നെക്സോണും പഞ്ചും വിറ്റഴിച്ച് ടാറ്റ മോട്ടോർസ് (Tata Motors) പണംവാരുകയാണ്. ഇന്ത്യയിൽ ഏറ്റവും കൂടുതൽ വിറ്റഴിക്കപ്പെടുന്ന കാറുകളുടെ പട്ടികയിൽ കഴിഞ്ഞ മാസം ഒന്നും മൂന്നാം സ്ഥാനങ്ങളാണ് എസ്‌യുവികളിലെ ചേട്ടനും കുഞ്ഞനിയനും സ്വന്തമാക്കിയത്. ഇവർ മാത്രമല്ല, ബ്രാൻഡിൻ്റെ ഹാച്ച്ബാക്ക് മോഡലുകളായ ടിയാഗോയും ആൾട്രോസും വരെ നേട്ടമുണ്ടാക്കിയാണ് കഴിഞ്ഞ മാസത്തെ വിൽപ്പന അവസാനിപ്പിച്ചത്. കാർ വാങ്ങുമ്പോൾ സേഫ്റ്റിക്ക് (Safety) പ്രാധാന്യം കൊടുക്കുന്ന ആളുകളുടെയെല്ലാം ഫസ്റ്റ് ചോയ്‌സ് ആയിരിക്കും ടാറ്റ. അതുതന്നെയാണ് കച്ചോടം ഈ മാസം മെച്ചപ്പെടാനും കാരണമായിരിക്കുന്നതെന്ന് വേണം കരുതാൻ.

കഴിഞ്ഞ കുറച്ച് ദിവസങ്ങളായി ഇന്ത്യയുടെ പല ഭാഗങ്ങളിലും ഇലക്ട്രിക് വാഹനങ്ങൾ വാങ്ങുന്നവരുടെ എണ്ണം വർധിച്ചുവരികയാണ്. പെട്രോൾ, ഡീസൽ ക്ഷാമം സംബന്ധിച്ച് പൊതുജനങ്ങൾക്കിടയിൽ നിലനിൽക്കുന്ന ആശങ്ക തന്നെയാണ് ഇതിൻ്റെ പ്രധാന കാരണമായി ചൂണ്ടാക്കാണിക്കാനാവുന്നത്. അമേരിക്കയും ഇറാനും തമ്മിൽ നടക്കുന്ന സംഘർഷങ്ങളുടെ ഫലമായി എൽപിജി ഗ്യാസിൻ്റെ ലഭ്യത വരെ ഇന്ത്യയിൽ വലിയ ആശങ്കയായി മാറിയിട്ടുണ്ട്. ഇതിനു പിന്നാലെ മറ്റ് ഫോസിൽ ഇന്ധനങ്ങളും കിട്ടാക്കനിയാവുമോയെന്നതാണ് ആളുകളുടെ ഭയം. ഇത്തരമൊരു സാഹചര്യത്തിൽ ഇവികൾ വലിയ അനുഗ്രഹമായിരിക്കുമെന്നതാണ് പലരേയും ഇലക്ട്രിക് വാഹനങ്ങളിലേക്ക് ചേക്കേറാൻ പ്രേരിപ്പിക്കുന്നത്.

