ബജാജ്-ട്രയംഫ് കൂട്ടുകെട്ടില്‍ വിപണിയിലെത്തിയ ഏറ്റവും പുതിയ മോഡലാണ് ട്രയംഫ് ട്രാക്കര്‍ 400 (Triumph Tracker 400). ആഗോള വിപണിയില്‍ മുമ്പ് അവതരിപ്പിച്ച 400 സിസി ട്രാക്കര്‍ മോഡല്‍, പുതുക്കിയ ജിഎസ്ടി (GST) നിയമങ്ങള്‍ കാരണം ഇന്ത്യയില്‍ എത്തിക്കാന്‍ കമ്പനിക്ക് സാധിച്ചിരുന്നില്ല. എന്നാല്‍ കഴിഞ്ഞ ഏപ്രില്‍ മാസത്തില്‍ പുതിയ ജിഎസ്ടി മാനദണ്ഡങ്ങള്‍ക്ക് അനുയോജ്യമായ രീതിയില്‍ 349 സിസി എഞ്ചിനുമായി ഈ വാഹനം ഇന്ത്യന്‍ വിപണിയില്‍ ഔദ്യോഗികമായി ലോഞ്ച് ചെയ്യപ്പെട്ടു. ഫ്‌ലാറ്റ്-ട്രാക്ക് റേസിംഗ് ബൈക്കുകളില്‍ നിന്നും പ്രചോദനം ഉള്‍ക്കൊണ്ട് നിര്‍മ്മിച്ച ഈ നിയോ-റെട്രോ ബൈക്ക് എങ്ങിനെയുണ്ടെന്നറിയാന്‍ റിവ്യൂ ചുവടെ വായിക്കാം.

മോഡൽ നിരയിൽ വില വർധനവ് നടപ്പിലാക്കുന്ന തിരക്കിലാണ് നമ്മുടെ ദക്ഷിണ കൊറിയൻ വാഹന നിർമാതാക്കളായ കിയ. സിറോസ്, സോനെറ്റ്, സെൽറ്റോസ്, കാരെൻസ് ക്ലാവിസ് തുടങ്ങിയ ICE കാറുകൾക്ക് പുറമെ ഇവി നിരയിലും ബ്രാൻഡ് വില പരിഷ്ക്കാരം നടപ്പിലാക്കിയിട്ടുണ്ട്. കിയയുടെ ആദ്യത്തെ മെയ്‌ഡ് ഇൻ ഇന്ത്യ ഇലക്ട്രിക് കാറായ കാരെൻസ് ക്ലാവിസ് ഇവി വാങ്ങാനിരിക്കുന്നവരെല്ലാം ഇനി മുതൽ അധിക പണം കണ്ടെത്തേണ്ടി വരും. വാഹന നിര്‍മാണത്തിനാവശ്യമായ അസംസ്‌കൃത വസ്തുക്കളുടെ വിലക്കയറ്റവും ആഗോള തലത്തിലുണ്ടായ പ്രവര്‍ത്തന ചെലവുകളിലെ വര്‍ധനവും കാരണം ചൂണ്ടിക്കാട്ടിയാണ് കിയ ഇന്ത്യയിലെ മോഡലുകളുടെ വില വർധിപ്പിച്ചിരിക്കുന്നത്.

Long drive safety tips. ദീർഘദൂര യാത്രകളിൽ ഡ്രൈവർമാർ വരുത്തുന്ന സാധാരണ പിഴവുകളും അവ ഒഴിവാക്കാനുള്ള പ്രായോഗിക നിർദ്ദേശങ്ങളും ഈ ലേഖനത്തിലൂടെ വിശദമായി വായിച്ചറിയാം. സുരക്ഷിതമായ ഡ്രൈവിംഗിനായി ഈ കാര്യങ്ങൾ ശ്രദ്ധിക്കുക.

