഇനി കൺഫ്യൂഷൻ വേണ്ട ചെക്ക് റിപബ്ലിക്കൻ ബ്രാൻഡായ സ്കോഡ നിങ്ങളുടെ കൊക്കിലൊതുങ്ങുന്ന രണ്ട് മോഡലുകൾ അവതരിപ്പിക്കുന്നുണ്ട്. സെഡാൻ മോഡലാണോ അതോ എസ്‌യുവിയാണോ വേണ്ടതെന്ന് നിങ്ങളുടെ താൽപ്പര്യത്തിന് വിടുകയാണ്, ഏതെക്കെയാണ് രണ്ട് മോഡലുകളെന്നും അതിൻ്റെ വിശദമായ വിലയും ഫീച്ചറുകളും ഒന്ന് അറിയാൻ ആഗ്രഹം തോന്നുന്നില്ല. അത് കൊണ്ട് കൂടുതൽ അറിയാൻ തുടർന്ന് വായിക്കാൻ മറക്കരുതേ.

ബോളിവുഡിലെ ഏറ്റവും വില പിടിപ്പുള്ള നായകൻമാരിൽ ഒരാളാണ് രൺവീർ സിങ്. ഒരു ചിത്രത്തിൽ അഭിനയിക്കാൻ 30 കോടി മുതൽ 50 കോടി രൂപ വരെയാണ് താരം പ്രതിഫലമായി ഈടാക്കുന്നതെന്നാണ് വിവരം. ഇത്രയും തുക വാങ്ങുമ്പോൾ എന്തായാലും ഇവരുടെ ജീവിതം എത്ര ആഡംബരപൂർവമായിരിക്കുമെന്ന് ഊഹിക്കാല്ലോ. യാത്ര ചെയ്യുന്ന കാറുകളായാലും താമസിക്കുന്ന വീടായാലുമെല്ലാം ഏതൊരു മനുഷ്യനും മോഹിച്ചുപോവുന്ന തരത്തിലുള്ളതാണ്. അടിക്കടി താരം വാർത്തകളിൽ നിറയാറുമുണ്ട്. പ്രായമായ ആരാധികയുടെ കാൽ തൊട്ട് വന്ദിച്ച്, കൈയിൽ ചുംബിക്കുകയും ചെയ്‌ത താരത്തിന്റെ പ്രവൃത്തി സോഷ്യൽ മീഡിയയിൽ വളരെ ചർച്ചയായിരുന്നു.

ഇലക്ട്രിക് കാറുകള്‍ വാങ്ങാന്‍ ഒരുങ്ങുന്നവര്‍ക്ക് ഇപ്പോള്‍ നല്ല സമയമാണ്. സ്വദേശി ബ്രാന്‍ഡുകള്‍ക്കൊപ്പം ചില ലോകോത്തര ഫോറിന്‍ കാര്‍ കമ്പനികളും സമീപകാലത്തായി ഇന്ത്യന്‍ വിപണിയില്‍ പ്രവേശിച്ച് കൊണ്ടിരിക്കുകയാണ്. അമേരിക്കന്‍ ഇവി ഭീമന്‍മാരായ ടെസ്‌ലയുടെ വരവ് ഇന്ത്യന്‍ ഓട്ടോ ഇന്‍ഡസ്ട്രിയെ ഒന്നടങ്കം ഇളക്കി മറിച്ചിരുന്നു. വിദേശ വിപണികളില്‍ ടെസ്‌ലയോട് നേരിട്ട് ഏറ്റുമുട്ടുന്ന വിയറ്റ്‌നാമീസ് ഇലക്ട്രിക് വാഹന നിര്‍മ്മാതാക്കളായ വിന്‍ഫാസ്റ്റും ഇന്ത്യ പിടിക്കാനായി കച്ചകെട്ടി നില്‍ക്കുകയാണ്. ടെസ്‌ല ഇവികള്‍ നേരിട്ട് ഇറക്കുമതി ചെയ്ത് വില്‍ക്കുമ്പോള്‍ വിന്‍ഫാസ്റ്റ് ഇന്ത്യയില്‍ വാഹന നിര്‍മാണ പ്ലാന്റ് സ്ഥാപിച്ചാണ് പ്രവര്‍ത്തനം തുടങ്ങുന്നത്. അതിന്റെ മെച്ചവും കമ്പനിക്ക് ഉണ്ടാകുമെന്ന കാര്യം ഉറപ്പാണ്.

