ప్రముఖ ఎలక్ట్రిక్ టూవీలర్ కంపెనీ ఓలా ఎలక్ట్రిక్ కస్టమర్ సర్వీస్‌లో చూపించిన నిర్లక్ష్యం ఆ కంపెనీకి భారీ నష్టాన్ని తెచ్చిపెట్టింది. ఆంధ్రప్రదేశ్‌లోని అనంతపురానికి చెందిన కంజ్యూమర్ కోర్టు ఓలా కంపెనీపై ఏకంగా రూ.45,000 జరిమానా విధిస్తూ సంచలన తీర్పునిచ్చింది. స్కూటర్ కొన్న కస్టమర్‌కు సరైన సర్వీస్ అందించకుండా, ఒక చిన్న సమస్యను రెండేళ్లకు పైగా పరిష్కరించకుండా తిప్పించుకున్నందుకు కోర్టు ఈ చర్య తీసుకుంది. ఒక ప్రముఖ మీడియా నివేదిక ప్రకారం.. ఈ కేసు తుది తీర్పు జూన్ 9, 2026న వెలువడింది.

భారతీయ కార్ల మార్కెట్లో రాబోయే రోజులు చాలా హాట్‌గా మారబోతున్నాయి. దేశంలోని ప్రముఖ దిగ్గజ కార్ల తయారీ సంస్థలైన మారుతి సుజుకి, టాటా మోటార్స్, జేఎస్‌డబ్ల్యూ ఎంజీ మోటార్స్, హోండా, రెనాల్ట్, నిస్సాన్ కంపెనీలు తమ సరికొత్త మోడళ్లను మార్కెట్లోకి దించడానికి లైన్ కట్టాయి. ఈ సరికొత్త కార్ల లాంచ్‌ల పండగ రేపు (జూన్ 30) టాటా కంపెనీతో గ్రాండ్‌గా ప్రారంభం కానుంది. ఆ తర్వాత జూలై మొదటి రెండు వారాల్లోనే ఒకదాని తర్వాత ఒకటిగా మార్కెట్లోకి ఎంట్రీ ఇవ్వబోతున్న ఆ 6 కార్ల వివరాలు తెలుసుకుందాం.

Driving Habits for Better Mileage. పెట్రోల్ ఖర్చులు తగ్గించుకోవడానికి మరియు మీ కారు మైలేజీని పెంచుకోవడానికి ఈ సింపుల్ డ్రైవింగ్ చిట్కాలను పాటించండి. ఇంధనం ఆదా చేసే మార్గాలు ఇక్కడ ఉన్నాయి.

ఒకప్పుడు భారతదేశంలోని ఎంట్రీ లెవల్ హ్యాచ్‌బ్యాక్ విభాగంలో సంచలనం సృష్టించిన రెనాల్ట్ క్విడ్ (Renault Kwid) ఇప్పుడు మార్కెట్లో తన ఆధిపత్యాన్ని కోల్పోయినట్లు తాజా అమ్మకాల గణాంకాలు స్పష్టం చేస్తున్నాయి. ఆకర్షణీయమైన SUV తరహా డిజైన్, అందుబాటు ధర, మంచి గ్రౌండ్ క్లియరెన్స్ కారణంగా విడుదలైన తొలి రోజుల్లోనే ఈ కారు వినియోగదారుల నుంచి విశేష ఆదరణ పొందింది. ఒక దశలో నెలకు సగటున 10 వేలకుపైగా యూనిట్లు విక్రయిస్తూ, ఈ సెగ్మెంట్‌లో బలమైన స్థానాన్ని సంపాదించుకుంది. అయితే కాలక్రమేణా పెరిగిన పోటీ, కొత్త మోడళ్ల రాక, వినియోగదారుల అభిరుచుల్లో వచ్చిన మార్పులతో క్విడ్ డిమాండ్ గణనీయంగా తగ్గిపోయింది.

