കുടുംബങ്ങൾക്ക് പറ്റിയ വാഹനം എപ്പോഴും എംപിവി സെഗ്മെൻ് തന്നെയാണ്. 5 പേരിൽ കൂടുതലുണ്ടെങ്കിൽ ഒരു 7 സീറ്റർ കുടുംബത്തിൽ ആവശ്യമാണ്. ടൊയോട്ടയുടെ എംപിവി സെഗ്മെന്റിൽ ഏറ്റവും പുതിയ താരമാണ് ഇന്നോവ ഹൈക്രോസ്. കുടുംബങ്ങൾക്കും ദീർഘയാത്രകൾക്കും ഒരുപോലെ അനുയോജ്യമായ ഈ മോഡൽ, കംഫർട്ട്, ഫീച്ചറുകൾ, ഹൈബ്രിഡ് സാങ്കേതികവിദ്യ എന്നിവ കൊണ്ടെല്ലാം വിപണിയിൽ മുന്നിൽ തന്നെയാണുളളത്. കൊടുക്കുന്ന കാശിന് അനുസരിച്ച് കിട്ടുന്ന ആഡംബരവും വിശ്വാസ്യതയും കാരണം ഹൈക്രോസ് ഇപ്പോൾ ഇന്ത്യയിലെ ഏറ്റവും കൂടുതൽ ഡിമാൻ്റുളള എംപിവികളുടെ ലിസ്റ്റിൽ മുന്നിൽ തന്നെയാണുളളത്.

ഉത്സവകാലവും ചരക്കുസേവന നികുതി (ജിഎസ്ടി) പരിഷ്‌കാരങ്ങളും കൂടി ആയതോടെ ഇരുചക്ര വാഹനങ്ങള്‍ക്ക് റെക്കോഡ് വില്‍പ്പനയാണ് ഇപ്പോള്‍ ലഭിക്കുന്നത്. ഇലക്ട്രിക് വാഹനങ്ങള്‍ക്ക് ജിഎസ്ടി കട്ട് പ്രഖ്യാപിച്ചിട്ടില്ലെങ്കിലും ഉത്സവകാല ഒാഫറുകള്‍ ലഭ്യമാണ്. ഉത്സവകാലം അവസാനിക്കുന്നതോടെ ഇലക്ട്രിക് വാഹനങ്ങള്‍ക്ക് പ്രഖ്യാപിച്ചിരുന്ന മിക്ക ഓഫറുകളും പിന്‍വലിച്ചു തുടങ്ങിയിട്ടുണ്ട്. എന്നിരുന്നാലും ചില മികച്ച ഇലക്ട്രിക് ബൈക്കുകള്‍ക്ക് ഇപ്പോഴും ആകര്‍ഷകമായ ഡീലുകളും ഡിസ്‌കൗണ്ടുകളും ലഭ്യമാണ്. ഇവയില്‍ ചില ബ്രാന്‍ഡുകള്‍ ക്യാഷ്ബാക്കും എക്‌സ്‌ചേഞ്ച് ഓഫറുകളും നല്‍കുന്നുണ്ട്. അത്തരം ചില ഇലക്ട്രിക് ബൈക്കുകളെയും അവയുടെ ഓഫറുകളെയും പരിചയപ്പെടാം.

കാർ വാങ്ങിക്കുന്നവരുടേയും ഉപയോഗിക്കുന്നവരുടേയും വലിയൊരു ആശങ്കയാണ് മൈലേജ്. കുറഞ്ഞ ചെലവിൽ കൂടുതൽ ദൂരം സഞ്ചരിക്കാനാവുമല്ലോ ഏവർക്കും താത്പര്യം. അതിനാൽ ഇന്ധനക്ഷമതയുള്ള കാറുകൾ തേടിപ്പിടിച്ച് വാങ്ങുന്നത് ഇന്ത്യക്കാരുടെ പൊതുവായുള്ളൊരു സ്വഭാവമാണ്. മൈലേജ് കൂടുതൽ വേണ്ടവർ അന്നും ഇന്നും ഏറ്റവും കൂടുതൽ വാങ്ങുന്നത് ഡീസൽ മോഡലുകളാവും. വാഹന വിപണിയിൽ ഇലക്ട്രിക് വാഹനങ്ങൾ കൈയടക്കുകയാണെങ്കിലും ഓയിൽ ബർണറുകളോട് എല്ലാവർക്കും പ്രത്യേക ഇഷ്‌ടമാണ്. നല്ല ഇന്ധനക്ഷമതയുള്ളതാണ് ഇതിന്റെ പ്രധാന കാരണം. ഫുൾടാങ്ക് ഡീസലിൽ 2,831 കിലോമീറ്റർ ഓടി ഗിന്നസ് വേൾഡ് റെക്കോർഡ് ഇട്ടിരിക്കുകയാണ് ഒരു കാർ.