ഇന്ത്യയിലെ കമ്മ്യൂട്ടർ മോട്ടോർസൈക്കിൾ വിഭാഗത്തിൽ ഹീറോ സ്പ്ലെൻഡറിന്റെ ആധിപത്യം ഒരിടയ്ക്ക് തകർത്തെറിഞ്ഞ മോഡലായിരുന്നു ബജാജ് പ്ലാറ്റിന. പെട്രോള്‍ മണപ്പിച്ചാല്‍ തന്നെ കിടിലൻ മൈലേജ് കിട്ടുമെന്ന് ഇന്നും പറയുന്ന ബൈക്ക് ഇപ്പോഴും രാജ്യത്തെ ടോപ്പ് സെല്ലിംഗ് ഇരുചക്ര വാഹനങ്ങളിൽ ഒന്നാണ്. സാധാരണക്കാരന്റെ പോക്കറ്റിന് എന്നും സ്യൂട്ടാവുന്ന പ്ലാറ്റിന ഒരു വികാരമാണെന്ന് പറഞ്ഞാലും തെറ്റൊന്നുമില്ല. എന്നും സ്പ്ലെൻഡറിന്റെ പേടി സ്വപ്നമായിരുന്ന മോട്ടോർസൈക്കിൾ പക്ഷേ കുറച്ചുകാലമായി വിപണിയിൽ നിന്നും വലിയ മത്സരമാണ് നേരിടുന്നത്. ഇതിനിടയിൽ പെട്ട് വിൽപ്പനയും വലിയ തോതിൽ കുറഞ്ഞുവരുന്നതാണ് ഇപ്പോഴത്തെ ട്രെൻഡ്.

ഐതിഹാസിക മോഡലായ 'ഇന്നോവ ക്രിസ്റ്റ' (Toyota Innova Crysta) നിര്‍ത്തലാക്കുന്നു എന്ന തരത്തില്‍ പ്രചരിച്ചിരുന്ന വാര്‍ത്തകള്‍ക്ക് ഒടുവില്‍ ഔദ്യോഗിക വിരാമം. കഴിഞ്ഞ കുറച്ചു മാസങ്ങളായി വിപണിയില്‍ പരന്നുകൊണ്ടിരുന്ന ഈ അഭ്യൂഹങ്ങളെ തള്ളിക്കൊണ്ട് ടൊയോട്ട ഇന്ത്യ തന്നെ ഇപ്പോള്‍ നേരിട്ട് രംഗത്തെത്തിയിരിക്കുകയാണ്. കര്‍ശനമാകുന്ന മലിനീകരണ നിയന്ത്രണ മാനദണ്ഡങ്ങള്‍ മൂലം ക്രിസ്റ്റയുടെ ഉത്പാദനം കമ്പനി എന്നെന്നേക്കുമായി അവസാനിപ്പിക്കുമെന്ന വാര്‍ത്തകള്‍ വാഹന പ്രമികളെ, പ്രത്യേകിച്ച് ദീര്‍ഘദൂര യാത്രകള്‍ക്കായി ഈ ഡീസല്‍ കരുത്തനെ ആശ്രയിക്കുന്നവരെ ഏറെ ആശങ്കപ്പെടുത്തിയിരുന്നു.

ഇലക്‌ട്രിക് വാഹന വിപണിയിൽ എംജിയും മഹീന്ദ്രയും ആഞ്ഞുപിടിച്ചിട്ടും ടാറ്റ മോട്ടോർസിന്റെ (Tata Motors) ആധിപത്യം തകർക്കാനാവുന്നില്ലെന്നതാണ് സത്യം. ജനങ്ങളുടെ പൾസറിഞ്ഞ് കൃത്യമായി മോഡലുകളെ വൈദ്യുതീകരിക്കുന്ന കമ്പനി അടുത്തതായി കൊണ്ടുവരുന്നത് ഇതിഹാസ മോഡലായ സിയറയുടെ ഇവി പതിപ്പാണ്. ഇതിനോടകം ടീസറുകളിലൂടെ ഹൈപ്പുയർത്തിവെച്ചിരിക്കുന്ന ഇലക്ട്രിക് എസ്‌യുവി ജൂൺ 30-ന് ഇന്ത്യൻ വിപണിയിൽ അരങ്ങേറ്റം കുറിക്കും. അതായത് ദിവസങ്ങൾക്കുള്ളിൽ സിയറ ഇലക്ട്രിക് നമ്മുടെ നിരത്തുകളിൽ എത്തുമെന്ന് ചുരുക്കം. CE എഞ്ചിൻ സിയറയുടെ വിജയം ആവർത്തിക്കാൻ വൈദ്യുത പതിപ്പും കൂടിയെത്തുമ്പോൾ ആരാധകരെല്ലാം വമ്പൻ ആവേശത്തിലാണ്.

