ഇന്ത്യയിലെ മിഡ്-സൈസ് എസ്‌യുവി സെഗ്മെന്റിൽ ഹ്യുണ്ടായി ക്രെറ്റയുടെ ആധിപത്യം തകർക്കാനായി മാരുതി സുസുക്കി പണിതിറക്കിയ മോഡലാണ് ഗ്രാൻഡ് വിറ്റാര. ടൊയോട്ടയുമായുള്ള പങ്കാളിത്തത്തിന്റെ ഭാഗമായി രൂപംകൊണ്ട മോഡൽ ശരിക്കും വലിയ വിജയം തന്നെയാണ് നേടിയത്. അതിന്റെ പ്രധാന കാരണം ഉയർന്ന മൈലേജ് തന്നെയാണെന്ന് പറയാം. സ്ട്രോംഗ് ഹൈബ്രിഡ് പെട്രോൾ എഞ്ചിൻ ഈ വിഭാഗത്തിലേക്ക് കൊണ്ടുവന്ന ആദ്യ മോഡൽ വിപ്ലവം തന്നെയാണ് സൃഷ്ടിച്ചത്. നല്ല പ്രായോഗികതയും സ്പേസുമുള്ള എസ്‌യുവിയിൽ 5 പേർക്ക് സുഖമായി എവിടെയും പോവാം. അടിക്കടി ഗ്രാൻഡ് വിറ്റാരയിലേക്ക് നവീകരണങ്ങൾ കൊണ്ടുവരുന്നത് മാരുതിയുടെ ഹോബിയാണ്.

എസ്‌യുവികളുടെ വരവോടെ പണ്ടത്തെ പ്രതാപമെല്ലാം നഷ്‌ടപ്പെട്ട് ക്ഷയിച്ചിരിക്കുന്ന ഇല്ലക്കാരാണ് സെഡാനുകളുടേത്. യാത്രാ സുഖവും സ്പേസും എല്ലാം കൊണ്ട് ഒരുകാലത്ത് ഇന്ത്യക്കാരുടെ സ്വപ്‌ന വാഹനങ്ങളായിരുന്നു ത്രീ-ബോക്‌സ് ടൈപ്പ് മോഡലുകൾ. അക്കൂട്ടത്തിൽ ഏറ്റവും ജനകീയൻമാരിൽ ഒരാളാണ് ഹോണ്ട സിറ്റി. കൃത്യമായ തലമുറ മാറ്റങ്ങളിലൂടെ ഇന്നും വിപണിയിൽ പിടിച്ചുനിൽക്കുന്ന സിറ്റി എത്രകാലം ഇവിടെ ഇനിയും ഉണ്ടാവുമെന്ന കാര്യം വ്യക്തമല്ല. കാരണം 2025 ജൂലൈ മാസത്തെ വിൽപ്പന കണക്കുകൾ തന്നെയാണ്. കഴിഞ്ഞ മാസം മൊത്തത്തിൽ 4,050 കാറുകളുടെ വിൽപ്പനയായിരുന്നു ജാപ്പനീസ് ബ്രാൻഡിന്റെ സമ്പാദ്യം.

ഒരു പുതിയ കാര്‍ വാങ്ങുക എന്നത് ഇന്നും അതുല്യമായ അനുഭവമാണ്. പുത്തന്‍ കാര്‍ വാങ്ങുമ്പോള്‍ കണ്ണുംപൂട്ടി ഒരെണ്ണം വാങ്ങാതെ പല കാര്യങ്ങളും പരിഗണനയില്‍ വരും. പെര്‍ഫോമന്‍സ്, പ്രവര്‍ത്തനച്ചെലവ്, ഉടമസ്ഥാവകാശച്ചെലവ്, സുരക്ഷ, സവിശേഷതകള്‍, വിശ്വാസ്യത, വില്‍പ്പനാനന്തര സേവനം തുടങ്ങി നിരവധി ഘടകങ്ങള്‍ കണക്കിലെടുത്താണ് ആളുകള്‍ കാറുകള്‍ വാങ്ങുന്നത്. ഇങ്ങനെയൊക്കെയാണെങ്കിലും ഇന്നും ഇന്ത്യയില്‍ വലിയൊരു വിഭാഗം ജനങ്ങള്‍ മൈലേജിന് പ്രാധാന്യം കൊടുക്കുന്നു. പെട്രോള്‍ വില ഇനിയും മൂന്നക്കത്തില്‍ നിന്ന് താഴെ ഇറങ്ങാത്ത സാഹചര്യത്തില്‍ ഇന്ധനക്ഷമതയുള്ള വാഹനങ്ങളുടെ പ്രാധാന്യം കൈമോളം വന്നുപോയിട്ടില്ല.