മലയാളി വീട്ടമ്മമാരുടെ പ്രിയപ്പെട്ട സീരിയലായിരുന്നു ഏഷ്യാനെറ്റിലെ ഗീതാഗോവിന്ദം. ഓരോ കഥാപാത്രങ്ങളുടെ സ്വന്തം വീട്ടിലെ അംഗങ്ങളെ പോലെയായിരുന്നു മലയാളി പ്രേക്ഷകരർ കരുതിയിരുന്നത്. എല്ലാ കഥാപാത്രങ്ങൾക്കും മലയാളികൾക്കിടയിൽ ഒരുപാട് ആരാധകരുണ്ട്. സീരിയലിലെ അവർണിക എന്ന കഥാപാത്രത്തെ അവതരിപ്പിച്ച നടിയാണ് പ്രതീക്ഷ. താരത്തിന് വീട്ടമ്മമാരുടെ ഇടയിൽ പ്രത്യേക വാത്സല്യം ഉണ്ട് എന്ന് തന്നെ പറയാം. ഇപ്പോഴിതാ താരം തൻ്റെ യാത്രകൾക്ക് കൂട്ടായി സ്കോഡയുടെ കൈലാഖ് സ്വന്തമാക്കിയിരിക്കുകയാണ്. താരം തന്നെയാണ് തൻ്റെ സോഷ്യൽ മീഡിയ പേജിൽ ചിത്രങ്ങൾ പങ്കുവച്ചത്. സ്കോഡയുടെ ജനപ്രിയ മോഡലായി മാറിയ വാഹനമാണ് കൈലാഖ്.

സബ്-4 മീറ്റര്‍ എസ്‌യുവി വിഭാഗത്തിലെ തങ്ങളുടെ ചാട്ടുളിയായ വെന്യുവിന്റെ പുതിയ തലമുറ തലമുറ പതിപ്പ് മറനീക്കി വെളിപ്പെടുത്തിയിരിക്കുകയാണ് ഹ്യുണ്ടായി. ഇന്ത്യന്‍ വിപണിയില്‍ ദീര്‍ഘകാലമായി ഹ്യുണ്ടായി വെന്യു വില്‍പ്പനക്കെത്തുന്നുണ്ടെങ്കിലും അവസാനമായി ഫെയ്‌സ്ലിഫ്റ്റിന് വിധേയമായത് 2022ലായിരുന്നു. ടാറ്റ നെക്‌സോണ്‍, മാരുതി ബ്രെസ എന്നീ എതിരാളികളുമായി പിടിച്ചുനില്‍ക്കാന്‍ കോസ്‌മെറ്റിക് പരിഷ്‌കാരങ്ങളല്ലാതെ കാറിന് സമഗ്രമായ മാറ്റം ആവശ്യമായിരുന്നു. അതിനാലാണ് 2026 വെന്യുവില്‍ എക്സ്റ്റീരിയറിലും ഇന്റീരിയറിലും വലിയ മാറ്റങ്ങള്‍ വരുത്തിയിരിക്കുന്നത്. നിലവിലെ മോഡലില്‍ നിന്ന് കാര്യമായ മാറ്റങ്ങളോടെയാണ് ന്യൂജെന്‍ വെന്യു രൂപകല്‍പ്പന ചെയ്തിരിക്കുന്നത്. ഈ ലേഖനത്തില്‍ 2026 വെന്യുവിനെ നമുക്ക് നിലവില്‍ വില്‍പ്പനക്കുള്ള മോഡലുമായി താരതമ്യം ചെയ്ത് നോക്കാം.

ഇന്ത്യയിലെ എസ്‌യുവി സെഗ്മെന്റ് കൈക്കലാക്കാൻ കച്ചകെട്ടിയിറങ്ങുകയാണ് ദക്ഷിണ കൊറിയൻ വാഹന നിർമാതാക്കളായ ഹ്യുണ്ടായി. കോംപാക്‌ട് എസ്‌യുവി വിഭാഗത്തിലെ ടെക്കി എന്ന് വിളിപ്പേരുള്ള മിടുക്കൻ പുതുതലമുറയിലേക്ക് ചേക്കേറുകയാണ്. രൂപവും ഭാവവും വെളിപ്പെടുത്തി കമ്പനി പുതുമോഡലിനെ ഇന്നലെ ആളുകളിലേക്ക് എത്തിച്ചിരുന്നു. 2025 നവംബർ നാലിന് വില കൂടി പ്രഖ്യാപിക്കുമ്പോൾ സെഗ്മെന്റിലെ മുഖ്യ എതിരാളികളായ മാരുതി സുസുക്കി ബ്രെസ, ടാറ്റ നെക്സോൺ എന്നിവരെയെല്ലാം വിറപ്പിക്കുമെന്ന് ഉറപ്പാണ്. പക്ഷേ സന്തോഷകരമായ മറ്റൊരു കാര്യം കൂടിയുണ്ടെന്ന് ഹ്യുണ്ടായി വെളിപ്പെടുത്തിയിരിക്കുകയാണ്. സംഭവം സിമ്പിളാണെങ്കിലും മിക്കവരേയും സന്തോഷിപ്പിക്കുന്ന തീരുമാനമാണിത്.

