ടാറ്റ മോട്ടോര്‍സിന്റെ ഐതിഹാസിക എസ്‌യുവിയായ സിയറ വര്‍ഷങ്ങള്‍ക്ക് ശേഷം വിപണിയില്‍ ഗ്രാന്‍ഡ് റീ എന്‍ട്രി നടത്താന്‍ ഒരുങ്ങുകയാണ്. പതിറ്റാണ്ടുകള്‍ക്ക് മുമ്പേ ഇന്ത്യന്‍ വാഹനപ്രേമികളുടെ മനസില്‍ ഇടം കണ്ടെത്തിയ സിയറ പുതിയ രൂപത്തിലും ഭാവത്തിലും അടുത്ത മാസം വിപണിയിലെത്താന്‍ പോകുകയാണ്. ഈ മടങ്ങിവരവ് ഏറെ ആകാംക്ഷയോടെയാണ് വാഹന ലോകം ഉറ്റുനോക്കുന്നത്. കഴിഞ്ഞ ഓട്ടോ എക്‌സ്‌പോയില്‍ അടക്കം പ്രദര്‍ശിപ്പിച്ച വാഹനം നിരവധി തവണ പരീക്ഷണയോട്ടം നടത്തുന്നതിനിടെ ക്യാമറക്കണ്ണില്‍ പതിഞ്ഞിരുന്നു. എസ്‌യുവി വിഭാഗത്തില്‍ വിപണി വിഹിതം ഉയര്‍ത്താന്‍ ലക്ഷ്യമിടുന്ന ടാറ്റക്ക് സിയറയുടെ ലോഞ്ച് വളരെ പ്രധാനമാണ്.

വേണു ഗോപാലകൃഷ്ണന്‍ (Venu Gopalakrishnan) എന്ന പേര് ഇപ്പോള്‍ കേരളത്തിലെ വണ്ടിപ്രാന്തന്‍മാര്‍ക്ക് സുപരിചിതമാണ്. 450 കോടി വിറ്റുവരവും 1000-ത്തിലേറെ ജീവനക്കാരുമുള്ള ലിറ്റ്മസ്7 എന്ന ഐടി സ്ഥാപനത്തിന്റെ ഉടമയാണെങ്കിലും വാഹനകമ്പമാണ് അദ്ദേഹത്തെ പാന്‍ ഇന്ത്യ ലെവലില്‍ പ്രശസ്തനാക്കിയത്. തന്റെ ലംബോര്‍ഗിനി ഉറൂസ് പെര്‍ഫോമന്റെ കാറിന് 'KL 07 DG 007' എന്ന ഫാന്‍സ് നമ്പര്‍ ലഭിക്കാനായി 45.99 ലക്ഷം രൂപ പൊടിച്ചാണ് ഇദ്ദേഹം ആദ്യം വാര്‍ത്തകളില്‍ താരമായത്. കേരളത്തില്‍ ഏറ്റവും ഉയര്‍ന്ന തുകയ്ക്ക് ലേലത്തില്‍ പോയ വാഹന നമ്പര്‍ എന്ന റെക്കോഡ് ഇത് നേടി. ഇത് ദേശീയ തലത്തില്‍ വാര്‍ത്തയായി.

റോയല്‍ എന്‍ഫീല്‍ഡ് എന്ന വിഖ്യാത മോട്ടോര്‍സൈക്കിള്‍ ബ്രാന്‍ഡിന്റെ ഒരു പടക്കുതിരയെ സ്വന്തമാക്കാന്‍ ആഗ്രഹിക്കാത്ത യുവാക്കള്‍ നന്നേ കുറവായിരിക്കും. ബുള്ളറ്റ്, സ്റ്റാന്‍ഡേര്‍ഡ് എന്നീ മോഡലുകള്‍ക്ക് താരതമ്യേന വില കൂടുതലായതിനാല്‍ പലരുടെയും ആ സ്വപ്‌നം സാധ്യമാക്കിയത് ഹണ്ടര്‍ 350 എന്ന മോഡല്‍ ആണ്. ഇന്ത്യന്‍ വിപണിയില്‍ വില്‍ക്കുന്ന ഏറ്റവും താങ്ങാനാവുന്ന വിലയുള്ള റോയല്‍ എന്‍ഫീല്‍ഡ് ബൈക്ക് ആണ് റോയല്‍ എന്‍ഫീല്‍ഡ് ഹണ്ടര്‍ 350. വളരെ താങ്ങാനാവുന്ന വില കാരണം എല്ലാ മാസവും ഈ മോട്ടോര്‍സൈക്കിള്‍ മികച്ച വില്‍പ്പന നേടുന്നു. 2025 സെപ്റ്റംബര്‍ മാസവും റോയല്‍ എന്‍ഫീല്‍ഡ് ഹണ്ടര്‍ വില്‍പ്പനയില്‍ മികച്ച് നിന്നു.

