പ്രമുഖ ജാപ്പനീസ് വാഹന നിര്‍മാതാക്കളായ നിസാന്‍ നിലവില്‍ രണ്ട് കാറുകളാണ് ഇന്ത്യന്‍ വിപണിയില്‍ എത്തിക്കുന്നത്. സബ് കോംപാക്ട് എസ്‌യുവിയായ മാഗ്‌നൈറ്റും ഫുള്‍സൈസ് എസ്‌യുവിയായ X-ട്രെയിലുമാണവ. ഇതില്‍ മാഗ്‌നൈറ്റ് മാത്രമാണ് കമ്പനിക്ക് വില്‍പ്പനയില്‍ കാര്യമായ സംഭാവന ചെയ്യുന്നത്. മുഴുവനായി ഇറക്കുമതി ചെയ്യുന്ന X-ട്രെയിലിന്റെ വില കൂടുതലായതിനാല്‍ ഷോറൂമില്‍ ആളെ കയറ്റാനാകുന്നില്ല. എന്നാല്‍ ഉടന്‍ തന്നെ കമ്പനി ഇന്ത്യയിലെ തങ്ങളുടെ മോഡല്‍ നിര വിപുലീകരിക്കാന്‍ പോകുകയാണ്. ഉടന്‍ തന്നെ രണ്ട് പുത്തന്‍ കാറുകള്‍ വിപണിയില്‍ എത്തിക്കുമെന്ന സൂചന നല്‍കിക്കൊണ്ട് പുത്തന്‍ ടീസര്‍ ചിത്രങ്ങള്‍ നിസാന്‍ പുറത്തുവിട്ടു. അതിനെ കുറിച്ച് വിശദമായി വായിക്കാം.

ഏതൊരു വണ്ടിപ്രാന്തനോടും ഇഷ്ടപ്പെട്ട ബ്രാൻഡ് ഏതാണ് എന്ന് ചോദിച്ചാൽ ആദ്യ ഉത്തരം ജർമൻ എന്നായിരിക്കും. അങ്ങനെ പെട്ടെന്ന് ഇണങ്ങുന്ന ആളല്ല ഇത്. പ്രത്യേകിച്ച് ജർമൻ വാഹനങ്ങളെ മേയിച്ച് കൊണ്ട് പോകുക എന്നത് തന്നെ കുറച്ച് ചിലവുളള കാര്യമാണ്. അപ്പോൾ അതിൻ്റെ പെർഫോമൻസ് വേരിയൻ്റുകളെ കുറിച്ച് പ്രത്യേകം പറയണ്ടല്ലോ. അത്തരത്തിൽ വരാൻ പോകുന്ന ഒരു മോഡലാണ് ഫോക്സ്‌വാഗൺ ടിഗുവാൻ R-ലൈൻ. കമ്പനി ഇപ്പോൾ വാഹനത്തിൻ്റെ ബുക്കിങ്ങുകൾ ആരംഭിച്ചിട്ടുണ്ട്. എന്തുകൊണ്ടും വാഹനപ്രേമികൾ ഏറെ ആകാംക്ഷയോടെ കാത്തിരിക്കുന്ന മോഡലാണ് ഇത് എന്ന കാര്യത്തിൽ ഒരു സംശയവും വേണ്ട.

മഹീന്ദ്രയുടെ ഏറ്റവും പുതിയ ഇലക്ട്രിക് എസ്‌യുവികളായ XEV 9e, BE 6 എന്നീ മോഡലുകള്‍ക്ക് ബുക്കിംഗ് ആരംഭിച്ച അന്ന് മുതല്‍ മികച്ച സ്വീകരണമാണ് ലഭിച്ച് കൊണ്ടിരിക്കുന്നത്. ബുക്കിംഗ് പ്രക്രിയ ആരംഭിച്ച് ആദ്യ 24 മണിക്കൂറിനുള്ളില്‍ 30,179 പേര്‍ ഈ കാറുകള്‍ ബുക്ക് ചെയ്തു. ഇതില്‍ 15,000-ത്തിലധികം ബുക്കിംഗുകള്‍ XEV 9e മോഡലിനായിരുന്നു. മഹീന്ദ്രയുടെ ഈ ഇലക്ട്രിക് കാര്‍ മോഡലിന് ഇന്ത്യയിലെ സെലിബ്രിറ്റികള്‍ക്കും ബിസിനസുകാര്‍ക്കും ഇടയില്‍ വളരെ മികച്ച സ്വീകാര്യതയാണ് ലഭിക്കുന്നത്. മഹീന്ദ്രയുടെ മുന്‍ സിഇഒ പവന്‍ ഗോയങ്കയും 'ഇന്ത്യന്‍ ടെസ്‌ലകളില്‍' ഒന്ന് വാങ്ങിയിരുന്നു.