ഇന്ത്യയില്‍ പെട്രോള്‍ വാഹന യുഗം അവസാനിക്കുന്നുവെന്ന പ്രഖ്യാപനവുമായി പ്രമുഖ ഇലക്ട്രിക് വാഹന നിര്‍മാതാക്കളായ ഓല ഇലക്ട്രിക്ക് രംഗത്തെത്തി. യാത്രകള്‍ കൂടുതല്‍ ലാഭകരമാക്കാന്‍ ആഗ്രഹിക്കുന്നവര്‍ക്കായി 20,000 രൂപയിലേറെ മൂല്യം വരുന്ന വമ്പന്‍ ഓഫറുകളാണ് കമ്പനി ഇപ്പോള്‍ പ്രഖ്യാപിച്ചിരിക്കുന്നത്. പിഎം ഇ-ഡ്രൈവിന് കീഴില്‍ ഇലക്ട്രിക് ഇരുചക്ര വാഹനങ്ങള്‍ക്കുള്ള സബ്സിഡി കാലാവധി അവസാനിക്കുന്നതിന് മുമ്പായി വില്‍പ്പന വര്‍ദ്ധിപ്പിക്കാനാണ് ഇതിലൂടെ കമ്പനി ലക്ഷ്യമിടുന്നത്. ഓലയുടെ #EndICEAge ക്യാമ്പയിന്‍ പെട്രോള്‍ ഇന്ധനമായി ഉപയോഗിക്കുന്ന ഇന്റേണല്‍ കംബസ്റ്റണ്‍ എഞ്ചിന്‍ (ICE) വാഹനങ്ങളില്‍ നിന്ന് ജനങ്ങളെ ഇവികളിലേക്ക് അടര്‍ത്തി മാറ്റാനായാണ് ആരംഭിച്ചിരിക്കുന്നത്.

മാരുതി സുസുക്കി എർട്ടിഗയും ടൊയോട്ട ഇന്നോവയുമെല്ലാം മാത്രമുണ്ടായിരുന്ന സെവൻ സീറ്റർ എംപിവി സെഗ്മെൻ്റിനെ മാറ്റിയെടുത്ത മോഡലാണ് കിയ കാരെൻസ്. ഫീച്ചേഴ്‌സും പ്രായോഗികതയും കിടിലൻ ലുക്കുമെല്ലാമായി എത്തിയ മൾട്ടി പർപ്പസ് വാഹനം അതിവേഗമാണ് ഇന്ത്യക്കാരുടെ മനസിൽ കയറിപ്പറ്റിയത്. ഈ വിജയം ആവർത്തിക്കുവാനായി കഴിഞ്ഞ വർഷം ഇലക്ട്രിക് പതിപ്പിലും കാരെൻസ് എത്തുകയുണ്ടായി. കിയ കാരെൻസ് ക്ലാവിസ് ഇവി എന്നറിയപ്പെടുന്ന വാഹനം നിലവിൽ തരക്കേടില്ലാത്ത രീതിയിൽ വിറ്റഴിയുന്നുമുണ്ട്. കിയയുടെ ആദ്യത്തെ മെയ്‌ഡ് ഇൻ ഇന്ത്യ ഇലക്ട്രിക് കാറാണെന്ന പ്രത്യേകതയോടെ എത്തിയ ക്ലാവിസ് ഇവിക്ക് അടിക്കടി കമ്പനി ചില പരിഷ്ക്കാരങ്ങൾ നൽകാനും ശ്രമിക്കാറുണ്ട്.

ബേക്കിംഗ് സോഡയും വിനാഗിരിയും എങ്ങനെ അടുക്കളയിലെ സിങ്കിലെ ദുർഗന്ധം ഇല്ലാതാക്കുന്നു, ദുർഗന്ധം ഉണ്ടാകാനുള്ള കാരണങ്ങൾ, വീട്ടിൽ ഈ രീതി എങ്ങനെ എളുപ്പത്തിൽ ഉപയോഗിക്കാം, എപ്പോൾ ഒരു പ്ലംബറെ വിളിക്കണം എന്നതിനെക്കുറിച്ചും അറിയുക.

ചൂടുള്ള മാസങ്ങളിൽ ബില്ലുകൾ കുറയ്ക്കാനും സുഖകരമായിരിക്കാനും എയർ കണ്ടീഷണർ ഊർജ്ജ സംരക്ഷണത്തിനുള്ള പ്രായോഗിക നുറുങ്ങുകൾ, ശരിയായ പരിപാലനം, കാര്യക്ഷമമായ തണുപ്പിക്കൽ തന്ത്രങ്ങൾ എന്നിവ പഠിക്കുക.

