വാഹന വിൽപ്പനയുടെ കാര്യത്തിൽ ഇന്ത്യയിലെ ഏറ്റവും വലിയ രണ്ടാമത്തെ കാർ നിർമാതാക്കളായി മഹീന്ദ്ര ആൻഡ് മഹീന്ദ്ര (Mahindra & Mahindra) കപ്പടിച്ചത് 2025 ഫെബ്രുവരിയിലായിരുന്നു. ഹ്യുണ്ടായിയേയും ടാറ്റ മോട്ടോർസിനെയും പിന്തള്ളി കമ്പനി ഈ നേട്ടം കൈവരിച്ചത് പലരേയും അമ്പരിപ്പിച്ചിട്ടുണ്ട്. എസ്‌യുവി മോഡലുകൾ മാത്രം പുറത്തിറക്കിയാണ് മഹീന്ദ്ര കൊടുങ്കാറ്റായി മാറിക്കൊണ്ടിരിക്കുന്നത് എന്നതും ശ്രദ്ധേയമാണ്. XUV 3XO മുതൽ XUV700 വരെ നീളുന്ന ICE എഞ്ചിൻ വാഹനനിരയ്ക്ക് പുറമെ അടുത്തിടെ പുറത്തിറക്കിയ BE 6, XEV 9e ഇവികളും പണംവാരുന്നുണ്ട്.

ഇന്ത്യയിൽ ഒരു വാഹനം കൺവേർട്ട് ചെയ്യുക എന്നത് വളരെ സാധാരണമായ കാര്യമാണ്. എന്നാൽ ചിലപ്പോഴൊക്കെ കൺവേർഷൻ കണ്ട് കണ്ണുത്തളളി പോകാറുണ്ട് എന്നതാണ് സത്യം. ചെറിയ മാറ്റങ്ങളിൽ തുടങ്ങി വാഹനത്തിൻ്റെ ബ്രാൻഡ് തന്നെ മാറ്റി കളയുന്ന വിരുതൻമാരുണ്ട് നമ്മുടെ രാജ്യത്ത്. അത്തരത്തിലൊരു കൺവേർഷൻ വീഡിയോ ആണ് നിങ്ങളുടെ ശ്രദ്ധയിലേക്ക് കൊണ്ടുവരുന്നത്. മഹീന്ദ്ര ബൊലേറോ എന്ന മോഡൽ ഏതൊരാൾക്കും താൽപ്പര്യമുളളതാണ്, പ്രത്യേകിച്ച് ഹൈറേഞ്ചുകളിലും കൃഷിക്കാർക്കിടയിലും ഫാൻസുണ്ട്. കൂടുതൽ ആളുകളെ കയറ്റാൻ സാധിക്കുമെന്നത് തന്നെയാണ് വാഹനത്തിൻ്റെ പ്ലസ് പോയിൻ്റ്. എന്നാൽ ബൊലേറോയിൽ നിന്ന് മെർസിഡീസ് ബെൻസ് ജി വാഗണിലേക്ക് ഒരു മാറ്റം ആയാലോ.

ഇന്ത്യയുടെ അയല്‍രാജ്യമായ ശ്രീലങ്ക വിവിധ രാഷ്ട്രീയ കാരണങ്ങള്‍ കൊണ്ട് ഏറെ നാളായി അസ്ഥിരമായിരുന്നു. ഇതിനിടെ രാജ്യം സാമ്പത്തിക പ്രതിസന്ധിയില്‍ കൂടി അകപ്പെട്ടതോടെ ഓട്ടോമൊബൈല്‍ രംഗവും പ്രതിസന്ധിയിലായി. ഇപ്പോള്‍ ശ്രീലങ്ക പതിയെ പ്രതിസന്ധികളെയെല്ലാം തരണം ചെയ്ത് മുന്നോട്ട് കയറി വരികയാണ്. ഈ സാഹചര്യത്തില്‍ ശ്രീലങ്കയിലെ ഓട്ടോമൊബൈല്‍ വിപണിക്ക് കരുത്ത് പകരാനായി ഇന്ത്യയിലെ ഒരു വമ്പന്‍ കമ്പനി അവിടെ റീഎന്‍ട്രി നടത്തിയിരിക്കുകയാണ്. അത് മറ്റാരുമല്ല ഇന്ത്യന്‍ വിപണിയിലെ ടോപ്-3 കമ്പനികളില്‍ ഒന്നായ ടാറ്റ മോട്ടോര്‍സാണ്. ഇക്കുറി 7 വാഹനങ്ങളുമായാണ് ടാറ്റ മരതകദ്വീപില്‍ കാലുകുത്തിയത്. ആ കാറുകള്‍ ഏതൊക്കെയാണെന്ന് ചുവടെ വിശദമായി വായിക്കാം.