ഇലക്ട്രിക് വാഹനങ്ങൾ അവതരിപ്പിച്ചപ്പോൾ മുതൽ അതിൻ്റെ ട്രാൻസ്മിഷൻ ഓട്ടോമാറ്റിക്കാണ്. അത് കൊണ്ട് തന്നെയാണ് പലരും വാഹനം വാങ്ങാൻ പോലും മുന്നോട്ട് വരുന്നത്. പ്രത്യേകിച്ച് പ്രായമായവർക്ക് എന്നും ഓട്ടോമാറ്റിക്കിനോടായിരിക്കും അൽപ്പം താൽപ്പര്യം കൂടുതൽ. എന്നാൽ നിങ്ങളിൽ കുറച്ച് പേരെങ്കിലും ആഗ്രഹിച്ചിട്ടുണ്ടാവില്ലേ ഇവക്ട്രിക് കാറുകൾക്ക് ഒരു മാനുവൽ ട്രാൻസ്മിഷൻ ലഭിച്ചിരുന്നു എങ്കിലെന്ന്. എന്നാൽ ഇതു വരെ ഇറങ്ങിയ ഇവികളിൽ ഒന്നും ഇ സംവിധാനം നൽകിയിട്ടില്ല. എന്നാൽ രാജ്യം വിട്ട് പോയ പ്രിയപ്പെട്ട ഫോർഡ് ഒരു കിടിലൻ തീരുമാനവുമായി രംഗത്തെത്തിയിരിക്കുകയാണ്. എന്താണെന്ന് അറിയാൻ തുടർന്ന് വായിക്കാൻ മറക്കാതിരിക്കുക.

മാരുതി സുസുക്കിയെ സംബന്ധിച്ചിടത്തോളം കാലങ്ങളായി കേൾക്കുന്ന ഒരു കുറ്റമാണ് ബിൽഡ് ക്വാളിറ്റിയെ കുറിച്ച്. കുറച്ച് നാളുകൾക്ക് മുൻപാണ് മാരുതി സുസുക്കി തങ്ങളുടെ എൻട്രി ലെവൽ മോഡലായ ആൾട്ടോ കെ10 മോഡലിന് ആറ് എയർബാഗുകൾ നൽകാൻ തീരുമാനിച്ചിരിക്കുന്നത്. ഇതോടെ മാരുതി സുസുക്കി ആൾട്ടോയ്ക്ക് ക്രാഷ് ടെസ്റ്റിൽ ഫൈവ് സ്റ്റാർ റേറ്റിങ്ങ് ലഭിക്കുമെന്ന് ആരെങ്കിലും വിചാരിക്കുന്നുണ്ടോ. ക്രാഷ് ടെസ്റ്റിൽ ഫൈവ് സ്റ്റാർ റേറ്റിങ്ങ് ലഭിക്കാൻ എന്തൊക്കെ കാര്യങ്ങൾ വാഹനത്തിലുണ്ടായിരിക്കണം എന്ന് അറിയാമോ. മാരുതി ആൾട്ടോയിൽ ആറ് എയർബാഗുകൾ നൽകിയത് ഒന്ന് വിശദമായി നോക്കിയാലോ.

ദക്ഷിണ കൊറിയന്‍ വാഹന നിര്‍മാതാക്കളായ കിയ തങ്ങളുടെ ഇലക്ട്രിക് വാഹനമായ EV6 (2025 Kia EV6) ഫെയ്‌സ്‌ലിഫ്റ്റിന്റെ വില പ്രഖ്യാപിച്ചു. 2025 കിയ EV6 65.9 ലക്ഷം എക്‌സ്-ഷോറൂം വിലയില്‍ പുറത്തിറങ്ങി. യഥാക്രമം 60.9 ലക്ഷം, 65.7 ലക്ഷം എക്‌സ്-ഷോറൂം വിലയുള്ള GT ലൈന്‍, GT ലൈന്‍ AWD എന്നീ രണ്ട് വേരിയന്റുകളില്‍ ലഭ്യമായിരുന്ന പ്രീ-ഫെയ്സ്ലിഫ്റ്റ് മോഡലില്‍ നിന്ന് വ്യത്യസ്തമായി 2025 മോഡല്‍ GT ലൈന്‍ AWD രൂപത്തില്‍ മാത്രമേ ലഭ്യമാകൂ. 2025 ഭാരത് മൊബിലിറ്റി ഗ്ലോബല്‍ ഓട്ടോ എക്സ്പോ കിയ ഈ കാര്‍ പ്രദര്‍ശിപ്പിച്ചിരുന്നു.

പാൻ ഇന്ത്യ സ്റ്റാർ കൂടിയായ ദുൽഖർ സൽമാൻ കൂടി സഹ ഉടമയായ സ്ഥാപനമാണ് അൾട്രാവയലറ്റ്. ഒരു സ്വകാര്യ കമ്പനിയിൽ നിന്ന് പൊതു വിൽപ്പനയ്ക്കായി ആദ്യമായി സ്റ്റോക്ക് പുറത്തിറക്കുന്നതിനെയാണ് പ്രൈമറി ഓഫറിംഗ് എന്ന് പറയുന്നത്. മൂന്ന് വർഷത്തിനുളളിൽ കമ്പനി പബ്ലിക്ക് ഓഫറിങ്ങ് നടത്തുമെന്നാണ് ഇപ്പോൾ റിപ്പോർട്ടുകൾ പുറത്തുവരുന്നത്. ഇതിലേക്ക് പോകുന്നതിന് മുൻപായി ബ്രാൻഡ് തങ്ങളുടെ പോർട്ട്ഫോളിയോ വിപുലീകരിക്കാനാണ് ഉദ്ദേശം. ബ്രാനഡിനെ കുറിച്ച് നോക്കിയാൽ 2024 ഒക്ടോബറിൽ ഇത് ബാംഗ്ലൂരിൽ മാത്രമായിരുന്ന പ്രവർത്തനം അഞ്ച് മാസത്തിനുള്ളിൽ, മെട്രോകളും ടയർ-2 നഗരങ്ങളും ഉൾപ്പെടെ ഇന്ത്യയിലെ 15 നഗരങ്ങളിലേക്ക് വ്യാപിപ്പിക്കാൻ സാധിച്ചുവെന്നത് വളരെ പ്രശംസനീയമായ കാര്യമാണ്.

