മഹീന്ദ്ര ഥാർ അടച്ചിവാണിരുന്ന ഇന്ത്യയിലെ ലൈഫ് സ്റ്റൈൽ ഓഫ്-റോഡർ എസ്‌യുവി സെഗ്മെന്റ് കൈക്കലാക്കാൻ എത്തിയ അവതാരപ്പിറവിയായിരുന്നു മാരുതി സുസുക്കി ജിംനി. ജിപ്‌സിയുടെ പകരക്കാരനായി വന്ന മോഡൽ വിപണിയിൽ എത്തുമ്പോൾ ആരാധകർക്കും പ്രതീക്ഷകൾ വാനോളമായിരുന്നു. വിദേശ രാജ്യങ്ങളിൽ വിപ്ലവം രചിച്ച സ്പോർട് യൂട്ടിലിറ്റി വാഹനം ഇന്ത്യയിൽ പുറത്തിറക്കാൻ പലരും മാരുതിയോട് കെഞ്ചിയിരുന്നു. അങ്ങനെ 3-ഡോർ ആയിരുന്ന മോഡലിനെ 5-ഡോർ പതിപ്പാക്കി രാജ്യത്തിന് കമ്പനി സമ്മാനിച്ചു. എന്നാൽ കമ്പനി പ്രതീക്ഷിച്ച വരവേൽപ്പ് ജിംനിക്ക് ലഭിച്ചില്ല. ഥാറിനേക്കാൾ വില കൂടുതലായതും റോഡ് പ്രസൻസില്ലാതെ പോയതും മാരുതിയുടെ ഓഫ്-റോഡറിന് തിരിച്ചടിയായി.

കുറച്ച് വര്‍ഷങ്ങള്‍ക്ക് മുമ്പ് രാഷ്ട്രീയം എന്നാല്‍ ജനസേവനം ആയിരുന്നു. എന്നാല്‍ അധികാരത്തിന്റെ ലഹരി മനസ്സിലാക്കി സമ്പന്നരും സെലിബ്രിറ്റികളും ബ്യൂറോക്രാറ്റുകളും വരെ രാഷ്ട്രീയത്തില്‍ പ്രവേശിക്കുകയാണ്. അതിന്റെ മാറ്റം രാഷ്ട്രീയക്കാരുടെ വാഹനങ്ങളിലും പ്രകടമാണ്. പണ്ട് കാലത്ത് അംബാസഡറിലും മറ്റും സഞ്ചരിച്ചിരുന്ന രാഷ്ട്രീയക്കാര്‍ ഇന്ന് ആഡംബര വാഹനങ്ങളിലേക്ക് ചുവട് മാറി. അതില്‍ തന്നെ വലിയ എസ്‌യുവികളോടാണ് ഇന്ന് രാഷ്ട്രീയക്കാര്‍ക്ക് പ്രിയം. ഫോര്‍ച്യൂണര്‍, ഇന്നോവ ക്രിസ്റ്റ തുടങ്ങിയ വാഹനങ്ങളോടാണ് നേതാക്കള്‍ക്ക് കൂടുതല്‍ പ്രിയം. അതിനൊപ്പം ചിലര്‍ ഇറക്കുമതി ചെയ്ത ആഡംബര കാറുകളില്‍ സഞ്ചരിക്കുന്നു.

ലോകത്തിലെ ഏറ്റവും സുരക്ഷിതമായ കാറുകള്‍ നിര്‍മിക്കുന്ന കമ്പനിയാണ് വോള്‍വോ. ഇന്നത്തെ കാറുകളില്‍ കാണപ്പെടുന്ന പ്രധാന സേഫ്റ്റി ഫീച്ചറുകളില്‍ ഒന്നായ സീറ്റ്‌ബെല്‍റ്റ് സംഭാവന ചെയ്തത് സ്വീഡിഷ് വാഹന നിര്‍മാതാക്കളാണ്. മലയാള സിനിമാ ലോകത്ത് ഇപ്പോള്‍ വോള്‍വോ കാറുകള്‍ക്ക് പ്രിയമേറി വരികയാണ്. ചെമ്പന്‍ വിനോദ് ജോസ്, ബി ഉണ്ണികൃഷ്ണന്‍, മേജര്‍ രവി, ആന്റണി പെരുമ്പാവൂര്‍ എന്നിവരാണ് അടുത്ത കാലത്തായി വോള്‍വോ സ്വന്തമാക്കിയ പ്രമുഖര്‍. നടനും രചയിതാവുമായ ചെമ്പന്‍ വിനോദ് ജോസും ബി ഉണ്ണികൃഷ്ണനും വോള്‍വോ XC90 എസ്‌യുവിയാണ് സ്വന്തമാക്കിയത്. അതേസമയം സംവിധായകന്‍ മേജര്‍ രവിയും നിര്‍മാതാവ് ആന്റണി പെരുമ്പാവൂരും XC 60 ആണ് വാങ്ങിയത്.