Car Headlight Maintenance, Monsoon Driving Safety. മഴക്കാലത്ത് വാഹനത്തിന്റെ ഹെഡ്‌ലൈറ്റ് പ്രകടനം മെച്ചപ്പെടുത്താനും സുരക്ഷിതമായി ഡ്രൈവ് ചെയ്യാനും ശ്രദ്ധിക്കേണ്ട കാര്യങ്ങൾ ഇതാ.

ഒരുകാലത്ത് ഇന്ത്യയിലെ കോംപാക്‌ട് എസ്‌യുവി ശ്രേണിയിലെ ഏറ്റവും കുറഞ്ഞ വിലയുള്ള മോഡലായി അവതരിപ്പിക്കപ്പെട്ട മോഡലായിരുന്നു റെനോ കൈഗർ. നിസാനുമായുള്ള പങ്കാളിത്തത്തിൽ പിറവിയെടുത്ത മാഗ്നൈറ്റിന്റെ റീബാഡ്‌ജ് മോഡൽ തരക്കേടില്ലാത്ത രീതിയിൽ വിറ്റഴിക്കാനും ഫ്രഞ്ച് വാഹന നിർമാതാക്കൾക്ക് സാധിച്ചിട്ടുണ്ട്. സെഗ്മെന്റിലെ ഒന്നാന്തരം പെർഫോമൻസുള്ള മോഡൽ കൂടിയായ കൈഗറിന്റെ കച്ചോടം അടുത്തിടെയായി അൽപം മടുപ്പായിരുന്നു. എന്നാൽ ഇതിനെയൊന്ന് പൊടിതട്ടിയെടുക്കുവാനായി ചില മാറ്റങ്ങളോടെ വിപണിയിൽ എത്തിച്ചിരിക്കുകയാണ് കമ്പനി. നാച്ചുറലി ആസ്പിറേറ്റഡ്, ടർബോ പെട്രോൾ എഞ്ചിൻ ഓപ്ഷനുകളിലായി 4 പുതിയ വേരിയന്റുകൾ ചേർത്തുകൊണ്ടാണ് റെനോ ഇന്ത്യ കൈഗർ ശ്രേണി നവീകരിച്ചിരിക്കുന്നത്.

ഇന്ത്യന്‍ വാഹന വിപണിയില്‍ തങ്ങളുടെ സാന്നിധ്യം ശക്തമാക്കുന്നതിന്റെ ഭാഗമായി ജെഎസ്ഡബ്ല്യു എംജി മോട്ടോര്‍ ഇന്ത്യ (JSW MG Motor India) ഒരു പുത്തന്‍ 'ന്യൂ എനര്‍ജി വെഹിക്കിള്‍' പുറത്തിറക്കാന്‍ ഒരുങ്ങുന്നു. ആഗോള വിപണിയില്‍ ശ്രദ്ധേയമായ ഈ അത്യാധുനിക എസ്‌യുവി മോഡല്‍ 2026 ജൂലൈ 16-ന് രാജ്യത്ത് ഔദ്യോഗികമായി അരങ്ങേറ്റം കുറിക്കുമെന്നാണ് കമ്പനി അറിയിച്ചിട്ടുള്ളത്. നിലവില്‍ ചൈനീസ് വിപണിയില്‍ വന്‍ വിജയമായി മാറിയ വൂലിംഗ് സ്റ്റാര്‍ലൈറ്റ് 560 (Wuling Starlight 560) മോഡലിനെ അടിസ്ഥാനമാക്കിയാണ് എംജി ഈ പുത്തന്‍ പ്ലഗ്-ഇന്‍ ഹൈബ്രിഡ് എസ്‌യുവി ഇന്ത്യക്കായി ഒരുക്കുന്നത്.

