സ്വിഫ്റ്റിനെ പോലെ തന്നെ ഇന്ത്യയിൽ ഭയങ്കര ഫാൻബേസുള്ള മറ്റൊരു മാരുതി സുസുക്കി ഹാച്ച്ബാക്കായിരുന്നു റിറ്റ്സ്. ഇന്നും സെക്കൻഡ് ഹാൻഡ് വിപണിയിൽ നല്ല ഡിമാൻ്റുള്ള മോഡലിന് പകരക്കാരനായി എത്തിയത് ഇഗ്നിസ് എന്ന സുന്ദരനായിരുന്നു. പക്ഷേ തുടക്കത്തിൽ ആളുകൾക്ക് അത്ര ഇഷ്‌ടമല്ലാതിരുന്ന കാർ പിന്നീട് മലയാളികളുടെ ഫേവറീറ്റ് ആയി മാറുന്ന കാഴ്ച്ചയാണ് കാണാനായത്. ഇന്ന് ഇഗ്നിസിന് ഏറ്റവും കൂടുതൽ വിൽപ്പനയുള്ള നാടായി കേരളം മാറിക്കഴിഞ്ഞു. ഡിസൈനിലെ ചെത്ത് ലുക്ക് തന്നെയാണ് ഇതിൻ്റെ പ്രധാന കാരണം. ഒപ്പം സ്വിഫ്റ്റ് 3-സിലിണ്ടർ എഞ്ചിനിലേക്ക് ചേക്കേറിയതോടെ സ്വിഫ്റ്റ് വാങ്ങിനിരുന്നവരിൽ പലരും ഓടിച്ചെന്നത് ഇഗ്നിസിൻ്റെ അടുത്തേക്കായിരുന്നു.

വാഹന വിതരണത്തിനായി റെയില്‍വേ ശൃംഖലയെ മികച്ച രീതിയില്‍ പ്രയോജനപ്പെടുത്തി പുതിയ റെക്കോര്‍ഡ് കുറിച്ച് ഇന്ത്യയിലെ ഏറ്റവും വലിയ കാര്‍ നിര്‍മ്മാതാക്കളായ മാരുതി സുസുക്കി. 2025 കലണ്ടര്‍ വര്‍ഷത്തില്‍ മാത്രം 5.85 ലക്ഷം കാറുകളാണ് കമ്പനി ട്രെയിനില്‍ രാജ്യത്തിന്റെ വിവിധ ഭാഗങ്ങളിലെത്തിച്ചത്. മുന്‍ വര്‍ഷങ്ങളെ അപേക്ഷിച്ച് ഈ കണക്കുകളില്‍ വലിയ വര്‍ദ്ധനവാണ് രേഖപ്പെടുത്തിയിരിക്കുന്നത്. കമ്പനിയുടെ ചരിത്രത്തില്‍ ഏറ്റവും കൂടുതല്‍ കാറുകള്‍ ട്രെയിന്‍ മാര്‍ഗം ഡീലര്‍ഷിപ്പുകളിലേക്ക് അയച്ച വര്‍ഷമായി 2025 മാറി. 2016-ല്‍ വെറും 77,000 കാറുകള്‍ മാത്രം ട്രെയിന്‍ വഴി അയച്ചിരുന്ന സ്ഥാനത്താണ് ഇപ്പോള്‍ ഈ കുതിച്ചുചാട്ടം ഉണ്ടായിരിക്കുന്നത്.

ഇറ്റാലിയൻ ഇരുചക്ര വാഹന നിർമാതാക്കളായ അപ്രീലിയയെക്കുറിച്ച് പ്രത്യേകിച്ച് ആമുഖത്തിൻ്റെ ആവശ്യമൊന്നുമില്ല. ഇന്ത്യയിലെ സ്‌കൂട്ടർ വിപണിയിൽ ഒറിജിനൽ സ്പോർട്ടി സ്‌കൂട്ടറുകൾ അവതരിപ്പിച്ച് വ്യത്യസ്‌തരായ ബ്രാൻഡ് പിന്നീട് രാജ്യത്ത് സൂപ്പർബൈക്ക് നിർമാതാക്കളായി ചുവടുമാറ്റിയിരുന്നു. അഗോളതലത്തിൽ സൂപ്പർബൈക്കുകൾ നിർമിച്ച് പ്രശസ്‌തിയാർജിച്ച കമ്പനി ഇന്ത്യക്കായി രണ്ട് കിടിലൻ എൻട്രി ലെവൽ സ്പോർട്‌സ് ബൈക്കുകളും കുറച്ച് വർഷങ്ങൾക്ക് മുമ്പ് അവതരിപ്പിച്ചിരുന്നു. ഇപ്പോഴിതാ പുതിയ പരിഷ്ക്കാരങ്ങളോടെ 2026 മോഡൽ RS 457, ടുവോണോ 457 എന്നിവ വിപണിയിലെത്തിച്ചിരിക്കുകയാണ് അപ്രീലിയ. അതും മുമ്പത്തേതിനേക്കാൾ വിലക്കുറവിലാണ് ഇരുവരും വിപണത്തിന് എത്തുന്നത് എന്നതും രസകരമായ കാര്യമാണ്.

