ഒരു വാഹനം സ്വന്തമാക്കുന്നത് വലിയ കാര്യം തന്നെയാണ് പക്ഷേ അത് മെയിൻ്റെയിൻ ചെയ്ത് പോകുന്നതിലാണ് കൂടുതൽ ശ്രദ്ധ വേണ്ടത്.അതിൽ തന്നെ പ്രധാനമായിട്ടും എഞ്ചിൻ ഓയിലിൻ്റെ കാര്യം. തുടക്കത്തിൽ വാഹനത്തിനോടുളള മികച്ച കരുതൽ കാരണം നല്ല ഗ്രേഡുള്ള ഓയിൽ തന്നെ ആയിരിക്കും ഒഴിക്കുക, എന്നാൽ പതിയെ ഗ്രേഡ് കുറഞ്ഞതാണെങ്കിലും മതി വണ്ടിയോടിക്കോളുമല്ലോ എന്നാണ് പലരും ചിന്തിക്കുന്നത്. എന്നാൽ അങ്ങനെ അല്ല. എഞ്ചിൻ എന്നത് വാഹനത്തിൻ്റെ ഹൃദയമാണ് എന്നാണല്ലോ പറയാറ്. അതിന് നല്ല ക്വാളിറ്റി ഓയിൽ തന്നെ ഒഴിക്കണം. എഞ്ചിൽ ഓയിലിൽ തന്നെ പല ഗ്രേഡുകളുണ്ട്.

ഇന്ത്യൻ മിഡ്-സൈസ് എസ്‌യുവി ലോകം ഒരിടവേളക്കുശേഷം വീണ്ടും ആവേശകരമായ കുതിച്ചുച്ചാട്ടത്തിന് ഒരുങ്ങുകയാണ്. പഴയ ഐക്കോണിക് മോഡലിൽ നിന്നും പുനർജന്മമ്മെടുത്ത് വരുന്ന ടാറ്റ സിയറ റോഡിൽ സ്റ്റൈലും, സാങ്കേതികവിദ്യയും, പ്രകടനവും, കൊണ്ട് ശ്രദ്ധ പിടിച്ചുപറ്റുകയാണ്. വർഷങ്ങളായി ഉപഭോക്താക്കളുടെ വിശ്വാസ്യതയും സ്നേഹവും കാത്തുസൂക്ഷിക്കുന്ന സെൽറ്റോസിന് സിയറയുടെ വരവ് ഒരു വലിയ തിരിച്ചടി തന്നെയായിരിക്കും. രണ്ട് മോഡലുകൾക്കും വ്യത്യസ്ത രീതിയിൽ ആളുകളെ ആകർഷിക്കാൻ കഴിവുണ്ടെന്നതിൽ സംശയൊന്നും വേണ്ട. അതിനാൽ സിയറയും സെൽറ്റോസും സ്റ്റൈലിലും, ഇൻ്റീരിയറിലും, ഇന്ധനക്ഷമതയിലും എങ്ങനെയെല്ലാം വേർത്തിരിഞ്ഞു നിൽക്കുന്നുവെന്ന് ഈ ലേഖനത്തിലൂടെ അറിഞ്ഞാലോ.

കാറുകളിലെ അപരൻമാർ ഏറ്റവും കൂടുതലുള്ള നാടാണ് നമ്മുടെ ഇന്ത്യ. പല രൂപങ്ങളും ഭാവങ്ങളുമെല്ലാം ആവാഹിക്കുന്നുണ്ടെങ്കിലും എഞ്ചിനും പ്ലാറ്റ്ഫോമും മറ്റ് പാർട്‌സുകളുമെല്ലാം ഒരുപോലെ പങ്കിടുന്ന നിരവധി മോഡലുകളെ കാണിച്ച് തരാനാവും. ടൊയോട്ട, മാരുതി, ഹ്യുണ്ടായി, കിയ, റെനോ, നിസാൻ അങ്ങനെ ഇന്ത്യയിലെ മിക്ക വമ്പൻമാരും റീബാഡ്‌ജ് കാറുകൾ വിറ്റ് പണമുണ്ടാക്കുന്നുണ്ട്. കൂട്ടത്തിൽ ഏറ്റവും പണംവാരുന്നത് ടൊയോട്ടയും മാരുതി സുസുക്കിയും തമ്മിലുള്ള കൂട്ടുകെട്ടാണ് കേട്ടോ. ഇരുബ്രാൻഡുകളും സംയുക്തമായി വികസിപ്പിച്ചെടുത്ത ഗ്രാൻഡ് വിറ്റാരയും അർബൻ ക്രൂയിസർ ഹൈറൈഡറും തന്നെയാണ് നഗരത്തിലെ പ്രധാന അപരൻമാർ.