ഇന്ത്യക്കാർക്ക് ഇലക്‌ട്രിക് ബൈക്കുകളോളുള്ള ഇഷ്‌ടം ഏറി വരികയാണ്. ഒരു ലിറ്റർ പെട്രോളിന് 114 രൂപയോളം മുടക്കേണ്ടി വരുന്നത് ഏതൊരു സാധാരണക്കാരന്റേയും ബജറ്റിനെ താളംതെറ്റിക്കുന്ന കാര്യമാണ്. ആയതിനാൽ ബദൽ മാർഗങ്ങൾ തേടിയിറങ്ങുമ്പോൾ ആദ്യം കണ്ണിൽപ്പെടുക ഇവികളായിരിക്കാം. വൈദ്യുത സ്‌കൂട്ടറുകൾ നിരത്തുകൾക്ക് സുപരിചിതമായി കഴിഞ്ഞിരിക്കുന്നതിനാൽ ചിലരെങ്കിലും നല്ലൊരു ഇലക്ട്രിക് മോട്ടോർസൈക്കിൾ വാങ്ങിയാൽ കൊള്ളാമെന്ന ആഗ്രഹവുമായാണ് നടക്കുന്നത്. അൾട്രാവയലറ്റ് പോലുള്ള കിടിലൻ ബ്രാൻഡുകളുണ്ടെങ്കിലും ഉയർന്ന വില മുടക്കേണ്ടി വരുന്നതിനാൽ പലരും ഇപ്പോഴും പെട്രോൾ ബൈക്കുകളിലേക്കാണ് കൂടുതൽ അടുക്കുന്നത്. എന്നാൽ ഇത്തരക്കാർക്കിടയിലേക്ക് പുതിയൊരു ഇവി ബ്രാൻഡ് എത്തുകയാണ്.

വലിയ പ്രതീക്ഷകളോടെ ഇന്ത്യന്‍ വിപണിയിലെത്തിയ ജാപ്പനീസ് ബ്രാന്‍ഡായ നിസാനിന്റെ ഏറ്റവും പുതിയ എംപിവി മോഡല്‍ ഗ്രാവൈറ്റ്' (Nissan Gravite) കടുത്ത വെല്ലുവിളി നേരിടുന്നു. വിപണിയില്‍ ലഭ്യമായ ഏറ്റവും വില കുറഞ്ഞ 7 സീറ്റര്‍ വാഹനം എന്ന വിപണി വിശേഷണത്തോടെ എത്തിയ ഈ മോഡലിന് ആദ്യ മാസങ്ങളില്‍ വിചാരിച്ചത്ര മുന്നേറ്റം ഉണ്ടാക്കാന്‍ സാധിച്ചില്ലെന്നാണ് റിപ്പോര്‍ട്ടുകള്‍. റെനോ ട്രൈബറിനേക്കാള്‍ കുറഞ്ഞ വിലയില്‍ വിപണിയില്‍ എത്തിയ ഈ വാഹനത്തിന് നിലവില്‍ ഉപഭോക്താക്കള്‍ക്കിടയില്‍ പ്രതീക്ഷിച്ച ജനപ്രീതി നേടാന്‍ കഴിഞ്ഞിട്ടില്ല.

ഇന്ത്യയിലെ മിഡ്-സൈസ് എസ്‌യുവി വിഭാഗത്തിന് പുതിയ മാനങ്ങൾ സമ്മാനിച്ച മോഡലാണ് കിയ സെൽറ്റോസ്. കൊറിയയിൽ നിന്നും ഇന്ത്യയിലേക്ക് പറന്നിറങ്ങിയപ്പോൾ കമ്പനി പോലും പ്രതീക്ഷിക്കാത്ത രീതിയിലാണ് മോഡലിന് സ്വീകാര്യത ലഭിച്ചത്. ഇതിനിടയിൽ പല ന്യൂജെൻ എസ്‌യുവികളും രാജ്യത്ത് എത്തിയെങ്കിലും ആളുകൾക്ക് സെൽറ്റോസിനോടുള്ള ഇഷ്‌ടം കുറഞ്ഞതേയില്ല. കൃത്യമായ ഇടവേളകളിൽ വാഹനത്തിലേക്ക് മാറ്റങ്ങളും അപ്ഡേറ്റുകളും കൊണ്ടുവരാൻ കിയ കാണിക്കുന്ന താത്പര്യമെല്ലാം ആളുകൾ അകമഴിഞ്ഞ് പ്രോത്സാഹിപ്പിക്കാറുണ്ട്. ആഗോളതലത്തിലുള്ള ടെല്ലുറൈഡിൻ്റെ സ്റ്റൈലും പോക്കറ്റിന് ഇണങ്ങുന്ന വിലയും മോഡേൺ ഫീച്ചറുകളുമെല്ലാം കുത്തിനിറച്ചെത്തിയ പുതുതലമുറ പതിപ്പിനെ ആളുകൾ ഏറ്റെടുത്തതിന്റെ കാരണവും ഇതുതന്നെയാണ്.