భారత ఆటోమొబైల్ మార్కెట్లో సరికొత్త సంచలనం సృష్టించడానికి నిస్సాన్ కంపెనీ తన సరికొత్త మిడ్-సైజ్ ఎస్‌యూవీ నిస్సాన్ టెక్టాన్ (Nissan Tekton)ను సిద్ధం చేస్తోంది. ఈ కారు జూలై 9వ తేదీన అధికారికంగా లాంచ్ కానుంది. ఈ ఎస్‌యూవీ కోసం కస్టమర్లు ఎంతో ఆసక్తిగా ఎదురుచూస్తున్న తరుణంలో, దీనికి సంబంధించిన ఒక క్రేజీ అప్‌డేట్ బయటకు వచ్చింది. ఈ కారు వెనుక భాగం ఎలా ఉంటుందో చూపించే ఒక ఫోటో సోషల్ మీడియాలో లీక్ అయింది. ఈ లీకైన పిక్ చూశాక నిస్సాన్ టెక్టాన్ లుక్స్ పరంగా మార్కెట్లో గట్టి పోటీ ఇవ్వడం ఖాయమని టెక్ నిపుణులు భావిస్తున్నారు. లీకైన ఇన్‌స్టాగ్రామ్ ఫోటోల ప్రకారం.. నిస్సాన్ టెక్టాన్ వెనుక భాగం చాలా పవర్‌ఫుల్‌గా, మోడ్రన్‌గా కనిపిస్తోంది. ఇందులో ఈ కాలపు ట్రెండ్‌కు తగ్గట్టుగా అట్రాక్టివ్ కనెక్టెడ్ టెయిల్‌ల్యాంప్స్ అందించారు. కారు బూట్‌లిడ్ డిజైన్ ఎలాంటి ప్లాస్టిక్ క్లాడింగ్ లేకుండా చాలా నీట్‌గా ఉంది, దానిపై గంభీరంగా TEKTON అని రాసి ఉంది. ఇవి కాకుండా కారు పైభాగంలో రూఫ్ రెయిల్స్, షార్క్ ఫిన్ యాంటెన్నా, వెనుక విండ్‌స్క్రీన్ వైపర్, హై-మౌంటెడ్ స్టాప్ లైట్, కారుకు ప్రీమియం లుక్ ఇచ్చేలా అద్భుతమైన డైమండ్ కట్ అలాయ్ వీల్స్‌ను కూడా నిస్సాన్ జోడించింది. ఈ కారు వెనుక లుక్ ఇప్పుడే లీక్ అయినప్పటికీ, దీని ముందు భాగం ఎలా ఉంటుందో కంపెనీ ఇప్పటికే టీజర్ల ద్వారా అధికారికంగా హింట్ ఇచ్చింది. నిస్సాన్ టెక్టాన్ ఫ్రంట్ డిజైన్ చాలా అగ్రెసివ్‌గా, రగ్గడ్‌గా ఉంది. కంపెనీకి చెందిన అత్యంత ఖరీదైన గ్లోబల్ ఎస్‌యూవీ నిస్సాన్ పెట్రోల్ (Nissan Patrol) డిజైన్ ఆధారంగా దీనిని రూపొందించారు. పూర్తి కారును ఎలాంటి కవర్లు లేకుండా రోడ్డుపై చూడకపోయినప్పటికీ, టీజర్లలోని దీని లుక్ చూసి జనాలు అప్పుడే మెస్మరైజ్ అయిపోతున్నారు. కారు లోపలి భాగం, ఫీచర్ల విషయానికి వస్తే, నిస్సాన్ టెక్టాన్ దాదాపు రాబోయే సరికొత్త రెనాల్ట్ డస్టర్ (Renault Bigster/Duster) లాగే ఉండే అవకాశం ఉంది. ఇందులో డ్రైవర్ వైపు కాస్త వంగి ఉండేలా కనెక్ట్ చేసిన డ్యూయల్ టచ్‌స్క్రీన్ ఇన్ఫోటైన్‌మెంట్ సిస్టమ్ ఉంటుంది. అలాగే వెంటిలేటెడ్ పవర్డ్ డ్రైవర్ సీట్, టిల్ట్-టెలిస్కోపిక్ స్ట్రీరింగ్, ఆకాశాన్ని చూస్తూ ప్రయాణించేలా పనోరమిక్ సన్‌రూఫ్, ముందు వెనుక టైప్-సి యూఎస్‌బీ పోర్టులు, రియర్ ఏసీ వెంట్స్, లగేజీ పెట్టుకోవడానికి ఏకంగా 700 లీటర్ల భారీ బూట్ స్పేస్ లభించనున్నాయి. పర్ఫార్మెన్స్ పరంగా ఈ ఎస్‌యూవీ రెండు ఇంజన్ ఆప్షన్లతో రానుంది. మొదటిది 1-లీటర్ 3-సిలిండర్ టర్బో పెట్రోల్ ఇంజన్ (100 PS పవర్ - 166 Nm టార్క్) కాగా, రెండవది మరింత పవర్‌ఫుల్ అయిన 1.3-లీటర్ 4-సిలిండర్ టర్బో పెట్రోల్ ఇంజన్ (163 PS పవర్ - 280 Nm టార్క్). ఈ రెండు ఇంజన్లకూ 6-స్పీడ్ మాన్యువల్ గేర్‌బాక్స్ స్టాండర్డ్‌గా వస్తుంది. అయితే పెద్ద ఇంజన్ వేరియంట్‌లో 6-స్పీడ్ వెట్ క్లచ్, డ్యూయల్ క్లచ్ ఆటోమేటిక్ (DCT) గేర్‌బాక్స్ ఆప్షన్ కూడా ఉంటుంది. ఇది ప్యూర్ ఫ్రంట్ వీల్ డ్రైవ్ కార్ కావడం విశేషం. ఈ సంవత్సరం చివరి నాటికి నిస్సాన్ టెక్టాన్‌లో మూడవ పవర్‌ట్రెయిన్ ఆప్షన్‌గా 1.8-లీటర్ పెట్రోల్-స్ట్రాంగ్ హైబ్రిడ్ మోడల్‌ను కూడా తీసుకురానున్నారు. ఇందులో అత్యుత్తమమైన 1.3 kWh బ్యాటరీ, ప్రత్యేక హైబ్రిడ్ ఆటోమేటిక్ ట్రాన్స్‌మిషన్ ఉండబోతున్నాయి. ధర విషయానికి వస్తే ఈ కారు సుమారు రూ. 11 లక్షల నుంచి రూ. 18 లక్షల బడ్జెట్ శ్రేణిలో వచ్చే అవకాశం ఉంది. మార్కెట్లోకి వచ్చాక ఇది హ్యుందాయ్ క్రెటా, కియా సెల్టోస్, మారుతి గ్రాండ్ విటారా, టయోటా హైరైడర్, టాటా సియెర్రా వంటి పాపులర్ ఎస్‌యూవీలకు గట్టి పోటీ ఇవ్వనుంది.

