ഇന്ത്യക്കാരുടെ ഏറ്റവും പ്രിയപ്പെട്ട വാഹന ബ്രാന്‍ഡുകളിലൊന്നാണ് മഹീന്ദ്ര. കിടിലന്‍ പെര്‍ഫോമന്‍സിനൊപ്പം ആരെയും മയക്കുന്ന ഡിസൈനും ഇന്റീരിയറും വാഗ്ദാനം ചെയ്യുന്ന മഹീന്ദ്ര വാഹനങ്ങള്‍ എന്നും മുന്‍പന്തിയിലാണ്. ഇപ്പോള്‍ പുത്തന്‍ ലോഞ്ചുകള്‍ക്കൊപ്പം എസ്‌യുവി, ഇലക്ട്രിക് വാഹന വിഭാഗങ്ങളെ പുനര്‍നിര്‍വചിക്കാന്‍ ഒരുങ്ങുകയാണ് ബ്രാന്‍ഡ്. മഹീന്ദ്ര പ്രേമികള്‍ക്ക് ഇതില്‍ കൂടുതല്‍ ആനന്ദം ഉളവാക്കുന്ന മറ്റൊരു വാര്‍ത്ത ഉണ്ടാകില്ല. അടുത്ത 6 മാസത്തിനുള്ളില്‍ ഒരു പുതിയ എസ്‌യുവിയും ഒരു ഫുള്‍-ഇലക്ട്രിക് മോഡലും അവതരിപ്പിക്കാന്‍ പദ്ധതിയിട്ടാണ് ഇപ്പോള്‍ ബ്രാന്‍ഡിന്റെ നീക്കം.

എംപിവി സെഗ്മെന്റിൽ ഡിസൈൻ കൊണ്ടും ഫീച്ചറുകൾ കൊണ്ടും പ്രായോഗിക കൊണ്ടും തന്റേതായ സ്ഥാനം കണ്ടെത്തിയ വാഹനമായിരുന്നു കിയ കാരെൻസ്. 7-സീറ്റർ സെഗ്മെന്റ് അരങ്ങുവാണിരുന്ന മാരുതി സുസുക്കി എർട്ടിഗയോടും ടൊയോട്ട ഇന്നോവയോടും പടവെട്ടിയാണ് കാരെൻസ് അതിവേഗം അഡ്രസുണ്ടാക്കിയെടുത്തത്. അടുത്തിടെ കാരെൻസ് ക്ലാവിസിന്റെ ഇലക്‌ട്രിക് പതിപ്പും പുറത്തിറക്കി കിയ ഇവി വിഭാഗത്തിലേക്കും പടവെട്ടാനിറങ്ങി. കിയയുടെ ആദ്യത്തെ മെയ്‌ഡ് ഇൻ ഇന്ത്യ ഇലക്ട്രിക് കാറാണെന്ന പ്രത്യേകതയോടെ എത്തിയ മോഡൽ അതിവേഗം വിജയം കണ്ടെത്തുകയും ചെയ്‌തിരുന്നു. ഇപ്പോഴിതാ ഇലക്ട്രിക് എംപിവിയിലേക്ക് പുത്തൻ 2 വേരിയന്റിനെ കൂടി അവതരിപ്പിച്ച് ശക്തിയാർജിക്കുകയാണ് ബ്രാൻഡ്.

ഉത്സവകാലമായതിനാല്‍ ഇന്ത്യന്‍ വിപണിയില്‍ ഇപ്പോള്‍ ഓഫറുകളുടെ മേളമാണ്. ടൂവീലറുകള്‍ക്കും കാറുകള്‍ക്കുമെല്ലാം ആകര്‍ഷകമായ ഡിസ്‌കൗണ്ടുകളും മറ്റ് ആനുകൂല്യങ്ങളും വാഗ്ദാനം ചെയ്ത് ഉപഭോക്താക്കളെ ഷോറൂമുകളിലേക്ക് മാടിവിളിക്കുകയാണ് കമ്പനികള്‍. ഇപ്പോള്‍ ജാവ, യെസ്ഡി, ബിഎസ്എ മോട്ടോര്‍സൈക്കിളുകള്‍ക്ക് ആകര്‍ഷകമായ ഉത്സവകാല ഓഫറുമായി എത്തിയിരിക്കുകയാണ് ക്ലാസിക് ലെജന്‍ഡ്‌സ്. 'ബൈ നൗ, പേ ഇന്‍ 2026' എന്ന പേരിട്ടിരിക്കുന്ന പരിപാടിക്ക് കീഴില്‍ ഈ ഉത്സവകാലത്ത് ഉപഭോക്താക്കള്‍ക്ക് തങ്ങളുടെ ഇഷ്ടവാഹനം സ്വന്തമാക്കാം. ഇപ്പോള്‍ വാങ്ങുന്ന വാഹനത്തിന് അടുത്ത വര്‍ഷം മുതല്‍ മാത്രം ഇഎംഐ അടച്ചുതുടങ്ങിയാല്‍ മതി എന്നതാണ് ഏറ്റവും വലിയ ഹൈലൈറ്റ്.