മലയാളക്കരയിലെ ഏറ്റവും പ്രശസ്തയായ അവതാരകരില്‍ ഒരാളാണ് മീര അനില്‍. സുന്ദരമായ അവതരണ ശൈലിയും, ആത്മവിശ്വാസമുള്ള സ്റ്റേജ്പ്രസന്‍സും, പ്രേക്ഷകരുമായി എളുപ്പത്തില്‍ സംവദിക്കുകയും ചെയ്യുന്ന മീര വര്‍ഷങ്ങളായി മലയാളികള്‍ക്ക് പ്രിയങ്കരിയാണ്. പ്രത്യേകിച്ച് വിനോദപരിപാടികളിലെ അവരുടെ ഊര്‍ജ്ജസ്വലമായ അവതരണരീതി മലയാളി പ്രേക്ഷകര്‍ ഏറെ ഇഷ്ടപ്പെടുന്നു. വിവിധ ചാനലുകളിലെ എന്റര്‍ടൈന്‍മെന്റ്, റിയാലിറ്റി, ഇവന്റ് ഷോകളിലൂടെ അവര്‍ വലിയൊരു ആരാധകവൃന്ദം നേടിയെടുത്തു. ഏഷ്യാനെറ്റിന്റെ സൂപ്പര്‍ഹിറ്റ് പ്രോഗ്രാമായ 'കോമഡി സ്റ്റാര്‍സ്' ആയിരുന്നു മീരയുടെ കരിയറില്‍ ഏറ്റവും ശ്രദ്ധനേടിയത്. ചില ടെലിവിഷന്‍ സീരിയലുകളിലും പ്രത്യക്ഷപ്പെട്ടിട്ട മീര നിവിന്‍ പോളിയും അമല പോളും പ്രധാന വേഷങ്ങളില്‍ അഭിനയിച്ച മിലിയിലൂടെയും ബിഗ്‌സ്‌ക്രീനിലും അരങ്ങേറ്റം കുറിച്ചു.

പണ്ട് വിരലിൽ എണ്ണാൻ കഴിയുന്ന ബ്രാൻഡുകൾ മാത്രമായിരുന്നു ഇന്ത്യയിലുളളതെങ്കിൽ ഇപ്പോൾ നിരവധി ബ്രാനഡുകൾ ഇന്ത്യൻ വിപണി കൈയ്യടക്കിയിരിക്കുകയാണ്. അതിൽ പ്രത്യേകിച്ച് ചൈനീസ് ബ്രാൻഡുകളുടെ കടന്നുവരവോടെ ഉപഭോക്താക്കളെ കൈയിലെടുത്തിരിക്കുകയാണ്. കിടിലൻ ഫീച്ചറുകളും ടെക്നോളജികൾ കുത്തിനിറച്ച മോഡലുകളിലൂടെ ഇന്ത്യൻ ബ്രാൻഡുകളോടുളള സെൻ്റിമെൻസ് കുറയുകയും ചെയ്തു. ബിവൈഡി,എംജി,അങ്ങനെ 2019 -ൽ ഒറ്റ വാഹനം പോലും വിൽക്കാതിരുന്ന ബ്രാൻഡുകൾക്ക് ഇപ്പോൾ ഒരു മാസം തന്നെ 4000 യൂണിറ്റുകൾക്ക് മുകളിൽ കച്ചോടം ലഭിക്കുന്നുണ്ട്. ഇലക്ട്രിക് വാഹനങ്ങളെ ജനങ്ങൾ സ്വീകരിച്ചു എന്നതിൻ്റെ തെളിവാണല്ലോ ഇത്.വിശദമായി ഒന്ന് പരിശോധിച്ചാലോ.