മാരുതിയുടെ ഹാച്ച്ബാക്ക് ലിസ്റ്റെടുക്കാൽ ഹിറ്റടിച്ച വമ്പൻമാരുടെ പേരുകൾ മാത്രമേ അതിൽ കാണാനാവൂ. ഇക്കൂട്ടത്തിൽ ഏറ്റവും ജനപ്രിയമായത് ഏതാണെന്ന് ചോദിച്ചാൽ പലരും പറയുന്നത് സ്വിഫ്റ്റ് എന്നോ ബലേനോ എന്നോ ആവും അല്ലേ. പക്ഷേ ആ വിളിപ്പേരിന് ശരിക്കുമുള്ള അവകാശി നമ്മുടെ സ്വന്തം വാഗൺആർ എന്ന ടോൾബോയ് മോഡലാണെന്നതാണ് സത്യം. 2024 കലണ്ടർ വർഷത്തിൽ രാജ്യത്തെ ഏറ്റവും വലിയ വാഹന നിർമാതാക്കളിൽ നിന്നും ഏറ്റവും കൂടുതൽ വിറ്റഴിക്കപ്പെട്ട ഹാച്ച്ബാക്കാണിത്. ഇതിൽ കൂടുതൽ തെളിവ് വേണ്ടവർക്ക് മുന്നിലേക്ക് 2025 ഫെബ്രുവരി മാസത്തെ വിൽപ്പന കണക്കുകൾ കൂടി നിരത്താം.

ഇന്ത്യയില്‍ ദേശീയപാതകളിലും എക്‌സ്പ്രസ് ഹൈവേകളിലും സഞ്ചരിച്ചവര്‍ ടോള്‍ പ്ലാസകള്‍ കണ്ടിട്ടുണ്ടാകും. റോഡുകളുടെ അറ്റകുറ്റപ്പണികള്‍ക്കും പരിപാലനത്തിനും വേണ്ടിയാണ് ദേശീയപാതാ അതോറിറ്റി ടോള്‍ പിരിക്കുന്നത്. പണ്ട് നാട്ടിന്‍പുറങ്ങളില്‍ പാലങ്ങളും മറ്റും വന്നാല്‍ അതിനും ടോള്‍ പിരിക്കാറുണ്ടായിരുന്നു. ഇന്ത്യയിലെ ചില ഉള്‍നാടുകളില്‍ വ്യാജ ടോള്‍ പ്ലാസകള്‍ സ്ഥാപിച്ച് പണം തട്ടുന്നവരുമുണ്ട്. ഇതിനെല്ലാം തടയിലാനും ടോള്‍ പ്ലാസകളിലെ നീണ്ട വരി കുറയ്ക്കാനുമായി കേന്ദ്ര സര്‍ക്കാര്‍ ഫാസ്ടാഗ് സംവിധാനം കൊണ്ടുവന്നത്. ഫാസ്ടാഗ് റീചാര്‍ജ് ചെയ്താല്‍ അത് ഓട്ടോമാറ്റിക്കായി റീഡ് ചെയ്ത് പണം അക്കൗണ്ടില്‍ നിന്ന് ഓട്ടേമാറ്റിക്കായി ഈടാക്കുന്നു.

ഇന്ത്യൻ ക്രിക്കറ്റ് മാത്രമല്ല, ലോകക്രിക്കറ്റ് തന്നെ ഇനി ഭരിക്കാൻ പോകുന്നത് ശുഭ്മാൻ ഗില്ലായിരിക്കുമെന്നാണ് വിദഗ്ധരുടെ അഭിപ്രായം. ലോക ഒന്നാം നമ്പർ ഏകദിന ബാറ്ററായ ഗിൽ ചാമ്പ്യൻസ് ട്രോഫിയിലും മിന്നും പ്രകടനം പുറത്തെടുത്ത് ഈ വിശേഷണത്തിന് അടിവരയിടുകയും ചെയ്‌തു. കരിയറിലെ തന്റെ ഏറ്റവും നല്ല സമയത്തിലൂടെ കടന്നുപോവുന്ന ഗിൽ ദേശീയ ടീമിന്റെ വൈസ് ക്യാപ്റ്റൻ കൂടിയാണ്. രോഹിത്തിന് ശേഷം നായക പദവി ആരിലേക്ക് എത്തുമെന്ന ചോദ്യം ഉയരുന്ന സാഹചര്യത്തിൽ പലരും ഗില്ലിന്റെ പേരാണ് എടുത്ത് പറയുന്നത്.

ഇന്ത്യയില്‍ കിടമത്സരം നടക്കുന്ന കാര്‍ സെഗ്‌മെന്റ് ആണ് സബ് 4 മീറ്റര്‍ എസ്‌യുവികളുടേത്. 2025 ഫെബ്രുവരിയില്‍ ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെട്ട കാര്‍ ഒരു സബ് 4 മീറ്റര്‍ എസ്‌യുവിയായിരുന്നു. 21,461 യൂണിറ്റ് വില്‍പ്പനയുമായി മാരുതി സുസുക്കി ഫ്രോങ്ക്‌സ് ആണ് ഇന്ത്യയിലെ നമ്പര്‍ 1 കാറായി മാറിയത്. ഈ വിഭാഗത്തില്‍ മാറ്റുരക്കുന്ന മഹീന്ദ്ര മോഡലാണ് XUV 3XO. സ്പോര്‍ട്ടി ഡിസൈനും നൂതന സവിശേഷതകളുമായി വരുന്ന ഈ കാര്‍ അതിന്റെ മുന്‍ഗാമിയായ XUV300-യേക്കാള്‍ ജനപ്രിയാനാണ്. സെഗ്മെന്റില്‍ ആറാം സ്ഥാനത്തുള്ള XUV3XO-യ്ക്ക് കഴിഞ്ഞ മാസം 7861 പുതിയ ഉപഭോക്താക്കളെ ലഭിച്ചു.