భారత ఆటోమొబైల్ మార్కెట్లో భారీ అంచనాలు నెలకొల్పిన టాటా సియెర్రా ఈవీ (Toyota Sierra Ev) ఎట్టకేలకు విడుదలకు సిద్ధమవుతోంది. దేశవ్యాప్తంగా ఎలక్ట్రిక్ SUVలపై పెరుగుతున్న ఆసక్తి మధ్య, ఈ కొత్త మోడల్ రేపు (జూన్ 30) అధికారికంగా లాంచ్ కానుంది. ఇప్పటికే ఈ కారుపై వినియోగదారుల్లో భారీ క్రేజ్ ఏర్పడింది. వేగంగా అభివృద్ధి చెందుతున్న ఎలక్ట్రిక్ SUV సెగ్మెంట్‌లో టాటా సియెర్రా EV, మార్కెట్‌లో ఉన్న ప్రముఖ మోడళ్లకు గట్టి పోటీ ఇవ్వనుంది. ముఖ్యంగా మారుతి సుజుకి ఇ-విటారా, హ్యుందాయ్ క్రెటా ఎలక్ట్రిక్ వంటి కార్లతో ఇది నేరుగా పోటీపడే అవకాశం ఉంది. డిజైన్, రేంజ్, ఫీచర్లు వంటి అంశాల్లో టాటా సంస్థ ఈ SUVను మరింత ఆకర్షణీయంగా తీర్చిదిద్దినట్లు సమాచారం.