ഗതാഗം കുറയ്ക്കുന്നതിനും, നഗരത്തിലെ അടിസ്ഥാന സൗകര്യങ്ങൾക്ക് പണം കണ്ടെത്തുന്നതിനും, പൊതുഗതാഗത സൗകര്യങ്ങൾ മെച്ചപ്പെടുത്തുന്നതിനും ബെംഗളൂരുവിന് ലണ്ടൻ മോഡൽ ഗതാഗതക്കുരുക്ക് വിലയിരുത്തൽ സ്വീകരിക്കാമെന്ന് പഠനം സൂചിപ്പിക്കുന്നു.

റേസിംഗ് എന്നും റേസിംഗ് കാർ എന്നും കേട്ടാൽ ചാടിവീഴുന്നൊരു സിനിമ നടനുണ്ട് നമുക്ക്. മറ്റാരുമല്ല നമ്മുടെ സ്വന്തം മങ്കാത്ത സ്റ്റാർ അജിത് കുമാർ തന്നെയാണത്. കാറോട്ട മത്സരത്തിൽ പോലും പയറ്റാൻ ഇറങ്ങിയ താരം വാർത്തകളിലെല്ലാം നിറഞ്ഞുനിൽക്കുകയാണ്. അഭിനയത്തിന് ബ്രേക്ക് കൊടുത്ത് റേസിംഗിൽ അരങ്ങേറ്റം കുറിച്ച നടൻ ഇപ്പോഴിതാ പുത്തനൊരു ഇലക്ട്രിക് കാർ സ്വന്തമാക്കിയിരിക്കുകയാണ്. മഹീന്ദ്ര ആൻഡ് മഹീന്ദ്ര അടുത്തിടെ പുറത്തിറക്കിയ BE 6 ഫോർമുല ഇ എഡിഷൻ മോഡലാണ് ആരാധകർ തലയെന്ന് സ്നേഹത്തോടെ വിളിക്കുന്ന അജിത്തിൻ്റെ ഗരാജിലേക്ക് എത്തിയിരിക്കുന്നത്.

മേജർ ജനറൽ മുഹമ്മദ് അലി ജാഫരിയുടെ നേതൃത്വത്തിലുള്ള ഇറാന്റെ വികേന്ദ്രീകൃത മൊസൈക് പ്രതിരോധം വിശകലനം ചെയ്യുന്നു, 31 പ്രാദേശിക കമാൻഡുകൾ, സ്വയംഭരണ പ്രവർത്തനങ്ങൾ, പ്രാദേശിക സുരക്ഷാ പ്രത്യാഘാതങ്ങൾ എന്നിവ വിശദീകരിക്കുന്നു.

ഇന്ത്യന്‍ വാഹന വിപണിയില്‍ എസ്‌യുവികളുടെ രാജാവായി മഹീന്ദ്ര വാഴുമ്പോഴും, എംപിവി നിരയില്‍ നിന്ന് നിരാശാജനകമായ വാര്‍ത്തയാണ് പുറത്തുവരുന്നത്. കമ്പനിയുടെ കരുത്തുറ്റ മോഡലായ മഹീന്ദ്ര മറാസോയെ (Mahindra Marazzo) തേടി 2026 ഫെബ്രുവരിയില്‍ ഒരു ഉപഭോക്താവ് പോലും എത്തിയില്ല എന്ന വാര്‍ത്ത വാഹന ലോകത്തെ അമ്പരപ്പിച്ചിരിക്കുകയാണ്. ഒരു യൂണിറ്റ് പോലും വില്‍ക്കാനാവാതെ വില്‍പ്പനയില്‍ മറാസോ വട്ടപ്പൂജ്യമായി ഒതുങ്ങി. കഴിഞ്ഞ വര്‍ഷം ഇതേ മാസം 17 യൂണിറ്റുകള്‍ വിറ്റഴിച്ച സ്ഥാനത്താണ് ഇത്തവണ മറാസോയ്ക്ക് ഈ കനത്ത തിരിച്ചടി നേരിടേണ്ടി വന്നത്.