ഇന്ത്യൻ എസ്‌യുവി പ്രേമികളെ അടുത്ത വർഷം കാത്തിരിക്കുന്നത് പുത്തൻ മിഡ്-സൈസ് എസ്‌യുവികളുടെ വലിയൊരു നിരയാണ്. മാരുതി സുസുക്കി, ടാറ്റ മോട്ടോർസ്, മഹീന്ദ്ര, ടൊയോട്ട, റെനോ, നിസാൻ തുടങ്ങിയ മുൻനിര വാഹന നിർമാതാക്കളെല്ലാം അവരുടെ അടുത്ത വലിയ ലോഞ്ചുകൾക്കായുള്ള ഒരുക്കത്തിലാണിപ്പോൾ. പെട്രോൾ, ഡീസൽ, ഹൈബ്രിഡ്, ഇലക്ട്രിക് എന്നിങ്ങനെ വൈവിധ്യമാർന്ന എസ്‌യുവികളുടെ ഒരു നീണ്ടനിരതന്നെ വരും വർഷം നിരത്തിലിറങ്ങും. അണിയറയിലൊരുങ്ങുന്ന കിടിലൻ പുത്തൻ മിഡ്-എസ്‌യുവികളുടെ കൂടുതൽ വിശേഷങ്ങൾ എന്തെല്ലാമാണെന്ന് അറിയേണ്ടേ. എങ്കിൽ ഈ ലേഖനം തുടർന്ന് വായ്ച്ചോളൂ...

സമകാലിക സംഭവങ്ങളെല്ലാം തന്നെ ഇപ്പോൾ ട്രോളുകളിലൂടെയാണല്ലോ കൂടുതൽ ശ്രദ്ധ നേടുന്നത്. പുകഴ്ത്താനാണെങ്കിലും ആരെയെങ്കിലും കരിവാരി തേക്കാനും ട്രോളുകളിലൂടെ സാധിക്കും.സിനിമ രംഗത്ത് നടക്കുന്ന പല സംഭവങ്ങളും ട്രോളുകളിലുടെ ശ്രദ്ധിക്കപ്പെടാറുണ്ട്, പ്രത്യേകിച്ച് നടമാരെകുറിച്ചുളള വാർത്തകൾ. പല നടൻമാരുടേയും ഫാൻസ് അസോസിയേഷൻ അംഗങ്ങൾ മറ്റ് നടൻമാർക്കെതിരെ ട്രോളുകൾ പടച്ചു വിടുന്നത് എല്ലാവരും കാണാറുള്ളതാണല്ലോ. ഓരോ ദിവസവും ട്രെൻഡ് മാറിക്കൊണ്ടിരിക്കും. കുറച്ച് ദിവസങ്ങളായി നടൻ പൃഥ്വിരാജിനെതിരെ വ്യാപക ട്രോളുകളാണ് സോഷ്യൽ മീഡിയയിൽ വന്നുകൊണ്ടിരിക്കുന്നത്. അദ്ദേഹത്തിൻ്റെ ആദ്യകാല സിനിമകളിലെ സീനുകൾ ഉപയോഗിച്ച് ട്രോളുകയാണ്. അഭിനയിക്കാൻ അറിയില്ലെന്നും, വിദ്യാഭ്യാസമില്ലെന്നുമുളള തരത്തിലാണ് ആക്ഷേപങ്ങൾ.

ഉത്സവ സീസണിൽ ചാക്ക് നിറയെ പണം വാരുന്ന തിരക്കലാണ് രാജ്യത്തെ പ്രമുഖ വാഹന നിർമാതാക്കളെല്ലാം. ഇത്തവണത്തെ ഉത്സവകാലത്ത് രാജ്യത്തെ പാസഞ്ചർ കാർ വിപണിക്ക് നല്ല കാലമായിരുന്നു. പൊതുവേ ലഭിക്കുന്ന ഓഫറുകൾക്കും ആനുകൂല്യങ്ങൾക്കും പുറമെ ജിഎസ്ടി വിലക്കുറവ് കൂടി ലഭിച്ചതോടെ സംഗതി ഉഷാറായിട്ടുണ്ട്. നവരാത്രി മുതൽ ദീപാവലി വരെയുള്ള കാലയളവിൽ ഇന്ത്യയിലെ വാഹന വിൽപ്പനയിൽ കുത്തനെയുള്ള വർധനവുണ്ടായെന്നാണ് നിർമാതാക്കൾ പറയുന്നത്. മുൻവർഷങ്ങളെ അപേക്ഷിച്ച് 15 മുതൽ 35 ശതമാനം വരെയുള്ള ഉയർച്ചയാണ് വിൽപ്പനയിൽ സംഭവിച്ചിരിക്കുന്നത്.