മോഡേണ്‍ കാറുകളില്‍ ഇന്ന് വിവിധ തരത്തിലുള്ള എഞ്ചിനുകള്‍ ഉപയോഗിച്ച് വരുന്നുണ്ട്. അതില്‍ തന്നെ ടര്‍ബോ എഞ്ചിനുകളുടെ പ്രചാരം വര്‍ധിച്ച് വരികയാണ്. പരമ്പരാഗത എഞ്ചിനുകളേക്കാള്‍ കൂടുതല്‍ പവര്‍ഫുളാണ് ടര്‍ബോ എഞ്ചിനുകള്‍. വര്‍ഷങ്ങള്‍ക്ക് മുമ്പേ ലോകമെമ്പാടും ടര്‍ബോ എഞ്ചിനുകള്‍ പോപ്പുലര്‍ ആയിരുന്നെങ്കിലും ഇന്ത്യയിലെ കാറുകളില്‍ ടര്‍ബോ എഞ്ചിനുകള്‍ സുലമായി ലഭ്യമായി തുടങ്ങിയത് അടുത്തിടെ മാത്രമാണ്. ടര്‍ബോ എഞ്ചിന്‍ ഓപ്ഷനില്‍ മാത്രമായി ഓഫര്‍ ചെയ്യുന്ന കാറുകള്‍ പോലും ഇന്ന് വിപണിയില്‍ ഉണ്ട്. സ്‌കോഡ കൈലാക് ഉദാഹരണം. 10 ലക്ഷം രൂപയില്‍ താഴെ വിലയുള്ള ടര്‍ബോ എഞ്ചിന്‍ സജ്ജീകരിച്ചെത്തുന്ന ഏതാനും ചില കാറുകള്‍ ഈ ലേഖനത്തില്‍ പരിചയപ്പെടാം.

ആഡംബര കാറുകൾ എന്നുകേട്ടാൽ ഇന്ത്യക്കാർക്ക് ബെൻസും ബിഎംഡബ്ല്യുവും ഔഡിയുമെല്ലാമാണ്. എന്നാൽ ഇവിടെ ജാപ്പനീസ് വാഹന നിർമാതാക്കളായ ടൊയോട്ടയുടെ ആഡംബര കാർ ബ്രാൻഡ് കൂടിയുണ്ടെന്ന കാര്യം പലരും അങ്ങനെ ഓർക്കാറില്ല. ലെക്‌സസ് എന്ന ബ്രാൻഡിന്റെ കാര്യമാണ് പറഞ്ഞുവരുന്നത്. ടൊയോട്ടയുടെ ലക്ഷ്വറി കാർ വിഭാഗമാണ് ലെക്‌സസ് എന്നറിയാത്തവർ നമുക്ക് ചുറ്റിനുമുണ്ട്. ലക്ഷ്വറി സെഗ്മെന്റിൽ ചുരുങ്ങിയ കാലംകൊണ്ട് പ്രശസ്‌തരാവാൻ കഴിഞ്ഞ കമ്പനി എതിരാളികൾക്കിടയിൽ തങ്ങളുടേതായ സ്ഥാനം കണ്ടെത്തി മുന്നേറുകയാണ്. ബെൻസിനേയും ബിഎംഡബ്ല്യുവിനേയും ഒതുക്കി കൂടുതൽ മുന്നേറ്റം നടത്താനായി ബ്രാൻഡിൽ നിന്നും ഏറ്റവും കൂടുതൽ വിറ്റഴിക്കപ്പെടുന്ന NX 350h എസ്‌യുവിയുടെ പുത്തൻ മോഡൽ പുറത്തിറക്കിയിരിക്കുകയാണ് ലെക്‌സസ്.

ഐക്കണിക് ബ്രിട്ടീഷ് ബ്രാന്‍ഡ് ആയ മോറിസ് ഗരാജസ് (MG Motor India) ഇന്ത്യയില്‍ ഐസി എഞ്ചിന്‍, ഇലക്ട്രിക് കാര്‍ വിഭാഗങ്ങളിലായി ഒരുപിടി കാറുകള്‍ വാഗ്ദാനം ചെയ്യുന്നുണ്ട്. ഈ വര്‍ഷത്തെ ഗണേശ് ചതുര്‍ത്ഥിയോടനുബന്ധിച്ച് എംജി തങ്ങളുടെ തെരഞ്ഞെടുത്ത കാറുകള്‍ക്ക് 4 ലക്ഷം രൂപ വരെ മൂല്യം വരുന്ന ഓഫറുകള്‍ വാഗ്ദാനം ചെയ്യുന്നു. എംജി കോമറ്റ് ഇവി, എംജി ZS ഇവി, എംജി ആസ്റ്റര്‍, എംജി ഹെക്ടര്‍, എംജി ഗ്ലോസ്റ്റര്‍ എന്നിവയുള്‍പ്പെടെയുള്ള മോഡലുകള്‍ വാങ്ങുന്ന ഉപഭോക്താക്കള്‍ക്ക് ഗണേശ ചതുര്‍ത്ഥി ആനുകൂല്യങ്ങള്‍ ഉപയോഗപ്പെടുത്താവുന്നതാണ്.