ഇന്ത്യയിൽ രണ്ട് 400 സിസി മോട്ടോർസൈക്കിളുകൾ അവതരിപ്പിച്ചതിന് ശേഷം മൊത്തത്തിലുള്ളണ്ടായിരുന്ന ഇമേജ് മാറ്റിയെടുത്തവരാണ് ബ്രിട്ടീഷ് ഇരുചക്ര വാഹന നിർമാതാക്കളായ ട്രയംഫ്. ആഡംബര ബൈക്കുകൾ മാത്രം നിർമിച്ച് പുറത്തിറക്കിയിരുന്ന കമ്പനിയിൽ നിന്നും താങ്ങാനാവുന്ന വിലയിൽ സാധാരണക്കാരനായി ഒരു വണ്ടിയെത്തുമെന്ന് ആരും പ്രതീക്ഷിച്ചിരുന്നതല്ല. ആഭ്യന്തര വാഹന നിര്‍മാതാക്കളായ ബജാജ് ഓട്ടോയും ബ്രിട്ടീഷ് കമ്പനിയായ ട്രയംഫ് മോട്ടോര്‍സൈക്കിള്‍സും തമ്മില്‍ കൈകോര്‍ത്തതിന്റെ ഫലമായാണ് സ്പീഡും സ്ക്രാംബ്ലറും പിറവികൊണ്ടത്. മിഡ്-കപ്പാസിറ്റി മോട്ടോർസൈക്കിൾ സെഗ്മെന്റ് കൈയാളിയിരുന്ന റോയൽ എൻഫീൽഡിനെ കുടുക്കാനുള്ള ബജാജിന്റെ അവസാന തന്ത്രം വലിയ തോതിൽ വിജയിക്കുകയും ചെയ്‌തു.

ടെസ്‌ല രാജ്യത്ത് എത്തിയപ്പോൾ മുതൽ ഓരോ ദിവസവും പുതിയ പുതിയ വാർത്തകളും അപ്ഡേറ്റുകളുമാണ് പുറത്ത് വിടുന്നത്. എതിരാളികൾ പോലും ആകാംക്ഷയോടെയാണ് ടെസ്‌ലയെ നോക്കി കാണുന്നത്. ഇപ്പോഴിതാ ടെസ്‌ല തങ്ങളുടെ ഉപഭോക്താക്കൾക്കുളള ചാർജിങ്ങ് സ്റ്റേഷനും ആരംഭിച്ചിരിക്കുകയാണ്. വെറും ചാർജിങ്ങ് സ്റ്റേഷൻ അല്ല കേട്ടോ നല്ല കിടിലൻ സുപ്പർ ചാർജിങ്ങ് സ്റ്റേഷനാണ് ബ്രാൻഡ് മുംബൈയിലെ വൺ ബികെസിയിൽ ഉദ്ഘാടനം ചെയ്തിരിക്കുകയാണ്. രാജ്യത്ത് മൊത്തത്തിൽ എട്ട് പുതിയ സൂപ്പർചാർജറുകൾ സ്ഥാപിക്കാനാണ് ടെസ്‌ലയുടെ പദ്ധതി. ചാർജിംഗ് സ്റ്റേഷനിൽ നാല് 250kW സൂപ്പർചാർജറുകളും നാല് 11kW ഡെസ്റ്റിനേഷൻ ചാർജറുകളുമാണ് ഉളളത്.

സിനിമ മോഹവുമായി നടക്കുന്ന നിരവധി ചെറുപ്പക്കാരുണ്ട് നമ്മുടെ നാട്ടിൽ, എല്ലാവർക്കും ഒന്നും അങ്ങനെ പെട്ടെന്ന് എത്തിപിടിക്കാൻ കഴിയുന്നതുമല്ല സിനിമ രംഗം. കഴിവും, അഴകും ഒരുപോലെ ഉളളവർക്ക് മാത്രമേ സിനിമയിലേക്ക് കയറാൻ സാധിക്കു, അതിലുപരി നല്ല ഭാഗ്യവും. മലയാള സിനിമയിലെ പല പുതുമുഖങ്ങളും അത്തരത്തിൽ എത്തിയിട്ടുളളവർ തന്നെയാണ്. ഇപ്പോൾ സിനിമയിലേക്ക് കയറാനുള്ള എളുപ്പവഴിയായി സോഷ്യൽ മീഡിയയും ഉപയോഗിക്കുന്നുണ്ട്. റീൽസിലൂടേയും വീഡിയോകളിലൂടേയും പ്രേക്ഷകരുടെ മനസ് കവർന്ന നിരവധി പേരുണ്ട്. അങ്ങനെ ഒരു സുന്ദരിയാണ് നീതു മായ. 2023-ൽ ഇറങ്ങിയ പന്തം എന്ന ചിത്രത്തിലൂടെയാണ് നീതു സിനിമ ലോകത്തേക്ക് കാൽവയ്ക്കുന്നത്.