യൂത്തൻമാരുടെ ഇഷ്‌ട ബൈക്കുകളിൽ ഒന്നാവും കെടിഎം ഡ്യൂക്ക്. വന്നകാലത്ത് ഇത്രയും ഓളമുണ്ടാക്കിയ മറ്റൊരു ഇരുചക്ര വാഹന നിർമാതാക്കൾ ഇന്ത്യയിലുണ്ടാവുമോയെന്ന് പോലും തീർച്ചയില്ല. അടുത്തിടെ മിഡ്-കപ്പാസിറ്റി സെഗ്മെന്റിലേക്ക് വന്ന ട്രയംഫിന് പോലും ഇത്രയും ആരവം തീർക്കാനായിട്ടില്ലെന്നതാണ് സത്യം. ബജാജിന്റെ കൈപിടിച്ച് ഓസ്ട്രിയൻ ഇരുചക്ര വാഹന നിർമാതാക്കളായ കെടിഎം ആഭ്യന്തര വാഹന വിപണിയിലേക്ക് കടന്നുവരുമ്പോൾ ഇത്രയും സ്വപ്‌ന തുല്യമായ തുടക്കം ലഭിക്കുമെന്ന് കമ്പനി ഓർമിച്ചിട്ടുകൂടിയുണ്ടാവില്ല. ബൈക്കുകളെ മെരുക്കാനറിയാതെ ഒരുപാട് ജീവനുകൾ നിരത്തിൽ പൊലിഞ്ഞിട്ടുണ്ടെങ്കിലും ടീം ഓറഞ്ച് ഇന്നും പലരുടേയും ഇഷ്‌ട മോഡലുകളാണ്.

ഇന്ത്യയിലെ സെലിബ്രിറ്റികള്‍ക്ക് ഏറെ ഇഷ്ടമുള്ള ആഡംബര കാര്‍ ബ്രാന്‍ഡ് ആണ് ബിഎംഡബ്ല്യു. ജര്‍മന്‍ ബ്രാന്‍ഡ് പുറത്തിറക്കുന്ന ഒരു ആഡംബര എസ്‌യുവിയാണ് X7. ഈ വാഹനത്തിന്റെ പ്രാരംഭ വില 1.17 കോടി രൂപ മുതലാണ്. മൂന്ന് വേരിയന്റുകളില്‍ വാഹനം വാങ്ങാന്‍ സാധിക്കും. ബ്ലാക്ക് സഫയര്‍, മിനറല്‍ വൈറ്റ്, ടെറ ബ്രൗണ്‍, ഫൈറ്റോണിക് ബ്ലൂ, ആര്‍ട്ടിക് ഗ്രേ ബ്രില്ലിയന്‍ ഇഫക്റ്റ് തുടങ്ങിയ കളര്‍ ഓപ്ഷനുകളില്‍ വാഹനം ലഭ്യമാണ്. മോഹന്‍ലാലിന്റെ ചിത്രത്തില്‍ നിന്ന് തുടങ്ങി തമിഴും തെലുങ്കും കടന്ന് ഇപ്പോള്‍ ബോളിവുഡിലും സാന്നിധ്യമറിയിച്ച ഒരു മലയാളി നടി ഈ കാര്‍ സ്വന്തമാക്കിയിട്ടുണ്ട്.

ഹെക്‌ടർ എന്ന ഇന്റർനെറ്റ് എസ്‌യുവി പുറത്തിറക്കി ഇന്ത്യക്കാരുടെ മനസിൽ കുടിയേറിയവരാണ് എംജി മോട്ടോർസ് (MG Motor). നല്ല ഒന്നാന്തരം ഡിസൈനും അടിപൊളി ഫീച്ചറുകളുമെല്ലാം കോർത്തണിക്കിയ സ്പോർട് യൂട്ടിലിറ്റി വാഹനമായിരുന്നെങ്കിലും ഇപ്പോൾ എംജി അറിയപ്പെടുന്നത് ഇലക്ട്രിക് കാറുകളിലൂടെയാണ്. അതും ടാറ്റ സാക്ഷാൽ ടാറ്റ മോട്ടോർസിനെ വരെ പിന്തള്ളി വൈദ്യുത വിപണി വെട്ടിപ്പിടിച്ചത് വലിയൊരു നേട്ടം തന്നെയായിരുന്നു. കോമെറ്റ് ഇവി, വിൻഡ്‌സർ ഇവി എന്നിവയാണ് ഇതിന് അടിത്തറപാകിയത്. ഇപ്പോഴിതാ മോഡൽ നിരയിൽ ഗംഭീര ഓഫറുകളും ആനുകൂല്യങ്ങളും പ്രഖ്യാപിച്ചുകൊണ്ട് മുമ്പോട്ട് വന്നിരിക്കുകയാണ് എംജി.