ലോകമാകെ ടെക്‌നോളജി, വിശ്വസനീയത എന്നിവയുടെ പര്യായമായി മാറിയ ഒരു ജാപ്പനീസ് വാഹന നിർമാതാക്കളാണ് ഹോണ്ട. രാജ്യത്ത് നിരവധി മോഡലുകള്‍ അവതരിപ്പിച്ച് ഉപഭോക്താക്കളുടെ മനസ്സ് കീഴടക്കാൻ ബ്രാൻഡിന് അധികനാളുകളൊന്നും വേണ്ടിവന്നിരുന്നില്ല. കഴിഞ്ഞ കുറച്ചു വര്‍ഷങ്ങളായി ഇന്ത്യയിൽ ഇവികൾ, ഹൈബ്രിഡ് കാറുകൾ, പ്രീമിയം എസ്‌യുവികൾ എന്നിവയുടെ ഡിമാൻ്റ് ഉയർന്നുവരികയാണ്. ഇത് മനസിലാക്കിയ ഹോണ്ട തങ്ങളുടെ ഗ്ലോബല്‍ മോഡലുകള്‍ ഇന്ത്യയില്‍ എത്തിച്ച് വിപണിയിലെ നില ശക്തമാക്കാനായി തയ്യാറെടുക്കുകയാണ്. ഇത്തരത്തില്‍ മുന്നോട്ട് കൊണ്ടുവരുന്ന 4 പ്രധാന മോഡലുകൾ ഏതെല്ലാമെന്ന് നോക്കിയാലോ?

കെടിഎമ്മിന്റെ മാതൃ കമ്പനിയായ പിയറര്‍ മൊബിലിറ്റി എജിയെ ഇന്ത്യന്‍ ബ്രാന്‍ഡ് ഏറ്റെടുത്തതോടെ കെടിഎമ്മും അതിന്റെ ബ്രാന്‍ഡുകളും ഇപ്പോള്‍ ബജാജ് ഓട്ടോയുടെ പൂര്‍ണ നിയന്ത്രണത്തിലായി. കെടിഎമ്മിന്റെ മാതൃ കമ്പനിയായ പിയറര്‍ ഗ്രൂപ്പ് ഔദ്യോഗികമായി പിന്മാറിയതിനെ തുടര്‍ന്ന് ഇപ്പോള്‍ പിഎംഎജിയുടെ (പിയറര്‍ മൊബിലിറ്റി എജി) 74.9% ഉടമസ്ഥതയും ബജാജിനായി. ബജാജ് ഓട്ടോ ഇന്റര്‍നാഷണല്‍ ഹോള്‍ഡിംഗ്‌സ് ബിവി പിബിഎജി വാങ്ങുന്നതിനെക്കുറിച്ച് ബജാജ് ഓട്ടോ ബിഎസ്ഇയെയും എന്‍എസ്ഇയെയും അറിയിച്ചതായി റിപ്പോര്‍ട്ടുണ്ട്. ഈ ഏറ്റെടുക്കലോടെ, കെടിഎം, ഹസ്ഖ്‌വര്‍ണ, ഗ്യാസ് ഗ്യാസ് എന്നിവയുടെ നിയന്ത്രണം ഇന്ത്യന്‍ കമ്പനിക്ക് കൈവന്നു.