കേരളത്തില്‍ വേനല്‍ക്കാലം ആരംഭിച്ച് കഴിഞ്ഞു. എസി ഓണ്‍ ചെയ്താല്‍ പോലും രക്ഷയില്ലാത്ത ചൂടാണ് അനുഭവിക്കുന്നത്. എയര്‍ കണ്ടീഷനിംഗ് അല്ലാതെ യാത്രക്കാരുടെ കംഫര്‍ട്ടിനായി ഇന്ന് നിരവധി ഫീച്ചറുകള്‍ കാറുകളില്‍ ലഭ്യമാണ്. അതില്‍ ഒന്നാണ് വെന്റിലേറ്റഡ് സീറ്റുകള്‍. ചൂട് അകറ്റി സുഖശീതളിമയില്‍ ഇരുന്ന് യാത്ര ചെയ്യാന്‍ ഈ ഫീച്ചര്‍ യാത്രക്കാരെ അനുവദിക്കുന്നു. കാറുകളില്‍ ഇന്ന് വെന്റിലേറ്റഡ് സീറ്റുകള്‍ ഒരു ആഡംബര സവിശേഷതയല്ലാതായി മാറിയിട്ടുണ്ട്. കാരണം ഇത്രയും ചൂടുള്ള കാലാവസ്ഥയില്‍ യാത്ര ചെയ്യുമ്പോള്‍ കൂടുതല്‍ സൗകര്യം നല്‍കുന്ന ഇത് ഒരു അത്യാവശ്യ ഫീച്ചറായാണ് കണക്കാക്കപ്പെടുന്നത്.

ലോകമെങ്ങും എംപുരാൻ്റെ വരവും കാത്തിരിക്കുകയാണ്. അതേ മലയാള സിനിമ മേഖലയിൽ നിന്നും ഒരു ബിഗ് ബജറ്റ് ചിത്രം തീയേറ്ററുകളിൽ എത്താൻ ഇനി മണിക്കൂറുകൾ മാത്രമേയുളള. സിനിമയിലെ താരങ്ങളെല്ലാം പല സംസ്ഥാനങ്ങളിലായി പ്രമോഷൻ വർക്കുകൾ നടത്തികൊണ്ടിരിക്കുകയാണ്. പ്രത്യേകിച്ച് നടൻ മോഹൻലാലും സംവിധായകൻ പൃഥ്വിരാജും. അത്തരത്തിൽ മോഹൻലാൽ പ്രമോഷൻ്റെ ഭാഗമായി ദില്ലിയിലെത്തിയപ്പോഴുളള വീഡിയോ ആണ് സോഷ്യൽ മീഡിയയിൽ വൈറലായിരിക്കുന്നത്. താരം ഒരു ടൊയോട്ട ഇന്നോവയിൽ വന്നിറങ്ങി എയർപോർട്ടിലേക്ക് കയറിപോകുന്നതാണ് വീഡിയോയിൽ കാണുന്നത്. താരങ്ങളെല്ലാം സാധാരണയായി ഉപയോഗിക്കുന്ന വാഹനമാണ് ടൊയോട്ട ഇന്നോവ ക്രിസ്റ്റ. എയർപോർട്ടുകളിൽ ടാക്സിയായി കൂടുതലും ഉപയോഗിക്കുന്നതും ക്രിസ്റ്റ തന്നെയാണ്.

നെപ്പോ കിഡ്‌സ് അരങ്ങുവാഴുന്ന ബോളിവുഡില്‍ സ്വന്തമായി വഴിവെട്ടി വന്ന താരങ്ങളെ ജനങ്ങള്‍ ഏറെ ഇഷ്ടപ്പെടുന്നു. കിംഗ് ഖാന്‍ ഷാരൂഖ് അതിനുള്ള ഏറ്റവും വലിയ ഉദാഹരണമാണ്. പുതിയ തലമുറയില്‍ സ്വപ്രയത്‌നത്താല്‍ മുന്‍നിരയിലേക്ക് ഉയര്‍ന്ന് വന്ന ഒരു താരമായിരുന്നു സുശാന്ത് സിംഗ് രാജ്പുത്ത്. ഇന്ത്യന്‍ ക്രിക്കറ്റ് ടീം മുന്‍ നായകന്‍ എംഎസ് ധോണിയുടെ ജീവിത കഥ പറഞ്ഞ 'എംഎസ് ധോണി ദ അണ്‍ടോള്‍ഡ് സ്‌റ്റോറി'യില്‍ നായക കഥാപാത്രത്തെ അവതരിപ്പിച്ചത് സുശാന്ത് ആയിരുന്നു. ചിത്രത്തില്‍ ക്യാപ്റ്റന്‍ കൂള്‍ ആയി ഗംഭീര പ്രകടനം കാഴ്ചവെച്ച സുശാന്ത് ഇന്ത്യയൊട്ടാകെ ആരാധകരെ നേടി.