రెనాల్ట్ (Renault) భారత ఆటోమొబైల్ మార్కెట్లో రెండు దశాబ్దాలకు పైగా తన ఉనికిని కొనసాగిస్తున్న ప్రముఖ యూరోపియన్ కార్ల తయారీ సంస్థ. డస్టర్ SUV రీ-ఎంట్రీతో భారత మార్కెట్లో సంచలనం సృష్టించిన ఈ బ్రాండ్, ఇప్పుడు మరోసారి తన ఎంట్రీ-లెవల్ హ్యాచ్‌బ్యాక్ క్విడ్‌ (kwid)ను కొత్త అవతార్‌లో తీసుకురావడానికి సిద్ధమవుతోంది. మార్కెట్లో పెరుగుతున్న పోటీని దృష్టిలో పెట్టుకుని, క్విడ్‌ను మరింత ఆకర్షణీయంగా తీర్చిదిద్దే పనిలో కంపెనీ ఉంది. తాజా సమాచారం ప్రకారం, జూలై 3న అప్‌డేటెడ్ రెనాల్ట్ క్విడ్ ఫేస్‌లిఫ్ట్‌ను భారత మార్కెట్లో పరిచయం చేయనుంది. అయితే ఇది సాధారణ ఫేస్‌లిఫ్ట్ మాత్రమే కాదని తెలుస్తోంది.

ప్రస్తుతం రోజురోజుకూ పెరిగిపోతున్న పెట్రోల్, డీజిల్ ధరల భారాన్ని తట్టుకోవడానికి సామాన్యులు ప్రత్యామ్నాయాల వైపు చూస్తున్నారు. ఈ క్రమంలో తక్కువ ఖర్చుతో ఎక్కువ దూరం ప్రయాణించడానికి సీఎన్‌జీ (CNG) కార్లు బెస్ట్ ఆప్షన్‌గా మారాయి. అయితే సాధారణంగా సీఎన్‌జీ కార్లలో గేర్లు, క్లచ్ మార్చుకుంటూ సిటీ ట్రాఫిక్‌లో డ్రైవ్ చేయడం కాస్త ఇబ్బందిగా అనిపిస్తుంది.

భారత ఆటోమొబైల్ మార్కెట్లో కార్ల ధరలు వరుసగా పెరుగుతూనే ఉన్నాయి. ముడి పదార్థాల ధరలు పెరగడం, తయారీ వ్యయాలు అధికమవడం, సరఫరా వ్యవస్థ ఖర్చులు పెరగడం వంటి కారణాలతో ప్రముఖ కార్ల తయారీ సంస్థలు తమ వాహనాల ధరలను దశలవారీగా సవరిస్తున్నాయి. ఇప్పటికే పలుమార్లు ధరలను పెంచిన కంపెనీలు, పెరుగుతున్న ఉత్పత్తి వ్యయాలను దృష్టిలో ఉంచుకుని మరోసారి ప్రైస్ హైక్ అమలు చేస్తున్నాయి. దేశంలోనే అతిపెద్ద కార్ల తయారీ సంస్థ అయిన మారుతి సుజుకి (Maruti Suzuki) కూడా ఇదే బాటలో నడుస్తోంది. పెరుగుతున్న ఉత్పత్తి ఖర్చులను పూర్తిగా భరించడం సాధ్యం కాకపోవడంతో, ఆ భారంలో కొంత భాగాన్ని వినియోగదారులపై మోపాలని కంపెనీ నిర్ణయించింది. దీంతో తన మోడల్ శ్రేణిలోని పలు కార్ల ధరలను మరోసారి పెంచుతోంది.

