മലിനീകരണ ചട്ടങ്ങൾ കൂടുതൽ കർശനമാക്കിയതോടെ ഡീസൽ കാറുകളുടെ യുഗാന്ത്യമായെന്ന് വിധി എഴുതിയവരാണ് പലരും. ഒപ്പം ഇലക്‌ട്രിക് കാറുകൾ ജനപ്രീതിയാർജിക്കുകയും ചെയ്‌തതോടെ ഇക്കാര്യം പലരും ഏതാണ്ട് ഉറച്ചിരുന്നു. എന്നാൽ അഭ്യൂഹങ്ങളെല്ലാം കാറ്റിൽപ്പറത്തുന്നതായിരുന്നു ഡീസൽ കാറുകളുടെ വിൽപ്പന കണക്കുകൾ. അത്യാവിശ്യം മെയിന്റനെൻസ് ഉണ്ടെങ്കിലും തരുന്ന മൈലേജും പെർഫോമൻസും കാരണം ഇപ്പോഴും ഇന്ത്യക്കാർ ഓയിൽ ബർണറുകളെ അകമഴിഞ്ഞ് സ്നേഹിച്ചുകൊണ്ടിരിക്കുകയാണ്. 2026 സാമ്പത്തിക വർഷത്തിൽ ഡീസൽ പാസഞ്ചർ വാഹന വിഭാഗത്തിൽ 8,63,277 യൂണിറ്റുകളാണ് വിറ്റഴിഞ്ഞത്. ഏറ്റവും കൂടുതൽ വിറ്റഴിക്കപ്പെട്ട ഡീസൽ കാറുകളുടെ പട്ടികയിൽ മഹീന്ദ്ര ആൻഡ് മഹീന്ദ്രയുടെ ആധിപത്യമാണ് കാണാനാവുന്നത്.

ഇന്ത്യന്‍ വിപണിയിലെ തങ്ങളുടെ എന്‍ട്രി ലെവല്‍ കാര്‍ മോഡലായ C3X ഹാച്ച്ബാക്കിന്റെ വില വര്‍ദ്ധിപ്പിക്കാനൊരുങ്ങി ഫ്രഞ്ച് വാഹന നിര്‍മാതാക്കളായ സിട്രണ്‍ (Citroen). തെരഞ്ഞെടുത്ത വേരിയന്റുകള്‍ക്ക് 4,000 രൂപയുടെ വര്‍ദ്ധനവാണ് കമ്പനി ഇപ്പോള്‍ പ്രഖ്യാപിച്ചിരിക്കുന്നതെന്ന് കാര്‍വാലെ (Carwale) റിപ്പോര്‍ട്ട് ചെയ്തു. ഈ വില പരിഷ്‌കാരം ഉടനടി പ്രാബല്യത്തില്‍ വരുമെന്ന് കമ്പനി വ്യക്തമാക്കി. അടുത്തിടെ എയര്‍ക്രോസ് X, ബസാള്‍ട്ട് X എന്നീ മോഡലുകള്‍ക്കും കമ്പനി വില വര്‍ദ്ധിപ്പിച്ചിരുന്നു. സിട്രണ്‍ C3X നിരയിലെ താഴ്ന്ന മോഡലുകള്‍ക്കാണ് പ്രധാനമായും ഈ വില വര്‍ദ്ധനവ് ബാധകമാകുന്നത്.

ടെക് ഭീമന്മാരായ ഹുവാവേ (Huawei) വാഹന വിപണിയില്‍ വിപ്ലവം സൃഷ്ടിക്കാന്‍ ഒരുങ്ങുന്നു. കാര്‍ ഹെഡ്ലൈറ്റുകളിലൂടെ സിനിമകളും വീഡിയോകളും പ്രൊജക്ട് ചെയ്യാന്‍ സാധിക്കുന്ന അത്യാധുനിക സാങ്കേതികവിദ്യയാണ് കമ്പനി അവതരിപ്പിച്ചത്. സ്മാര്‍ട്ട്‌ഫോണ്‍ രംഗത്തെ മികവ് ഇപ്പോള്‍ ഇലക്ട്രിക് വാഹന മേഖലയിലേക്കും വ്യാപിപ്പിച്ചിരിക്കുകയാണ് ചൈനീസ് കമ്പനിയായ ഹുവാവേ. ബീജിംഗ് ഓട്ടോ ഷോ 2026-ലാണ് ഈ നൂതന സംവിധാനം ആദ്യമായി പ്രദര്‍ശിപ്പിച്ചത്. 'സ്മാര്‍ട്ട് എക്‌സ് പിക്‌സല്‍' (Smart XPixel) എന്ന് പേരിട്ടിരിക്കുന്ന ഈ ഹെഡ്ലൈറ്റുകള്‍ വെറുമൊരു വെളിച്ചം നല്‍കുന്ന ഉപകരണം മാത്രമല്ല, വാഹനത്തിന് മുന്നിലെ നിരപ്പായ പ്രതലങ്ങളില്‍ ഫുള്‍ കളര്‍ പ്രൊജക്ഷന്‍ നടത്താന്‍ ഈ സിസ്റ്റത്തിന് കഴിയും.