എപ്പോഴും പുത്തൻ വാഹനം വാങ്ങുമ്പോൾ മൈലേജിന് തന്നെയാണ് എല്ലാവരും പ്രാധാന്യം നൽകുന്നത്. അത് മനസിലാക്കി ബ്രാൻഡുകൾ പരമാവധി മൈലേജ് ലഭിക്കുന്ന രീതിയിൽ തന്നെയാണ് പുതിയ മോഡലുകൾ അവതരിപ്പിക്കുന്നത്. സിഎൻജിക്കാണ് മൈലേജ് കൂടുതൽ ലഭിക്കുന്നതെന്ന് കണക്കുകൾ വ്യക്തമാക്കുന്നുണ്ടെങ്കിലും ഹൈബ്രിഡുമായി താരതമ്യം ചെയ്യുമ്പോൾ എങ്ങനെയാണ് എന്ന് പലർക്കും സംശയമുള്ള കാര്യമാണ്. രണ്ട് പവർട്രെയിനുകളും മികച്ച ടെക്നോളജിയാണെങ്കിലും നിങ്ങൾ ഉപയോഗിക്കുന്നത് പോലെയിരിക്കും വാഹനത്തിന് ലഭിക്കുന്ന മൈലേജ്. ഈ ലേഖനത്തിലൂടെ സിഎൻജിയും ഹൈബ്രിഡും തമ്മിലുള്ള വ്യത്യാസങ്ങളും ഏതാണ് മികച്ചതെന്ന് പരിശോധിക്കുകയും ചെയ്യാം. നിങ്ങൾ പുതിയ വാഹനം വാങ്ങാൻ പോകുകയാണെങ്കിൽ തീർച്ചയായും വായിക്കാൻ മറക്കരുതേ.

ഇന്ത്യയിലെ ഇലക്‌ട്രിക് വാഹന വിപണി പിടിച്ചെടുക്കാൻ കച്ചകെട്ടിയിറങ്ങിയിരിക്കുകയാണ് എംജി മോട്ടോർസ്. കോമെറ്റ് ഇവി, വിൻഡ്‌സർ ഇവി, ZS ഇവി എന്നിവയ്ക്ക് പുറമെ ബ്രാൻഡിൽ നിന്നും ഒരു മിടുക്കൻ ആഡംബര എംപിവിയും അടുത്തിടെ വിപണിയിലെത്തിയിരുന്നു. യാത്രാസുഖത്തിൻ്റെ കാര്യത്തിൽ വിമാനം പോലും തോറ്റുപോവുന്ന തരത്തിൽ പണികഴിപ്പിച്ചിരിക്കുന്ന M9 പ്രസിഡൻഷ്യൽ ഇലക്ട്രിക് കാർ അവതരണത്തിന് മുമ്പേ തന്നെ ശ്രദ്ധിക്കപ്പെട്ട മോഡലാണ്. എംജിയുടെ പ്രീമിയം ഡീലർഷിപ്പ് നെറ്റ്‌വർക്കായ എംജി സെലക്ടിൽ നിന്നുള്ള ആദ്യ ഉൽപ്പന്നമെന്ന പ്രത്യേകതയോടെ എത്തിയ M9 രാജ്യത്തെ ഇവി വിപണിയെ പുനർനിർവചിക്കാൻ വരെ ശേഷിയുള്ളതാണ്.

ആഡംബര കാർ വിഭാഗത്തിലാണ് സ്ഥാനമെങ്കിലും മിനി കൂപ്പർ (Mini Cooper) എന്ന പേരിനും കാറിനും ഇന്ത്യക്കാർക്ക് പ്രത്യേകിച്ച് ആമുഖത്തിൻ്റെ ആവശ്യമില്ല. കാറുകളിലെ മഹാറാണിയെന്ന് ആരാധകർ സ്നേഹത്തോടെ വിളിക്കുന്ന ബ്രാൻഡിൻ്റെ ജന്മദേശം ബ്രിട്ടൺ ആണെങ്കിലും നിലവിൽ ജർമൻ ലക്ഷ്വറി കാർ നിർമാതാക്കളായ ബിഎംഡബ്ല്യുവിൻ്റെ (BMW) ഉടസ്ഥതയിലാണ് മിനി പ്രവർത്തിക്കുന്നത്. 1969-ൽ സ്ഥാപിതമായ കമ്പനിയെ രണ്ടായിരത്തിലാണ് ബിഎംഡബ്ല്യു സ്വന്തമാക്കുന്നത്. എന്തായാലും ലോകത്തിൻ്റെ എല്ലാ കോണുകളിലും മിനിക്ക് ഫാൻസുണ്ട്. ഇപ്പോഴിതാ ഇന്ത്യയിലേക്ക് പുത്തനൊരു കൺവെർട്ടബിൾ കാറുമായി രംഗുപ്രവേശം ചെയ്യാൻ ഒരുങ്ങുകയാണ് ബ്രാൻഡ്.