ഇന്ത്യയിലെ ഇലക്ട്രിക് ത്രീ-വീലര്‍ വിപണിയില്‍ വിപ്ലവകരമായ മാറ്റത്തിന് തുടക്കമിട്ട് ബജാജ് ഓട്ടോ തങ്ങളുടെ പുത്തന്‍ മോഡലായ 'WEGO P9018' പുറത്തിറക്കി. ഒറ്റത്തവണ ചാര്‍ജ് ചെയ്താല്‍ 296 കിലോമീറ്റര്‍ ദൂരം സഞ്ചരിക്കാമെന്നതാണ് ഈ മുച്ചക്ര വാഹനത്തിന്റെ പ്രധാന ആകര്‍ഷണം. നിലവില്‍ ഇന്ത്യയില്‍ ലഭ്യമായതില്‍ വെച്ച് ഏറ്റവും വലിയ ബാറ്ററി പായ്ക്ക് ഉള്ള ഇലക്ട്രിക് ഓട്ടോറിക്ഷയാണ് ഇത്. പുണെ ആസ്ഥാനമായുള്ള ബജാജ് ഓട്ടോ ഇന്നലെയാണ് (2026 ഫെബ്രുവരി 09) ഈ നൂതന ഇലക്ട്രിക് വാഹനം വിപണിയിലെത്തിച്ചത്. 4,41,247 രൂപയാണ് ഈ ഇലക്ട്രിക് ഓട്ടോറിക്ഷയുടെ ഇന്ത്യയിലെ എക്‌സ്-ഷോറൂം വില.

രാജ്യത്ത് ഏറ്റവും മത്സരം നടക്കുന്ന സെഗ്മെൻ്റുകളിൽ ഒന്നാണ് മിഡ്-സൈസ് എസ്‌യുവികളുടേത്. മാരുതി സുസുക്കിയും ഹ്യുണ്ടായിയും കിയയും ടൊയോട്ടയും ഹോണ്ടയും സിട്രണും ഫോക്‌സ്‌വാഗണും സ്കോഡയും ടാറ്റ മോട്ടോർസുമെല്ലാം മത്സരിക്കുന്ന വിഭാഗത്തിലെ മത്സരം കാണാൻ തന്നെയൊരു ചേലാണ്. ഏറെക്കാലമായി ദക്ഷിണ കൊറിയൻ വാഹന നിർമാതാക്കളുടെ നിരയിലെ ക്രെറ്റ എസ്‌യുവിയാണ് ഇവിടെ ആധിപത്യം പുലർത്തുന്നത്. വമ്പൻമാരെല്ലാം ഒത്തുപിടിച്ചിട്ടും ക്രെറ്റയെ ഭയപ്പെടുത്താൻ ഇതുവരെ സാധിച്ചിട്ടില്ലെന്നതാണ് സത്യം. ഒടുവിൽ മാരുതി വിക്ടോറിസും ടാറ്റ സിയറയും വരെ കളത്തിലിറങ്ങിയിട്ടും ക്രെറ്റയെ പൂട്ടാനായില്ല. 2026 ജനുവരിയിലെ വിൽപ്പനയിൽ ഒന്നാം കരസ്ഥമാക്കി ശക്തി തെളിയിക്കാൻ ഹ്യുണ്ടായിക്ക് വീണ്ടും സാധിച്ചു.

സമീപകാലത്ത് ഇന്ത്യന്‍ പാസഞ്ചര്‍ ഇലക്ട്രിക് വാഹന വിപണിയില്‍ തരംഗമായി മാറിയ മഹീന്ദ്രയുടെ XEV 9S (Mahindra XEV 9S) 7-സീറ്റര്‍ ഇലക്ട്രിക് എസ്‌യുവി സ്വന്തമാക്കാന്‍ മാസങ്ങള്‍ കാത്തിരിക്കണമെന്ന് റിപ്പോര്‍ട്ട്. കമ്പനിയുടെ മുന്‍നിര ഐസിഇ എസ്‌യുവിയായിരുന്ന XUV 700-യുടെ ഇലക്ട്രിക് പതിപ്പായിട്ടാണ് ഈ വാഹനം അറിയപ്പെടുന്നത്. റെക്കോര്‍ഡ് ബുക്കിംഗാണ് ഈ ഇലക്ട്രിക് കരുത്തന് ലഭിച്ചുകൊണ്ടിരിക്കുന്നത്. അടുത്തിടെ പുറത്തിറങ്ങിയ മഹീന്ദ്ര XEV 9S ഇലക്ട്രിക് എസ്‌യുവിക്ക് 9 മാസം വരെയാണ് പരമാവധി കാത്തിരിപ്പ് കാലയളവെന്ന് റഷ്‌ലെയ്ന്‍ റിപ്പോര്‍ട്ട് ചെയ്യുന്നു. വാഹനത്തിന്റെ വമ്പന്‍ ഡിമാന്‍ഡിനൊപ്പം നിര്‍മാണത്തിലെ വെല്ലുവിളികളാണ് ഇത്ര ഉയര്‍ന്ന വെയിറ്റിംഗ് പീരിയഡിന് കാരണമാകുന്നത്.