സ്കോഡയുടെ ഏറ്റവും പുതിയ കാർ നാളെ ഇന്ത്യൻ വിപണിയെ പുളംകൊള്ളിക്കാൻ എത്തുകയാണ്. കൈലാക് പോലെ സാധാരണക്കാരന് വേണ്ടിയുള്ള എസ്‌യുവിയോ ഹാച്ച്ബാക്കോ ആയിരിക്കില്ല ഇത്തവണ എത്തുക. പകരം ഡ്രൈവിംഗ് ഹരമായി കൊണ്ടുനടക്കുന്നവരെ ത്രസിപ്പിക്കാനുള്ള ഒന്നാന്തരമൊരു പെർഫോമൻസ് സെഡാനായിരിക്കും ചെക്ക് റിപ്പബ്ലിക്കൻ ബ്രാൻഡ് അവതരിപ്പിക്കാൻ പോവുന്നത്. ഫോക്‌സ്‌വാഗൺ ഗോൾഫ് ജിടിഐ തുടങ്ങിവെച്ച ആരവം ഏറ്റെടുത്ത് പണംവാരാനാണ് സ്കോഡയുടെ ശ്രമം. പക്ഷേ വിൽപ്പനയ്ക്ക് എത്തുന്നതിന് മുമ്പേ, അല്ലെങ്കിൽ വില പ്രഖ്യാപിക്കുന്നതിനെ മുമ്പേ കാർ വിറ്റുതീർന്നുവെന്നതാണ് സത്യം. ഒക്ടാവിയ RS എത്തുമ്പോൾ ഇത്രയും വലിയ സ്വീകരണം എങ്കിലും ഒരുക്കേണ്ടേയെന്ന മൈൻഡിലാണ് വണ്ടിഭ്രാന്തൻമാർ.

അടുത്ത കാലത്തായി എസ്‌യുവി വിപണിയില്‍ തരംഗം സൃഷ്ടിച്ച ഒരു മോഡല്‍ ആണ് മാരുതി സുസുക്കി വിക്‌ടോറിസ്. അരീന ഡീലര്‍ഷിപ്പുകളിലൂടെ വില്‍പ്പനക്കെത്തുന്ന വിക്‌ടോറിസ് ചുരുങ്ങിയ ദിവസങ്ങള്‍ കൊണ്ട് 25000 ബുക്കിംഗുകള്‍ വാരിക്കൂട്ടി ഞെട്ടിച്ചിരുന്നു. വിപണിയിലെത്തിയ ആദ്യമാസം തന്നെ 4261 യൂണിറ്റുകള്‍ വിതരണം ചെയ്യാനും മാരുതിക്ക് സാധിച്ചു. എന്നാല്‍ ഇപ്പോള്‍ വിക്‌ടോറിസ് വാങ്ങാന്‍ പദ്ധതിയിട്ടിരിക്കുന്നവര്‍ക്ക് നിരാശ നല്‍കുന്ന ഒരു വാര്‍ത്തയാണ് പുറത്തു വരുന്നത്. വിപണിയിലെത്തി ഒരു മാസത്തിനുള്ളില്‍ മാരുതി സുസുക്കി വിക്ടോറിസ് മോഡലിന്റെ വില വര്‍ധിപ്പിച്ചു. V3 കാര്‍സ് ആണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്. എസ്‌യുവിയുടെ ഏതൊക്കെ വേരിയന്റുകള്‍ക്കാണ് വില കൂടിയിരിക്കുന്നതെന്ന് വിശദമായി അറിയാം.

കൊറിയൻ ബ്രാൻഡായ ഹ്യുണ്ടായി രാജ്യത്ത് ജനപ്രിയ ബ്രാൻഡായി മാറാൻ അധികം കാലം വേണ്ടി വന്നില്ല. ട്രെൻഡിന് അനുസരിച്ച് തങ്ങളുടെ മോഡലുകളിൽ നിരവധി പരിഷ്കാരങ്ങൾ വരുത്തുന്നതിൽ മിടുക്കരാണ് എന്ന് വേണം പറയാൻ. ഭാവി മുന്നിൽ കണ്ട് നിരവധി ബ്രാൻഡുകൾ രാജ്യത്ത് നിരവധി നിക്ഷേപ പദ്ധതികൾ പ്രഖ്യാപിച്ചിട്ടുണ്ടെങ്കിലും അവരുടെ എല്ലാം പെട്ടിയിൽ ആണി അടിച്ചു കൊണ്ട് ഹ്യുണ്ടായി 2030 -ഓടെ രാജ്യത്ത് 45000 കോടി രൂപയുടെ നിക്ഷേപമാണ് പ്രഖ്യാപിച്ചിരിക്കുന്നത്. അതിനൊപ്പം തന്നെ 26 പുതിയ മോഡലുകളും അവതരിപ്പിക്കാനാണ് കമ്പനിയുടെ പദ്ധതി.

ഹ്യുണ്ടായി മോട്ടോര്‍ ഇന്ത്യ ലിമിറ്റഡ് 2030-ഓടെ തങ്ങളുടെ ഉല്‍പ്പന്നനിര വികസിപ്പിക്കാനൊരുങ്ങുകയാണ്. ഇതിനായി കമ്പനി വിപുലമായ പദ്ധതികളാണ് ആവിഷ്‌കരിച്ചിട്ടുള്ളത്. ഇലക്ട്രിക് വാഹന മേഖലയില്‍ അതിവേഗം മുന്നേറാനാണ് ദക്ഷിണ കൊറിയന്‍ കമ്പനി ലക്ഷ്യമിടുന്നത്. ഇന്ത്യന്‍ വിപണിക്ക് അനുയോജ്യമായ രീതിയില്‍ താങ്ങാനാവുന്ന വിലയുള്ള ഒരു പുതിയ ഇലക്ട്രിക് കാര്‍ പുറത്തിറക്കുമെന്ന് ഹ്യുണ്ടായി കഴിഞ്ഞ ദിവസം നടന്ന നിക്ഷേമക സംഗമത്തില്‍ പ്രഖ്യാപിച്ചു. ഇന്ത്യന്‍ വിപണിയില്‍ താങ്ങാനാവുന്ന വിലയില്‍ ഒരു ഇലക്ട്രിക് വാഹനം അവതരിപ്പിക്കുന്നത് വെല്ലുവിളി നിറഞ്ഞ കാര്യമാണ്. ഇതിനെ 'ഇന്ത്യ ഇവി അക്‌സസിബിള്‍ ഫോര്‍ ഓള്‍' എന്നാണ് ഹ്യുണ്ടായി വിശേഷിപ്പിച്ചത്.

സേഫ്റ്റി എന്നൊരു ഒറ്റക്കാര്യം കൊണ്ട് ആളുകളുടെ മനസിൽ കയറിപ്പറ്റിയവരാണ് ടാറ്റ മോട്ടോർസ് (Tata Motors). നെക്സോൺ, ടിയാഗോ തുടങ്ങിയ മോഡലുകളിലൂടെ ഇന്ത്യൻ വാഹന വിപണിയിലെ പ്രധാന ശക്തിയായി മാറിയ കമ്പനി ഇപ്പോൾ വിൽപ്പനയുടെ കാര്യത്തിൽ രാജ്യത്തെ ഏറ്റവും വലിയ രണ്ടാമത്തെ ബ്രാൻഡാണ്. ഹ്യുണ്ടായി, മഹീന്ദ്ര എന്നിവരെ ഓവർടേക്ക് ചെയ്‌ത് 2025 സെപ്റ്റംബർ മാസത്തിലാണ് കമ്പനി ഈയൊരു നേട്ടത്തിലേക്ക് വീണ്ടും എത്തിയത്. കഴിഞ്ഞ കുറച്ച് മാസങ്ങളായി എതിരാളികൾക്ക് പിന്നിൽ നിൽക്കാനായിരുന്നു യോഗമെങ്കിലും ഉത്സവ സീസണിന് കൊടിയേറിയതോടെ ആളുകളെല്ലാം ടാറ്റ ഷോറൂമുകളിലേക്ക് ഇരച്ചെത്തുകയായിരുന്നു.

ആദ്യമായി വാഹനം വാങ്ങുന്നവരിൽ ഭൂരിപക്ഷം പേരും എൻട്രി ലെവൽ വാഹനങ്ങളായിരിക്കും. ചെറിയ വാഹനങ്ങളിൽ ഓടിച്ചു പഠിച്ചിട്ട് വലിയ വാഹനം വാങ്ങുന്നവരാണല്ലോ കൂടുതൽ ഉപഭോക്താക്കളും. അത് കൊണ്ട് തന്നെ പല ബ്രാൻഡുകളും തങ്ങളുടെ എൻട്രി ലെവൽ മോഡലുകൾ കൂടുതൽ അടിപൊളിയാക്കി അവതരിപ്പിക്കുന്നുണ്ട്. കുഞ്ഞൻ കാറെന്നാൽ അത് എല്ലാവർക്കും മാരുതി സുസുക്കി തന്നെയാണല്ലോ. ജിഎസ്ടി ഇളവ് കൂടി വന്നതോടെ പുതിയ വാഹനം വാങ്ങാൻ ഷോറൂമിൽ തിക്കും തിരക്കുമാണ്. എന്നാൽ രാജ്യത്ത് എന്തുകൊണ്ടായിരിക്കും എൻട്രി ലെവൽ കാറുകൾക്ക് ഇത്രമാത്രം ഡിമാൻ്റെന്ന് എപ്പോഴെങ്കിലും ചിന്തിച്ചിട്ടുണ്ടോ.