വാഹനങ്ങളില്‍ മോഡിഫിക്കേഷന്‍ അഥവാ രൂപമാറ്റം വരുത്തുന്നത് ഇന്ത്യയില്‍ നിയമവിരുദ്ധമാണ്. എന്നിരുന്നാലും നമ്മുടെ രാജ്യത്ത് പ്രത്യേകിച്ച് കേരളത്തില്‍ ഇപ്പോഴും നിരവധി പേര്‍ വാഹനങ്ങള്‍ രൂപമാറ്റം നടത്തി നിരത്തില്‍ ഇറക്കുന്നു. പിടിക്കപ്പെട്ടാലും പിഴ അടച്ച് ഊരിപ്പോരാമെന്നതിനാല്‍ മോഡിഫിക്കേഷന്‍ നിര്‍ബാധം തുടരുന്നു. ഒരു കാര്യം നിരോധിക്കുമ്പോള്‍ അത് പൂര്‍ണമായി തുടച്ച് നീക്കാനായി ലഭ്യത ഇല്ലാതാക്കുക എന്നതാണ് അധികാരികള്‍ ആദ്യം ശ്രദ്ധിക്കേണ്ടത്. സമാനമായ രീതിയില്‍ വാഹന മോഡിഫിക്കേഷന് മൂക്കുകയറിടാനായി ഇതിന് ഉപയോഗിക്കുന്ന ആക്‌സസറികളും മറ്റ് അനുബന്ധ ഉപകരണങ്ങളും നിരോധിച്ചിരിക്കുകയാണ് ഒരു പ്രാദേശിക ഭരണകൂടം. അത് എവിടെ ആണെന്നും പുതിയ നിയമത്തെ കുറിച്ച് വിശദമായും ചുവടെ വായിക്കാം.

എഥനോൾ പെട്രോളിനെതിരെ രാജ്യത്ത് വലിയ രീതിയിൽ പ്രതിഷേധം അരങ്ങേറുകയാണ്. തെറ്റായ രീതിയിലുള്ള പല പ്രചരണങ്ങളും എഥനോൾ കലർന്ന പെട്രോളിനെതിരെ രാജ്യത്തെങ്ങും നടക്കുന്നുണ്ടെന്നാണ് കേന്ദ്ര ഗതാഗത മന്ത്രി നിതിൻ ഗഡ്കരി ബിസിനസ്സ് ടുഡേ ഇന്ത്യ@100 ഉച്ചകോടിയിലെ ഒരു സെഷനിൽ സംസാരിക്കവേ അഭിപ്രായപ്പെട്ടു. രാജ്യത്ത് എഥനോൾ പെട്രോൾ മൂലം തകരാറിലായി ഏതെങ്കിലും വാഹനം ഉദാഹരണമായി കാണിക്കു എന്നാണ് വെല്ലുവിളിച്ചിരിക്കുന്നത്. മലിനീകരണം കുറയ്ക്കുന്നതിനൊപ്പം തന്നെ അസംസ്കൃത എണ്ണ ഇറക്കുമതിയെ ആശ്രയിക്കുന്നത് കുറയ്ക്കുന്നതിനും വേണ്ടിയാണ് ഈ ഇന്ധനം പ്രോത്സാഹിപ്പിക്കുക എന്നതാണ് തങ്ങളുടെ ലക്ഷ്യമെന്ന് ഇന്ത്യാ ഗവൺമെന്റ് പ്രസ്താവനയിൽ അറിയിച്ചിരുന്നു.

വളരെ ചുരുങ്ങിയ കാലംകൊണ്ട് മിഡ്-കപ്പാസിറ്റി മോട്ടോർസൈക്കിൾ വിഭാഗത്തിലെ ശക്തമാരായി മാറിയിരിക്കുകയാണ് ട്രയംഫ് (Triumph Motorcycles). ബജാജിന്റെ കൈപിടിച്ച് 400 സിസി സെഗ്മെന്റിലേക്ക് ഇറങ്ങുമ്പോൾ കമ്പനി പോലും ഇത്രയും പ്രതീക്ഷ വെച്ചിട്ടുണ്ടായിരിക്കില്ല. എന്തായാലും തുടക്കത്തിലെത്തിയ രണ്ട് പേരെ ജനം നെഞ്ചിലേറ്റിയപ്പോൾ പുതിയ പതിപ്പുകളും മൈലേജിനായി എത്തി. ഒടുവിൽ 400 സിസി വിഭാഗത്തിലെ ട്രയംഫിന്റെ ആദ്യത്തെ കഫേ റേസർ മോഡലായി ത്രക്സ്റ്റണും പിറവികൊണ്ടിരിക്കുകയാണിപ്പോൾ. സ്ക്രാംബ്ലർ 400 X-ന് മുകളിലായി സ്ഥാനംപിടിക്കാൻ പോവുന്ന ഇടിവെട്ട് ബൈക്ക് യൂത്തൻമാർക്കിടയിൽ തരംഗമാവുമെന്ന കാര്യം ഉറപ്പാണ്.

