ക്വിഡിലൂടെയും ഡസ്റ്ററിലൂടെയും ഇന്ത്യക്കാരുടെ മനസിൽ ഇടംപിടിച്ചവരാണ് ഫ്രഞ്ച് വാഹന നിര്‍മാതാക്കളായ റെനോ. ഇന്ത്യന്‍ വിപണിയില്‍ കോംപാക്‌ട് എസ്‌യുവികൾക്കുള്ള ആവശ്യം ഏറുന്നത് മനസിലാക്കിയ കമ്പനി 2021-ൽ കൈഗർ എന്നൊരു അത്യുഗ്രൻ മോഡലിന് രൂപം കൊടുക്കുകയുണ്ടായി. ക്വിഡിന്റെ എസ്‌യുവി ടൈപ്പ് എന്ന് പലരും കളിയാക്കിയെങ്കിലും സാധാരണക്കാരുടെ എല്ലാ ആവശ്യങ്ങളും നിറവേറ്റാൻ കഴിയുന്ന മിടുക്കനായിരുന്നു കൈഗർ. താങ്ങാനാവുന്ന വില, അകത്ത് നല്ല സ്പേസ്, മോഡേൺ ഫീച്ചറുകൾ, തരക്കേടില്ലാത്ത സേഫ്റ്റി അങ്ങനെയെല്ലാം ഇവനിലുണ്ടായിരുന്നു. അതിനാൽ വിശ്വസിച്ച് റെനോയുടെ കുട്ടികൊമ്പനെ സ്വന്തമാക്കുകയും ചെയ്‌തു.

എൻട്രി ലെവൽ വാഹനമാണെങ്കിലും ആഡംബര വാഹനങ്ങളുടെ കാര്യത്തിലാണെങ്കിലും സേഫ്റ്റിയുടെ കാര്യത്തിൽ ഉപഭോക്താക്കൾ ഒരു വിട്ടുവീഴ്ച്ചയും വരുത്താറില്ല എന്നതാണ് ഇപ്പോഴത്തെ അവസ്ഥ. അത് കൊണ്ട് തന്നെ തങ്ങളുടെ വാഹനങ്ങളുടെ സുരക്ഷ വർധിപ്പിക്കേണ്ടി വന്നിരിക്കുകയാണ് ഒട്ടുമിക്ക ബ്രാൻഡുകൾക്കും. അത് കൊണ്ട് തന്നെ യുറോ എൻക്യാപിലും ഭാരത് എൻക്യാപിലും നിരവധി വാഹനങ്ങൾ പരീക്ഷിക്കുന്നത്. അങ്ങനെ ഇപ്പോൾ യുറോ എൻക്യാപിൽ 2025 ഔഡി Q3 ഹാച്ച്ബാക്ക് ഫൈവ്സ്റ്റാർ സ്വന്തമാക്കിയിരിക്കുകയാണ്. ഇന്ത്യയിലേക്ക് അടുത്ത വർഷം വരാനിരിക്കുന്ന മോഡലിൻ്റെ ആഡംബര ഹാച്ച്ബാക്ക് മോഡലിൻ്റെ വിശദമായ ക്രാഷ് ടെസ്റ്റിൻ്റെ വിവരങ്ങൾ അറിയാൻ തുടർന്ന് വായിക്കാൻ മറക്കരുതേ.

മാരുതി സുസുക്കിക്ക് സമീപകാലത്ത് ലഭിച്ച സര്‍പ്രൈസ് ഹിറ്റുകളില്‍ ഒന്നാണ് ഫ്രോങ്ക്‌സ് (Maruti Fronx). 2023 ഓട്ടോ എക്‌സ്‌പോയില്‍ വമ്പന്‍ ഹൈപ്പുമായി എത്തിയ ജിംനി 5-ഡോറിനൊപ്പമായിരുന്നു ബലേനോ പ്രീമിയം ഹാച്ച്ബാക്കിനെ അടിസ്ഥാനമാക്കിയുള്ള ക്രോസ്ഓവര്‍ എസ്‌യുവിയുടെ അരങ്ങേറ്റം. ജിംനി 5-ഡോറിന് പ്രതീക്ഷ കാക്കാനായില്ലെങ്കിലും ഫ്രോങ്ക്‌സ് വന്‍ വിജയമായി. വെറും 10 മാസം കൊണ്ട് 1 ലക്ഷം യൂണിറ്റ് വില്‍പ്പന നാഴികക്കല്ല് താണ്ടിയ ഫ്രോങ്ക്‌സ് വെറും 28 മാസം കൊണ്ട് 5 ലക്ഷം യൂണിറ്റ് വില്‍പ്പന നേടി. 2024-2025 സാമ്പത്തിക വര്‍ഷം ഏറ്റവും കൂടുതല്‍ കയറ്റി അയക്കപ്പെട്ട മാരുതി സുസുക്കി കാറും ഫ്രോങ്ക്‌സ് ആയിരുന്നു.

