ஆகஸ்ட்டிலும் மாருதி கார் விற்பனை விர்ர்... !!

நாட்டின் மிகப்பெரிய கார் தயாரிப்பு நிறுவனமான மாருதி சுஸுகி தொடர்ந்து விற்பனையில் கணிசமான வளர்ச்சியை பதிவு செய்து வருகிறது. கடந்த ஆகஸ்ட் மாதத்திலும் மாருதி சுஸுகி நிறுவனத்தின் விற்பனை கணிசமான வளர்ச்சியை பதிவு செய்துள்ளது. சென்ற ஆகஸ்ட் மாதத்தில் 1.77 லட்சம் கார்களை அந்நிறுவனம் உள்நாட்டு சந்தையில் விற்பனை செய்துள்ளது. குறிப்பாக, அந்நிறுவனத்தின் எஸ்யூவி மற்றும் பன்முக பயன்பாட்டு வாகனப் பிரிவு வாகனங்களுக்கு வாடிக்கையாளர்கள் மத்தியில் அதிக வரவேற்பு கிடைத்துள்ளது.