ഇന്ത്യയിലെ കോംപാക്‌ട് എസ്‌യുവി സെഗ്മെന്റിൽ റെനോയുടെ ആയുധമാണ് കൈഗർ. മാരുതി സുസുക്കി ബ്രെസ, ടാറ്റ നെക്സോൺ, മഹീന്ദ്ര XUV 3XO തുടങ്ങിയ വമ്പൻമാരോട് ഏറ്റുമുട്ടാൻ വലിയ കണക്കുകളൊന്നും പറയാനില്ലെങ്കിലും സാധാരണക്കാരുടെ വിശ്വസ്‌തനായി വിപണിയിലെത്തിയിട്ട് കാലംകുറച്ചായി. നിലവിൽ വിഭാഗത്തിലെ ആധുനികർക്ക് പിന്നിലാണ് സ്ഥാനമെങ്കിലും നില എങ്ങനെയും മെച്ചപ്പെടുത്താനുള്ള ഒരുക്കത്തിലാണ് ഫ്രഞ്ച് വാഹന നിർമാതാക്കൾ. അതിന്റെ ഭാഗമായി കൈഗറിന് ഉടൻ തന്നെ ഫെയ്‌സ്‌ലിഫ്റ്റ് ബ്രാൻഡ് അവതരിപ്പിക്കും. 2021-ൽ അരങ്ങേറ്റം കുറിച്ചതിന് ശേഷമുള്ള സബ്-4 മീറ്റർ എസ്‌യുവിയുടെ ആദ്യത്തെ പ്രധാന നവീകരണമായിരിക്കുമിത്.

ഒരു സിനിമ കാണാന്‍ പോകുമ്പോള്‍ മികച്ച ദൃശ്യ-ശ്രവ്യ അനുഭവം തരുന്ന തീയറ്റര്‍ തെരഞ്ഞെടുക്കാന്‍ നമ്മള്‍ ശ്രമിക്കാറുണ്ട്. ഡോള്‍ബി അറ്റ്‌മോസ് സാങ്കേതികവിദ്യയുള്ള തീയറ്റര്‍ നോക്കി സിനിമ കാണാന്‍ പോകുന്നവരുടെ എണ്ണം ഇന്ന് കൂടുതലാണ്. ശബ്ദത്തില്‍ കൂടുതല്‍ വ്യക്തയും ആഴവും നല്‍കുന്ന ആകര്‍ഷകമായ സൗണ്ട് എക്‌സ്പീരിയന്‍സ് പ്രാദാനം ചെയ്യുന്ന ഡോള്‍ബി അറ്റ്‌മോസ് സജ്ജീകരിച്ചെത്തുന്ന കാറുകള്‍ക്കും ആവശ്യക്കാര്‍ കൂടിയിട്ടുണ്ട്. ഈ സാഹചര്യം മനസ്സിലാക്കി പ്രമുഖ എസ്‌യുവി നിര്‍മാതാക്കളായ മഹീന്ദ്ര തങ്ങളുടെ എസ്‌യുവികളുടെ ഹൈലൈറ്റുകളില്‍ ഒന്നാക്കി ഇത് നല്‍കിവരുന്നു. ഇപ്പോള്‍ മഹീന്ദ്ര തങ്ങളുടെ ജനപ്രിയ സബ് കോംപാക്ട് എസ്‌യുവിയായ XUV 3XO-യില്‍ ഡോള്‍ബി അറ്റ്‌മോസ് ഉള്‍പ്പെടുത്തിയിരിക്കുകയാണ്.

ഏറ്റവും മികച്ച ജീവനക്കാരന് മെർസിഡീസ് ബെന്‍സ് സി-ക്ലാസ് മോഡൽ സമ്മാനമായി നല്‍കിയ കൊരട്ടി ഇന്‍ഫോ പാര്‍ക്കിലെ ഐടി സൊല്യൂഷന്‍ കമ്പനിയായ വെബ് ആന്‍ഡ് ക്രാഫ്റ്റ്സിനെ അങ്ങനെ വണ്ടിഭ്രാന്തൻമാരാരും പെട്ടന്ന് മറക്കാനിടയില്ല. കേരളത്തിലെ തന്നെ ഏറ്റവും പ്രായം കുറഞ്ഞ യുവ വ്യവസായി എന്ന നിലയിൽ ഏറെ ശ്രദ്ധിക്കപ്പെട്ടയാള് കൂടിയാണ് വാക്കിന്റെ സിഇഒയും സ്ഥാപകനുമായ എബിന്‍ ജോസ്. വെബ് ഡിസൈനിംഗിന് ഒപ്പം വെബ് ആപ്ലിക്കേഷൻ, ഇ-കൊമേഴ്സ് ഡെവലപ്മെന്റ്, ഗ്രാഫിക് ഡിസൈനിംഗ്, മൊബൈൽ ആപ്പ് ഡെവലപ്മെൻറ് ആൻഡ് മാർക്കറ്റിംഗ് എന്നീ സേവനങ്ങളാണ് വാക് നൽകുന്നത്.

