ജീവിതത്തിൽ ഒരുതവണയെങ്കിലും ബൈക്കിൻ്റെ (Bike) പിന്നിലിരുന്ന് യാത്ര ചെയ്യാത്ത മനുഷ്യരുണ്ടാവില്ല അല്ലേ. മിക്കവർക്കും ഓടിക്കാൻ തന്നെയാവും ഇഷ്‌ടമെങ്കിലും കൂട്ടുകാർക്കൊപ്പമോ അല്ലെങ്കിൽ അച്ഛൻ്റേയോ സഹോദരൻ്റെയോ ഒപ്പമാവം നാം പിന്നിലിരുന്ന് യാത്ര ചെയ്‌തിട്ടുണ്ടാവുക അല്ലേ. ശരിക്കും പറഞ്ഞാൽ മനുഷ്യ ജീവിതത്തിൽ മോട്ടോർസൈക്കിളുകൾ വഹിക്കുന്ന പങ്ക് ചെറുതൊന്നുമല്ല. ഇന്ന് എല്ലാ വീടുകളിലും ഒരു ബൈക്കോ (Motorcycle) സ്‌കൂട്ടറോ (Scooter) ഉണ്ടാവും. എന്നാൽ ഇവയിലെ ചില കാര്യങ്ങൾ ഒരിക്കലും നാം ശ്രദ്ധിച്ചിട്ടുണ്ടാവില്ല. മിക്ക ബൈക്കുകളുടേയും ഡിസൈൻ ഒരുപോലെയായിരിക്കും. പ്രത്യേകിച്ച് പില്യൺ സീറ്റിൻ്റെ കാര്യത്തിൽ.

വർഷാവസാനം ആയപ്പോഴേക്കും റോയൽ എൻഫീൽഡ് തങ്ങളുടെ കുറച്ച് മോഡലുകൾ ഇപ്പോൾ അവതരിപ്പിച്ചിരിക്കുകയാണ്. റോയൽ എൻഫീൽഡ് തങ്ങളുടെ ജനപ്രിയ മോഡലായ മീറ്റിയോർ 350-ക്ക് പുതിയ സൺഡൗണർ എഡിഷൻ പുറത്തിറക്കിയിരിക്കുകയാണ്. പ്രത്യേക എഡിഷനായി വരുന്ന ഈ ബൈക്കിന് 2.18 ലക്ഷം രൂപയാണ് എക്സ്-ഷോറൂം വില. സാധാരണ മോഡലിനേക്കാൾ ഏകദേശം 15,000 രൂപ കൂടുതലാണിതെന്നതാണ് ഓർക്കേണ്ട കാര്യം. സൺഡൗണർ എഡിഷൻ നിലവിൽ ഓസ്‌ട്രേലിയൻ വിപണിയിലാണ് അവതരിപ്പിച്ചത്. മീറ്റിയോർ 350-യുടെ ഓസ്‌ട്രേലിയൻ വേരിയന്റുകളിൽ നിലവിൽ ഈ മോഡൽ ലഭ്യമാണ്. ഉടൻ തന്നെ ഇത് മറ്റ് ആഗോള വിപണികളിലും ഇന്ത്യയിലും എത്തുമെന്നാണ് പ്രതീക്ഷിക്കുന്നത്.

സാധാരണക്കാര്‍ക്ക് വാങ്ങാന്‍ മാസ്മാര്‍ക്കറ്റ് കാറുകള്‍ ഏറ്റവും കൂടുതലായി വിപണിയിലെത്തിക്കുന്ന കമ്പനിയാണ് മാരുതി സുസുക്കി. നിലവില്‍ ഇന്ത്യന്‍ വിപണിയില്‍ ലഭ്യമായ ഏറ്റവും കുറഞ്ഞ വിലയിലുള്ള എന്‍ട്രി ലെവല്‍ ഹാച്ച്ബാക്ക് കാറുകളിലൊന്നാണ് മാരുതി സുസുക്കി സെലേറിയോ. ദൈനംദിന ഉപയോഗത്തിന് അനുയോജ്യമായ മൈലേജ്, ഓടിക്കാന്‍ എളുപ്പം, പ്രായോഗിക സവിശേഷതകള്‍, കുറഞ്ഞ പരിപാലനച്ചെലവ് - ഇതെല്ലാം ഒരുമിച്ച് ലഭിക്കുന്ന ഒരു കാര്‍ തേടുന്നവര്‍ക്കുള്ള പറ്റിയ ഓപ്ഷനുകളില്‍ ഒന്നാണ് മാരുതി സുസുക്കി സെലറിയോ. ലോഞ്ച് ചെയ്തതുമുതല്‍ സെലറിയോ ഇന്ത്യയിലെ സിറ്റി ഡ്രൈവര്‍മാരുടെ ഇഷ്ടപ്പെട്ട ഹാച്ച്ബാക്കുകളില്‍ ഒന്നാണ്. എന്നാല്‍, കഴിഞ്ഞ കുറച്ച് മാസങ്ങളായി സെലേറിയോ ഹാച്ചിന്റെ വില്‍പ്പന മന്ദഗതിയിലാണ്.