Car Safety Essentials. ദീർഘദൂര യാത്രകൾക്ക് മുൻപ് വാഹനത്തിൽ കരുതേണ്ട പ്രധാന എമർജൻസി സാധനങ്ങളെക്കുറിച്ചും സുരക്ഷാ മുൻകരുതലുകളെക്കുറിച്ചും വിശദമായി വായിക്കാം.

ദക്ഷിണേന്ത്യന്‍ നഗരമായ വെല്ലൂരില്‍ വെച്ച് ഹ്യുണ്ടായിയുടെ ഏറ്റവും പുതിയ മിഡ്-സൈസ് എസ്‌യുവിയായ 'ബയോണ്‍' പരീക്ഷണയോട്ടത്തിനിടെ വീണ്ടും ക്യാമറക്കണ്ണില്‍ കുടുങ്ങി. ഇന്ത്യന്‍ വിപണിയില്‍ വന്‍ തരംഗമായി മാറിയ മാരുതി സുസുക്കി വിക്ടോറിസ് എസ്‌യുവിയുടെ തൊട്ടരികില്‍ പാര്‍ക്ക് ചെയ്ത നിലയിലാണ് ഈ പുത്തന്‍ വാഹനം ഇത്തവണ പ്രത്യക്ഷപ്പെട്ടത്. റെഡ്ഡിറ്റ് പ്ലാറ്റ്ഫോമിലൂടെയാണ് ഇതിന്റെ വ്യക്തമായ ചിത്രങ്ങള്‍ പുറത്തുവന്നത്.

രാജ്യത്തെ ഏറ്റവും മത്സരാധിഷ്ഠിതമായ സെഗ്മെന്റുകളിൽ ഒന്നാണ് മിഡ്-സൈസ് എസ്‌യുവികളുടേത്. രാജ്യത്തെ പ്രമുഖ ബ്രാൻഡുകളായ ഹ്യുണ്ടായി, മാരുതി സുസുക്കി, കിയ, ടാറ്റ, ടൊയോട്ട, ഹോണ്ട, സ്കോഡ, ഫോക്‌സ്‌വാഗൺ, സിട്രൺ, റെനോ തുടങ്ങിയ വമ്പൻമാരെല്ലാം സാന്നിധ്യമറിയിച്ച നിരയിലേക്ക് ജാപ്പനീസ് വാഹന നിർമാതാക്കളായ നിസാൻ കൂടി എത്തുകയാണ്. പണ്ട് ടെറാനോയിലൂടെ അഡ്രസുണ്ടാക്കിയെടുത്ത കമ്പനി ഇത്തവണ അവതരിപ്പിക്കുന്ന പുതുപുത്തൻ ടെക്റ്റൺ എന്ന മോഡലിനെയാണ്. ചുരുക്കി പറഞ്ഞാൽ ന്യൂജെൻ ഡസ്റ്ററിന്റെ റീബാഡ്‌ജ് എസ്‌യുവിയായിരിക്കും വരാനിരിക്കുന്നത്. എങ്കിലും നിസാൻ്റെ ഐഡന്റിറ്റിയിൽ വേറിട്ടുനിൽക്കാൻ ടെക്റ്റണിന് സാധിക്കുമെന്നത് ഉറപ്പാണ്.

രാജ്യത്തെ ഒന്നാം നമ്പര്‍ വാഹന നിര്‍മാതാക്കളായ മാരുതി സുസുക്കി തങ്ങളുടെ ജനപ്രിയ ഹാച്ച്ബാക്ക് മോഡലായ ഇഗ്‌നിസ് (Maruti Ignis) തിരിച്ചുവിളിക്കുന്നതായി പ്രഖ്യാപിച്ചു. വാഹനത്തിന്റെ റിയര്‍ പാര്‍ക്കിംഗ് സെന്‍സറുകളില്‍ കണ്ടെത്തിയ സാങ്കേതിക തകരാറുകള്‍ പരിഹരിക്കുന്നതിനാണ് കമ്പനിയുടെ ഈ നടപടി. നിലവില്‍ ഈ മോഡലിന്റെ ഉത്പാദനം കമ്പനി ഔദ്യോഗികമായി നിര്‍ത്തലാക്കിയിട്ടുണ്ടെങ്കിലും വിപണിയിലുള്ള വാഹനങ്ങളുടെ സുരക്ഷ മുന്‍നിര്‍ത്തിയാണ് കമ്പനി ഇപ്പോള്‍ രംഗത്തെത്തിയിരിക്കുന്നതെന്ന് പ്രമുഖ ഓട്ടോമോട്ടീവ് പോര്‍ട്ടലായ ഓട്ടോകാര്‍ (Autocar) റിപ്പോര്‍ട്ട് ചെയ്തു.