നടപ്പു സാമ്പത്തിക വര്‍ഷത്തിന്റെ ആദ്യ പകുതി അവസാനിച്ചതോടെ പ്രമുഖ വാഹന നിര്‍മ്മാതാക്കള്‍ തങ്ങളുടെ വില്‍പ്പന കണക്കുകള്‍ പുറത്തുവിട്ടിരിക്കുകയാണ്. ഇതില്‍ മാരുതി സുസുക്കി ഇന്ത്യന്‍ വിപണിയില്‍ തങ്ങളുടെ ആധിപത്യം തുടരുകയാണ്. ഇന്ത്യന്‍ വാഹന വിപണിയില്‍ കഴിഞ്ഞ ആറ് മാസത്തിനിടെ ഏറ്റവും കൂടുതല്‍ വിറ്റഴിക്കപ്പെട്ട കാര്‍ മോഡലായി മാറിയിരിക്കുകയാണ് മാരുതി സുസുക്കിയുടെ സബ് കോംപാക്ട് സെഡാന്‍ മോഡല്‍ ആയ ഡിസയര്‍. 2025 ഏപ്രില്‍ മുതല്‍ സെപ്റ്റംബര്‍ വരെയുള്ള കാലയളവില്‍ 1 ലക്ഷത്തിലധികം ഡിസയറുകളാണ് മാരുതി സുസുക്കി വിറ്റത്. അതിനെ കുറിച്ച് വിശദമായി വായിക്കാം.

മൊബൈൽ ഫോൺ ഇല്ലാതെ ഇന്നത്തെ കാലത്ത് ഒരു ദിവസം തളളിനീക്കാൻ വലിയ പാടാണ്. ഒരു വീട് വയ്ക്കുമ്പോൾ ഏത് മുറിയിലാണ് റേഞ്ചുളളത്, അല്ലെങ്കിൽ പ്ലഗ് കുത്താനുള്ള സൗകര്യത്തിന് കട്ടിൽ ഇടണമെന്ന് പറയുന്നവരാണ് കൂടുതലും. അതിൽ നിന്ന് തന്നെ മനസിലാക്കാമല്ലോ ഒരു മൊബൈലിൻ്റെ പ്രാധാന്യം. തിരക്ക് കാരണം പലപ്പോഴും ഫോൺ ചാർജ് ചെയ്യാൻ മറക്കാറുണ്ട്. അങ്ങനെ വരുമ്പാൾ എല്ലാവരും കാറിൽ ചാർജ് ചെയ്യും. എന്നാൽ നിങ്ങളുടെ ഫോൺ ടൈപ്പ് സി ചാർജിങ്ങാകുകയും വാഹനത്തിൽ അതിനുള്ള സ്ലോട്ട് ഇല്ലെങ്കിൽ എന്തുചെയ്യും.

ഇന്ത്യയിലെ ഏറ്റവും കിടിലൻ ഇരുചക്ര വാഹന നിർമാതാക്കളിൽ ഒരാളാണ് സുസുക്കി. ആക്‌സസും ജിക്‌സറുമെല്ലാം കൊടുത്ത് ഇന്ത്യക്കാരെ ഫാൻസാക്കിയ കമ്പനി പക്ഷേ വിദേശ വിപണികളിൽ ആള് വേറെയാണ്. സാധാരണക്കാരന് വേണ്ടുന്ന ടൂവീലറുകൾ മുതൽ അങ്ങ് സൂപ്പർബൈക്കുകൾ വരെ നിർമിക്കുന്നതിൽ വിദഗ്ധരാണ് ഈ ജാപ്പനീസ് ബ്രാൻഡ്. ഇവിടെ ഹയാബൂസ പോലുള്ള ആഡംബര ബൈക്കുകൾക്കും നിരവധി ഫാൻസുണ്ട്. എന്നാൽ നമ്മുടെ രാജ്യത്ത് ലഭിക്കാത്ത നിരവധി കിടിലൻ മോട്ടോർസൈക്കിളുകളുടെ കമനീയ ശേഖരമാണ് സുസുക്കിക്ക് വിദേശ രാജ്യങ്ങളിലുമുള്ളത്. ഇപ്പോഴിതാ യൂറോപ്യൻ വിപണികൾക്കായി സുസുക്കി പുതിയ GSX-8R സ്പോർട്‌സ് ബൈക്ക് പുറത്തിറക്കിയിരിക്കുകയാണ്.