భారతదేశంలో పెద్ద కుటుంబం ఉన్నవారు ఎప్పుడూ కూడా ఎక్కువ సీటింగ్ కెపాసిటీ, లగ్జరీ ఫీచర్లు ఉన్న పెద్ద కార్లను కొనడానికే ఇష్టపడతారు. అందుకే ఇండియన్ మార్కెట్లో 7 సీటర్ కార్లకు రోజురోజుకూ డిమాండ్ విపరీతంగా పెరిగిపోతోంది. ఈ ట్రెండ్‌ను గమనించిన ప్రముఖ ఆటోమొబైల్ కంపెనీలు కూడా కస్టమర్ల అభిరుచులకు తగ్గట్టుగా సరికొత్త మోడళ్లను రంగంలోకి దించుతున్నాయి.

ఇప్పటి యువత కారు కొనుగోలు చేసే విధానం గత తరాలతో పోలిస్తే పూర్తిగా మారిపోయింది. ముఖ్యంగా జెన్ Z తరం కేవలం మైలేజ్ లేదా ధరను మాత్రమే కాకుండా, కారు ఎంత స్మార్ట్‌గా ఉంది, అందులో ఎలాంటి డిజిటల్ ఫీచర్లు ఉన్నాయి, మొబైల్‌తో ఎంత సులభంగా కనెక్ట్ అవుతుంది వంటి అంశాలకే ఎక్కువ ప్రాధాన్యత ఇస్తోంది. స్టైలిష్ లుక్, అత్యాధునిక టెక్నాలజీ, కనెక్టెడ్ కార్ ఫీచర్లు, తక్కువ నిర్వహణ ఖర్చుతో పాటు పర్యావరణానికి మేలు చేసే ఎలక్ట్రిక్ కార్లపై ఈ తరం ఆసక్తి రోజురోజుకూ పెరుగుతోంది. అలాంటి జెన్ Z కొనుగోలుదారులకు ప్రస్తుతం భారత మార్కెట్లో అందుబాటులో ఉన్న కొన్ని బెస్ట్ ఎలక్ట్రిక్ కార్లు ఏవో ఇప్పుడు చూద్దాం.

Vehicle Insurance Claim Mistakes. వాహన బీమా క్లెయిమ్ చేసేటప్పుడు చిన్న తప్పులు చేసినా మీ క్లెయిమ్ రిజెక్ట్ అయ్యే అవకాశం ఉంది. ఇన్సూరెన్స్ డబ్బులు సకాలంలో అందాలంటే ఈ జాగ్రత్తలు తప్పనిసరిగా పాటించాలి.

భారతీయ ఆటోమొబైల్ దిగ్గజం టాటా మోటార్స్ ఈవీ(Electric Vehicle) మార్కెట్లో సరికొత్త సంచలనానికి తెరలేపబోతోంది. ఎప్పుడెప్పుడా అని ఎదురుచూస్తున్న సరికొత్త టాటా సియెర్రా ఈవీ (Tata Sierra EV)ని జూన్ 30న మార్కెట్లోకి విడుదల చేసేందుకు కంపెనీ సర్వం సిద్ధం చేసింది. ఈ కారు లాంచ్‌కు ముందే మార్కెట్లో భారీ అంచనాలు క్రియేట్ అయ్యాయి.

భారతీయ ఆటోమొబైల్ మార్కెట్లో మిడ్‌-సైజ్ ఎస్‌యూవీ (SUV)ల హవా నడుస్తోంది. ఎన్నో కంపెనీలు కొత్త కొత్త మోడళ్లను రంగంలోకి దించుతున్నప్పటికీ, హ్యుందాయ్ క్రెటా (Hyundai Creta) క్రేజ్ మాత్రం అస్సలు తగ్గడం లేదు. తన సెగ్మెంట్‌లో రారాజుగా దూసుకుపోతున్న క్రెటా.. హ్యుందాయ్ కంపెనీకి కూడా అత్యధిక అమ్మకాలను తెచ్చిపెట్టే నంబర్ వన్ మోడల్‌గా నిలిచింది. ఇప్పుడు ఇదే దూకుడును కొనసాగించేందుకు కంపెనీ తన చరిత్రలోనే అతిపెద్ద అడుగు వేయబోతోంది. పూర్తిగా సరికొత్త థర్డ్-జనరేషన్ (3rd Generation) క్రెటాను 2027 నాటికి ఇండియన్ మార్కెట్లోకి తీసుకురావడానికి హ్యుందాయ్ ముమ్మరంగా ఏర్పాట్లు చేస్తోంది.