ഇന്ത്യൻ കാർ പ്രേമികളുടെ ഏറ്റവും മികച്ച ചോയ്സുകളിൽ ഒന്നാണ് ലുക്കും ബെസ്റ്റ് പെർഫോമൻസും കൂട്ടിയിണക്കിയ ഹാച്ച്ബാക്കുകൾ. ഇത് മനസ്സിലാക്കണമെങ്കിൽ 2025 സെപ്റ്റംബറിലെ ഹാച്ച്ബാക്കുകളുടെ വിൽപ്പന കണക്ക് ഒന്ന് നോക്കിയാൽ മതി. സ്റ്റൈലിൻ്റെയും, മികച്ച പ്രകടനത്തിൻ്റെയും, സുഖസൗകര്യങ്ങളുടെയും, മാത്രമല്ല ഏതൊരു സാധാരണക്കാരനും താങ്ങാനാവുന്ന വിലയും കൊണ്ട് ഹാച്ച്ബാക്ക് വിഭാഗം സെപ്റ്റംബറിൽ വീണ്ടും ആധിപത്യം തെളിയിച്ചിട്ടുണ്ട്. സെപ്റ്റംബറിൽ ഫുൾ മാർക്ക് മേടിച്ച ഹാച്ച്ബാക്കുകൾ ഏതൊക്കെയെന്ന് അറിയാൻ തുടർന്ന് വായിക്കാൻ മറക്കരുതേ. ലിസ്റ്റിൽ മാരുതി സുസുക്കി മുതൽ കൊറിയൻ ബ്രാൻഡായ ഹ്യുണ്ടായി വരെയുണ്ട്.

ഭാവിയുടെ ഇന്ധനമായി കണക്കാക്കപ്പെടുന്ന വൈദ്യുതിയില്‍ പ്രവര്‍ത്തിക്കുന്ന കാറുകള്‍ക്കും ഹൈബ്രിഡ് കാറുകള്‍ക്കും രാജ്യത്ത് പ്രചാരമേറി വരുന്നുണ്ട്. ഹൈബ്രിഡ് കാറുകളില്‍ പെട്രോള്‍/ഡീസല്‍, ഇലക്ട്രിക് മോട്ടോര്‍ എന്നിവയുടെ സംയോജനമാണ് നമുക്ക് കാണാന്‍ സാധിക്കുക. ഹൈബ്രിഡുകള്‍ പരിസ്ഥിതി സൗഹൃദമാണെന്ന് മാത്രമല്ല പരമ്പരാഗത ഐസി എഞ്ചിന്‍ കാറുകളെ അപേക്ഷിച്ച് കൂടുതല്‍ മൈലേജ് നല്‍കുന്നു. അതിനാല്‍, ഫുള്‍ ഇലക്ട്രിക് കാറുകള്‍ വാങ്ങുന്നതിനേക്കാള്‍ ഹൈബ്രിഡ് കാറുകള്‍ വാങ്ങാനാണ് ഇപ്പോള്‍ ഉപഭോക്താക്കള്‍ കൂടുതല്‍ താല്‍പ്പര്യം കാണിക്കുന്നത്. ഇവികള്‍ക്കുള്ള അടിസ്ഥാന സൗകര്യങ്ങള്‍ വികസിച്ചതിന് ശേഷം മതി ഒന്ന് സ്വന്തമാക്കുന്നത് എന്ന നിലപാടുകാരാണ് ഹൈബ്രിഡുകളെ ഒരു ഇടത്താവളമായി കാണുന്നത്.

ഇന്ത്യയിലെ ഏറ്റവും മത്സരാധിഷ്ഠിതമായ സെഗ്മെന്റുകളിൽ ഒന്നാണ് സബ്-4 മീറ്റർ എസ്‌യുവികളുടേത്. മാരുതി സുസുക്കി മുതൽ റെനോ വരെയുള്ള പ്രമുഖരെല്ലാം സാന്നിധ്യമറിയിച്ചിട്ടുള്ള വിഭാഗത്തിൽ ഒന്നാമൻ എന്ന ലേബൽ പലപ്പോഴായി അലങ്കരിച്ചിട്ടുള്ള മോഡലാണ് ഹ്യുണ്ടായി വെന്യു. സെഗ്മെന്റിലെ ടെക്കി എന്നറിയപ്പെടുന്ന എസ്‌യുവി മോഡേൺ ഫീച്ചറുകളിലൂടെയാണ് ആളുകളെ കൈയിലെടുത്തിരുന്നത്. പിന്നീട് നിരവധി എതിരാളികൾ കടന്നുവന്നുവെങ്കിലും ദക്ഷിണ കൊറിയൻ വാഹന നിർമാതാക്കളുടെ മിടുക്കനെ ആരും ഉപേക്ഷിച്ചില്ല. 2025 സെപ്റ്റംബറിൽ മാത്രം 11,484 യൂണിറ്റ് വെന്യുവാണ് വിറ്റഴിഞ്ഞത്. അതും ന്യൂ-ജെൻ മോഡൽ വരുന്നുവെന്ന് അറിഞ്ഞിട്ടും വാങ്ങാൻ ആളുകൾ തള്ളിക്കയറി എന്നതാണ് സത്യം.