ടാറ്റ കാറുകളുടെ സേഫ്റ്റിയെ കുറിച്ച് പ്രത്യേകിച്ച് ഒരു വിശദീകരണത്തിന്റെ ആവശ്യമില്ലാത്താണ്. ടാറ്റയുടെ ഏറ്റവും കുറഞ്ഞ സേഫ്റ്റിയുള്ള കാറിന് പോലും ഗ്ലോബല്‍ NCAP ക്രാഷ് ടെസ്റ്റില്‍ 4 സ്റ്റാര്‍ റേറ്റിംഗ് ഉണ്ട്. കടലാസില്‍ മാത്രമല്ല ടാറ്റ കാറുകള്‍ നിരത്തിലും നിരവധി തവണ അതിന്റെ ബില്‍ഡ് ക്വാളിറ്റി തെളിയിച്ചതാണ്. ടാറ്റ കാറുകള്‍ ഉള്‍പ്പെട്ട അപകടങ്ങളും അത് യാത്രക്കാരുടെ ജീവന്‍ രക്ഷിച്ചതിന്റെയും റിപ്പോര്‍ട്ടുകള്‍ ഞങ്ങള്‍ മുമ്പ് നിരവധി തവണ നിങ്ങള്‍ക്ക് മുന്നിലെത്തിച്ചിട്ടുണ്ട്. അത്തരത്തില്‍ ടാറ്റയുടെ ജനപ്രിയ കാര്‍ മോഡലായ പഞ്ച് മൈക്രോ എസ്‌യുവി ഉള്‍പ്പെട്ട ഒരു അപകടത്തിന്റെ ദൃശ്യങ്ങള്‍ ഇപ്പോള്‍ ഞങ്ങളുടെ പക്കലുണ്ട്.

ഇന്നത്തെ പെട്രോൾ വിലയുടെ കാര്യം ഓർക്കുമ്പോൾ തന്നെ പുതിയൊരു ബൈക്ക് വാങ്ങാനുള്ള മൂഡ് തന്നെ പോവും. 106 രൂപയൊക്കെ കൊടുത്ത് ഒരു ലിറ്റർ പെട്രോളടിച്ചാൽ ശരാശരി 30 മുതൽ 45 കിലോമീറ്റർ വരെ മൈലേജ് ആവും പലർക്കും കിട്ടുക. ഇനി 100 സിസി കമ്മ്യൂട്ടർ മോട്ടോർസൈക്കിൾ ഉപയോഗിക്കുന്നവർക്ക് ആണെങ്കിൽ ഏറിയാൽ ഒരു 60 കിലോമീറ്റർ വരെയും കിട്ടിയേക്കും. അങ്ങനെ നോക്കുമ്പോൾ എന്തായാലും ഇലക്‌ട്രിക് വാഹനങ്ങൾ നല്ല ലാഭമാണ്. പോക്കറ്റ് കീറാതെ അന്നന്നത്തെ പരിപാടികൾക്കായി ഓടി നടക്കാൻ ഇവൻമാരാണ് ബെസ്റ്റാണ്.

ഇലക്ട്രിക് ഇരുചക്ര വാഹന വിഭാഗത്തിലെ സമവാക്യങ്ങള്‍ സമീപ മാസങ്ങളിലായി മാറ്റങ്ങള്‍ സംഭവിച്ചിട്ടുണ്ട്. കുറേ കാലമായി മാര്‍ക്കറ്റ് ലീഡേഴ്‌സ് ആയി തിളങ്ങി നിന്നിരുന്ന ഓല ഇലക്ട്രിക് പിന്നാക്കം പോയതാണ് അതില്‍ ഏറ്റവും പ്രധാനപ്പെട്ടത്. 2025 ഫെബ്രുവരി മാസത്തെ വില്‍പ്പന കണക്കുകള്‍ പുറത്തുവന്നപ്പോള്‍ ഒന്നാം സ്ഥാനത്തായിരുന്ന ഓല നാലാം സ്ഥാനത്തേക്ക് പിന്തള്ളപ്പെട്ടു. ബജാജ്, ടിവിഎസ്, ഏഥര്‍ എന്നീ കമ്പനികള്‍ ഓലയെ പിന്തള്ളി മുമ്പിലെത്തി. കഴിഞ്ഞ മാസം കമ്പനി 21,335 യൂണിറ്റുകള്‍ വിറ്റ് ബജാജ് ചേതക് രാജ്യത്തെ നമ്പര്‍-1 ഇലക്ട്രിക് ടൂവീലര്‍ മോഡലായി മാറി. ടിവിഎസ് 18,748 യൂണിറ്റുകളുമായി രണ്ടാം സ്ഥാനത്തെത്തി.