ഫ്രഞ്ച് വാഹന നിര്‍മാതാക്കളായ സിട്രണ്‍ തങ്ങളുടെ ജനപ്രിയ മോഡലായ എയര്‍ക്രോസിന്റെ പുത്തന്‍ ലിമിറ്റഡ് എഡിഷന്‍ പതിപ്പായ 'എയര്‍ക്രോസ് കംഫര്‍ട്ട് എഡിഷന്‍' (Citroën Aircross Comfort Edition) ഇന്ത്യന്‍ വിപണിയിലെത്തിച്ചു. മാറുന്ന ഉപഭോക്തൃ മുന്‍ഗണനകള്‍ കണക്കിലെടുത്താണ് കൂടുതല്‍ പ്രീമിയം ഫീച്ചറുകളോടെ കമ്പനിയുടെ 108-ാം വാര്‍ഷിക ആഘോഷങ്ങളുടെ ഭാഗമായാണ് ഈ പുതിയ മോഡല്‍ വിപണിയില്‍ എത്തിച്ചിരിക്കുന്നത്. ബേസ് വേരിയന്റുകളില്‍ പോലും ഉയര്‍ന്ന യാത്രാസുഖവും പ്രായോഗികതയും ഉറപ്പാക്കുന്ന ഒട്ടനവധി സവിശേഷതകള്‍ ഈ എഡിഷന്റെ പ്രധാന പ്രത്യേകതയാണെന്ന് കമ്പനി വാര്‍ത്താ കുറിപ്പില്‍ വ്യക്തമാക്കി.

ഒരു കാർ വിപണിയിലെത്തിക്കഴിഞ്ഞാൽ വലിയ സ്വീകാര്യത ലഭിക്കുന്നത് പുതിയ കാര്യമൊന്നുമല്ല. എന്നാൽ ബുക്കിംഗ് ആരംഭിച്ച് ആദ്യം കൊണ്ടുവന്ന 50 എണ്ണം വെറും 6 മിനിറ്റിൽ വിറ്റഴിഞ്ഞത് കണ്ട് വണ്ടറടിച്ചിരിക്കുകയാണ് ചെക്ക് റിപ്പബ്ലിക്കൻ വാഹന നിർമാതാക്കളായ സ്കോഡ. അതും വില പ്രഖ്യാപിക്കുന്നതിന് മുമ്പേ തന്നെ കമ്പനി അവതരിപ്പിക്കാനിരിക്കുന്ന പുത്തൻ 7-സീറ്റർ പെർഫോമൻസ് എസ്‌യുവി ഇന്ത്യക്കാർ വാങ്ങി എന്നതാണ് ശ്രദ്ധേയമായ കാര്യം. ഇന്നലെയാണ് സ്കോഡ തങ്ങളുടെ കൊഡിയാക് RS 7-സീറ്റർ എസ്‌യുവിയുടെ ബുക്കിംഗ് ആരംഭിക്കുന്നത്. ഇതിന് ശേഷം കണ്ണടച്ച് തുറക്കുന്ന വേഗത്തിൽ ഇന്ത്യക്കായി അനുവദിച്ച എല്ലാ യൂണിറ്റുകളും വിറ്റഴിഞ്ഞുവെന്നാണ് സ്കോഡ അറിയിച്ചിരിക്കുന്നത്.

Helmet Maintenance Tips. മഴക്കാലത്ത് ഹെൽമറ്റ് എങ്ങനെ വൃത്തിയായി സൂക്ഷിക്കാം? വിസർ ഫോഗിങ് ഒഴിവാക്കാനും ദുർഗന്ധം മാറ്റാനുമുള്ള പ്രായോഗിക നിർദ്ദേശങ്ങൾ ഇവിടെ വായിക്കാം.

