തങ്ങളുടെ യാത്രകള്‍ക്കായി ആഡംബര കാറുകള്‍ ഉപയോഗിക്കുന്നവരാണ് സെലിബ്രിറ്റികള്‍. താരങ്ങളുടെ സ്റ്റാറ്റസിന് യോജിക്കുന്ന തരത്തിലുള്ള കാറുകളാണ് അവര്‍ വാങ്ങുന്നത്. കാര്‍ അപ്‌ഗ്രേഡ് ചെയ്യുമ്പോള്‍ അവ വിറ്റ് ഒഴിവാക്കുകയാണ് ചെയ്യുക. സിനിമാ നടന്‍മാര്‍ ഉപയോഗിച്ച കാറുകള്‍ പൊന്നുംവില കൊടുത്ത് സ്വന്തമാക്കുന്ന ആളുകള്‍ ഇന്ത്യയില്‍ ഉണ്ട്. ഇപ്പോള്‍ വിറ്റിട്ടും രണ്ട് സൂപ്പര്‍ താരങ്ങള്‍ക്ക് തലവേദനയായി മാറിയിരിക്കുകയാണ് റോള്‍സ് റോയ്‌സ് കാറുകള്‍. ബോളിവുഡ് സൂപ്പര്‍ താരങ്ങളായ അമിതാഭ് ബച്ചനും ആമിര്‍ ഖാനും ഉടമകളായിരുന്ന ആഡംബര കാറുകള്‍ക്കാണ് റോഡ് നികുതി അടയ്ക്കാത്തതിന് കര്‍ണാടക ആര്‍ടിഒ അധികൃതര്‍ നോട്ടീസ് അയച്ചത്. എന്തിനാണ് കാറിന് പിഴയിട്ടതെന്നും ആരാണ് പിഴയടക്കാത്തതെന്നും നമുക്ക് നോക്കാം.

ലോകത്തിലെ ഏറ്റവും വലിയ നാലാമത്തെ വാഹന വിപണിയായ ഇന്ത്യയിൽ ഇല്ലാത്ത കാർ നിർമാതാക്കൾ വളരെ കുറവാണെന്ന് തന്നെ പറയാം. എന്നാൽ ഉയർന്ന രീതിയിൽ ഈടാക്കുന്ന നികുതി എന്നും വാഹന നിർമാതാക്കൾക്ക് വലിയൊരു തലവേദന തന്നെയാണ്. ഇക്കാര്യം പല ബ്രാൻഡുകളും പലതവണ കേന്ദ്രത്തെ അറിയിക്കുകയും ചെയ്‌തിട്ടുണ്ട്. എന്നാൽ ഇനി മുതൽ ബ്രിട്ടീഷ് നിർമിത ആഡംബര കാറുകളുടെ വില കുത്തനെ കുറയാൻ പോവുകയാണ്. അതായത് റോൾസ് റോയ്‌സ് ഉൾപ്പടെയുള്ള കമ്പനികളുടെ മോഡൽ നിരയിൽ വമ്പൻവിലക്കുറവിന് സാധ്യത തെളിഞ്ഞു. എങ്ങനെയാണന്നല്ലേ, ഇന്ത്യയും യുകെയും തമ്മിലുള്ള സ്വതന്ത്രവ്യാപാര കരാറിന് അംഗീകാരമായതോടെയാണ് ഈയൊരു സന്തോഷ വാർത്ത ജനങ്ങളിലേക്ക് എത്തുന്നത്.

ഒരു 7 സീറ്റർ വാങ്ങാൻ നിങ്ങൾ കാത്തിരിക്കുകയാണെങ്കിൽ ഇനി കാത്തിരിപ്പ് അവസാനിപ്പിച്ച് റെനോ ഷോറൂമിലേക്ക് വണ്ടി വിടാം. റെനോയുടെ ഫാമിലി കാറായ ട്രൈബർ മുഖം മിനുക്കി ഏറെ ആകർഷകമായി തങ്ങളുടെ പുതിയ ഫെയ്സ‌ലിഫ്റ്റ് പുറത്തിറക്കിയിട്ടുണ്ട്. പഴയ മോഡലിൽ നിന്ന് പുതിയ ഫെയ്സ്‌ലിഫ്റ്റിൽ എന്തൊക്കെ മാറ്റങ്ങളാണ് വന്നിരിക്കുന്നതെന്ന് നിങ്ങളുമായി പങ്ക് വയക്കുകയാണ് ഈ ലേഖനത്തിലൂടെ. 7 സീറ്റർ സെഗ്മെൻ്റിൽ ട്രൈബർ മത്സരിക്കുന്ന എതിരാളികളും ചില്ലറക്കാരല്ല എന്നതാണ് പ്രത്യേകത.മാരുതി സുസുക്കി എർട്ടിഗ, ടൊയോട്ട റൂമിയോൺ പിന്നെ കിയ കാരൻസ് എന്നിവരാണ് ട്രൈബറിൻ്റെ എതിരാളികൾ.