തെന്നിന്ത്യയിലും ബോളിവുഡിലും വലിയ ഫാൻബേസുള്ള താരസുന്ദരിയാണ് മൃണാൾ താക്കൂർ. തമിഴ്, തെലുങ്ക്, ബോളിവുഡ് തുടങ്ങിയ മേഖലകളിലാണ് കൂടുതൽ അഭിനയിച്ചിട്ടുള്ളതെങ്കിലും മൃണാളിനോട് മലയാളികൾക്ക് അടുത്ത വീട്ടിലെ പെൺകുട്ടിയോടുള്ള അടുപ്പമാണുള്ളത്. അതിനുള്ള പ്രധാന കാരണം 2022-ൽ പുറത്തിറങ്ങിയ ദുൽഖർ ചിത്രം സീതാരാമമാണ്. ഈയൊരു ഒറ്റ ചിത്രത്തിലെ കഥാപാത്രം മതി സുന്ദരിക്കുട്ടിയെ എന്നെന്നും ഓർമിക്കാൻ. ബോളിവുഡിലും ടോളിവുഡിലുമെല്ലാം നല്ല തിരക്കുള്ള നടിയായി ഓടിനടന്ന് അഭിനയിക്കുന്ന താരം 'ലക്കി ചാം' എന്ന പേരിലാണ് അറിയപ്പെടുന്നതും. അങ്ങനെ തന്നെ വിശേഷിപ്പിക്കുന്നതിനോട് ദുൽഖറിന്റെ സീതയ്ക്ക് താത്പര്യമില്ലെങ്കിലും അഭിനയിച്ച പടങ്ങളെല്ലാം ഹിറ്റാക്കുന്ന നടിയെ ആരാധകർക്ക് അങ്ങനെ വിളിച്ചല്ലേ പറ്റൂ.

മാരുതി സുസുക്കി പുറത്തിറക്കുന്ന മിഡ്‌സൈസ് സെഡാനാണ് സിയാസ് (Maruti Suzuki Ciaz). നിലവില്‍ സെഗ്‌മെന്റില്‍ ഫോക്‌സ്്‌വാഗണ്‍ വെര്‍ട്ടിസിന്റെ ആധിപത്യമാണ്. കഴിഞ്ഞ ഏതാനും മാസങ്ങളായി ഇന്ത്യയില്‍ സെഡാന്‍ സെഗ്‌മെന്റില്‍ കാര്യമായ വില്‍പ്പന നടക്കുന്നില്ല. എസ്‌യുവി ജ്വരം ഏറ്റവും കൂടുതല്‍ ബാധിച്ച സെഗ്‌മെന്റുകളില്‍ ഒന്ന് സെഡാനുകളുടേതാണ്. അതുകൊണ്ട് തന്നെ മാരുതി സുസുക്കിയടക്കമുള്ള ബ്രാന്‍ഡുകള്‍ ഇപ്പോള്‍ എസ്‌യുവികളിലാണ് ശ്രദ്ധകേന്ദ്രീകരിച്ചിരിക്കുന്നത്. സാധാരണയായി വില്‍പ്പന കുറയുന്നതോടെ വണ്ടിക്കമ്പനികള്‍ ചില മോഡലുകള്‍ വിപണിയില്‍ നിന്ന് പിന്‍വലിക്കാറുണ്ട്. സമീപകാലത്തായി നിറംമങ്ങിക്കൊണ്ടിരിക്കുന്ന സിയാസ് ഈ വര്‍ഷം ഏപ്രില്‍ മാസത്തോടെ നിര്‍ത്തലാക്കുമെന്ന് റിപ്പോര്‍ട്ടുകള്‍ പുറത്ത് വന്നിരുന്നു.

ബൈക്ക്, അല്ലെങ്കിൽ സ്‌കൂട്ടർ പോലുള്ള ഇരുചക്ര വാഹനങ്ങളോട് പ്രത്യേക താത്പര്യമുള്ളവരായിരിക്കും ടീനേജ് പ്രായക്കാർ. 18 വയസാവാതെ റോഡിലേക്ക് ടൂവീലറുമായി ഇറങ്ങാൻ സാധിക്കില്ലെന്ന വിഷമത്തിലിരിക്കുന്നവരായിരിക്കും ഇക്കൂട്ടത്തിൽ ഏറെയുമുണ്ടാവുക. നമ്മുടെ നാട്ടിലെ നിയമം ശക്തമായതിനാൽ മാതാപിതാക്കളും ഡ്രൈവിംഗിന്റെ കാര്യത്തിൽ വിലക്കേർപ്പെടുത്തിയിട്ടുണ്ടാവാം. പ്രായപൂർത്തിയാവാതെ വണ്ടിയോടിച്ച് നടക്കുന്നവരുണ്ടെങ്കിലും അതിനെയൊന്നും അങ്ങനെ പ്രോത്സാഹിപ്പിക്കാനും കഴിയില്ലല്ലോ. എന്നാൽ വണ്ടിയോടിക്കാൻ കൊതിയോടെ കാത്തിരിക്കുന്ന ടീനേജ് പിള്ളേർക്കുള്ള ഒരു സന്തോഷ വാർത്തയാണ് ഇപ്പോൾ പുറത്തുവരുന്നത്. 10 വയസിനും 18 വയസിനും പ്രായത്തിനിടയിലുള്ളവർക്കായി പ്രത്യേകം രൂപകൽപ്പന ചെയ്‌തൊരു ഇലക്‌ട്രിക് സ്‌കൂട്ടർ വിപണിയിലെത്തിയിരിക്കുകയാണ്.

