ഏവരും സ്വന്തമാക്കാൻ കൊതിക്കുന്ന കാറുകളിൽ ഒന്നാണ് ടൊയോട്ട ഇന്നോവയുടെ മൂന്നാംതലമുറ ആവർത്തനമായ ഹൈക്രോസ്. ഹൈബ്രിഡ് പെട്രോൾ എഞ്ചിനുമായി വരുന്ന അഡാറ് എംപിവി യാത്രാസുഖത്തിന്റെ കാര്യത്തിലായാലും വിശ്വാസത്തിന്റെ കാര്യത്തിലായാലും പുലിയാണ്. പോരാത്തതിന് ഒന്താന്തരം മൈലേജും കുറഞ്ഞ മെയിന്റനെൻസും കൂടിയാവുമ്പോൾ സംഗതി കളറായി. ഇനി വലിപ്പത്തിന്റെ കാര്യമെടുത്താലും അന്യായ വലിപ്പമുള്ള ഹൈക്രോസിൽ 8 പേർക്ക് സുഖമായി യാത്ര ചെയ്യാനാവും. ഒരു ട്രാവലറിന്റെ വലിപ്പമുള്ള ഫാമിലി കാർ എന്ന് വിശേഷിപ്പിച്ചാലും തെറ്റുപറയാനാവില്ല. പക്ഷേ ബുക്ക് ചെയ്‌ത് ഡെലിവറി കിട്ടാൻ അൽപം സമയമെടുക്കുമെന്ന് മാത്രം.

കംപ്രസ്ഡ് നാചുറല്‍ ഗ്യാസ് എന്ന ഇന്ധനത്തെ കുറിച്ച് ഇന്ന് എല്ലാവര്‍ക്കും അറിയാമായിരിക്കും. 1850-ലാണ് ആദ്യമായി ഒരു ഇന്റേണല്‍ കംബഷനില്‍ സിഎന്‍ജി പരീക്ഷിച്ചത്. വാഹനങ്ങളില്‍ സിഎന്‍ജി ഒരു ഇന്ധനം എന്ന നിലയില്‍ ഉപയോഗിച്ചു തുടങ്ങിയത് ഒന്നാം ലോക യുദ്ധകാലത്താണ്. 1960 -കളില്‍ കപ്പലുകളിലും സിഎന്‍ജി ഉപയോഗിക്കാന്‍ ആരംഭിച്ച് തുടങ്ങിയതോടെ കാലക്രമേണ സിഎന്‍ജിയുടെ ഉപയോഗം കൂടി. നിലവില്‍ ലോകമെമ്പാടും 1.40 കോടിയില്‍പരം സിഎന്‍ജി വാഹനങ്ങള്‍ ഉണ്ടെന്നാണ് കണക്കുകള്‍ പറയുന്നത്. കാറുകളില്‍ സാധാരണയായി സിഎന്‍ജി ടാങ്കുകള്‍ നല്‍കുന്നതി അതിന്റെ ബൂട്ടിലായിരിക്കും. 60 ലിറ്ററോളം ശേഷിയുള്ള സിഎന്‍ജി ടാങ്ക് ബൂട്ട് സ്‌പെയ്‌സിന്റെ സിംഹഭാഗവും കവരും.

എസ്‌യുവികൾ മാത്രം വിറ്റഴിച്ച് നല്ലരീതിയിൽ കാശുണ്ടാക്കുന്നവരാണ് മഹീന്ദ്ര ആൻഡ് മഹീന്ദ്ര. വിൽപ്പനയുടെ കാര്യത്തിൽ ടാറ്റ മോട്ടോർസിനേയും ഹ്യുണ്ടായിയേയും വരെ മറകടന്ന് രാജ്യത്തെ ഏറ്റവും വലിയ രണ്ടാമത്തെ വാഹന നിർമാതാക്കളായി കമ്പനി അടുത്തിടെ പേരെടുത്തിരുന്നു. സ്കോർപിയോ, XUV700, ഥാർ തുടങ്ങിയ മോഡലുകളെല്ലാം വാങ്ങാൻ ആളുകൾ ഇരച്ചെത്തുന്നുണ്ട് ഇപ്പോഴും. ഇതോടൊപ്പം തന്നെ മഹീന്ദ്രയുടെ ഏറ്റവും ചെറിയ സ്പോർട് യൂട്ടിലിറ്റി വാഹനമായ XUV 3XO വാങ്ങാനും ആളുകൾ തിരക്കുകൂട്ടുന്നുണ്ടെന്നതാണ് ശ്രദ്ധേയമായ കാര്യം. XUV300 എന്ന പേരിൽ വിപണനം ചെയ്‌തിരുന്നപ്പോൾ നേടാൻ കഴിയാതിരുന്ന പല നേട്ടങ്ങളും ഇപ്പോൾ സ്വന്തമാക്കി കുതിക്കുകയാണ് ഈ കോംപാക്‌ട് എസ്‌യുവി.