ദീപാവലി എന്നാൽ ദീപങ്ങളുടേയും പടക്കങ്ങളുടേയും ഉത്സവമാണല്ലോ, ഏതൊരു വ്യക്തിയുടേയും മനസുകളിലേക്ക് വെളിച്ചം പകരുന്ന ദിനത്തിൽ നിങ്ങളുടെ വീട്ടിൽ മറ്റൊരു അതിഥി കൂടിയുണ്ടെങ്കിലോ. അതേ എംജിയുടെ കിടിലൻ റോഡ്സ്റ്ററായ സൈബർസ്റ്റർ എന്ന സ്പോർട്സ് കാറാണ് താരം. ദീപാവലിയുടെ പടക്കങ്ങളുടേയും ദീപാലങ്കാരങ്ങൾക്കിടയിലൂടെ എംജി സൈബർസ്റ്ററിൽ നിങ്ങൾ യാത്ര ചെയ്യുമ്പോൾ കിട്ടുന്ന ഫീൽ അതൊന്ന് വേറെ തന്നെയാണ്. ഒരു ആധുനിക ഇലക്ട്രിക് വാഹനത്തിനും ഒരു ക്ലാസിക് ബ്രിട്ടീഷ് റോഡ്‌സ്റ്ററിനും ഇടയിലുള്ള ഒരു ഡിസൈനാണ് എം‌ജി സൈബർ‌സ്റ്ററിന്റേത്.

ടാക്‌സി അല്ലെങ്കില്‍ ഓല, ഊബര്‍ പോലുള്ള ക്യാബ് സര്‍വീസ് (Cab Service) ആരംഭിക്കാന്‍ ആലോചിക്കുന്നവര്‍ക്കായി മികച്ച മൈലേജും കുറഞ്ഞ പരിപാലനച്ചെലവും കൈനിറയെ ലാഭവും ഉറപ്പാക്കുന്ന ചില കാറുകള്‍ ഇന്ന് വിപണിയില്‍ ലഭ്യമാണ്. മാരുതി ഡിസയര്‍ ടൂര്‍ S (Maruti Tour S), മാരുതി വാഗണ്‍ R ടൂര്‍ H3 ((Maruti Tour H3)), ഹ്യുണ്ടായി ഓറ, മാരുതി എര്‍ട്ടിഗ എന്നിവ ടാക്‌സി ഡ്രൈവര്‍മാരുടെ പ്രിയപ്പെട്ട വാഹനങ്ങളാണ്. ഈ കാറുകളുടെ വിലയും മൈലേജും സവിശേഷതകളും നമുക്ക് ഈ ലേഖനത്തിലൂടെ അറിയാം.

വാഹനമേതാണെങ്കിലും വളരെ സുഖകരമായി ഡ്രൈവ് ചെയ്യുക എന്നതാണല്ലോ പ്രധാനം. ഡ്രൈവർക്ക് എന്ത് ബുദ്ധിമുട്ടുണ്ടായാലും അത് യാത്രക്കാരെ കൂടിയാണ് ബാധിക്കുന്നത്. വാഹന വിപണിയിൽ കൂടുതൽ ഉപഭോക്താക്കളും ഡ്രൈവിംഗ് കംഫർട്ടിന് തന്നെയാണ് പ്രാധാന്യം നൽകുന്നത്. അതിൽ പ്രധാനമായ പങ്ക് വഹിക്കുന്ന ഒരു ഫീച്ചറിനെയാണ് നിങ്ങൾക്ക് ഇന്ന് പരിചയപ്പെടുത്തുന്നത്. ഡ്രൈവറുടെ ഉയരത്തിനും ഇരിപ്പിനും അനുസരിച്ച് സ്റ്റിയറിംഗ് പൊസിഷൻ മാറ്റാൻ കഴിയുന്ന സ്റ്റീയറിങ്ങ് അഡ്ജസ്റ്റാണ് ആ ഫീച്ചർ. ദീർഘയാത്രകളിലും ട്രാഫിക് ഡ്രൈവുകളിലും മികച്ച എർഗോണമിക്സ് ഉറപ്പാക്കാൻ ഈ ഫീച്ചർ നിങ്ങളെ സഹായിക്കുന്നുണ്ട്. എന്നാൽ എല്ലാ വാഹനങ്ങളിലും ഈ ഫീച്ചർ ലഭിക്കുന്നുണ്ടോ. 10 ലക്ഷത്തിൽ താഴെ വിലയുള്ള ഏതൊക്കെ വാഹനങ്ങളിൽ ലഭിക്കുന്നുണ്ടെന്ന് അറിയാൻ തുടർന്ന് വായിക്കാൻ മറക്കരുതേ.

ഇന്ത്യയില്‍ ബഹുഭൂരിപക്ഷം വരുന്ന ഇടത്തരക്കാര്‍ ഇപ്പോഴും ദൈനംദിന യാത്രകള്‍ക്കായി ഇരുചക്ര വാഹനങ്ങളെയാണ് ആശ്രയിക്കുന്നത്. മികച്ച ഇന്ധനക്ഷമതയുള്ള കമ്മ്യൂട്ടര്‍ മോട്ടോര്‍സൈക്കിളുകളാണ് അവരുടെ മാസബജറ്റ് താളംതെറ്റാതെ നിലനില്‍ക്കാന്‍ സഹായിക്കുന്നത്. അതുകൊണ്ടുതന്നെ കുറഞ്ഞ വിലയുള്ള കമ്മ്യൂട്ടര്‍ ബൈക്കുകള്‍ പുറത്തിറക്കാന്‍ കമ്പനികള്‍ മത്സരിക്കുന്നു. അവയില്‍ തന്നെ ഇന്ത്യക്കാര്‍ നെഞ്ചിലേറ്റിയ ചില മോഡലുകള്‍ ഉണ്ട്. കുറഞ്ഞ വിലയും ഉയര്‍ന്ന മൈലേജും കാരണം ഇന്ത്യന്‍ വിപണിയില്‍ തന്റേതായ ഒരിടം കണ്ടെത്തിയ ബൈക്കാണ് ബജാജ് പ്ലാറ്റിന. 2006-ലാണ് ബജാജ് പ്ലാറ്റിന വിപണിയിലെത്തിയത്. പ്ലാറ്റിനയുടെ പ്രാരംഭ വില അന്ന് 34,000 രൂപയിരുന്നു.