ആദിശ്വർ ഓട്ടോ റൈഡ് ഇന്ത്യയുമായുള്ള (AARI) പങ്കാളിത്തത്തോടെ ഇന്ത്യൻ വിപണിയിൽ പ്രവർത്തനം ആരംഭിച്ച പ്രീമിയം ഇരുചക്ര വാഹന നിർമാതാക്കളാണ് QJ മോട്ടോർസ്. SRC 250, SRC 500 പോലുള്ള ചില തകർപ്പൻ മോഡലുകളിലൂടെ ആഭ്യന്തര തലത്തിൽ ഇന്നിംഗ്‌സ് ആരംഭിച്ച കമ്പനി പക്ഷേ കാര്യമായ രീതിയിൽ കച്ചോടമൊന്നും പിടിച്ചിരുന്നില്ല. എങ്കിലും തളരാതെ മുമ്പോട്ട് പോവുന്ന ബ്രാൻഡ് ബെനലിയുടെ സഹോദര സ്ഥാപനമാണെന്ന കാര്യം പലർക്കും അറിയില്ല. ക്വിയാൻജിഗാങ് മോട്ടോർസൈക്കിൾ എന്നാണ് QJ-യുടെ മുഴുവൻ പേര്. റോയൽ എൻഫീൽഡിന് പകരം സവിശേഷമായ എന്തെങ്കിലും വേണമെന്നുള്ളവർക്ക് QJ ബൈക്കുകൾ നല്ലൊരു ഓപ്ഷനായിരിക്കും.

രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന എസ്‌യുവികളിൽ ഒന്നാണ് ഹ്യുണ്ടായി ക്രെറ്റ. ഇന്ത്യയിൽ ഏറ്റവും മത്സരാധിഷ്ഠിതമായ വിഭാഗമായ മിഡ്-സൈസ് സ്പോർട് യൂട്ടിലിറ്റി സെഗ്മെന്റിലെ നമ്പർ വണ്ണായി മുന്നേറുമ്പോൾ സ്ഥാനം നിലനിർത്താൻ പാകത്തിനുള്ള തീരുമാനങ്ങളും ഹ്യുണ്ടായി എടുക്കാറുണ്ട്. അടുത്തിടെയായി വിഭാഗത്തിൽ ഉയർന്നുവരുന്ന കടുത്ത വെല്ലുവിളിയെ നേരിടുന്നതിനായി ക്രെറ്റയ്ക്ക് 2026 മെയ് മാസത്തേക്കായി ഉഗ്രൻ ഡിസ്കൌണ്ട് ഓഫറുകൾ നിരത്തിയിരിക്കുകയാണ് ദക്ഷിണ കൊറിയൻ വാഹന നിർമാതാക്കൾ. വമ്പൻ ലീഡിലുള്ള തേരോട്ടത്തിനിടയിലും ഇത്തരത്തിലൊരു നീക്കം നടത്തിയത് എന്തായാലും ആരാധകർക്ക് പോലും സന്തോഷം നൽകുന്ന കാര്യമായിരിക്കും.

ഇലക്‌ട്രിക് കാർ വിപണിയിൽ ഇന്ത്യക്കാരുടെ ഫസ്റ്റ് ചോയ്‌സാണ് ടാറ്റ മോട്ടോർസ്. ജനകീയ കാറുകളെയെല്ലാം ബാറ്ററിയും ഘടിപ്പിച്ച് വിപണിയിലെത്തിച്ച തന്ത്രം വമ്പൻ വിജയമാണ് കൈവരിച്ചത്. ടിയാഗോ ഇവി, ടിഗോർ ഇവി, പഞ്ച് ഇവി, നെക്സോൺ ഇവി, ഹാരിയർ ഇവി, കർവ് ഇവി പോലുള്ള മോഡലുകൾക്കെല്ലാം പകരംവെക്കാൻ എതിരാളികൾക്ക് പോലുമാവുന്നില്ലെന്നതാണ് സത്യം. കൂട്ടത്തിൽ അൽപം വിൽപ്പന കുറഞ്ഞ കർവ് ഇവിയെ ജനങ്ങളിലേക്ക് അടുപ്പിക്കാനുള്ള ശ്രമങ്ങളും ബ്രാൻഡിൽ നിന്നുമുയരുന്നുണ്ട്. അതിന്റെ ഭാഗമായിതാ ഇലക്ട്രിക് കൂപ്പെ എസ്‌യുവിയിലേക്ക് പുതിയ സീരീസ്എക്‌സ് ശ്രേണി അവതരിപ്പിച്ചിരിക്കുകയാണ് കമ്പനി.