കഴിഞ്ഞ കുറച്ച് വർഷങ്ങളായി കാര്യമായ മെച്ചമൊന്നും ഇല്ലാതെ ഫ്രഞ്ച് വാഹന നിർമാതാക്കളായ റെനോയുടെ വിൽപ്പന ഇഴഞ്ഞുനീങ്ങുകയായിരുന്നു. എന്നാൽ 2026 കലണ്ടർ വർഷത്തിൻ്റെ ആദ്യ മാസത്തിൽ തന്നെ തങ്ങളുടെ തുറപ്പുചീട്ട് പുറത്തിറക്കി റെനോ ഇന്ത്യ ഒന്നാകെ പിടിച്ചുകുലുക്കിയിട്ടുണ്ട്. ഡസ്റ്റർ എന്ന അതികായൻ്റെ വരവിന് ഈ വർഷം വിപണി സാക്ഷ്യംവഹിക്കുന്നതോടെ റെനോ കുതിച്ചുയരാൻ ഒരുങ്ങുകയാണ്. നിരവധി പ്രത്യേകതകളോടെ തിരിച്ചുവരവ് നടത്തിയ എസ്‌യുവിയുടെ വില പ്രഖ്യാപനവും ഔദ്യോഗിക അവതരണവും അധികം വൈകാതെ തന്നെ കമ്പനി നടത്തും. എന്നാൽ അതിന് മുന്നോടിയായി വിൽപ്പന വർധിപ്പിക്കുവാനായി ഫെബ്രുവരി മാസത്തേക്കായി പുതിയ ഡിസ്കൗണ്ട് ഓഫറുകളുമായി എത്തിയിരിക്കുകയാണ് റെനോ.

തമിഴ്‌നാട്ടിലെ പുതിയ പ്ലാന്റിൽ റേഞ്ച് റോവർ ഇവോക്കിൻ്റെ പ്രാദേശിക നിർമാണം ആരംഭിച്ച് ടാറ്റ മോട്ടോർസ്. റാണിപേട്ട് ജില്ലയിൽ സ്ഥിതി ചെയ്യുന്ന ഈ ഗ്രീൻഫീൽഡിലാണ് പുത്തൻ പ്ലാൻ്റ് തുടങ്ങിയിരിക്കുന്നത്. ഈ നിർമാണ കേന്ദ്രത്തിൽ തദ്ദേശീയമായി നിർമിക്കുന്ന ആദ്യത്തെ ജാഗ്വർ ലാൻഡ് റോവർ മോഡലാണിത് എന്നതും ശ്രദ്ധേയമായ കാര്യമാണ്. വരും വർഷങ്ങളിൽ ഇന്ത്യയിലേക്കും അന്താരാഷ്ട്ര വിപണികളിലേക്കും വാഹനങ്ങൾ വിതരണം ചെയ്യുന്നതിൽ തമിഴ്‌നാട് ഒരു പ്രധാന പങ്ക് വഹിക്കും. നമ്മുടെ അയൽ സംസ്ഥാനത്ത് ഇത്തരത്തിലൊരു നിർമാണശാല വരുന്നത് വലിയ കാര്യം തന്നെയാണ്.

ഇന്ത്യൻ വാഹന വിപണിയിലെ ഏറ്റവും വലിയ നിർമാതാക്കളാണ് മാരുതി സുസുക്കി, ഹ്യുണ്ടായി, മഹീന്ദ്ര തുടങ്ങിയ ബ്രാൻഡുകൾ. എന്നാൽ ഇന്ത്യയിലെ ഏറ്റവും വേഗത്തിൽ വളരുന്ന കാർ ബ്രാൻഡുകളുടെ പട്ടികയിൽ ഇവർ അൽപം താഴെയാണെന്ന് പറഞ്ഞാൽ നിങ്ങൾ വിശ്വസിക്കുമോ? 2026 കലണ്ടർ വർഷത്തിൻ്റെ ആദ്യ മാസം തന്നെ ശക്തമായ മുന്നേറ്റമാണ് ഇന്ത്യയിലെ പാസഞ്ചർ വാഹന വിപണി സാക്ഷ്യംവഹിച്ചത്. മിക്ക കാർ നിർമ്മാതാക്കളും വാർഷികാടിസ്ഥാനത്തിൽ കാര്യമായ നേട്ടമുണ്ടാക്കിയപ്പോൾ ഇന്ത്യയിലെ ഏറ്റവും വേഗത്തിൽ വളരുന്ന കാർ ബ്രാൻഡായി പേരെടുത്തത് ഫ്രഞ്ചുകാരായ സിട്രൺ ആണ്.

