അടുത്തിടെ വില വര്‍ധിപ്പിച്ചതിന് പിന്നാലെ കെടിഎം ഇന്ത്യ തങ്ങളുടെ RC 200 മോട്ടോര്‍സൈക്കിളിന് ഒരു പുതിയ നിറം സമ്മാനിച്ചു. മെറ്റാലിക് ഗ്രേ എന്നാണ് പുത്തന്‍ കളര്‍വേയുടെ പേര്. ഗ്രേ, ഓറഞ്ച്, ബ്ലാക്ക് എന്നിവ കലര്‍ന്ന ട്രിപ്പിള്‍-ടോണ്‍ ഓപ്ഷന്‍ ബൈക്കിന് തിളക്കമുള്ളതും ഊര്‍ജ്ജസ്വലവുമായ ആകര്‍ഷണം നല്‍കുന്നു. കുറച്ച് ദിവസങ്ങള്‍ക്ക് വില പരിഷ്‌കാരം നടപ്പാക്കിയതിനാല്‍ പുതിയ നിറത്തിലുള്ള മോഡലിന് നിലവിലുള്ള വില തന്നെ നല്‍കിയാല്‍ മതി. നിലവിലുള്ള കറുപ്പ്, ബ്ലാക്ക് നിറങ്ങള്‍ക്കൊപ്പം ഇതും കമ്പനി വെബ്‌സൈറ്റില്‍ ലിസ്റ്റ് ചെയ്തിട്ടുണ്ട്. പുതിയ നിറം ചേര്‍ത്തതൊഴികെ RC 200 മോട്ടോര്‍സൈക്കിളിന് മറ്റ് മാറ്റങ്ങള്‍ ഒന്നുമില്ല.

മാരുതി സുസുക്കി ബലേനോ അരങ്ങുവാഴുന്ന പ്രീമിയം ഹാച്ച്ബാക്ക് സെഗ്മെന്റ് തൂക്കാൻ ഇടിവെട്ട് മാറ്റങ്ങളോടെ വിപണിയിലെത്തിയിരിക്കുകയാണ് ടാറ്റ ആൾട്രോസ് ഫെയ്‌സ്‌ലിഫ്റ്റ്. മുൻഗാമിയെ അപേക്ഷിച്ച് എല്ലാ കുറ്റങ്ങളും കുറവുകളും പരിഹരിച്ചുകൊണ്ടാണ് കക്ഷിയുടെ ഇത്തവണത്തെ വരവ്. അതും രാജ്യത്തെ ഏക ഡീസൽ ഹാച്ച്ബാക്ക് കൂടിയാണിതെന്ന് അറിഞ്ഞാൽ വാങ്ങാനായി ആളുകൾ ഇടികൂടുമെന്ന കാര്യം ഉറപ്പാണ്. പുതിയ ഡിസൈനും, ആധുനിക ഫീച്ചറുകളും കുത്തിനിറച്ചെത്തുന്ന പുത്തൻ ആൾട്രോസിന്റെ വിലയും അടിപൊളിയായി തന്നെ നിർണയിക്കാനും ടാറ്റയ്ക്ക് കഴിഞ്ഞിട്ടുണ്ടെന്ന് വേണം പറയാൻ.

മഹീന്ദ്ര എന്ന പേര് എല്ലാ വാഹനപ്രേമികളുടേയും പ്രിയപ്പെട്ട ബ്രാൻഡാണ്. അത് വാഹനപ്രേമികൾക്ക് മാത്രമല്ല ഇന്ത്യൻ ഉപഭോക്താക്കൾക്കും താൽപ്പര്യമുളള ബ്രാൻഡാണ്. അത് കേവലം ഇന്ത്യൻ ബ്രാൻഡെന്നുളളത് കൊണ്ടല്ല കേട്ടോ. വാഹനത്തിൻ്റെ ക്വാളിറ്റിയും, ടെക്നോളജിയുടെ സംയോജനവും എല്ലാം കൊണ്ടാണ്. ഇപ്പോൾ മഹീന്ദ്രയെ പറ്റി അത്ഭുതമുണർത്തുന്ന കാര്യം എന്താണെന്ന് വച്ചാൽ മെയ് മാസത്തിൽ മഹീന്ദ്ര തങ്ങളുടെ മോഡലുകൾക്ക് ഒന്നും ഒരു ഓഫറും പ്രഖ്യാപിക്കാതെ തന്നെ വിൽപ്പനയിൽ മുന്നിൽ തന്നെയാണ് ബ്രാൻഡ്. അത് മാത്രം മതിയല്ലോ മഹീന്ദ്രയുടെ പവർ എന്താണെന്ന് മനസിലാക്കാൻ. കൂടുതൽ വിവരങ്ങൾ അറിയാൻ തുടർന്ന് വായിക്കാൻ മറക്കരുതേ.