സബ് കോംപാക്ട് സെഡാന്‍ വിഭാഗത്തില്‍ മാരുതി സുസുക്കി ഡിസയറിനോട് നേരിട്ട് ഏറ്റുമുട്ടുന്ന മോഡലാണ് ഹ്യുണ്ടായി ഓറ. എക്‌സെന്റിന്റെ പിന്‍ഗാമിയായി 2020-ല്‍ ഇന്ത്യന്‍ വിപണിയിലെത്തിയ ഓറ ഇപ്പോള്‍ 3 ലക്ഷം യൂണിറ്റ് വില്‍പ്പന നാഴികക്കല്ല് പിന്നിട്ടു. 2026 സാമ്പത്തിക വര്‍ഷത്തിലെ വില്‍പ്പന കണക്കുകള്‍ പ്രകാരം സെഡാന്‍ സെഗ്മെന്റില്‍ രണ്ടാം സ്ഥാനത്താണ് ഈ വാഹനം. റഷ്‌ലെയ്ന്‍ പുറത്തുവിട്ട റിപ്പോര്‍ട്ട് പ്രകാരം 2026 ഫെബ്രുവരിയില്‍ മാത്രം ഓറയുടെ 6,733 യൂണിറ്റുകള്‍ ഷോറൂമുകളില്‍ നിന്ന് പുറത്തിറങ്ങി. കഴിഞ്ഞ വര്‍ഷം ഇതേ കാലയളവില്‍ വിറ്റ 4,797 യൂണിറ്റുകളെ അപേക്ഷിച്ച് 40 ശതമാനം വാര്‍ഷിക വളര്‍ച്ചയാണ് ഓറ രേഖപ്പെടുത്തിയിരിക്കുന്നത്.

കരുൺ അദാനി തൻ്റെ മാതാപിതാക്കളായ ഗൗതം അദാനിക്കും പ്രീതി അദാനിക്കും അതിജീവനശേഷി, സത്യസന്ധത, ദീർഘവീക്ഷണം തുടങ്ങിയ പ്രധാന നേതൃത്വ മൂല്യങ്ങൾ നൽകിയതിൽ കടപ്പെട്ടിരിക്കുന്നു. ഈ മൂല്യങ്ങൾ അദാനി ഗ്രൂപ്പിൻ്റെ തന്ത്രത്തെയും ഭരണത്തെയും നയിക്കുന്നു.

കക്കിരി, കുമ്പളങ്ങ, ചുരയ്ക്ക, മുരിങ്ങക്കായ തുടങ്ങിയ വൃക്കയ്ക്ക് അനുയോജ്യമായ കേരളത്തിലെ പച്ചക്കറികൾ കണ്ടെത്തുക. ജലാംശം, നാരുകൾ, സന്തുലിതമായ ഉപ്പ് എന്നിവ എങ്ങനെ വൃക്കയുടെ പ്രവർത്തനത്തെ പിന്തുണയ്ക്കുന്നുവെന്ന് മനസിലാക്കുക.