ഇന്ത്യക്കാരുടെജനപ്രിയ ഫോറിന്‍ ബ്രാന്‍ഡ് ആണ് എംജി മോട്ടോര്‍. ചൈനീസ് ഉടമസ്ഥതയിലുള്ള ബ്രിട്ടീഷ് ബ്രാന്‍ഡ് ഇന്ത്യയിലെത്തിക്കുന്ന ഇലക്ട്രിക് കാറുകള്‍ ചൂടപ്പം പോലെയാണ് വിറ്റുപോകുന്നത്. അതേസമയം ബ്രാന്‍ഡിന്റെ ഐസി എഞ്ചിന്‍ കാറുകളുടെ വില്‍പ്പന മന്ദഗതിയിലാണ്. എംജിയുടെ മോഡല്‍ തിരിച്ചുള്ള വില്‍പ്പന കണക്കുകള്‍ പുറത്തുവരുമ്പോള്‍ ഫുള്‍സൈസ് എസ്‌യുവിയായ ഗ്ലോസ്റ്റര്‍ വില്‍ക്കാന്‍ കമ്പനി പാടുപെടുകയാണ്. ജൂലൈ മാസത്തെ വില്‍പ്പന കണക്കുകളിലാണ് ഈ ഞെട്ടിക്കുന്ന വിവരങ്ങളുള്ളത്. ഫോര്‍ച്യൂണര്‍ എതിരാളിയുടെ മോശം വില്‍പ്പനയ്ക്ക് കാരണമെന്താണ് എന്ന് ഈ ലേഖനത്തില്‍ വിശദമായി പരിശോധിക്കാം.

ഇന്ത്യൻ വിപണിയിലെ 125 സിസി മോട്ടോർസൈക്കിൾ സെഗ്മെന്റിന്റെ മുഖം ആകെ മാറിയിരിക്കുകയാണ്. സ്പോർട്ടി മോഡലുകൾക്കൊണ്ട് നിറഞ്ഞിരിക്കുന്ന വിഭാഗത്തിലേക്ക് രാജ്യത്തെ ഏറ്റവും വലിയ ഇരുചക്ര വാഹന നിർമാതാക്കളായ ഹീറോ മോട്ടോകോർപ് ഗ്ലാമറിന്റെ പുത്തനൊരു വകഭേദത്തിനെ അവതരിപ്പിക്കുകയുണ്ടായി. ഡ്രം വേരിയന്റിന് 89,999 രൂപയും ഡിസ്ക് വേരിയന്റിന് 99,999 രൂപയുമാണ് എക്സ്ഷോറൂം വിലയായി നിശ്ചയിച്ചിരിക്കുന്നത്. 2005-ൽ അരങ്ങേറ്റം കുറിച്ചതുമുതൽ ഹീറോയുടെ ഏറ്റവും ജനപ്രിയമായ 125 സിസി മോട്ടോർസൈക്കിളുകളിൽ ഒന്നാണ് ഗ്ലാമർ. പുതിയ മോഡൽ എത്തുമ്പോൾ ഡിസൈൻ അപ്‌ഡേറ്റുകൾ, പുതിയ സാങ്കേതികവിദ്യകൾ, സെഗ്‌മെന്റ്-ഫസ്റ്റ് ഫീച്ചറുകൾ എന്നിവയെല്ലാം കാത്തുവെച്ചിട്ടുണ്ട്.

പുതിയ തന്ത്രങ്ങൾ പയറ്റി ഇന്ത്യൻ വാഹന വിപണിയിൽ മുന്നോട്ട് കുതിക്കുകയാണ് ചെക്ക് റിപ്പബ്ലിക്കൻ വാഹന നിർമാതാക്കളായ സ്കോഡ. ഇന്ത്യ 2.0 പ്രൊജക്റ്റിന്റെ ഭാഗമായി ആദ്യം എത്തിയ കുഷാഖ് വലിയ വിജയം കൊയ്‌തപ്പോൾ അവസാനമെത്തിയ കൈലാക് അതിലും വലിയ ഹിറ്റാണ് അടിച്ചെടുത്തത്. ഇന്ത്യയിലെ ഏറ്റവും സുരക്ഷിതമായ എസ്‌യുവികളിൽ ഒന്നാണ് കുഷാഖ്. വിപണിയിലെത്തിയിട്ട് ഏറെക്കാലമായതിനാൽ സെഗ്മെന്റിൽ എതിരാളികൾക്ക് പിന്നിലാണ് കക്ഷിയുടെ സ്ഥാനം. പുതിയ പരിഷ്ക്കാരങ്ങൾ അവതരിപ്പിച്ച് കൂടുതൽ ശക്തിയാർജിക്കാൻ ഒരുങ്ങുകയാണ് സ്കോഡയുടെ ചക്രവർത്തി. കുഷാഖിലൂടെ രാജ്യത്തെ മിഡ്‌-സൈസ് എസ്‌യുവി വിഭാഗത്തിലേക്ക് കമ്പനി എത്തിയിട്ട് ഏകദേശം നാല് വർഷമായി.