ഇന്ത്യന്‍ സിനിമക്ക് നിരവധി ഇതിഹാസ താരങ്ങളെ സമ്മാനിച്ച ഇന്‍ഡസ്ട്രിയാണ് മോളിവുഡ്. പുതുമുഖ നടന്‍മാരില്‍ മലയാള സിനിമയുടെ യശസ്സ് പാന്‍ ഇന്ത്യ ലെവലില്‍ എത്തിച്ച ഒരാളാണ് ഫഹദ് ഫാസില്‍. ഫാഫായുടെ റീച്ച് എത്രത്തോളമാണെന്ന് കാണിച്ച് തരുന്നതായിരുന്നു അടുത്തിടെ പുറത്തിറങ്ങിയ മോഹന്‍ലാല്‍-സത്യന്‍ അന്തിക്കാട് ചിത്രമായ ഹൃദയപൂര്‍വത്തിന്റെ ടീസര്‍. ഇതര സംസ്ഥാനത്ത് നിന്നുള്ള ഒരാള്‍ ഫഹദിന്റെ അഭിനയത്തെ വാഴ്ത്തുന്നതാണ് ടീസറില്‍ കാണിക്കുന്നത്. മാത്രമല്ല ബോളിവുഡില്‍ നിന്നടക്കമുള്ള സെലിബ്രിറ്റികള്‍ പോലും ഫഹദിന്റെ അഭിനയം ഏറെ ഇഷ്ടപ്പെടുകയും കൂടെ അഭിനയിക്കാന്‍ താല്‍പര്യപ്പെടുകയും ചെയ്യുന്നു.

ഏറെ നാളായി ഇന്ത്യക്കാരെ കൊതിപ്പിച്ചുകൊണ്ടിരുന്ന സൈബർസ്റ്റർ ഇലക്‌ട്രിക് സ്പോർട്‌സ് കാർ (MG Cyberster Electric Sports Car) ഒടുവിൽ വിപണിയിൽ അവതരിപ്പിച്ച് ജെഎസ്‌ഡബ്ല്യു എംജി മോട്ടോർ ഇന്ത്യ. ഇലക്‌ട്രിക് കാറുകളിലൂടെ വിസ്‌മയം തീർക്കുന്ന എംജിയുടെ പ്രീമിയം വാഹന നിരയിലേക്കെത്തുന്ന പുത്തൻ മോഡലാണിത്. ഏഷ്യയിലെ ഏറ്റവും വേഗമേറിയ കാർ എന്ന ബഹുമതിയുമായി വിൽപ്പനയ്ക്ക് എത്തിയിരിക്കുന്ന സൈബർസ്റ്റർ ഇവിക്ക് 72.49 ലക്ഷം രൂപയാണ് എക്സ്ഷോറൂം വിലയായി മുടക്കേണ്ടി വരിക. ഇലക്ട്രിക് സ്‌പോർട്‌സ് കാർ മുൻകൂട്ടി ബുക്ക് ചെയ്ത ഉപഭോക്താക്കൾക്ക് മാത്രമേ ഈ വില ബാധകമാകൂ.

മഹീന്ദ്ര തങ്ങളുടെ മഹീന്ദ്ര XUV 3XO മോഡൽ ഒന്ന് പുതുക്കി അവതരിപ്പിച്ചതായിരുന്നു Revx എന്ന വേരിയൻ്റ്. അവതരിപ്പിച്ചപ്പോൾ തന്നെ ബുക്കിങ്ങുകൾ കുമിഞ്ഞു കൂടുകയായിരുന്നു. മധ്യപ്രദേശിലുള്ള ഒരു മഹീന്ദ്ര ഡീലർഷിപ്പ് തങ്ങളുടെ XUV 3XO Revx ബുക്ക് ചെയ്ത 51 കസ്റ്റമേഴ്സിന് ഒരു ദിവസം തന്നെ വാഹനം നൽകി ചരിത്രം സൃഷ്ടിച്ചിരിക്കുകയാണ്. സ്റ്റാർ ഓട്ടോമൈബൽസ് എന്ന ഡീലർഷിപ്പാണ് തങ്ങളുടെ കസ്റ്റമേഴ്സിന് ഇത്തരത്തിലൊരു സർപ്രൈസ് നൽകിയത്. ഒരു വലിയ ടെൻ്റിനുളളിൽ 51 വാഹനങ്ങൾ നിരത്തിയിട്ടിരിക്കുന്നത് കാണാം. എല്ലാവരും എത്തി കേക്ക് മുറിച്ച് തങ്ങളുടെ വാഹനത്തിന് അടുത്ത് നിന്ന് ചിത്രങ്ങളെടുക്കുകയും ചെയ്തു.