വിലയിൽ ചെറുതാണെങ്കിലും മറ്റെല്ലാ തരത്തിലും വലിയ എസ്‌യുവിയാണ് നിസാൻ മാഗ്നൈറ്റ്. ഒരു കുടുംബത്തിന് പറ്റിയ കോംപാക്‌ട് സ്പോർട് യൂട്ടിലിറ്റി വാഹനം ഇന്ത്യൻ നിരത്തുകൾ അടക്കിഭരിക്കാൻ തുടങ്ങിയിട്ട് 5 വർഷത്തോളമാവുകയാണ്. പലതവണ പറഞ്ഞിട്ടുള്ളതാണെങ്കിലും ഹാച്ച്ബാക്കിന്റെ വിലയിലെത്തി ലോകം കീഴടക്കാൻ ഈ സുന്ദരനായിട്ടുണ്ട്. മാരുതി വാഗൺആർ പോലുള്ള ചെറിയ ഹാച്ച്ബാക്കുകൾക്ക് മുടക്കാൻ വെച്ചിരിക്കുന്ന പൈസയെടുത്ത് പലരും മാഗ്നൈറ്റ് വാങ്ങിയ ചരിത്രവും നാം കേട്ടിട്ടുണ്ടാവും. അടുത്തിടെ മുഖംമിനുക്കലിനും തയാറായ വണ്ടി ഇപ്പോഴിതാ ഏപ്രിൽ മാസത്തേക്കായി ഗംഭീര ഓഫറുകളും പ്രഖ്യാപിച്ച് മുമ്പോട്ട് വന്നിരിക്കുകയാണ്.

XEV 9e, BE 6 എന്നീ മോഡലുകളിലൂടെ തങ്ങളുടെ അടുത്ത തലമുറ ഇവി ലൈനപ്പ് മഹീന്ദ്ര വാഹനലോകത്തിന് പരിചയപ്പെടുത്തിയിരുന്നു. കമ്പനിയുടെ 'ബോണ്‍ ഇലക്ട്രിക്' വാഹനങ്ങള്‍ വിപണിയിലെത്തിയ അന്ന് മുതല്‍ തലക്കെട്ടുകള്‍ സൃഷ്ടിക്കുകയാണ്. ബുക്കിംഗ് തുടങ്ങി 24 മണിക്കൂറിനുള്ളില്‍ 30179 ഉപഭോക്താക്കളെ നേടിയാണ് ആദ്യം ഞെട്ടിച്ചത്. 8742 കോടി രൂപ വരുമായിരുന്നു ഓര്‍ഡര്‍ മൂല്യം. ഇന്ത്യയില്‍ ആദ്യ ദിനം ഏറ്റവും കൂടുതല്‍ ബുക്ക് ചെയ്യപ്പെട്ട ഇവിയെന്ന റെക്കോഡ് മഹീന്ദ്ര XEV 9e സന്തമാക്കി. 15000-ത്തിലേറെ ബുക്കിംഗുമായി ഈ റെക്കോഡ് നേരത്തെ എംജി വിന്‍ഡ്സര്‍ ഇവിയുടെ പക്കലായിരുന്നു.

വാഹന നിർമാണ പ്ലാൻ്റിൽ നിന്ന് ഒരു മൊട്ടുസൂചി പോലും പുറത്ത് പോകണമെങ്കിൽ അനുവാദം ഇല്ലാതെ നടക്കില്ല. അപ്പോൾ 900 എഞ്ചിനുകൾ നിർമാണ പ്ലാൻ്റിൽ നിന്ന് മോഷണം പോയി എന്ന് പറഞ്ഞാൽ ആരെങ്കിലും വിശ്വസിക്കുമോ. എന്നാൽ അങ്ങനെയൊരു സംഭവം ആന്ധ്രയിലെ കിയയുടെ നിർമാണ പ്ലാൻ്റിൽ നിന്നാണ് 5 വർഷം കൊണ്ട് 900 എഞ്ചിനുകൾ മോഷ്ടിച്ചത്. പൊലീസ് കേസ് എടുത്ത് അന്വേഷണം ആരംഭിച്ചിട്ടുണ്ട്. ഇത്രയും എഞ്ചിനുകൾ മോഷണം പോകണമെങ്കിൽ അതിന് കാരണം കമ്പനിയുടെ ഉളളിൽ തന്നെയുളളവരാണ് എന്നാണ് പൊലീസ് നിഗമനം. കിയ പോലെയൊരു കമ്പനിയിൽ നിന്നുകൊണ്ട് ഇത്തരം ഒരു പ്രവർത്തി ചെയ്യാൻ കാണിച്ച ധൈര്യം സമ്മതിക്കണം.