നമ്മുടെ രാജ്യത്ത് നിലവില്‍ കൂടുതല്‍ സീറ്റുകള്‍ ഉള്ള മള്‍ട്ടി പര്‍പ്പസ് വാഹനങ്ങള്‍ക്ക് പ്രിയമേറെയാണ്. കൂടുതല്‍ സീറ്റുകള്‍ക്കൊപ്പം ബജറ്റ് വിലയും നല്ല മൈലേജും പ്രീമിയം ഫീച്ചറുകള്‍ കൂടിയുണ്ടെങ്കില്‍ ഇന്ത്യക്കാര്‍ ഹാപ്പി. അതുകൊണ്ട് തന്നെ ഈ വിഭാഗത്തില്‍ പെടുന്ന വാഹനങ്ങള്‍ക്ക് മികച്ച വില്‍പ്പനയും ലഭിക്കുന്നുണ്ട്. കൊറിയന്‍ കമ്പനിയായ കിയ എംപിവി വിഭാഗത്തില്‍ പുറത്തിറക്കുന്ന ജനപ്രിയ മോഡലാണ് കാരെന്‍സ് (Kia Carens). സോനെറ്റ്, സെല്‍റ്റോസ് എന്നീ എസ്‌യുവികളെ പോലെ തന്നെ ഇന്ത്യക്കാരുടെ ഇഷ്ടം പിടിച്ചുപറ്റിയ കാരെന്‍സ് ഏതാനും ദിവസങ്ങള്‍ക്ക് മുമ്പാണ് 2 ലക്ഷം യൂണിറ്റ് വില്‍പ്പന നാഴികക്കല്ല് താണ്ടിയത്.

ഇന്ത്യൻ വിപണിയിലെ മിഡ്-കപ്പാസിറ്റി മോട്ടോർസൈക്കിൾ സെഗ്മെന്റിൽ റോയൽ എൻഫീൽഡ് ക്ലാസിക്കിനോടും ബുള്ളറ്റിനോടും ഏറ്റമുട്ടാൻ ഹോണ്ട പുറത്തിറക്കിയതാണ് ഹൈനസ് CB350, CB350RS മോഡലുകൾ. വെന്നിക്കൊടി പാറിച്ചുകൊണ്ട് യുവാക്കൾക്കിടയിൽ ട്രെൻഡിംഗായ ഇരുവരും ഇന്നും ചൂടപ്പം പോലെയാണ് വിറ്റഴിയുന്നത്. ഇതിൽ ഹൈനസ് റെട്രോ ശൈലി പിന്തുടർന്നപ്പോൾ കൂടുതൽ സ്റ്റൈലിഷായ സ്ക്രാംബ്ലർ സ്റ്റൈൽ പിടിച്ച CB350 RS ആണ് യൂത്തൻമാരുടെ ഫേവറീറ്റ്. 2025 മോഡൽ ഇയർ പരിഷ്ക്കാരത്തിന്റെ ഭാഗമായി അടുത്തിടെ ഹൈനസിലേക്ക് പുതിയ കളർ ഓപ്ഷനുകൾ അവതരിപ്പിച്ച ബ്രാൻഡ് സഹോദരനിലേക്കും മാറ്റങ്ങൾ കൊണ്ടുവന്നിരിക്കുകയാണ്.

രണ്ടാം തവണയും യുനൈറ്റഡ് സ്‌റ്റേറ്റ്‌സ് ഓഫ് അമേരിക്കയുടെ പ്രസിഡന്റായ ശേഷം ഡോണള്‍ഡ് ട്രംപ് തുടര്‍ച്ചായി തലക്കെട്ടുകള്‍ സൃഷ്ടിക്കുകയാണ്. ടെസ്‌ല സിഇഒയും ശതകോടീശ്വരനുമായ ഇലോണ്‍ മസ്‌ക് യുഎസ് പ്രസിഡന്റ് തെരഞ്ഞെടുപ്പിസ് ട്രംപിനെ സഹായിച്ചുവെന്നത് പരസ്യമായ രഹസ്യമാണ്. ഈ വിഷയത്തില്‍ അമേരിക്കയില്‍ വലിയ വലിയ ഒച്ചപ്പാടുകള്‍ അരങ്ങേറുകയും ചെയ്തു. ഇതിനിടെ വാക്കു പറഞ്ഞ പോലെ മസ്‌കിന്റെ ടെസ്‌ല കമ്പനിയില്‍ നിന്നുള്ള ഒരു കാര്‍ സ്വന്തമാക്കിയിരിക്കുകയാണ് ട്രംപ് ഇപ്പോള്‍. അമേരിക്കന്‍ പ്രസിഡന്റ് ഒരു ടെസ്ല മോഡല്‍ S ഇലക്ട്രിക് കാര്‍ ആണ് വാങ്ങിയിരിക്കുന്നത്.