ഇന്ത്യയില്‍ കോംപാക്ട് എസ്‌യുവി സെഗ്‌മെന്റിന് തുടക്കമിട്ട റെനോ ഡസ്റ്റര്‍ അടുത്ത ഏതാനും മാസങ്ങള്‍ക്കുള്ളില്‍ തിരികെയെത്താന്‍ പോകുകയാണ്. 5 സീറ്റര്‍ ഡസ്റ്റര്‍ കൂടാതെ 7 സീറ്റര്‍ അവതാരത്തില്‍ റെനോ ബോറിയല്‍ എന്ന മോഡലും ഫ്രഞ്ച് നിര്‍മാതാക്കള്‍ പുറത്തിറക്കുന്നുണ്ട്. ന്യൂജെന്‍ ഡസ്റ്ററിന്റെ ലോഞ്ചിന് ശേഷമായിരിക്കും ഈ മോഡല്‍ ഇന്ത്യയിലെത്തുക. പുതുതലമുറ റെനോ ഡസ്റ്ററും അതിന്റെ 7 സീറ്റര്‍ ഡെറിവേറ്റീവായ ബിഗ്സ്റ്ററും കാത്തിരിക്കുന്നുണ്ടെങ്കില്‍ ഈ വാര്‍ത്ത നിങ്ങള്‍ക്കുള്ളതാണ്. ഇപ്പോള്‍ റെനോ ബോറിയല്‍ (ഡാസിയ ബിഗ്‌സ്റ്റര്‍) യൂറോ NCAP ക്രാഷ് ടെസ്റ്റിന് വിധേയമാക്കിയിരിക്കുകയാണ്. അതിന്റെ ഫലങ്ങള്‍ ചുവടെ വിശദമായി നോക്കാം.

ഓരോ രാജ്യത്തെയും സമ്പദ്‌വ്യവസ്ഥയുടെ ജീവനാഡിയായാണ് റോഡുകള്‍ കണക്കാക്കപ്പെടുന്നത്. ആ രാഷ്ട്രത്തിന്റെ വികസനം അടയാളപ്പെടുത്താന്‍ റോഡുകളുടെ നിലവാരം അളന്നാല്‍ മതി. നമ്മുടെ നാട്ടിലും ഇപ്പോള്‍ മൊത്തം ആറുവരിപ്പാതയും അതിന്റെ നിര്‍മാണവും നിലവാരവുമെല്ലാമാണ് ചര്‍ച്ച. കേരളത്തിലൂടെ കടന്ന് പോകുന്ന ദേശീയപാത 66 മലപ്പുറം എടരിക്കോട് എന്ന സ്ഥലത്ത് തകര്‍ന്നത് ഇപ്പോള്‍ വലിയ ഒച്ചപ്പാടുകള്‍ സൃഷ്ടിച്ചിരിക്കുകയാണ്. പൂര്‍ത്തിയായ ഭാഗങ്ങളിലൂടെ വാഹനങ്ങള്‍ കടന്ന് പോകാന്‍ തുടങ്ങിയതിന് പിന്നാലെ ജനങ്ങള്‍ നല്ല വാക്ക് പറയാന്‍ തുടങ്ങിയപ്പോള്‍ റോഡ് നിര്‍മാണത്തിന്റെ ക്രെഡിറ്റ് ഏറ്റെടുത്തവര്‍ അത് തകര്‍ന്നപ്പോള്‍ ഒരക്ഷരം മിണ്ടുന്നില്ലെന്ന് സോഷ്യല്‍ മീഡിയയില്‍ വ്യാപക വിമര്‍ശനം ഉയരുന്നുണ്ട്.

മിനി എസ്‌യുവികളുടെ വരവോടെ പ്രതാപം ചെറുതൊയെന്ന് ഇടിഞ്ഞ സെഗ്മെന്റാണ് പ്രീമിയം ഹാച്ച്ബാക്കുകളുടേത്. മാരുതി ബലേനോ, ഹ്യുണ്ടായി i20, ടാറ്റ ആൾട്രോസ്, ടൊയോട്ട ഗ്ലാൻസ തുടങ്ങിയ വിരലിൽ എണ്ണാവുന്ന മോഡലുകൾ മാത്രമാണ് ശ്രേണിയിലുള്ളതെങ്കിലും പ്രായോഗികതയിലും മൈലേജിലും എല്ലാം സ്പോർട് യൂട്ടിലിറ്റി വാഹനങ്ങളേക്കാൾ മിടുക്കൻമാരാണ് ഇവരെന്ന് വേണം പറയാൻ. നിലവിൽ ബലേനോ പതിനായിരം യൂണിറ്റുകൾക്ക് മുകളിൽ വിൽപ്പന നടത്തുമ്പോൾ എതിരാളികളുടെ വിൽപ്പന കണക്കുകളെല്ലാം കൂട്ടിച്ചേർത്താലും പതിനായിരം യൂണിറ്റുകൾ എത്തുന്നില്ലെന്നതാണ് രസകരമായ കാര്യം. എന്നാൽ ടോപ്പ് ഗിയറിലേക്ക് കച്ചോടം എത്തിക്കാനായി ടാറ്റ ആൾട്രോസ് ഫെയ്‌സ്‌ലിഫ്റ്റ് നാളെ വിപണിയിലേക്ക് എത്തുകയാണ്.