ആഡംബര ബൈക്കുകൾ സ്വന്തമാക്കാൻ സ്വപ്‌നവും കണ്ടുനടക്കുന്നവർ ഏറെയാണ്. കവസാക്കിയും ബിഎംഡബ്ല്യുവും ഡ്യുക്കാട്ടിയുമെല്ലാം ട്രയംഫുമെല്ലാം മോഹിപ്പിക്കാനായി ഇന്ത്യയിൽ ഒരുപാട് മോഡലുകൾ പുറത്തിറക്കുന്നുമുണ്ട്. ഇക്കൂട്ടത്തിൽ സാധാരണക്കാരനും താങ്ങാനാവുന്ന വിലയിൽ പ്രീമിയം മോട്ടോർസൈക്കിളുകൾ പുറത്തിറക്കുന്നവരുണ്ടോയെന്ന് ചോദിച്ചാൽ പലരും ട്രയംഫിന്റെ പേര് പറഞ്ഞേക്കും. പക്ഷേ ഇവരെല്ലാം ചിന്തിക്കുന്നതിന് മുമ്പേ തന്നെ പാവങ്ങളുടെ അടുത്തേക്ക് എത്തിയവരാണ് ബവേറിയൻ ഇരുചക്ര വാഹന നിർമാതാക്കളായ ബിഎംഡബ്ല്യു മോട്ടോറാഡ്. GS 310 സീരീസിലൂടെ തരക്കേടില്ലാത്ത രീതിയിൽ യൂത്തൻമാർക്കിടയിൽ അറിയപ്പെടാനും ബിഎംഡബ്ല്യുവിനായിട്ടുണ്ട്. ഈ മോഡലുകൾ നിർമിച്ച് നൽകിയിരുന്നത് ടിവിഎസ് ആണെന്ന് നിങ്ങൾക്ക് എത്ര പേർക്ക് അറിയാമായിരുന്നു.

ദക്ഷിണ കൊറിയന്‍ വാഹന നിര്‍മാതാക്കളായ കിയ 2022-ലാണ് കാരെന്‍സ് എന്ന പേരില്‍ ഒരു മാള്‍ട്ടി പര്‍പ്പസ് വാഹനം ഇന്ത്യയിലെത്തിച്ചത്. രാജ്യത്തെ എംപിവി ഉപഭോക്താക്കള്‍ക്കിടയില്‍ ചുരുങ്ങിയ നാളുകള്‍ കൊണ്ട് മികച്ച അഭിപ്രായം നേടാന്‍ കാരെന്‍സിനായി. ഇപ്പോള്‍ എംപിവിക്ക് ആദ്യമായി ഒരു മേജര്‍ അപ്‌ഡേറ്റ് സമ്മാനിക്കുകയാണ് കിയ. നിരവധി സ്‌പൈ ചിത്രങ്ങള്‍ ഇന്റര്‍നെറ്റില്‍ പ്രത്യക്ഷപ്പെട്ടതിനാല്‍ ഈ ഫാമിലി കാറിന്റെ ലോഞ്ച് ആസന്നമായാതായാണ് കണക്കാക്കപ്പെടുന്നത്. 2025 കിയ കാരെന്‍സ് എംപിവി ഈ മാസം പുറത്തിറങ്ങുമെന്നാണ് റിപ്പോര്‍ട്ടുകള്‍. അതിനിടെ ഈ പുത്തന്‍ കാര്‍ വാങ്ങാന്‍ പദ്ധതിയിടുന്നവര്‍ക്ക് ഒരു സന്തോഷ വാര്‍ത്തയുണ്ട്. അത് നമുക്ക് വിശദമായി ചുവടെ വായിക്കാം.

ഇലക്ട്രിക് ഇരുചക്ര വാഹന ലോകത്തേക്ക് ഓലയും ഏഥറും ബജാജും ടിവിഎസുമെല്ലാം കടന്നുവരുന്നതിന് മുമ്പേ ഹരിശ്രീ കുറിച്ചവരാണ് ആംപിയർ (Ampere). ഗ്രീവ്‌സ് കോട്ടണ്‍ ലിമിറ്റഡിന്റെ വൈദ്യുത വാഹന വിഭാഗമായ ഗ്രീവ്‌സ് ഇലക്ട്രിക് മൊബിലിറ്റി പ്രൈവറ്റ് ലിമിറ്റഡിന്റെ കീഴിലുള്ള ബ്രാൻഡ് ഏവർക്കും സുപരിചിതവുമായിരിക്കും. പെട്രോൾ സ്‌കൂട്ടറുകൾക്ക് മുടക്കുന്നതിന്റെ പകുതി പൈസയുണ്ടെങ്കിൽ വാങ്ങാൻ പറ്റുന്ന ഇവികളാണ് ആംപിയറിന്റെ നിരയിലുള്ളത് (Ampere Electric Scooter). എതിരാളികളെ പോലെ ഒരുപാട് ഫാഷനുള്ള മോഡലുകൾ ഒന്നുമല്ലെങ്കിലും ദൈനംദിന യാത്രകൾ കുറഞ്ഞ ചെലവിൽ സാധ്യമാക്കാൻ ഇവയ്ക്ക് പറ്റുമെന്നതാണ് സത്യം.