സോഷ്യല്‍ മീഡിയ ഉപയോഗിക്കുന്ന മലയാളികള്‍ക്ക് സുപരിചിതയായ ഓട്ടോമോട്ടീവ് ഇന്‍ഫ്‌ലുവന്‍സറാണ് 'ഒക്‌റ്റേന്‍ ഗേള്‍' (Octane Girl,) എന്ന പേരില്‍ അറിയപ്പെടുന്ന മിയ ജോസഫ് ചിറക്കേക്കാരന്‍ (Mia Joseph Chirakkekaran). ഇന്റര്‍നാഷനല്‍ റാലി ഡ്രൈവറായ പിതാവ് ജോസഫ് സി ജോസില്‍ നിന്ന് ചെറുപ്പത്തിലേ കാറുകളോട് കമ്പം തോന്നിത്തുടങ്ങിയ ഹൈ-പെര്‍ഫോമന്‍സ് കാറുകള്‍ പുരുഷന്‍മാര്‍ക്ക് മാത്രം മെരുക്കാന്‍ സാധിക്കുന്ന ഒന്നാണെന്ന പൊതുബോധം പൊളിച്ചടക്കുകയായിരുന്നു. മിയക്ക് 18-ാം പിറന്നാളിന് സമ്മാനം കിട്ടിയത് ഫോക്‌സ്‌വാഗണ്‍ ഗോള്‍ഫ് GTI ആയിരുന്നു. അടുത്തിടെ തരംഗമായി മാറിയ ഫോക്‌സ്‌വാഗണിന്റെ ഗോള്‍ഫ് GTI ഹോട്ട്ഹാച്ച് സ്വന്തമാക്കിയ രാജ്യത്തെ ആദ്യ വനിതയായിരുന്നു മിയ.

വിലകൂടിയ കാറുകളും എസ്‌യുവികളും വാങ്ങുന്നതും അവ ദിവസവും ഉപയോഗിക്കുന്നതുമായ ശീലം ഇന്ത്യക്കാർക്കിടയിൽ വർധിച്ചുകൊണ്ടിരിക്കുകയാണ്. സെലിബ്രിറ്റികൾ അല്ലെങ്കിൽ വലിയ വ്യവസായികൾ മാത്രം ലക്ഷ്വറി കാറുകൾ (Luxury Cars) ഉപയോഗിച്ചിരുന്ന കാലമെല്ലാം മാറി. ഇപ്പോൾ വ്ലോഗർമാർ വരെ ഇത്തരം വാഹനങ്ങൾ സ്വന്തമാക്കാനാണ് താത്പര്യപ്പെടുന്നതെന്ന് പറയാം. യൂട്യൂബിൽ (Youtube) നിന്നും അത്രമേൽ വരുമാനം ലഭിക്കുന്നുണ്ട് ഇത്തരക്കാർക്ക്. അതിനാൽ ആഡംബര ജീവിതം നയിക്കാൻ വളരെ എളുപ്പമാണെന്ന് പറഞ്ഞാലും തെറ്റൊന്നുമില്ല. പക്ഷേ കൃഷി ചെയ്‌ത് ആഡംബര കാർ വാങ്ങാൻ റേഞ്ച് വേറെ വേണം കേട്ടോ.

ജാപ്പനീസ് വാഹന നിര്‍മാതാക്കളായ സുസുക്കിയും ടൊയോട്ടയും തമ്മിലുള്ള 'കാര്‍മാറാട്ട'ത്തെ കുറിച്ച് വാഹനപ്രേമികള്‍ക്ക് ഇതിനോടകം അറിയാവുന്നതാണ്. ഇന്ത്യന്‍ വിപണിയില്‍ സുസുക്കിയും ടൊയോട്ടയും ഒരേ പ്ലാറ്റ്ഫോമില്‍ നിര്‍മ്മിച്ച വാഹനങ്ങള്‍ വ്യത്യസ്ത പേരുകളില്‍ വില്‍ക്കുന്നു. മാരുതി മോഡലുകളായ എര്‍ട്ടിഗ, ഫ്രോങ്ക്‌സ്, ബലേനോ എന്നിവ ടൊയോട്ട യഥാക്രമം റൂമിയോണ്‍, ടൈസര്‍, ഗ്ലാന്‍സ എന്നീ പേരുകളില്‍ റീബാഡ്ജ് ചെയ്ത് വില്‍ക്കുന്നു. മറുവശത്ത് ടൊയോട്ടയുടെ സ്വന്തം ഇന്നോവ ഹൈക്രോസ് മാരുതി ഇന്‍വിക്‌റ്റോ എന്ന പേരില്‍ തങ്ങളുടെ ഷോറൂമിലൂടെ വിപണനം ചെയ്യുന്നു. ഇരുകമ്പനികളും ചേര്‍ന്ന് വികസിപ്പിച്ച മിഡ്‌സൈസ് എസ്‌യുവി മാരുതി ഗ്രാന്‍ഡ് വിറ്റാര, ടൊയോട്ട ഹൈറൈഡര്‍ എന്നീ പേരുകളില്‍ വില്‍പ്പനക്കെത്തുന്നുണ്ട്.