ടിവിഎസ് ഐക്യൂബ് 700,000 യൂണിറ്റുകളുടെ വിൽപ്പന എന്ന നേട്ടം കൈവരിച്ചിരിക്കുകയാണ്. ആദ്യത്തെ 3 ലക്ഷം ഐക്യൂബുകൾ 52 മാസത്തിനുള്ളിൽ വിറ്റപ്പോൾ, അവസാന 400,000 യൂണിറ്റുകൾ വെറും 17 മാസത്തിനുള്ളിലാണ് പെട്ടെന്ന് വിറ്റുപോയത്. ബജാജ് ചേതക്, ഏഥർ എനർജി എന്നിവയിൽ നിന്നുള്ള വലിയ വെല്ലുവിളികൾ പോലും നിഷ്പ്രയാസം പൊളിച്ചടുക്കു കൊടുക്കാൻ സാധിച്ചു എന്നതിൻ്റെ തെളിവാണ് ഇത്. 2020 ജനുവരിയിൽ വിപണിയിലെത്തിയതു മുതൽ മൊത്ത വിൽപ്പന 718,824 യൂണിറ്റായിരുന്നു. ടിവിഎസ് വിദേശ വിപണികളിലേക്ക് 4,045 ഐക്യൂബുകൾ കയറ്റുമതി ചെയ്തിട്ടുണ്ട്. 2020 സാമ്പത്തിക വർഷം മുതൽ 2025 സെപ്റ്റംബർ വരെയുള്ള മൊത്തം ഐക്യൂബ് ഉൽപ്പാദനം 724,561 യൂണിറ്റുകളാണ്.

ഇന്ത്യൻ വാഹന വിപണിയിൽ പ്രത്യേക സ്ഥാനമുള്ള വാഹന നിർമാതാക്കളാണ് റെനോ. അങ്ങ് ഫ്രാൻസിൽ നിന്നും ഏറെക്കാലം മുമ്പേ നമ്മുടെ നാട്ടിലെത്തിയ കമ്പനി ക്വിഡും ഡസ്റ്ററും സമ്മാനിച്ച് ജനസമ്മതരായവരാണ്. കിയയും എംജിയും പോലുള്ള വമ്പൻമാർ എത്തുന്നതിന് മുമ്പേ സാധാരണക്കാർക്കായി കാറുകൾ പുറത്തിറക്കുന്നതിൽ തങ്ങളുടെ മിടുക്ക് കാണിച്ചു തന്ന ബ്രാൻഡിൻ്റെ സ്ഥാനം പക്ഷേ ഇപ്പോൾ പല കമ്പനികൾക്കും പിന്നിലാണ്. കൃത്യമായ ഇടവേളകളിൽ വാഹന നിരയെ പരിഷ്ക്കാരിക്കാതിരുന്നതാണ് റെനോയുടെ പരിതാപകരമായ അവസ്ഥയ്ക്ക് കാരണമായിരിക്കുന്നത്. അൽപം വൈകിയാണെങ്കിലും അടുത്തിടെ ട്രൈബർ, കൈഗർ, ക്വിഡ് എന്നീ മൂവർ സംഘത്തെ പുതുക്കിപ്പണിത് റെനോ അവതരിപ്പിച്ചിരുന്നു.

സെര്‍ബിയന്‍ നര്‍ത്തകിയും മോഡലും അഭിനേത്രിയുമായ നടാഷ സ്റ്റാന്‍കോവിച് (Nataša Stanković) തന്റെ വ്യക്തി ജീവിതത്തിലെ ചില സംഭവവികാസങ്ങള്‍ കാരണം കഴിഞ്ഞ കുറച്ച് നാളായി വാര്‍ത്തകളില്‍ നിറഞ്ഞ് നില്‍ക്കുകയാണ്. ഇന്ത്യന്‍ ക്രിക്കറ്റ് താരമായ ഹര്‍ദിക് പാണ്ഡ്യയുടെ മുന്‍ ഭാര്യയെന്ന നിലയിലാണ് കൂടുതല്‍ പേര്‍ക്കും നടാഷയെ പരിചയം. 2020 മെയ് മാസത്തില്‍ വിവാഹതരായ നടാഷക്കും ഹാര്‍ദിക്കിനും അഗസ്ത്യ എന്ന മകനുണ്ട്. 2024 പകുതിയോടെ ശക്തമായ അഭ്യൂഹങ്ങള്‍ക്കൊടുവില്‍ വേര്‍പിരിയല്‍ സ്ഥിരീകരിച്ചുകൊണ്ട് ഇരുവരും സംയുക്ത പ്രസ്താവന പുറത്തിറക്കി. ഇന്ത്യന്‍ ക്രിക്കറ്റ് താരവുമായുള്ള വിവാഹമോചനത്തിന് ശേഷം നടാഷയുടെ ഓരോ ചലനങ്ങളും പാപ്പരാസികളുടെ നിരീക്ഷണത്തിന് കീഴിയിലായിരുന്നു.