ഇന്ത്യയില്‍ ഇപ്പോള്‍ എല്ലാവര്‍ക്കും സ്‌പോര്‍ട് യൂടിലിറ്റി വാഹനങ്ങളോടാണ് പ്രിയം. സെലിബ്രിറ്റികള്‍ക്കാണെങ്കിലും മിഡില്‍ക്ലാസിനാണെങ്കിലും അവര്‍ക്കെല്ലാം പറ്റിയ വാഹനങ്ങള്‍ ഇന്ന് വിപണിയില്‍ ലഭ്യമാണ്. സെലിബ്രിറ്റികള്‍ക്കിടയിലാണെങ്കില്‍ ഇപ്പോള്‍ ഓഫ്-റോഡ് സാഹസികതകള്‍ക്ക് പറ്റിയ ആഡംബര എസ്‌യുവികള്‍ക്ക് വലിയ ഡിമാന്‍ഡാണ്. പല സിനിമാതാരങ്ങളും ഇത്തരത്തിലുള്ള എസ്‌യുവികള്‍ അടുത്ത കാലത്തായി ഡെലിവറിയെടുത്തിട്ടുണ്ട്. ഇത്തരത്തില്‍ സിനിമാ താരങ്ങള്‍ക്കിടയില്‍ ഏറ്റവും പ്രചാരമുള്ള ആഡംബര എസ്‌യുവികളില്‍ ഒന്നാണ് റേഞ്ച് റോവര്‍ വെലാര്‍. ഇപ്പോള്‍ ഇന്ത്യന്‍ സിനിമയിലെ താരാറാണിമാരില്‍ ഒരാള്‍ ഈ കാര്‍ വാങ്ങിയിട്ടുണ്ട്. അത് ആരാണെന്ന് നമുക്ക് നോക്കാം.

ഇലക്‌ട്രിക് കാറുകളാൽ സമ്പന്നമായിക്കൊണ്ടിരിക്കുകയാണ് ഇന്ത്യൻ വാഹന വിപണിയിൽ. ടാറ്റ മോട്ടോർസും എംജി മോട്ടോറും തമ്മിൽ നിശബ്‌ദ വിപ്ലവം നടക്കുന്ന വിഭാഗത്തിലേക്ക് അടുത്തിടെ ഹ്യുണ്ടായി ക്രെറ്റ ഇവിയുമായി എത്തുകയുണ്ടായി. രാജ്യത്തെ പ്രമുഖ ബ്രാൻഡുകളെല്ലാം വൈദ്യുത വാഹനങ്ങളുമായി കളംനിറയുമ്പോൾ ഏവരും കാത്തിരിക്കുന്നത് മാരുതി സുസുക്കിയുടെ എൻട്രിക്കായിട്ടാണ്. ഏറെക്കാലം മുമ്പ് ഇവി പ്രചാരം നേടാൻ തുടങ്ങിയെങ്കിലും പലരും മടിച്ചുനിന്നിരുന്നതിന്റെ കാരണം മാരുതിയുടെ അഭാവമായിരുന്നു. ഞങ്ങടെ സ്വന്തം ബ്രാൻഡ് ഇങ്ങ് എത്തട്ടേയെന്ന് പറഞ്ഞുകാത്തിരുന്നവരെല്ലാം കാശുണ്ടാക്കിവെച്ചേോ. മാരുതിയുടെ ആദ്യ ഇലക്ട്രിക് കാർ മെയ് മാസം വിപണിയിലെത്തിയേക്കുമെന്നാണ് റിപ്പോർട്ടുകൾ.

ടൊയോട്ട ഫോർച്ച്യൂണർ പുതിയ ലെജൻഡർ വേരിയൻ്റിലേക്ക് കൺവേർട്ട് ചെയ്യുന്നവരുടെ എണ്ണം അടുത്തിടെ വർധിച്ചിരിക്കുകയാണ്.വീഡിയോ ഓട്ടോറൗണ്ടേഴ്‌സ് തങ്ങളുടെ യൂട്യൂബിൽ പങ്കുവച്ചതാണ് വൈറലായിരിക്കുന്നത്. ആഫ്റ്റർ മാർക്കറ്റ് ലെജൻഡർ-സ്റ്റൈൽ ക്വാഡ്-എൽഇഡി ഹെഡ്‌ലൈറ്റുകൾ മാത്രമല്ല ഫ്രണ്ട് ഫെൻഡറുകൾ, ബോണറ്റ്, ഫ്രണ്ട് ഗ്രിൽ, ബമ്പർ എന്നിവയെല്ലാം പുതിയ മോഡലിലേക്ക് മാറ്റിയിട്ടുണ്ട്. സൈഡ് പ്രൊഫൈലിലേക്ക് നോക്കുമ്പോൾ, പ്രോജക്റ്റ് ചെലവ് താങ്ങാനാകുന്നത് പോലെ ക്രമീകരിച്ചിരുന്നു. വാഹനത്തെ പൂർണ്ണമായിട്ടും ലെജൻഡറാക്കി മാറ്റാൻ ഡോറുകൾ, ക്വാർട്ടർ പാനലുകൾ, മറ്റ് ഭാഗങ്ങൾ എന്നിവ മാറ്റിസ്ഥാപിക്കാതെ തന്നെയാണ് ചെയ്തിരിക്കുന്നത്.