ഓഗസ്റ്റ് 15-ന് സ്വാതന്ത്ര്യ ദിനത്തിലാണ് ഓല ഇലക്ട്രിക് (Ola Electric) തമിഴ്നാട്ടിലെ ജിഗാ ഫാക്ടറിയില്‍ 'സങ്കല്‍പ് 2025' (Sankalp 2025) പരിപാടി സംഘടിപ്പിച്ചത്. സങ്കല്‍പ്പില്‍ ഓല ഇലക്ട്രിക് സഹ-സ്ഥാപകനും സിഇഒയുമായ ഭവിഷ് അഗര്‍വാള്‍ നിരവധി വമ്പന്‍ പ്രഖ്യാപനങ്ങള്‍ നടത്തി. നിലവില്‍ വികസന ഘട്ടത്തിലുള്ള ജെന്‍ 4 പ്ലാറ്റ്ഫോമിനെ (Ola Gen 4 Platform) കുറിച്ചുള്ള ചില സുപ്രധാന വിവരങ്ങളും പുറത്തുവിട്ടു. സാധാരണയായി പുതിയ പ്ലാറ്റ്ഫോം സ്‌കൂട്ടര്‍ ശ്രേണിയില്‍ മാത്രമായി പരിമിതപ്പെടുത്താറായിരുന്നു പതിവെങ്കിലും ജെന്‍ 4 പ്ലാറ്റ്ഫോമിനൊപ്പം 'അനന്തമായ സാധ്യതകള്‍' തേടുകയാണ് കമ്പനി.

ഇന്ത്യയിലെ എസ്‌യുവികൾക്കിടയിൽ തങ്ങളുടേതായ സ്ഥാനം വളരെ വേഗത്തിൽ കണ്ടെത്തിയവരാണ് ടാറ്റ ഹാരിയറും സഫാരിയും (Tata Harrier And Safari). എതിരാളികൾക്കിടയിൽ പഴയ പകിട്ട് നഷ്‌ടപ്പെട്ട് പോയെങ്കിലും ആളുകൾക്ക് ഈ ഇരട്ടകളോട് വല്ലാത്തൊരു ഇഷ്‌ടമുണ്ട്. നല്ല സേഫ്റ്റിയും മോഡേൺ ഫീച്ചറുകളുമെല്ലാം കുത്തിനിറച്ചെത്തുന്നതാണ് ഇഷ്‌ടം കൂടാൻ കാരണം. എന്നിരുന്നാലും ഡിസൈൻ ഓറവാക്കി ചളമാക്കിയെന്ന വശം പറയുന്നവരുമുണ്ട്.എംജി ഹെക്‌ടർ, മഹീന്ദ്ര XUV700, ഹ്യുണ്ടായി അൽകസാർ തുടങ്ങിയ സെഗ്മെന്റിലെ എതിരാളികളെല്ലാം പെട്രോളിലും ഡീസലിലും വാങ്ങാൻ കിട്ടുമ്പോൾ ഹാരിയറിലും സഫാരിയിലും ഡീസൽ എഞ്ചിൻ മാത്രമാണുള്ളത്.

ഇന്ത്യയില്‍ ഇലക്ട്രിക് വാഹന രംഗം അതിവേഗം വളര്‍ന്ന് കൊണ്ടിരിക്കുകയാണ്. കൂടുതല്‍ ആളുകള്‍ ഇലക്ട്രിക് കാറുകള്‍, സ്‌കൂട്ടറുകള്‍, ബൈക്കുകള്‍ എന്നിവ വാങ്ങുന്നു. അതുകൊണ്ട് തന്നെ എല്ലായിടത്തും ചാര്‍ജിംഗ് സ്റ്റേഷനുകള്‍ക്കുള്ള ആവശ്യം വര്‍ധിച്ചുകൊണ്ടിരിക്കുകയാണ്. ഈ സാഹചര്യത്തിലാണ് 'ഇവി ചാര്‍ജിംഗ് സ്‌റ്റേഷനുകള്‍ തുടങ്ങുക എന്നത് ഈ പതിറ്റാണ്ടിന്റെ ബിസിനസ് ഐഡിയയായി മാറുന്നത്. ഒരു ഇവി ചാര്‍ജിംഗ് സ്റ്റേഷന്‍ ആരംഭിക്കുന്നത് അത്ര സങ്കീര്‍ണമായ സംഗതിയല്ല. ഇതിന് ലൈസന്‍സോ ധാരാളം ജീവനക്കാരോ ആവശ്യമില്ല. മാത്രമല്ല ശരിയായ സ്ഥലത്ത് തുടങ്ങിയാല്‍ വളരെ നല്ല വരുമാനം ലഭിക്കും.

കാലങ്ങളായി ഇന്ത്യക്കാർക്ക് പരിചിതമായ ഹ്യുണ്ടായിയുടെ കാറാണ് വെർണ. പല തലമുറ മാറ്റങ്ങളിലൂടെ ജനഹൃദയങ്ങൾ കീഴടക്കാൻ സി-സെഗ്മെന്റ് സെഡാന് കഴിഞ്ഞിട്ടുണ്ട്. ഹോണ്ട സിറ്റി, മാരുതി സിയാസ്, സ്കോഡ സ്ലാവിയ, ഫോക്‌സ്‌വാഗൺ വെർട്ടിസ് തുടങ്ങിയ വമ്പൻമാരോടെല്ലാം ഏറ്റമുട്ടാൻ എല്ലാത്തരം കഴിവുകളുമുള്ള മോഡൽ കൂടിയാണിത്. ക്രെറ്റ എസ്‌യുവിയുടെ സെഡാൻ പതിപ്പാണ് ഇപ്പോൾ വെർണയെന്ന് പറഞ്ഞാലും തെറ്റൊന്നുമില്ല. ഒരേ വില നിലവാരത്തിൽ സമാനമായ ഫീച്ചറുകളും എഞ്ചിൻ ഓപ്ഷനും എല്ലാമാണ് വെർണ നൽകുന്നത്. രസകരമായ മറ്റൊരു കാര്യം എന്തെന്നാൽ സെഗ്മെന്റിൽ ഏറ്റവും കൂടുതൽ റീസെയിൽ വാല്യുവുള്ള മോഡൽ കൂടിയാണിത് എന്നതും ഞെട്ടിക്കുന്നതാണ്.