ഇന്ത്യയില്‍ ഏറ്റവും കൂടുതല്‍ കാറുകള്‍ വിറ്റഴിക്കപ്പെടുന്ന സമയമാണ് ഉത്സവകാലം. ദീപാവലി സമയത്ത് പുത്തന്‍ വാഹനം വീട്ടിലെത്തിക്കുന്നത് ഐശ്വര്യമായി കണക്കാക്കപ്പെടുന്നതിനാല്‍ മാസ് മാര്‍ക്കറ്റ് കാറുകള്‍, ലക്ഷ്വറി കാറുകള്‍ എന്ന വ്യത്യാസമില്ലാതെ കച്ചവടം പൊടിപൊടിക്കും. എല്ലാ വര്‍ഷവും സാധാരണക്കാരെ പോലെ സെലിബ്രിറ്റികളും ദീപാവലി സമയത്ത് കാറുകള്‍ വാങ്ങാറുണ്ട്. കഴിഞ്ഞ ദിവസമാണ് ഇന്ത്യയിലെ ഏറ്റവും കൂടുതല്‍ പ്രതിഫലം പറ്റുന്ന സീരിയല്‍ നടിമാരില്‍ ഒരാളായ നിയ ശര്‍മ പുതിയ മെര്‍സിഡീസ് AMG CLE 53 കൂപ്പെ സ്വന്തമാക്കിയത്. ഇപ്പോള്‍ ബോളിവുഡിലെ ബഹുമുഖ പ്രതിഭകളില്‍ ഒരാളായ ഫര്‍ഹാന്‍ അക്തര്‍ ദീപാവലിക്ക് കോടികള്‍ വിലമതിക്കുന്ന മെര്‍സിഡീസ് കാര്‍ ഗരാജിലെത്തിച്ചു.

ഇന്ത്യയിലെ റെട്രോ ക്ലാസിക് മോട്ടോർസൈക്കിൾ വിഭാഗത്തിൽ റോയൽ എൻഫീൽഡും ഹോണ്ടയും ജാവയുമെല്ലാം അരങ്ങ് തകർക്കുമ്പോൾ എല്ലാം ഗ്യാലറിയിൽ ഇരുന്ന് കാണുന്നവരാണ് ജാപ്പനീസ് ഇരുചക്ര വാഹന നിർമാതാക്കളായ യമഹ. പണ്ട് RX100 പോലുള്ള തട്ടുപൊളിപ്പൻ ബൈക്കുകളിലൂടെ രാജ്യംവെട്ടിപ്പിടിച്ച കമ്പനി ഇപ്പോൾ ചെറുപ്പക്കാരെ മാത്രം ഉന്നംവെച്ച് പറന്നുയരുന്ന ബ്രാൻഡായി മാറിയിട്ടുണ്ട്. R15, MT-15, FZ പോലുള്ള മിടുക്കൻ മോഡലുകളാണ് കമ്പനിയുടെ പ്രധാന ആയുധങ്ങൾ. എന്നാൽ അധികം വൈകാതെ യമഹ പുത്തൊരു അസ്ത്രത്തെ ആവനാഴിയിലേക്ക് കൂട്ടിച്ചേർക്കാൻ ഒരുങ്ങുകയാണ്.

ദൈനംദിന ആവശ്യങ്ങൾക്കും ദൂര യാത്രകൾക്കും വേണ്ടി ഒരു കാർ സ്വന്തം വീട്ടുമുറ്റത്ത് വേണമെന്ന് ആഗ്രഹിക്കാത്ത സാധാരണക്കാരൻ ഉണ്ടാകില്ല. എന്നാൽ ആഗ്രഹിച്ച്കാർ വാങ്ങുകയാണെങ്കിൽ പെർഫോമൻസ് പോലെ തന്നെ അതിൻ്റെ സുരക്ഷാ സവിശേഷതകളും മികച്ചു നിൽക്കുമോ എന്നത് പലർക്കും ഉണ്ടാകുന്ന സംശയമാണ്. അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റം പോലുള്ള സംവിധാനങ്ങൾ കിട്ടിയാൽ ആളുകൾക്ക് അത്രയും സന്തോഷം. ഇന്ന് 10 ലക്ഷം ബജറ്റുണ്ടെങ്കിൽ വരെ ഇത്തരം മോഡലുകൾ വാങ്ങിക്കാനാവും. ADAS ലഭിക്കുന്ന ചെറിയ വിലയുള്ള മോഡലുകൾ ഏതെല്ലാമെന്ന് പരിചയപ്പെടുത്താം.