ടാറ്റ ആൾട്രോസിൻ്റെ മുഖം മിനുക്കിയ മോഡൽ അവതരിപ്പിക്കുന്നത് തന്നെ പഞ്ച് എന്ന മൈക്രോ എസ്‌യുവിയുടെ വരവോടെ വിൽപ്പന ചെറുതായൊന്ന് ഇടിഞ്ഞിരുന്നെങ്കിലും അത് തിരികെ പിടിക്കുന്നതിന് വേണ്ടിയായിരുന്നു. 2025 മെയ് 22-ന് ഔദ്യോഗികമായി പുത്തൻ ആൾട്രോസിനെ അവതരിപ്പിക്കുമെന്നാണ് അറിയിച്ചിരിക്കുന്നത്. അടിസ്ഥാന രൂപം നിലനിർത്തുന്നുണ്ടെങ്കിലും ഡിസൈൻ, ഫീച്ചറുകൾ, ക്യാബിൻ ലേഔട്ട് എന്നിവയിൽ സുപ്രധാന പൊളിച്ചെഴുത്തുമായാണ് ആൾട്രോസിന്റെ പുത്തൻ മോഡൽ വിപണിയിലേക്ക് എത്തുന്നത്. ടെക് ഫീച്ചറുകളെന്നാൽ എല്ലാവരു ഹ്യുണ്ടായി i20 എന്നാണല്ലോ കരുതുന്നത്. എന്നാൽ എതിരാളിയെ വെല്ലുന്ന കിടിലൻ ഫീച്ചറുകളാണ് ടാറ്റ ആൾട്രോസിലുളളത്.

നമ്മുടെ നാട്ടില്‍ ഇലക്ട്രിക് സ്‌കൂട്ടറുകള്‍ സര്‍വസാധാരണമാണ്. നാട്ടിലൂടെ ചുറ്റിയടിക്കാനും ഓഫീസില്‍ പോകാനും മറ്റ് ദൈനംദിന യാത്രകള്‍ക്കും ഇലക്ട്രിക് സ്‌കൂട്ടറുകള്‍ അനുയോജ്യമാണ്. രാത്രിയില്‍ വീട്ടിലോ പകല്‍ സമയത്ത് ജോലി സ്ഥലത്തോ ചാര്‍ജ് ചെയ്താല്‍ കാര്യങ്ങള്‍ സ്മൂത്തായി മുന്നോട്ട് പോകും. എന്നാല്‍ ഇലക്ട്രിക് ബൈക്കുകള്‍ നമ്മുടെ നാട്ടില്‍ അത്ര ജനകീയമായിട്ടില്ല. അതിന് ഒന്നിലേറെ കാരണങ്ങള്‍ ഉണ്ട്. ഒന്ന് അത്യാവശ്യം നല്ല ഇ-ബൈക്കുകളുടെ ഉയര്‍ന്ന വില, പിന്നെ കുറഞ്ഞ റേഞ്ചും ആണ്. ഇന്ന് ഒരു പ്രീമിയം മോട്ടോര്‍സൈക്കിള്‍ വാങ്ങുന്നവര്‍ ഉറപ്പായും ഒരു ലോംഗ് ട്രിപ്പ് എങ്കിലും പോകാന്‍ താല്‍പര്യപ്പെടുന്നുണ്ടാകും.

ഇന്ത്യയിൽ ഒരിടയ്ക്ക് ചൂടപ്പം പോലെ വിറ്റഴിച്ചിരുന്ന എസ്‌യുവികളായിരുന്നു ടാറ്റ ഹാരിയറും (Tata Harrier) സഫാരിയും (Tata Safari). പിന്നീട് എതിരാളികൾക്കിടയിൽ പെട്ടുപോയ മോഡലുകൾ ഇപ്പോൾ തരക്കേടില്ലാത്ത രീതിയിൽ വിറ്റഴിയുന്നുണ്ട് കേട്ടോ. ഫെയ്‌സ്‌ലിഫ്റ്റ് പതിപ്പുകൾ കൂടുതൽ കളർഫുള്ളായെങ്കിലും മസ്ക്കുലാർ ലുക്കിന്റെ കാര്യത്തിൽ പഴയ മോഡലുകളോടാണ് ആളുകൾക്ക് താത്പര്യം. എംജി ഹെക്‌ടർ, മഹീന്ദ്ര XUV700, ഹ്യുണ്ടായി അൽകസാർ തുടങ്ങിയ സെഗ്മെന്റിലെ എതിരാളികളെല്ലാം പെട്രോളിലും ഡീസലിലും വാങ്ങാൻ കിട്ടുമ്പോൾ ടാറ്റയുടെ ഇരട്ടകൾക്ക് ഡീസൽ എഞ്ചിൻ മാത്രമാണുള്ളത്. പെട്രോൾ കൂടിയുണ്ടായിരുന്നെങ്കിൽ പവറായാനേയെന്ന് ഫാൻസ് ഏറെനാളായി പറയുന്നുണ്ട്.