പപ്പടമെന്ന ചീത്തപ്പേരെല്ലാം മാറ്റി തങ്ങളുടെ കാറുകളെ കൂടുതൽ സേഫ്റ്റിയുള്ളതാക്കി മാറ്റുകയാണ് രാജ്യത്തെ ഏറ്റവും വലിയ വാഹന നിർമാതാക്കളായ മാരുതി സുസുക്കി (Maruti Suzuki). ക്രാഷ് ടെസ്റ്റിൽ മിന്നുന്ന പ്രകടനവുമായി ഡിസയറും ബലേനോയും കരുത്ത് കാട്ടിയപ്പോൾ മറ്റുള്ള മോഡലുകളും മോശക്കാരല്ലെന്ന് തെളിയിക്കാനായി 6 എയർബാഗ് പോലുള്ള സുരക്ഷാ സന്നാഹങ്ങൾ തങ്ങളുടെ മോഡൽനിരയിലുടനീളം സ്റ്റാൻഡേർഡാക്കുകയാണ് കമ്പനി. അടുത്തിടെ ബലേനോയും എർട്ടിഗയും 6 എയർബാഗ് സ്റ്റാൻഡേർഡായി അവതരിപ്പിച്ച് വാർത്തകളിൽ ഇടംനേടിയിരുന്നു. ഇപ്പോഴിതാ തങ്ങളുടെ 6-സീറ്റർ എംപിവിയിലും സമാനമായ പരിഷ്ക്കാരങ്ങളുമായി എത്തിയിരിക്കുകയാണ് മാരുതി.

ഒമ്പത് മണിക്കൂറിൽ കൂടുതൽ അമിതമായി ഉറങ്ങുന്നത് ദോഷകരമാണെന്നും ഗുരുതരമായ ആരോഗ്യ പ്രശ്‌നങ്ങൾക്കുള്ള സാധ്യത വർദ്ധിപ്പിക്കുമെന്നും പുതിയ പഠനങ്ങൾ വെളിപ്പെടുത്തുന്നു. അനുയോജ്യമായ ഉറക്ക ദൈർഘ്യം മനസ്സിലാക്കുക.

കേരളത്തിൽ ഇപ്പോൾ ആഡംബര വാഹനങ്ങളുടെ കാര്യത്തിൽ ഒരു കുറവുമില്ല. വ്യവസായ പ്രമുഖരും സെലിബ്രിറ്റികളും എല്ലാം ആഡംബര വാഹനങ്ങളുടെ പിന്നാലെയാണല്ലോ. വാഹനപ്രേമികളുടെ ഇടയിൽ പേരുകേട്ട ഒരു വ്യവസായ പ്രമുഖനാണ് സിന്തൈറ്റ് ഇന്‍ഡസ്ട്രീസ് എക്സിക്യൂട്ടീവ് ചെയര്‍മാനായ ഡോ വിജു ജേക്കബ്. കേരളത്തിലെ തന്നെ ഏറ്റവും വലിയ ഗാരേജ് ഇദ്ദേഹത്തിന് സ്വന്തമെന്ന് പറയാം. കേരളത്തിലെ ആദ്യത്തെ ബിഎംഡബ്ല്യു XM, ഫെറാറി റോമ, റോൾസ് റോയ്‌സ് കലിനൻ സീരീസ് II തുടങ്ങിയ മോഡലുകളെല്ലാം സ്വന്തമാക്കിയതും ഇദ്ദേഹമായിരുന്നു. ആ കൂട്ടത്തിലേക്ക് ജർമൻ ബ്രാൻഡിൻ്റെ ഒരു കരുത്തനായ എസ്‌യുവി എത്തിച്ചിരിക്കുകയാണ് അദ്ദേഹം.

ഈ വര്‍ഷം ഏത് കൊലകൊമ്പന്‍ ബ്രാന്‍ഡും ഏത് ലോകോത്തര ഇലക്ട്രിക് വാഹനം പുറത്തിറക്കുമെന്ന് പറഞ്ഞാലും ഇന്ത്യക്കാര്‍ കാത്തിരിക്കുന്നത് ഒരൊറ്റ മോഡലിനായാണ്. അത് മറ്റേതുമല്ല മാരുതി സുസുക്കി പുറത്തിറക്കാന്‍ പോകുന്ന കന്നി ഇലക്ട്രിക് എസ്‌യുവിയാണ്. ഉത്സവ സീസണില്‍ സെപ്റ്റംബര്‍ ആദ്യ വാരം ഇവിയുടെ വില പ്രഖ്യാപിക്കാന്‍ പോകുകയാണ്. അതിനിടെ കാറിന്റെ പരീക്ഷണയോട്ടം തകൃതിയായി നടക്കുന്നു. ഇപ്പോള്‍ ഇന്റര്‍നെറ്റില്‍ പ്രത്യക്ഷപ്പെട്ട സ്‌പൈ ചിത്രം ഇലക്ട്രിക് എസ്‌യുവിയുടെ പേരുമാറ്റത്തിലേക്ക് വിരല്‍ ചൂണ്ടുന്നു. വാഹനത്തിന് 'ഇ-വിറ്റാര' എന്ന് പേര് നല്‍കാനായിരുന്നു ഏറെനാളായി തീരുമാനിച്ചിരുന്നത്. ഇവിറ്റാര മാറി ഇവിക്ക് ലഭിക്കാന്‍ സാധ്യതയുള്ള പേര് എന്താണെന്ന് ചുവടെ വിശദമായി വായിക്കാം.