ഇന്ത്യയിലെ ഇരുചക്ര വാഹന വിപണിയിലെ പ്രശസ്‌ത ബ്രാൻഡാണ് ഹോണ്ട. നല്ല അടിപൊളി എഞ്ചിനും താങ്ങാനാവുന്ന വിലയുമുള്ള ബൈക്കുകളും സ്‌കൂട്ടറുകളുമെല്ലാം നമുക്ക് തന്ന് വളർന്ന കമ്പനി കൃത്യമായ ഇടവേളകളിൽ തങ്ങളുടെ മോഡൽ നിരയെ വിപുലീകരിക്കാറുണ്ട്. ആഭ്യന്തര വിപണിയിലേത് പോലെ വിദേശത്തും കമ്പനി സജീവമാണ്. 2026 മോഡൽ വർഷത്തേക്കുള്ള ഹോണ്ട റെബൽ 500 ക്രൂയിസറിനെ പുതിയ കളർ ഓപ്ഷനുകളോടെ പുതുക്കി അവതരിപ്പിച്ചിരിക്കുകയാണ് ബ്രാൻഡ് ഇപ്പോൾ. എന്നാൽ ഇന്ത്യയിലെ റോയൽ എൻഫീൽഡുകൾക്ക് ഭീഷണിയില്ലെന്നതാണ് രസകരമായ കാര്യം. അതായത് വിദേശ വിപണികൾക്കായാണ് ക്രൂയിസർ ബൈക്ക് പുതുക്കിയിരിക്കുന്നത്.

ഇന്ത്യയില്‍ വാഹന വില്‍പ്പന അതിന്റെ ഉന്നതിയില്‍ എത്തുന്ന സമയമാണ് ഉത്സവ സീസണ്‍. വിപണിയുടെ പരമാവധി ശേഷി നമുക്ക് ഈ കാലയളവില്‍ കാണാം. സാധാരണയായി ഉത്സവ സീസണുകളില്‍ വാഹന വില്‍പ്പനയില്‍ വലിയ വര്‍ധനവ് ഉണ്ടാകാറുണ്ട്. ഈ ദീപാവലിക്ക് ഇന്ത്യയിലുടനീളം റെക്കോര്‍ഡ് വില്‍പ്പനയാണ് രേഖപ്പെടുത്തിയിരിക്കുന്നതെന്ന് പ്രമുഖ വാഹന നിര്‍മ്മാതാക്കള്‍ അറിയിച്ചു. ദീപാവലി (Diwali 2025) ലക്ഷ്യമിട്ട് നിരവധിയാളുകള്‍ പുതിയ വാഹനങ്ങള്‍ വാങ്ങുകയും നിലവില്‍ അവയുടെ ഡെലിവറികള്‍ നടന്നുവരികയാണെന്നും കമ്പനികള്‍ കൂട്ടിച്ചേര്‍ത്തു. ഉത്സവ സീസണില്‍ ഉപഭോക്താക്കളെ ആകര്‍ഷിക്കാനായി കമ്പനികള്‍ സാധാരണയായി നല്‍കി വരുന്ന ഓഫറുകള്‍ക്ക് പുറമെ ചരക്കുസേവന നികുതി (ജിഎസ്ടി) കുറച്ചതും വില്‍പ്പനക്ക് ഉത്തേജനമേകി.

ഇന്ത്യൻ വാഹന പ്രേമികൾക്ക് ഏറെയിഷ്‌ടമുള്ള ബ്രാൻഡാണ് ടൊയോട്ട (Toyota). ഇന്നോവ, ഫോച്യൂണർ, ലാൻഡ് ക്രൂയിസർ തുടങ്ങിയ വമ്പൻമാരോട് ആരാധനയില്ലാത്ത വണ്ടിഭ്രാന്തൻമാർ ഉണ്ടോയെന്ന് വരെ സംശയിക്കേണ്ടിയിരിക്കുന്നു. ടൊയോട്ട ആരാധകര്‍ ഏറെ നാളായി കാത്തിരിക്കുന്ന മോഡലാണ് ബേബി ഫോർച്യൂണർ അല്ലെങ്കിൽ ബേബി ലാന്‍ഡ് ക്രൂയിസര്‍. ഏറെ നാളത്തെ കാത്തിരിപ്പുകൾക്കൊടുവിൽ വാഹനം അവതാരപ്പിറവിയെടുത്തിരിക്കുകയാണ് ഇപ്പോൾ. 2025 ജപ്പാൻ മൊബിലിറ്റി ഷോയിലാണ് കമ്പനി കുഞ്ഞൻ ലാൻഡ് ക്രൂയിസറിനെ പ്രദർശിപ്പിച്ചിരിക്കുന്നത്. FJ ക്രൂയിസർ (2026 Toyota FJ Cruiser) എന്നാണ് എസ്‌യുവിക്ക് കമ്പനി പേരിട്ടിരിക്കുന്നത്.