രാജ്യത്ത് ഇലക്ട്രിക് സ്‌കൂട്ടർ വിഭാഗത്തിലെ കിടമത്സരം ദിനംപ്രതി കടുക്കുകയാണ്. ടിവിഎസിനും ബജാജിനും ഹീറോ മോട്ടോകോർപ്പിനും പിന്നാലെ രാജ്യത്തെ പ്രമുഖ ഇരുചക്ര വാഹന നിർമാതാക്കളായ ഹോണ്ടയും വൈദ്യുത മേഖലയിലേക്ക് കടന്നപ്പോൾ പ്രതീക്ഷിക്കാതെ കൈവന്ന വസന്തകാലമായാണ് ആളുകൾ ഇതിനെ കാണുന്നത്. എങ്കിലും സ്റ്റാർട്ടപ്പ് ബ്രാൻഡുകളുടെ ഇതിപ്രസരത്തിനിടയിൽ പല കമ്പനികൾക്കും അത്രമേൽ ശോഭിക്കാനായിട്ടില്ല. ഓലയും ഏഥറും അൾട്രാവയലറ്റുമെല്ലാം കട്ടയ്ക്ക് നിൽക്കുമ്പോൾ ഏത് വാങ്ങണമെന്ന കൺഫ്യൂഷൻ വാങ്ങാൻ എത്തുന്നുവർക്കിടയിലും ഉണ്ടാവും. പക്ഷേ ഇക്കൂടെ ചേർത്ത് വായിക്കേണ്ട പേരാണ് സിമ്പിൾ എനർജിയുടേതും (Simple Energy).

ഇന്ത്യയില്‍ ഏറ്റവും കൂടുതല്‍ ലക്ഷ്വറി കാറുകള്‍ വാങ്ങിക്കൂട്ടുന്നത് സിനിമാക്കാരാണ്. അതില്‍ തന്നെ ഒട്ടുമിക്കയാളുകളും പുത്തന്‍ പുതിയ കാറുകള്‍ ഗരാജിലെത്തിക്കാനാണ് ശ്രമിക്കുക. എന്നാല്‍ സമീപകാലത്തായി യൂസ്ഡ് ലക്ഷ്വറി കാറുകള്‍ വാങ്ങുന്ന സെലിബ്രിറ്റികളുടെ എണ്ണത്തിലും വര്‍ധനവുണ്ട്. മുമ്പ് റെനോ ക്യാപ്ചര്‍ കാറില്‍ ചുറ്റിക്കറങ്ങിയിരുന്ന ഒരു നടി ഇപ്പോള്‍ ജാഗ്വാര്‍ F-പേസ് മോഡലിലേക്ക് അപ്‌ഗ്രേഡ് ചെയ്തിട്ടുണ്ട്. മലയാള സിനിമയില്‍ അഭിനയിച്ചിട്ടില്ലെങ്കിലും കേരളീയര്‍ക്കും അറിയാവുന്ന നടിയാണ് അവര്‍. അടുത്തിടെ പുറത്തിറങ്ങിയ നെറ്റ്ഫ്‌ലിക്‌സ് സീരീസിലൂടെ ഇന്ത്യയില്‍ മൊത്തം ആരാധകരെ നേടിയെടുത്ത നടിയുടെ ഇഷ്ട കാറിനെ കുറിച്ചാണ് ഇനി പറയാന്‍ പോകുന്നത്.

ഹാച്ച്ബാക്കുകളെന്നാൽ ഇന്ത്യക്കാർക്ക് ഒരുകാലത്ത് മാരുതിയുടേയും ഹ്യുണ്ടായിയുടേയും മോഡലുകളോടായിരുന്നു പ്രിയം. എന്നാൽ സാധാരണക്കാർക്കായി ടാറ്റ ഇൻഡിക്ക പിറവിയെടുത്തതോടെ പലരുടേയും വീട്ടുമുറ്റത്ത് ഈ ഇതിഹാസ ഹാച്ച്ബാക്കിന്റെ സാന്നിധ്യമെത്തി. അത്രയും നാൾ അംബാഡിസർ ഭരിച്ചിരിക്കുന്ന ടാക്‌സി സെഗ്മെന്റിൽ വരെ ഇൻഡിക്ക കൈയടക്കുന്ന കാഴ്ച്ചായാണ് കാണാനായത്. എന്നാൽ പിന്നീട് എപ്പോഴോ പ്രതാപം നഷ്‌ടപ്പെട്ട് ഇൻഡിക്ക കാണാമറയത്തേക്ക് മെല്ലെ ഒതുങ്ങിക്കൂടി. ഇതിനിടയിൽ പല പരീക്ഷണങ്ങളുമായി ടാറ്റ മുമ്പോട്ട് വന്നെങ്കിലും ഒന്നും ക്ലച്ചുപിടിക്കാതെ പോവുകയായിരുന്നു. എന്നാൽ ടിയാഗോയുടെ വരവോടെ വീണ്ടും ഷോറൂമുകളിൽ ജനത്തിരക്കാവുന്ന കാഴ്ച്ചയാണ് കാണാനായത്.