മഹീന്ദ്രയുടെ രണ്ട് പുലികുട്ടികളെ ബ്രാൻഡ് അവതരിപ്പിച്ചപ്പോൾ മുതൽ ഷോറൂമുകളിൽ നീണ്ട തിരക്കാണ്. യുട്യൂബർമാർക്കിടയിൽ ജനപ്രിയ താരമാണ് നിഖിൽ. അദ്ദേഹത്തിൻ്റെ ട്രാവൽ വ്ലോഗുകളും അത് പോലെ തന്നെ വാഹനസംബന്ധമായ വീഡിയോകൾക്കെല്ലാം നിരവധി കാഴ്ച്ചക്കാരുണ്ട്. കശ്മീർ മുതൽ കന്യാകുമാരി വരെ അദ്ദേഹം ഒരു യാത്ര നടത്തിയതോടെയാണ് പെട്ടെന്ന് ശ്രദ്ധിക്കപ്പെട്ടത്. അദ്ദേഹം ഇപ്പോൾ മഹീന്ദ്രയുടെ XEV 9e സ്വന്തമാക്കിയിരിക്കുകയാണ്. അദ്ദേഹം തന്നെയാണ് വീഡിയോ സോഷ്യൽ മീഡിയയിൽ പങ്കുവച്ചിരിക്കുന്നത്. ഇലക്ട്രിക് വാഹനം വിപണിയിൽ തങ്ങളുടേതായ ഇരിപ്പിടം സൃഷ്ടിക്കുകയാണ് ഇന്ത്യൻ വാഹന നിർമാതാക്കളായ മഹീന്ദ്ര. വാഹനത്തിൻ്റെ കൂടുതൽ വിശദാംശങ്ങൾ അറിയാൻ തുടർന്ന് വായിക്കാൻ മറക്കരുതേ.

മോളിവുഡിലെ പ്രമുഖ പ്രൊഡക്ഷന്‍ ഹൗസാണ് ഗുഡ്‌വില്‍ എന്റര്‍ടെയിന്‍മെന്റ്‌സ് (Goodwill Entertainments). 2011-ല്‍ ബാങ്കോക്ക് സമ്മറിലൂടെ കടന്നുവന്ന ഗുഡ്‌വില്‍ ഇതിനോടകം 27 സിനിമകള്‍ നിര്‍മിച്ചിട്ടുണ്ട്. അബ്രഹാമിന്റെ സന്തതികള്‍, ഷൈലോക്ക്, കാവല്‍, ആന്‍മരിയ കലിപ്പിലാണ് തുടങ്ങിയ ഹിറ്റ് ചിത്രങ്ങളുടെ നിര്‍മാതാവ് എന്ന നിലയില്‍ മലയാളി സിനിമാ പ്രേക്ഷകര്‍ക്ക് സുപരിചിതനാണ് ജോബി ജോര്‍ജ് (Jobby George). ഏറ്റവും അവസാനം ഗുഡ്‌വില്‍ എന്റര്‍ടെയിന്‍മെന്റ്‌സിന്റെ ബാനറില്‍ ജോബി നിര്‍മിച്ച രണ്ട് സിനിമകളും ശ്രദ്ധിക്കപ്പെട്ടിരുന്നു. കഴിഞ്ഞ ഓണത്തിന് യാതൊരു ഹൈപ്പുമില്ലാതെ വന്ന് ബോക്‌സ്ഓഫീസ് തൂഫാനാക്കിയ കിഷ്‌കിന്ധാകാണ്ഡമാണ് അതില്‍ ഒന്ന്.

സമീപകാലത്ത് ഇന്ത്യയിലെ ഇലക്ട്രിക് വാഹന വിഭാഗത്തില്‍ വലിയ ഓളങ്ങള്‍ തീര്‍ത്ത ബ്രാന്‍ഡ് ടാറ്റയോ എംജിയോ അല്ല അത് മഹീന്ദ്രയാണ്. XUV400 എന്ന ഒറ്റ മോഡലുമായി ഇതുവരെ പോരാടിയിരുന്ന മഹീന്ദ്ര രണ്ട് കിടു മോഡലുകളുമായി സെഗ്‌മെന്റ് പിടിച്ചടക്കാനായി രംഗത്ത് വന്നിരിക്കുകയാണ്. കഴിഞ്ഞ വര്‍ഷം അവസാനത്തോടെ പുറത്തിറക്കിയ BE 6, XEV 9e എന്നീ രണ്ട് ഇലക്ട്രിക് എസ്‌യുവികളുടെ ബുക്കിംഗ് ഫെബ്രുവരിയില്‍ ആരംഭിച്ചിരുന്നു. ബുക്കിംഗ് നമ്പരുകളില്‍ റെക്കോഡ് തീര്‍ത്ത ഇവികളുടെ ഡെലിവറി രാജ്യമെമ്പാടുമായി ഇതിനോടകം ആരംഭിച്ചു. ബോളിവുഡ് സംവിധായകനും നടനുമായ അനുരാഗ് കശ്യപ് അടക്കം നിരവധി പ്രമുഖര്‍ 'ഇന്ത്യന്‍ ടെസ്‌ലകള്‍' ആദ്യം സ്വന്തമാക്കിയവരുടെ കൂട്ടത്തിലുണ്ട്.