വാഹനലോകത്തേക്ക് നോക്കിയാൽ ചില മോഡലുകളൊന്നും ഒരു എഞ്ചിനീയറിങ്ങ് അത്ഭുതം മാത്രമല്ല, ഒരു കാലഘട്ടങ്ങളുടെ പ്രതീകങ്ങളാണ്. അങ്ങനെ ഏതൊരു തലമുറയിൽപ്പെട്ട ആളുകളേയും തൻ്റെ ആരാധകരാക്കി മാറ്റിയ ടൊയോട്ടയുടെ ഒരു മോഡലാണ് ലാൻഡ് ക്രൂയിസർ FJ ക്രൂയിസർ. ഇപ്പോൾ വർത്തകളിൽ വാഹനം നിറഞ്ഞു നിൽക്കുകയാണല്ലോ, ഇന്ത്യയിലേക്കുള്ള വരവിനായി എല്ലാവരും കാത്തിരിക്കുകയാണ്. FJ ക്രൂയിസർ എത്തുന്നതോടെ ഓഫ്റോഡ് രാജാക്കൻമാരായി ഇന്ത്യൻ വിപണിയിൽ വിലസുന്ന പല മോഡലുകളുടേയും പത്തി താഴുമെന്ന കാര്യത്തിൽ ഒരു സംശയവും വേണ്ട. കാത്തിരിപ്പ് ഒന്ന് കൂടി ശക്തമാക്കാൻ ടൊയോട്ടയുടെ ഈ മിഡ് സൈസ് എസ്‌യുവിയുടെ ചരിത്രത്തിലേക്ക് ഒരു ട്രിപ്പ് പോയിട്ട് വന്നാലോ.

ചരക്കുസേവന നികുതി പരിഷ്‌കാരങ്ങള്‍ പ്രാബല്യത്തില്‍ വന്നിട്ട് ഒരു മാസം പിന്നിട്ടിരിക്കുകയാണ്. ജിഎസ്ടി 2.0 കാരണം ഇന്ത്യയില്‍ കാര്‍ വാങ്ങുന്നവരുടെ എണ്ണം ഇരട്ടിയായതായി റിപ്പോര്‍ട്ട്. നികുതി ഇളവുകള്‍ ആഭ്യന്തര വാഹന വിപണിക്ക് വലിയ ഉത്തേജനമേകിയതായി ധനമന്ത്രി നര്‍മല സീതാരാമന്‍ സോഷ്യല്‍ മീഡിയ പോസ്റ്റില്‍ പറഞ്ഞു. കാറുകളുടെ വിലയില്‍ ഗണ്യമായ കുറവുണ്ടായതാണ് വില്‍പ്പന വര്‍ധനവിന് കാരണമായത്. 2025 സെപ്റ്റംബര്‍ 22-നാണ് ഇന്ത്യയില്‍ ജിഎസ്ടി നികുതി ഇളവ് പ്രാബല്യത്തില്‍ വന്നത്. ഇതുമൂലം വാഹനങ്ങളുടെ വില ഗണ്യമായി കുറഞ്ഞു. ചെറു കാറുകളുടെ നികുതി 28 ശതമാനത്തില്‍ നിന്ന് 18 ശതമാനമായി കുറച്ചു.

സെലിബ്രിറ്റികളും അത് പോലെ തന്നെ ബിസിനസുകാരുടേയും പ്രിയപ്പെട്ട ബ്രാൻഡാണ് മെർസിഡീസ് ബെൻസ്. അതിൽ തന്നെ സെഡാൻ മോഡലായ ഇ ക്ലാസിന് പ്രത്യേക ഫാൻബേസാണുളളത്. യാത്രാസുഖത്തിൻ്റെ കാര്യത്തിലാണെങ്കിലും ലുക്കിൻ്റെ കാര്യത്തിലാണെങ്കിലും സെഡാനുകളിലെ പ്രിയതാരമാണ് ഇ ക്ലാസ് എന്നത്. S-ക്ലാസിനും EQS-നും പിറകില്‍ ബ്രാന്‍ഡിന്റെ ലൈനപ്പിലെ ഏറ്റവും വിലപിടിപ്പുള്ള സെഡാനാണ് E-ക്ലാസ് എന്ന പ്രത്യേകതയും ഉണ്ട്. മെര്‍സിഡീസ് ബെന്‍സ് ഇ-ക്ലാസ് നിലവില്‍ 79.50 ലക്ഷം രൂപ പ്രാരംഭ വിലയിലാണ് ഇന്ത്യന്‍ വിപണിയില്‍ വില്‍ക്കുന്നത്. അതേസമയം ഈ കാറിന്റെ ടോപ്-എന്‍ഡ് വേരിയന്റിന്റെ വില 92.50 ലക്ഷം രൂപയാണ്.