കോണ്‍ഫിഡന്റ് ഗ്രൂപ്പ് സ്ഥാപകനും ചെയര്‍മാനുമായ ഡോ. സിജെ റോയിയെ (Dr. Roy C.J) അറിയാത്ത മലയാളികള്‍ ചുരുക്കമായിരിക്കും. ഇന്ത്യയിലെ ഏറ്റവും ധനികനായ വ്യക്തികളില്‍ ഒരാളായ സിജെ റോയിയുടെ ബിസിനസ് സാമ്രാജ്യം വിവിധ രാജ്യങ്ങളില്‍ വിവിധ മേഖലകളിലായി വ്യാപിച്ച് കിടക്കുന്നു. അറിയപ്പെടുന്ന വാഹനപ്രേമികളില്‍ ഒരാള്‍ കൂടിയായ സിജെ റോയിക്ക് ദുബായിയിലും ഇന്ത്യയിലുമായി ധാരാളം ലക്ഷ്വറി, സ്‌പോര്‍ട്‌സ് കാറുകള്‍ ഉണ്ട്. അടുത്തിടെ തന്റെ 12-ാമത്തെ റോള്‍സ് റോയ്‌സ് ഡെലിവറിയെടുത്ത് റോയ് വീണ്ടും വാര്‍ത്തകളില്‍ നിറഞ്ഞിരുന്നു. എട്ടാം തലമുറ റോള്‍സ് റോയ്‌സ് ഫാന്റം ആണ് അദ്ദേഹം പുതുതായി ഗരാജിലെത്തിച്ചത്.

ഇന്ത്യൻ വിപണിയിൽ XUV500 സൃഷ്‌ടിച്ചെടുത്ത ആരവം മറ്റൊരു തലത്തിലെത്തിച്ച പിൻഗാമിയാണ് XUV700. പഴയ മോഡൽ നിർത്താൻ പോവുന്നുവെന്ന് കേട്ടപ്പോൾ നിരാശരായ പലരും പുതുതലമുറ മോഡലിനെയും അതിൻ്റെ പേരും കണ്ട് വണ്ടറടിച്ചിട്ട് അധിക കാലം ഒന്നുമായിട്ടില്ല. പഴയ XUV500 എസ്‌യുവിക്കുണ്ടായിരുന്ന പോരായ്‌മകളെല്ലാം പരിഹരിച്ച് ശരിക്കും കംഫർട്ടും സേഫ്റ്റിയുമെല്ലാം ഇരട്ടിയാക്കിയാണ് XUV700 എന്ന പിൻമാഗി വിപണിയിലെത്തിയത്. ടൊയോട്ട ഇന്നോവ വാങ്ങാനിരുന്ന പലരും മഹീന്ദ്രയുടെ ഈ മോഡൽ വാങ്ങി മുറ്റത്തിട്ടു. നല്ല ഡ്രൈവിംഗ് ഡൈനാമിക്‌സും യാത്രാസുഖവും തന്ന എസ്‌യുവി വളരെ വേഗത്തിൽ ഹിറ്റടിക്കുകയും ചെയ്‌തു.