അതിവേഗം വികസിച്ചുകൊണ്ടിരിക്കുന്ന മിഡ്-സൈസ് സെഡാൻ വിഭാഗത്തിൽ എന്നും മത്സരാധിഷ്ഠിത പോരാട്ടം നടത്തുന്ന രണ്ട് മോഡലുകളാണ് ഹോണ്ട സിറ്റി സ്പോർട് എഡിഷനും സ്കോഡ സ്ലാവിയ സ്പോർട്‌ലൈനും. വിപണിയിലേക്ക് സ്‌പോർട്ടിനെസും ആധുനിക ആകർഷണവും കൊണ്ടുവരുന്നതിൽ ഈ രണ്ടു സെഡാനുകളും മികച്ച പങ്കുവഹിക്കുന്നണ്ട്. എങ്കിലും ഇവരിൽ രണ്ടിലും ആരാണ് മികച്ച സൈഡാൻനെന്ന ചോദ്യം പലരിലും കൺഫ്യൂഷൻ ഉളവാക്കുന്ന ഒന്നാണ്. അതിനാൽ ഈ ലേഖനത്തിൽ ഇവ തമ്മിലുള്ള കുറച്ച് വ്യത്യാസങ്ങൾ നമുക്കൊന്ന് നോക്കിയാലോ. ഒപ്പം കേമൻ ആരാണെന്ന് അറിയാൻ താരതമ്യവും ചെയ്യാം.

മെർസിഡീസ് ബെൻസ് എന്നാൽ അതൊരും ക്ലാസ് ആണ്. ബെൻസിൽ വന്നിറങ്ങുമ്പോഴുളള ലുക്കും ആത്മവിശ്വാസവും അതൊന്ന് വേറെ തന്നെയാണ്. ഹാച്ച്ബാക്ക് മുതൽ അങ്ങ് ബിഗ് എസ്‌യുവി വരെ ബ്രാൻഡിൻ്റെ ലൈനപ്പിലുണ്ട്. ഇപ്പോഴിതാ ജി ക്ലാസിന് ഒരു ഡീസൽ പവർട്രെയിൻ കൂടി നൽകിയിരിക്കുകയാണ് ബ്രാൻഡ്. 2. കോടി രൂപ വില വരുന്ന മോഡൽ കൂടി എത്തിയതോടെ ലൈനപ്പ് ഒന്ന് കൂടി കൊഴുത്തു എന്ന് വേണം പറയാൻ. 48-വോൾട്ട് മൈൽഡ്-ഹൈബ്രിഡ് സിസ്റ്റവുമായി വരുന്ന പുതിയ 3.0 -ലിറ്റർ ഇൻലൈൻ സിക്സ് സിലിണ്ടർ ഡീസൽ എഞ്ചിനാണ് G 450d കരുത്ത്. 367 bhp പവറും 750 Nm ടോർക്കും ഈ യൂണിറ്റ് പുറപ്പെടുവിക്കും.

ഇന്ത്യന്‍ വിപണിയില്‍ എംപിവി (മള്‍ട്ടി പര്‍പ്പസ് വെഹിക്കിള്‍), ഓഫ്-റോഡ് എസ്‌യുവി വിഭാഗങ്ങള്‍ക്ക് വലിയ ഡിമാന്‍ഡാണ് നിലവിലുള്ളത്. ഈ സാഹചര്യം കണക്കിലെടുത്ത് ദക്ഷിണ കൊറിയന്‍ വാഹന നിര്‍മാതാക്കളായ ഹ്യുണ്ടായി പുതിയ മോഡലുകള്‍ അവതരിപ്പിക്കാന്‍ ഒരുങ്ങുകയാണ്. ഇന്ന് (2025 ഒക്ടോബര്‍ 15) നടന്ന കമ്പനിയുടെ ഇന്‍വെസ്റ്റര്‍ ഡേയിലുണ്ടായ സുപ്രധാന പ്രഖ്യാപനങ്ങളില്‍ ഒന്നായിരുന്നു ഇത്. ഇന്ത്യന്‍ വിപണിയില്‍ പുതിയ എംപിവികളും ഓഫ്-റോഡ് എസ്‌യുവികളും അവതരിപ്പിക്കുമെന്ന് ഹ്യുണ്ടായി പത്രക്കുറിപ്പിലൂടെയും സ്ഥിരീകരിച്ചിട്ടുണ്ട്. നിലവില്‍ ഈ വാഹനങ്ങളെ കുറിച്ചുള്ള ഔദ്യോഗിക വിവരങ്ങള്‍ ലഭ്യമല്ലെങ്കിലും ചില സാധ്യതകള്‍ വിപണി വിദഗ്ധര്‍ പ്രവചിക്കുന്നു. അത് എന്താണെന്ന് ചുവടെ വിശദമായി നോക്കാം.