മിഡ്-സൈസ് എസ്‌യുവി സെഗ്മെൻ്റിലേക്ക് പല മാറ്റങ്ങളും കൊണ്ടുവരാൻ കാരണക്കാരനായ മിടുക്കനാണ് കിയ സെൽറ്റോസ് (Kia Seltos SUV). സാക്ഷാൽ ഹ്യുണ്ടായി ക്രെറ്റയെ (Hyundai Creta) വരെ മലർത്തിയടിച്ച് ഒന്നാം സ്ഥാനം അലങ്കരിച്ചിട്ടുള്ള ഒരേയൊരു മോഡൽ കൂടിയാണിത് എന്ന് പറഞ്ഞാൽ വിശ്വസിച്ചേക്കില്ല. എന്നാൽ അതാണ് സത്യം. ഇടക്കാലത്ത് പഴയ പ്രതാപം നഷ്‌ടപ്പെട്ടുവെങ്കിലും ന്യൂജെൻ മോഡലിലൂടെ ഒന്നാന്തരം തിരിച്ചുവരവ് നടത്തിയിരിക്കുകയാണ്. ആഗോളതലത്തിലുള്ള ടെല്ലുറൈഡിൻ്റെ സ്റ്റൈലും പോക്കറ്റിന് ഇണങ്ങുന്ന വിലയും മോഡേൺ ഫീച്ചറുകളുമെല്ലാം കുത്തിനിറച്ചെത്തിയ പുതുതലമുറ പതിപ്പിനെ ആളുകൾ ഏറ്റെടുത്തു കഴിഞ്ഞിരിക്കുകയാണ് ഇപ്പോൾ.

കേരള സ്റ്റേറ്റ് ലീഗൽ സർവീസസ് അതോറിറ്റി ഓഫീസ് അസിസ്റ്റന്റ്, ക്ലാർക്ക്, ഓഫീസ് അറ്റൻഡന്റ് ഉൾപ്പെടെ വിവിധ ജില്ലകളിലായി എട്ട് ഒഴിവുകളിലേക്ക് അപേക്ഷകൾ ക്ഷണിക്കുന്നു. ശമ്പളം ക്ലാസ്സും ജില്ലയും അനുസരിച്ച് വ്യത്യാസപ്പെടുന്നു; യോഗ്യതകളും അപേക്ഷിക്കേണ്ട അവസാന തീയതിയും ഔദ്യോഗിക അറിയിപ്പിൽ വായിക്കുക.

ഇന്ത്യന്‍ വാഹന വിപണിയില്‍ പുതുചരിത്രം രചിച്ച് മുന്നേറുകയാണ് ചെക്ക് റിപബ്ലിക്കന്‍ ബ്രാന്‍ഡ് ആയ സ്‌കോഡയുടെ സബ്-കോംപാക്ട് എസ്‌യുവിയായ കൈലാക് (Skoda Kylaq). പുറത്തിറങ്ങി ചുരുങ്ങിയ കാലയളവിനുള്ളില്‍ കമ്പനിയുടെ നട്ടെല്ലായി മാറാന്‍ ഈ മോഡലിന് സാധിച്ചു. റഷ്‌ലെയ്ന്‍ പങ്കുവെച്ച 2026 ഫെബ്രുവരിയിലെ വില്‍പ്പന റിപ്പോര്‍ട്ട് പ്രകാരം സ്‌കോഡ ഇന്ത്യയില്‍ വിറ്റഴിച്ച വാഹനങ്ങളില്‍ സിംഹഭാഗവും കൈലാക് ആണെന്നതാണ് അത്ഭുതപ്പെടുത്തുന്ന വസ്തുത. കഴിഞ്ഞ മാസം സ്‌കോഡ വിറ്റഴിച്ച ആകെ 6,361 വാഹനങ്ങളില്‍ 4,532 യൂണിറ്റുകളും കൈലാക് ആയിരുന്നു. അതായത് കമ്പനിയുടെ ഇന്ത്യയിലെ വില്‍പ്പനയുടെ 71 ശതമാനവും ഈ ഒരൊറ്റ മോഡലാണ് സംഭാവന ചെയ്യുന്നത്.