ഇന്ത്യന്‍ ഇലക്ട്രിക് ഇരുചക്ര വാഹന വിപണിയില്‍ ഒന്നാം സ്ഥാനക്കാരാണ് ടിവിഎസ് മോട്ടോര്‍. ഐക്യൂബിനൊപ്പം ഏതാനും ആഴ്ചകള്‍ക്ക് മുമ്പാണ് കമ്പനി ഓര്‍ബിറ്റര്‍ എന്ന മോഡല്‍ പുറത്തിറക്കിയത്. സെഗ്‌മെന്റിലെ ഒന്നാം സ്ഥാനം നിലനിര്‍ത്തുന്നതിനൊപ്പം വിപണി വിഹിതം ഉയര്‍ത്താനും കമ്പനി ലക്ഷ്യമിടുന്നു. ഇതിനൊപ്പം ആഗോളതലത്തില്‍ തങ്ങളുടെ സാന്നിധ്യം വികസിപ്പിക്കാനും കമ്പനി വലിയ ശ്രമങ്ങള്‍ നടത്തുന്നുണ്ട്. 2025 EICMA ഷോയില്‍ അവതരിപ്പിക്കാന്‍ പോകുന്ന M1-S ഇലക്ട്രിക് സ്‌കൂട്ടറിന്റെ 2026 അപ്ഡേറ്റഡ് പതിപ്പിന്റെ ടീസര്‍ ടിവിഎസ് പുറത്തിറക്കി.

ഇന്ത്യക്കാരുടെ ജനകീയ വാഹനമാണ് ഗിയർലെസ് സ്‌കൂട്ടറുകൾ. രാജ്യത്തിന്റെ ഓരോ മുക്കിലും മൂലയിലും വരെ എത്തിപ്പെടാൻ ഇത്തരം വണ്ടികൾക്ക് ഒരൊറ്റ കാരണം മാത്രമേയുണ്ടായിരുന്നുള്ളൂ. അത് ബൈക്കുകൾക്കില്ലാത്ത പ്രായോഗികതയാണ്. വീട്ടിലേക്ക് വേണ്ടുന്ന സാധനങ്ങൾ വാങ്ങാനും ഗ്യാസ് കുറ്റി കയറ്റാനുമെല്ലാം മോട്ടോർസൈക്കിളുകളേക്കാൾ സൌകര്യം ഇതിനാണ് പറയാം. മിക്കവീടുകളിലും പട്ടിയെപോലെയാണ് സ്‌കൂട്ടറുകൾ പണിയെടുക്കുന്നത്. ഉത്സവ സീസൺ കൊടിയേറിയതോടെ ഇരുചക്ര വാഹന വിപണിക്ക് ചാകരയാണ്. അതിനാൽ നല്ല ലാഭമാണ് ഓരോ കമ്പനികളും വാരുന്നത്. സ്കൂട്ടറുകളിലെ രാജ്ഞിയായി അറിയപ്പെടുന്ന ടിവിഎസ് ജുപ്പിറ്ററും പണം വാരിയിട്ടുണ്ട്.

നടൻ,ഗാനരചയിതാവ്,പിന്നണി ഗായകൻ, പ്രൊഡ്യൂസർ എന്നീങ്ങനെ തമിഴ് സിനിമയിലെ ഒരു ഓൾ റൗണ്ടർ ആണ് ശിവകാർത്തികേയൻ. ജൂനിയർ ആർട്ടിസ്റ്റായും നായകൻ്റെ കൂട്ടുകാരനുമൊക്കെ ആയി ഇപ്പോൾ നായക സ്ഥാനത്തേക്ക് ഉയർന്ന് വന്നിട്ട് നാളുകൾ ഏറെയായി. നിരവധി ഹിറ്റ് സിനിമകൾ സമ്മാനികുകയും ചെയ്തിട്ടുണ്ട്. 2021-ൽ പുറത്തിറങ്ങിയ ഡോക്ടർ എന്ന ചിത്രം 100 കോടി നേടുകയും ചെയ്തിരുന്നു. ഇപ്പോഴിതാ താരത്തിനെ പ്രശസ്ത ബോളിവുഡ് സംവിനായകനായ സജ്ഞയ് ലീല ബൻസാലിയുടെ ഓഫീസിൽ വന്നിറങ്ങുന്ന വീഡിയോ സോഷ്യൽ മീഡിയയിൽ വൈറലായിരിക്കുകയാണ്. താരം കറുത്ത ടൊയോട്ട വെൽഫയറിൽ വന്നിറങ്ങുന്നതാണ് വീഡിയോയിൽ കാണുന്നത്.