ഇന്ന് വിപണിയിലെത്തുന്ന അത്യാധുനിക ഇലക്ട്രിക് സ്‌കൂട്ടറുകള്‍ പ്രകടനക്ഷമതയില്‍ പരമ്പരാഗത പെട്രോള്‍ മോഡലുകളെപ്പോലും പിന്നിലാക്കുകയാണ്. കേവലം പരിസ്ഥിതി സൗഹൃദ യാത്രകള്‍ക്കപ്പുറം ഹൈ സ്പീഡും തകര്‍പ്പന്‍ ആക്‌സിലറേഷനും വാഗ്ദാനം ചെയ്യുന്ന നിരവധി ഹൈ-പെര്‍ഫോമന്‍സ് ഇവികളാണ് ഇപ്പോള്‍ വിപണി ഭരിക്കുന്നത്. ലോകത്തിലെ തന്നെ ഏറ്റവും വലിയ ഇലക്ട്രിക് വാഹന വിപണികളിലൊന്നായ ഇന്ത്യയില്‍ മണിക്കൂറില്‍ 100 കിലോമീറ്ററിലധികം വേഗത കൈവരിക്കാന്‍ ശേഷിയുള്ള മോഡലുകള്‍ ലഭ്യമാണ്. നിലവില്‍ രാജ്യത്ത് വില്‍പ്പന്‌ക്കെത്തുന്ന ഏറ്റവും വേഗതയേറിയ അഞ്ച് പ്രീമിയം ഇലക്ട്രിക് സ്‌കൂട്ടറുകളുടെ സുപ്രധാന വിവരങ്ങള്‍ താഴെ വിശദമായി വായിക്കാം.

സ്‌കൂട്ടർ വിപണിയിൽ തങ്ങളുടേതായ ഇടം കണ്ടെത്താൻ ഏറെ പാടുപെട്ടവരാണ് ഹീറോ മോട്ടോകോർപ്. തുടക്കകാലത്ത് പ്ലഷർ വലിയ വിജയമായെങ്കിലും പിന്നീടെത്തിയ മോഡലുകൾക്കൊന്നും അധികകാലം പിടിച്ചുനിൽക്കാനായില്ല. ഇടയ്ക്ക് മാസ്ട്രോ ചെറുതായൊന്ന് കയറിവന്നുവെങ്കിലും ഹോണ്ട ആക്‌ടിവയോടും ടിവിഎസ് ജുപ്പിറ്ററിനോടും പിടിച്ചുനിൽക്കാനാവാതെ പോവുകയായിരുന്നു. പിന്നീട് ഡെസ്റ്റിനിയിലൂടെ രാജ്യത്തെ ഏറ്റവും വലിയ ഇരുചക്ര വാഹന നിർമാതാക്കൾ കളംമാറ്റി നോക്കിയെങ്കിലും രക്ഷയില്ലായിരുന്നു. പക്ഷേ ഡെസ്റ്റിനിയുടെ ന്യൂജെൻ മോഡൽ എത്തിയതോടെ കുതിച്ചുപായുന്ന ഹീറോയെയാണ് പിന്നെ കാണാനായത്. ഫാമിലി സ്‌കൂട്ടറുകൾക്ക് ഏറെ ഡിമാൻ്റുള്ള നാടായ ഇന്ത്യ ഇവനെ ഏറ്റെടുത്തു.

ന്ത്യന്‍ ക്രിക്കറ്റിലെ ടീമിലെ പുത്തന്‍ രാരോദയവും ഓപണിംഗ് ബാറ്ററുമായ യശസ്വി ജയ്സ്വാള്‍ ഫാദേഴ്സ് ഡേ പ്രമാണിച്ച് തന്റെ പിതാവിന് ആഡംബര എസ്‌യുവി സമ്മാനിച്ചു. ഇംഗ്ലണ്ടിനെതിരെയുള്ള ഏകദിന പരമ്പരയ്ക്കുള്ള ടീമില്‍ ഇടം നേടാനായില്ലെങ്കിലും താരത്തിന്റെ ആത്മവിശ്വാസത്തിന് ഒട്ടും കുറവില്ലെന്ന് ഈ പുതിയ നീക്കം വ്യക്തമാക്കുന്നു. കഴിഞ്ഞ ശനിയാഴ്ച അഫ്ഗാനിസ്ഥാനെതിരായ മത്സരത്തില്‍ തകര്‍പ്പന്‍ സെഞ്ച്വറി നേടിയ ജയ്സ്വാള്‍ ഞായറാഴ്ച രാവിലെയാണ് മുംബൈയില്‍ എത്തിയത്. തുടര്‍ന്ന് മാതാപിതാക്കള്‍ക്കൊപ്പം ആഡംബര കാര്‍ ഷോറൂം സന്ദര്‍ശിക്കുകയും പുത്തന്‍ നീല മെര്‍സിഡീസ് ബെന്‍സ് GLE 300d (Mercedes-Benz GLE 300d) കാറിന്റെ താക്കോല്‍ പിതാവിന് കൈമാറുകയും ചെയ്തു.