ആഡംബര കാറുകള്‍ പുറത്തിറക്കുന്ന ലോകോത്തര ബ്രാന്‍ഡാണ് പോര്‍ഷ. ഈയിടെ ബ്രാന്‍ഡ് ഔദ്യോഗികമായി പുറത്തവിട്ട ഒരു വാര്‍ത്ത വളരെയധികം ജനപ്രീതി നേടിയിരുന്നു. പോര്‍ഷ തങ്ങളുടെ ആദ്യത്തെ ഫുള്‍-ഇലക്ട്രിക് എസ്യുവിയായ പോര്‍ഷ മകാന്‍ GTS ഇലക്ട്രിക് ലോകത്തിന് മുമ്പില്‍ മൂടുപടമഴിച്ച് അവതരിപ്പിച്ചുവെന്ന വാര്‍ത്തയായിരുന്നു അത്. ഇത് പോര്‍ഷയുടെ ആദ്യത്തെ ഇവി എന്നതിലുപരി പൂര്‍ണമായും വൈദ്യുതിയില്‍ പ്രവര്‍ത്തിക്കുന്ന ബ്രാന്‍ഡിന്റെ ആദ്യത്തെ GTS മോഡല്‍ കൂടിയാണ്. ആഡംബര കൊടുമുടിയില്‍ നിറഞ്ഞാടുന്ന പോര്‍ഷക്ക് ഈ ഇലക്ട്രിക് എസ്യുവിയുടെ വരവിലൂടെ ആധിപത്യം ഒന്നുകൂടി തെളിയിക്കാന്‍ സാധിക്കും. പുതിയ പോര്‍ഷ മകാന്‍ GTS മോഡലിന്റെ കൂടുതല്‍ സവിശേഷതകള്‍ എന്തെല്ലാമാണെന്ന് നോക്കിയാലോ.

ലോകത്തിലെ ഏറ്റവും വലിയ ഇലക്ട്രിക് വാഹന നിര്‍മാതാക്കളാണ് ചൈനയില്‍ നിന്നുള്ള ബില്‍ഡ് യുവര്‍ ഡ്രീംസ് (BYD). കമ്പനി ഇന്ത്യയിലും ഇലക്ട്രിക് കാറുകള്‍ വില്‍ക്കുന്നുണ്ട്. നിലവില്‍ നിരവധി ആഡംബര മോഡലുകള്‍ അവരുടെ പോര്‍ട്ട്ഫോളിയോയിലുണ്ടെങ്കിലും, മാസ് മാര്‍ക്കറ്റ് വിഭാഗത്തില്‍ ശ്രദ്ധകേന്ദ്രീകരിക്കാന്‍ പോകുന്ന കമ്പനി മോഡല്‍ നിര വിപുലീകരിക്കാന്‍ പോകുകയാണ്. ഇപ്പോള്‍ ശ്രദ്ധേയമായ നീക്കത്തില്‍ വലിയ മാര്‍ക്കറ്റുകളില്‍ ഒന്നായ ജപ്പാനില്‍ തങ്ങളുടെ ആദ്യ ഇലക്ട്രിക് കെയ് കാര്‍ അവതരിപ്പിക്കാന്‍ പോകുകയാണ് BYD. ജാപ്പനീസ് വിപണിയില്‍ എത്താന്‍ പോകുന്ന ആദ്യത്തെ വിദേശ നിര്‍മ്മിത ഇലക്ട്രിക് കെയ് കാറായി ചരിത്രം കുറിക്കാന്‍ പോകുകയാണ് ഈ മോഡല്‍.

ദക്ഷിണ കൊറിയന്‍ വാഹന നിര്‍മാതാക്കളായ ഹ്യുണ്ടായി 2019-ല്‍ ഇന്ത്യന്‍ വിപണിയില്‍ എത്തിച്ച് സബ് 4 മീറ്റര്‍ എസ്‌യുവിയാണ് വെന്യു. ടാറ്റ നെക്‌സോണ്‍, മാരുതി ബ്രെസ, കിയ സോനെറ്റ് എന്നീ മോഡലുകളുമായി എതിരിട്ട് സെഗ്‌മെന്റില്‍ മേല്‍വിലാസം സ്ഥാപിക്കാന്‍ വെന്യുവിന് സാധിച്ചിരുന്നു. കമ്പനി അടുത്ത മാസം നാലാം തീയതി വെന്യുവിന്റെ രണ്ടാം തലമുറ പതിപ്പ് അവതരിപ്പിക്കാന്‍ പോകുകയാണ്. പുതിയ എസ്‌യുവിയുടെ രൂപകല്‍പ്പനയിലും ഇന്റീരിയറിലും വലിയ മാറ്റങ്ങള്‍ പ്രതീക്ഷിക്കുന്നു. ആദ്യ ഘട്ടത്തില്‍ പുതിയ വെന്യൂവിനെ കുറിച്ചുള്ള എല്ലാ വിവരവങ്ങളും ഹ്യുണ്ടായി രഹസ്യമാക്കി വെച്ചിരുന്നെങ്കിലും, അടുത്തിടെ പുറത്തുവന്ന സ്‌പൈ ചിത്രങ്ങള്‍ പല വിശദാംശങ്ങളും വെളിപ്പെടുത്തി.