Fuel Saving Tips for City Driving: Easy Ways to Improve Mileage. పెట్రోల్, డీజిల్ ధరలు పెరుగుతున్న వేళ సిటీ ట్రాఫిక్‌లో కారు మైలేజీని పెంచుకోవడానికి ఈ సింపుల్ డ్రైవింగ్ టిప్స్ పాటించండి.

భారతీయ ఆటోమొబైల్ దిగ్గజం మారుతి సుజుకి తన మోస్ట్ పాపులర్ సబ్‌కాంపాక్ట్ ఎస్‌యూవీ బ్రెజ్జా (Maruti Suzuki Brezza) సరికొత్త ఫేస్‌లిఫ్ట్ వెర్షన్‌ను మార్కెట్లోకి తీసుకురావడానికి సర్వం సిద్ధం చేసింది. ఇండస్ట్రీ వర్గాల సమాచారం ప్రకారం.. ఈ సరికొత్త 2026 బ్రెజ్జా ఫేస్‌లిఫ్ట్ వచ్చే జూలై నెలలో గ్రాండ్‌గా లాంచ్ కానుంది. ఇప్పటికే దీనికి సంబంధించిన టెస్టింగ్ మోడల్స్ రోడ్లపై పలుమార్లు కనిపించాయి. అయితే, కొత్త కారు వస్తున్న తరుణంలో షోరూమ్‌లలో ఉన్న ప్రస్తుత మోడల్ స్టాక్‌ను త్వరగా ఖాళీ చేసేందుకు కంపెనీ కస్టమర్లకు భారీ డిస్కౌంట్లను ఎరగా వేస్తోంది.

భారతీయ ఆటోమొబైల్ మార్కెట్లో ఎస్‌యూవీ (SUV) కార్లకు ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. ఈ విభాగంలో రారాజుగా వెలుగుతున్న మహీంద్రా అండ్ మహీంద్రా కంపెనీ, త్వరలోనే దేశీయ మార్కెట్లోకి మరో రెండు సరికొత్త ఎస్‌యూవీలను తీసుకురావడానికి సన్నాహాలు చేస్తోంది. ఈ అప్‌కమింగ్ కార్ల జాబితాలో సరికొత్త న్యూ జనరేషన్ XUV 3XOతో పాటు, అందరూ ఎంతగానో ఎదురుచూస్తున్న మినీ స్కార్పియో (Mini Scorpio) ఉండటం విశేషం. సబ్-4 మీటర్ సెగ్మెంట్‌లో రాబోతున్న ఈ కార్ల ప్రారంభ ధర రూ. 10 లక్షల కంటే తక్కువగానే ఉండే అవకాశం ఉందని సమాచారం.

ప్రముఖ దేశీయ ఆటోమొబైల్ దిగ్గజం టాటా మోటార్స్ తన మోస్ట్ అవేటెడ్ ఎలక్ట్రిక్ ఎస్‌యూవీ సియెర్రా EV (Tata Sierra EV)ని జూన్ 30న గ్రాండ్‌గా లాంచ్ చేసేందుకు సిద్ధమైంది. అయితే, విడుదలకు కేవలం మూడు రోజుల ముందే ఈ కారుకు సంబంధించిన ఒక అదిరిపోయే అఫీషియల్ ప్రోమో వీడియోను కంపెనీ రిలీజ్ చేసింది.