ജന്മദിനത്തിൽ മാതാപിതാക്കൾ വില കൂടിയസമ്മാനങ്ങൾ നൽകുന്ന വീഡിയോകൾ പലതും സോഷ്യൽ മീഡിയയിൽ വൈറലാകാറുണ്ട്. കാറുകളും ബൈക്കുകളും സമ്മാനിക്കുന്നതും നിങ്ങൾ കണ്ടിട്ടുണ്ടാകാം. എന്നാൽ കളിപ്പാട്ടങ്ങൾ ഇഷ്ടപ്പെടുന്ന പ്രായത്തിൽ ഒരു ആഡംബര ഹാച്ബാക്ക് ലഭിച്ചാൽ എങ്ങനെയുണ്ടാകും. അതേ. ഏഴ് വയസുകാരന് മാതാപിതാക്കൾ ജന്മദിനത്തിൽ സമ്മാനിച്ചത് പുതുപുത്തൻ മിനി കൂപ്പർ S ഹാച്ച്ബാക്കാണ്. ജര്‍മന്‍ വാഹന ഭീമനായ ബിഎംഡബ്ല്യുവിന്റെ ഉടമസ്ഥതയിലുള്ള ബ്രീട്ടീഷ് കാര്‍ നിര്‍മാതാക്കളായ മിനി പുറത്തിറക്കുന്ന ഈ മോഡല്‍ ഒതുക്കമുള്ള രൂപം കൊണ്ടും ആഡംബര ഫീച്ചറുകള്‍ കൊണ്ടും സെലിബ്രിറ്റികളുടെ ഫേവറിറ്റുകളില്‍ ഒന്നാണ്.

ഒരു വിമാനയാത്രയ്ക്കൊരുങ്ങുമ്പോൾ മറക്കാന പാടില്ലാത്ത കാര്യങ്ങളിൽ പ്രധാനമാണ് ടിക്കറ്റും പാസ്പോർട്ടും. പല തവണ പരിശോധിച്ച് ഉറപ്പാക്കിയിട്ടാണ് പലരും യാത്രയ്ക് പോകുന്നത്. എന്നാൽ ഇതിൽ ഏതെങ്കിലും ഒന്ന് മറന്നാലുളള അവസ്ഥ ആലോചിക്കാൻ പോലും പേടിയാണ് പലർക്കും. വിമാനത്തിൻ്റെ പൈലറ്റിന് ഇത്തരമൊരു അവസ്ഥ വന്നാൽ എങ്ങനെയിരിക്കുമെന്ന് നിങ്ങൾ ആലോചിച്ചിട്ടുണ്ടോ. എന്തൊരു അവസ്ഥയായിരിക്കും അല്ലേ. എന്നാൽ അങ്ങനെയൊരു അവസ്ഥ യുണൈറ്റഡ് എയർലൈൻസിൻ്റെ പൈലറ്റിന് പറ്റിയിരിക്കുകയാണ്. അതും പറന്ന് ഉയർന്ന് രണ്ട് മണിക്കൂറുകൾക്ക് ശേഷമാണ് പൈലറ്റ് പാസ്പോർട്ട് എടുത്തില്ല എന്ന് ഓർത്തത്. 257 യാത്രക്കാരും 13 ജീവനക്കാരുമായി പറന്നുയർന്ന യുണൈറ്റഡ് എയര്‍ലൈന്‍സിന്റെ 787 വിമാനമാണ് തിരിച്ചു പറന്നത്.

ഇന്ത്യയിലെ വാഹനപ്രേമികള്‍ ആകാംക്ഷയോടെ കാത്തിരിക്കുന്ന ഏസര്‍ ഫാസ്റ്റര്‍ അവാര്‍ഡ്‌സിന്റെ നാലാം എഡിഷനിലെ വിജയികളെ ഇന്ന് പ്രഖ്യാപിക്കും. ഇംഗ്ലീഷ്, ഹിന്ദി, തമിഴ്, തെലുങ്ക്, കന്നഡ, മലയാളം എന്നീ ആറ് വ്യത്യസ്ത ഭാഷകളിലായി 250 ദശലക്ഷത്തിലധികം ഉപയോക്താക്കളുള്ള ഇന്ത്യന്‍ ഓട്ടോ മീഡിയയില്‍ ഏറ്റവും സ്വാധീനമുള്ള സ്ഥാപനങ്ങളിലൊന്നാണ് ഫാസ്റ്റര്‍ എന്ന ചുരുക്കപ്പേരില്‍ അറിയപ്പെടുന്ന ഫെഡറേഷന്‍ ഓഫ് ഓട്ടോ സ്‌ക്രൈബ്‌സ് ഓഫ് ദി ഇലക്ട്രോണിക് റിയലം. കഴിഞ്ഞ വര്‍ഷം പുറത്തിറങ്ങിയ ഏറ്റവും ശ്രദ്ധേയമായ ബൈക്കുകളും കാറുകളും വിലയിരുത്തിയാണ് ഫാസ്റ്റര്‍ അംഗീകാരം നല്‍കുന്നത്.