ഭ്രമരത്തിലെ മോഹൻലാലിൻ്റെ ചെറുപ്പകാലത്തെ കളിക്കൂട്ടുകാരി അമ്പിളിയായി വിസ്മയിപ്പിച്ച ബാലതാരമായിരുന്നു ജയശ്രീ ശിവദാസ്. പിന്നീട് ബാലതാരത്തിൽനിന്ന് നായികാനിരയിലേക്കെത്തിയ താരം ഇന്ന് മലയാള സിനിമകളിൽ നിറഞ്ഞാടുകയാണ്. ജയശ്രീയുടെ അതേ മുഖച്ഛായയുള്ള നടിയാണ് മാളവിക നായർ. അതിനാൽ പലർക്കും ഇവരെ ഇടയ്ക്ക് മാറിപ്പോവാറുണ്ട്. എങ്കിലും ലാലേട്ടാൻ്റെ ഭ്രമരം സിനിമയിലെ അണ്ണാറക്കണ്ണാ വാ പൂവാലാ എന്ന പാട്ടുമാത്രം മതി ജയശ്രീയെ ഓർത്തെടുക്കാൻ. ഒരിടത്തൊരു പുഴയുണ്ട്, ഇടുക്കി ഗോൾഡ്, മിന്നാമിന്നിക്കൂട്ടം, ഡോക്ടർ ലവ് തുടങ്ങി നിരവധി സിനിമകളിൽ ശ്രദ്ധേയ വേഷങ്ങളിൽ അഭിനയിക്കാനും താരത്തിനായിട്ടുണ്ട്. നിലവിൽ അഭിനയത്തിനൊപ്പം ക്യാമറയ്ക്ക് പിന്നിലും സജീവമായി നിൽക്കുകയാണ് ജയശ്രീ.

തങ്ങളുടെ പ്രതാപകാലത്തേക്ക് മടങ്ങിയെത്താനുള്ള ശ്രമത്തിലാണ് ജാപ്പനീസ് വാഹന നിർമാതാക്കളായ ഹോണ്ട ഇപ്പോൾ. അതിനായി ഈ വർഷം മുതൽ നിരവധി പുതുവാഹനങ്ങളാണ് ഇന്ത്യൻ വിപണിയിൽ അവതരിപ്പിക്കാൻ കമ്പനി തയാറെടുക്കുന്നത്. ഹോണ്ടയുടേതായി പുതുതായി പത്തോളം കാറുകൾ അധികം വൈകാതെ നിരത്തിലെത്തുമെന്നാണ് അറിയാൻ കഴിയുന്നത്. എന്നാൽ അതിന് മുമ്പ് നിലവിലെ അടിത്തറ ശക്തമാക്കുവാനുള്ള ശ്രമങ്ങളും ബ്രാൻഡ് തുടങ്ങിയിട്ടുണ്ട്. കഴിഞ്ഞ കുറച്ച് മാസങ്ങളായി മോഡൽ നിരയിൽ അതിഗംഭീര ഓഫറുകളുമായി ഹോണ്ട കളംനിറഞ്ഞുകൊണ്ടിരിക്കുകയാണ്. 2026 ഫെബ്രുവരി മാസത്തേക്കും കിടിലൻ ആനുകൂല്യങ്ങളും കിഴിവുകളുമായി രംഗത്തെത്തിയിരിക്കുകയാണ് നിർമാതാക്കൾ ഇപ്പോൾ.

ടാറ്റ മോട്ടോർസിൻ്റെ ഇലക്‌ട്രിക് കാർ നിരയിലെ ശക്തനായ പഞ്ച് ഇവി മുഖമിനുക്കിയെത്തുന്നുവെന്ന വാർത്ത ഇക്കഴിഞ്ഞ ദിവസം പുറത്തുവന്നിരുന്നു. ഇപ്പോഴിതാ സർപ്രൈസായി പുതുമോഡലിൻ്റെ രൂപം സോഷ്യൽ മീഡിയയിലൂടെ പങ്കുവെച്ച് ഹൈപ്പ് കേറ്റുകയാണ് കമ്പനി. ടാറ്റയുടെ ഔദ്യോഗിക സോഷ്യൽ മീഡിയ പേജുകളിലൂചെ പങ്കുവെച്ച ആദ്യ ടീസർ ചിത്രം അപ്‌ഡേറ്റ് ചെയ്‌ത ഇലക്ട്രിക് എസ്‌യുവിയുടെ പുതുക്കിയ സ്റ്റൈലിംഗും പുതിയ കളർ ഓപ്ഷനുമാണ് വ്യക്തമാക്കിയിരിക്കുന്നത്. വാഹനങ്ങൾ കൃത്യമായ ഇടവേളകളിൽ പരിഷ്ക്കരിച്ച് വിപണിയിലെത്തിക്കുന്നത് ടാറ്റയുടെ പ്രധാന വിനോദങ്ങളിൽ ഒന്നാണ്. അതിനാൽ തന്നെ ആളുകൾക്ക് ടാറ്റയുടെ കാർ എപ്പോഴും പുതുമയുള്ളതായി തോന്നാറുമുണ്ട്.