కారు ఎంత ఖరీదైనదైనా, అందులోని చిన్న సాంకేతిక లోపం కూడా ప్రాణాలకు ముప్పుగా మారే అవకాశం ఉంది. జగ్వార్ ల్యాండ్ రోవర్ సంస్థ తన అంతర్గత దర్యాప్తులో ఈ లోపాన్ని గుర్తించి, ముందుగానే స్పందించి చర్యలు తీసుకోవడం ప్రారంభించింది. ఖరీదైన కార్ల తయారీ సంస్థ జాగ్వార్ ల్యాండ్ రోవర్ (JLR) తన వినియోగదారుల భద్రతకు అత్యధిక ప్రాధాన్యతనిస్తూ, ఉత్తర అమెరికా మార్కెట్‌లో సంచలన నిర్ణయం తీసుకుంది. 2019 నుంచి 2026 మధ్య కాలంలో తయారైన సుమారు 2,50,857 ల్యాండ్ రోవర్ ఎస్‌యూవీలను కంపెనీ రీకాల్ (వెనక్కి పిలిపించడం) చేస్తున్నట్లు ప్రకటించింది. ఈ కార్లలోని ఎయిర్‌బ్యాగ్ కనెక్టర్లలో తలెత్తిన ఒక సాంకేతిక లోపం వల్ల, ప్రమాదం జరిగిన సమయాల్లో ఎయిర్‌బ్యాగ్‌లు సరిగ్గా తెరుచుకోకపోవచ్చని కంపెనీ గుర్తించింది.

Battery maintenance tips for monsoon. వర్షాకాలంలో మీ వాహనం బ్యాటరీ మొరాయించకుండా ఉండాలంటే టెర్మినల్స్ శుభ్రం చేయడం, క్రమం తప్పకుండా ఇంజిన్ స్టార్ట్ చేయడం వంటి ఈ జాగ్రత్తలు తప్పనిసరిగా పాటించండి.

మీరు తక్కువ బడ్జెట్‌లో విశాలమైన, కుటుంబ అవసరాలకు సరిపోయే 7-సీటర్ కారు కొనుగోలు చేయాలని ఆలోచిస్తున్నారా? రోజువారీ వినియోగంతో పాటు కుటుంబ సభ్యులందరూ కలిసి సౌకర్యంగా ప్రయాణించేందుకు అనువైన కారు కోసం చూస్తున్నట్లయితే, మార్కెట్లో మీ కోసం అనేక మంచి ఎంపికలు అందుబాటులో ఉన్నాయి. ఒకప్పుడు 7-సీటర్ కారు అంటే భారీ బడ్జెట్ అవసరమనే అభిప్రాయం ఉండేది. కానీ ఇప్పుడు పరిస్థితులు పూర్తిగా మారిపోయాయి. అందుబాటు ధరలోనే మంచి ఫీచర్లు, మెరుగైన మైలేజ్, తగినంత స్థలం, భద్రతా సదుపాయాలతో కూడిన 7-సీటర్ కార్లు భారత మార్కెట్లో లభిస్తున్నాయి. మీ బడ్జెట్ రూ.10 లక్షల లోపు అయితే, ప్రస్తుతం భారత మార్కెట్లో ఈ ధర పరిధిలో అందుబాటులో ఉన్న, మంచి డిమాండ్‌తో పాటు వినియోగదారుల ఆదరణ పొందుతున్న కార్లను చూద్దాం.

భారతదేశంలో ఎలక్ట్రిక్ వాహనాల మార్కెట్ గత కొన్నేళ్లుగా వేగంగా విస్తరిస్తోంది. పెట్రోల్, డీజిల్ ధరలు నిరంతరం పెరుగుతుండటం, నిర్వహణ ఖర్చులు తగ్గించుకోవాలనే ఆలోచన, పర్యావరణ పరిరక్షణపై ప్రజల్లో పెరుగుతున్న అవగాహన వంటి కారణాలతో ఎలక్ట్రిక్ కార్లకు ఆదరణ గణనీయంగా పెరిగింది. ముఖ్యంగా నగరాల్లో రోజువారీ ప్రయాణాల కోసం తక్కువ ఖర్చుతో కూడిన ప్రత్యామ్నాయాన్ని కోరుకునే వినియోగదారులు ఇప్పుడు ఎలక్ట్రిక్ కార్ల వైపు ఎక్కువగా మొగ్గు చూపుతున్నారు. దీంతో దేశీయ, విదేశీ ఆటోమొబైల్ కంపెనీలతో పాటు కొత్త ఈవీ స్టార్టప్‌లు కూడా భారత మార్కెట్‌ను లక్ష్యంగా చేసుకుని కొత్త మోడళ్లను వరుసగా పరిచయం చేస్తున్నాయి.