മാഗ്നൈറ്റ് (Magnite) എന്ന കോംപാക്‌ട് എസ്‌യുവിയിലൂടെ മാത്രം ഇന്ത്യയിൽ പിടിച്ചുനിന്നിരുന്ന നിസാന് പുതുജീവനേകുവാനായി അവതാരപ്പിറവിയെടുത്ത വാഹനമാണ് ഗ്രാവൈറ്റ് (Nissan Gravite MPV). വലിയ കുടുംബങ്ങൾക്കായി ചെറിയ വിലയിൽ പുറത്തിറങ്ങിയ വാഹനം ഇതിനോടകം തന്നെ വലിയ വിജയം കൈവരിച്ച് മുന്നേറുകയാണ്. ഇപ്പോഴിതാ ഗ്രാവൈറ്റിന് കൂടുതൽ മൈലേജേകുവാനായി സിഎൻജി (CNG) മോഡലും എത്തിയിരിക്കുകയാണ്. എന്നാൽ ഫാക്‌ടറി ഫിറ്റഡ് കിറ്റിന് പകരം ഗ്രാവൈറ്റിനായി സർക്കാർ അംഗീകൃത സിഎൻജി റിട്രോഫിറ്റ്മെന്റ് കിറ്റാണ് അവതരിപ്പിച്ചിരിക്കുന്നതെന്ന് മാത്രം. കൂടെ ഒരു ട്വിസ്റ്റും കൊണ്ടുവന്നിട്ടുണ്ടെന്നതാണ് രസകരമായ കാര്യം.

കഴിഞ്ഞ വർഷം വിപണിയിൽ അവതരിപ്പിച്ച് റെക്കോർഡ് ബുക്കിംഗുകൾ വാരിക്കൂട്ടിയ ഇലക്‌ട്രിക് സ്‌കൂട്ടറാണ് അൾട്രാവയലറ്റ് ടെസറാക്റ്റ് (Ultraviolette Tesseract Electric Scooter). വിൽപ്പന പോലും ആരംഭിക്കുന്നതിന് മുമ്പേ തന്നെ ഇവി വാങ്ങിക്കുവാനായി ആളുകളുടെ തിക്കുംതിരക്കുമാണ് കാണാനായത്. ഓലയും ഏഥറും ബജാജും ടിവിഎസും എല്ലാം അരങ്ങുവാഴുന്ന വൈദ്യുത സ്‌കൂട്ടർ വിപണിയിൽ കൊടുങ്കാറ്റായ ടെസറാക്റ്റിനെ ഇതുവരെ നിരത്തിൽ കാണാത്തതിന്റെ വിഷമം ആളുകളിലുണ്ട്. എന്നാൽ കാത്തിരിപ്പുകളെല്ലാം അവസാനിപ്പിച്ച് ടെസറാക്റ്റിന്റെ പ്രൊഡക്ഷൻ പതിപ്പ് ഈ വർഷം ഇന്ത്യയിൽ വിൽപ്പനയ്‌ക്കെത്തുമെന്ന കാര്യം അൾട്രാവയലറ്റ് ഉറപ്പിച്ചുപറഞ്ഞിരിക്കുകയാണ് ഇപ്പോൾ.

കേരളത്തിൽ ഭരണപക്ഷത്തെ ഞെട്ടിച്ചുകൊണ്ട് യുഡിഎഫ് തരംഗമാണെങ്കിൽ തൊട്ടടുത്ത് അയൽസംസ്ഥാനമായ തമിഴ്‌നാട്ടിൽ ഡിഎംകെയെ തകർത്തുകൊണ്ട് സൂപ്പർതാരം വിജയിയുടെ വെട്രി കഴകത്തിന്റെ തേരോട്ടമാണ് കാണാനാവുന്നത്. നിയമസഭാ തിരഞ്ഞെടുപ്പിന്റെ വോട്ടെണ്ണൽ പുരോഗമിക്കുമ്പോൾ അട്ടിമറി മുന്നേറ്റവുമായി ടിവികെ (TVK) കുതിക്കുകയാണ്. തമിഴ് രാഷ്ട്രീയത്തിൽ ദ്രാവിഡ പാർട്ടികൾക്കിടയിലേക്ക് മൂന്നാമതൊരു ശക്തിയായി ടിവികെ വളരുന്ന കാഴ്ച്ചയാണിത്. സാക്ഷാൽ കമൽഹാസന് പോലും സൃഷ്‌ടിക്കാൻ കഴിയാത്ത നേട്ടത്തിൽ എന്തായാലും വിജയ്ക്ക് അഭിമാനിക്കാം. തമിഴ്നാട്ടിലെ പതിറ്റാണ്ടുകൾ നീണ്ട ദ്വികക്ഷി രാഷ്ട്രീയ സമ്പ്രദായത്തിന് അന്ത്യം കുറിക്കുകയാണെങ്കിൽ അതൊരു ചരിത്ര നിമിഷം തന്നെയായിരിക്കും.