ഭാവിയുടെ ഇന്ധനം വൈദ്യുതിയാണെന്ന് എല്ലാവര്‍ക്കും അറിയാം. അന്തരീക്ഷ മലിനീകരണം കുറയ്ക്കാനും പെട്രോളിയം ഉല്‍പ്പന്നങ്ങളുടെ ഇറക്കുമതി കുറയ്ക്കാനുമായി കേന്ദ്ര സര്‍ക്കാര്‍ ഇലക്ട്രിക് വാഹനങ്ങള്‍ അടക്കം ബദല്‍ ഇന്ധനങ്ങളില്‍ പ്രവര്‍ത്തിക്കുന്ന വാഹനങ്ങളെ പ്രോത്സാഹിപ്പിക്കുന്നുണ്ട്. ഇവികള്‍ക്ക് പുറമെ സിഎന്‍ജി, എല്‍എന്‍ജി എന്നീ ബദല്‍ ഇന്ധനങ്ങളില്‍ പ്രവര്‍ത്തിക്കുന്ന വാഹനങ്ങള്‍ക്കും രാജ്യത്ത് പ്രചാരമേറുകയാണ്. അതുകൊണ്ടാണ് സിഎന്‍ജി ഇന്ധനത്തിന്റെ നികുതി കഴിയുന്നത്ര കുറയ്ക്കാനാണ് പല സംസ്ഥാന സര്‍ക്കാറുകളും ശ്രമിക്കാറുള്ളത്. എന്നാല്‍ ഇന്ത്യയിലെ ഒരു സംസ്ഥാനത്ത് ഇപ്പോള്‍ പ്രീമിയം ഇലക്ട്രിക് വാഹനങ്ങളുടെയും സിഎന്‍ജി വാഹനങ്ങളുടെയും നികുതി വര്‍ധിപ്പിച്ചിട്ടുണ്ട്. ഇന്ത്യയില്‍ ഏറ്റവും കൂടുതല്‍ വാഹനങ്ങള്‍ വില്‍ക്കുന്ന സംസ്ഥാനങ്ങളില്‍ ഒന്നായ അത് ഏതാണെന്ന് നോക്കാം.

ഇന്ത്യയിലെ ഇലക്‌ട്രിക് കാർ സെഗ്മെന്റിൽ ടാറ്റയും എംജിയും കട്ടയ്ക്ക് മത്സരിക്കുമ്പോൾ കൊതിയോടെ നോക്കിനിൽക്കുന്ന കൊലകൊമ്പൻമാരും ഗ്യാലറിയിലുണ്ട്. അതിൽ ഒരാളാണ് ജർമൻ വാഹന നിർമാതാക്കളായ ഫോക്‌സ്‌വാഗൺ (Volkswagen). രാജ്യാന്തര തലത്തിൽ ഇവികളിലൂടെ വെന്നിക്കൊടി പാറിക്കുന്ന ബ്രാൻഡ് നമ്മുടെ രാജ്യത്തെ വൈദ്യുത വാഹന വിഭാഗത്തിലേക്ക് വന്നാൽ എന്താവും സ്ഥിതിയെന്ന് ഊഹിക്കാനാവുന്നതല്ലേയുള്ളൂ. പോളോയിലൂടെ വിപ്ലവം തീർത്ത ബ്രാൻഡ് നിലവിൽ ടൈഗൂൺ, വെർട്ടിസ്, ടിഗുവാൻ തുടങ്ങിയ മൂന്ന് കാറുകളിലൂടെയാണ് രാജ്യത്ത് പിടിച്ചുനിൽക്കുന്നത്. അധികം വൈകാതെ ഇലക്ട്രിക് വാഹന രംഗത്തേക്ക് ചുവടുവെക്കാൻ ഫോക്‌സ്‌വാഗൺ നിർബന്ധിതരായേക്കും.

സമ്പാദിക്കുന്ന പണത്തിനും ചെലവഴിക്കുന്ന പണത്തിനും വരെ നികുതിയടക്കുന്ന രാജ്യത്താണ് നമ്മള്‍ ജീവിക്കുന്നത്. ഒരു വാഹനം വാങ്ങുമ്പോള്‍ ഏതാനും വര്‍ഷത്തേക്കുള്ള റോഡ് നികുതി നമ്മള്‍ അടയ്ക്കുന്നു. ഇതിന് പുറമെ എക്‌സ്പ്രസ് ഹൈവേകളിലും മറ്റും ടോള്‍ ബൂത്തുകളിലും വാഹന ഉപയോക്താക്കള്‍ പണം കൊടുക്കുന്നുണ്ട്. രാജ്യത്തെ റോഡുകളുടെ നിലവാരം മെച്ചപ്പെടുത്തുന്നതിനും അവയുടെ അറ്റകുറ്റപ്പണികള്‍ നടത്തുന്നതിനുമായാണ് നാഷനല്‍ ഹൈവേ അതോറിറ്റി ഓഫ് ഇന്ത്യ ടോള്‍ പ്ലാസകള്‍ സ്ഥാപിക്കുന്നത്. പൊതുജനങ്ങളില്‍ നിന്ന് ഉയര്‍ന്ന ടോള്‍ ഫീസ് ഈടാക്കുന്നുവെന്ന് പറഞ്ഞ് പലപ്പോഴും പല സംഘടനകളും ഇത്തരം ടോള്‍ ബൂത്തുകളില്‍ പ്രതിഷേധങ്ങള്‍ സംഘടിപ്പിക്കാറുണ്ട്.