ഒരു ഫാമിലി കാർ എന്ന് മനസിൽ വിചാരിക്കുമ്പോൾ പലർക്കും ഇന്നോവയായിരിക്കും മനസിലേക്ക് വരുന്നത്. എന്നാൽ താങ്ങാനാവുന്ന വിലയിൽ ഒരു എംപിവി സ്വന്തമാക്കാൻ സാധിക്കുമോ. സാധിക്കും, ലിസ്റ്റിൽ എർട്ടിഗ പിന്നെ റെനോ ട്രൈബറുണ്ട്. ഒരു പത്ത് ലക്ഷത്തിൽ താഴെ നിങ്ങൾക്ക് ഒരു ഫാമിലി കാർ സ്വന്തമാക്കണം എന്നാണ് ആഗ്രഹമെങ്കിൽ അതിനൊരു ഓപ്ഷനാണ് റെനോ ട്രൈബർ. ഇപ്പോൾ മുഖം മിനുക്കി കിടിലൻ ലുക്കിലെത്തിയ ട്രൈബറിൻ്റെ ഫുൾ ഓപ്ഷൻ്റെ വില 11 ലക്ഷത്തിൽ ഒതുങ്ങും. സെഗ്മെൻ്റിൽ മത്സരിക്കുന്ന ഈ രണ്ട് മോഡലുകളും ഒന്ന് താരതമ്യം ചെയ്താലോ.

ഇന്ത്യയില്‍ ഒറ്റക്ക് ഒരു കമ്പനിയെ തോളിലേറ്റി കൊണ്ടുപോകുന്ന കാര്‍ മോഡലാണ് നിസാന്‍ മാഗ്‌നൈറ്റ്. സബ് 4 മീറ്റര്‍ എസ്‌യുവി മാന്യമായ വില്‍പ്പന നേടുന്നതിനാലാണ് ജാപ്പനീസ് ബ്രാന്‍ഡ് ഇന്ത്യയില്‍ നിന്ന് കഞ്ഞികുടിച്ച് പോകുന്നത്. 2024 കലണ്ടര്‍ വര്‍ഷത്തിന്റെ അവസാനം നിസാന്‍ മാഗ്‌നൈറ്റിന് ഫെയ്‌സ്‌ലിഫ്റ്റ് സമ്മാനിച്ചിരുന്നു. അകത്തും പുറത്തും ചില്ലറ പരിഷ്‌കാരങ്ങളുമായാണ് എസ്‌യുവി പുറത്തിറങ്ങിയത്. ഇപ്പോള്‍ അപ്‌ഡേറ്റഡ് നിസാന്‍ മാഗ്‌നൈറ്റിന്റെ ഗ്ലോബല്‍ ന്യൂ കാര്‍ അസെസ്‌മെന്റ് പ്രോഗ്രാമിന് (GNCAP) കീഴില്‍ നടത്തിയ ക്രാഷ് ടെസ്റ്റ് ഫലങ്ങള്‍ പുറത്തുവന്നിരിക്കുകയാണ്. ഈ കാര്‍ ഇടിക്കൂട്ടില്‍ 5 സ്റ്റാര്‍ നേടി തിളങ്ങിയെങ്കിലും ചെറിയൊരു ട്വിസ്റ്റുണ്ട്. അത് വിശദമായി വായിക്കാം.

ഒരു സെവൻ സീറ്റർ വാഹനം വാങ്ങണമെന്ന സ്വപ്‌നം പേറിനടക്കുന്ന അനേകം മിഡിൽ ക്ലാസുകാരുണ്ട് നമുക്കിടയിൽ അച്ഛനും അമ്മയും മക്കളും ഭാര്യയുമടങ്ങുന്ന കുടുംബത്തിന് ഒന്നിച്ച് യാത്ര ചെയ്യണമെങ്കിൽ വീട്ടിലൊരു 7-സീറ്റർ ഉണ്ടായേ പറ്റൂ. ബന്ധുക്കളുടെ കല്യാണത്തിന് പോവാനോ അല്ലെങ്കിൽ ചെറിയ വീക്ക്എൻഡ് ട്രിപ്പുകൾ പോവാനായാലും 5-സീറ്റർ മതിയാവില്ല. ഇത്തരം സന്ദർഭങ്ങൾ വരുമ്പോൾ പലരും റെന്റിന് വണ്ടിയെടുത്ത് പോവാറാണ് പതിവ്. വീട്ടിലേക്കൊരു മൂന്നുവരി വാഹനം വാങ്ങുന്നതിന് ബജറ്റ് പരിമിതിയുണ്ടാലും. മിനിമം 10 ലക്ഷത്തിന് മുകളിൽ കൊടുത്താൽ മാത്രമേ മാരുതി എർട്ടിഗ പോലും കിട്ടൂവെന്നതാണ് സത്യം.