പുത്തൻ മോഡലുകൾക്കൊണ്ട് ഇന്ത്യൻ വിപണിയെ വിസ്‌മയിപ്പിക്കാൻ ഒരുങ്ങുന്ന ഹോണ്ടയ്ക്ക് (Honda) നിലവിൽ അത്ര നല്ല സമയമല്ല. കഴിഞ്ഞ മാസത്തെ വിൽപ്പനയിലും ചെറിയ ക്ഷീണം അനുഭവപ്പെട്ട ബ്രാൻഡ് ഇപ്പോഴിതാ വിൽപ്പന വർധിപ്പിക്കാനുള്ള തന്ത്രങ്ങൾ ആവിഷ്ക്കരിച്ച് മുന്നോട്ടുവന്നിരിക്കുകയാണ്. പഴയതെല്ലാം വിറ്റുപെറുക്കുവാനായി ഹോണ്ടയിൽ ക്ലിയറൻസ് സെയിൽസാണ് നടക്കുന്നത്. ഇതിന്റെ ഭാഗമായി 2026 മെയ് മാസത്തേക്കായി കമ്പനി പ്രഖ്യാപിച്ചിരിക്കുന്നത് 2.12 ലക്ഷം രൂപ വരെയുള്ള ഓഫറുകളാണ്. എലിവേറ്റ്, സിറ്റി, അമേസ് എന്നിവയുൾപ്പെടെയുള്ള മോഡലുകൾ വമ്പൻ ലാഭത്തോടെ സ്വന്തമാക്കാൻ കഴിയുമെന്നത് ആരേയും മോഹിപ്പിക്കുന്ന കാര്യമാണ്.

മണിക്കൂറുകള്‍ നീളുന്ന ദീര്‍ഘദൂര വിമാനയാത്രകളില്‍ യാത്രക്കാര്‍ തങ്ങളുടെ സീറ്റിലിരുന്ന് വിശ്രമിക്കുമ്പോള്‍, നാം സാധാരണയായ എയര്‍ഹോസ്റ്റസുമാര്‍ എന്ന് വിളിക്കുന്ന ഫ്ലൈറ്റ് അറ്റന്‍ഡന്‍ഡ്‌സ് എപ്പോഴും ഊര്‍ജ്ജസ്വലരായി ഇരിക്കുന്നത് എങ്ങിനെയെന്ന സംശയം പലര്‍ക്കും തോന്നിയിട്ടുണ്ടാകും. ദീര്‍ഘദൂര വിമാനയാത്രയില്‍ പ്രസന്ന വദനത്തോടെ ആദ്യാവസാനം വരെ തുടരാന്‍ ജീവനക്കാര്‍ക്ക് സാധിക്കുന്നതിന് പിന്നില്‍ യാത്രക്കാരുടെ കണ്ണില്‍പ്പെടാത്ത കൃത്യമായ ഒരു സംവിധാനമുണ്ട്. വിമാനത്തിനുള്ളില്‍ തന്നെ ജീവനക്കാര്‍ക്കായി പ്രത്യേകം തയാറാക്കിയ വിശ്രമമുറികളാണിവ. 'സീക്രട്ട് ബെഡ്‌റൂം' എന്ന് വിശേഷിപ്പിക്കപ്പെടുന്ന ഈ ഭാഗം വിമാന സര്‍വീസിന്റെ സുഗമവും സുരക്ഷിതവുമായ നടത്തിപ്പില്‍ വലിയ പങ്കുവഹിക്കുന്നുണ്ട്.

തുറന്ന റൂഫുള്ള കാറില്‍ കാറ്റ് ഏറ്റ് പറക്കാന്‍ ആഗ്രഹിക്കുന്നവര്‍ക്കായി ബിഎംഡബ്ല്യു തങ്ങളുടെ അത്യാധുനിക കണ്‍വെര്‍ട്ടബിള്‍ മോഡലായ M440i (BMW M440i) ഇന്ത്യന്‍ വിപണിയില്‍ അവതരിപ്പിച്ചു. ആഡംബര സവിശേഷതകളും സ്‌പോര്‍ട്‌സ് കാറിന്റെ കരുത്തും ഒത്തിണങ്ങുന്ന ഈ മോഡല്‍ 1.09 കോടി രൂപ എക്‌സ്-ഷോറൂം വിലയിലാണ് ജര്‍മന്‍ ബ്രാന്‍ഡ് പുറത്തിറക്കിയിരിക്കുന്നത്. സ്പീഡും ലൈഫ്സ്റ്റൈലും ഒന്നിക്കുന്ന ഈ മോഡല്‍ വാഹനപ്രേമികള്‍ക്ക് വേറിട്ടൊരു അനുഭവമായിരിക്കുമെന്ന് ഉറപ്പാണ്. ബിഎംഡബ്ല്യുവിന്റെ കരുത്തുറ്റ M പെര്‍ഫോമന്‍സ് നിരയിലാണ് ഈ പുതിയ കണ്‍വെര്‍ട്ടബിള്‍ മോഡലിന്റെ സ്ഥാനം.