നിലവില്‍ രാജ്യത്തെ ദേശീയപാതകളിലൂടെയും എക്‌സ്പ്രസ്‌വേകളിലൂടെയും കടന്നുപോകുന്ന വാഹനങ്ങള്‍ ടോള്‍ നല്‍കുന്നത് ഫാസ്ടാഗ് സംവിധാനത്തിലൂടെയാണ്. ഒട്ടുമിക്ക വാഹനങ്ങളുടെയും വിന്‍ഡ്ഷീല്‍ഡില്‍ നിങ്ങള്‍ ഫാസ്ടാഗ് സ്റ്റിക്കര്‍ കണ്ടിട്ടുണ്ടാകും. ഓരോ തവണ ടോള്‍ബൂത്ത് കടക്കുമ്പോഴും വാഹനയുടമയുടെ ഫാസ്ടാഗ് അക്കൗണ്ടില്‍ നിന്ന് പണം ഈടാക്കുകയാണ് ചെയ്യുന്നത്. എന്നാല്‍ ഇക്കഴിഞ്ഞ ഓഗസ്റ്റ് 15-ന് കേന്ദ്ര റോഡ് ഗതാഗത ഹൈവേ മന്ത്രാലയം (MoRTH) പാസഞ്ചര്‍ വാഹനങ്ങള്‍ക്കായുള്ള ഫാസ്ടാഗ് വാര്‍ഷിക പാസ് കൊണ്ടുവന്നിരുന്നു. 3,000 രൂപ അടച്ച് ഒരു വാര്‍ഷിക പാസ് നേടിയാല്‍ ഒരു വര്‍ഷത്തില്‍ 200 തവണ ടോള്‍ പ്ലാസകള്‍ കടക്കാന്‍ കഴിയും.

നിലവിൽ ഓട്ടോമാറ്റിക് കാറുകളുടെ ജനപ്രീതി വർധിച്ചുവരികയാണ്. പല മാനുവൽ മോഡലുകളേക്കാൾ മൈലേജ് തരുമെന്നത് മാത്രമല്ല, ഓടിക്കാനും എളുപ്പമാണ് ഇവരെന്നതാണ് പലരേയും ഇതിലേക്ക് ആകർഷിക്കുന്നത്. വീട്ടിലെ സ്ത്രീകൾക്കും കൊണ്ടുനടക്കാമല്ലോയെന്ന ചിന്തയുള്ളതിനാൽ പുതിയൊരു വണ്ടിയെടുക്കുമ്പോൾ ഗിയർലെസ് മോഡലുകൾ തെരഞ്ഞെടുക്കുന്നവരാണ് അധികവും. പക്ഷേ ഇന്നും അതിനോട് അത്ര പ്രിയം ഇല്ലാത്തവരുമുണ്ട്. പ്രത്യേകിച്ച് പുരുഷൻമാരിൽ പലരും മാനുവൽ ട്രാൻസ്മിഷനുള്ള കാറുകളോടാണ് കൂടുതൽ താത്പര്യം കാണിക്കാറുള്ളത്. ക്ലച്ച് ചവിട്ടി ഗിയർ മാറി പോവുന്ന സുഖം അവർ ആസ്വദിക്കാറുണ്ട്.

ഒന്ന് രണ്ട് വര്‍ഷങ്ങള്‍ക്ക് മുമ്പ് ഇന്ത്യന്‍ മാധ്യമങ്ങളില്‍ നിറഞ്ഞ് നിന്ന പേരാണ് ബ്രിജ് ഭൂഷണ്‍ ശരണ്‍ സിംഗ് (Brij Bhushan Sharan Singh). ആറ് തവണ എംപിയും കിഴക്കന്‍ യുപി രാഷ്ട്രീയത്തിലെ ശക്തനുമായിരുന്നു ബ്രിജ് ഭൂഷണ്‍ 2011 മുതല്‍ പത്തുവര്‍ഷത്തിലേറെ കാലം ദേശീയ ഗുസ്തി ഫെഡറേഷന്‍ അടക്കി ഭരിച്ചിരുന്നു. എന്നാല്‍ ബ്രിജ് ഭൂഷണും പരിശീലകരും വനിതാ താരങ്ങളെ ലൈംഗികമായി ചൂഷണം ചെയ്യുന്നുവെന്നും മാനസികമായി പീഡിപ്പിക്കുന്നുവെന്നും ചൂണ്ടിക്കാട്ടി ഏഴ് വനിതാ താരങ്ങളും പ്രായപൂര്‍ത്തിയാകാത്ത മറ്റൊരു താരവും രംഗത്ത് വന്നതോടെയാണ് ബിജെപി നേതാവിന്റെ പേര് മാധ്യമങ്ങളില്‍ നിറയാന്‍ തുടങ്ങിയത്.