സ്വർണ്ണവ്യാപാരികളുടെ ഇടയിലെ പ്രധാനികളാണ് തൃശൂരെ പ്രധാന ഗഡികളായ ആലുക്കാസ് കുടുംബം. 1964-ൽ സ്ഥാപിതമായ ഈ കമ്പനി, കുടുംബ ഉടമസ്ഥതയിലുള്ള ബിസിനസിൽ നിന്ന് ഇന്ത്യയിലുടനീളമുള്ള സ്വർണ്ണം, വജ്രം, പ്ലാറ്റിനം ആഭരണ വിപണിയിലെ ഒരു പ്രധാന പങ്കാളിയായി വളർന്നു പന്തലിച്ചു. ഇതിനൊപ്പം തന്നെ തങ്ങളുടെ ഗാരേജും വളർത്തുന്നതിൽ ശ്രദ്ധയുണ്ടായിരുന്നു. ഒട്ടുമിക്ക എല്ലാ ആഡംബര വാഹനങ്ങളുടെ ആലുക്കാസ് കുടുംബത്തിൻ്റെ ഗാരേജിലുണ്ട്. എന്തിനധികം പറയുന്നു പുതിയതായി ഇറങ്ങിയ എംജിയുടെ ഇലക്ട്രിക് സ്പോർട്സ് കാറായ സൈബർസ്റ്റർ വരെ സ്വന്തമാക്കിയിട്ടുണ്ട്. ഇപ്പോഴിതാ ഗാരേജിലേക്കൊരു ആഡംബര എംപിവി കൂടി എത്തിച്ചിരിക്കുകയാണ് ജോസ് ആലുക്കാസിൻ്റെ എംഡിയായ ജോൺ ആലുക്കാസ്.

മാരുതി സുസുക്കി ഏറ്റവും പുതുതായി പുറത്തിറക്കിയ കോംപാക്ട് എസ്‌യുവിയാണ് വിക്‌ടോറിസ് (Maruti Suzuki Victoris). കുറഞ്ഞ വില മാത്രമല്ല ആകര്‍ഷകമായ ഡിസൈനും 5 സ്റ്റാര്‍ സേഫ്റ്റി റേറ്റിംഗും മികച്ച മൈലേജുമെല്ലാമാണ് ഈ മോഡലിനെ ജനപ്രിയമാക്കുന്ന കാര്യങ്ങള്‍. അത്യന്ത്യന്തം മത്സരം നിറഞ്ഞ കോംപാക്ട് എസ്‌യുവി വിഭാഗത്തില്‍ മാറ്റുരയ്ക്കുന്ന ഈ മോഡല്‍ ഇതിനോടകം 25,000-ല്‍ അധികം ബുക്കിംഗ് വാരിക്കൂട്ടിയിട്ടുണ്ട്. ഇപ്പോള്‍ പുറത്തിറങ്ങി ഒരു മാസത്തിനുള്ളില്‍ കമ്പനി എസ്‌യുവിയുടെ ചില വേരിയന്റുകളുടെ ഫീച്ചര്‍ പട്ടികയില്‍ വെട്ടിത്തിരുത്തല്‍ വരുത്തിയിരിക്കുകയാണ്. ആ സവിശേഷത ഏതാണെന്ന് നമുക്ക് നോക്കാം.

കോംപാക്‌ട് എസ്‌യുവി സെഗ്മെന്റിലെ രാജാക്കൻമാരായ മാരുതി സുസുക്കി ബ്രെസ, ടാറ്റ നെക്സോൺ എന്നിവരോട് കാലങ്ങളായി മുട്ടിനിൽക്കുന്ന മിടുക്കനാണ് ഹ്യുണ്ടായി വെന്യു. വിൽപ്പനയുടെ കാര്യത്തിൽ ഇവരെ ഓവർടേക്ക് ചെയ്യുന്നില്ലെങ്കിലും പതിനായിരക്കണക്കിന് യൂണിറ്റുകൾ വിറ്റഴിയുന്ന മാസങ്ങളുമുണ്ടെന്നതാണ് രസകരമായ കാര്യം. ഉത്സവ സീസണിൽ ഹ്യുണ്ടായിയെ നേരെ നിർത്തിയത് ക്രെറ്റയുടേയും വെന്യുവിന്റേയും വിൽപ്പനയാണ്. മോഡൽ നിരയിൽ കൃത്യമായ ഇടവേളകളിൽ പരിഷ്ക്കാരങ്ങൾ കൊണ്ടുവരുന്നതിൽ മിടുക്കരാണ് ദക്ഷിണ കൊറിയൻ വാഹന നിർമാതാക്കൾ. ദിവസങ്ങൾക്കുള്ളിൽ വെന്യുവിന്റെ ഏറ്റവും പുതിയ തലമുറ മോഡലുമായി അവതരിക്കാൻ തയാറെടുക്കുകയാണ് ഹ്യുണ്ടായി.

മലയാളത്തിലെ സീരിയൽ താരങ്ങളെയെല്ലാം പ്രേക്ഷകർക്ക് സുപരിചതമാണ്. ഏഷ്യാനെറ്റില്‍ സംപ്രേഷണം ചെയ്‌തിരുന്ന ഹിറ്റ് സീരിയലായിരുന്നു ഗീതാഗോവിന്ദം. ഇതിലൂടെ മലയാളികളുടെ മനസിൽ ചേക്കേറിയ നടിയാണ് ജോസഫൈൻ ബിന്നി സെബാസ്റ്റ്യൻ (Josephine Binny Sebastian). മുമ്പ് സീരിയൽ താരം എന്നതായിരുന്നു പദവിയെങ്കിൽ ഇപ്പോൾ ബിഗ് ബോസ് സീസൺ 7 (Bigg Boss Season 7) താരമാണ് ബിന്നി. ഏഴാം സീസൺ അവസാന ലാപ്പിലേക്ക് കടന്നുവെങ്കിലും മിനിസ്ക്രീൻ പ്രേക്ഷകർക്ക് ബിന്നിയില്ലാതെ ആ വീട് പൂർത്തിയാവില്ല. ഗെയിമുകളിലും ടാസ്കുകളിലും മികച്ച പ്രകടനം കാഴ്ച്ചവെച്ച ബിന്നി നിലപാടുകളിലും വ്യത്യസ്‌തയായിരുന്നു.