ലോകത്തിലെ തന്നെ ഏറ്റവും കേളികേട്ട ലൈഫ്‌സ്‌റ്റൈല്‍ എസ്‌യുവികളില്‍ ഒന്നാണ് സുസുക്കി ജിംനി . നവീകരിച്ച ഇന്‍സ്ട്രുമെന്റ് ക്ലസ്റ്ററുകളും ടോപ്പ് വേരിയന്റുകളില്‍ 9 ഇഞ്ച് ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റവും ഉള്‍പ്പെടെ നിരവധി മാറ്റങ്ങളോടെ 2026 സുസുക്കി ജിംനി (2026 Suzuki Jimny SUV) അരങ്ങേറ്റം കുറിച്ചിരിക്കുന്നത്. ഈ അപ്‌ഡേറ്റുകള്‍ സുസുക്കി ജിംനി എസ്‌യുവിയെ ഓഫ്-റോഡ് വാഹന പ്രേമികൾക്കിടയിൽ കൂടുതല്‍ ആകര്‍ഷകമാക്കുന്നു. ഓഫ്‌റോഡര്‍ എസ്‌യുവിയെ മുന്‍ മോഡലില്‍ നിന്ന് വ്യത്യാസപ്പെടുത്തുന്ന അപ്‌ഡേറ്റുകളെ കുറിച്ചും അതിന്റെ വിലയെ കുറിച്ചും ചുവടെ വിശദമായി വായിക്കാം.

മിഡ്-സൈസ് എസ്‌യുവി വിഭാഗത്തിൽ മാരുതി സുസുക്കിയുടെ തലവര മാറ്റാനെത്തിയ മിടുക്കനാണ് വിക്ടോറിസ്. ഗ്രാൻഡ് വിറ്റാരയ്ക്ക് ശേഷം ഇതേ വിഭാഗത്തിലെത്തുന്ന ബ്രാൻഡിന്റെ രണ്ടാമത്തെ മോഡൽ കൂടിയാണിത് എങ്കിലും വിറ്റാരയുമായി യാതൊരു വിധ സാമ്യവുമില്ലെന്നതാണ് സത്യം. അതുകൊണ്ട് തന്നെ വിക്ടോറിസിനെ ആളുകൾക്ക് പെരുത്തിഷ്‌ടായിട്ടുണ്ട്. ആദ്യ മാസത്തിൽ തന്നെ 5,000 യൂണിറ്റുകൾക്കടുത്ത് സ്വന്തമാക്കി വാഹനം തുടക്കം ഗംഭീരമാക്കുകയും ചെയ്‌തു. കഴിഞ്ഞ മാസം അവസാനത്തോടെയാണ് ഡെലിവറി ആരംഭിച്ചത് എന്നതും പ്രത്യേകം പറയേണ്ട സംഗതിയാണ്. ചുരുങ്ങിയ ആഴ്ച്ചകള്‍ക്കുള്ളില്‍ 25,000-ല്‍ അധികം ബുക്കിംഗുകള്‍ നേടാനും മാരുതി സുസുക്കി വിക്ടോറിസിന് സാധിച്ചിരുന്നു കേട്ടോ.

ദീപാവലിയോട് അനുബന്ധിച്ച് കമ്പനികള്‍ തങ്ങളുടെ ജീവനക്കാര്‍ക്ക് ബോണസുകളും സമ്മാനങ്ങളും നല്‍കുന്നത് പതിവാണ്. കഴിഞ്ഞ കുറച്ച് ദിവസമായി ചില കമ്പനികള്‍ തങ്ങളുടെ ജീവനക്കാര്‍ക്ക് ആര്‍ഭാടമായി ദീപാവലി സമ്മാനങ്ങള്‍ നല്‍കുന്നതിന്റെ റീല്‍സ് വീഡിയോകള്‍ സോഷ്യല്‍ മീഡിയയില്‍ വൈറലായിരുന്നു. ചിലര്‍ വെറും ദീപാവലി മധുരത്തില്‍ ഒതുക്കിയപ്പോള്‍ അത് പോലും ലഭിക്കാത്ത കമ്പനിയിലെ ജീവനക്കാര്‍ ഈ റീല്‍സുകള്‍ പരസ്പരം അയച്ച് സങ്കടം പറഞ്ഞു. 1 രൂപയോ എന്തിന് സോന പപ്പ്ഡി പോലും ദീപാവലിക്ക് ഗിഫ്റ്റായി ലഭിക്കാത്ത ജീവനക്കാര്‍ക്ക് സങ്കടം ഇരട്ടിയാക്കുന്ന ഒരു കാര്യമാണ് ഇനി പറയാന്‍ പോകുന്നത്.