ഇന്ത്യന്‍ വാഹന വിപണിയില്‍ നിന്ന് പോകാനല്ല, നില്‍ക്കാന്‍ തന്നെയാണ് വന്നതെന്ന് ഉറക്കെ പ്രഖ്യാപിച്ച് കൊണ്ട് ജാപ്പനീസ് ബ്രാന്‍ഡ് ആയ നിസാന്‍ (Nissan) 2026 ഏപ്രിലില്‍ മിന്നും പ്രകടനം കാഴ്ചവെച്ചു. പുതിയ സാമ്പത്തിക വര്‍ഷത്തിന്റെ തുടക്കത്തില്‍ തന്നെ ആഭ്യന്തര വില്‍പ്പനയില്‍ 75 ശതമാനത്തിന്റെ വന്‍ വളര്‍ച്ചയാണ് കമ്പനി രേഖപ്പെടുത്തിയത്. നിസാനിന്റെ പുതിയ മോഡലായ ഗ്രാവൈറ്റ് എംപിവിക്ക് ലഭിച്ച് കൊണ്ടിരിക്കുന്ന വമ്പന്‍ ഡിമാന്‍ഡ് വിപണിയില്‍ വലിയ ചലനമുണ്ടാക്കുന്നു എന്നതിന്റെ തെളിവാണ് ഈ മുന്നേറ്റം. ഏപ്രില്‍ മാസത്തില്‍ മാത്രം കയറ്റുമതിയും ആഭ്യന്തര വിപണിയിലുമായി ആകെ 5,388 യൂണിറ്റുകള്‍ വിറ്റഴിക്കാന്‍ നിസാന് സാധിച്ചു.

ഇന്ത്യന്‍ ഇലക്ട്രിക് ഇരുചക്ര വാഹന വിപണിയില്‍ കടുത്ത വെല്ലുവിളികള്‍ക്കിടയിലും കിടിലന്‍ തിരിച്ചുവരവ് നടത്തുകയാണ് ഓല ഇലക്ട്രിക് (Ola Electric). കഴിഞ്ഞ കുറച്ചു മാസങ്ങളായി നേരിട്ട ചെറിയ ഇടിവിനെ മറികടന്ന് 2026 ഏപ്രിലില്‍ മികച്ച വില്‍പ്പന വളര്‍ച്ചയാണ് കമ്പനി നേടിയത്. സര്‍ക്കാര്‍ പോര്‍ട്ടലായ വാഹന്‍ (VAHAN) നല്‍കുന്ന കണക്കുകള്‍ പ്രകാരം വാഹന രജിസ്‌ട്രേഷനില്‍ വലിയ വര്‍ദ്ധനവാണ് ഉണ്ടായിരിക്കുന്നത്.2021-ല്‍ വിപണിയില്‍ അരങ്ങേറിയപ്പോള്‍ ലഭിച്ച അതേ ആവേശം വീണ്ടെടുക്കാന്‍ ഓലയ്ക്ക് ഇപ്പോള്‍ സാധിച്ചിട്ടുണ്ട്. ഫെബ്രുവരിയില്‍ വില്‍പ്പനയില്‍ വലിയ ഇടിവ് സംഭവിച്ചിരുന്നെങ്കിലും മാര്‍ച്ചിലും ഏപ്രിലിലും കമ്പനി പ്രഖ്യാപിച്ച ആകര്‍ഷകമായ ഓഫറുകള്‍ ഉപഭോക്താക്കളെ വീണ്ടും ഷോറൂമുകളിലേക്ക് എത്തിച്ചു.

മുന്‍ വര്‍ഷത്തെ അപേക്ഷിച്ച് 100 ശതമാനത്തിലധികം വാര്‍ഷിക വളര്‍ച്ചയുമായി 2027 സാമ്പത്തിക വര്‍ഷത്തിന് ഗംഭീര തുടക്കമിട്ട് റെനോ ഇന്ത്യ. 2025 ഏപ്രിലില്‍ വിറ്റ 2,602 യൂണിറ്റുകളില്‍ നിന്ന് ഇക്കഴിഞ്ഞ മാസം 5,413 യൂണിറ്റുകളായാണ് വില്‍പ്പന ഉയര്‍ന്നത്. ഏകദേശം 108.03 ശതമാനം വാര്‍ഷിക വളര്‍ച്ചയാണ് ഫ്രഞ്ച് കമ്പനി രേഖപ്പെടുത്തിയിരിക്കുന്നത്.വില്‍പ്പന കണക്കുകളിലെ ഈ കുതിച്ചുചാട്ടം റെനോയുടെ പുതുക്കിയ വാഹന നിരയ്ക്ക് ലഭിച്ച സ്വീകാര്യതയാണ് വ്യക്തമാക്കുന്നത്. 2026 മാര്‍ച്ചിലെ 5,046 യൂണിറ്റുകളുമായി താരതമ്യം ചെയ്യുമ്പോള്‍ പ്രതിമാസ വില്‍പ്പനയില്‍ 7.27 ശതമാനം വര്‍ദ്ധനവുണ്ടായിട്ടുണ്ട്.

ഇന്ത്യന്‍ മധ്യവര്‍ഗത്തിന്റെ സ്വപ്നങ്ങള്‍ക്ക് ചിറകുനല്‍കി മാരുതി സുസുക്കി ഈക്കോ (Maruti Suzuki Eeco) വിപണിയില്‍ ജൈത്രയാത്ര തുടരുന്നു. ആര്‍ക്കും വിശ്വസിക്കാനാവാത്ത കുറഞ്ഞ വിലയില്‍ ഒരു വലിയ കുടുംബത്തിന് സുഖമായി യാത്ര ചെയ്യാവുന്ന ഈ 'മാജിക് വാന്‍' കഴിഞ്ഞ മാസം നേടിയത് 13,087 പുതിയ ഉപഭോക്താക്കളെയാണ്. മുന്‍ വര്‍ഷത്തെ അപേക്ഷിച്ച് വില്‍പ്പനയില്‍ ഉണ്ടായ ഈ വന്‍ കുതിച്ചുചാട്ടം എതിരാളികളെ പോലും അത്ഭുതപ്പെടുത്തുന്നതാണ്. പുതിയ സാമ്പത്തിക വര്‍ഷത്തിന്റെ തുടക്കത്തില്‍ തന്നെ റെക്കോര്‍ഡ് നേട്ടമാണ് ഈക്കോ മാരുതിക്ക് സമ്മാനിച്ചത്.