എസ്‌യുവികൾക്കിടയിൽ പെട്ട് സെഡാനുകൾ മരിച്ചുകൊണ്ടിരിക്കുന്ന കാലത്താണ് മാരുതി സുസുക്കി തങ്ങളുടെ നിരയിലെ മിടുക്കനായ ഡിസയറിന് ഒരു ന്യൂജെൻ മോഡൽ അവതരിപ്പിക്കുന്നത്. പിന്നെ കാണാൻ സാധിച്ചത് സ്പോർട് യൂട്ടിലിറ്റി വാഹനങ്ങളെ വരെ തൂക്കിയെറിഞ്ഞ് ഇന്ത്യയിൽ ഏറ്റവും കൂടുതൽ വിറ്റഴിക്കപ്പെടുന്ന കാറായി മാറുന്നതാണ്. നല്ല ഒന്നാന്തരം ഉരുക്കിന്റെ കരുത്തും ക്രാഷ് ടെസ്റ്റിൽ 5-സ്റ്റാർ സേഫ്റ്റി റേറ്റിംഗും സ്വന്തമാക്കുന്ന ആദ്യത്തെ മാരുതി കാർ എന്ന പ്രത്യേകതയോടെയാണ് ഡിസയർ വിപണിയിലെത്തുന്നത്. ത്രീ സിലിണ്ടർ എഞ്ചിനിലേക്ക് മാറിയതും പെർഫോമൻസ് കുറഞ്ഞതുമെല്ലാം വിനയാവുമെന്ന് കരുതിയെങ്കിലും വലിയ ഹിറ്റടിച്ചാണ് വിമർശകർക്ക് മാരുതി മറുപടി കൊടുത്തത്.

പുതിയ കാര്‍ വാങ്ങുന്നവരില്‍ അധികപേരും വാഹനത്തിന്റെ സ്‌റ്റൈല്‍, ഫീച്ചര്‍, എഞ്ചിന്‍ എന്നിവയിലാണ് മയങ്ങാറുള്ളത്. എന്നാല്‍ നിങ്ങള്‍ അത്യാവശ്യമായി ഒരു യാത്ര പോകുമ്പോള്‍ അപ്രതീക്ഷിതമായി വാഹനം പണിമുടക്കിയാല്‍ എന്തുചെയ്യും?. അവിടെയാണ് മികച്ച സര്‍വീസ് നെറ്റ്വര്‍ക്കിന്റെ പ്രസക്തി. ഇന്ത്യയിലെ ഏത് മുക്കിലും മൂലയിലും സര്‍വീസ് സെന്ററുകള്‍ ലഭ്യമായ ഉപഭോക്താക്കള്‍ക്ക് ഏറ്റവും കൂടുതല്‍ വിശ്വസിക്കാവുന്ന മികച്ച 7 മികച്ച കാറുകളെ ഞങ്ങള്‍ പട്ടികപ്പെടുത്തിയിട്ടുണ്ട്. അവ ഏതൊക്കെയാണെന്ന് വിശദമായി താഴെ വായിക്കാം.

എസ്‌യുവികൾ ട്രെൻഡിംഗ് ആവുന്നതിന് മുമ്പ് മിഡിൽ ക്ലാസുകാരുടെ ഡ്രീം കാറുകളിൽ ഒന്നായിരുന്നു ഹ്യുണ്ടായി i20. പ്രീമിയം ഹാച്ച്ബാക്ക് വിഭാഗത്തിൽ വിപ്ലവം സൃഷ്‌ടിച്ച മോഡൽ അതിൻ്റെ ഡിസൈനും പെർഫോമൻസും ഫീച്ചറുകളും കൊണ്ടാണ് അക്കാലത്ത് വേറിട്ടുനിന്നിരുന്നത്. യൂറോപ്യൻ കാറുകളുടെ സൌന്ദര്യവുമായി എത്തിയ രണ്ടാംതലമുറ മോഡലായ എലൈറ്റ് i20 ആണ് രാജ്യത്ത് ഏറ്റവും കൂടുതൽ വിറ്റഴിച്ചിരിക്കുന്നത്. എന്നാൽ മൂന്നാംതലമുറയിലേക്ക് ചേക്കേറിയതോടെ ഫാൻസിൻ്റെ എണ്ണത്തിൽ കാര്യമായ കുറവ് സംഭവിച്ചു. മോശക്കാരനായിട്ടല്ല, ഡീസൽ എഞ്ചിൻ വിടപറഞ്ഞതും പഴയ മോഡലുമായി താരതമ്യം ചെയ്‌തതുമെല്ലാമാണ് പുതിയ പതിപ്പിന് വിനയായത്.