ഇന്ത്യയിലെ മിഡ്-സൈസ് എസ്‌യുവി സെഗ്മെന്റിലേക്ക് കാലങ്ങൾക്ക് മുമ്പേ ചെക്ക് റിപ്പബ്ലിക്കൻ വാഹന നിർമാതാക്കളായ സ്കോഡ ഒരു ചക്രവർത്തിയെ അവതരിപ്പിക്കുകയുണ്ടായി. നല്ല സേഫ്റ്റിയും യൂറോപ്യൻ നിർമാണ നിലവാരവും രണ്ട് കിടിലൻ ടർബോ പെട്രോൾ എഞ്ചിൻ ഓപ്ഷനുകളുമെല്ലാമായി എത്തിയ കുഷാഖായിരുന്നു അത്. പ്രാദേശികമായി ഇന്ത്യയ്ക്ക് വേണ്ടി പ്രത്യേകം തയാറാക്കിയ മോഡൽ പലരുടേയും ഫേവറീറ്റ് വണ്ടികളിൽ ഒന്നാണ്. വലിയ ഭീമാകാരമായ എസ്‌യുവിയൊന്നും വേണ്ട, നല്ല പെർഫോമൻസും സുരക്ഷയുമുള്ള മോഡൽ തേടിയിറങ്ങുന്നവർക്കുള്ള ഉത്തരം കൂടിയായിരുന്നു കുഷാഖ്. ഇപ്പോഴിതാ വിൽപ്പനയിൽ സുപ്രധാനമായൊരു നാഴികക്കല്ല് താണ്ടിയിരിക്കുകയാണ് മോഡൽ.

എസ്‌യുവികളെ ഇന്ത്യക്കാർക്കിടയിൽ പ്രിയങ്കരമാക്കിയത് ആരെന്ന് ചോദിച്ചാൽ അതിനുള്ള ഉത്തരമാണ് ഡസ്റ്റർ. അവതാരപ്പിറവി പൂർണതയിലെത്താതെ കുറച്ച് വർഷങ്ങൾക്ക് മുമ്പ് പടിയിറങ്ങിയിരുന്നുവെങ്കിലും ഇനിയും ഒരു അങ്കത്തിന് ബാല്യമുണ്ടെന്ന് മനസിലാക്കിയ ഫ്രഞ്ച് വാഹന നിർമാതാക്കളായ റെനോ ന്യൂജെൻ വേഷത്തിൽ ഡസ്റ്ററിനെ അടുത്തിടെ തിരികെയെത്തിക്കുകയുണ്ടായി. നിർത്തിപ്പോയപ്പോഴുണ്ടായിരുന്ന മിഡ്-സൈസ് എസ്‌യുവി സെഗ്മെന്റിലെ എതിരാളികളേയല്ല തിരിച്ചുവരവിൽ ഡസ്റ്റർ നേരിടേണ്ടി വന്നത് എങ്കിലും തരക്കേടില്ലാത്ത രീതിയിൽ പിടിച്ചുനിൽക്കാൻ ആശാന് സാധിക്കുന്നുണ്ട്. ഇന്ത്യക്കാരെ ഹാപ്പിയാക്കിയതിന് പിന്നാലെ ഇപ്പോഴിതാ വിദേശികളുടെ ഇടയിലും ആരവം സൃഷ്ടിക്കാൻ ഒരുങ്ങുകയാണ് ഡസ്റ്റർ.

Car Charger Guide: യാത്രയ്ക്കിടെ ഫോൺ ചാർജ് ചെയ്യാൻ മികച്ച കാർ ചാർജർ തിരഞ്ഞെടുക്കുമ്പോൾ ശ്രദ്ധിക്കേണ്ട സാങ്കേതിക കാര്യങ്ങളും സുരക്ഷാ മുൻകരുതലുകളും ഈ ലേഖനത്തിലൂടെ വിശദമായി മനസ്സിലാക്കാം.