ഇന്ത്യന്‍ വാഹന വിപണിയില്‍ സാധാരണക്കാരുടെ പ്രിയപ്പെട്ട വാഹനമായ മാരുതി സുസുക്കി ഈക്കോ 2026 ജനുവരിയിൽ മികച്ച വില്‍പ്പന നേട്ടം കൈവരിച്ചു. പഴയ മാരുതി ഒംനിക്ക് പകരക്കാരനായി എത്തിയ ഈ വാന്‍ മോഡല്‍ 5.90 ശതമാനം വാര്‍ഷിക വളര്‍ച്ചയാണ് രേഖപ്പെടുത്തിയിരിക്കുന്നത്. ബജറ്റ് സൗഹൃദവും മികച്ച മൈലേജും വലിയ കുടുംബങ്ങള്‍ക്ക് അനുയോജ്യമായ സൗകര്യങ്ങളുമാണ് ഈക്കോയുടെ ജനപ്രീതി വര്‍ദ്ധിപ്പിക്കുന്നത്. പുറത്തുവന്ന ഏറ്റവും പുതിയ വില്‍പ്പന റിപ്പോര്‍ട്ട് പ്രകാരം, 2026 ജനുവരിയില്‍ 11,914 യൂണിറ്റ് ഈക്കോ വാനുകളാണ് മാരുതി സുസുക്കി വിറ്റഴിച്ചത്. കഴിഞ്ഞ വര്‍ഷം ഇതേ കാലയളവില്‍ (2025 ജനുവരി) 11,250 യൂണിറ്റുകള്‍ മാത്രമാണ് വില്‍ക്കാന്‍ സാധിച്ചിരുന്നത്.

ഇന്ത്യന്‍ വാഹന വിപണിയിലെ എക്കാലത്തെയും മികച്ച ഹാച്ച്ബാക്ക് കാറുകളില്‍ ഒന്നായാണ് മാരുതി സുസുക്കി വാഗണ്‍ ആര്‍ (Maruti Suzuki Wagon R) അറിയപ്പെടുന്നത്. 1993-ല്‍ ജപ്പാനില്‍ അവതരിപ്പിക്കപ്പെട്ട ഈ മോഡല്‍ 1999-ലാണ് ഇന്ത്യയിലെത്തുന്നത്. കാല്‍ നൂറ്റാണ്ട് പിന്നിടുമ്പോഴും ഇന്ത്യയിലെ ഇടത്തരം കുടുംബങ്ങളുടെ പ്രിയപ്പെട്ട ഫാമിലി കാര്‍ ആയി വാഗണ്‍ ആര്‍ തുടരുന്നു എന്നത് ഈ മോഡലിന്റെ ജനപ്രീതിക്ക് തെളിവാണ്.ഇന്ത്യന്‍ നിരത്തുകളില്‍ 25 വര്‍ഷം പിന്നിട്ട വാഗണ്‍ ആര്‍ 2025 ജൂണ്‍ ആയപ്പോഴേക്കും ആഗോളതലത്തില്‍ 1 കോടിയിലധികം യൂണിറ്റുകള്‍ വിറ്റഴിക്കപ്പെട്ട മോഡലായി മാറി.

ട്രെയിന്‍ അല്ലെങ്കില്‍ വിമാന ടിക്കറ്റുകള്‍ ബുക്ക് ചെയ്യുമ്പോള്‍ നാം സ്ഥിരമായി കാണുന്ന ഒന്നാണ് പിഎന്‍ആര്‍ (PNR). ടിക്കറ്റിന്റെ മുകളില്‍ അച്ചടിച്ചിരിക്കുന്ന ഈ അക്കങ്ങള്‍ കേവലം ഒരു ക്രമനമ്പരല്ല, മറിച്ച് നിങ്ങളുടെ യാത്രയുമായി ബന്ധപ്പെട്ട എല്ലാ വിവരങ്ങളും ഉള്‍ക്കൊള്ളുന്ന ഡിജിറ്റല്‍ താക്കോലാണ്. ആധുനിക ഗതാഗത സംവിധാനത്തില്‍ പിഎന്‍ആര്‍ വഹിക്കുന്ന പങ്ക് വളരെ വലുതാണ്. എന്നാല്‍ എന്താണ് പിഎന്‍ആര്‍ എന്നും അതിന്റെ പ്രധാന്യം എന്താണെന്നും പലര്‍ക്കും ഇപ്പോഴും അറിയില്ല. പിഎന്‍ആറിനെ കുറിച്ച് നിങ്ങള്‍ അറിഞ്ഞിരിക്കേണ്ട സുപ്രധാന സംഗതികള്‍ ചുവടെ വായിക്കാം.