പെട്രോള്‍ ബൈക്കുകളുടെ അന്തകന്‍ എന്ന വിശേഷണത്തോടെ ഓല ഇലക്ട്രിക് അവതരിപ്പിച്ച മോഡല്‍ ആണ് റോഡ്‌സ്റ്റര്‍ X. ഇന്ത്യന്‍ കമ്മ്യൂട്ടര്‍ ബൈക്ക് വിഭാഗത്തിലെ രാജാക്കന്‍മാരായ ഹീറോ സ്‌പ്ലെന്‍ഡറിന്റെ അതേവില നിലവാരത്തില്‍ വരുന്ന ഇലക്ട്രിക് മോട്ടോര്‍സൈക്കിളില്‍ ഇന്ത്യക്കാര്‍ക്ക് പ്രതീക്ഷകള്‍ ഏറെയാണ്. എന്നാല്‍ ഇക്കഴിഞ്ഞ മാര്‍ച്ചില്‍ ഡെലിവറി ആരംഭിക്കുമെന്ന് പറഞ്ഞിരുന്ന ഇവിയുടെ വിതരണം നീണ്ടുപോകുന്നത് ഉപഭോക്താക്കളെ നിരാശരാക്കിയിരുന്നു. ഇപ്പോള്‍ റോഡ്‌സ്റ്റര്‍ X ഇലക്ട്രിക് ബൈക്കിന്റെ ഡെലിവറി മെയ് 23 (വെള്ളി) ആരംഭിക്കുമെന്ന് ഓല ഇലക്ട്രിക് സഹസ്ഥാപകനും സിഇഒയുമായ ഭവിഷ് അഗര്‍വാള്‍ സമൂഹ മാധ്യമങ്ങളിലൂടെ അറിയിച്ചു.

ഇന്ത്യൻ സംസ്കാരം അനുസരിച്ച് ഏതൊരു പുതിയ സ്ഥാപനമോ, അല്ലെങ്കിൽ പുതിയതായി എന്ത് തുടങ്ങിയാലോ വാങ്ങിയാലോ ഒരു പ്രാർത്ഥനയോടെ അല്ലെങ്കിൽ പൂജയോടെ ആരംഭിക്കണമെന്നാണല്ലോ. അതിപ്പോൾ ഒരു പുതിയ വീടായാലും വാഹനമായാലും അങ്ങനെ തന്നെയാണല്ലോ. പലരും വാഹനം വാങ്ങിയാൽ പൂജയ്ക്കായിട്ട് അമ്പലത്തിൽ കൊണ്ടുപോകുന്നത് കാണാറുണ്ട്. എന്നാൽ കോടികൾ വിലയുള്ള ഒരു പ്രൈവറ്റ് ജെറ്റ് പൂജാരിയെ കൊണ്ട് വന്ന് പൂജിച്ചാൽ എങ്ങനെയിരിക്കും. അതും ശതകോടീശ്വരനായ ആനന്ദ് അംബാനിയുടെ കല്ല്യാണം നടത്തിയ പണ്ഡിറ്റായ ചന്ദ്രശേഖർ ശർമ്മയെ തന്നെ കൊണ്ടുവന്നാലോ. പണ്ഡിറ്റ് തന്നെയാണ് തൻ്റെ ഇൻസ്റ്റാഗ്രാം പേജിൽ വീഡിയോ പങ്കുവച്ചിരിക്കുന്നത്.

ഇന്ത്യയിലെ ഇലക്‌ട്രിക് മോട്ടോസൈക്കിൾ (Electric Motorcycle) സെഗ്മെന്റ് പുതുമോഡലുകളാൽ സമ്പന്നമായിക്കൊണ്ടിരിക്കുകയാണ്. സ്‌കൂട്ടറുകളേക്കാൾ യാത്രാ സുഖവും റേഞ്ചുമെല്ലാമായി നിരവധി ഇവികളാണ് ഇപ്പോൾ വിപണിയിലുള്ളത്. ഇക്കൂട്ടത്തിലേക്ക് പുതിയൊരു ആള് എത്തിയിരിക്കുകയാണ്. ഇന്ത്യൻ ഇലക്‌ട്രിക് സ്റ്റാർട്ടപ്പ് കമ്പനിയായ സെനോയാണ് (Zeno) വിപണിയിലെ പുതിയ പടയാളിയെ കളത്തിലിറക്കിയിരിക്കുന്നത്. താങ്ങാനാവുന്ന വില, കിടിലൻ റേഞ്ച്, സബ്‌സ്‌ക്രിപ്‌ഷൻ പ്ലാനുകൾ എന്നിവയോടെയാണ് എമറ (Emara) എന്നുപേരിട്ടിരിക്കുന്ന ഇലക്ട്രിക് മോട്ടോർസൈക്കിൾ വരുന്നത് എന്നതിനാൽ സംഗതി കളറാവുന്നുണ്ട്. ഈ വർഷം അവസാനത്തോടെ വൈദ്യുത ബൈക്കിനായുള്ള വിൽപ്പന കമ്പനി ആരംഭിക്കും.

തലക്കെട്ട് വായിക്കുമ്പോൾ തന്നെ ഒരു സംശയം തോന്നി കാണും. ടൊയോട്ടയ്ക്ക് റീബാഡ്ജിങ്ങ് എന്ന് പറഞ്ഞാൽ ഹരമാണോ എന്ന്. എന്നാൽ ടൊയോട്ട കൈവച്ചത് ഒന്നും മോശമായി പോയിട്ടില്ല. അത് കൊണ്ട് തന്നെ നിസാനിൽ ടൊയോട്ട കണ്ണുവച്ചതിൽ അതിശയിക്കാനില്ല. എന്നാൽ നിസാനും ഹോണ്ടയും ഒരുമിക്കാനിരിക്കെ പല കാരണങ്ങൾ കൊണ്ട് അത് വഴിമാറി പോയി. അതിന് ശേഷമാണ് ടൊയോട്ട നിസാനുമായി ആശയവിനിമയം നടത്തിയെന്ന റിപ്പോർട്ടുകൾ പുറത്തു വരുന്നത്. രണ്ട് ബ്രാൻഡുകളും ഇതിനെ പറ്റി തങ്ങളുടെ പ്രതികരണം പുറത്ത് വിട്ടില്ല. എന്നാൽ അധികം താമസിയാതെ ടൊയോട്ടയുടെ മാഗ്നൈറ്റ് റോഡിലിറങ്ങും എന്ന് തന്നെ പ്രതീക്ഷിക്കാം.