നിലവില്‍ ഇന്ത്യക്കാരുടെ പ്രിയപ്പെട്ട ബോഡിസ്‌റ്റൈല്‍ സ്‌പോര്‍ട് യൂടിലിറ്റി വാഹനങ്ങള്‍ (എസ്‌യുവി) ആണ്. ഇന്ത്യയില്‍ എസ്‌യുവികള്‍ നന്നായി വിറ്റഴിക്കപ്പെടുന്നു. പുതിയ വാഹനങ്ങള്‍ വാങ്ങുന്നവരില്‍ അധികം പേരും എസ്‌യുവികള്‍ വാങ്ങാനാണ് ഇഷ്ടപ്പെടുന്നത്. കഴിഞ്ഞ കുറച്ച് മാസങ്ങളായി ഇന്ത്യയില്‍ എസ്‌യുവികളുടെ വില്‍പ്പന അതിവേഗം വളരുകയാണ്. കഴിഞ്ഞ മാര്‍ച്ചിലും അതേ ട്രെന്‍ഡ് തന്നെയാണ് കാണാന്‍ സാധിച്ചത്. വിവിധ സബ് സെഗ്‌മെന്റുകളിലായും വ്യത്യസ്ത വില നിലവാരത്തിലും ഇന്ത്യയില്‍ എസ്‌യുവികള്‍ വാങ്ങാന്‍ കിട്ടും. 2025 മാര്‍ച്ചില്‍ ഇന്ത്യയില്‍ ഏറ്റവും കൂടുതല്‍ വില്‍പ്പന നേടിയ 10 എസ്‌യുവി ഏതാണെന്ന് നമുക്ക് നോക്കിയാലോ?.

കേരളത്തിലെ ഏറ്റവും വില കൂടിയ വാഹന നമ്പർ പ്ലേറ്റ് വിറ്റുപോയ കാര്യമാണ് ഇപ്പോൾ രാജ്യം മൊത്തം സംസാര വിഷയമായിരിക്കുന്നത്. എറണാകുളം ആർടി ഓഫീസിന് കീഴിൽ വരുന്ന KL 07 DG 0007 എന്ന ഫാൻസി നമ്പർ 45.99 ലക്ഷത്തിനാണ് ബിസിനസുകാരനായ മലയാളി സ്വന്തമാക്കിയിരിക്കുന്നത്. സോഫ്റ്റ്‌വെയർ കമ്പനിയായ ലിറ്റ്മസ് 7 സിസ്റ്റം കൺസൽട്ടിംഗ് പ്രൈവറ്റ് ലിമിറ്റഡിന്റെ മുതലാളി വേണു ഗോപാലകൃഷ്‌ണൻ എന്ന വ്യക്തിയാണ് ഇഷ്‌ട നമ്പരിനായി ലക്ഷങ്ങൾ മുടക്കിയിരിക്കുന്നത്. വാർത്ത പുറത്തുവന്നത് മുതൽ കക്ഷി ആരാണെന്ന് അറിയാനും കാണാനുമെല്ലാം ആളുകൾക്ക് തിടുക്കമായിരുന്നു.

ഇന്ത്യക്കാർക്ക് 7-സീറ്റർ എന്നാൽ ടൊയോട്ട ഇന്നോവയായിരുന്ന കാലമുണ്ടായിരുന്നു. ഇന്നും ക്രിസ്റ്റ, ഹൈക്രോസ് എന്നീ മോഡലുകളിലൂടെ ആളുകളെ ഒപ്പം നിർത്താനും ജാപ്പനീസ് ബ്രാൻഡിനായിട്ടുണ്ട്. ആഡംബര ഫീലും യാത്രാ സുഖവും തന്നെയാണ് ഇന്നോവകളെ ഇപ്പോഴും ജനപ്രിയമായി മുമ്പോട്ട് കൊണ്ടുപോവുന്നത്. എന്നാൽ ഹൈക്രോസിന്റെ ടോപ്പ് വേരിയന്റുകൾക്ക് 40 ലക്ഷത്തിന് മുകളിലാണ് വില വരുന്നത്. ഇത്രയും പണംമുടക്കാൻ തയാറായിട്ടുള്ളവർക്ക് പുത്തനൊരു 7-സീറ്റർ ഫാമിലി കാറുമായി സ്കോഡ എത്തുകയാണ്. സത്യത്തിൽ ഇതൊരു ഫുൾ-സൈസ് എസ്‌യുവിയാണ്. ഏവർക്കും പരിചിതമായ കൊഡിയാക്കിന്റെ ഏറ്റവും പുതിയ ആവർത്തനം ഇന്ത്യയിലെത്താൻ ഇനി കുറച്ച് ദിവസങ്ങൾ കൂടി മാത്രം മതിയാവും.

ബിഎംഡബ്ല്യുവിൻ്റെ ഏറെ പ്രിയപ്പെട്ട മോഡലാണ് എസ്‌യുവി സെഗ്മെൻ്റിലെ X5. 1.09 കോടി രൂപ എക്സ്ഷോറൂം വില വരുന്ന ബിഎംഡബ്ല്യു X5 M സ്പോർട്ട് ലക്ഷ്വറി എസ്‌യുവിയുടെ ടോപ്പ് എൻഡ് മോഡലിന് 1.40 കോടി രൂപ ഓൺ-റോഡ് വില വരുമെന്നാണ് കണക്കുകൾ. xDrive xLine, xDrive30d xLine, xDrive40i M സ്പോർട്ട്, xDrive30d M സ്പോർട്ട് എന്നിങ്ങനെ നാല് വേരിയൻ്റുകളിൽ ബിഎംഡബ്ല്യു X5 ലഭിക്കും.2023 ജൂണിലാണ് ബിഎംഡബ്ല്യു X5 എസ്‌യുവിയുടെ ഏറ്റവും പുതിയ പതിപ്പ് ഇന്ത്യൻ വിപണിയിൽ എത്തിച്ചത്. സെലിബ്രിറ്റികൾ വില കൂടിയ ആഡംബര വാഹനങ്ങൾ വാങ്ങുന്നത് ഇപ്പോൾ വളരെ സാധാരണമാണല്ലോ.