കിടിലൻ പെർഫോമൻസിനോടൊപ്പം മികച്ച സവിശേഷതകൾ നിറഞ്ഞ കാറുകൾ നിരത്തിലിറക്കുന്നതിൽ കേമൻമാരാണ് മഹീന്ദ്ര. ഈയിടെ ഇൻ്റർനെറ്റിൽ വൈറലായ ഒരു മഹീന്ദ്ര എസ്‌യുവിയുടെ സ്പൈ ഷോട്ടുകൾ നിങ്ങളുടെ കണ്ണിലുടക്കിയിട്ടുണ്ടാകും. ഇത് മഹീന്ദ്ര തങ്ങളുടെ വീരപുത്രനായ സ്കോർപിയോ എൻ പുറത്തിറക്കാൻ പോകുന്നു എന്നതിനുള്ള സൂചനയാണ്. 2026 തുടക്കത്തിൽ സ്കോർപിയോ N-ൻ്റെ ഫെയ്‌സ്‌ലിഫ്റ്റ് പുറത്തിറങ്ങുമെന്നാണ് നമുക്ക് പ്രതീക്ഷിക്കാൻ കഴിയുന്നത്. ഈ വാർത്തയുടെ കൂടുതൽ വിവരങ്ങളറിയാൻ ലേഖനം തുടർന്ന് വായിക്കാൻ മറക്കരുതേ. മഹീന്ദ്ര സ്കോർപിയോ എൻ കൂടുതൽ പ്രീമിയം ഡിസൈനിൽ അവതരിപ്പിക്കുമെന്നാണ് പ്രതീക്ഷിക്കുന്നത്.

സ്പീഡിൽ പോകാൻ ഇഷ്ടമില്ലാത്തവരായി ആരും തന്നെ കാണില്ല, എന്നാൽ നമ്മുടെ റോഡുകളിൽ വ്യക്തമായ വേഗപരിധികളുണ്ട്. അത് കൊണ്ട് തന്നെ പലപ്പോഴും ആക്സിലറേറ്ററിൽ കാൽ അമർത്തണമെന്ന് വിചാരിച്ചാലും പറ്റിയെന്ന് വരില്ല. Kia Seltos GT‑Line‑ന്റെ ഡിസൈൻ തന്നെ ഏറ്റവും ശ്രദ്ധയാകർഷിക്കുന്നത്. റെഡ് ആക്സന്റുകളോട് കൂടിയ ടൈഗർ നോസ് ഗ്രിൽ, ക്രിസ്റ്റൽ‑കട്ട് അലോയ് വീൽസ്, സ്പോർട്ടിയൻ ബമ്പർ ഡിസൈൻ എന്നിവ കാറിന് ആഗ്രസീവ് ലുക്ക് നൽകുന്നു.

കേന്ദ്ര സര്‍ക്കാര്‍ ചെറുകാറുകളുടെ ജിഎസ്ടി 28 ശതമാനത്തില്‍ നിന്ന് 18 ശതമാനമാക്കി കുറച്ചതിന്റെ ഫലമായി മാരുതി സുസുക്കിയുടെ ഒട്ടുമിക്ക മോഡലുകളുടെയും വില കുറഞ്ഞു. ജിഎസ്ടി കട്ടിന്റെ ഫലമായി ഇന്ത്യയിലെ ഏറ്റവും താങ്ങാനാവുന്ന വിലയുള്ള കാര്‍ എന്ന സ്ഥാനം മാരുതി ആള്‍ട്ടോ K10 ഹാച്ച്ബാക്കിന് നഷ്ടപ്പെട്ടു. ആള്‍ട്ടോയേക്കാള്‍ 20,000 രൂപ കുറഞ്ഞ വിലയില്‍ വില്‍പ്പനക്കെത്തുന്ന മാരുതി എസ്-പ്രെസോ ഇപ്പോള്‍ ആ സ്ഥാനം കൈയ്യടക്കി. മാരുതി എസ്-പ്രെസോയുടെ എല്ലാ വേരിയന്റുകള്‍ക്കും ആള്‍ട്ടോയുടെ അനുബന്ധ വേരിയന്റുകളേക്കാള്‍ 20,000 രൂപ കുറച്ച് കൊടുത്താല്‍ മതി.

അഡ്വഞ്ചർ മോട്ടോർസൈക്കിളുകൾ എന്ന് കേൾക്കുമ്പോഴേ നമ്മുടെയെല്ലാം മനസിലേക്ക് ആദ്യം ഓടിയെത്തുന്ന പേര് റോയൽ എൻഫീൽഡ് ഹിമാലയൻ അല്ലെങ്കിൽ ഹീറോ എക്‌സ്‌പൾസ് ഏറിപ്പോയാൽ കെടിഎം അഡ്വഞ്ചർ സീരീസ് എന്നിവയായിരിക്കും അല്ലേ. എന്നാൽ ഇനി മുതൽ ടിവിഎസിന്റെ പേര് കൂടി സാഹസ പ്രേമികൾ ഓർക്കുമെന്ന് പറയാം. അതിന് കാരണം കമ്പനി ഇന്നലെ പുറത്തിറക്കിയ അഡാറ് അപ്പാച്ചെ RTX 300 മോഡൽ തന്നെയാണ്. നല്ല പ്രൈസിംഗിൽ പുറത്തിറക്കിയ 300 സിസി അഡ്വഞ്ചർ ബൈക്ക് ഇതിനോടകം തന്നെ ചർച്ചാവിഷയം ആയിട്ടുണ്ട്.