രാജകുടുംബ പാരമ്പര്യമുള്ള നിരവധി താരങ്ങൾ ബോളിവുഡിലുണ്ട്. 2005 മുതൽ സിനിമകളിൽ സജീവമായ നടിയാണ് സോണാൽ ചൗഹാൻ. രജപുത്ര കുടുംബത്തിൽ ജനിച്ച സോണാൽ മോഡലിങ്ങിലൂടെയാണ് തൻ്റെ കരിയർ ആരംഭിച്ചത്. മിസ്സ് വേൾഡ് ടൂറിസം കിരീടം നേടിയ ആദ്യ ഇന്ത്യക്കാരിയാണ് കൂടിയാണ് സോണാൽ. നന്ദമുരി ബാലകൃഷ്ണയ്‌ക്കൊപ്പം അഭിനയിച്ച ലെജൻഡ് എന്ന തെലുങ്ക് ചിത്രത്തിലൂടെ തെലുങ്കിൽ ആരാധകരെ നേടാനും താരത്തിന് സാധിച്ചു. 2023 -ലാണ് രാമായണത്തെ അടിസ്ഥാനമാക്കി നിർമ്മിച്ച ഇന്ത്യൻ ഇതിഹാസ പുരാണ ചിത്രമായ ആദിപുരുഷിൽ മണ്ഡോദരിയുടെ വേഷം അഭിനയിച്ചത് സോണാൽ ചൗഹാനായിരുന്നു.

2025 നവംബര്‍ നാലിന് ഹ്യുണ്ടായി രണ്ടാം തലമുറ വെന്യു കോംപാക്ട് എസ്‌യുവി പുറത്തിറക്കാന്‍ പോകുകയാണ്. വില പ്രഖ്യാപനത്തിന് വെറും 8 ദിവസം മാത്രം ബാക്കി നില്‍ക്കേ കാറിനെ കുറിച്ചുള്ള ചില സുപ്രധാന വിവരങ്ങള്‍ ഇപ്പോള്‍ ചോര്‍ന്നിരിക്കുകയാണ്. ഹ്യുണ്ടായി വെന്യു ഇതിനോടകം തന്നെ സബ് 4 മീറ്റര്‍ എസ്‌യുവി വിഭാഗത്തില്‍ വലിയ തോതില്‍ വിറ്റഴിക്കപ്പെടുന്ന മോഡലുകളില്‍ ഒന്നാണ്. 2019 ആദ്യമായി വിപണിയില്‍ എസ്‌യുവിക്ക് ചെറിയ ഫെയ്‌സ്‌ലിഫ്റ്റുകള്‍ അല്ലാതെ വലിയ അപ്‌ഡേറ്റുകള്‍ കമ്പനി നടപ്പാക്കിയിരുന്നില്ല. ഇക്കഴിഞ്ഞ ദിവസമാണ് കൊറിയന്‍ കമ്പനി ന്യൂജെന്‍ വെന്യു പൂര്‍ണമായി വെളിപ്പെടുത്തിയത്.

വൈവിധ്യമാർന്ന മോഡലുകൾക്കൊണ്ട് ഇന്ത്യക്കാരെ വിസ്‌മയിപ്പിക്കുന്നവരാണ് കവസാക്കി. പണ്ട് ബജാജിന്റെ കൈപിടിച്ചു കമ്മ്യൂട്ടർ മോട്ടോർസൈക്കിൾ സെഗ്മെന്റിലേക്ക് എത്തിയ കമ്പനി ഇപ്പോൾ സൂപ്പർബൈക്കുകളിലൂടെയാണ് ആളുകളുടെ മനസിൽ കുടികൊള്ളുന്നത്. നിലവിൽ ട്രെൻഡിംഗായി നിൽക്കുന്നത് അഡ്വഞ്ചർ മോഡലുകളാണ്. അടുത്തിടെ ടിവിഎസ് അപ്പാച്ചെ RTX 300 പുറത്തിറക്കി യുവാക്കളെയെല്ലാം ചാക്കിലാക്കിയിരുന്നു. ഇതിന്റെ ആരവം കെട്ടടങ്ങുന്നതിന് മുമ്പേ കവസാക്കി പുതുപുത്തനൊരു അഡ്വഞ്ചർ ടൂറർ മോട്ടോർസൈക്കിളുമായി എത്തിയിരിക്കുകയാണ്. KLE500 എന്ന മൊഞ്ചൻ എഡിവിയുമായാണ് ബ്രാൻഡ് രംഗപ്രവേശം ചെയ്‌തിരിക്കുന്നത്.

രാജ്യത്തെ ഏറ്റവും കൂടുതൽ ആരാധകരുള്ള കാർ ബ്രാൻഡുകളിൽ ഒന്നാണ് മാരുതി സുസുക്കി. ഇപ്പോഴിതാ ആരാധകരുടെ പ്രതീക്ഷയെ വാനോളം ഉയത്തിക്കൊണ്ട് ബ്രാൻഡ് അണിയറയിൽ ഒരുക്കുന്നത് അഞ്ചോളം കാറുകളാണ്. വരുന്ന വർഷങ്ങളിൽ പുതിയ കോംപാക്‌ട് വാഹങ്ങൾ നിരത്തിലിറക്കാനുള്ള പ്ലാനിലാണിപ്പോൾ. eWX മുതൽ ഫ്രോങ്ക്സ് ഹൈബ്രിഡ് വരെ ഈ പറഞ്ഞ ലിസ്റ്റിലുണ്ട്. കണ്ണഞ്ചിപ്പിക്കുന്ന പെർഫോമൻസ് കാഴ്ച്ചവെക്കാൻ സാധ്യതയുള്ള ഈ മാരുതി പുത്രൻമാർ മറ്റ് ഇന്ത്യൻ ബ്രാൻഡുകൾക്ക് കുറച്ചധികം വെല്ലുവിളി സൃഷ്ടിക്കുമെന്നുതന്നെ പറയാം. അണിയറയിലൊരുങ്ങുന്ന പുത്തൻ കാറുകളുടെ വിശേഷങ്ങൾ കൂടുതൽ അറിയാൻ തുടർന്ന് വായിച്ചോളൂ.