ഫോർച്യൂണർ എന്ന എസ്‌യുവിക്ക് ഇന്ത്യക്കാർക്കിടയിലുള്ള സ്വീകാര്യത ഒന്ന് വേറെ തന്നെയാണ്. ഡി-സെഗ്മെൻ്റ് സ്പോർട് യൂട്ടിലിറ്റി വാഹന വിഭാഗത്തിലെ കിരീടം കാലങ്ങളായി ഒരേ വണ്ടിക്ക് സ്വന്തമാവണണെങ്കിൽ അതിൻ്റെ റേഞ്ച് തന്നെ ഊഹിക്കാവുന്നതല്ലേയുള്ളൂ. 2009-ൽ ആദ്യമായി പുറത്തിറക്കിയ ഫോർച്യൂണർ പല വണ്ടിഭ്രാന്തൻമാരുടേയും ഡ്രീം കാറാണ്. കഴിഞ്ഞ 16 വർഷത്തിനിടെ കാര്യമായ മാറ്റങ്ങളൊന്നും ലഭിക്കാഞ്ഞിട്ട് പോലും ഇന്ത്യക്കാർ ടൊയോട്ടയുടെ എസ്‌യുവിയെ നെഞ്ചോട് ചേർത്തുപിടിച്ചിരിക്കുകയാണ്. സെക്കൻഡ് ഹാൻഡ് വിപണിയിൽ ഏറ്റവും ഡിമാന്റും റീസെയിൽ വാല്യുവുമുള്ള ഫോർച്യൂണറിന് പകരം വെക്കാൻ മറ്റൊരു മോഡൽ ഇല്ലെന്ന് പറഞ്ഞാലും തെറ്റൊന്നുമില്ല.

ഫോക്സ്‌വാഗണൺ ഗ്രൂപ്പിന്റെ ഇന്ത്യൻ ഉപസ്ഥാപനമായ സ്കോഡ ഓട്ടോ ഫോക്സ്‌വാഗണൺ ഇന്ത്യ, രാജ്യത്ത് 20 ലക്ഷം വാഹനങ്ങൾ എന്ന റെക്കോർഡ് നേട്ടം കൈവരിച്ചിരിക്കുകയാണ്. രാജ്യത്ത് തങ്ങളുടെ സേവനം ആരംഭിച്ചിട്ട് 25 വർഷമാകുമ്പോഴാണ് ഈ നേട്ടം സ്വന്തമാക്കുന്നത്. വിപണിയിൽ തങ്ങളുടെ മാസ്-മാർക്കറ്റ്, പ്രീമിയം ബ്രാൻഡുകൾക്ക് വലിയ ഡിമാൻഡ് ഉള്ള സമയത്താണ് ഈ നേട്ടമെന്നത് കമ്പനിയെ സംബന്ധിച്ച് വലിയ സന്തോഷം ഉളവാക്കുന്ന കാര്യം തന്നെയാണ്. ഇന്ത്യയിൽ വികസിപ്പിച്ച MQB-A0-IN പ്ലാറ്റ്‌ഫോമിൽ നിർമ്മിച്ച അഞ്ച് ലക്ഷത്തിലധികം യൂണിറ്റുകളും ഈ കണക്കിൽ ഉൾപ്പെടുത്തിയിട്ടുണ്ട്. കൂടുതൽ വിവരങ്ങൾ അറിയാൻ തുടർന്ന് വായിക്കാൻ മറക്കരുതേ.

ഇന്ത്യയിലെ മുന്‍നിര സ്പോര്‍ട് യൂടിലിറ്റി വാഹന നിര്‍മാതാക്കളായ മഹീന്ദ്രയുടെ ബെസ്റ്റ് സെല്ലര്‍ മോഡലുകളില്‍ ഒന്നാണ് സ്‌കോര്‍പിയോ. വിപണിയില്‍ എത്തി വര്‍ഷങ്ങള്‍ ഏറെയായിട്ടും സ്‌കോര്‍പിയോ വാങ്ങാനായി ഇപ്പോഴും ആയിരങ്ങളാണ് ഓരോ മാസവും മഹീന്ദ്ര ഷോറൂമില്‍ എത്തുന്നത്. കഴിഞ്ഞ കുറച്ച് മാസങ്ങളായി ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെടുന്ന ടോപ് 10 കാറുകളുടെ പട്ടികയില്‍ മുന്‍പന്തിയിലാണ് സ്‌കോര്‍പിയോയുടെ സ്ഥാനം. ഈ വര്‍ഷം ജനുവരി മുതല്‍ ഒക്ടോബര്‍ വരെയുള്ള 10 മാസക്കാലയളവില്‍ ഇത് കമ്പനിയുടെ ഒന്നാം നമ്പര്‍ മോഡലായി മാറി. രണ്ടാം സ്ഥാനത്തുള്ള മോഡല്‍ സ്‌കോര്‍പിയോയുടെ ഏഴയലത്ത് പോലും എത്തിയിട്ടില്ല എന്നത് ഈ മോഡലിന്റെ ജനപ്രീതി വിളിച്ചോതുന്നു.