ചെക്ക് റിപബ്ലിക്കന്‍ വാഹന നിര്‍മാതാക്കളായ സ്‌കോഡയെ (Skoda Auto) സംബന്ധിച്ച് ഏറ്റവും മികച്ച വര്‍ഷമായി മാറിയിരിക്കുകയാണ് 2025. നടപ്പു കലണ്ടര്‍ വര്‍ഷത്തിന്റെ ആദ്യത്തെ 10 മാസങ്ങള്‍ പൂര്‍ത്തിയായപ്പോള്‍ സ്‌കോഡ ഒരു സുപ്രധാന വില്‍പ്പന നാഴികക്കല്ല് പിന്നിട്ടു. ജനുവരി മുതല്‍ ഒക്ടോബര്‍ വരെയുള്ള കാലയളവില്‍ 61,607 യൂണിറ്റുകള്‍ വിറ്റഴിച്ച് ബ്രാന്‍ഡിന്റെ ഏറ്റവും ഉയര്‍ന്ന വില്‍പ്പന നേടിയ വര്‍ഷമായി മാറജയിരിക്കുകയാണ് 2025. കലണ്ടര്‍ വര്‍ഷത്തില്‍ ഇനിയും രണ്ട് മാസം ശേഷിക്കെ, 2022-ല്‍ സ്ഥാപിച്ച 53,721 യൂണിറ്റുകളുടെ ഫുള്‍ വര്‍ഷത്തെ റെക്കോര്‍ഡ് മറികടന്നു.

ടാറ്റ മോട്ടോർസിൻ്റെ എസ്‌യുവി നിരയിൽ ഏറ്റവും കൂടുതൽ ഫാൻസുള്ളത് പഞ്ചിനോ നെക്സോണിനോ ആയിരിക്കും അല്ലേ. എന്നാൽ കൂട്ടത്തിലെ ഏറ്റവും അണ്ടർറേറ്റഡ് ആയിട്ടുള്ള മോഡലുകളിൽ ഒന്നാണ് ഹാരിയർ. ദേസി റേഞ്ച് റോവർ എന്ന് ആരാധകർ സ്നേഹത്തോടെ വിളിക്കുന്ന ഈ മോഡലിനും വണ്ടിഭ്രാന്തൻമാർക്കിടയിൽ പ്രത്യേക ഫാൻബേസാണുള്ളത്. വലിയ വിൽപ്പന കണക്കുകളൊന്നും അവകാശപ്പെടാനില്ലെങ്കിലും ഇപ്പോഴിതാ സുപ്രധാനമായൊരു നാഴികക്കല്ല് താണ്ടിയിരിക്കുകയാണ് ടാറ്റ ഹാരിയർ (Tata Harrier SUV). 2019-ൽ വിപണിയിലെത്തിയതിന് ശേഷം ഇതുവരെ 1.50 ലക്ഷം യൂണിറ്റ് വിൽപ്പനയെന്ന നേട്ടമാണ് വാഹനം കൈവരിച്ചിരിക്കുന്നത്.

നാലാള്‍ അറിയുന്ന സെലിബ്രിറ്റി ആയിക്കഴിഞ്ഞാല്‍ പിന്നെ നടീ നടന്‍മാര്‍ ആദ്യം ചെയ്യുന്ന ഒരു കാര്യം നേരെ പോയി കാര്‍ മാറ്റുന്നതാണ്. സിനിമകളില്‍ നിന്നും ടെലിവിഷന്‍ പരിപാടികളില്‍ നിന്നും വരുമാനം ലഭിച്ചുതുടങ്ങുമ്പോള്‍ ആഡംബര കാറുകള്‍ വാങ്ങുന്നവരാണ് സിനിമ, സീരിയല്‍ മേഖലയില്‍ നിന്നുള്ള മിക്ക താരങ്ങളും. എന്നാല്‍, കോടികള്‍ വിലമതിക്കുന്ന ആഡംബര കാറുകള്‍ സ്വന്തമായിട്ടുണ്ടായിട്ടും സൗകര്യം മുന്‍നിര്‍ത്തി സാധാരണ കാറുകള്‍ ഉപയോഗിക്കാന്‍ ഇഷ്ടപ്പെടുന്ന സെലിബ്രിറ്റികളുടെ എണ്ണവും കൂടി വരികയാണ്. വില കൂടിയ ലക്ഷ്വറി കാര്‍ ഉണ്ടായിട്ടും ഹ്യുണ്ടായിയുടെ സാധാരണ കാര്‍ ദൈനംദിന യാത്രകള്‍ക്ക് ഉപയോഗിക്കുന്ന ഒരു സെലിബ്രിറ്റി ഇപ്പോള്‍ വാര്‍ത്തകളില്‍ ഇടംനേടുകയാണ്.