ഇന്ത്യയിലെ ഇലക്‌ട്രിക് ഇരുചക്ര വാഹന വിപണിയിൽ കൊടുങ്കാറ്റായവരായിരുന്നു ഓല (Ola Electric). എന്നാൽ പിന്നീട് ചില കാരണങ്ങളാൽ സാമ്രാജ്യം നഷ്‌ടപ്പെട്ട് നിൽക്കുകയായിരുന്നുവെങ്കിലും തങ്ങളുടെ ആദ്യത്തെ ഇലക്‌ട്രിക് മോട്ടോർസൈക്കിൾ വിപണിയിലെത്തിച്ച് ഞെട്ടിക്കാൻ കമ്പനിക്കായിട്ടുണ്ട്. ഒപ്പം കഴിഞ്ഞ മാസം ബെംഗളൂരുവിൽ നടന്ന സങ്കൽപ് 2025 പരിപാടിയിൽ 4680 ഭാരത് സെല്ലിൽ പ്രവർത്തിക്കുന്ന S1 പ്രോ പ്ലസ് സ്‌കൂട്ടറും വിപണിയിൽ അവതരിപ്പിച്ച് കമ്പനി തങ്ങൾ അങ്ങനെ ഒതുങ്ങിക്കൂടാൻ തയാറല്ലെന്ന് ലോകത്തോട് വിളിച്ചുപറയുകയായിരുന്നു. ഫ്രീഡം ഓഫറിന് കീഴിൽ 1,69,999 രൂപയ്ക്കായിരുന്നു ഇവി പുറത്തിറക്കിയിരുന്നത്.

കേരളത്തിന്റെ ദേശീയ ഉത്സവമായ ഓണം ലോകമെമ്പാടുമുള്ള മലയാളികള്‍ സമുചിതമായി ആഘോഷിക്കാറുണ്ട്. ചിങ്ങം പിറന്നതോടെ മലയാളികള്‍ ഓണാഘോഷങ്ങളുടെ തിരക്കിലേക്ക് കടന്നിരിക്കുകയാണ്. ഓണക്കാലം കളറാക്കാന്‍ വേണ്ടി പുതിയ അതിഥികളെ വീടുകളിലേക്ക് വരവേല്‍ക്കുന്ന ശീലവും ജനങ്ങള്‍ക്കുണ്ട്. ഓണം സീസണില്‍ കേരളത്തില്‍ നിന്ന് കാര്‍ വാങ്ങുമ്പോള്‍ നിരവധി നേട്ടങ്ങളുണ്ട്. ഡീലര്‍മാര്‍ നല്‍കുന്ന കിഴിവുകളും ഓഫറുകള്‍ക്കുമൊപ്പം ഉത്സവാന്തരീക്ഷത്തില്‍ കൂടുതല്‍ പണംപൊടിക്കാനുള്ള പ്രവണതയും കാര്‍ പര്‍ച്ചേസിന് പറ്റിയ സമയമായി ഓണക്കാലം മാറുന്നു. എന്നാല്‍ ഓണക്കാലത്ത് കാര്‍ വാങ്ങുന്നത് കൊണ്ട് ചില ദോഷങ്ങളുമുണ്ടെന്ന കാര്യം പലര്‍ക്കും അറിയില്ല.

രാജ്യത്തെ ഏറ്റവും വലിയ വാഹന നിർമാതാക്കളായ മാരുതി സുസുക്കിക്ക് സൌഭാഗ്യങ്ങൾ കൊണ്ടുകൊടുത്ത മോഡലാണ് ഫ്രോങ്ക്‌സ്. ജിംനി പൊട്ടിപാളീസായെങ്കിലും ഓഫ്-റോഡറിനൊപ്പം സർപ്രൈസായി അവതരിപ്പിച്ച മോഡൽ ജനഹൃദയങ്ങൾ കീഴടക്കുന്ന കാഴ്ച്ചയാണ് കാണുവാനായത്. പ്രീമിയം ഹാച്ച്ബാക്കായ ബലേനോയെ അടിസ്ഥാനമാക്കി പണികഴിപ്പിച്ച ക്രോസ്ഓവർ ലുക്കുള്ള എസ്‌യുവി ഇന്ന് റോഡിലിറങ്ങിയാൽ ഏറ്റവും കൂടുതൽ കാണുന്ന കാറുകളിൽ ഒന്നാണ്. താങ്ങാനാവുന്ന വില, അഡാറ് ലുക്ക്, കിടിലൻ ഫീച്ചറുകൾ, കുറഞ്ഞ മെയിന്റനെൻസ്, നല്ല വില എന്നീ മാരുതിയുടെ എല്ലാ സംഭവങ്ങളും ഒത്തുചേർന്ന ഫ്രോങ്ക്‌സ് എല്ലാമാസവും പതിനായിരം യൂണിറ്റുകൾക്ക് മുകളിലാണ് വിറ്റഴിയുന്നത്.