ഇന്ത്യൻ ഓട്ടോമൊബൈൽ രംഗത്ത് ഏറ്റവും ശക്തമായ സാന്നിധ്യമുള്ള ബ്രാൻഡുകളിൽ ഒന്നാണ് മഹീന്ദ്ര. പുതിയ ഡിസൈൻ ഭാഷ, ഹൈബ്രിഡ്-ഇലക്ട്രിക് ടെക്‌നോളജികൾ എന്നിവക്കൊണ്ടാണ് ഈ കമ്പനി വർഷങ്ങളായി ഇന്ത്യയിലെ എസ്‌യുവി വിപണിയെ നയിച്ചുകൊണ്ടിരിക്കുന്നത്. ബൊലേറോ മുതൽ സ്കോർപിയോയും ഥാറും വരെ, ഓരോ മോഡലും ഇന്ത്യൻ ഉപഭോക്താവിന്റെ ജീവിതശൈലിയെയും മുൻഗണകളെയും മനസിലാക്കി രൂപകൽപ്പന ചെയ്‌തവയാണ്. അത്തരത്തിൽ ഏറെ പ്രതീക്ഷയോടെ കാത്തിരിക്കുന്ന പുതിയ മോഡൽ ആണ് മഹീന്ദ്ര വിഷൻ എസ് കോംപാക്ട് എസ്‌യുവി. പുതിയതായി പുറത്തുവന്ന പരീക്ഷണ ചിത്രങ്ങൾ പ്രകാരം മോഡൽ ഇപ്പോള്‍ പ്രൊഡക്ഷൻ ഘട്ടത്തിലേക്ക് മുന്നേറുന്നതിന്റെ തെളിവുകളാണ് വ്യക്തമാകുന്നത്.

ഇലക്‌ട്രിക് സ്‌കൂട്ടറുകളുടെ മുഖഛായ തന്നെ മാറിക്കഴിഞ്ഞു. പണ്ട് സ്റ്റാർട്ടപ്പ് ബ്രാൻഡുകളായ ഓലയും ഏഥറുമെല്ലാം വിരാജിച്ചിരുന്ന വിഭാഗം ഇപ്പോൾ ബജാജ്, ടിവിഎസ്, ഹീറോ മോട്ടോകോർപ് തുടങ്ങിയ വമ്പൻമാരുടെ കൈകളിലാണ്. ഇതിനിടയ്ക്ക് ആക്‌ടിവ ഇവിയുമായി ഹോണ്ട കളത്തിലെത്തിയെങ്കിലും ഉയർന്ന വിലയും കുറഞ്ഞ റേഞ്ചും കാരണം ശോഭിക്കാനാവാതെ പോയി. ഒപ്പം കേരളം പോലുള്ള വിപണികളിൽ മോഡൽ വിപണനത്തിന് എത്തിക്കാതിരുന്നതും വലിയ തിരിച്ചടിയായിരുന്നു. അടുത്തത് യമഹയുടെ ഊഴമാണെന്ന് കമ്പനി വ്യക്തമാക്കി കഴിഞ്ഞു. അങ്ങനെ ഒരിടവേളയ്ക്ക് ശേഷം വൈദ്യുത സ്‌കൂട്ടർ വിപണി വീണ്ടും ഉണരുകയാണ്.

കൊവിഡ് കാലത്ത് നിരവധി പേർ സോഷ്യൽ മീഡിയയിൽ വളരെ സജീവമായി വീഡിയോകൾ ചെയ്തു തുടങ്ങിയവർ ഇന്ന് പ്രശസ്തിയിൽ എത്തി നിൽക്കുകയാണ്. അഖിൽ nrd എന്ന പേജ് തുടങ്ങി ചെറിയ ചെറിയ തമാശ വീഡിയോകൾ അപ്‌ലോഡ് ചെയ്ത് തുടങ്ങിയ ചാനലിന് ഇന്ന് ലക്ഷകണക്കിന് ഫോളോവേഴ്സ് ഉണ്ട്. വളരെ തന്മയത്വത്തോടേയും രസകരവുമായി വീഡിയോകൾ ചെയ്യുന്നതിൽ അഖിലിന് പ്രത്യേക കഴിവാണ്. വിവാഹത്തിന് ശേഷം ഭാര്യ മേഖയും അഖിലിനൊപ്പം കട്ട സപ്പോർട്ടായി കൂടെയുണ്ട്. ഇപ്പോഴിതാ തങ്ങളുടെ യാത്രകൾക്ക് കൂട്ടായി ഇപ്പോൾ ടൊയോട്ടയുടെ കരുത്തൻ എസ്‌യുവിയെ കൂടെ കൂട്ടിയിരിക്കുകയാണ്. മേഖയാണ് സോഷ്യൽ മീഡിയയിലൂടെ ഡെലിവറി ചിത്രങ്ങൾ പങ്കുവച്ചിരിക്കുന്നത്.

എക്‌സ്‌ഹോസ്റ്റ് നോട്ട് കൊണ്ട് തലമുറകളുടെ ഹൃദയം കീഴടക്കിയ റോയല്‍ എന്‍ഫീല്‍ഡ് എന്ന ഐതിഹാസിക ബ്രാന്‍ഡും കാലത്തിന്റെ അനിവാര്യതയുടെ ഭാഗമായി ഇലക്ട്രിക്ക് ആകാന്‍ പോകുകയാണ്. ഗോവയില്‍ പുരോഗമിച്ച് കൊണ്ടിരിക്കുന്ന മോട്ടോവേഴ്‌സ് 2025 ഇവന്റില്‍ വെച്ച് റോയല്‍ എന്‍ഫീല്‍ഡ് തങ്ങളുടെ പുതിയ മോഡലുകളും ഭാവി മോഡലുകളും പ്രദര്‍ശിപ്പിച്ചിട്ടുണ്ട്. അക്കൂട്ടത്തില്‍ മിലാനില്‍ നടന്ന EICMA 2025-ല്‍ ഏറെ ശ്രദ്ധപിടിച്ചുപറ്റിയ ഫ്ലയിംഗ് ഫ്ലീ FF.S6 ഇലക്ട്രിക് മോട്ടോര്‍സൈക്കിളുമുണ്ടായിരുന്നു. രണ്ടാം ലോക യുദ്ധത്തില്‍ ഉപയോഗിച്ച ലൈറ്റ് മിലിട്ടറി ബൈക്കിന്റെ പേരിലുള്ള ഈ ബൈക്ക് റോയല്‍ എന്‍ഫീല്‍ഡിന്റെ ഫ്ലയിംഗ് ഫ്ലീ സീരീസിലെ രണ്ടാമത്തെ മോഡലാണ്. അതിനെ കുറിച്ച് വിശദമായി വായിക്കാം.

ടൊയോട്ടയെന്ന ബ്രാൻഡിനോട് ഏവർക്കും വല്ലാത്തൊരു സ്നേഹമാണ്. എത്ര ലക്ഷം കിലോമീറ്റർ വേണമെങ്കിലും തകരാർ ഒന്നുമില്ലാതെ ഓടുന്ന എഞ്ചിനും കുറഞ്ഞ മെയിൻ്റനെൻസും നല്ല സർവീസും എല്ലാം കൂടിയാവുമ്പോൾ ആളുകൾക്ക് എങ്ങനെ ഈ ജാപ്പനീസ് വാഹന നിർമാതാക്കളെ സ്നേഹിക്കാതിരിക്കും അല്ലേ. എന്നാൽ ഇന്ത്യയിലെ ഏറ്റവും വലിയ വാഹന നിർമാതാക്കളായ മാരുതി സുസുക്കിയുമായി കൂട്ടുകൂടിയതിൽ പലർക്കും നിരാശയുണ്ടായിരുന്നു. എന്നാൽ ഈ ബന്ധത്തിലൂടെ പണംവാരുകയാണ് ടൊയോട്ട. ബലേനോ ഗ്ലാൻസയാക്കിയും എർട്ടിഗ റൂമിയോണാക്കിയും ബ്രാൻഡ് സാധാരണക്കാരിലേക്ക് അടുത്തു. വലിയ ചിലവൊന്നുമില്ലാതെ ഇങ്ങനെ ശോഭിക്കാൻ ടൊയോട്ടക്കായതിൽ അത്ഭുതപ്പെടാൻ ഒന്നുമില്ല.

മികച്ച പെര്‍ഫോമന്‍സിന്റെയും എഞ്ചിനീയറിംഗ് മേന്‍മയുടെയും സമ്പൂര്‍ണ സംഗമം എന്ന് വിശേഷിപ്പിക്കാവുന്ന ഒരു ബ്രാന്‍ഡാണ് പോര്‍ഷ. ഇതിന്റെ ഏറ്റവും വലിയ ഉദാഹരണമാണ് ലോകത്തിലെ മികച്ച സ്‌പോര്‍ട്‌സ് കാറുകളില്‍ ഒന്നായ 911 എന്ന മോഡല്‍. തുടര്‍ന്ന് കയെന്‍, പനമേര, മകാന്‍ തുടങ്ങിയ മോഡലുകളിലൂടെ പോര്‍ഷ എസ്‌യുവി, സെഡാന്‍ സെഗ്മെന്റുകളിലേക്ക് കടന്ന് അവിടെയും മികവ് തെളിയിച്ചു. ഇപ്പോള്‍ കയെന്‍ ഇലക്ട്രിക് എന്ന പുതിയ മോഡലിലൂടെ തങ്ങളുടെ ഇവി സാന്നിധ്യം കൂടുതല്‍ ശക്തമാക്കുകയാണ് കമ്പനി. 2026-ന്റെ പകുതിയില്‍ ഡെലിവറികള്‍ തുടങ്ങുമെന്ന് പ്രതീക്ഷിക്കുന്ന കയെനിന്റെ ബുക്കിംഗ് ആരംഭിച്ചിട്ടുണ്ട്.