ഫെയിം (FAME) എന്ന ചുരുക്കപ്പേരില്‍ വിളിക്കുന്ന ഫാസ്റ്റര്‍ അഡോപ്ഷന്‍ ആന്‍ഡ് മാനുഫാക്ചറിംഗ് ഓഫ് (ഹൈബ്രിഡ്) ആന്‍ഡ് ഇലക്ട്രിക് വെഹിക്കിള്‍സ് എന്ന പദ്ധതിക്ക് കീഴില്‍ രാജ്യത്ത് ഇലക്ട്രിക് വാഹനങ്ങള്‍ ജനകീയമാക്കാന്‍ കേന്ദ്ര സര്‍ക്കാര്‍ കോടിക്കണക്കിന് രൂപയാണ് ചെലവഴിച്ചത്. കഴിഞ്ഞ വര്‍ഷം മാര്‍ച്ചില്‍ ഫെയിം II പദ്ധതിയുടെ കാലാവധി അവസാനിച്ച ശേഷം കേന്ദ്ര ഹെവി ഇന്‍ഡസ്ട്രീസ് മന്ത്രാലയം തുടക്കമിട്ട പദ്ധതിയാണ് പ്രധാനമന്ത്രി ഇലക്ട്രിക് ഡ്രൈവ് റെവല്യൂഷന്‍ ഇന്‍ ഇന്നോവേറ്റീവ് വെഹിക്കിള്‍ എന്‍ഹാന്‍സ്‌മെന്റ് (PM E-DRIVE). ഇപ്പോള്‍ പിഎം ഇ-ഡ്രൈവ് പദ്ധതിയുടെ കാലാവധി രണ്ട് വര്‍ഷം കൂടി നീട്ടിക്കൊണ്ടുള്ള ഗസറ്റ് വിജ്ഞാപനം പുറത്തുവിട്ടിരിക്കുകയാണ് സര്‍ക്കാര്‍.

ഇന്ത്യയിൽ ഒരൊറ്റ മോഡലിനെ വെച്ച് പണിയെടുപ്പിച്ച് പണമുണ്ടാക്കുന്നവരാണ് ജാപ്പനീസ് വാഹന നിർമാതാക്കളായ നിസാൻ (Nissan). ഇടയ്ക്ക് സഹായത്തിനായി X-ട്രെയിൽ എന്ന ഭീമനെ കൊണ്ടുവന്നെങ്കിലും ആളുകൾ കാര്യമായി മൈൻഡ് ചെയ്‌തില്ല. വിദേശത്ത് നിർമിച്ച് ഇറക്കുമതി ചെയ്യുന്ന വണ്ടികളല്ല നിസാനിൽ നിന്നും തങ്ങൾക്ക് വേണ്ടതെന്ന് ജനങ്ങൾ കമ്പനിയോട് പറയാതെ പറയുകയായിരുന്നു. ഇത് മനസിലാക്കിയ കമ്പനി അടുത്തതായി പുറത്തിറക്കാൻ തീരുമാനിച്ചിരിക്കുന്നത് പൂർണമായും ഇന്ത്യയിൽ നിർമിക്കുന്നൊരു എസ്‌യുവി ആയിരിക്കും. അതും രാജ്യത്തെ ഹോട്ട് സെല്ലിംഗ് സെഗ്മെന്റായ മിഡ്-സൈസ് എസ്‌യുവി നിരയിലേക്കാണ് ആശാൻ എത്തുന്നത്.