പണ്ടൊക്കെ വാഹനം വാങ്ങുമ്പോൾ പ്രാധാന്യം നൽകിയിരുന്നത് മൈലേജിനും വിലയിലുമൊക്കെ ആയിരുന്നു എങ്കിൽ ഇപ്പോൾ വാഹനത്തിൻ്റെ സേഫ്റ്റിയിലേക്ക് മാറിയിട്ടുണ്ട്. ഉപഭോക്താക്കളുടെ മുൻഗണനയിൽ വലിയ മാറ്റങ്ങൾ വന്നിട്ടുണ്ട്. ഇതിന് പ്രധാന കാരണമാകുന്നത് ഗ്ലോബൽ എൻ.സി.എ.പി (Global NCAP) പോലുള്ള ഏജൻസികളുടെ ക്രാഷ് ടെസ്റ്റ് റേറ്റിംഗുകൾ ആണെന്ന് വേണം പറയാൻ. ക്രാഷ് ടെസ്റ്റ് റിസൾട്ട് ഒരു വാഹനത്തിൻ്റെ വിൽപ്പനയെ പോലും നിശ്ചയിക്കുന്ന മാനദണ്ഡമായി മാറിയിരിക്കുകയാണ്. ഒരു കാറിന്റെ അപകടസമയത്തിലെ സുരക്ഷാ പ്രകടനം വിലയിരുത്താനുള്ള പരീക്ഷണമാണ് ക്രാഷ് ടെസ്റ്റ് എന്നത് എല്ലാവർക്കും അറിയാവുന്ന കാര്യമാണല്ലോ.

ഇന്ത്യയിൽ ഏറ്റവും വൈവിധ്യമാർന്ന ഇരുചക്ര വാഹനങ്ങൾ നിർമിക്കുന്ന കമ്പനിയാണ് ടിവിഎസ്. കമ്മ്യൂട്ടർ ബൈക്കുകൾ, സ്‌കൂട്ടറുകൾ, പ്രീമിയം സ്പോർട് മോട്ടോർസൈക്കിളുകൾ, മോപ്പഡ് അങ്ങനെ വ്യത്യസ്‌ത തരത്തിലുള്ള മോഡലുകളാൽ സമ്പന്നമാണ് തിരുക്കുറുങ്കുടി വെങാരം സുന്ദരം മോട്ടോർസിന്റെ വാഹന നിര. ഇന്ന് ഇന്ത്യയിൽ ഏറ്റവും കൂടുതൽ ആളുകൾ അന്വേഷിച്ച് നടക്കുന്ന ബൈക്കുകളാണ് അഡ്വഞ്ചർ ടൂററുകൾ. ഈയൊരു രംഗത്തേക്ക് ഇതുവരെ കൈവെക്കാതിരുന്ന കമ്പനി നീണ്ട കാത്തിരിപ്പുകൾക്കൊടുവിൽ ഒരു പുതുപുത്തൻ എഡിവി ബൈക്കുമായി എത്തിയിരിക്കുകയാണ്. അതും യൂത്തൻമാരുടെ പ്രിയപ്പെട്ട അപ്പാച്ചെ സീരീസിലാണ് അഡ്വഞ്ചർ പതിപ്പിനേയും ഉൾക്കൊള്ളിച്ചിരിക്കുന്നത് കേട്ടോ.

ക്രിക്കറ്റിൽ ഇന്ത്യയ്ക്ക് വേണ്ടി ഏത് റോളും ഏറ്റെടുക്കാൻ മികവുള്ള കളിക്കാരനാണ് കെഎൽ രാഹുൽ. വിക്കറ്റ് കീപ്പർ ബാറ്റ്സ്മാനായും ഓപ്പണറായും വൺഡൌണായുമെല്ലാം തന്റെ മികവ് പുറത്തെടുത്തിട്ടുള്ള താരം വെസ്റ്റ് ഇൻഡീസിനെതിരെ മിന്നും ഫോമിലാണുള്ളത്. രണ്ട് ടെസ്റ്റും അനായാസം വിജയിച്ചതിനിടയിൽ ജീവിതത്തിലെ പുതിയൊരു സന്തോഷത്തിലാണ് ക്രിക്കറ്റർ. എന്താണന്നല്ലേ, പുത്തനൊരു ആഡംബര കാർ സ്വന്തമാക്കിയിരിക്കുകയാണ് ഇന്ത്യൻ താരം. അതും കാരവാൻ പോലത്തെ ചലിക്കുന്നൊരു കൊട്ടാരമാണ് രാഹുലിന്റെ ഗരാജിലേക്ക് എത്തിയിരിക്കുന്നത്. ക്രിക്കറ്റ് കഴിഞ്ഞാൽ വാഹനങ്ങളാണ് താരത്തിന്റെ കമ്പം. ഇനി സർപ്രൈസില്ലാതെ കെഎൽ രാഹുൽ വാങ്ങിയ മോഡൽ ഏതാണെന്ന് പറഞ്ഞുതരാം.