രാജ്യത്തെ മുൻനിര ഇലക്ട്രിക് ഇരുചക്ര വാഹന നിർമ്മാതാക്കളായ ഏഥർ എനർജി ലിമിറ്റഡ്, കൊളംബോ മോട്ടോർ ഷോ 2025 ൽ ശ്രീലങ്കയിൽ റിസ്ത പുറത്തിറക്കുന്നതായി പ്രഖ്യാപിച്ചിരിക്കുകയാണ്. ശ്രീലങ്കയിലെ ഏഥറിന്റെ അംഗീകൃത വിതരണക്കാരായ ഇവല്യൂഷൻ ഓട്ടോ പ്രൈവറ്റ് ലിമിറ്റഡുമായി സഹകരിച്ചുള്ള ഈ ലോഞ്ച്, ബ്രാൻഡിൻ്റെ പോർട്ട്ഫോളിയോ വികസിപ്പിക്കുന്നതിലും അത് പോലെ തന്നെ പ്രധാന അന്താരാഷ്ട്ര വിപണികളിൽ തങ്ങളുടെ സാന്നിധ്യം ശക്തിപ്പെടുത്തുന്നതിലുമുളള പ്രധാന ചുവടുവയ്പ്പായി കരുതാം. ഏഥർ 450X ഉപയോഗിച്ച് 2024 ഡിസംബറിൽ ശ്രീലങ്കയിൽ പ്രവേശിച്ച ഏഥർ, ഇന്നുവരെ ഇവല്യൂഷൻ ഓട്ടോ പ്രൈവറ്റ് ലിമിറ്റഡ് നടത്തുന്ന 40 എക്സ്പീരിയൻസ് സെന്ററുകളുമുണ്ട്.

കഴിഞ്ഞ വര്‍ഷം നവംബറില്‍ പുറത്തിറക്കിയ മഹീന്ദ്ര BE6 ഇപ്പോള്‍ ഇന്ത്യയില്‍ ഹോട്ട് സെല്ലിംഗ് ഇലക്ട്രിക് എസ്‌യുവികളില്‍ ഒന്നാണ്. വെറും ഏഴ് മാസത്തിനുള്ളില്‍ കമ്പനി BE 6, XEV 9e ഇലക്ട്രിക് എസ്യുവികളുടെ 30000 യൂണിറ്റുകളാണ് മഹീന്ദ്ര വിറ്റഴിച്ചത്. കുറഞ്ഞ വിലയില്‍ പ്രീമിയം സവിശേഷതകള്‍ വാഗ്ദാനം ചെയ്ത് ആഡംബര കാറിന്റെ ഫീല്‍ സമ്മാനിക്കുന്ന ഈ കാര്‍ സാധാരണക്കാര്‍ക്കൊപ്പം നിരവധി സെലിബ്രിറ്റികളും പ്രമുഖരും സ്വന്തമാക്കിയിട്ടുണ്ട്. ഇപ്പോള്‍ തങ്ങളുടെ പത്താം വിവാഹ വാര്‍ഷികത്തിന് ഭാര്യക്ക് ഈ കാര്‍ സമ്മാനിച്ചിരിക്കുകയാണ് മലയാളികള്‍ക്ക് സുപരിചിതനായ ഒരു തമിഴ് നടന്‍. അത് ആരാണെന്ന് തുടര്‍ന്ന് വായിക്കാം.

ഇന്ത്യക്കാരുടെ പ്രിയപ്പെട്ട ഹാച്ച്ബാക്കുകളിൽ ഒന്നായിരുന്നു ഹ്യുണ്ടായി i10. മാരുതി വേണ്ടെന്ന് പറഞ്ഞ് വാശിപിടിച്ചിരുന്നവരെല്ലാം നേരെ ഓടിപ്പോയി വാങ്ങുന്നത് കൊറിയൻ ബ്രാൻഡിൻ്റെ ഈ പ്രിയങ്കരനെയായിരുന്നു. എസ്‌യുവികളുടെ കടന്നുകയറ്റത്തോടെയാണ് കാറിൻ്റെ വിൽപ്പനയിൽ വലിയ കുറവ് വന്നത്. ഡീസൽ, പെട്രോൾ എഞ്ചിൻ ഓപ്ഷനും താങ്ങാനാവുന്ന വിലയും നല്ല ഇൻ്റീരിയറും എല്ലാമായി മിഡിൽ ക്ലാസുകാരെ ആകർഷിക്കാൻ i10 മോഡൽ വലിയ വിജയമായിരുന്നു. മാരുതി സ്വിഫ്റ്റ്, വാഗൺആർ പോലുള്ള വമ്പൻമാരോട് പോരാടിയാണ് ഹ്യുണ്ടായിയുടെ ഹാച്ച്ബാക്ക് അഡ്രസുണ്ടാക്കിയെടുത്തത്. ഇന്ന് പല പെട്രോൾ കാറിൽ നിന്നും അന്യം നിന്ന് പോവുന്ന ഫോർ സിലിണ്ടർ എഞ്ചിൻ വരെ ഇപ്പോഴും i10-ലുണ്ട്.

റോയൽ എൻഫീൽഡ് തങ്ങളുടെ പുതിയ ബുള്ളറ്റ് 650 മോട്ടോവേർസ് 2025-ൽ അവതരിപ്പിച്ചിരിക്കുകയാണ്. ഇറ്റലിയിലെ മിലാനിൽ നടന്ന EICMA 2025-ന് ശേഷം ഏതാനും ആഴ്ചകൾക്ക് ശേഷമാണ് ഈ 650 സിസി ബൈക്ക് ഇന്ത്യയിലെത്തിയിരിക്കുന്നത്. പുതിയ റോയൽ എൻഫീൽഡ് ബുള്ളറ്റ് 650-ൽ ഉപയോഗിച്ചിരിക്കുന്നത് 648 സിസി എയർ ഓയിൽ-കൂൾഡ് പാരലൽ-ട്വിൻ എഞ്ചിനാണ്. റോയൽ എൻഫീൽഡിന്റെ മറ്റ് ട്വിൻ മോഡലുകളിലും ഇതേ എഞ്ചിൻ തന്നെയാണ് ഉപയോഗിക്കുന്നത്. ഈ എഞ്ചിൻ 47 PS കരുത്തും 52.3 Nm ടോർക്കും ഉത്പാദിപ്പിക്കുന്നു. ആറ് സ്പീഡ് ഗിയർബോക്സും സ്ലിപ്പ്-ആൻഡ്-അസിസ്റ്റ് ക്ലച്ച് സിസ്റ്റവുമാണ് ഇതിലുള്ളത്.