ഒന്നര മാസത്തോളമായിട്ട് രാജ്യത്തെ ഡീലർഷിപ്പുകളിലെല്ലാം തന്നെ വലിയ തിരക്കാണ് അനുഭവപ്പെടുന്നത്,ജിഎസ്ടി ഇളവും അതിനൊപ്പം തന്നെ ഉത്സവസീസണുകളുടെ ഓഫറുകൾ കൂടിയായപ്പോൾ പതിനായിര കണക്കിന് വാഹനങ്ങളാണ് പുറത്തിറങ്ങുന്നത്. ഉത്സവകാലത്തോടനുബന്ധിച്ച് പുതിയ വാഹനങ്ങൾ വീടുകളിലേക്ക് എത്തിക്കാൻ എല്ലാവർക്കും ധൃതിയായിരുന്നു. അത് കൊണ്ട് തന്നെ ജിഎസ്ടി ഇളവ് മുതൽ നവരാത്രി,ദീപാവലി വരെ ലക്ഷകണക്കിന് വാഹനങ്ങളാണ് വിറ്റു പോയതെന്നാണ് പുറത്ത് വരുന്ന കണക്കുകളിൽ നിന്ന് വ്യക്തമാകുന്നത്. ഇപ്പോഴിതാ ഹ്യുണ്ടായി തങ്ങളുടെ ജനപ്രിയ മോഡലായ വെന്യുവിന് 1.73 ലക്ഷം രൂപയുടെ ഓഫറാണ് പ്രഖ്യാപിച്ചിരിക്കുന്നത്. കൂടുതൽ വിവരങ്ങൾ അറിയാൻ തുടർന്ന് വായിക്കാൻ മറക്കരുതേ.

ഇന്ത്യൻ ഇരുചക്ര വാഹനവിപണികളിൽ എന്നും സ്റ്റാറായി തിളങ്ങിനിൽക്കുന്ന ബ്രാൻഡാണ് ഹോണ്ട. എല്ലാ തലമുറകളിൽപ്പെട്ട ആളുകളെയും ഒരേ പോലെ തൃപ്തിപ്പെടുത്താൻ ഹോണ്ടയ്ക്ക് കഴിയുന്നുണ്ട്. റേസ്സിംഗ് പ്രകടനവും നൂതന സാങ്കേതികവിദ്യയും ഒത്തുചേർക്കുന്ന ബൈക്കുകൾ ഇഷ്ടമുള്ളവർക്ക് ഹോണ്ട അവതരിപ്പിക്കുന്ന CB300R ഒരു മികച്ച ഓപ്ഷനാണ്. ഹോണ്ട CB300Rൻ്റെ കൂടുതൽ വിശേഷങ്ങളും ബ്രാൻഡ് വാഗ്ദാനം ചെയ്യുന്ന മികച്ച സവിശേഷതകളും എന്തെല്ലാമാണെന്നാണ് ഈ ലേഖനത്തിലൂടെ നിങ്ങളുമായി പങ്കുവയ്ക്കുന്നത്. നിങ്ങളൊരു ഹോണ്ട ആരാധകനാണെങ്കിൽ തീർച്ചയായും തുടർന്ന് വായിച്ചിരിക്കും. കാരണം ഹോണ്ട എന്ന ബ്രാൻഡ് അത്രമേൽ ജനപ്രീതി നേടിയിട്ടുണ്ട്.

വീടുകളിൽ ചാർജ് ചെയ്യാനുള്ള സംവിധാനങ്ങളുണ്ടെങ്കിലും ഇന്നും ഇവി വാങ്ങുമ്പോൾ രണ്ട് തവണ ചിന്തിക്കുന്നവരാണ് മലയാളികൾ. ഫുൾ ചാർജിൽ പുറത്തേക്ക് ഇറങ്ങുമ്പോഴും റേഞ്ചിനെ കുറിച്ചുള്ള ആശങ്ക എപ്പോഴും മനസിൽ കാണും. എന്നാൽ ഇനി കേരളത്തിലെവിടേയും ഇവികളുമായി ധൈര്യമായി കറങ്ങാൻ ഇറങ്ങാം. കേന്ദ്ര ഘന വ്യവസായ കേന്ദ്രത്തിൻ്റെ പദ്ധതിയിൽ കേരളത്തിൽ കെഎസ്ഇബി നോഡൽ ഏജൻസിയായി പ്രവർത്തിച്ചു കൊണ്ട് 12 അതിവേഗ ചാർജിങ്ങ് ഹബ്ബുകൾ ആരംഭിക്കുകയാണ്. 155 കോടി മുതൽ മുടക്കിലാണ് പദ്ധതി നടപ്പിലാക്കാൻ കെഎസ്ഇബി പദ്ധതി സമർപ്പിച്ചിരിക്കുന്നത്. കേരളത്തിലെ വൈദ്യുതി ബോർഡിൻ്റെ ഉടമസ്ഥതയിലുള്ള സ്ഥലങ്ങളിലായിരിക്കും ആദ്യം ഹബ്ബുകൾ ആരംഭിക്കാൻ തീരുമാനിച്ചിരിക്കുന്നത്.