Car Maintenance Tips: తరచూ క్లచ్ ప్లేట్లు మార్చాల్సి వస్తుందా? మీ డ్రైవింగ్ అలవాట్లే ఇందుకు ప్రధాన కారణం కావచ్చు. క్లచ్ లైఫ్ పెంచుకోవడానికి ఈ చిట్కాలు పాటించండి.

భారత ఆటోమొబైల్ మార్కెట్లో పోటీ రోజురోజుకీ పెరుగుతున్న నేపథ్యంలో ప్రముఖ కార్ల తయారీ సంస్థలు తమ బెస్ట్ సెల్లింగ్ మోడళ్లను కొత్త ఫీచర్లు, ఆధునిక టెక్నాలజీతో అప్‌డేట్ చేస్తూ వినియోగదారులను ఆకట్టుకునే ప్రయత్నం చేస్తున్నాయి. ఈ క్రమంలో దేశంలోని అతిపెద్ద కార్ల తయారీ సంస్థ మారుతి సుజుకి (maruti suzuki) కూడా తన అత్యంత ప్రజాదరణ పొందిన కాంపాక్ట్ SUV బ్రెజ్జా (Brezza)ను ఫేస్‌లిఫ్ట్ వెర్షన్‌లో మార్కెట్లోకి తీసుకురావడానికి సిద్ధమవుతున్నట్లు సమాచారం. తాజా నివేదికల ప్రకారం, ఈ కొత్త బ్రెజ్జా జూలై మధ్యలో భారత మార్కెట్లో అధికారికంగా విడుదలయ్యే అవకాశాలు కనిపిస్తున్నాయి.

భారతదేశంలో ఎలక్ట్రిక్ ద్విచక్ర వాహనాల మార్కెట్ వేగంగా విస్తరిస్తుండటంతో ప్రపంచవ్యాప్తంగా ఉన్న ప్రముఖ కంపెనీలు ఈ మార్కెట్‌పై ప్రత్యేక దృష్టి సారిస్తున్నాయి. ఇప్పటికే అనేక దేశీయ, విదేశీ బ్రాండ్లు తమ ఎలక్ట్రిక్ స్కూటర్లతో భారత వినియోగదారులను ఆకట్టుకునే ప్రయత్నాలు చేస్తున్నాయి. ఈ నేపథ్యంలో వియత్నాంకు చెందిన ప్రముఖ ఎలక్ట్రిక్ వాహన తయారీ సంస్థ విన్‌ఫాస్ట్ (VinFast) కూడా భారత మార్కెట్లో బలమైన ఉనికిని చాటుకునేందుకు సిద్ధమవుతోంది. ఇప్పటికే భారతదేశంలో ఎలక్ట్రిక్ కార్లను విడుదల చేసే ప్రణాళికలను ప్రకటించిన ఈ సంస్థ, ఇప్పుడు అత్యాధునిక ఎలక్ట్రిక్ స్కూటర్లను కూడా దేశీయ మార్కెట్లో ప్రవేశపెట్టేందుకు వేగంగా అడుగులు వేస్తోంది. ఈ క్రమంలో విన్‌ఫాస్ట్ తాజాగా తన కొత్త స్పోర్టీ ఎలక్ట్రిక్ స్కూటర్ డిజైన్‌కు సంబంధించిన పేటెంట్‌ను దాఖలు చేసింది.