ഒരുകാലത്ത് ഇന്ത്യക്കാരുടെ പ്രിങ്കരിൽ പ്രിയങ്കരനായ വാഹന നിർമാതാക്കളായിരുന്നു ഹോണ്ട. സെഡാനുകളിലൂടെ വിസ്‌മയം തീർത്ത ജാപ്പനീസ് ബ്രാൻഡിന് കാലത്തിനൊത്ത് മാറാൻ കഴിയാതെ വന്നതോടെ ആളുകളുടെ സ്നേഹം കാര്യമായി കുറയുകയുണ്ടായി. ഇപ്പോഴും ആളുകൾക്ക് ഇഷ്ടമാണെങ്കിലും പഴയ പ്രതാപം ക്ഷയിച്ചുവെന്ന് പറയുന്നതാവും ശരി. എങ്കിലും തരക്കേടില്ലാത്ത രീതിയിൽ ഓരോ മാസവും കാറുകൾ വിറ്റഴിക്കാൻ കമ്പനിക്കാവുന്നുണ്ട്. പക്ഷേ ഈ രീതിയിൽ തുടർന്നാൽ അധികകാലം പിടിച്ചുനിൽക്കാനാവില്ലെന്ന് ഹോണ്ട കൃത്യമായി മനസിലാക്കിയിട്ടുണ്ട്. ഇതിന്റെ ഭാഗമായി ഇന്ത്യയിലേക്ക് പത്തോളം പുത്തൻ മോഡലുകൾ അവതരിപ്പിക്കാനുള്ള പദ്ധതികളും ആവിഷ്ക്കരിച്ചിട്ടുണ്ട്.

ബുള്ളറ്റ് പ്രേമികളുടെ ഹൃദയമിടിപ്പായ റോയല്‍ എന്‍ഫീല്‍ഡ് ക്ലാസിക് 350 ഇനി പെട്രോള്‍ പമ്പുകളെ അധികം ആശ്രയിക്കാതെ നിരത്തുകള്‍ കീഴടക്കാന്‍ ഒരുങ്ങുന്നു. പരിസ്ഥിതി സൗഹൃദ ഇന്ധനമായ എഥനോളില്‍ പ്രവര്‍ത്തിക്കുന്ന ക്ലാസിക് 350 ഫ്ലെക്സ് ഫ്യുവല്‍ (Royal Enfield Classic Flex Fuel) പതിപ്പിന്റെ പരീക്ഷണയോട്ടം ചെന്നൈയില്‍ സജീവം. ഫ്യുവല്‍ ടാങ്കില്‍ 'E85' എന്ന സ്റ്റിക്കര്‍ പതിച്ച മോട്ടോര്‍സൈക്കിള്‍ പരീക്ഷണയോട്ടം നടത്തുന്നതിന്റെ ചിത്രങ്ങള്‍ 'റഷ്‌ലേന്‍' (Rushlane) പുറത്തുവിട്ടു. E85 എന്നത് 85% എഥനോളും 15% പെട്രോളും ചേര്‍ന്നതാണ്. E100 എന്നത് ഏകദേശം ശുദ്ധമായ എഥനോള്‍ ഇന്ധനമാണ്.

മലയാളികളും സീരിയലുകളും തമ്മിലുള്ള ആത്മബന്ധം ചെറുതൊന്നുമല്ല. പണ്ട് സ്ത്രീകൾ സമയംപോക്കിന് കണ്ടുതുടങ്ങിയതാണെങ്കിലും ഇന്ന് എല്ലാ ചാനലുകളും സീരിയലുകൾ ടെലികാസ്റ്റ് ചെയ്‌താണ് പരസ്പരം മത്സരിക്കുന്നത്. സീരിയലിലെ നിത്യഹരിത നായകൻ എന്ന് മലയാളികൾ സ്നേഹത്തോടെ വിളിക്കുന്ന താരമാണ് സാജന്‍ സൂര്യ. നായകനായും വില്ലനായും സഹനടനായും കുടുംബപ്രേക്ഷകരുടെ മനംകവർന്ന സാജൻ നിലവിൽ തിരക്കുകളൊന്നുമില്ലാതെ കുടംബമൊത്ത് സമയം ചെലവഴിക്കുകയാണ്. തിരക്കുകളൊന്നുമില്ലാത്ത സമയത്ത് യാത്രകൾ പതിവാക്കിയ നടന്റെ മുറ്റത്തേക്ക് ഇപ്പോഴിതാ പുതിയൊരു അതിഥി കൂടി എത്തിയിരിക്കുകയാണ്. മറ്റാരുമല്ല, സാജന്റെ വീട്ടിലേക്ക് പുതിയൊരു കുഞ്ഞൻ കാറാണ് എത്തിയിരിക്കുന്നത്.