ബിഗ് ബോസ് മലയാളത്തിന്റെ ചരിത്രത്തിലെ ഏറ്റവും സംഭവബഹുലമായ സീസണ്‍ ആയിരുന്നു സീസണ്‍ 4. സീസണില്‍ നര്‍ത്തകിയും അഭിനേത്രിയുമായ ദില്‍ഷ പ്രസന്നന്‍ ആയിരുന്നു ടൈറ്റില്‍ വിന്നര്‍ ആയിരുന്നതെങ്കിലും ഷോ സ്റ്റീലേഴ്‌സ് ഒന്നിലധികം പേരുണ്ടായിരുന്നു. അക്കൂട്ടത്തില്‍ ഒരാളായിരുന്നു ജാസ്മിന്‍ എം മൂസ (Jasmine M Moosa). കയ്‌പ്പേറിയ ജീവിതവുമായി പടവെട്ടി ഉയര്‍ന്നുവന്ന കോഴിക്കോട് സ്വദേശിയായ ജാസ്മിന്‍ ജിം ട്രെയിനര്‍ ബോഡി ബില്‍ഡര്‍ എന്നീ നിലകളിലാണ് ബിഗ് ബോസ് ഹൗസില്‍ കയറിയത്. ഏതൊരു മനുഷ്യനും പ്രചോദനമാവുന്ന ജാസ്മിന്റെ ജീവിതകഥ ബിഗ് ബോസില്‍ കയറുന്നതിന് മുമ്പേ തന്നെ സോഷയല്‍ മീഡിയ പ്ലാറ്റ്‌ഫോമുകളിലൂടെ ജനശ്രദ്ധ നേടിയതാണ്.

ഇക്കഴിഞ്ഞ ദിവസം സർപ്രൈസായി വിപണിയിലെത്തിച്ച ബൊലേറോ (Bolero), ബൊലേറോ നിയോ (Bolero Neo) എന്നിവയുടെ ബോൾഡ് എഡിഷൻ മോഡലുകളുടെ വില പ്രഖ്യാപിച്ച് മഹീന്ദ്ര ആൻഡ് മഹീന്ദ്ര (Mahindra & Mahindra). അതത് വാഹനങ്ങളുടെ സ്റ്റാൻഡേർഡ് പതിപ്പുകളെ അപേക്ഷിച്ച് ഏകദേശം 40,000 രൂപ വരെയാണ് അധികമായി മുടക്കേണ്ടി വരിക. ഡീലർ-ലെവൽ ആക്‌സസറീസ് പായ്ക്കിനൊപ്പമാണ് ബോൾഡ് എഡിഷൻ വാങ്ങാനാവുക. എസ്‌യുവികളുടെ സാധാരണ പതിപ്പുകളെ അപേക്ഷിച്ച് കൂടുതൽ കോസ്മെറ്റിക് മാറ്റങ്ങൾ മാത്രമാണ് ഇവ അവതരിപ്പിക്കുന്നത്. എങ്കിലും ലുക്കിന്റെ കാര്യത്തിൽ അന്യായ ഗ്ലാമറായിട്ടുണ്ടെന്ന് വേണം പറയാൻ.

പെട്രോളും ഡീസലും അടിച്ച് പോക്കറ്റ് കീറുന്നവരെല്ലാം ഇലക്ട്രിക് മോഡലുകളിലേക്ക് ചേക്കേറുകയാണ്, എന്നാൽ ഒരു ഇവി വാങ്ങി ചാർജ് ചെയ്യുമ്പോൾ, നിങ്ങളുടെ കറണ്ട് ബില്ല് കൂടി നിങ്ങളുടെ കണ്ണുത്തളളാതെയിരിക്കണമെങ്കിൽ വീട്ടിൽ സോളാർ ഉണ്ടായിരിക്കണം. സോളാർ സ്ഥാപിക്കണമെങ്കിൽ ഒരു മൂന്ന് ലക്ഷം രൂപയാകും. ഇതൊക്കെ നോക്കിയാൽ തലയ്ക്ക് ഭ്രാന്താകും. അങ്ങനെ വട്ടുപിടിക്കാതിരിക്കാൻ നിങ്ങൾ ചെയ്യേണ്ടത് ഒരു സിഎൻജി കാർ വാങ്ങുക എന്നതാണ്. ഇവി മോശമാണെന്നല്ല. സിഎൻജി മോഡൽ വാങ്ങിയാൽ നിങ്ങൾക്ക് മൈലേജ് കൂടുതൽ ലഭിക്കുമെന്നുളളത് കൊണ്ടാണ് പറയുന്നത്. രണ്ട് കാറുകളാണ് നമ്മുടെ ലിസ്റ്റിലുളളത്. ടാറ്റ പഞ്ചിൻ്റെ സിഎൻജിയും സിട്രൺ C3 സിഎൻജിയും. രണ്ട് മോഡലുകളും ഒന്ന് വിശദമായി അറിഞ്ഞാലോ.