ഓരോ ഓട്ടോ എക്‌സ്‌പോയും ഇന്ത്യയില്‍ വരാനിരിക്കുന്ന പുത്തന്‍ കാറുകളുടെ കര്‍ട്ടന്‍ റെയ്‌സറിനാണ് സാക്ഷ്യം വഹിക്കുന്നത്. പ്രമുഖ വാഹന നിര്‍മാതാക്കളായ ജെഎസ്ഡബ്ല്യു എംജി മോട്ടോര്‍ ഇന്ത്യ അവരുടെ ചില ഗ്ലോബല്‍ മോഡലുകള്‍ ഇവന്റില്‍ പ്രദര്‍ശിപ്പിച്ചിരുന്നു. ഐസിഇ, ഇലക്ട്രിക് വാഹനങ്ങള്‍ കമ്പനി പ്രദര്‍ശിപ്പിച്ചിരുന്നു. അന്ന് എംജിയുടെ പവലിയനില്‍ ഏറെ ശ്രദ്ധയാകര്‍ഷിച്ച ഒരു കാര്‍ ആയിരുന്നു മജസ്റ്റര്‍. ഇത് ഒരു ഫുള്‍സൈസ് എസ്‌യുവിയാണ്. ടൊയോട്ട ഫോര്‍ച്യൂണര്‍ എന്ന അതികായനെ നേരിടാന്‍ എത്തുന്ന എംജി മജസ്റ്റര്‍ എസ്‌യുവി അധികം വൈകാതെ എംജി പുറത്തിറക്കുമെന്നാണ് റിപ്പോര്‍ട്ടുകള്‍. ഫുള്‍സൈസ് എസ്‌യുവിയെ കുറിച്ച് ഇതുവരെ നമുക്ക് അറിയാവുന്ന ചില കാര്യങ്ങള്‍ പറയാം.

ഒരു വാഹനത്തെ സംബന്ധിച്ച് ഉപഭോക്താക്കൾ നോക്കുന്നത് വാഹനത്തിൻ്റെ സേഫ്റ്റിയാണ്. പ്രത്യേകിച്ച് ഇലക്ട്രിക് വാഹനങ്ങളുടെ കാര്യം വരുമ്പോൾ. എന്നാൽ എല്ലാവരും കരുതുന്നത് പോലെ ഇവികളിൽ സേഫ്റ്റിക്ക് കുറവൊന്നുമില്ല. അത് ഇപ്പോൾ തെളിയിച്ചിരിക്കുകയാണ് എംജി വിൻഡ്സർ. വ്യത്യസ്‌തമായ 3 വേരിയന്റുകളിലും ഇവി തെരഞ്ഞെടുക്കാനാവും. ഇതൊരു 5-സീറ്റർ ആയതിനാൽ തന്നെ ധാരാളം സ്പേസും പുറംകാഴ്ച്ചയിൽ നിന്നും മനസിലാക്കാം. പുതിയ വിൻഡ്‌സർ ഇവിയുടെ മുൻവശത്ത് ലേയേർഡ് ലുക്കാണ് കമ്പനി അവതരിപ്പിക്കുന്നത്. പുതിയ ഇലക്ട്രിക് കാറിൻ്റെ മുൻവശത്ത് നീളുന്ന എൽഇഡി ലൈറ്റ്ബാർ-സ്റ്റൈൽ ഡിആർഎല്ലുകളും കിടിലമാണ്.

ഡ്രൈവര്‍ക്കും കോ-പാസഞ്ചര്‍ക്കും മാത്രം എയര്‍ബാഗുകള്‍ ഓഫര്‍ ചെയ്യുന്നതില്‍ നിന്ന് മാറി ഇന്ന് എന്‍ട്രി ലെവല്‍ കാറുകളില്‍ വരെ 6 എയര്‍ബാഗുകള്‍ ലഭ്യമായി തുടങ്ങിയിട്ടുണ്ട്. സര്‍ക്കാര്‍ അനുശാസിക്കുന്ന സുരക്ഷ മാനദണ്ഡങ്ങള്‍ക്കൊപ്പം ഉപഭോക്തൃ മുന്‍ഗണനയിലും മാറ്റങ്ങള്‍ വന്ന് തുടങ്ങിയതോടെയാണ് വാഹന നിര്‍മാതാക്കള്‍ സുരക്ഷ വര്‍ധിപ്പിക്കാന്‍ തുടങ്ങിയത്. നിങ്ങള്‍ക്ക് കൂടുതല്‍ സംരക്ഷണം വേണമെങ്കില്‍ ഏഴ് എയര്‍ബാഗുകളും ഡ്രൈവറുടെ കാല്‍മുട്ട് സംരക്ഷണത്തിന് ഒരു അധിക ഫീച്ചറും ഉള്ള ചില കാറുകള്‍ ഇന്ത്യയില്‍ വില്‍പ്പനക്കെത്തുന്നുണ്ട്. അവയില്‍ ചിലത് ഞങ്ങള്‍ പട്ടികപ്പെടുത്തിയിട്ടുണ്ട്. അത് ഏതൊക്കെയാണെന്ന് നോക്കാം.