ഇന്ത്യയിലെ മിഡില്‍വെയിറ്റ് മോട്ടോര്‍സൈക്കിള്‍ വാഹന വിപണിയിലെ രാജാക്കന്‍മാരാണ് റോയല്‍ എന്‍ഫീല്‍ഡ്. വിഖ്യാത മോട്ടോര്‍സൈക്കിള്‍ നിര്‍മാതാക്കളായ റോയല്‍ എന്‍ഫീല്‍ഡിന്റെ ഉടമകള്‍ ഇപ്പോള്‍ ഐഷര്‍ മോട്ടോര്‍സ് ആണ്. ചെന്നൈ ആസ്ഥാനമായി പ്രവര്‍ത്തിക്കുന്ന കമ്പനി പുറത്തിറക്കുന്ന ഏറ്റവും ജനപ്രിയ മോട്ടോസൈക്കിളുകളില്‍ ഒന്നാണ് റോയല്‍ എന്‍ഫീല്‍ഡ് ക്ലാസിക് 350 മോഡല്‍. 350 സിസി സെഗ്മെന്റിലെ രാജാവ് എന്നാണ് ഈ മോഡല്‍ അറിയപ്പെടുന്നത്. കഴിഞ്ഞ കുറച്ച് മാസങ്ങളായി റോയല്‍ എന്‍ഫീല്‍ഡ് ക്ലാസിക് 350 മികച്ച വില്‍പ്പനയാണ് നേടുന്നത്. 2025 സെപ്റ്റംബര്‍ മാസത്തിലെ ക്ലാസിക് 350 മോട്ടോര്‍സൈക്കിളിന്റെ വില്‍പ്പന കണക്കുകള്‍ ഇപ്പോള്‍ ഞങ്ങളുടെ പക്കല്‍ ഉണ്ട്. അത് വിശദമായി നോക്കാം.

ആൾദൈവങ്ങൾക്ക് യാതൊരു പഞ്ഞവുമില്ലാത്ത നാടാണ് നമ്മുടെ ഇന്ത്യ. വിശ്വാസം വിറ്റ് ഇതുപോലെ കാശുണ്ടാക്കുന്ന മറ്റൊരു മേഖലയുണ്ടോയെന്ന് വരെ സംശയമാണ്. ധ്യാനം, സ്‌നേഹം, സ്വതന്ത്രജീവിതം എന്നിവയെക്കുറിച്ചുള്ള വ്യത്യസ്തമായ ദര്‍ശനങ്ങള്‍ കൊണ്ട് ആഗോളപ്രശസ്തനായ ആത്മീയാചാര്യനാണ് ഓഷോ. തന്റെ കൗമാരകാലം മധ്യപ്രദേശിലെ ജബൽപൂർ നഗരത്തിലായിരുന്നു ഓഷോ ചെലവഴിച്ചിരുന്നത്. മോഹൻലാലിനെ വരെ സ്വാധീനിച്ച ആൾദൈവം ജീവിച്ചിരിപ്പില്ലെങ്കിലും അദ്ദേഹത്തിന്റെ ശിഷ്യന്മാർ ഓരുപാട് പേർ ഇന്ന് സമൂഹത്തിലുണ്ട്. അതിൽ പ്രമുഖനാണ് മധ്യപ്രദേശിൽ നിന്നുള്ള സ്വാമി പ്രേം പരസ്. പണ്ടേ കാറുകളോട് പ്രത്യേക പ്രണയം തന്നെയുള്ള ഓഷോയുടെ അതേ പാതയാണ് ഇദ്ദേഹവും പിന്തുടരുന്നത്.

കുടുംബങ്ങൾക്ക് പറ്റിയ വാഹനം എപ്പോഴും എംപിവി സെഗ്മെൻ് തന്നെയാണ്. 5 പേരിൽ കൂടുതലുണ്ടെങ്കിൽ ഒരു 7 സീറ്റർ കുടുംബത്തിൽ ആവശ്യമാണ്. ടൊയോട്ടയുടെ എംപിവി സെഗ്മെന്റിൽ ഏറ്റവും പുതിയ താരമാണ് ഇന്നോവ ഹൈക്രോസ്. കുടുംബങ്ങൾക്കും ദീർഘയാത്രകൾക്കും ഒരുപോലെ അനുയോജ്യമായ ഈ മോഡൽ, കംഫർട്ട്, ഫീച്ചറുകൾ, ഹൈബ്രിഡ് സാങ്കേതികവിദ്യ എന്നിവ കൊണ്ടെല്ലാം വിപണിയിൽ മുന്നിൽ തന്നെയാണുളളത്. കൊടുക്കുന്ന കാശിന് അനുസരിച്ച് കിട്ടുന്ന ആഡംബരവും വിശ്വാസ്യതയും കാരണം ഹൈക്രോസ് ഇപ്പോൾ ഇന്ത്യയിലെ ഏറ്റവും കൂടുതൽ ഡിമാൻ്റുളള എംപിവികളുടെ ലിസ്റ്റിൽ മുന്നിൽ തന്നെയാണുളളത്.