ഇന്ത്യയില്‍ കോംപാക്റ്റ് എസ്‌യുവികള്‍ക്കുള്ള ഡിമാന്‍ഡ് ക്രമാനുഗതമായി വര്‍ധിച്ചുകൊണ്ടിരിക്കുകയാണ്. കഴിഞ്ഞ മാസം അതായത് 2025 ഏപ്രിലില്‍ ഈ സെഗ്മെന്റില്‍ മികച്ച വില്‍പ്പനയാണ് രേഖപ്പെടുത്തിയത്. 17,000 യൂണിറ്റിലധികം എസ്യുവികള്‍ വിറ്റഴിച്ച് ഹ്യുണ്ടായി ക്രെറ്റ സെഗ്‌മെന്റില്‍ ഒന്നാം സ്ഥാനം നേടിയെന്ന് മാത്രമല്ല ഇന്ത്യയിലെ നമ്പര്‍ വണ്‍ കാറായി മാറുകയും ചെയ്തു. മറ്റ് പല കാറുകളും മികച്ച വില്‍പ്പന നേടുമ്പോഴും ഫ്രഞ്ച് വാഹന നിര്‍മാതാക്കളായ സിട്രണ്‍ പുറത്തിറക്കുന്ന എയര്‍ക്രോസ് എന്ന മോഡല്‍ നിരാശപ്പെടുത്തി. ഇന്ത്യന്‍ ക്രിക്കറ്റ് ടീം നായകന്‍ എംഎസ് ധോണിയെ ബ്രാന്‍ഡ് അംബാസഡറായി കൊണ്ടുവന്നിട്ടും അതിന്റെ മെച്ചമൊന്നും കാണുന്നില്ലെന്നാണ് വില്‍പ്പന കണക്കുകള്‍ സൂചിപ്പിക്കുന്നത്.

അഡ്വഞ്ചർ മോട്ടോർസൈക്കിളുകളുടെ (Adventure Motorcycles) പറുദീസയായി മാറിയിരിക്കുകയാണ് ഇന്ത്യ. റോയൽ എൻഫീൽഡ് ഹിമാലയൻ (Royal Enfield Himalayan) തിരികൊളുത്തിയ വിഭാഗത്തിൽ ഇന്ന് അനേകം മോഡലുകളാണ് മത്സരിക്കുന്നത്. അക്കൂട്ടത്തിലെ മിടുക്കനാണ് യെസ്‌ഡി അഡ്വഞ്ചർ (Yezdi Adventure). ഒരുകാലത്ത് റെട്രോ ബൈക്കുകളുടെ തമ്പുരാക്കൻമാരായി അറിയപ്പെട്ടിരുന്ന യെസ്‌ഡി നിരയിലേക്ക് ഇത്തരത്തിലൊരു മോഡേൺ വണ്ടി വരുമെന്ന് അങ്ങനെയാരും പ്രതീക്ഷിച്ചിട്ടുണ്ടാവില്ല. വിപണിയിലെത്തി വലിയ ഓളമൊന്നും സൃഷ്‌ടിച്ചില്ലെങ്കിലും ഫാൻസിനെയുണ്ടാക്കിയെടുക്കാൻ കക്ഷിക്കായിട്ടുണ്ടെന്നതാണ് രസകരമായ കാര്യം. ഒറ്റനോട്ടത്തിൽ പഴയ ഹിമാലയനെ കോപ്പിയടിച്ചതാണെന്ന് തോന്നുമെങ്കിലും ഇതിനോടകം തന്റേതായ സ്ഥാനം കണ്ടെത്താൻ അഡ്വഞ്ചറിനായിട്ടുണ്ട്.

മഹീന്ദ്രയുടെ വിൽപ്പനയിൽ മുന്നിൽ തന്നെ നിൽക്കുന്നത് ഥാർ റോക്സാണ്. ഏപ്രിൽ മാസത്തിൽ 3-ഡോർ, 5-ഡോർ മോഡലുകൾ ചേർന്ന് 10,000 യൂണിറ്റിലധികമാണ് വിറ്റഴിച്ചിരിക്കുന്നത്. ആദ്യമായാണ് ഥാർ സീരീസിന്റെ കച്ചോടം 10,000 യൂണിറ്റ് വിൽപ്പന മറികടക്കുന്നത്. മഹീന്ദ്രയുടെ കണക്കനുസരിച്ച് പോയ മാസം എസ്‌യുവികൾ വാങ്ങിയത് 10,703 ആളുകളാണ്. ഥാർ റോക്സിൻ്റെ കീർത്തി അങ്ങ് പൊലീസ് ഡിപ്പാർട്ട്മെൻ്റ് വരെ എത്തിയിരിക്കുന്നു. മഹീന്ദ്രയുടെ പല മോഡലുകളും പൊലീസിൽ ചേർത്തിട്ടുണ്ട്. ബൊലേറോ അതിന് മുൻപുണ്ടായിരുന്ന ഇൻവേഡർ എന്ന മോഡലൊക്കെ പൊലീസിൽ മാത്രമല്ല പട്ടാളത്തിലേക്ക് പോയ മഹീന്ദ്ര സ്കോർപിയോ വരെ പലർക്കും അറിയാവുന്നതാണ്. എന്നാൽ ഇപ്പോൾ ഥാർ റോക്സിനെ ബോധിച്ചിരിക്കുന്നത് എവിടെയാണെന്ന് അറിയാൻ തുടർന്ന് വായിക്കാൻ മറക്കരുതേ.