ടെസ്‌ലയുടെ ഇന്ത്യയിലേക്കുളള വരവ് വളരെ ചങ്കിടിപ്പോട് കൂടിയാണ് രാജ്യത്തുളള വാഹന നിർമാതാക്കൾ കാണുന്നത്. ലോകത്തിലെ തന്നെ ഏറ്റവും വലിയ ഇവി ഭീമൻ എതിരാളിയായി എത്തുമ്പോൾ ആർക്കും ഒരു ഭയം തോന്നിയേക്കാം. അത് സ്വാഭാവികം. എന്നാൽ തങ്ങളേക്കാൾ കൂടുതൽ പ്രത്യേകതകളും സേവനങ്ങളും ഉപഭോക്താക്കൾക്ക് നൽകുകയും കൂടി ചെയ്താൽ അത് വിൽപ്പനയെ പോലും ബാധിച്ചേക്കാം. പുതിയ ഒരു വാഹനം വാങ്ങണമെങ്കിൽ എല്ലാവരും ഷോറൂമിൽ പോയി ആദ്യം വിവരങ്ങൾ തിരക്കും അതിന് ശേഷം ടെസ്റ്റ് ഡ്രൈവ് പിന്നീട് ബുക്കിങ്ങ്. എന്നാൽ ടെസ്റ്റ് ഡ്രൈവ് ഇപ്പോൾ വീടുകളിൽ ലഭിക്കുന്നുണ്ട്.

ഇന്ത്യയില്‍ ഇന്ന് വാങ്ങാനാകുന്ന ഏറ്റവും കുറഞ്ഞ വിലയുള്ള കാര്‍ ആണ് മാരുതി സുസുക്കി ആള്‍ട്ടോ K10. ഈ ഹാച്ച്ബാക്ക് കാറിന്റെ വില ആരംഭിക്കുന്നത് വെറും 4.23 ലക്ഷം രൂപ മുതലാണ്. ഇന്ത്യയിലെ സാധാരണക്കാരായ ജനങ്ങള്‍ പുതിയ കാര്‍ വാങ്ങുമ്പോള്‍ ആദ്യം പരിഗണിക്കുന്ന കാറുകളില്‍ ഒന്നാണ് ഇത്. ഈ കാറിന്റെ സേഫ്റ്റി വര്‍ധിപ്പിക്കുന്നതിനായി മാരുതി സുസുക്കി അടുത്തിടെ 6 എയര്‍ബാഗുകള്‍ നല്‍കിയിരുന്നു. ഇപ്പോള്‍ ഈ ബജറ്റ് കാറിന്റെ ബേസ് വേരിയന്റില്‍ വരെ 6 എയര്‍ബാഗുകള്‍ ലഭിക്കുന്നു. മാരുതിയുടെ ഈ തന്ത്രപ്രധാനമായ തീരുമാനം കാറിന്റെ വില്‍പ്പന ഉയര്‍ത്തിയതായി നമുക്ക് കാണാം. 2025 മാര്‍ച്ച് മാസത്തിലെ ആള്‍ട്ടോ K10 കാറിന്റെ വില്‍പ്പന വിശദമായി നോക്കാം.

ഇന്ത്യയിലെ മുന്‍നിര കാര്‍ ബ്രാന്‍ഡ് ആയ ടാറ്റ മോട്ടോര്‍സ് (Tata Motors) ഈ വര്‍ഷം തങ്ങളുടെ വാഹനനിര വിപുലീകരിക്കാന്‍ പോകുകയാണ്. ഈ വര്‍ഷം ഒന്നിലധികം വാഹനങ്ങള്‍ ടാറ്റ പുറത്തിറക്കുമെന്നാണ് പ്രതീക്ഷിക്കുന്നത്. അതിന്റെ സൂചനകള്‍ നല്‍കിക്കൊണ്ട് ചില ടാറ്റ കാറുകള്‍ ഇന്ത്യന്‍ നിരത്തുകളില്‍ സജീവമായി പരീക്ഷണയോട്ടം നടത്തിക്കൊണ്ടിരിക്കുകയാണ്. ഹാരിയര്‍ ഇവി (Harrier EV) പോലുള്ള വമ്പന്‍ ലോഞ്ചുകള്‍ക്കൊപ്പം നിലവില്‍ വില്‍പ്പനക്കെത്തുന്ന ഒരു മോഡലിന്റെ സിഎന്‍ജി (CNG Car) പതിപ്പും വൈകാതെ പുറത്തിറങ്ങും. എന്നും തങ്ങളുടെ പോര്‍ട്ട്ഫോളിയോ വൈവിധ്യവല്‍ക്കരിക്കുന്നതില്‍ ശ്രദ്ധചെലുത്തുന്നവരാണ് ടാറ്റ.