ഉത്സവകാലവും ചരക്കുസേവന നികുതി (ജിഎസ്ടി) പരിഷ്‌കാരങ്ങളും കൂടി ആയതോടെ ഇരുചക്ര വാഹനങ്ങള്‍ക്ക് റെക്കോഡ് വില്‍പ്പനയാണ് ഇപ്പോള്‍ ലഭിക്കുന്നത്. ഇലക്ട്രിക് വാഹനങ്ങള്‍ക്ക് ജിഎസ്ടി കട്ട് പ്രഖ്യാപിച്ചിട്ടില്ലെങ്കിലും ഉത്സവകാല ഒാഫറുകള്‍ ലഭ്യമാണ്. ഉത്സവകാലം അവസാനിക്കുന്നതോടെ ഇലക്ട്രിക് വാഹനങ്ങള്‍ക്ക് പ്രഖ്യാപിച്ചിരുന്ന മിക്ക ഓഫറുകളും പിന്‍വലിച്ചു തുടങ്ങിയിട്ടുണ്ട്. എന്നിരുന്നാലും ചില മികച്ച ഇലക്ട്രിക് ബൈക്കുകള്‍ക്ക് ഇപ്പോഴും ആകര്‍ഷകമായ ഡീലുകളും ഡിസ്‌കൗണ്ടുകളും ലഭ്യമാണ്. ഇവയില്‍ ചില ബ്രാന്‍ഡുകള്‍ ക്യാഷ്ബാക്കും എക്‌സ്‌ചേഞ്ച് ഓഫറുകളും നല്‍കുന്നുണ്ട്. അത്തരം ചില ഇലക്ട്രിക് ബൈക്കുകളെയും അവയുടെ ഓഫറുകളെയും പരിചയപ്പെടാം.

കാർ വാങ്ങിക്കുന്നവരുടേയും ഉപയോഗിക്കുന്നവരുടേയും വലിയൊരു ആശങ്കയാണ് മൈലേജ്. കുറഞ്ഞ ചെലവിൽ കൂടുതൽ ദൂരം സഞ്ചരിക്കാനാവുമല്ലോ ഏവർക്കും താത്പര്യം. അതിനാൽ ഇന്ധനക്ഷമതയുള്ള കാറുകൾ തേടിപ്പിടിച്ച് വാങ്ങുന്നത് ഇന്ത്യക്കാരുടെ പൊതുവായുള്ളൊരു സ്വഭാവമാണ്. മൈലേജ് കൂടുതൽ വേണ്ടവർ അന്നും ഇന്നും ഏറ്റവും കൂടുതൽ വാങ്ങുന്നത് ഡീസൽ മോഡലുകളാവും. വാഹന വിപണിയിൽ ഇലക്ട്രിക് വാഹനങ്ങൾ കൈയടക്കുകയാണെങ്കിലും ഓയിൽ ബർണറുകളോട് എല്ലാവർക്കും പ്രത്യേക ഇഷ്‌ടമാണ്. നല്ല ഇന്ധനക്ഷമതയുള്ളതാണ് ഇതിന്റെ പ്രധാന കാരണം. ഫുൾടാങ്ക് ഡീസലിൽ 2,831 കിലോമീറ്റർ ഓടി ഗിന്നസ് വേൾഡ് റെക്കോർഡ് ഇട്ടിരിക്കുകയാണ് ഒരു കാർ.

മലയാളി വീട്ടമ്മമാരുടെ പ്രിയപ്പെട്ട സീരിയലായിരുന്നു ഏഷ്യാനെറ്റിലെ ഗീതാഗോവിന്ദം. ഓരോ കഥാപാത്രങ്ങളുടെ സ്വന്തം വീട്ടിലെ അംഗങ്ങളെ പോലെയായിരുന്നു മലയാളി പ്രേക്ഷകരർ കരുതിയിരുന്നത്. എല്ലാ കഥാപാത്രങ്ങൾക്കും മലയാളികൾക്കിടയിൽ ഒരുപാട് ആരാധകരുണ്ട്. സീരിയലിലെ അവർണിക എന്ന കഥാപാത്രത്തെ അവതരിപ്പിച്ച നടിയാണ് പ്രതീക്ഷ. താരത്തിന് വീട്ടമ്മമാരുടെ ഇടയിൽ പ്രത്യേക വാത്സല്യം ഉണ്ട് എന്ന് തന്നെ പറയാം. ഇപ്പോഴിതാ താരം തൻ്റെ യാത്രകൾക്ക് കൂട്ടായി സ്കോഡയുടെ കൈലാഖ് സ്വന്തമാക്കിയിരിക്കുകയാണ്. താരം തന്നെയാണ് തൻ്റെ സോഷ്യൽ മീഡിയ പേജിൽ ചിത്രങ്ങൾ പങ്കുവച്ചത്. സ്കോഡയുടെ ജനപ്രിയ മോഡലായി മാറിയ വാഹനമാണ് കൈലാഖ്.