ഇന്ത്യയില്‍ സാന്നിധ്യമറിയിക്കുന്ന പ്രമുഖ ഫോറിന്‍ ബ്രാന്‍ഡ് ആണ് റെനോ (Renault). ക്വിഡ്, ട്രൈബര്‍, കൈഗര്‍ എന്നിങ്ങനെയുള്ള ജനപ്രിയ മോഡലുകള്‍ വിപണിയിലെത്തിക്കുന്നത് ഈ ഫ്രഞ്ച് ബ്രാന്‍ഡ് ആണ്. ഇന്ത്യയുടെ പല ഭാഗത്തും ഇപ്പോള്‍ വേനല്‍ കടുത്തിരിക്കുകയാണ്. ഈ സാഹചര്യത്തില്‍ വാഹനങ്ങള്‍ക്ക് പ്രത്യേക ശ്രദ്ധ കൊടുക്കേണ്ടത് അനിവാര്യമാണ്. ഈ സാഹചര്യത്തില്‍ ഓണര്‍ഷിപ്പ് എക്‌സ്പീരിയന്‍സ് മെച്ചപ്പെടുത്തുന്നതിനായി രാജ്യവ്യാപകമായി സമ്മര്‍ ക്യാമ്പിന് തുടക്കം കുറിച്ചു. രാജ്യത്തെ എല്ലാ റെനോ സര്‍വീസ് സെന്ററുകളിലും 2025 മെയ് 19 മുതല്‍ മെയ് 25 വരെ സര്‍വീസ് ക്യാമ്പ് നടക്കും. റെനോയുടെ സമ്മര്‍ ക്യാമ്പിനെ കുറിച്ച് ഈ ലേഖനത്തില്‍ വിശദമായി വായിക്കാം.

കെജിഎഫ് (KGF) എന്നൊരു ഒറ്റ സിനിമകൊണ്ട് പാൻഇന്ത്യൻ റീച്ച് കിട്ടിയ കന്നഡ ഇൻഡസ്ട്രിയെ ഇന്ന് രാജ്യം മുഴുവൻ ശ്രദ്ധിച്ച് തുടങ്ങിയിട്ടുണ്ട്. അതിനാൽ ഇവിടുത്തെ സിനിമയ്ക്കും ടെലിവിഷൻ സീരീയലുകളുമെല്ലാം മലയാളികൾ പോലും കാണാൻ തുടങ്ങിയിട്ടുണ്ടെന്ന് വേണം പറയാൻ. നമ്മുടെ സ്വന്തം അയൽക്കാരെ സ്നേഹിക്കുന്നതിൽ കേരളീയർക്കുള്ള വിശാല മനസ് ഒന്ന് വേറെ തന്നെയാണല്ലോ. അങ്ങനെ മിനിസിക്രീനിൽ പലരും കണ്ടിട്ടുള്ള മുഖമാവും ഐശ്വര്യ സിന്ധോഗിയുടേത് (Aishwarya Shindogi). ബിഗ് ബോസ് കന്നഡ (Bigg Boss Kannada) പതിനൊന്നാം സീസണിലെ മത്സരാർഥി കൂടിയായിരുന്നു ഈ സുന്ദരി.

കുട്ടിക്കാലത്ത് വീഡിയോ ഗെയിമുകളിലൂടെയാണല്ലോ ഓരോ വണ്ടിപ്രാന്തൻമാരും ഉരുത്തിരിയുന്നത്. അങ്ങനെ ഏതൊരു വണ്ടിപ്രാന്തൻ്റേയും പ്രിയപ്പെട്ട മോഡലായി മാറിയ മോഡലാണ് ഗോൾഫ് GTI. രാജ്യത്ത് അവതരിപ്പിക്കാൻ പോകുന്നുവെന്ന വാർത്ത കേട്ടപ്പോൾ തന്നെ കാശ് റെഡിയാക്കി വച്ചതാണ്. കംപ്ലീറ്റ്‌ലി ബില്‍റ്റ്-അപ്പ് (സിബിയു) റൂട്ട് വഴി ഇന്ത്യയിലേക്ക് ഇറക്കുമതി ചെയ്യുന്ന കാറിന്റെ പ്രീ ബുക്കിം 2025 മെയ് അഞ്ചിന് ആരംഭിച്ചിരുന്നു. ലോക പ്രശസ്തമായ ഈ ഹാച്ച്ബാക്ക് പരിമിതമായ അളവില്‍ മാത്രമാണ് ലഭ്യമാകുക. സിബിയു റൂട്ട് വഴി എത്തുന്നതിനാല്‍ തന്നെ പൊള്ളുന്ന വില പ്രതീക്ഷിക്കുന്ന കാര്‍ ആയിട്ട് കൂടി വെറും മൂന്ന് ദിവസത്തിനുള്ളില്‍ ഇതിന്റെ ഗോള്‍ഫ് ജിടിഐയുടെ പ്രീ-ബുക്കിംഗുകള്‍ അവസാനിപ്പിച്ചിരിക്കുകയാണ് കമ്പനി.