ഇന്ത്യൻ ഇരുചക്ര വാഹന വിപണി ഭരിക്കുന്ന ഹോണ്ടയെന്നാൽ നമുക്ക് ആക്‌ടിവയും ഷൈനും യൂണികോണും പോലുള്ള സാധാരണക്കാരുടെ മോഡലുകളാവും ആദ്യം ഓർമ വരിക അല്ലേ. എന്നാൽ പ്രീമിയം ആഡംബര ബൈക്കുകൾ പുറത്തിറക്കുന്നതിൽ കെങ്കേമൻമാരാണ് ഈ ജാപ്പനീസ് ബ്രാൻഡ് എന്നത് പലർക്കും അറിയാൻ പാടില്ലാത്ത വിഷയമായിരുന്നു. അടുത്തിടെയായി ഇന്ത്യയിലേക്ക് കൂടുതൽ സൂപ്പർബൈക്കുകൾ അവതരിപ്പിച്ച് ആളുകളിലേക്ക് അടുക്കാനുള്ള ശ്രമവും ഹോണ്ടയിൽ നിന്നുമുണ്ടാവുന്നുണ്ട്. മോട്ടോർസൈക്കിൾ പ്രേമികളായ ആരേയും മോഹിപ്പിക്കുന്ന വിധത്തിൽ കമനീയ ശേഖരമുള്ള ബ്രാൻഡ് നിരയിലേക്ക് പുതുതായി എത്തിയ അതിഥിയായിരുന്നു XL750 ട്രാൻസാൽപ്.

രാജ്യത്ത് ഇപ്പോൾ എല്ലാ വാഹന നിർമാതാക്കളും ഇലക്ട്രിക് വാഹനങ്ങളിലേക്ക് തിരിയുകയാണ്. എന്നാൽ ഇപ്പോഴും ഒരു മോഡൽ മാത്രം വിൽപ്പനയ്ക്ക് വച്ചു കൊണ്ട് നിസാൻ കാണിക്കുന്ന ധൈര്യം മറ്റ് വാഹന നിർമാതാക്കൾ അത്ഭുതത്തോടെ ആയിരിക്കും നോക്കി കാണുന്നത്. നിസാൻ എന്നാണ് തങ്ങളുടെ ഇലക്ട്രിക് വാഹനം അവതരിപ്പിക്കുക എന്നതാണ് എല്ലാവരുടേയും സംശയം. എന്തുകൊണ്ടായിരിക്കും വൈകുന്നത്. ഇവിയിലേക്ക് തിരിയുന്നതിന് മുന്നോടിയായി കമ്പനി ഹൈബ്രിഡിലേക്ക് ആയിരിക്കും തിരിയുക എന്നാണ് പല റിപ്പോർട്ടുകളും സൂചിപ്പിക്കുന്നത്. ചാർജിംഗ് ഇൻഫ്രാസ്ട്രക്ചർ, ബാറ്ററി ചെലവ്, ഉപഭോക്തൃ സ്വീകാര്യത തുടങ്ങിയവ എല്ലാമാണ് കമ്പനി വെല്ലുവിളികളായി കാണുന്നത്.

ലോകത്ത് നിരവധി വാഹന നിര്‍മാണ കമ്പനികളുണ്ട്. അവരുടെ ഏറ്റവും വലിയ വരുമാന മാര്‍ഗം വാഹന വില്‍പ്പനയാണ്. ഒന്നിലേറെ ലോകോത്തര ബ്രാന്‍ഡുകളെ ഒരു കുടുക്കീഴില്‍ അണിനിരക്കുന്നതാണ് ഫോക്‌സ്‌വാഗണ്‍ ഗ്രൂപ്പ്. സ്‌കോഡ, ഔഡി, ലംബോര്‍ഗിനി, ബെന്റ്‌ലി, പോര്‍ഷ എന്നീ ബ്രാന്‍ഡുകള്‍ക്കൊപ്പം ജര്‍മന്‍ ബ്രാന്‍ഡ് ആയ ഫോക്‌സ്‌വാഗണും VW ഗ്രൂപ്പിന് കീഴിലാണ് വരുന്നത്. ജര്‍മന്‍ ബ്രാന്‍ഡായ ഫോക്‌സ്‌വാഗണ്‍ ഇന്ത്യയിലും നിരവധി ചില ജനപ്രിയ കാറുകള്‍ വില്‍പ്പനക്കെത്തിക്കുന്നു. എന്നാല്‍ ഫോക്‌സ്‌വാഗണ്‍ 2024-ല്‍ കാറുകളേക്കാള്‍ കൂടുതല്‍ വിറ്റഴിച്ചത് മറ്റൊരു ഉല്‍പ്പന്നമാണ്. അത് എന്താണെന്നും ആ ഉല്‍പ്പന്നും എവിടെയെല്ലാം വാങ്ങാന്‍ കിട്ടുമെന്നും നമുക്ക് നോക്കാം.