ഇലക്ട്രിക് സ്കൂട്ടറായാലും കാറായാലും ആദ്യം തിരക്കുന്നത് വാഹനത്തിൻ്റെ റേഞ്ചിനെ കുറിച്ച് തന്നെയാണ്. ചെറിയ ഓട്ടമാണെങ്കിലും അല്ലെങ്കിലും റേഞ്ച് കാര്യമായി ഇല്ലെങ്കിൽ ആളുകൾക്ക് ഒരു ബുദ്ധിമുട്ടായിരിക്കും. എന്തായാലും റേഞ്ച് കുറവാണെന്ന് വിചാരിച്ച് നിങ്ങൾ ഞങ്ങളുടെ വണ്ടി വാങ്ങാതിരിക്കണ്ട എന്നാണ് കൊമാക്കി ഇലക്ട്രിക് കമ്പനി പറയുന്നത്. ഇന്ത്യയിലെ ആദ്യത്തെ ഇലക്ട്രിക് ക്രൂയിസര്‍ ബൈക്കായ റേഞ്ചര്‍ പുറത്തിറക്കിയത് കൊമാകിയാണ്. ഇലക്ട്രിക് മോട്ടോര്‍ സൈക്കിളുകള്‍ക്കിടയില്‍ പോപ്പുലറാണ് കൊമാകി റേഞ്ചര്‍. കണ്ണുകള്‍ക്ക് കുളിര്‍മയേകുന്ന ഈ സ്‌റ്റൈലിഷ് ഇലക്ട്രിക് ക്രൂയിസര്‍ കിടു റേഞ്ചും ഫീച്ചറും കൊണ്ടും ഉപഭോക്താക്കളുടെ ഇഷ്ടം പിടിച്ചുപറ്റിയ ആളാണിത്. 2025 മോഡലിൽ എന്തൊക്കെ മാറ്റങ്ങളാണ് വരുത്തിയിരിക്കുന്നതെന്ന് അറിയാൻ തുടർന്ന് വായിക്കാൻ മറക്കാതിരിക്കുക.

ഹോണ്ട എന്ന് കേൾക്കുമ്പോഴേ ആളകളുടെ മനസിലേക്ക് ഓടിയെത്തുന്ന ചിത്രമായിരിക്കും ആക്‌ടിവയുടേത് (Honda Activa). ഗിയർലെസ് സ്‌കൂട്ടറുകളുടെ (Gearless Scooter) ലോകത്തെ എമ്പുരാനായി ആക്‌ടിവ വാഴാൻ തുടങ്ങിയിട്ട് കാലം കുറേയായി. ഒപ്പം മിന്നിത്തിളങ്ങി ഡിയോയും കൂട്ടിനെത്തിയപ്പോൾ ഈ വിഭാഗത്തിൽ പകരക്കാരില്ലാത്ത ഇരുചക്ര വാഹന നിർമാതാക്കളായി ജാപ്പനീസ് ബ്രാൻഡ് മാറുകയായിരുന്നു. ഇന്ത്യൻ വിപണിയിലേക്ക് പുതിയ മോഡലുകൾ കൊണ്ടുവരുന്നതിൽ ഒരുകാലത്തും മടികാണിക്കാത്തവർ കൂടിയാണ് ഹോണ്ട. ഭാവിയിലേക്കായി ഒരുപിടി പുത്തൻ സ്‌കൂട്ടറുകളും ബ്രാൻഡിന്റെ അണിയറയിൽ ഒരുങ്ങുന്നുണ്ടെന്നാണ് വിവരം. അക്കൂട്ടത്തിലേക്ക് പുതിയൊരു പേര് കൂടി എഴുതിച്ചേർക്കപ്പെട്ടിരിക്കുകയാണ്.

ദീര്‍ഘദൂര യാത്രകള്‍ പോകുമ്പോള്‍ പ്രാഥമികാവശ്യങ്ങള്‍ നിറവേറ്റുന്നതിനായി നാം ആശ്രയിക്കുന്നത് ഫ്യുവല്‍ സ്‌റ്റേഷനുകളെയാണ്. മുമ്പ് നാറ്റംകൊണ്ട് കയറാന്‍ പറ്റാത്ത നിലയിലായിരുന്നു പെട്രോള്‍ പമ്പുകളിലെ ശുചിമുറികള്‍ എങ്കില്‍ ഇന്ന് ലോകോത്തര നിലവാരം പുലര്‍ത്തുന്നവയാണ് പലതും. പെട്രോള്‍ പമ്പുകളിലെ ശുചിമുറി ഉപയോഗം സൗജന്യ സേവനമാണ്. എന്നാല്‍ പലര്‍ക്കും ഇക്കാര്യങ്ങള്‍ അറിയില്ല. ചില പമ്പ് ഉടമകളും ജീവനക്കാരും ഔധാര്യം പോലെ ശുചിമുറി സൗകര്യം ഉപയോഗിക്കാന്‍ നല്‍കുന്നതും നമ്മള്‍ കാണാറുണ്ട്. ചില പെട്രോള്‍ പമ്പുകള്‍ ടോയ്ലറ്റുകള്‍ അടച്ചിടാറുമുണ്ട്. ഇപ്പോള്‍ ടോയ്ലറ്റ് അടച്ചിട്ട ഒരു പെട്രോള്‍ പമ്പ് ഉടമയെ പാഠം പഠിപ്പിച്ചിരിക്കുകയാണ് ഒരു അധ്യാപിക. അതിനെ കുറിച്ച് വിശദമായി വായിക്കാം.