ഒരു വാഹനം വാങ്ങുക എന്നത് എല്ലാവരുടേയും ഒരു വല്ലാത്ത ആഗ്രഹമാണ്. എന്നാൽ ഒരു ദിവസം തന്നെ രണ്ട് വാഹനങ്ങൾ വാങ്ങിയാലോ. യു.പി സ്വദേശിയായ പ്രമുഖ വ്യവസായിയാണ് ഒരു ദിവസം തന്നെ ടൊയോട്ടയുടെ രണ്ട് എസ്‌യുവികൾ സ്വന്തമാക്കിയത്. ഒരു ഫോർച്ച്യൂണറും ലാൻഡ് ക്രൂയിസർ 300 ആണ് അദ്ദേഹം വാങ്ങിയത്. ലാൻഡ് ക്രൂയിസർ LC300, ഫോർച്യൂണർ എന്നിവയുടെ ഡെലിവറി എടുക്കുന്ന ഈ ചിത്രങ്ങൾ ധർമ്മേന്ദ്ര യാദവ് ബസ്തി എന്ന വ്യക്തിയാണ് അവരുടെ ഇൻസ്റ്റാഗ്രാം പേജിൽ പങ്കിട്ടിരിക്കുന്നത്. ഉത്തർപ്രദേശിലെ രാഷ്ട്രീയ നേതാവും റിയൽ എസ്റ്റേറ്റ് ഡെവലപ്പറുമായ തേജ് പ്രതാപ് സിംഗ് ആണ് വാഹനങ്ങൾ സ്വന്തമാക്കിയിരിക്കുന്നത്.

നിലവില്‍ കാര്‍ വിപണിയില്‍ സ്‌പോര്‍ട് യൂടിലിറ്റി വാഹനങ്ങള്‍ക്കാണ് (എസ്‌യുവി) ഡിമാന്‍ഡ്. കഴിഞ്ഞ ഏതാനും വര്‍ഷങ്ങളായി ഇന്ത്യയില്‍ ഏറ്റവും കൂടുതല്‍ വില്‍പ്പന നടക്കുന്ന ബോഡിടൈപ്പാണ് എസ്‌യുവികള്‍. നിലവില്‍ ട്രെന്‍ഡ് എസ്യുവികള്‍ക്ക് അനുകൂലമാണെങ്കിലും സെഡാന്‍ കാറുകള്‍ക്ക് അതിന്റേതായ ഒരു സ്ഥാനമുണ്ടെന്ന കാര്യം ആരും തള്ളിക്കളയില്ല. താഴ്ന്ന സീറ്റിംഗ് പൊസിഷന്‍ സ്‌പോര്‍ട്‌സ് കാര്‍ ഓടിക്കുന്നതിന് സമാനമായ അനുഭവം സമ്മാനിക്കുമെങ്കിലും കൂടുതല്‍ സ്‌പെയ്‌സും ഫീച്ചറുകളും വാഗ്ദാനം ചെയ്യുന്നതിനാലാണ് എസ്‌യുവികള്‍ക്ക് മുന്നില്‍ സെഡാനുകള്‍ സൈഡ് ആയത്. എന്നാല്‍ 2025 ജൂലൈ മാസത്തില്‍ ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെട്ട കാര്‍ ഒരു സെഡാന്‍ ആയിരുന്നു.

ഓഫ്-റോഡ് എസ്‌യുവികളിലെ കിങാണ് മഹീന്ദ്ര ഥാർ. പഴയ പരുക്കൻ ശൈലിയിൽ നിന്നും ലൈഫ് സ്റ്റൈൽ സ്പോർട് യൂട്ടിലിറ്റി വാഹനമായി മാറിയതോടെ ഥാർ വാങ്ങുന്നവരുടെ എണ്ണത്തിൽ വലിയ കുതിച്ചുചാട്ടമാണുണ്ടായത്. മഹീന്ദ്ര പോലും അത്ഭുതപ്പെടുന്ന രീതിയിൽ ഇന്നും മോഡൽ വിറ്റഴിയുന്നുണ്ട്. മാരുതിയുടെ ഐതിഹാസികമായ ജിംനി എത്തുന്നതോടെ ഥാറിന് കച്ചോടം കുറയുമെന്ന് പലരും വിലയിരുത്തിയിരുന്നുവെങ്കിലും കൂടുതൽ താങ്ങാനാവുന്ന വിലയുള്ള 2WD പതിപ്പ് പുറത്തിറക്കിയാണ് കമ്പനി ഈ മത്സരത്തെ നേരിട്ടത്. അന്യായ റോഡ് പ്രസൻസും പെർഫോമൻസുമുള്ള 3-ഡോർ ഥാറിന് മുന്നിൽ പിടിച്ചുനിൽക്കാൻ ജിംനിക്ക് സാധിക്കാതെ പോയതാണ് പിന്നീട് കണ്ടത്.