പ്രായം ഒന്നിനും ഒരു തടസമല്ല എന്നാണല്ലോ, പ്രായമായ ശരീരത്തിനുളളിൽ ഇന്നും ചുറുചുറുക്കുളള മനസ് കാത്ത് സൂക്ഷിക്കുന്ന നിരവധി പേരുണ്ട്. വയസായി എന്ന് സ്വയം തോന്നി ഏതെങ്കിലും ഒരു മൂലയ്ക്ക് ആർക്കും ശല്യമാവണ്ട എന്ന് കരുതി ഇരിക്കുന്നവർ ഈ അമ്മാമയേയും കൊച്ചുമോനേയും കണ്ടുപഠിക്കണം. കൊവിഡ് കാലത്ത് അമ്മാമയുമൊത്ത് ചെറിയ വീഡിയോകളിൽ തുടങ്ങി ഇപ്പോൾ അച്ചാർ ബിസിനസും ഒക്കെ ആയി സന്തോഷത്തോടെ മുന്നോട്ട് പോകുകയാണ് ഈ കൊച്ചു കുടുംബം. നർമത്തിൽ കലർത്തിയതാണെങ്കിലും ചിന്തിപ്പിക്കുന്നതുമായ നിരവധി വീഡിയോകളാണ് ഇവരുടെ ചാനലിൽ വരുന്നത്.

ഇന്ത്യയിലെ ഇലക്‌ട്രിക് കാർ വിപണിയെ കൈപ്പിയിലാക്കുകയാണ് ജെഎസ്‌ഡബ്ല്യു എംജി മോട്ടോർസ്. കോമെറ്റും വിൻഡ്‌സറും തീർത്ത വിസ്‌മയം മറ്റൊരു തലത്തിലെത്തിക്കാൻ അടുത്തിടെ M9 ഇവിയെ കമ്പനി പുറത്തിറക്കുകയുണ്ടായി. അത്യാഡംബര കാർ വിഭാഗത്തിലാണ് എത്തുന്നതെങ്കിലും പലരുടേയും മനസിൽ കയറിക്കൂടാൻ പ്രസിഡൻഷ്യൽ ലിമോസിനായിട്ടുണ്ട്. ഇപ്പോഴിതാ ഇതിന്റെ ഓളം തീരുന്നതിന് മുമ്പായി മറ്റൊരു ഇവിയെ കൂടി രാജ്യത്തിന് സമർപ്പിക്കാൻ ഒരുങ്ങുകയാണ് എംജി. കുറച്ചധികം നാളായി ഇന്ത്യക്കാർ കാത്തിരിക്കുന്ന ഇലക്ട്രിക് സ്പോർട്‌സ് കാറാണ് ഇത്തവണ എത്തുന്നത്. 2025 ഭാരത് മൊബിലിറ്റി ഗ്ലോബൽ എക്സ്പോയിൽ പരിചയപ്പെടുത്തിയ സൈബർസ്റ്റർ നാളെ വിപണിയിലെത്തും.

സമൂഹത്തില്‍ ഇന്ന് വലിയ നിലയില്‍ എത്തിയ പലരും എളിയ ജീവിത പശ്ചാത്തലത്തില്‍ നിന്ന് ഉയര്‍ന്ന് വന്നവര്‍ ആയിരിക്കും. അത്തരത്തിലുള്ളവര്‍ എല്ലാവര്‍ക്കും ഒരു പ്രചോദനവുമായി മാറും. അത്തരത്തില്‍ ഡെലിവറി ബോയിയായി ജോലിയെടുത്ത് ഇന്ന് രാജ്യത്തെ അറിയപ്പെടുന്ന ഫിറ്റ്‌നസ് ഇൻഫ്ലുവന്‍സറായി മാറിയ വ്യക്തിയാണ് അങ്കിത് ബൈയന്‍പുരിയ. സമര്‍പ്പണവും പോസിറ്റീവായ മനോഭാവവും ഉണ്ടെങ്കില്‍ ഏത് സ്വപ്നവും യാഥാര്‍ത്ഥ്യമാക്കാന്‍ കഴിയുമെന്ന് അങ്കിത്ത് സ്വന്തം ജീവിതത്തിലൂടെ തെളിയിച്ചിട്ടുണ്ട്. വിജയത്തിന്റെ പടികള്‍ ഓരോന്നായി കയറുന്ന അങ്കിത് ഇപ്പോള്‍ ഒരു പുത്തന്‍ കാര്‍ വാങ്ങിയിരിക്കുകയാണ്. അതിനെ കുറിച്ച് നമുക്ക് വിശദമായി നോക്കാം.