സബ്-4 മീറ്റര്‍ എസ്‌യുവി വിഭാഗത്തിലെ തങ്ങളുടെ ചാട്ടുളിയായ വെന്യുവിന്റെ പുതിയ തലമുറ തലമുറ പതിപ്പ് മറനീക്കി വെളിപ്പെടുത്തിയിരിക്കുകയാണ് ഹ്യുണ്ടായി. ഇന്ത്യന്‍ വിപണിയില്‍ ദീര്‍ഘകാലമായി ഹ്യുണ്ടായി വെന്യു വില്‍പ്പനക്കെത്തുന്നുണ്ടെങ്കിലും അവസാനമായി ഫെയ്‌സ്ലിഫ്റ്റിന് വിധേയമായത് 2022ലായിരുന്നു. ടാറ്റ നെക്‌സോണ്‍, മാരുതി ബ്രെസ എന്നീ എതിരാളികളുമായി പിടിച്ചുനില്‍ക്കാന്‍ കോസ്‌മെറ്റിക് പരിഷ്‌കാരങ്ങളല്ലാതെ കാറിന് സമഗ്രമായ മാറ്റം ആവശ്യമായിരുന്നു. അതിനാലാണ് 2026 വെന്യുവില്‍ എക്സ്റ്റീരിയറിലും ഇന്റീരിയറിലും വലിയ മാറ്റങ്ങള്‍ വരുത്തിയിരിക്കുന്നത്. നിലവിലെ മോഡലില്‍ നിന്ന് കാര്യമായ മാറ്റങ്ങളോടെയാണ് ന്യൂജെന്‍ വെന്യു രൂപകല്‍പ്പന ചെയ്തിരിക്കുന്നത്. ഈ ലേഖനത്തില്‍ 2026 വെന്യുവിനെ നമുക്ക് നിലവില്‍ വില്‍പ്പനക്കുള്ള മോഡലുമായി താരതമ്യം ചെയ്ത് നോക്കാം.

ഇന്ത്യയിലെ എസ്‌യുവി സെഗ്മെന്റ് കൈക്കലാക്കാൻ കച്ചകെട്ടിയിറങ്ങുകയാണ് ദക്ഷിണ കൊറിയൻ വാഹന നിർമാതാക്കളായ ഹ്യുണ്ടായി. കോംപാക്‌ട് എസ്‌യുവി വിഭാഗത്തിലെ ടെക്കി എന്ന് വിളിപ്പേരുള്ള മിടുക്കൻ പുതുതലമുറയിലേക്ക് ചേക്കേറുകയാണ്. രൂപവും ഭാവവും വെളിപ്പെടുത്തി കമ്പനി പുതുമോഡലിനെ ഇന്നലെ ആളുകളിലേക്ക് എത്തിച്ചിരുന്നു. 2025 നവംബർ നാലിന് വില കൂടി പ്രഖ്യാപിക്കുമ്പോൾ സെഗ്മെന്റിലെ മുഖ്യ എതിരാളികളായ മാരുതി സുസുക്കി ബ്രെസ, ടാറ്റ നെക്സോൺ എന്നിവരെയെല്ലാം വിറപ്പിക്കുമെന്ന് ഉറപ്പാണ്. പക്ഷേ സന്തോഷകരമായ മറ്റൊരു കാര്യം കൂടിയുണ്ടെന്ന് ഹ്യുണ്ടായി വെളിപ്പെടുത്തിയിരിക്കുകയാണ്. സംഭവം സിമ്പിളാണെങ്കിലും മിക്കവരേയും സന്തോഷിപ്പിക്കുന്ന തീരുമാനമാണിത്.

ദീപാവലി എന്നാൽ ദീപങ്ങളുടേയും പടക്കങ്ങളുടേയും ഉത്സവമാണല്ലോ, ഏതൊരു വ്യക്തിയുടേയും മനസുകളിലേക്ക് വെളിച്ചം പകരുന്ന ദിനത്തിൽ നിങ്ങളുടെ വീട്ടിൽ മറ്റൊരു അതിഥി കൂടിയുണ്ടെങ്കിലോ. അതേ എംജിയുടെ കിടിലൻ റോഡ്സ്റ്ററായ സൈബർസ്റ്റർ എന്ന സ്പോർട്സ് കാറാണ് താരം. ദീപാവലിയുടെ പടക്കങ്ങളുടേയും ദീപാലങ്കാരങ്ങൾക്കിടയിലൂടെ എംജി സൈബർസ്റ്ററിൽ നിങ്ങൾ യാത്ര ചെയ്യുമ്പോൾ കിട്ടുന്ന ഫീൽ അതൊന്ന് വേറെ തന്നെയാണ്. ഒരു ആധുനിക ഇലക്ട്രിക് വാഹനത്തിനും ഒരു ക്ലാസിക് ബ്രിട്ടീഷ് റോഡ്‌സ്റ്ററിനും ഇടയിലുള്ള ഒരു ഡിസൈനാണ് എം‌ജി സൈബർ‌സ്റ്ററിന്റേത്.

