555 KM റേഞ്ചുള്ള എംജിയുടെ പുത്തൻ ഇലക്‌ട്രിക് SUV വരുന്നു

ഇവികളിലൂടെ ഇമേജ് തന്നെ മാറ്റിമറിച്ച് ഇന്ത്യക്കാരുടെ പ്രിയപ്പെട്ട വാഹന നിർമാതാക്കളായി മാറിയവരാണ് എംജി മോട്ടോർ (MG Motor). കോമെറ്റ് (Comet EV), വിൻഡ്‌സർ (Windsor EV) എന്നിവയിലൂടെയാണ് കമ്പനി വിസ്‌മയം തീർത്ത് മുന്നേറുന്നത്. രാജ്യത്തെ ആദ്യ സിയുവിയായ വിൻഡ്‌സറിൻ്റെ വിജയത്തിന് ശേഷം സൈബർ‌സ്റ്റർ, എം‌ജി M9 എന്നിങ്ങനെ രണ്ട് ആഡംബര വൈദ്യുത കാറുകളും കൂടി പുറത്തിറക്കി കഴിവ് തെളിയിച്ച ബ്രാൻഡ് ഇനി ഹൈബ്രിഡുകൾ, പുതിയ ICE മോഡലുകൾ എന്നിവയിലൂടെ ഇന്ത്യയിൽ തങ്ങളുടെ മോഡൽ നിര വികസിപ്പിക്കാനുള്ള തന്ത്രങ്ങളും മെനഞ്ഞുകൊണ്ടിരിക്കുകയാണ്.