റോയല്‍ എന്‍ഫീല്‍ഡ് ആരാധകരുടെ വാര്‍ഷിക സംഗമമായ മോട്ടോവേഴ്സിന് ഗോവയില്‍ തിരശ്ശീല ഉയര്‍ന്നിരിക്കുകയാണ്. ഏതാനും ആഴ്ചകള്‍ക്ക് മുമ്പ് മിലാനില്‍ നടന്ന 2025 EICMA ഷോയില്‍ വെച്ച് കമ്പനി അവതരിപ്പിച്ച പല മോഡലുകളുടെയും വില പ്രഖ്യാപനം ഗോവയില്‍ നടക്കും. ആദ്യ ദിവസമായ വെള്ളിയാഴ്ച (21 നവംബര്‍ 2025) റോയല്‍ എന്‍ഫീല്‍ഡ് തങ്ങളുടെ ഹിമാലയന്‍ ശ്രേണിയില്‍ പുതിയ മനാ ബ്ലാക്ക് എഡിഷന്‍ (Royal Enfield Himalayan Mana Black Edition) അവതരിപ്പിച്ചു. ഇന്ത്യ-ചൈന അതിര്‍ത്തിക്ക് സമീപമുള്ള മനാ പാസില്‍ നിന്ന് പ്രചോദനം ഉള്‍ക്കൊണ്ടാണ് ഈ മോഡല്‍ രൂപകല്‍പ്പന ചെയ്തിരിക്കുന്നത്. മോട്ടോര്‍സൈക്കിളിനെ കുറിച്ച് വിശദമായി ചുവടെ വായിക്കാം.

ദുബായിൽ വ്യോമാഭ്യാസപ്രകടനത്തിനിടെ ഇന്ന് ഇന്ത്യൻ എയർഫോഴ്സിൻ്റെ ഫൈറ്റർ ജെറ്റായ തേജസ് തകർന്നുവീണതും പൈലറ്റ് വീരമൃത്യു വരിച്ചതും എല്ലാവരേയും നടുക്കിയ സംഭവമായിരുന്നു. നവംബർ 17-ന് ആരംഭിച്ച എയർഷോയിൽ ഒറ്റയ്ക്കുള്ള പ്രകടനം നടത്തുകയായിരുന്നു ഇന്ത്യയുടെ അഭിമാന യുദ്ധവിമാനമായ തേജസ്. ഹിന്ദുസ്ഥാൻ എയറോനോട്ടിക്സ് ലിമിറ്റഡ്(HAL) നിർമിച്ച തേജസ് ജെറ്റ്, ദുബായ് എയർ ഷോയിൽ സ്ഥിരമായി പങ്കെടുക്കാറുള്ളതാണ്. ഒരു രാജ്യത്തിൻ്റെ ഫൈറ്റർ ജെറ്റ് മറ്റൊരു രാജ്യത്ത് വച്ചോ അല്ലാതെയോ തകർന്നു വീണാലുള്ള അനന്തരനടപടികൾ എന്തൊക്കെയാണ് എന്നാണ് ഈ ലേഖനത്തിലൂടെ വിശദമായി പങ്കുവയ്ക്കുന്നത്. കൂടുതൽ അറിയാൻ തുടർന്ന് വായിക്കാൻ മറക്കരുതേ.

ഇന്ത്യയിലെ സബ്-4 മീറ്റർ എസ്‌യുവി സെഗ്മെൻ്റിൽ ഫീച്ചറുകൾക്കൊണ്ടും ലുക്ക് കൊണ്ടും തരംഗമായി മാറിയ മോഡലാണ് കിയ സോനെറ്റ്. മാരുതി സുസുക്കി ബ്രെസ, ടാറ്റ നെക്സോൺ തുടങ്ങിയ വമ്പൻമാർ അരങ്ങുവാഴുന്ന വിഭാഗത്തിലെത്തി ഹിറ്റടിക്കാൻ ചെറിയ റേഞ്ച് ഒന്നും മതിയാവില്ലെന്ന് അറിയാമല്ലോ. മിക്കവർക്കും കൊറിയൻ ബ്രാൻഡിന്റെ കോംപാക്‌ട് എസ്‌യുവിയായ സോനെറ്റിനെ ഭയങ്കര കാര്യമാണ്. ഒതുക്കമുള്ള രൂപവും കുറഞ്ഞ വിലയുമെല്ലാമാണ് മോഡലിലേക്ക് പ്രധാനമായും ആകർഷിക്കുന്നത്. അടുത്തിടെ ജിഎസ്‌ടി കുറച്ചതോടെ 69,700 രൂപ മുതൽ 1.64 ലക്ഷം രൂപ വരെ വില കുറയുകയും ചെയ്‌തിരുന്നു. കൂട്ടിന് ഉത്സവ സീസൺ കൂടിയെത്തിയതോടെ സംഗതി ഉഷാറായി.