ടാക്‌സി അല്ലെങ്കില്‍ ഓല, ഊബര്‍ പോലുള്ള ക്യാബ് സര്‍വീസ് (Cab Service) ആരംഭിക്കാന്‍ ആലോചിക്കുന്നവര്‍ക്കായി മികച്ച മൈലേജും കുറഞ്ഞ പരിപാലനച്ചെലവും കൈനിറയെ ലാഭവും ഉറപ്പാക്കുന്ന ചില കാറുകള്‍ ഇന്ന് വിപണിയില്‍ ലഭ്യമാണ്. മാരുതി ഡിസയര്‍ ടൂര്‍ S (Maruti Tour S), മാരുതി വാഗണ്‍ R ടൂര്‍ H3 ((Maruti Tour H3)), ഹ്യുണ്ടായി ഓറ, മാരുതി എര്‍ട്ടിഗ എന്നിവ ടാക്‌സി ഡ്രൈവര്‍മാരുടെ പ്രിയപ്പെട്ട വാഹനങ്ങളാണ്. ഈ കാറുകളുടെ വിലയും മൈലേജും സവിശേഷതകളും നമുക്ക് ഈ ലേഖനത്തിലൂടെ അറിയാം.

വാഹനമേതാണെങ്കിലും വളരെ സുഖകരമായി ഡ്രൈവ് ചെയ്യുക എന്നതാണല്ലോ പ്രധാനം. ഡ്രൈവർക്ക് എന്ത് ബുദ്ധിമുട്ടുണ്ടായാലും അത് യാത്രക്കാരെ കൂടിയാണ് ബാധിക്കുന്നത്. വാഹന വിപണിയിൽ കൂടുതൽ ഉപഭോക്താക്കളും ഡ്രൈവിംഗ് കംഫർട്ടിന് തന്നെയാണ് പ്രാധാന്യം നൽകുന്നത്. അതിൽ പ്രധാനമായ പങ്ക് വഹിക്കുന്ന ഒരു ഫീച്ചറിനെയാണ് നിങ്ങൾക്ക് ഇന്ന് പരിചയപ്പെടുത്തുന്നത്. ഡ്രൈവറുടെ ഉയരത്തിനും ഇരിപ്പിനും അനുസരിച്ച് സ്റ്റിയറിംഗ് പൊസിഷൻ മാറ്റാൻ കഴിയുന്ന സ്റ്റീയറിങ്ങ് അഡ്ജസ്റ്റാണ് ആ ഫീച്ചർ. ദീർഘയാത്രകളിലും ട്രാഫിക് ഡ്രൈവുകളിലും മികച്ച എർഗോണമിക്സ് ഉറപ്പാക്കാൻ ഈ ഫീച്ചർ നിങ്ങളെ സഹായിക്കുന്നുണ്ട്. എന്നാൽ എല്ലാ വാഹനങ്ങളിലും ഈ ഫീച്ചർ ലഭിക്കുന്നുണ്ടോ. 10 ലക്ഷത്തിൽ താഴെ വിലയുള്ള ഏതൊക്കെ വാഹനങ്ങളിൽ ലഭിക്കുന്നുണ്ടെന്ന് അറിയാൻ തുടർന്ന് വായിക്കാൻ മറക്കരുതേ.

ഇന്ത്യയില്‍ ബഹുഭൂരിപക്ഷം വരുന്ന ഇടത്തരക്കാര്‍ ഇപ്പോഴും ദൈനംദിന യാത്രകള്‍ക്കായി ഇരുചക്ര വാഹനങ്ങളെയാണ് ആശ്രയിക്കുന്നത്. മികച്ച ഇന്ധനക്ഷമതയുള്ള കമ്മ്യൂട്ടര്‍ മോട്ടോര്‍സൈക്കിളുകളാണ് അവരുടെ മാസബജറ്റ് താളംതെറ്റാതെ നിലനില്‍ക്കാന്‍ സഹായിക്കുന്നത്. അതുകൊണ്ടുതന്നെ കുറഞ്ഞ വിലയുള്ള കമ്മ്യൂട്ടര്‍ ബൈക്കുകള്‍ പുറത്തിറക്കാന്‍ കമ്പനികള്‍ മത്സരിക്കുന്നു. അവയില്‍ തന്നെ ഇന്ത്യക്കാര്‍ നെഞ്ചിലേറ്റിയ ചില മോഡലുകള്‍ ഉണ്ട്. കുറഞ്ഞ വിലയും ഉയര്‍ന്ന മൈലേജും കാരണം ഇന്ത്യന്‍ വിപണിയില്‍ തന്റേതായ ഒരിടം കണ്ടെത്തിയ ബൈക്കാണ് ബജാജ് പ്ലാറ്റിന. 2006-ലാണ് ബജാജ് പ്ലാറ്റിന വിപണിയിലെത്തിയത്. പ്ലാറ്റിനയുടെ പ്രാരംഭ വില അന്ന് 34,000 രൂപയിരുന്നു.