കോടികള്‍ വിലയുള്ള ഒരു ആഡംബര വാഹനം ഇന്ത്യയില്‍ ചൂടുവെള്ളം പോലെ വിറ്റുപോവുക എന്ന് പറഞ്ഞാല്‍ വിശ്വസിക്കാന്‍ പ്രയാസമുണ്ടാകും. എന്നാല്‍ ടൊയോട്ട വെല്‍ഫെയര്‍ (Toyota Vellfire) എന്ന ലക്ഷ്വറി എംപിവി ഇന്ത്യന്‍ വിപണിയില്‍ അത്തരമൊരു ചരിത്രം സൃഷ്ടിച്ച് മുന്നേറിക്കൊണ്ടിരിക്കുകയാണ്. നിലവില്‍ 1.20 കോടി രൂപ മുതലാണ് വെല്‍ഫെയറിന്റെ വില തുടങ്ങുന്നത്. ഉയര്‍ന്ന് VIP എക്‌സിക്യൂട്ടീവ് ലോഞ്ച് വേരിയന്റിന് 1.30 കോടി രൂപയാണ് വില. ടൊയോട്ട വെബ്‌സൈറ്റില്‍ നല്‍കിയിരിക്കുന്ന എക്‌സ്‌ഷോറൂം വിലകളാണ് ഇത്. ഇത്ര വിലകൂടിയ ആഡംബര എംപിവി സ്വന്തമാക്കാന്‍ ഇന്ത്യക്കാര്‍ കാണിക്കുന്ന ആവേശം വാഹന വിപണിയെ പോലും അമ്പരപ്പിച്ചിരിക്കുകയാണ്.

ഗവൺമെൻ്റ് സ്കൂളുകളിലെ അധ്യാപകർ, വകുപ്പ് മേധാവികൾ, കൗൺസിലർമാർ എന്നിവർക്കായുള്ള ODEPC ഒമാൻ തൊഴിലവസരങ്ങൾ കണ്ടെത്തുക. OMR 610 വരെ ആകർഷകമായ ശമ്പളവും ആനുകൂല്യങ്ങളും; 2026 മാർച്ച് 21-നകം അപേക്ഷിക്കുക.

സെവൻ സീറ്ററുകളിലെ രാജാവ് ആരെന്ന് ചോദിച്ചാൽ പലരും പറയുന്ന പേരുകളാവും മാരുതി സുസുക്കി എർട്ടിഗയും ടൊയോട്ട ഇന്നോവയും. വില തമ്മിൽ സാമ്യതകളൊന്നുമില്ലെങ്കിലും വലിയ കുടുംബങ്ങൾക്കെല്ലാം ഏറ്റവും ഇഷ്‌ടമുള്ള രണ്ട് എംപിവികളാണ് ഇരുവരും. പക്ഷേ നല്ല യാത്രാസുഖം വേണമെങ്കിൽ ഇന്നോവ തന്നെ വാങ്ങണമെന്ന പക്ഷക്കാരേയും കാണാനാവും. വില കേട്ടാൽ പലരും ഞെട്ടുമെന്നതിനാൽ 7-സീറ്റർ വാങ്ങുന്നവരിൽ പലരും ചെറിയ ബജറ്റിൽ നല്ലൊരു വാഹനം തേടുന്നവരാകും. അത്തരക്കാർക്ക് ധാരാളം സെവൻ സീറ്റർ എസ്‌യുവികൾ വിപണിയിൽ കണ്ടെത്താനാവും. ഇന്നോവയുടെ യാത്രാസുഖവും അതിലേറെ ഫീച്ചറുകളും തരുന്നൊരു മോഡലാണ് ഹ്യുണ്ടായി അൽകസാർ.