ഇന്ത്യക്കാരുടെ അഡ്വഞ്ചർ മോഹങ്ങൾക്ക് ചിറക് നൽകിയവരാണ് റോയൽ എൻഫീൽഡ്. ഹിമാലയൻ 411 എന്ന അഡ്വഞ്ചർ ടൂറർ മോട്ടോർസൈക്കിൾ രാജ്യത്തുണ്ടാക്കിയെടുത്ത ആരവം ഇതുവരെ കെട്ടടങ്ങിയിട്ടില്ല. നിലവിൽ ഹിമാലയൻ രണ്ടാം തലമുറയിൽ 450 സിസി എഞ്ചിനുമായിട്ടാണ് നിരത്തുകൾ കീഴടക്കുന്നത്. ഇതുകൂടാതെ 750 സിസി സെഗ്മെൻ്റിലേക്ക് കൂടി ഹിമാലയനുമായി കടന്നുവരികയാണ് റെട്രോ ക്ലാസിക് ഇരുചക്ര വാഹന നിർമാതാക്കൾ. ഇറ്റലിയിലെ മിലാനിൽ നടന്ന 2025 EICMA മോട്ടോർഷോയിൽ ഈ ഇടിവെട്ട് മോഡലിനെ കമ്പനി പ്രദർശിപ്പിക്കുകയും ചെയ്‌തിരുന്നു. അന്ന് മുതൽ ഇന്ത്യക്കാരും ഈ എഡിവിയെ കാത്തിരിക്കുകയാണ്.

ഇന്ത്യന്‍ എസ്‌യുവികൾ വിപണി ഒരു വലിയ വൈദ്യുതി വിപ്ലവത്തിന്റെ വക്കിലാണ്. അടുത്ത രണ്ട് വര്‍ഷങ്ങള്‍ക്കുള്ളില്‍ ഇലക്ട്രിക് വാഹനങ്ങളിലേക്കുള്ള മാറ്റം തികച്ചും വേഗത്തിലാക്കുനുള്ള പ്ലാനിലാണ് കമ്പനികള്‍. നിരവധി പുതിയ ഇലക്ട്രിക് എസ്‌യുവികളാണ് പുറത്തിറങ്ങാന്‍ പോകുന്നത്. കൂടുതല്‍ പെര്‍ഫോമന്‍സും, റേഞ്ചും, സുരക്ഷയും, അതിനൊപ്പം സ്‌റ്റൈലും ടെക്‌നോളജിയും ചേര്‍ന്ന പ്രീമിയം അനുഭവമാണ് ഇപ്പോള്‍ എല്ലാവരും ആഗ്രഹിക്കുന്നത്. അതുകൊണ്ടാണ് ടാറ്റ, മഹീന്ദ്ര, ഹ്യുണ്ടായി, മാരുതി സുസുക്കി, ടൊയോട്ട തുടങ്ങിയ ബ്രാന്‍ഡുകള്‍ അവരുടെ ഏറ്റവും പുതിയ ഇവി പ്ലാറ്റ്ഫോമുകളില്‍ നിര്‍മ്മിച്ച ഫ്യൂച്ചറിസ്റ്റിക് എസ്‌യുവികള്‍ ഇന്ത്യന്‍ റോഡുകളില്‍ ഇറക്കാന്‍ ഒരുങ്ങുന്നത്. ഇവയില്‍ ചിലത് അവരുടെ ഐക്കോണിക് മോഡലുകളുടെ ഫുള്‍ ