ഓഫറില്‍ ഇന്ത്യക്കാര്‍ 'വീണു', ഓലയുടെ വമ്പന്‍ തിരിച്ചുവരവ്

ഇന്ത്യന്‍ ഇലക്ട്രിക് ഇരുചക്രവാഹന (Electric Two-Wheeler) വിപണിയില്‍ അവിശ്വസനീയമായ കുതിച്ചുചാട്ടവുമായി ഓല ഇലക്ട്രിക് (Ola Electric) വീണ്ടും കരുത്തറിയിച്ചു. വില്‍പ്പനാനന്തര മേഖലയിലെ വിപ്ലവകരമായ മാറ്റങ്ങളിലൂടെയും ആകര്‍ഷകമായ ഓഫറുകളിലൂടെയും ഉപഭോക്താക്കളുടെ മനം കവര്‍ന്ന ഓല 2026 മാര്‍ച്ചില്‍ മാത്രം രജിസ്‌ട്രേഷനില്‍ 150 ശതമാനത്തിലധികം വളര്‍ച്ചയാണ് രേഖപ്പെടുത്തിയിരിക്കുന്നത്. അടുത്തിടെ മൊത്തം വില്‍പ്പന 10 ലക്ഷം യൂണിറ്റ് നാഴികക്കല്ല് പിന്നിട്ടതിന് പിന്നാലെ ഓല നടത്തിയ വമ്പന്‍ തിരിച്ചുവരവ് വാഹനലോകത്തെ ഒന്നടങ്കം അത്ഭുതപ്പെടുത്തിയിരിക്കുകയാണ്.2026 മാര്‍ച്ച് ഓല ഇലക്ട്രിക്കിനെ സംബന്ധിച്ചിടത്തോളം വലിയ മുന്നേറ്റം നടത്തിയ മാസമായിരുന്നു.