7-ഡീസൽ എസ്യുവിയിൽ പ്രിയപ്പെട്ട ഫീച്ചറും ചേർത്ത് ഹ്യുണ്ടായി
ഓട്ടോമൊബൈൽസ്
- 1 year, 5 month, 13 days ago
മഹീന്ദ്രയോട് നഷ്ടപ്പെടുത്തിയ രണ്ടാംസ്ഥാനം തിരികെപ്പിടിക്കാനുള്ള ഉറച്ച തീരുമാനത്തിലാണ് പ്രമുഖരായ ഹ്യുണ്ടായി (Hyundai). എങ്ങനെയൊക്കെ പരീക്ഷിച്ചിട്ടും ക്രെറ്റ (Creta) ഒഴികെയുള്ള വാഹനങ്ങൾ വിൽപ്പനയിൽ കത്തിക്കയറുന്നില്ലെന്നത് ദക്ഷിണ കൊറിയൻ വാഹന നിർമാതാക്കളെ സംബന്ധിച്ച് വലിയൊരു വേദനയാണ്. എങ്കിലും പുതിയ ഐഡിയകളുമായി കളംനിറയുന്നതിൽ നിന്നും കമ്പനി പിന്നാക്കം പോയിട്ടില്ല. ഇപ്പോഴിതാ അൽകസാർ എസ്യുവിയുടെ (Alcazar SUV) പുത്തനൊരു വേരിയന്റിനെ വിപണിയിൽ എത്തിച്ചാണ് ഹ്യുണ്ടായി വാർത്തകളിൽ ഇടംപിടിച്ചിരിക്കുന്നത്. അതും പലരും ആവശ്യപ്പെട്ട ഫീച്ചറുകൾ സമ്മാനിച്ചുകൊണ്ടാണ് കോർപ്പറേറ്റ് വേരിയന്റ് എന്നറിയപ്പെടുന്ന പുത്തൻ പതിപ്പിനെ വിപണിയിൽ അവതരിപ്പിച്ചിരിക്കുന്നത്.