ആകാംക്ഷയോടെ കാത്തിരുന്ന കൊറിയൻ ബ്രാൻഡായ ഹ്യുണ്ടായിയുടെ പുതിയ വെന്യുവിൻ്റെ ബുക്കിങ്ങ് ആരംഭിച്ചിരിക്കുകയാണ്. പുത്തൻ സ്റ്റൈൽ മുതൽ ടെക്നോളജിയാൽ സമ്പന്നമായ ഒരു ക്യാബിൻ വരെയാണ് വെന്യുവിൽ ഹ്യുണ്ടായി ഒരുക്കിയിരിക്കുന്നത്. അടിപൊളി ഡിസൈൻ കൂടുതൽ സ്പേസ്,കംഫർട്ട് എന്നിവയെല്ലാം കൊണ്ട് എതിരാളികളെ എല്ലാം മലർത്തിയടിക്കുമെന്ന കാര്യത്തിൽ ഒരു സംശയവും വേണ്ട. ഇന്ത്യയിലുടനീളമുള്ള ഏത് ഹ്യുണ്ടായി ഡീലർഷിപ്പിലും 25,000 രൂപയുടെ പ്രാരംഭ ബുക്കിംഗ് തുകയോടെ ഉപഭോക്താക്കൾക്ക് പുതിയ ഹ്യുണ്ടായി വെന്യു ബുക്ക് ചെയ്യാമെന്ന് കമ്പനി ഔദ്യോഗികമായി അറിയിച്ചിരിക്കുകയാണ്. ഹ്യുണ്ടായിയുടെ വെബ്സൈറ്റിലൂടേയും വാഹനം ബുക്ക് ചെയ്യാൻ സാധിക്കും.

ഹൈബ്രിഡ് കാറുകൾക്കും ഇലക്ട്രിക കാറുകൾക്കും നിരവധി സബ്സിഡികളും പല സംസ്ഥാനങ്ങളും പ്രഖ്യാപിച്ചിരുന്നു. വാഹന വിൽപ്പന കൂടുതൽ പ്രോത്സാഹിപ്പിക്കുന്നതിൻ്റെ ഭാഗമായിട്ടായിരുന്നു ഇത്തരം പദ്ധതികളൊക്കെ സർക്കാർ ആവിഷ്കരിച്ചിരുന്നത്. എന്നാൽ ഇപ്പോഴിതാ ഉത്തർ പ്രദേശ് ഹൈബ്രിഡ് കാറുകൾക്ക് നൽകിയിരുന്ന സബ്സിഡി പിൻവലിക്കുകയാണ് എന്നാണ് അറിയിച്ചിരിക്കുന്നത്. നിരവധി ബ്രാൻഡുകളുമായി നടത്തിയ ചർച്ചകളുടെ ഫലമായിട്ടാണ് ഇത്തരത്തിലൊരു തീരുമാനം യോഗി സർക്കാർ എടുത്തിരിക്കുന്നത്. ഹൈബ്രിഡ് കാറുകൾക്ക് ലഭിക്കുന്ന അമിതമായ സബ്സിഡി മൂലം ഇലക്ട്രിക് കാറുകളുടെ വിൽപ്പനയെ കാര്യമായി ബാധിക്കുന്നു എന്നാണ് ബ്രാൻഡുകൾ പറഞ്ഞ ആശങ്ക. ഹൈബ്രിഡ് കാർ പ്രേമികൾക്കിട്ട് എട്ടിൻ്റെ പണിയാണ് കിട്ടിയിരിക്കുന്നത്.

ഇന്ത്യയില്‍ ഇലക്ട്രിക് ടൂവീലര്‍ വിഭാഗം അതിവേഗം വളരുകയാണ്. സ്റ്റാര്‍ട്ടപ്പ് കമ്പനികളാണ് ഇന്ത്യയിലെ ഇവി വിപ്ലവത്തിന്റെ മുന്‍നിരയിലുണ്ട്. രാജ്യത്ത് അതിവേഗം വളരുന്ന ഇലക്ട്രിക് സ്‌കൂട്ടര്‍ ബ്രാന്‍ഡുകളിലൊന്നാണ് സിമ്പിള്‍. നിലവില്‍ ബ്രാന്‍ഡ് സിമ്പിള്‍ വണ്‍ എന്ന ഒറ്റ മോഡല്‍ മാത്രമേ വിപണിയില്‍ എത്തിക്കുന്നുള്ളൂ. ഒറ്റ ചാര്‍ജില്‍ 212 കിലോമീറ്റര്‍ റേഞ്ച് അവകാശപ്പടുന്ന സിമ്പിള്‍ വണ്‍ രാജ്യത്ത് ഏറ്റവും കൂടുതല്‍ റേഞ്ച് ഓഫര്‍ ചെയ്യുന്ന ഇലക്ട്രിക് സ്‌കൂട്ടറുകളില്‍ ഒന്നാണ്. ഇപ്പോള്‍ പുതിയൊരു ഇലക്ട്രിക് സ്‌കൂട്ടര്‍ അവതരിപ്പിക്കാന്‍ ഒരുങ്ങുകയാണ്. ഇതിന്റെ ഭാഗമായി സമ്പിള്‍ എനര്‍ജി പുതിയ ഇലക്ട്രിക് സ്‌കൂട്ടറിന്റെ ഡിസൈന്‍ ഇന്ത്യയിയില്‍ പേറ്റന്റ് ഫയല്‍ ചെയ്തു.

കേരളത്തിൽ ഇപ്പോൾ രാഷ്ട്രപതി സന്ദർശനത്തിന് എത്തിയിരിക്കുകയാണ്. വാർത്തകളിൽ നിറയുന്നത് സന്ദർശനത്തിനേക്കാൾ ശബരിമല ദർശനത്തിനായി പത്തനംത്തിട്ട പ്രമാടത്ത് ലാൻഡ് ചെയ്ത ഹെലികോപ്റ്ററുകളുടെ വീലുകൾ കോൺക്രീറ്റിൽ താഴ്ന്ന് പോയെന്നുളള വാർത്തകളാണ്. എന്നാൽ എന്തിനാണ് ഹെലികോപ്റ്റർ തള്ളിനീക്കിയതെന്ന് ആരും പറയുന്നില്ല. ഹെലിപാഡ് പണിതതിൻ്റെ അപാകതയാണ് ഇങ്ങനെയൊരു സംഭവത്തിന് കാരണമെന്ന് പ്രതിപക്ഷം ആരോപിച്ചേക്കാം. എന്നാൽ ശരിക്കും അവിടെ സംഭവിച്ചത് ഡൗൺവാഷ് ഇഫക്ട് ആണ്. എന്താണ് ഡൗൺവാഷ് ഇഫക്ട് എന്ന് ചിലർക്കെങ്കിലും അറിവുണ്ടായിരിക്കും.ഒരു പാർട്ടിയേയും ന്യായീകരിക്കുകയാണെന്ന് വിചാരിക്കരുതേ. സാധാരണയായി ഹെലികോപ്റ്റർ ലാൻഡ് ചെയ്യുമ്പോൾ സംഭവിക്കുന്നതാണ് ഇത്തരമൊരു കാര്യമെന്ന് ഓർക്കുക.

മഹീന്ദ്ര ഥാർ അടച്ചിവാണിരുന്ന ഇന്ത്യയിലെ ലൈഫ് സ്റ്റൈൽ ഓഫ്-റോഡർ എസ്‌യുവി സെഗ്മെന്റ് കൈക്കലാക്കാൻ എത്തിയ അവതാരപ്പിറവിയായിരുന്നു മാരുതി സുസുക്കി ജിംനി. ജിപ്‌സിയുടെ പകരക്കാരനായി വന്ന മോഡൽ വിപണിയിൽ എത്തുമ്പോൾ ആരാധകർക്കും പ്രതീക്ഷകൾ വാനോളമായിരുന്നു. വിദേശ രാജ്യങ്ങളിൽ വിപ്ലവം രചിച്ച സ്പോർട് യൂട്ടിലിറ്റി വാഹനം ഇന്ത്യയിൽ പുറത്തിറക്കാൻ പലരും മാരുതിയോട് കെഞ്ചിയിരുന്നു. അങ്ങനെ 3-ഡോർ ആയിരുന്ന മോഡലിനെ 5-ഡോർ പതിപ്പാക്കി രാജ്യത്തിന് കമ്പനി സമ്മാനിച്ചു. എന്നാൽ കമ്പനി പ്രതീക്ഷിച്ച വരവേൽപ്പ് ജിംനിക്ക് ലഭിച്ചില്ല. ഥാറിനേക്കാൾ വില കൂടുതലായതും റോഡ് പ്രസൻസില്ലാതെ പോയതും മാരുതിയുടെ ഓഫ്-റോഡറിന് തിരിച്ചടിയായി.

കുറച്ച് വര്‍ഷങ്ങള്‍ക്ക് മുമ്പ് രാഷ്ട്രീയം എന്നാല്‍ ജനസേവനം ആയിരുന്നു. എന്നാല്‍ അധികാരത്തിന്റെ ലഹരി മനസ്സിലാക്കി സമ്പന്നരും സെലിബ്രിറ്റികളും ബ്യൂറോക്രാറ്റുകളും വരെ രാഷ്ട്രീയത്തില്‍ പ്രവേശിക്കുകയാണ്. അതിന്റെ മാറ്റം രാഷ്ട്രീയക്കാരുടെ വാഹനങ്ങളിലും പ്രകടമാണ്. പണ്ട് കാലത്ത് അംബാസഡറിലും മറ്റും സഞ്ചരിച്ചിരുന്ന രാഷ്ട്രീയക്കാര്‍ ഇന്ന് ആഡംബര വാഹനങ്ങളിലേക്ക് ചുവട് മാറി. അതില്‍ തന്നെ വലിയ എസ്‌യുവികളോടാണ് ഇന്ന് രാഷ്ട്രീയക്കാര്‍ക്ക് പ്രിയം. ഫോര്‍ച്യൂണര്‍, ഇന്നോവ ക്രിസ്റ്റ തുടങ്ങിയ വാഹനങ്ങളോടാണ് നേതാക്കള്‍ക്ക് കൂടുതല്‍ പ്രിയം. അതിനൊപ്പം ചിലര്‍ ഇറക്കുമതി ചെയ്ത ആഡംബര കാറുകളില്‍ സഞ്ചരിക്കുന്നു.