ഇന്ത്യയിലെ ഏറ്റവും വലിയ വാഹന നിര്‍മ്മാതാക്കളായ മാരുതി സുസുക്കി (Maruti Suzuki) 2026 ഏപ്രിലില്‍ എക്കാലത്തെയും ഉയര്‍ന്ന പ്രതിമാസ വില്‍പ്പന നേട്ടം കൈവരിച്ചു. മൊത്തം 2,39,646 വാഹനങ്ങളാണ് കഴിഞ്ഞ മാസം മാരുതി വിറ്റത്. 2025 ഏപ്രിലിലെ 1,79,791 യൂണിറ്റുകളുമായി താരതമ്യം ചെയ്യുമ്പോള്‍ കമ്പനി 33 ശതമാനം വാര്‍ഷിക വളര്‍ച്ചയാണ് രേഖപ്പെടുത്തിയിരിക്കുന്നത്. ആഭ്യന്തര വിപണിയിലെ ശക്തമായ മുന്നേറ്റമാണ് മാരുതിയെ ഈ റെക്കോര്‍ഡ് നേട്ടത്തിലേക്ക് നയിച്ചത്. ആഭ്യന്തര വിപണിയിലെ വില്‍പ്പനയില്‍ മാരുതി സുസുക്കി 35 ശതമാനം വാര്‍ഷിക വളര്‍ച്ചയാണ് നേടിയത്.

ടൊയോട്ടയുടെ ലക്ഷ്വറി കാർ വിഭാഗമായ ലെക്‌സസ് ഇന്ത്യയിലും വെന്നിക്കൊടി പാറിച്ച് മുന്നേറിക്കൊണ്ടിരിക്കുകയാണ്. എങ്കിലും ജർമൻ എതിരാളികളായ മെർസിഡീസ് ബെൻസ്, ഔഡി, ബിഎംഡബ്ല്യു പോലുള്ളവയോട് കിടപിടിക്കാൻ പാകത്തിനുള്ള വിൽപ്പന കണക്കുകളൊന്നും ഇവർക്ക് അവകാശപ്പെടാനില്ല. എന്നാൽ വാങ്ങിയവരാരും ഇതേവരെ കുറ്റങ്ങളോ കുറവുകളോ പരിഭവങ്ങളോയില്ലാതെ ഹാപ്പിയായിട്ടാവും ഓടിച്ചുകൊണ്ടുനടക്കുന്നത്. ഒപ്പം ഈ ലക്ഷ്വറി ബ്രാൻഡുകളുടെ കാറുകളേക്കാൾ വളരെ തുച്ഛമായ മെയന്റനെൻസ് കോസ്റ്റ് കൂടിയാവുമ്പോൾ ലെക്‌സസിന് പകരം വെക്കാൻ അത്ര എളുപ്പമായെന്ന് വരില്ല. ഇപ്പോഴിതാ ആഡംബര കാർ വിഭാഗത്തിൽ സമാനതകളില്ലാത്തൊരു പ്രഖ്യാപനവുമായി എത്തിയിരിക്കുകയാണ് ബ്രാൻഡ്.

മഹീന്ദ്ര ആന്‍ഡ് മഹീന്ദ്രയുടെ ഏറ്റവും പുതിയ ഇലക്ട്രിക് എസ്‌യുവിയായ XUV 3XO ഇവിയുടെ ഡെലിവറി രാജ്യത്തുടനീളം ആരംഭിച്ചു. ഈ വര്‍ഷം ആദ്യം വിപണിയിലെത്തിയ ഇലക്ട്രിക് വാഹനത്തിന്റെ ബുക്കിംഗ് നേരത്തെ തന്നെ തുടങ്ങിയിരുന്നു. ഫെബ്രുവരിയില്‍ ഡെലിവറി ആരംഭിക്കുമെന്ന് കരുതിയിരുന്നെങ്കിലും ചില സാങ്കേതിക കാരണങ്ങളാല്‍ നടപടി അല്‍പ്പം വൈകുകയായിരുന്നു. ഇപ്പോള്‍ പുതിയ മഹീന്ദ്ര XUV 3XO ഇവി ഡീലര്‍ഷിപ്പുകളില്‍ എത്തിത്തുടങ്ങിയതോടെ ഉപഭോക്താക്കള്‍ക്ക് തങ്ങളുടെ പ്രിയപ്പെട്ട എസ്‌യുവി സ്വന്തമാക്കാനുള്ള അവസരം കൈവന്നിരിക്കുകയാണ്. മഹീന്ദ്രയുടെ ജനപ്രിയ മോഡലായ XUV 3XO-യുടെ ഇലക്ട്രിക് പതിപ്പ് AX5, AX7L എന്നിങ്ങനെ രണ്ട് പ്രധാന വേരിയന്റുകളിലാണ് ലഭ്യമാകുന്നത്.

