AI സാങ്കേതികവിദ്യയുമായി ഒബെൻ റോർ ഇവോ നിരത്തിലിറങ്ങി
ഓട്ടോമൊബൈൽസ്
- 4 month, 10 days ago
പെട്രോള്, ഡീസല് വില വര്ദ്ധനവും E20 ഇന്ധനത്തിനെ കുറിച്ചുള്ള ആശങ്കകളുമെല്ലാം രാജ്യത്ത് ഇലക്ട്രിക് വാഹന വില്പ്പന ഉത്തേജിപ്പിക്കുകയാണ്. ഇലക്ട്രിക് സ്കൂട്ടറുകളെ അപേക്ഷിച്ച് ഇലക്ട്രിക് ബൈക്കുകള്ക്ക് ഇന്ത്യയില് ജനപ്രീതി കുറവാണ്. വിപണിയില് മതിയായ ഓപ്ഷനുകള് ഇല്ല എന്നതിനൊപ്പം വില കൂടുതലായതുമാണ് ഇവി ബൈക്കുകളുടെ വില്പ്പന മന്ദഗതിയിലാകാനുള്ള കാരണങ്ങള്. ഇപ്പോള് ഇന്ത്യന് ഇലക്ട്രിക് വിപ്ലവത്തിന് ഉത്തേജനം പകര്ന്ന് പ്രമുഖ ഇവി സ്റ്റാര്ട്ടപ്പായ ഒബെന് ഇലക്ട്രിക് (Oben Electric) തങ്ങളുടെ ഏറ്റവും പുതിയ 'റോര് ഇവോ' ഇലക്ട്രിക് മോട്ടോര്സൈക്കിളിന്റെ ഡെലിവറി ആരംഭിച്ചു. കമ്പനിയുടെ ആസ്ഥാനമായ ബംഗളൂരുവിലാണ് ആദ്യഘട്ട ഡെലിവറിക്ക് തുടക്കമായിരിക്കുന്നത്.