ഇന്ത്യന്‍ വാഹന വിപണി ഏറെ ആകാംക്ഷയോടെ കാത്തിരിക്കുന്ന നിസാന്‍ ഗ്രാവൈറ്റ് (Nissan Gravite) 7 സീറ്റര്‍ എംപിവി 2026 ഫെബ്രുവരി 17-ന് അരങ്ങേറാന്‍ പോകുകയാണ്. അവതരണത്തിന് മുന്നോടിയായി ഫാമിലി കാറിന്റെ ഇന്റീരിയര്‍, സീറ്റിംഗ് ലേഔട്ട്, ഡിസൈന്‍ എന്നിവ വെളിപ്പെടുത്തുന്ന ടീസര്‍ വീഡിയോ ജാപ്പനീസ് വാഹന നിര്‍മാതാക്കള്‍ പുറത്തുവിട്ടു. ഹൈവേകളിലും ദുര്‍ഘടമായ റോഡുകളിലും വാട്ടര്‍ വേഡിംഗ് ടെസ്റ്റുകളിലും നിസാന്‍ ഗ്രാവൈറ്റ് കരുത്ത് തെളിയിക്കുന്ന ദൃശ്യങ്ങളാണ് ടീസറിലുള്ളത്. റെനോ ട്രൈബറിന്റെ അതേ പ്ലാറ്റ്ഫോമില്‍ നിര്‍മ്മിക്കുന്ന ഗ്രാവൈറ്റിന് മത്സാധിഷ്ഠിത വില നല്‍കുന്നതിനായി പ്രാദേശികമായി നിര്‍മ്മിച്ച ഘടകങ്ങളാണ് കൂടുതലായും ഉപയോഗിക്കുന്നത്.

നമ്മുടെ രാജ്യത്ത് നിലവില്‍ ഒരു കുടുംബത്തിലെ എല്ലാവര്‍ക്കും ഒരുപോലെ ഉപയോഗിക്കാന്‍ പറ്റുന്ന ഫാമിലി ഇലക്ട്രിക് സ്‌കൂട്ടറുകള്‍ക്ക് ഡിമാന്‍ഡ് കൂടി വരികയാണ്. വിപണിയില്‍ ആവശ്യം കൂടുമ്പോള്‍ വാഹന നിര്‍മാതാക്കള്‍ പുത്തന്‍ ഉല്‍പ്പന്നങ്ങള്‍ കൊണ്ടുവരുന്നത് പതിവാണ്. ഇന്ത്യയിലെ ഫാമിലി ഇലക്ട്രിക് സ്‌കൂട്ടര്‍ വിഭാഗത്തില്‍ പോരാട്ടം മുറുക്കിക്കൊണ്ട് ജാപ്പനീസ് കരുത്തുമായി യമഹ EC-06 കഴിഞ്ഞ ദിവസം പുറത്തിറങ്ങി. യമഹയുടെ ആദ്യ ഇലക്ട്രിക് സ്‌കൂട്ടറായ EC-06 ഇതിനോടകം വിപണിയില്‍ തരംഗമായ ഏഥര്‍ റിസ്തയുമായാണ് നേരിട്ട് ഏറ്റുമുട്ടുന്നത്. ഫാമിലി ഇലക്ട്രിക് സ്‌കൂട്ടര്‍ എന്ന നിലയില്‍ ഇവയില്‍ ഏതാണ് കൂടുതല്‍ മൂല്യം നല്‍കന്നതെന്നാണ് ഈ ലേഖനത്തില്‍ നമ്മള്‍ പരിശോധിക്കാന്‍ പോകുന്നത്.

ഇന്ത്യയിലെ മെട്രോ നഗരങ്ങളിലെ ഗതാഗതക്കുരുക്ക് വര്‍ദ്ധിച്ചുവരുന്ന സാഹചര്യത്തില്‍ ദൈനംദിന വാഹന ഉപയോഗം ഏറെ പ്രയാസകരമാകുന്നുണ്ട്. മുംബൈ, ഡല്‍ഹി, ബെംഗളൂരു തുടങ്ങിയ നഗരങ്ങളില്‍ വസിക്കുന്നവര്‍ ഒരു ദിവസം മണിക്കൂറുകളോളം ട്രാഫിക്കില്‍ ചിലവഴിക്കേണ്ടി വരുന്ന സാഹചര്യമാണ്. എന്നാല്‍ ഇത്തരം സാഹചര്യങ്ങള്‍ മുന്‍കൂട്ടി കണ്ട് വണ്ടിക്കമ്പനികള്‍ പുറത്തിറക്കിയ ചില കാറുകള്‍ സിറ്റി ഡ്രൈവുകള്‍ സുഗമമാക്കാന്‍ സഹായിക്കുന്നു. 10 ലക്ഷം രൂപയില്‍ താഴെ വിലയുള്ള ആ മികച്ച അഞ്ച് കാറുകളെ കുറിച്ചാണ് ഈ ലേഖനത്തില്‍ വിശദീകരിക്കുന്നത്.