ഇന്ത്യന്‍ ഇലക്ട്രിക് ഇരുചക്രവാഹന വിപണി വലിയ മാറ്റങ്ങള്‍ക്കാണ് സമീപകാലത്ത് സാക്ഷ്യം വഹിച്ച് കൊണ്ടിരിക്കുന്നത്. സ്റ്റാര്‍ട്ടപ്പ് ബ്രാന്‍ഡുകളെ പിന്തള്ളി ടിവിഎസ് മോട്ടോര്‍, ബജാജ് ഓട്ടോ എന്നീ പരമ്പരാഗത ബ്രാന്‍ഡുകള്‍ സെഗ്‌മെന്റ് കൈയ്യടക്കി. ഇവരെ കൂടാതെ മറ്റ് പല വമ്പന്‍മാരും ഇവി വിപണിയിലേക്ക് കായെടുത്ത് വെക്കുകയോ അല്ലെങ്കില്‍ എന്‍ട്രിക്കായി കാത്തിരിക്കുകയോ ആണ്. ചില കമ്പനികള്‍ മികച്ച വില്‍പ്പനയുമായി മുന്നേറുമ്പോള്‍ ചില പ്രമുഖര്‍ക്ക് തിരിച്ചടിക നേരിടേണ്ടി വന്നു. അത്തരത്തിലൊരു തിരിച്ചടിയാണ് ഹോണ്ടയ്ക്കും ഉണ്ടായത്. അതിനെ തുടര്‍ന്ന് വലിയ ചലനങ്ങള്‍ മാര്‍ക്കറ്റില്‍ സംഭവിച്ചിരിക്കുകയാണ്.

നിലവിലെ ഇന്ത്യൻ വാഹന വിപണിയിൽ ഓരോ മാസവും ഫീച്ചറുകളും അപ്‌ഡേറ്റുകളുമായി പുതിയ മോഡലുകൾ പ്രത്യക്ഷപ്പെട്ടുക്കൊണ്ടിരിക്കുകയാണ്. ഇതിൽ നിന്ന് ബുദ്ധിപൂർവ്വം ഒരു കാർ തിരെഞ്ഞെടുക്കുക എന്നത് പഴയകാലത്തേതുപോലെ അത്ര എളുപ്പമുള്ള കാര്യമല്ല. പുതിയ ഒരു എസ്‌യുവി വാങ്ങുന്നത് ഒരു വാഹനം വാങ്ങുക എന്നതിലുപരി അത് ഫാമിലിക്ക് യോജിക്കുമോ, പരിപാലിക്കാൻ എളുപ്പമാണോ, ഒപ്പം മോഡേൺ ടെക്നോളജിയും സേഫ്റ്റിയും കരുത്തുറ്റതാണോ എന്നതെല്ലാം ആളുകൾ ഗൗരവമായി നോക്കുന്ന കാര്യങ്ങളാണ്. ഇങ്ങനെയുള്ള വിഷമഘട്ടത്തിൽ രണ്ട് പേരുകളാണ് മനസിലേക്ക് വരിക.മാരുതി സുസുക്കി വിക്ടോറിസും ടാറ്റ സിയറയും.

ഇന്ന് വരും നാളെ വരുമെന്ന് കരുതി ഏറെ നാളത്തെ കാത്തിരിപ്പിന് വിരാമമിട്ട് കൊണ്ട് ടാറ്റ സിയറയുടെ പ്രൊഡക്ഷൻ പതിപ് ഈ മാസം 15-ന് അവതരിപ്പിച്ചപ്പോൾ എല്ലാ വണ്ടിപ്രാന്തൻമാർക്കും സന്തോഷം അടക്കാൻ സാധിച്ചില്ല. ഓരോ ദിവസവും പുതിയ പുതിയ ടീസറുകൾ പുറത്ത് വിട്ട് കൊതിപ്പിക്കുകയായിരുന്നു. ഇപ്പോഴിതാ ഇൻ്റീരിയറിൻ്റെ ഭംഗി വിളിച്ചോതുന്ന കിടിലൻ ടീസർ പുറത്ത് വിട്ടിരിക്കുകയാണ് ടാറ്റ മോട്ടോർസ്. ഇൻ്റീരിയറിലെ ഫീച്ചറുകളിൽ എല്ലാവരുടേയും ശ്രദ്ധ പോയത് ഹെഡ് അപ്പ് ഡിസ്പ്ലേയിലേക്കാണ്. മൂന്ന് സ്ക്രീൻ എന്ന് കേട്ടപ്പോൾ തന്നെ എതിരാളികളുടെ കണ്ണുത്തളളിയതാണ്. വിശദാംശങ്ങൾ അറിയാൻ തുടർന്ന് വായിക്കാൻ മറക്കരുതേ.