6 ലക്ഷം ഇലക്ട്രിക് സ്കൂട്ടറുകൾ നിരത്തിലെത്തിച്ച് ഏഥർ
ഓട്ടോമൊബൈൽസ്
- 6 month, 22 days ago
വാങ്ങിയവരാരും അധികം കുറ്റം പറഞ്ഞുകേൾക്കാത്ത ഇലക്ട്രിക് സ്കൂട്ടറാണ് ഏഥർ എനർജിയുടേത്. 450, ഏഥർ തുടങ്ങിയ നിരയുടെ ബലത്തിൽ കമ്പനിയിപ്പോൾ സുപ്രധാനമായൊരു നാഴികക്കല്ല് താണ്ടിയിരിക്കുകയാണ്. വിൽപ്പനയുടെ കാര്യത്തിൽ ഇന്ത്യയിലെ ഏറ്റവും വലിയ മൂന്നാമത്തെ ഇലക്ട്രിക് ഇരുചക്ര വാഹന നിർമാതാക്കളായ ഏഥർ 6 ലക്ഷം യൂണിറ്റ് വിൽപ്പന മറികടന്നിരിക്കുകയാണ്. വാഹൻ പോർട്ടൽ അനുസരിച്ച് ബ്രാൻഡ് ഇതുവരെ 6,04,497 യൂണിറ്റുകളുടെ മൊത്തം വിൽപ്പനയാണ് പൂർത്തിയാക്കിയിരിക്കുന്നത്. ഇതിൽ ശ്രദ്ധേയമായ മറ്റൊരു കാര്യം എന്താണെന്ന് വെച്ചാൽ 2018 മുതലുള്ള ഏഥറിന്റെ മൊത്തം വിൽപ്പനയുടെ 50 ശതമാനവും കഴിഞ്ഞ 16 മാസങ്ങൾക്കുള്ളിലാണ് നടന്നിരിക്കുന്നത്.