സ്പോർട്ടി സ്‌കൂട്ടർ എന്ന് കേൾക്കുമ്പോഴേ യൂത്തൻമാർക്ക് ആദ്യം ഓർമ വരുന്ന പേരാണ് ടിവിഎസ് എൻടോർഖ്. ചെറുപ്പക്കാർക്കിടയിൽ ഇത്രത്തോളം ഓളമുണ്ടാക്കുന്ന മറ്റൊരു ഗിയർലെസ്‌ സ്‌കൂട്ടർ ഇല്ലെന്ന് വേണം പറയാൻ. പണ്ട് ഹോണ്ട ഡിയോ എങ്ങനെയായിരുന്നോ അതുപോലെയാണ് എൻടോഖിൻ്റെ ഇപ്പോഴത്തെ സ്ഥാനം. സ്റ്റൈലിനൊപ്പം പൊർഫോമൻസും കോർത്തിണക്കി ഒരുക്കിയിരിക്കുന്ന ഈ 125 സിസി മോഡൽ ഈ സെഗ്മെന്റിലെ ഏറ്റവും പവർഫുള്ളായ സ്‌കൂട്ടറുകളിൽ ഒന്നുകൂടിയാണ്. കോളേജിലേക്കായാലും ഓഫീസിലേക്കായാലും യാത്ര ചെയ്യാൻ നല്ലൊരു സ്‌കൂട്ടർ വാങ്ങിയാലോ എന്ന് ആലോചിക്കുമ്പോൾ തന്നെ പലരുടേയും മനസിലേക്ക് ടിവിഎസിൻ്റെ ഈ മിടുക്കനാവും കടന്നുവരിക.

മാരുതി സുസുക്കിയുടെ ജനപ്രിയ മിഡ്സൈസ് എസ്‌യുവി മോഡലായ വിക്ടോറിസ് (Maruti Suzuki Victoris) വാങ്ങാന്‍ ആഗ്രഹിക്കുന്നവര്‍ക്ക് ഇതാ ഒരു സുവര്‍ണാവസരം. കഴിഞ്ഞ വര്‍ഷം വിപണിയിലെത്തിയ എസ്‌യുവി ആദ്യമായി ഓഫര്‍ പട്ടികയില്‍ ഇടംപിടിച്ചിരിക്കുകയാണ്. ഈ അരീന മോഡലിന് വന്‍ വിലക്കിഴിവ് കമ്പനി പ്രഖ്യാപിച്ചു. ഫെബ്രുവരി മാസത്തില്‍ വിവിധ വേരിയന്റുകള്‍ക്ക് 78,000 രൂപ വരെ ആനുകൂല്യങ്ങള്‍ ലഭിക്കുമെന്ന് കമ്പനി അറിയിച്ചതായി പ്രമുഖ മാധ്യമങ്ങള്‍ റിപ്പോര്‍ട്ട് ചെയ്തു. നിലവില്‍ ആറ് ട്രിമ്മുകളില്‍ ലഭ്യമായ ഈ എസ്യുവിയുടെ എക്‌സ്-ഷോറൂം വില 10.50 ലക്ഷം മുതല്‍ 19.99 ലക്ഷം രൂപ വരെ പോകുന്നു.

ഇലക്‌ട്രിക് വാഹന രംഗത്ത് നിശബ്‌ദ വിപ്ലവത്തിന് തിരികൊളുത്തിയ ടാറ്റ മോട്ടോർസ് വിൽപ്പന ഇനിയും ഉയരങ്ങളിലേക്ക് എത്തിക്കാൻ തങ്ങളുടെ ഇവി നിരയിൽ വമ്പൻ ഡിസ്‌കൗണ്ട് ഓഫറുകളുമായി രംഗത്തെത്തിയിരിക്കുകയാണ്. 2026 ഫെബ്രുവരി മാസത്തിൽ ടാറ്റയുടെ വൈദ്യുത കാറുകൾ വാങ്ങാൻ എത്തുന്നവരെ കാത്തിരിക്കുന്നത് 3.80 ലക്ഷം രൂപയുടെ ആനുകൂല്യങ്ങളാണ്. ടിഗോർ ഇവി ഒഴികെയുള്ള എല്ലാ ഇലക്ട്രിക് മോഡലുകളിലും ഓഫർ ലഭിക്കുമെന്നതാണ് ഹൈലൈറ്റ്. 2025 മോഡൽ ഇയർ ഇവികൾക്കും 2026 മോഡൽ ഇയർ വാഹനങ്ങൾക്കും ആനുകൂല്യങ്ങൾ ബാധകമാണെന്നതും ആളുകളെ ആർഷിക്കാൻ സഹായിക്കുന്ന കാര്യമായിരിക്കും.

സമീപകാലത്ത് മലയാള സിനിമ കണ്ട ഏറ്റവും വലിയ ഹിറ്റുകളില്‍ ഒന്നാണ് 'സര്‍വം മായ' (Sarvam Maya). നിവിന്‍ പോളി, റിയ ഷിബു, അജു വര്‍ഗീസ് എന്നിവര്‍ പ്രധാന വേഷങ്ങളില്‍ അഭിനയിച്ച ചിത്രം ആഗോള ബോക്‌സ്ഓഫീസില്‍ നിന്ന് 150 കോടി രൂപയിലധികമാണ് വാരിയത്. കഴിഞ്ഞ വര്‍ഷം ഏറ്റവും കൂടുതല്‍ വേള്‍ഡ്‌വൈഡ് കളക്ഷന്‍ നേടിയ നാലാമത്തെ മലയാള സിനിമയായിരുന്നു സര്‍വം മായ. ഇപ്പോള്‍ തന്റെ പുതിയ ചിത്രത്തിന്റെ വന്‍ വിജയം സംവിധായകന്‍ അഖില്‍ സത്യന്‍ ഏറ്റവും ഉചിതമായ രീതിയില്‍ തന്നെ ആഘോഷിക്കുകാണ്.