ലോകത്തിലെ ഏറ്റവും സുരക്ഷിതമായ കാറുകള്‍ നിര്‍മിക്കുന്ന കമ്പനിയാണ് വോള്‍വോ. ഇന്നത്തെ കാറുകളില്‍ കാണപ്പെടുന്ന പ്രധാന സേഫ്റ്റി ഫീച്ചറുകളില്‍ ഒന്നായ സീറ്റ്‌ബെല്‍റ്റ് സംഭാവന ചെയ്തത് സ്വീഡിഷ് വാഹന നിര്‍മാതാക്കളാണ്. മലയാള സിനിമാ ലോകത്ത് ഇപ്പോള്‍ വോള്‍വോ കാറുകള്‍ക്ക് പ്രിയമേറി വരികയാണ്. ചെമ്പന്‍ വിനോദ് ജോസ്, ബി ഉണ്ണികൃഷ്ണന്‍, മേജര്‍ രവി, ആന്റണി പെരുമ്പാവൂര്‍ എന്നിവരാണ് അടുത്ത കാലത്തായി വോള്‍വോ സ്വന്തമാക്കിയ പ്രമുഖര്‍. നടനും രചയിതാവുമായ ചെമ്പന്‍ വിനോദ് ജോസും ബി ഉണ്ണികൃഷ്ണനും വോള്‍വോ XC90 എസ്‌യുവിയാണ് സ്വന്തമാക്കിയത്. അതേസമയം സംവിധായകന്‍ മേജര്‍ രവിയും നിര്‍മാതാവ് ആന്റണി പെരുമ്പാവൂരും XC 60 ആണ് വാങ്ങിയത്.

ഇന്ത്യൻ എസ്‌യുവി പ്രേമികളെ അടുത്ത വർഷം കാത്തിരിക്കുന്നത് പുത്തൻ മിഡ്-സൈസ് എസ്‌യുവികളുടെ വലിയൊരു നിരയാണ്. മാരുതി സുസുക്കി, ടാറ്റ മോട്ടോർസ്, മഹീന്ദ്ര, ടൊയോട്ട, റെനോ, നിസാൻ തുടങ്ങിയ മുൻനിര വാഹന നിർമാതാക്കളെല്ലാം അവരുടെ അടുത്ത വലിയ ലോഞ്ചുകൾക്കായുള്ള ഒരുക്കത്തിലാണിപ്പോൾ. പെട്രോൾ, ഡീസൽ, ഹൈബ്രിഡ്, ഇലക്ട്രിക് എന്നിങ്ങനെ വൈവിധ്യമാർന്ന എസ്‌യുവികളുടെ ഒരു നീണ്ടനിരതന്നെ വരും വർഷം നിരത്തിലിറങ്ങും. അണിയറയിലൊരുങ്ങുന്ന കിടിലൻ പുത്തൻ മിഡ്-എസ്‌യുവികളുടെ കൂടുതൽ വിശേഷങ്ങൾ എന്തെല്ലാമാണെന്ന് അറിയേണ്ടേ. എങ്കിൽ ഈ ലേഖനം തുടർന്ന് വായ്ച്ചോളൂ...

സമകാലിക സംഭവങ്ങളെല്ലാം തന്നെ ഇപ്പോൾ ട്രോളുകളിലൂടെയാണല്ലോ കൂടുതൽ ശ്രദ്ധ നേടുന്നത്. പുകഴ്ത്താനാണെങ്കിലും ആരെയെങ്കിലും കരിവാരി തേക്കാനും ട്രോളുകളിലൂടെ സാധിക്കും.സിനിമ രംഗത്ത് നടക്കുന്ന പല സംഭവങ്ങളും ട്രോളുകളിലുടെ ശ്രദ്ധിക്കപ്പെടാറുണ്ട്, പ്രത്യേകിച്ച് നടമാരെകുറിച്ചുളള വാർത്തകൾ. പല നടൻമാരുടേയും ഫാൻസ് അസോസിയേഷൻ അംഗങ്ങൾ മറ്റ് നടൻമാർക്കെതിരെ ട്രോളുകൾ പടച്ചു വിടുന്നത് എല്ലാവരും കാണാറുള്ളതാണല്ലോ. ഓരോ ദിവസവും ട്രെൻഡ് മാറിക്കൊണ്ടിരിക്കും. കുറച്ച് ദിവസങ്ങളായി നടൻ പൃഥ്വിരാജിനെതിരെ വ്യാപക ട്രോളുകളാണ് സോഷ്യൽ മീഡിയയിൽ വന്നുകൊണ്ടിരിക്കുന്നത്. അദ്ദേഹത്തിൻ്റെ ആദ്യകാല സിനിമകളിലെ സീനുകൾ ഉപയോഗിച്ച് ട്രോളുകയാണ്. അഭിനയിക്കാൻ അറിയില്ലെന്നും, വിദ്യാഭ്യാസമില്ലെന്നുമുളള തരത്തിലാണ് ആക്ഷേപങ്ങൾ.