ടെസ്‌ലയുടെ വരവ് ആഘോഷിക്കാൻ തയ്യാറായി നിൽക്കുന്നവർ മറക്കുന്ന ഒരു കാര്യമുണ്ട്. ബിവൈഡി എന്ന ചൈനീസ് കമ്പനിക്ക് രാജ്യത്ത് തങ്ങളുടേതായ നിർമാണ പ്ലാൻ്റിന് വേണ്ടി നൽകിയ അപേക്ഷ കേന്ദ്രം തളളിയിരിക്കുകയാണ്. എന്തായിരിക്കും അതിൻ്റെ കാരണം.1 ബില്യൺ ഡോളറിൻ്റ നിക്ഷേപമാണ് ഇന്ത്യ തളളിക്കളഞ്ഞത്. ഇത്രയും വലിയ ഒരു നിക്ഷേപം ലഭിക്കുമ്പോൾ അത് രാജ്യത്തിന് വളരെ ഗുണകരമാകേണ്ട ഒന്നാണല്ലോ. എന്നാൽ കേന്ദ്ര സർക്കാർ അത് തളളിക്കളയണമെങ്കിൽ അതിന് പിന്നിൽ എന്തെങ്കിലും ഒരു കാരണം ഉണ്ടായിരിക്കണമല്ലോ. അത് എന്താണെന്ന് അറിയാൻ തുടർന്ന് വായിക്കാൻ മറക്കാതിരിക്കുക.

പണം സമ്പാദിക്കാൻ കുറുക്ക് വഴികൾ അന്വേഷിച്ച് നടക്കുന്നവരായിരിക്കും ഇന്ത്യയിലെ ഭൂരിഭാഗം ആളുകളും. ഇന്ന് സ്മാർട്ട്ഫോണുകളുടെ ഓണ്‍ലൈന്‍ ലോകത്തിരുന്ന് പണമുണ്ടാക്കാനുള്ള മാര്‍ഗങ്ങളും നിരവധിയാണ്. അൽപം റിസ്ക്കുള്ള പരിപാടിയാണെങ്കിലും ഓൺലൈൻ ഗെയിമുകൾ വരുമാനമുണ്ടാക്കാൻ നല്ലൊരു വഴിയാണ്. പക്ഷേ ഇവയ്ക്ക് അഡിക്‌റ്റായാൽ പണികിട്ടുകയും ചെയ്യും കേട്ടോ, ഓണ്‍ലൈന്‍ ഗെയിമിംഗ് ആപ്പുകളിൽ ഏവർക്കും സുപരിചിതമായ ഒന്നായിരിക്കും ഫാന്റസി സ്‌പോര്‍ട്‌സ് ഗെയിംസുകളിലൊന്നായ ഡ്രീം ഇലവൻ (Dream11). ക്രിക്കറ്റ് പ്രേമികളുടെ ആവേശമായ ഐപിഎൽ ഇങ്ങ് എത്തുമ്പോഴേക്കും ടിവിയിലും പരസ്യങ്ങളിലുമെല്ലാം ഡ്രീം ഇലവൻ നിറഞ്ഞുനിൽക്കുന്നത് സ്ഥിരം കാഴ്ച്ചയാണ്.

കുറഞ്ഞ വിലയില്‍ കൂടുതല്‍ പേര്‍ക്ക് സഞ്ചരിക്കാന്‍ കഴിയുന്ന കാറുകള്‍ക്ക് ഇന്ത്യയില്‍ പ്രചാരമേറി വരികയാണ്. കൈയ്യില്‍ നല്ല ക്യാശുള്ളവര്‍ക്ക് 7 സീറ്റര്‍ എസ്‌യുവികളും എംപിവികളുമെല്ലാം വാങ്ങാം. എന്നാല്‍ ഒരു ഹാച്ച്ബാക്ക് കാര്‍ വാങ്ങുന്ന വിലയില്‍ 7 പേര്‍ക്ക് സുഖമായി സഞ്ചരിക്കാന്‍ കഴിയുന്ന ഒരു വാന്‍ മാരുതി സുസുക്കി പുറത്തിറക്കുന്നുണ്ട്. ഇന്ത്യയിലെ ഏറ്റവും താങ്ങാനാവുന്ന വിലയില്‍ ലഭിക്കുന്ന ഏഴ് സീറ്റര്‍ വാഹനമായ ഈക്കോ കഴിഞ്ഞ സാമ്പത്തിക വര്‍ഷവും മികച്ച വില്‍പ്പന നേടി. 2024 ഏപ്രില്‍ മുതല്‍ 2025 മാര്‍ച്ച് വരെയുള്ള കാലയളവില്‍ മാരുതി സുസുക്കി ഈക്കോയുടെ വില്‍പ്പന നമുക്ക് വിശദമായി നോക്കാം.