ന്യൂറോളജിസ്റ്റുകൾ വിശദീകരിക്കുന്നത്, ക്ലോക്കിലെ സമയത്തേക്കാൾ പ്രധാനം ആഴത്തിലുള്ളതും സ്ഥിരതയുള്ളതുമായ ഉറക്കമാണെന്നാണ്. മോശം ഉറക്കത്തിന്റെ ലക്ഷണങ്ങളും വിശ്രമവും ദൈനംദിന ഊർജ്ജവും വർദ്ധിപ്പിക്കാനുള്ള പ്രായോഗിക വഴികളും അറിയുക.

ഒരു പുതിയ ഇലക്ട്രിക് മോട്ടോര്‍സൈക്കിള്‍ (Electric Motorcycle) വാങ്ങാന്‍ പദ്ധതിയിടുന്നവര്‍ക്ക് സന്തോഷവാര്‍ത്തയുമായി രാജ്യത്തെ പ്രമുഖ ഇവി ബ്രാന്‍ഡുകളില്‍ ഒന്നായ റിവോള്‍ട്ട് മോട്ടോര്‍സ് (Revolt Motors) എക്കാലത്തെയും വലിയ കണ്‍സ്യൂമര്‍ ഓഫര്‍ പ്രഖ്യാപിച്ചു. 2026 മാര്‍ച്ചില്‍ ഇലക്ട്രിക് ബൈക്ക് വാങ്ങുന്നവര്‍ക്ക് 25,000 രൂപ വരെയുള്ള ആനുകൂല്യങ്ങളാണ് കമ്പനി വാഗ്ദാനം ചെയ്യുന്നത്. ഇലക്ട്രിക് വാഹന സബ്‌സിഡി (EV Subsidy) അവസാനിക്കുന്നതിന് മുമ്പായി വില്‍പന വര്‍ദ്ധിപ്പിക്കുകയാണ് ഇതിലൂടെ കമ്പനി ലക്ഷ്യമിടുന്നത്. ഈ പരിമിതകാല ഓഫറിന് മാര്‍ച്ച് 31 വരെ മാത്രമാണ് സാധുതയുള്ളത്.

ഏറ്റവും മത്സരാധിഷ്ഠിതമായ കോംപാക്‌ട് എസ്‌യുവി വിഭാഗത്തിൽ കിയയുടെ അഡ്രസാണ് സോനെറ്റ് (Kia Sonet). സെൽറ്റോസിൻ്റെ മഹാവിജയത്തിന് ശേഷം ദക്ഷിണ കൊറിയൻ വാഹന നിർമാതാക്കളായ കിയ പുറത്തിറക്കിയ മെയ്‌ഡ് ഇൻ ഇന്ത്യ മോഡൽ എന്ന പ്രത്യേകതയോടെയെത്തിയ ഈ മിടുക്കൻ ചൂടപ്പം പോലെ വിറ്റഴിയുന്ന കാഴ്ച്ചയാണ് ഇപ്പോഴും കാണാനാവുന്നത്. അതിഗംഭീര ഡിസൈനും മോഡേൺ ഫീച്ചറുകളും നല്ല മൈലേജുമെല്ലാം തരുന്ന സോനെറ്റിനെ ആളുകൾ ഇഷ്‌ടപ്പെടാനുള്ള മറ്റൊരു പ്രധാന കാരണമാണ് അടിക്കടി മോഡലിലേക്ക് കൊണ്ടുവരുന്ന പരിഷ്ക്കാരങ്ങൾ. അത്തരത്തിലൊരു പുതിയ മാറ്റവുമായി എത്തിയിരിക്കുകയാണ് സോനെറ്റ് ഇപ്പോൾ.