ഇന്ത്യയിലെ മിക്ക രാഷ്ട്രീയ നേതാക്കള്‍ക്കും അത്യാവശ്യം തരക്കേടില്ലാത്ത കാറുകളിലോ അല്ലെങ്കില്‍ സ്വന്തം ആഡംബര വാഹനങ്ങളിലോ യാത്ര ചെയ്യുന്നവരാണ്. മന്ത്രിയോ എംഎല്‍എയോ ആയിക്കഴിഞ്ഞാല്‍ യാത്രകള്‍ക്കായി ചിലര്‍ കാര്‍ വാങ്ങുന്നു. എന്നാല്‍ ഇതിന് അപവാദമായ ചില രാഷ്ട്രീയ നേതാക്കളുമുണ്ട്. ഗോവയില്‍ നിന്നുള്ള സ്വതന്ത്ര എംഎല്‍എയായ അന്റോണിയോ വാസ് അത്തരത്തിലൊരാളാണ്. ലാളിത്യം ജീവിതരീതിയാക്കിയ വ്യക്തി എന്ന നിലയില്‍ അറിയപ്പെടുന്ന ആന്റാണിയോ വാസ് കോര്‍ട്ടാലിം മണ്ഡലത്തെയാണ് പ്രതിനിധീകരിക്കുന്നത്. എംഎല്‍എയായി സത്യപ്രതിജ്ഞ ചെയ്യാനായി ടിവിഎസ് എന്‍ടോര്‍ഖ് സ്‌കൂട്ടറില്‍ ഗോവ നിയമസഭയിലെത്തിയാണ് അദ്ദേഹം ആദ്യം ഞെട്ടിച്ചത്.

ഇന്ത്യൻ ഓട്ടോമൊബൈൽ വിപണി ഇപ്പോൾ ആഡംബര വിഭാഗത്തിൽ വേഗത്തിൽ വളർന്നു കൊണ്ടിരിക്കുകയാണ്. ഈ പശ്ചാത്തലത്തിലാണ് ഹ്യുണ്ടായി മോട്ടോർ കമ്പനി അവരുടെ പ്രീമിയം ബ്രാൻഡായ ജെനസീസ് ഇന്ത്യയിൽ 2027-ൽ ലോഞ്ച് ചെയ്യുമെന്ന് ഔദ്യോഗികമായി അറിയിച്ചിരിക്കുകയാണ്. ജെനസീസ് എന്ന് ഹ്യുണ്ടായിയുടെ ഹൈ-എൻഡ് ലക്ഷ്വറി ബ്രാൻഡാണ്. യൂറോപ്യൻ, അമേരിക്കൻ വിപണികളിൽ ഇത് ഇതിനകം തന്നെ മെർസിഡീസ് ബെൻസ്, ബിഎംഡബ്ല്യു, ഔഡി എന്നീ ബ്രാൻഡുകളോട് കിടപിടിക്കാൻ തക്ക ഒന്നാണ് ജെനസിസ്. മികച്ച ഡിസൈൻ, ഇൻറീരിയർ ഗുണമേന്മ, ടെക്‌നോളജി, പവർട്രെയിൻ ഓപ്ഷനുകൾ എന്നിവയാണ് ജെനസിസിൻ്റെ പ്രധാന സവിശേഷതകൾ.

സെലിബ്രിറ്റികള്‍, അതിസമ്പന്നര്‍, സംരംഭകര്‍ എന്നിവര്‍ മാത്രമല്ല സമീപകാലത്തായി സോഷ്യല്‍ മീഡിയ ഇൻഫ്ലുവന്‍സര്‍മാരും വലിയ വരുമാനം നേടി തങ്ങളുടെ സ്വപ്‌ന വാഹനങ്ങള്‍ സ്വന്തമാക്കുന്നുണ്ട്. ചിലര്‍ ലക്ഷ്വറി കാറുകള്‍ വാങ്ങുമ്പോള്‍, ചിലര്‍ സൂപ്പര്‍കാറുകള്‍ക്ക് പിന്നാലെ പോകുന്നു. സോഷ്യല്‍ മീഡിയ ഇൻഫ്ലുവന്‍സറും പ്രസാദ് നാഗര്‍ക്കര്‍ (Prasad Nagarkar) അടുത്തിടെ റോള്‍സ് റോയ്‌സ് ഫാന്റം ഡ്രോപ്പ്‌ഹെഡ് കൂപ്പെ സ്വന്തമാക്കി. ഫിറ്റ്‌നസ് ഇൻഫ്ലുവന്‍സറായ പ്രസാദ് ആഭരണ വ്യവസായി കൂടിയാണ്. അദ്ദേഹത്തിന്റെ കാമുകിയായ കുഹു പരഞ്ജപെയാണ് (Kuhoo Paranjape) റോള്‍സ് റോയ്‌സ് ഡെലിവറി എടുക്കുന്നതിന്റെ ചിത്രങ്ങള്‍ പുറത്തുവിട്ടത്.