ദീപാവലിക്ക് പുതിയ വാഹനം വാങ്ങുക എന്നത് പലരുടേയും ആഗ്രഹമാണ്. ദീപാവലിയാകുമ്പോൾ പടക്കങ്ങളുമൊക്കെയായി എങ്ങും ശബ്ദകോലാഹലമായിരിക്കും, പക്ഷേ നിങ്ങളുടെ വാഹനം സൈലൻ്റാണെങ്കിലോ. ഈ ദീപാവലിക്ക് നിങ്ങളൊരു ഇവി പടക്കം അങ്ങ് പൊട്ടിച്ചാൽ അടിപൊളിയായിരിക്കും. ഈ ഉത്സവകാലത്ത് നിങ്ങൾക്ക് സ്വന്തമാക്കാൻ കഴിയുന്ന മികച്ച ഇലക്ട്രിക് വാഹനങ്ങൾ ഏതൊക്കെ ആണെന്ന് നോക്കിയാലോ. ലക്ഷങ്ങൾ വിലയുള്ള സ്പോർട്സ് കാറായ എംജി സൈബർസ്റ്റർ മുതൽ ഏഥറിൻ്റെ ഇവി സ്കൂട്ടർ വരെയുണ്ട് ലിസ്റ്റിൽ. 140mm ഗ്രൗണ്ട് ക്ലിയറന്‍സുള്ള ലോ പ്രൊഫൈലുമായി വരുന്ന എംജി സൈബര്‍സ്റ്ററിന്റെ മുന്‍വശത്ത്, ബൈ-ഫങ്ഷണല്‍ എല്‍ഇഡി പ്രൊജക്ടറുകളും, ഡിആര്‍എല്ലുകളും, ഫ്രണ്ട് സ്പ്ലിറ്ററും, ഗ്രില്ലില്‍ സ്ഥാപിച്ചിട്ടുള്ള എംജി ലോഗോയും ഉണ്ട്.

ഇന്ത്യന്‍ വിപണിയില്‍ ഇപ്പോള്‍ മള്‍ട്ടി പര്‍പ്പസ് വാഹനങ്ങള്‍ക്ക് (എംപിവി) ഡിമാന്‍ഡ് കൂടുതലാണ്. കൂടുതല്‍ അംഗങ്ങളുള്ള കുടുംബങ്ങള്‍ക്ക് സൗകര്യപ്രദമായ രീതിയില്‍ യാത്രകള്‍ പോകാന്‍ ഈ ബോഡിസ്‌റ്റൈലിലുള്ള വാഹനങ്ങള്‍ അനുയോജ്യമാണ്. നിലവില്‍ ഈ വിഭാഗത്തില്‍ ഏറ്റവും കൂടുതല്‍ വില്‍പ്പനയുള്ള മോഡലാണ് മാരുതി സുസുക്കി എര്‍ട്ടിഗ. ഈ മാരുതി എംപിവി ടൊയോട്ട റീബാഡ്ജ് ചെയ്ത് റൂമിയോണ്‍ എന്ന പേരില്‍ വില്‍ക്കുന്നു. ജാപ്പനീസ് ബ്രാന്‍ഡുകളായ സുസുക്കിയും ടൊയോട്ടയും തമ്മിലുള്ള ആഗോള പങ്കാളിത്തത്തിന്റെ ഭാഗമായി കാറുകളും സാങ്കേതികവിദ്യയും കൈമാറ്റം ചെയ്യുന്നുണ്ട്. അതിന്റെ ഭാഗമായി ടൊയോട്ട റീബാഡ്ജ് ചെയ്ത മാരുതി കാറുകളില്‍ ഒന്നാണ് റൂമിയോണ്‍.

ഉത്സവസീസൺ എന്നാൽ വാഹന നിർമാതാക്കളെ സംബന്ധിച്ച് ചാകരയാണ്. അത് അക്ഷരാർത്ഥത്തിൽ ഇത്തവണ തെളിയിച്ചിരിക്കുകയാണ്. കാരണം 24 മണിക്കൂർ കൊണ്ട് വിവിധ ബ്രാൻഡുകൾ 1 ലക്ഷം യൂണിറ്റുകളാണ് വിറ്റിരിക്കുന്നത്. ഉത്സവ സീസൺ ആയത് കൊണ്ടും ജിഎസ്ടിയിൽ വന്നിരിക്കുന്ന ഇളവും കാരണം എല്ലാ ബ്രാൻഡുകളുടേയും വിവിധ മോഡലുകൾക്ക് നല്ല വിൽപ്പനയാണ് നേടുന്നത്. കണക്കുകളിൽ നിന്ന് വ്യക്തമാകുന്നത്, ഒറ്റ ദിവസം കൊണ്ട് പതിനായിരം കോടിയുടെ വിറ്റുവരവാണ് ഓട്ടോമോട്ടീവ് വിപണിയിൽ സംഭവിച്ചിരിക്കുന്നത്. മാരുതി, ഹ്യുണ്ടായി,ടാറ്റ എന്നീ ബ്രാൻഡുകളെല്ലാം തന്നെ വലിയ രീതിയിൽ വിൽപ്പന നടത്തിയിട്ടുണ്ട്.