വാഹനലോകത്തേക്ക് നോക്കിയാൽ ചില മോഡലുകളൊന്നും ഒരു എഞ്ചിനീയറിങ്ങ് അത്ഭുതം മാത്രമല്ല, ഒരു കാലഘട്ടങ്ങളുടെ പ്രതീകങ്ങളാണ്. അങ്ങനെ ഏതൊരു തലമുറയിൽപ്പെട്ട ആളുകളേയും തൻ്റെ ആരാധകരാക്കി മാറ്റിയ ടൊയോട്ടയുടെ ഒരു മോഡലാണ് ലാൻഡ് ക്രൂയിസർ FJ ക്രൂയിസർ. ഇപ്പോൾ വർത്തകളിൽ വാഹനം നിറഞ്ഞു നിൽക്കുകയാണല്ലോ, ഇന്ത്യയിലേക്കുള്ള വരവിനായി എല്ലാവരും കാത്തിരിക്കുകയാണ്. FJ ക്രൂയിസർ എത്തുന്നതോടെ ഓഫ്റോഡ് രാജാക്കൻമാരായി ഇന്ത്യൻ വിപണിയിൽ വിലസുന്ന പല മോഡലുകളുടേയും പത്തി താഴുമെന്ന കാര്യത്തിൽ ഒരു സംശയവും വേണ്ട. കാത്തിരിപ്പ് ഒന്ന് കൂടി ശക്തമാക്കാൻ ടൊയോട്ടയുടെ ഈ മിഡ് സൈസ് എസ്‌യുവിയുടെ ചരിത്രത്തിലേക്ക് ഒരു ട്രിപ്പ് പോയിട്ട് വന്നാലോ.

ചരക്കുസേവന നികുതി പരിഷ്‌കാരങ്ങള്‍ പ്രാബല്യത്തില്‍ വന്നിട്ട് ഒരു മാസം പിന്നിട്ടിരിക്കുകയാണ്. ജിഎസ്ടി 2.0 കാരണം ഇന്ത്യയില്‍ കാര്‍ വാങ്ങുന്നവരുടെ എണ്ണം ഇരട്ടിയായതായി റിപ്പോര്‍ട്ട്. നികുതി ഇളവുകള്‍ ആഭ്യന്തര വാഹന വിപണിക്ക് വലിയ ഉത്തേജനമേകിയതായി ധനമന്ത്രി നര്‍മല സീതാരാമന്‍ സോഷ്യല്‍ മീഡിയ പോസ്റ്റില്‍ പറഞ്ഞു. കാറുകളുടെ വിലയില്‍ ഗണ്യമായ കുറവുണ്ടായതാണ് വില്‍പ്പന വര്‍ധനവിന് കാരണമായത്. 2025 സെപ്റ്റംബര്‍ 22-നാണ് ഇന്ത്യയില്‍ ജിഎസ്ടി നികുതി ഇളവ് പ്രാബല്യത്തില്‍ വന്നത്. ഇതുമൂലം വാഹനങ്ങളുടെ വില ഗണ്യമായി കുറഞ്ഞു. ചെറു കാറുകളുടെ നികുതി 28 ശതമാനത്തില്‍ നിന്ന് 18 ശതമാനമായി കുറച്ചു.

സെലിബ്രിറ്റികളും അത് പോലെ തന്നെ ബിസിനസുകാരുടേയും പ്രിയപ്പെട്ട ബ്രാൻഡാണ് മെർസിഡീസ് ബെൻസ്. അതിൽ തന്നെ സെഡാൻ മോഡലായ ഇ ക്ലാസിന് പ്രത്യേക ഫാൻബേസാണുളളത്. യാത്രാസുഖത്തിൻ്റെ കാര്യത്തിലാണെങ്കിലും ലുക്കിൻ്റെ കാര്യത്തിലാണെങ്കിലും സെഡാനുകളിലെ പ്രിയതാരമാണ് ഇ ക്ലാസ് എന്നത്. S-ക്ലാസിനും EQS-നും പിറകില്‍ ബ്രാന്‍ഡിന്റെ ലൈനപ്പിലെ ഏറ്റവും വിലപിടിപ്പുള്ള സെഡാനാണ് E-ക്ലാസ് എന്ന പ്രത്യേകതയും ഉണ്ട്. മെര്‍സിഡീസ് ബെന്‍സ് ഇ-ക്ലാസ് നിലവില്‍ 79.50 ലക്ഷം രൂപ പ്രാരംഭ വിലയിലാണ് ഇന്ത്യന്‍ വിപണിയില്‍ വില്‍ക്കുന്നത്. അതേസമയം ഈ കാറിന്റെ ടോപ്-എന്‍ഡ് വേരിയന്റിന്റെ വില 92.50 ലക്ഷം രൂപയാണ്.