സിട്രണിന്റെ ഇന്ത്യയിലെ ശനിദശ മാറ്റാനായി പിറവിയെടുത്ത അവതാരമായിരുന്നു ബസാൾട്ട് എന്ന കൂപ്പെ എസ്‌യുവി. ലംബോർഗിനി ഉറൂസിന്റെ സ്റ്റൈൽ പകർത്തിയെത്തിയ മിടുക്കൻ അതുവരെ ഇന്ത്യ കണ്ടതിൽ വെച്ച് ഏറ്റവും മികച്ച സിട്രൺ കാറായിരുന്നു. ബ്രാൻഡിന്റെ നിരയിലെ ഏറ്റവും നല്ല മോഡൽ ഏതാണെന്ന് ചോദിച്ചാൽ പലരും ആദ്യം പറയുന്ന പേര് ബസാൾട്ട് എന്നാവും. കൂപ്പെ എസ്‌യുവി വിഭാഗത്തിൽ എത്തിയ വാഹനം പലരുടേയും ഗുഡ് ബുക്കിൽ ഇടംനേടിയെങ്കിലും അതൊന്നും വിൽപ്പനയിൽ ഇതുവരെ പ്രതിഫലിച്ചില്ലെന്ന് പറയുന്നതാവും സത്യം. എങ്കിലും നല്ലൊരു ഓപ്ഷനായി ഇന്നും നിലകൊള്ളുന്ന വണ്ടിയെ എന്നെങ്കിലും ആളുകൾ തിരിച്ചറിയുമെന്ന പ്രതീക്ഷയിലാണ് കമ്പനി. അടുത്തിടെ ഭാരത് NCAP ക്രാഷ് ടെസ്റ്റിൽ ബസാൾട്ടിന്റെ ഇരട്ടസഹോദരൻ എയർക്രോസ് 5-സ്റ്റാർ സേഫ്റ്റി റേറ്റിംഗ് നേടി ഞെട്ടിച്ചിരുന്നു.

ടെക്നോളിജിയേക്കാലും ഉപഭോക്താക്കൾ കൂടുതലായ പ്രാധാന്യം നൽകുന്നത് സുരക്ഷയ്ക്കാണ്. അത് കൊണ്ട് തന്നെ ഫൈവ് സ്റ്റാർ റേറ്റിങ്ങ് ഉണ്ടോ എന്നാണ് ആദ്യം അന്വേഷിക്കുന്നത്. ഹ്യുണ്ടായി മോഡലുകൾ ടെക് സമ്പന്നമാണെന്ന് എല്ലാവർക്കും അറിയാവുന്ന കാര്യമാണല്ലോ, എന്നാൽ സുരക്ഷയുടെ കാര്യത്തിലും ബ്രാൻഡ് ഒട്ടും വിട്ടുവിഴ്ച വരുത്താറില്ല. ലാറ്റിൻ എൻക്യാപിൽ ഹ്യുണ്ടായി ട്യൂസോൺ ഫൈവ് സ്റ്റാർ റേറ്റിങ്ങ് കരസ്ഥമാക്കിയിരിക്കുകയാണ്. കൊറിയയിലും ചെക്ക് റിപ്പബ്ലിക്കിലും നിർമ്മിച്ച ഫെയ്‌സ്‌ലിഫ്റ്റ് ചെയ്ത ഹ്യുണ്ടായി ട്യൂസോൺ മോഡലാണ് ഫൈവ് സ്റ്റാർ നേടിയത്. ക്രാഷ് ടെസ്റ്റിൻ്റെ കൂടുതൽ വിവരങ്ങൾ അറിയാൻ തുടർന്ന് വായിക്കാൻ മറക്കരുതേ.

കുടുംബത്തോടൊപ്പം ദീര്‍ഘദൂര യാത്ര നടത്തുമ്പോള്‍ നാം നേരിടുന്ന ഏറ്റവും വലിയ വെല്ലുവിളികളില്‍ ഒന്നാണ് പ്രാഥികാവശ്യങ്ങള്‍ നിര്‍വഹിക്കാന്‍ വൃത്തിയുള്ള ശുചിമുറി ഇല്ലാത്തത്. പ്രത്യേകിച്ച് സ്ത്രീകളോടൊപ്പം യാത്ര ചെയ്യുമ്പോള്‍ വൃത്തിയുള്ള ടോയ്ലറ്റുകളുടെ അഭാവം വലിയ ബുദ്ധിമുട്ടുണ്ടാക്കാറുണ്ട്. ഈ പ്രശ്‌നത്തിന് പരിഹാരം കാണാനായി ദേശീയപാതാ അതോറിറ്റി (NHAI) പുതിയൊരു തന്ത്രം ആവിഷ്‌കരിച്ചിരിക്കുകയാണ്. വൃത്തിയില്ലാത്ത ടോയ്ലറ്റുകള്‍ കണ്ടെത്തി പരാതിപ്പെടുന്നവര്‍ക്ക് 1000 രൂപ ഫാസ്ടാഗ് റീചാര്‍ജായി നല്‍കും. ഹൈവേ യാത്രക്കാര്‍ നേരിടുന്ന പ്രധാന പ്രശ്‌നങ്ങളിലൊന്നായ ശുചിത്വമില്ലാത്ത ടോയ്ലറ്റുകള്‍ക്ക് പരിഹാരം കാണാനാണ് ഈ നീക്കം.