രാജ്യം മൊത്തം ഇന്ന് ദീപാവലി ആഘോഷിക്കുകയാണ്. വടക്കേ ഇന്ത്യയിലെയും അയല്‍ സംസ്ഥാനമായ തമിഴ്നാട്ടിലെയും അത്ര വിപുലമായി കേരളത്തില്‍ ആഘോഷങ്ങള്‍ ഇല്ലെങ്കിലും അതിര്‍ത്തി ജില്ലകളില്‍ വളരെ വിപുലമായ രീതിയിലാണ് ദീപാവലി കൊണ്ടാടുന്നത്. പുതുവസ്ത്രങ്ങള്‍ അണിഞ്ഞും പടക്കങ്ങള്‍ പൊട്ടിച്ചും ദീപാവലി കെങ്കേമമാക്കുന്നു. ഈ സമയങ്ങളില്‍ റോഡരികില്‍ പാര്‍ക്ക് ചെയ്യുന്ന വാഹനങ്ങള്‍ക്ക് പടക്കം പൊട്ടിക്കുന്നത് വഴി കേടുപാടുകള്‍ സംഭവിക്കാതിരിക്കാന്‍ ചില മുന്‍കരുതലുകള്‍ എടുക്കുന്നത് നല്ലതാണ്. കേരളത്തില്‍ പടക്കം പൊട്ടിക്കുന്നതിന് സര്‍ക്കാര്‍ പ്രത്യേക സമയം നിഷ്‌കര്‍ഷിച്ചിട്ടുണ്ട്. എന്നിരുന്നാലും ദീപാവലി സമയത്ത് പടക്കങ്ങളില്‍ നിന്ന് വാഹനങ്ങളെ എങ്ങനെ സംരക്ഷിക്കാമെന്ന് നോക്കാം.

ഇന്ത്യയിലെ അഡ്വഞ്ചർ മോട്ടോർസൈക്കിൾ വിഭാഗത്തിലേക്ക് ഇടിവെട്ട് മോഡലുമായി എത്തിയിരിക്കുകയാണ് ടിവിഎസ്. അപ്പാച്ചെ RTX 300 ഇതിനോടകം തന്നെ സോഷ്യൽ മീഡിയകളിലെല്ലാം നിറഞ്ഞു നിൽക്കുകയാണ്. കില്ലർ പ്രൈസിംഗ് കൊടുത്താണ് ഇന്ത്യൻ ബ്രാൻഡ് ആരാധകരെ വശതാക്കിയിരിക്കുന്നത്. സിറ്റിയിലും ടൂറിംഗിലും ഒരുപോലെ ഉപയോഗിക്കാനുള്ള കഴിവാണ് ടിവിഎസിൻ്റെ എഡിവിയെ മികവുറ്റതാക്കുന്നത്. ഒപ്പം ഓഫ് റോഡിംഗ് കഴിവുകൾ കൂടിയാവുമ്പോൾ സംഗതി ഉഷറാവും. 1.99 ലക്ഷം മുതൽ 2.29 ലക്ഷം വരെയാണ് അപ്പാച്ചെ അഡ്വഞ്ചർ ബൈക്കിന് വരുന്ന എക്സ്‌ഷോറൂം വില. ഒപ്പം തെരഞ്ഞെടുക്കാൻ മൂന്ന് വേരിയൻ്റുകളുമുണ്ട്.

ഇന്ത്യയിൽ ഏറ്റവും കൂടുതൽ ജനപ്രീതിയാർജ്ജിച്ച ബ്രാൻഡുകളിലൊന്നാണ് സ്കോഡ. കാർപ്രേമികളുടെ എല്ലാവിധ താൽപ്പര്യങ്ങൾക്ക് വേണ്ടിയും അവരുടെ മനസറിഞ്ഞ് പുത്തൻ കാറുകൾ നിരത്തിലിറക്കുന്നതിൽ സ്കോഡ എന്നും മുന്നിൽ തന്നെയാണ്. ഇതിൻ്റെ ഏറ്റവും പുതിയ ഉദാഹരണമാണ് ഇപ്പോൾ അവതരിപ്പിച്ചിരിക്കുന്ന സ്കോഡ ഒക്ടാവിയ RS. ബുക്കിംഗ് ആരംഭിച്ച് വെറും 20 മിനിട്ടിനുള്ളിൽ എല്ലാ യുണിറ്റും വിറ്റുതീർത്തുകൊണ്ട് ഇപ്പോൾ വിപണിയിലെ താരമായി തിളങ്ങിനിൽക്കുകയാണ് ആശാൻ. എങ്കിലും പുതിയ താരത്തെക്കുറിച്ച് കൂടുതൽ വിശേഷങ്ങളറിയേണ്ടേ. അതിന് വേണ്ടി തുടർന്നു വായിക്കാൻ മറക്കരുതേ.