ഓരോ ദിവസം കഴിയുന്തോറും ഇന്ത്യയിലെ ഇലക്ട്രിക് ഇരുചക്ര വാഹന വിപണിയിലെ കിടമത്സരം വർധിക്കുകയാണ്. ഓല, ഏഥർ പോലുള്ള സ്റ്റാർട്ടപ്പ് ബ്രാൻഡുകളോട് ഏറ്റമുട്ടി രാജ്യത്തെ പ്രമുഖ ബ്രാൻഡുകൾ വിജയം നേടിയതും രസമുള്ളൊരു കാഴ്ച്ചയായിരുന്നു. ബജാജ് ചേതക് ഇവിയുമായി കളംനിറഞ്ഞപ്പോൾ ടിവിഎസ് ഐക്യൂബ് എന്ന സുന്ദരിയുമായാണ് ആളുകളുടെ ഹൃദയത്തിൽ കുടിയേറിയത്. മറുവശത്ത് ഹീറോ മോട്ടോകോർപ്പാവട്ടെ വിഡ V1 ശ്രേണിയുമായി പടപൊരുതി വെന്നിക്കൊടി പാറിക്കുകയും ചെയ്‌തു. അങ്ങനെ മുന്നേറുമ്പോഴാണ് ആക്‌ടിവ ഇവിയും, QC1 ഇവിയുമായി ഹോണ്ട എത്തുന്നത്. പിന്നാലെ അൾട്രാവയലറ്റും കിടുക്കനൊരു മാക്‌സി സ്റ്റൈൽ ഇലക്ട്രിക് സ്കൂട്ടർ പുറത്തിറക്കി ആരവം തീർത്തു.

എതൊരു സെലിബ്രിറ്റികളുടേയും പ്രിയപ്പെട്ട ബ്രാൻഡാണ് മെർസിഡീസ് ബെൻസ്. എൻട്രി ലെവൽ മോഡലുകൾ മുതൽ കോടികൾ വിലയുളള വാഹനങ്ങൾ വരെ സിനിമ ലോകത്ത് സർവ്വസാധാരണമാണ്. അത്തരത്തിലൊരു മോഡലാണ് മെർസിഡീസ് ബെൻസ് ജിഎൽഎസ്. 2020 മുതലാണ് മെർസിഡീസ് ബെൻസ് GLS 400d നിർമിക്കാൻ തുടങ്ങിയത്. പിന്നീട് മൂന്ന് വർഷങ്ങൾക്കിപ്പുറം 2023-ൽ എസ്‌യുവിക്ക് ശ്രദ്ധേയമായ മുഖംമിനുക്കലും ലഭിച്ചിട്ടുണ്ട്. 48V മൈൽഡ് ഹൈബ്രിഡ് (EQ ബൂസ്റ്റ്) സാങ്കേതികവിദ്യയുമായി ജോടിയാക്കിയ ഇൻലൈൻ-6 ടർബോചാർജ്ഡ് ഡീസൽ എഞ്ചിനാണ് വാഹനത്തിന്റെ ഹൃദയം. 9-സ്പീഡ് ഓട്ടോമാറ്റിക് ഗിയർബോക്‌സുമായി ഘടിപ്പിച്ചിരിക്കുന്ന ഓയിൽ ബർണറിന് 330 bhp കരുത്തിൽ പരമാവധി 700 Nm torque വരെ ഉത്പാദിപ്പിക്കാൻ കഴിയും.

ഹൊറര്‍ സിനിമകള്‍ക്ക് എല്ലാ കാലത്തും ഇന്ത്യയില്‍ വലിയ മാര്‍ക്കറ്റുണ്ട്. 2023-ല്‍ തെലുഗു ബോക്‌സ്ഓഫീസില്‍ കോടികള്‍ വാരിയ ഹൊറര്‍ സിനിമയാണ് വിരുപക്ഷ (Virupaksha). കാര്‍ത്തിക് ദണ്ഡു സംവിധാനം ചെയ്ത ചിത്രത്തില്‍ സായ് ധരം തേജിന്റെ നായികയായി മലയാളിയായ സംയുക്ത മേനോനാണ് വേഷമിട്ടത്. ഒരു ഗ്രാമത്തില്‍ നടക്കുന്ന ദുര്‍മരണങ്ങളും അതിന്റെ ചുരുളഴിക്കുന്നതുമാണ് ചിത്രത്തിന്റെ ഇതിവൃത്തം. 'പുഷ്പ' ഫ്രാഞ്ചൈസി ഒരുക്കിയ ടോളിവുഡിലെ സ്റ്റാര്‍ സംവിധായകനായ സുകുമാറിന്‍േറതാണ് ചിത്രത്തിന്റെ തിരക്കഥ. 40 കോടി മുതല്‍ മുടക്കിലെത്തിയ സിനിമ ബോക്‌സ്ഓഫീസില്‍ നിന്ന് 100 കോടിയിലധികം കളക്റ്റ് ചെയ്തിരുന്നു.