ഇന്ത്യക്കാർക്ക് എല്ലാം ഒരുപോലെ ഇഷ്‌ടമുള്ള വാഹന നിർമാതാക്കളാണ് ടൊയോട്ട (Toyota). ഇത്തരത്തിൽ ഒരു സൽപ്പേര് മറ്റൊരു കമ്പനിക്കും ഇതുവരെ നേടാനായിട്ടില്ലെന്നതാണ് സത്യം. വണ്ടി വാങ്ങിക്കൊണ്ട് പോവുമ്പോഴുള്ള സ്നേഹം അതുകഴിഞ്ഞാൽ കിട്ടില്ലെന്ന് പലരും പറഞ്ഞുകേട്ടിട്ടില്ല? എന്നാൽ ടൊയോട്ടയുടെ കാര്യത്തിൽ ഇവിടെ നേരെ വിപരീതമായിരിക്കും. സെയിൽസിലായാലും സർവീസിലായാലും ആരും ഈ ജാപ്പനീസ് ബ്രാൻഡിനെ കുറ്റംപറഞ്ഞുകേട്ടിട്ടുണ്ടാവില്ല. ക്വാളിസ് മുതൽ തുടങ്ങിയ സ്നേഹം മാരുതിയുടെ കാറുകൾ റീബാഡ്‌ജ് ചെയ്‌ത് പുറത്തിറക്കിയപ്പോഴും കിട്ടിയതിന് കാരണം ഇതെല്ലാമാണ്. ഇപ്പോൾ ഓരോമാസവും വിൽപ്പനയിൽ നേട്ടമുണ്ടാക്കി കുതിക്കുകയാണ് ആശാൻമാർ.

ഫോക്‌സ്‌വാഗണ്‍ ടൈഗൂണ്‍ എന്ന ജര്‍മന്‍ കരുത്തന്‍ ഇന്ത്യന്‍ വിപണിയില്‍ എത്തിയിട്ട് അഞ്ച് വര്‍ഷമാകുന്നു. 2020-ലെ ഓട്ടോ എക്സ്പോയില്‍ ഒരു പ്രോട്ടോടൈപ്പ് ആയി പ്രത്യക്ഷപ്പെട്ട ടൈഗൂണ്‍, ഇന്ന് ഇന്ത്യയിലെ മിഡ്-സൈസ് എസ്‌യുവി വിപണിയിലെ വിശ്വസ്തമായ നാമങ്ങളില്‍ ഒന്നാണ്. തങ്ങളുടെ ഐക്കോണിക് എസ്‌യുവിക്ക് ഒരു മിഡ്‌സൈക്കിള്‍ അപ്‌ഡേറ്റ് നല്‍കിയിരിക്കുകയാണ് കമ്പനി ഇപ്പോള്‍. 2026 ഫോക്‌സ്‌വാഗണ്‍ ടൈഗൂണ്‍ എങ്ങിനെയുണ്ടെന്നറിയാന്‍ ജയ്പൂരില്‍ നിന്നും ചണ്ഡീഗഡ് വരെ ഓടിച്ച് നോക്കാന്‍ ഞങ്ങള്‍ക്ക് അവസരം കിട്ടി. 400 കിലോമീറ്ററിലധികം നീണ്ട ഡ്രൈവിലൂടെ പുതിയ ഫോക്‌സ്‌വാഗണ്‍ ടൈഗൂണ്‍ ഫെയ്‌സ്‌ലിഫ്റ്റ് എത്രത്തോളം മെച്ചപ്പെട്ടുവെന്ന് നമുക്ക് പരിശോധിക്കാം.

വറ്റാത്ത പുഴപോലെയാണ് മാരുതി സുസുക്കിയും ഇന്ത്യക്കാരും തമ്മിലുള്ള ബന്ധം. എത്രകാലങ്ങൾ കഴിഞ്ഞാലും ഈ ബന്ധം മുറുകുന്നതല്ലാതെ അയയുന്നതിനുള്ള യാതൊരു വിധ സൂചനയും ഇക്കാലയളവിനിടയിൽ ഉണ്ടായിട്ടുമില്ലെന്നതാണ് രസകരമായ കാര്യം. ടാറ്റ മോട്ടോർസും ഹ്യുണ്ടായിയും മഹീന്ദ്രയുമെല്ലാം ആഞ്ഞുപിടിച്ചിട്ടും മാരുതിയുടെ ജനപിന്തുണയ്ക്ക് യാതൊരുവിധ കോട്ടവും സംഭവിച്ചുമില്ല. ഓരോമാസവും ലക്ഷക്കണക്കിന് കാറുകളാണ് കമ്പനി വിറ്റഴിക്കുന്നത്. കഴിഞ്ഞ സാമ്പത്തിക വർഷത്തിലും റെക്കോർഡ് നേട്ടവുമായിട്ടാണ് രാജ്യത്തെ ഏറ്റവും വലിയ വാഹന നിർമാതാക്കൾ തങ്ങളുടെ വിൽപ്പന അവസാനിപ്പിച്ചത്. 2026 സാമ്പത്തിക വർഷത്തിന്റെ അവസാനത്തോടെ കമ്പനിക്ക് 190,000-ത്തിലധികം തീർപ്പാക്കാത്ത ഓർഡറുകളും പെൻഡിംഗിലുമുണ്ടായിരുന്നു.