ചെറിയ രൂപം കൊണ്ടും മോഡേൺ ഡിസൈൻ കൊണ്ടും ആളുകളെ അമ്പരപ്പിച്ച കുഞ്ഞൻ എസ്‌യുവിയാണ് ദക്ഷിണ കൊറിയൻ വാഹന നിർമാതാക്കളായ കിയയുടെ സോനെറ്റ് (Kia Sonet). ശരിക്കും ഹ്യുണ്ടായി വെന്യുവിൻ്റെ റീബാഡ്‌ജ് മോഡലാണെങ്കിലും യാതൊരു സാമ്യവുമില്ലാതെ പണികഴിപ്പിക്കാനായതാണ് കിയയുടെ വിജയം. സെൽറ്റോസിൻ്റെ മഹാവിജയത്തിന് ശേഷം ദക്ഷിണ കൊറിയൻ വാഹന നിർമാതാക്കളായ കിയ പുറത്തിറക്കിയ മെയ്‌ഡ് ഇൻ ഇന്ത്യ എസ്‌യുവി എന്ന പ്രത്യേകതയും സോനെറ്റിനുണ്ടായിരുന്നു. ഇന്ന് കിയയുടെ നിരയിൽ നിന്നും ഏറ്റവും കൂടുതൽ വിറ്റഴിക്കപ്പെടുന്നതും ഈ കോംപാക്‌ട് സ്പോർട് യൂട്ടിലിറ്റി വാഹനമാണ്.

ഇന്ത്യന്‍ വാഹന വിപണിയിലെ മുന്‍നിരക്കാരായ മഹീന്ദ്ര ആന്‍ഡ് മഹീന്ദ്ര (Mahindra and Mahindra) തങ്ങളുടെ ഉത്പാദന ശേഷി വര്‍ധിപ്പിക്കുന്നതിന്റെ ഭാഗമായി മഹാരാഷ്ട്രയില്‍ വന്‍ നിക്ഷേപം പ്രഖ്യാപിച്ചു. നാഗ്പൂരില്‍ സംയോജിത ഓട്ടോമൊബൈല്‍, ട്രാക്ടര്‍ നിര്‍മ്മാണ ശാല സ്ഥാപിക്കുന്നതിനായി 15,000 കോടി രൂപയാണ് കമ്പനി നിക്ഷേപിക്കുന്നത്. മഹീന്ദ്രയുടെ ഇന്ത്യയിലെ ഏറ്റവും വലിയ നിര്‍മാണ കേന്ദ്രമായി മാറുന്ന ഈ പ്ലാന്റില്‍ 2028-ല്‍ ഉത്പാദനം ആരംഭിക്കാനാണ് കമ്പനി ലക്ഷ്യമിടുന്നത്. മഹാരാഷ്ട്രയിലെ വിദര്‍ഭ മേഖലയില്‍ ഏകദേശം 1,500 ഏക്കറിലായിട്ടാണ് ഈ ബൃഹദ് പദ്ധതി വികസിപ്പിക്കുന്നത്.

ലോകമെമ്പാടുമുള്ള സെലിബ്രിറ്റികൾക്കും പ്രശസ്ത വ്യക്തികൾക്കും ഇടയിൽ വളരെ പ്രചാരമുള്ള ആഡംബര എസ്‌യുവികളിൽ ഒന്നാണ് ലാൻഡ് റോവർ ഡിഫൻഡർ (Land Rover Defender). സിനിമാതാരങ്ങളും ക്രിക്കറ്റ് താരങ്ങളും വലിയ വ്യവസായികളുമെല്ലാം ഈ മോഡൽ വാങ്ങിയ പല വാർത്തകളും ഞങ്ങൾ നിങ്ങളിലേക്ക് എത്തിച്ചിട്ടുണ്ട്. ഈ വാഹനത്തിന് ഇത്രയും ജനപ്രീതി ലഭിക്കാനുള്ള പ്രധാന കാരണങ്ങളിലൊന്ന് അതിന്റെ വ്യതിരിക്തമായ രൂപകൽപ്പനയും കമാൻഡിംഗ് റോഡ് പ്രസൻസുമാണ്. ഒരു എസ്‌യുവിയുടെ സ്വഭാവത്തിന് തികച്ചും അനുയോജ്യമായ തരത്തിലുള്ള നിലപാടും ബോക്‌സി ഡിസൈനുമെല്ലാം കാണ്ടാൽ ആരായാലും നോക്കി നിന്ന് പോവും.