ഡെയ്‌ലി കമ്മ്യൂട്ടർ സെഗ്മെൻ്റിൽ വിലയ പിടിപാടുളള ബ്രാൻഡാണ് ഹോണ്ട എന്ന് എല്ലാവർക്കും അറിയാവുന്നതാണല്ലോ. അത് കൊണ്ട് സ്കൂട്ടറായാലും ബൈക്കായാലും ഹോണ്ടയുടെ കൈയിൽ ഭദ്രമാണ്. ഹോണ്ട ഷൈൻ ഡെയ്‌ലി യാത്രകൾക്ക് രാജാവാണ്. മികച്ച മൈലേജും പോക്കറ്റിലൊതുങ്ങുന്ന വിലയുമാണ് ഹൈലൈറ്റ്. അത് കൊണ്ട് തന്നെ ഹോണ്ട ഷൈൻ DX എന്ന പുതിയ വേരിയൻ്റ് അവതിപ്പിച്ചപ്പോഴും സാധാരണക്കാരുടെ മനസ് അറിഞ്ഞ് തന്നെയാണ് പ്രവർത്തിച്ചത്. ആദ്യ 100 സിസി ബൈക്ക് ഹിറ്റായതിന് പിന്നാലെ ഈ സ്വീകാര്യത മുതലെടുക്കാനായി ഇപ്പോഴിതാ ഷൈൻ 100 DX എന്നൊരു പുത്തൻ വേരിയന്റുമായി ഇന്ത്യൻ വിപണിയിൽ അവതരിപ്പിച്ചത്.

ലോകത്ത് ഏറ്റവും കൂടുതല്‍ വാഹന മോഷണങ്ങള്‍ നടക്കുന്ന രാജ്യങ്ങളില്‍ ഒന്നാണ് ഇന്ത്യ. വാഹനങ്ങള്‍ പെരുകുന്നതിന് അനുസരിച്ച് വാഹന മോഷണത്തിന്റെ എണ്ണവും കൂടുന്നു. വാഹനം മോഷണം പോയാല്‍ ഇന്‍ഷുറന്‍സ് ലഭിക്കുമെന്ന ധാരണ പലര്‍ക്കുമുണ്ട്. എന്നാല്‍ ഇത് പൂര്‍ണമായും ശരിയല്ല. ഒരു ചെറിയ പിഴവ് പോലും വര്‍ഷങ്ങളോളം കോടതികളിലും ഓഫീസുകളിലും കയറിയിറങ്ങേണ്ട സാഹചര്യം ക്ഷണിച്ചുവരുത്തും എന്നതിന് ഗാസിയാബാദില്‍ നിന്നുള്ള ഒരു ഉദാഹരണം നമ്മുടെ മുന്നിലുണ്ട്. പുനീത് അഗര്‍വാള്‍ എന്നയാളുടെ മാരുതി സുസുക്കി ആള്‍ട്ടോ ഹാച്ച്ബാക്കാണ് 2003-ല്‍ ഹരിദ്വാറില്‍ വെച്ച് മോഷണം പോയത്. കുടുംബത്തോടൊപ്പം തീര്‍ത്ഥാടന കേന്ദ്രത്തില്‍ എത്തിയപ്പോള്‍ ആയിരുന്നു പുതിയ കാര്‍ മോഷ്ടാക്കള്‍ കവര്‍ന്നത്.

ഇന്ന് റോഡിലിറങ്ങിയാൽ ഏറ്റവും കൂടുതൽ കാണുന്ന കാറുകളിൽ ഒന്നാണ് മാരുതി സുസുക്കി ഫ്രോങ്ക്‌സ്. അഡാറ് ലുക്കും ചെറിയ വിലയുമായി എത്തിയ ബലേനോയുടെ എസ്‌യുവി മോഡൽ അതിവേഗമാണ് ഹിറ്റടിച്ചത്. ശരിക്കും 2023 ഓട്ടോ എക്സ്പോയിൽ ജംനിക്കൊപ്പം സർപ്രൈസായാണ് ഫ്രോങ്ക്‌സ് എൻട്രി കൊടുത്തതെങ്കിലും കമ്പനി പോലും സ്വപ്നം കാണാത്ത വേഗമാണ് വിൽപ്പയ്ക്കെത്തിയപ്പോൾ നേടാനായത്. ഇന്ത്യക്കാർക്ക് മാത്രമല്ല, വിദേശികൾക്കും ഫ്രോങ്ക്‌സിനെ നന്നായി ഇഷ്‌ടപ്പെട്ടിട്ടുണ്ട്. അന്താരാഷ്ട്ര തലത്തിലും വണ്ടിക്ക് ആവശ്യക്കാർ ഏറെയാണുള്ളതെന്ന് പറയാം. വിപണിയിലെത്തി വെറും 25 മാസത്തിനുള്ളിൽ കമ്പനി ഫ്രോങ്ക്‌സിന്റെ 1 ലക്ഷത്തിലധികം യൂണിറ്റ് കയറ്റുമതി ചെയ്‌തിരിക്കുകയാണ്.