ഇലക്ട്രിക് വാഹന വിപണിയിൽ ദിനംപ്രതി മത്സരം കനത്തുകൊണ്ടിരിക്കുകയാണ്. എല്ലാ ബ്രാൻഡുകളും തങ്ങളുടെ ഇലക്ട്രിക് മോഡലുകളുടെ വേഷം അണിയാൻ തയ്യാറെടുക്കുകയാണ്. ആഡംബര ബ്രാൻഡുകളും ഈ കാര്യത്തിൽ ഒട്ടും പിന്നിൽ അല്ല കേട്ടോ. കംഫർട്ടിൻ്റെ കാര്യത്തിൽ ആണെങ്കിലും ഡിസൈനിലും എല്ലാം ഒരു വിട്ടുവിഴ്ച്ചയും വരുത്താതെ തങ്ങളുടെ ഉപഭോക്താക്കൾക്ക് വേണ്ടി മികച്ച മോഡലുകൾ അവതരിപ്പിക്കുന്നവരാണ് പോർഷ. ഇപ്പോഴിതാ ബ്രാൻഡിൻ്റെ പ്രിയപ്പെട്ട എസ്‌യുവി മോഡലായ കയീൻ്റെ ഇലക്ട്രിക് പതിപ്പ് അവതരിപ്പിക്കാനൊരുങ്ങുകയാണ് ബ്രാൻഡ്. എന്നാൽ ഇത്തവണ ഇലക്ട്രിക് കരുത്തോട് കൂടിയാണ് ബ്രാൻഡ് തങ്ങളുടെ ഉപഭോക്താക്കളെ ഞെട്ടിക്കാൻ പോകുന്നത്.

വാഹനമോടിക്കുമ്പോൾ ചിലപ്പേആൾ തോന്നാറില്ലേ എന്റെ വണ്ടിക്ക് അൽപ്പം കൂടി പവറുണ്ടായിരുന്നു എങ്കിൽ എന്ന്. ഇനി ഫോക്സ്‌വാഗൺ ഉടമകൾക്ക് അങ്ങനെയൊരു സങ്കടത്തിന് വഴിയുണ്ടാവില്ല എന്നാണ് ബ്രാൻഡ് അറിയിച്ചിരിക്കുന്നത്. കാര്യം എന്താണെന്ന് അല്ലേ, ഫോക്സ്‌വാഗൺ ഇവികൾക്ക് പവർ കൂടുതൽ കിട്ടുന്നതിന് വേണ്ടിയുളള സബ്സ്ക്രിപ്ഷൻ സംവിധാനം കമ്പനി ആരംഭിച്ചിരിക്കുകയാണ്. അത് കേട്ടപ്പോൾ തന്നെ നിങഅങളുടെ മനസിൽ ഉയർന്ന ചോദ്യം അതിന് ഇന്ത്യയിൽ എവിടെയാണ് ബ്രാൻഡിന് ഇവികളുളളത് എന്നായിരിക്കും.അതിൻ്റെ കൂടുതൽ വിവരങ്ങൾ അറിയുന്നതിന് വേണ്ടി ലേഖനം തുടർന്ന് വായിക്കാൻ മറക്കരുതെന്ന് പ്രത്യേകം ഓർമിപ്പിക്കുകയാണ് കേട്ടോ.

കിയ കാരൻസ് ക്ലാവിസ് എംപിവി വിപണിയിൽ എത്തിയത് മുതലുള്ള ആഗ്രഹമായിരുന്നു ഒന്ന് ഓടിച്ചു നോക്കണം എന്നത്. അങ്ങനെ കാത്തിരിപ്പുകൾക്ക് ശേഷം കുറച്ച് ദിവസത്തേക്ക് ഈ ആഡംബരങ്ങളുടെ രാജകുമാരനായ എംപിവി കൈയിലേക്ക് കിട്ടി. കിയയുടെ കോട്ടയത്തെ ഇഞ്ചിയോൺ ഡീലർഷിപ്പിൽ നിന്ന് വാഹനം ഏറ്റുവാങ്ങി പുറത്തേക്ക് ഇറങ്ങിയപ്പോൾ ഒരു ഡെലിവറി കഴിഞ്ഞ പ്രതീതിയായിരുന്നു മനസിൽ. വാഹനത്തിൻ്റെ ഇൻ്റീരിയറിൽ ആണെങ്കിൽ ടെക്നോളജിയുടെ വിളയാട്ടം തന്നെയാണ് എന്ന് പറയാതിരിക്കാൻ കഴിയില്ല. റോഡ് ക്രോസ് ചെയ്യുമ്പോഴും, റിവേഴ്സ് എടുക്കുമ്പോഴും പുതിയ വഴിയിലേക്ക് തിരിയുമ്പോഴും ഒക്കെ മുതലാളി ഒന്നും പേടിക്കണ്ട ഞാൻ എല്ലാ നോക്കിക്കോളാം എന്ന് വാഹനം നമ്മളോട് പറയുന്നത് പോലെയാണ് തോന്നുന്നത്.