എസ്‌യുവികൾ അരങ്ങുവാഴാൻ തുടങ്ങിയതോടെ സെഡാനുകൾക്ക് മാത്രമല്ല, ഹാച്ച്ബാക്ക് (Hatchback) മോഡലുകൾക്കും വിൽപ്പന കാര്യമായി കുറയാൻ തുടങ്ങിയെന്നതാണ് സത്യം. എങ്കിലും ചെറിയ വിലയിൽ കാർ എന്ന സ്വപ്‌നം യാഥാർഥ്യമാക്കണമെങ്കിൽ ഹാച്ച്ബാക്കുകൾ തന്നെ വേണം. ഇന്ത്യയിലെ ഏറ്റവും വലിയ വാഹന നിർമാതാക്കളായ മാരുതി സുസുക്കിയാണ് രാജ്യത്ത് ഏറ്റവും കൂടുതൽ ഹാച്ച് മോഡലുകൾ വിൽപ്പനയ്ക്ക് എത്തുന്നത്. ഇതിൽ ലോർഡ് ആൾട്ടോയെന്ന് (Maruti Suzuki Alto) വിളിപ്പേരുള്ള എൻട്രി ലെവൽ ഹാച്ച്ബാക്ക് ഒരു കാലത്ത് സാധാരണക്കാരുടെ കാർ എന്ന സ്വപ്നത്തെ സാക്ഷാത്ക്കരിച്ച മിടുക്കനാണ്.

ഇന്ത്യൻ എസ്‌യുവി പ്രേമികളുടെ ഹൃദയത്തിൽ സ്ഥാനം പിടിച്ചവരാണ് ടാറ്റ മോട്ടോർസ്. കിടിലൻ പെർഫോമൻസും സാങ്കേതികവിദ്യയും കാഴ്ച്ചവെക്കുന്ന കാറുകൾ വിപണിയിലിറക്കുന്നതിൽ ഇവർ എന്നും പേരുകേട്ടവരാണ്. ഇപ്പോഴിതാ വരും മാസങ്ങളിൽ നിരത്തിലിറക്കാൻ പോകുന്ന ന്യൂ-ജെൻ ടാറ്റ സിയറയുടെ വിശേഷങ്ങൾ പങ്കുവെച്ചിരിക്കുകയാണ് ബ്രാൻഡ്. ഇലക്ട്രിക്, ICE-എഞ്ചിൻ വേരിയന്റുകളിൽ വിപണിയിലെത്താൻ പോകുന്ന ഈ എസ്‌യുവി ഇന്ത്യൻ വിപണിയിൽ ഒരു തരംഗം സൃഷ്ടിക്കുമെന്നതിൽ തർക്കങ്ങളൊന്നുമില്ല. ഈ പുത്തൻ എസ്‌യുവിയുടെ കൂടുതൽ വിശേഷങ്ങൾ എന്തെല്ലാമാണെന്ന് നോക്കിയാലോ.

ഇന്ത്യയിലെ ഇലക്‌ട്രിക് കാർ വിപണി ഒറ്റയടിക്ക് തൂക്കിയ മോഡലാണ് എംജി വിൻഡ്‌സർ ഇവി. വിമാനത്തിലേത് പോലെ യാത്രാ സുഖവും കുറഞ്ഞ വിലയുമെല്ലാമായി എത്തിയ ഇലക്ട്രിക് ക്രോസ്ഓവറിനെ ഇന്ത്യക്കാർ നെഞ്ചിലേറ്റിയത് കണ്ണടച്ച് തുറക്കുന്ന വേഗത്തിലാണ്. ടാറ്റ നെക്സോൺ ഇവിയെ വരെ തൂക്കി രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന ഇവിയെന്ന പദവി അലങ്കരിക്കാനും വാഹനത്തിന് അധിക സമയമൊന്നും വേണ്ടിവന്നിരുന്നില്ല. ഓരോ മാസവുമുള്ള വിൽപ്പന കണക്കുകൾ കാണുമ്പോൾ അത് മനസിലാക്കാനും സാധിക്കും. 2025 സെപ്റ്റംബറിലും എംജി മോട്ടോർ ഇന്ത്യയുടെ ടോപ്പ് സെല്ലിംഗ് കാറായിരുന്നു വിൻഡ്‌സർ.