വാഹനമോടിക്കുമ്പോൾ ശ്രദ്ധയില്ലെങ്കിൽ അപകടം സംഭവിക്കാനുള്ള സാധ്യതകൾ വളരെ കൂടുതലാണ്. അത് പോലെ തന്നെ ശ്രദ്ധിക്കേണ്ട കാര്യമാണ് അമിതവേഗത. ഓരോ ദവസവും നിരവധി പേരാണ് വാഹനാപകടത്തിൽപ്പെടുന്നത്, അതിൽ നിന്ന് രക്ഷപ്പെടുന്നവരാണങ്കിലോ വളരെ ചുരുക്കവും. ഇപ്പോൾ 2025 -ലെ ആദ്യത്തെ ആറ് മാസത്തിനിടയ്ക്ക് ദേശീയപായതിൽ സംഭവിച്ച അപകടങ്ങളിൽ മരിച്ചവരുടെ കണക്ക് പുറത്ത് വിട്ടിരിക്കുകയാണ് കേന്ദ്ര ഗതാഗത മന്ത്രി നിതിൻ ഗഡ്കരി. ഇന്ത്യയിലുടനീളമുള്ള ദേശീയ പാതകളിൽ 26,770 പേരാണ് റോഡപകടങ്ങളിൽ മരിച്ചത്. 2024 ൽ രാജ്യത്തുടനീളമുള്ള ദേശീയ പാതകളിൽ 52,609 മാരകമായ അപകടങ്ങൾ നടന്നതായി കണക്കുകൾ വ്യക്തമാക്കുന്നുണ്ട് എന്നാണ് കേന്ദ്ര റോഡ് ഗതാഗത ഹൈവേ മന്ത്രി നിതിൻ ഗഡ്കരി രാജ്യസഭയിൽ അവതരിപ്പിച്ച കണക്കുകളിൽ നിന്ന് വ്യക്തമാകുന്നത്.

ഇന്ത്യയില്‍ നിരവധി വാഹന നിര്‍മാതാക്കള്‍ ഇലക്ട്രിക് മോട്ടോര്‍സൈക്കിളുകള്‍ പുറത്തിറക്കുന്നുണ്ട്. എന്നാല്‍ അവയെല്ലാം ഇലക്ട്രിക് മോട്ടോര്‍സൈക്കിളുകളുമായാണ് നേരിട്ട് ഏറ്റുമുട്ടുന്നത്. ഒരു ഇലക്ട്രിക് ബൈക്ക് പക്ഷേ പെട്രോള്‍ ബൈക്കുകളുമായി എതിരിടുന്നു. ഇന്ത്യയിലെ പ്രമുഖ ഇലക്ട്രിക് വാഹന സ്റ്റാര്‍ട്ടപ്പുകളില്‍ ഒന്നായ മാറ്റര്‍ ഇവിയാണ് ആ ഉല്‍പ്പന്നം വിപണിയില്‍ ഇറക്കുന്നത്. ഗുജറാത്ത് ആസ്ഥാനമായുള്ള മാറ്റര്‍ ഇവി കേരളം, തമിഴ്നാട്, കര്‍ണാടക, ആന്ധ്രാപ്രദേശ്, കേരളം ഉള്‍പ്പെടെ 6 സംസ്ഥാനങ്ങളില്‍ ഡീലര്‍ഷിപ്പ് ശൃംഖല വ്യാപിപ്പിച്ചു കഴിഞ്ഞു. ഈ കമ്പനിയില്‍ നിന്ന് ഏറ്റവും പുതിയതായി പുറത്തിറക്കിയിരിക്കുന്ന ഇലക്ട്രിക് ബൈക്കാണ് 'ഏറ 5000+' (Aera 5000+).

രക്തബന്ധത്തേക്കാൾ എത്രയോ വലിയ ബന്ധങ്ങളും അടുപ്പങ്ങളും ഉള്ളവരാണ് മനുഷ്യർ. ബന്ധങ്ങൾ രക്തത്തിലൂടെയല്ലെങ്കിലും ചിലപ്പോൾ അവ മറ്റേതൊരു ബന്ധത്തേക്കാളും ശക്തമായിരിക്കും. സൗഹൃദം തന്നെ അതിന് വലിയൊരു ഉദാഹരണമാണ്. ബ്രദർ ഫ്രം അനതർ മദർ എന്നൊക്കെ ഇംഗ്ലീഷിൽ പറയുന്നത് പോലെയുള്ള കൂട്ടുകെട്ടുകൾ മനുഷ്യരുടെ ജീവിതത്തിലുണ്ടാവും. ജനപ്രിയ ടെലിവിഷൻ താരമായ ദയാനന്ദൻ ഷെട്ടി അടുത്തിടെ അത്തരമൊരു ബന്ധത്തിന്റെ കഥ സോഷ്യൽ മീഡിയയിലൂടെ പങ്കുവെച്ചിരുന്നു. ഒരു പുതിയ ജാവ ബോബർ 42 ഡെലിവറി ചെയ്യുന്ന ചെറിയ വീഡിയോ നെറ്റിസൺസിനിടയിൽ വലിയ ചർച്ചയാവുകയും ചെയ്‌തിരുന്നു.