ഹ്യുണ്ടായിയുടെ വരാനിരിക്കുന്ന കിടിലൻ മോഡലാണ് വെന്യു. നവംബറിലാണ് പുതിയ മോഡൽ അവതരിപ്പിക്കുന്നതെന്ന് ബ്രാൻഡ് അറിയിച്ചിരിക്കുന്നത്. ഔദ്യോഗിക ലോഞ്ചിന് മുൻപ് തന്നെ അടിമുടി മാറ്റം വരുത്തിയ വെന്യുവിൻ്റെ ചിത്രങ്ങൾ സോഷ്യൽ മീഡിയയിഷ വൈറലാണ്. ഇതിനോടകം തന്നെ എല്ലാവർക്കും വാഹനത്തിൻ്റെ ഡിസൈൻ മനപാഠമായിട്ടുണ്ടെന്ന് വേണം പറയാൻ. വരാനിരിക്കുന്ന വെന്യുവിന് ക്രെറ്റയുടേയും എക്സ്റ്ററിൻ്റേയും ഡിസൈൻ ഘടകങ്ങൾ ഉണ്ടെന്നാണ് സോഷ്യൽ മീഡിയയിൽ നിറയുന്ന കമൻ്റുകളിൽ ഭൂരിഭാഗവും അഭിപ്രായപ്പെടുന്നത്. ഈ ലേഖനത്തിൽ പുതിയ വരാനിരിക്കുന്ന വെന്യുവിൻ്റേയും ക്രെറ്റയുടേയും ഡിസൈൻ ഇൻ്റീരിയർ എന്നിവയെല്ലാം ഒന്ന് താരതമ്യം ചെയ്യുകയാണ്.

ഇന്ത്യയിലെ ഏറ്റവും വില കൂടിയ ലക്ഷ്വറി എംപിവികളില്‍ ഒന്നാണ് ടൊയോട്ട വെല്‍ഫെയര്‍. ഈ കാറിലെ സുഖസൗകര്യങ്ങളും അത്യാധുനിക സവിശേഷതകളും ഒരു മിനി പ്രൈവറ്റ് ജെറ്റിന് സമാനമായ അനുഭവം സമ്മാനിക്കുന്നു. ഈ കാരണങ്ങള്‍ കൊണ്ട് രാജ്യത്തെ സമ്പന്നരും സെലിബ്രിറ്റികളും ഈ കാര്‍ വാങ്ങിക്കൂട്ടുന്നു. ഇന്ത്യയില്‍ ടൊയോട്ട വെല്‍ഫെയര്‍ രണ്ട് വേരിയന്റുകളില്‍ ലഭ്യമാണ്. ആദ്യത്തെ ഹൈ വേരിയന്റിന് 1.19 കോടി രൂപയാണ് വില. കൂടുതല്‍ പ്രീമിയം വേരിയന്റായ വിഐപി വിത്ത് എക്‌സിക്യൂട്ടീവ് ലോഞ്ച് പാക്കേജിന് 1.29 കോടി രൂപയാണ് മുടക്കേണ്ടത്. ടൊയോട്ട വെബ്സൈറ്റില്‍ നല്‍കിയിരിക്കുന്ന എക്സ്ഷോറൂം വിലകളാണ് ഇത്.

ഇന്ത്യയിൽ ഹാർഡ്കോർ ഫാൻസുള്ള സൂപ്പർബൈക്ക് നിർമാതാക്കളാണ് കവസാക്കി. പണ്ട് ബജാജിന്റെ കൈപിടിച്ച് രാജ്യത്തേക്കെത്തിയ ബ്രാൻഡ് തുടക്കത്തിൽ കമ്മ്യൂട്ടർ മോട്ടോർസൈക്കിളുകളാണ് പണിതിറക്കിയിരുന്നതെങ്കിൽ പിന്നീട് സ്വതന്ത്രമായി പ്രവർത്തനം ആരംഭിച്ചത് മുതൽ വില കൂടിയ സ്പോർട്‌സ് ബൈക്കുകളിലാണ് ജാപ്പനീസ് ഇരുചക്ര വാഹന നിർമാതാക്കൾ പിടിച്ചുകയറിയത്. ഡ്യുക്കാട്ടി, ട്രയംഫ്, ബിഎംഡബ്ല്യു തുടങ്ങിയ ബ്രാൻഡുകളോടെ മത്സരിക്കുന്ന സൂപ്പർബൈക്ക് നിർമാതാക്കൾക്ക് ശരിക്കും വൈവിധ്യമാർന്ന ബൈക്ക് നിര തന്നെയാണ് ഇവിടുള്ളത്. അടിക്കടി മോഡൽ നിരയിൽ പരിഷ്ക്കാരങ്ങൾ കൊണ്ടുവരുന്നതും കവസാക്കിയുടെ ഹോബിയാണ്. ഇപ്പോഴിതാ 2026 മോഡൽ വെർസിസ് 1100 ഇന്ത്യയിൽ അവതരിപ്പിച്ചിരിക്കുകയാണ്.