ഉത്സവകാലം എന്നാൽ അത് രാജ്യത്തെ വാഹന നിർമാതാക്കൾക്ക് ചാകരയാണെന്ന് എപ്പോഴും പറയാറുണ്ട്. എന്നാൽ എപ്പോഴും അത് ഫലിക്കണമെന്നില്ല, കാരണം എല്ലാ ബ്രാൻഡുകൾക്കും വിൽപ്പനയിൽ നേട്ടം കൈവരിക്കാൻ സാധിച്ചെന്ന് വരില്ല. പക്ഷേ എന്നും എപ്പോഴും ടാറ്റയുടെ വിൽപ്പന കണക്ക് കേട്ടാൽ കണ്ണുതള്ളും. നവരാത്രി മുതൽ ദീപാവലി വരെ 20 ദിവസമാണുളളത്. ഈ സമയത്തിനുളളിൽ ടാറ്റ 1 ലക്ഷം വീടുകളിലാണ് സന്തോഷം നിറച്ചത്. 33 ശതമാനം വർധനവാണ് വിൽപ്പനയിൽ ഉണ്ടായതെന്നാണ് റിപ്പോർട്ടുകൾ വ്യക്തമാക്കുന്നത്. ജിഎസ്ടി ഇളവ് ലഭിച്ചപ്പോൾ തന്നെ ബ്രാൻഡിന് നല്ല നേട്ടമായിരുന്നു, അതിനൊപ്പം ഉത്സവസീസൺ ആയപ്പോൾ നവരാത്രി മുതൽ ദീപാവലി വരെയുള്ള 20 ദിവസങ്ങൾ ബ്രാൻഡിന് അന്യായ വിൽപ്പനയാണ് ലഭിച്ചത്.

തങ്ങളുടെ സൂപ്പർബൈക്ക് (Superbike) നിരകൾക്ക് 2026 മോഡൽ ഇയർ പരിഷ്ക്കാരങ്ങൾ നൽകുന്ന തിരക്കിലാണ് ജാപ്പനീസ് ഇരുചക്ര വാഹന നിർമാതാക്കളായ കവസാക്കി (Kawasaki). ഇക്കഴിഞ്ഞ ദിവസം പുത്തൻ മാറ്റങ്ങളോടെ ടീം ഗ്രീൻ വെർസിസ് 1100 ഇന്ത്യൻ വിപണിയിൽ അവതരിപ്പിച്ചിരുന്നു. ഇപ്പോഴിതാ ഇതിന് പിന്നാലെ ഇന്ത്യയിലെ ഏറ്റവും ജനപ്രിയമായ വലിയ ബൈക്കുകളിലൊന്നായ Z900 നേക്കഡ് സൂപ്പർസ്പോർട്ടിന്റെ (2026 Kawasaki Z900) പുതിയ പതിപ്പിനെയും നമ്മുടെ രാജ്യത്തിനായി സമ്മാനിച്ചിരിക്കുകയാണ് കമ്പനി. മുൻഗാമിയേക്കാൾ കുറഞ്ഞ വിലയിലാണ് മോട്ടോർസൈക്കിളിന്റെ പുത്തൻ ആവർത്തനം എത്തിയിരിക്കുന്നത് എന്നതും ശ്രദ്ധേയമാണ്.

സെലിബ്രിറ്റികളുടെ പ്രിയപ്പെട്ട ബ്രാൻഡാണ് ബിഎംഡബ്ല്യു. ഐസിഇ എഞ്ചിനാണെങ്കിലും ഇലക്ട്രിക് മോഡലുകളാണെങ്കിലും വിൽപ്പനയുടേയും ഡിമാൻ്റിൻ്റേയും കാര്യത്തിൽ ഒട്ടും പിന്നിൽ അല്ല. മലയാളത്തിൻ്റെ പ്രിയപ്പെട്ട നായികയായി എത്തിയ സുന്ദരിയാണ് സുരഭി സന്തോഷ്. കുട്ടനാടൻ മാർപ്പാപ്പ എന്ന ചിത്രത്തിലൂടെ കുഞ്ചാക്കോയുടെ തൻ്റേടിയായ നായിക പ്രേക്ഷകരുടെ മനസിൽ പ്രത്യേക സ്ഥാനമാണ് നേടിയെടുത്തത്. ഇപ്പോഴിതാ താരത്തിൻ്റെ ജീവിതത്തിലേക്ക് ഒരു പുതിയ സന്തോഷം കൂടി എത്തിയിരിക്കുകയാണ്. ഭർത്താവ് പ്രണവ് നടിക്ക് പുത്തൻ ബിഎംഡബ്ല്യു iX1 സമ്മാനിച്ചിരിക്കുകയാണ്. പ്രണവ് തന്നെയാണ് ഇൻസ്റ്റാഗ്രാമിലൂടെ ഭാര്യക്ക് സമ്മാനിക്കുന്ന വീഡിയോ പങ്കുവച്ചത്.