ഇന്ത്യയിലെ ഏറ്റവും ജനപ്രിയമായ മിഡ്‌സൈസ് എസ്‌യുവിയാണ് ഹ്യുണ്ടായി ക്രെറ്റ. കഴിഞ്ഞ രണ്ട് മാസമായി ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെട്ട കാറും ക്രെറ്റയാണ്. നിലവില്‍ പെട്രോള്‍, ഡീസല്‍, ഇലക്ട്രിക് പവര്‍ട്രെയിന്‍ ഓപ്ഷനുകളില്‍ ക്രെറ്റ വാങ്ങാനാകും. വര്‍ഷങ്ങളായി പെട്രോള്‍, ഡീസല്‍ എസ്‌യുവി ശ്രേണിയില്‍ ആധിപത്യം സ്ഥാപിച്ച ക്രെറ്റയുടെ അടുത്ത തലമുറ മോഡലിനൊപ്പം ഒരു ഹൈബ്രിഡ് പതിപ്പ് കൂടി പുറത്തിറക്കുമെന്നായിരുന്നു നേരത്തെ വന്ന സൂചനകള്‍. എന്നാല്‍ ഇപ്പോള്‍ ക്രെറ്റയുടെ ഹൈബ്രിഡ് പതിപ്പ് പ്രതീക്ഷിച്ചതിലും വേഗത്തില്‍ ഇങ്ങെത്തുമെന്നാണ് റിപ്പോര്‍ട്ടുകള്‍ പുറത്തുവരുന്നത്. അതിനെ കുറിച്ച് നമുക്ക് വിശദമായി വായിക്കാം.

ഇന്ത്യയിൽ ഹേറ്റേഴ്‌സില്ലാത്ത വാഹന നിർമാതാക്കളാണ് ടൊയോട്ട. മാരുതി സുസുക്കിയുമായി ചങ്ങാത്തം കൂടിയതിൽ പലർക്കും പരിഭവം ഉണ്ടെങ്കിലും അതൊന്നും കാര്യമാക്കാതെ റീബാഡ്‌ജിംഗിലൂടെ പണംവാരുകയാണ് കമ്പനിയിപ്പോൾ. സെയിൽസ്, സർവീസിന്റെ കാര്യത്തിലും ടൊയോട്ടയെ കവച്ചുവെക്കാൻ മറ്റൊരു ബ്രാൻഡ് ഉണ്ടോയെന്ന് വരെ സംശയമാണ്. ആർക്കും പരാതിയൊന്നും പറയാനില്ലാത്ത ജാപ്പനീസ് ബ്രാൻഡിന്റെ പ്രവർത്തനം അത്രയ്ക്ക് അടിപൊളിയാണെന്ന് വെറുതേ പറയുന്നതല്ല കേട്ടോ. ടൊയോട്ടയുടെ ഒരു വണ്ടി ഉപയോഗിച്ച ആരെങ്കിലും മറ്റേതെങ്കിലും ബ്രാൻഡിലേക്ക് മാറിയതായി അധികമാരും കേട്ടിട്ടുമുണ്ടാവില്ല. ഇപ്പോഴിതാ ടൊയോട്ട കാർ ഉടമകൾക്ക് സന്തോഷം നൽകുന്നൊരു പ്രഖ്യാപനവുമായി രംഗത്തെത്തിയിരിക്കുകയാണ് കമ്പനി.

ഇന്ത്യയില്‍ ഇപ്പോള്‍ കാര്‍ വാങ്ങുന്നവരില്‍ പകുതിയാളുകളും വാങ്ങുന്നത് സ്‌പോര്‍ട് യൂടിലിറ്റി വാഹനങ്ങളാണ് (എസ്‌യുവി). എന്നിരുന്നാലും ഹാച്ച്ബാക്ക് സെഗ്‌മെന്റ് ഇപ്പോഴും തരക്കേടില്ലാത്ത വില്‍പ്പനയുമായി പിടിച്ച് നില്‍ക്കുന്നുണ്ട്. അതിന് നന്ദി പറയേണ്ടത് ചില മാരുതി മോഡലുകളോടാണ്. ഇന്ത്യയില്‍ കഴിഞ്ഞ മാസം ഏറ്റവും കൂടുതല്‍ വിറ്റഴിക്കപ്പെട്ട കാറുകളുടെ പട്ടികയില്‍ ആദ്യ മൂന്ന് സ്ഥാനത്തെത്തിയത് മാരുതി കാറുകളാണ്. പട്ടികയില്‍ 10000 യൂണിറ്റിന് മുകളില്‍ പ്രതിമാസ വില്‍പ്പന നേടിയതും ഈ മൂന്ന് കാറുകളാണ്. 2025 ഏപ്രിലില്‍ ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെട്ട ഹാച്ച്ബാക്കുകള്‍ ഏതൊക്കെയാണെന്ന് നമുക്ക് നോക്കാം.