ഇലക്ട്രിക് സ്‌കൂട്ടറുകളെ പോലെ തന്നെ ഇന്ത്യയിൽ ഇലക്ട്രിക് ബൈക്കുകളുടെ ഡിമാന്റും ഏറി വരികയാണ്. അൾട്രാവയലറ്റ് പോലുള്ള വമ്പൻ കമ്പനികൾ കൂടുതൽ സജീവമായതോടെയാണ് ഈ സെഗ്മെന്റ് ഇത്രയും വളരാൻ കാരണമായിരിക്കുന്നത്. അടുത്തിടെ കമ്പനി ഒരു പുത്തന്‍ ഓള്‍ ഇലക്ട്രിക് അഡ്വഞ്ചര്‍ ടൂറര്‍ മോട്ടോര്‍സൈക്കിളിനും രൂപം കൊടുത്തിരുന്നു. അള്‍ട്രാവയലറ്റ് X47 എന്ന് പേരിട്ടിരിക്കുന്ന ക്രോസ്ഓവര്‍ ഇലക്ട്രിക് അഡ്വഞ്ചര്‍ ടൂറിംഗ് ബൈക്കിന് 2.49 ലക്ഷം രൂപയാണ് എക്സ്ഷോറൂം വിലയായി മുടക്കേണ്ടി വരുന്നത്. എന്നാൽ ആദ്യത്തെ 1,000 പേർക്ക് മാത്രമാണ് കമ്പനി ഈ വിലയിൽ ബൈക്ക് വിൽക്കാൻ തീരുമാനിച്ചത് കേട്ടോ.

ഉത്സവ സീസണുകളിൽ ജീവനക്കാർക്ക് ബോണസ് നൽകുന്ന പതിവ് പല കമ്പനികളിലുമുണ്ട്. എന്നാൽ ആത്മാർത്ഥമായി ജോലി ചെയ്യുകയും, ജോലി ചെയ്യുന്ന സ്ഥാപനം സ്വന്തം പോലെ കരുതുന്ന നിരവധി ജീവനക്കാരുണ്ട്. എന്നാൽ അവർക്ക് വെറും പുല്ലുവില നൽകുന്ന മുതലാളിമാർ അവർക്ക് ആവശ്യമായ ബോണസോ, ശമ്പള വർധനവോ നൽകാറില്ല. പലരും ജോലിക്കാരുടെ സാഹചര്യം മുതലെടുക്കുകയാണ്. തങ്ങളാൽ കഴിയുന്ന രീതിയിൽ ജീവനക്കാർ പ്രതിഷേധിക്കുമ്പോഴായിരിക്കും പല മുതലാളിമാർക്കും ബോധോദയം ഉണ്ടാകുന്നത്. ഇപ്പോഴിതാ ജനശ്രദ്ധ പിടിച്ചു പറ്റിയ ഒരു പ്രതിഷേധം എങ്ങും വൈറലായിരിക്കുകയാണ്. യു.പിയിലാണ് സംഭവം. ബോണസ് നൽകാത്തതിൽ പ്രതിഷേധിച്ച് ടോൾ ബൂത്ത് തുറന്ന് ഇടുകയും 5000 വാഹനങ്ങൾ ഫ്രീയായി കടന്നു പോകുകയും ചെയ്തു.

ആവേശത്തോടെ കാര്‍ ഡ്രൈവ് ചെയ്ത് പോകാന്‍ ആഗ്രഹമുണ്ടെങ്കിലും ഡ്രൈവിംഗിലുള്ള പരിചയക്കുറവും ട്രാഫിക്, കയറ്റങ്ങളില്‍ നിര്‍ത്തി എടുക്കേണ്ടി വരുന്ന സാഹചര്യങ്ങള്‍ എന്നിവ വെല്ലുവിളിയാകുന്നത് കാരണം അതില്‍നിന്നും മാറി നില്‍ക്കുന്ന ഒരാളാണോ നിങ്ങള്‍?. എങ്കില്‍ ഇനി അതോര്‍ത്ത് വേവലാതിപ്പെടേണ്ട കാര്യമില്ല. ഇവിടെയാണ് ഹില്‍-ഹോള്‍ഡ് അസിസ്റ്റ് ഒരു ഗെയിം-ചേഞ്ചറായി മാറുന്നത്. കയറ്റങ്ങളിലും ചരിവുകളിലും വാഹനമോടിക്കുന്നത് കൂടുതല്‍ സുരക്ഷിതമാക്കുന്ന ഒരു സേഫ്റ്റി ഫീച്ചറാണ് ഹില്‍-ഹോള്‍ഡ് അസിസ്റ്റ്. ഒരുകാലത്ത് പ്രീമിയം കാറുകളില്‍ മാത്രം ലഭ്യമായിരുന്ന ഈ സുരക്ഷാ സവിശേഷത ഇപ്പോള്‍ ബജറ്റ് വിലയുള്ള കാറുകളിലേക്കും വ്യാപിച്ചിട്ടുണ്ട്.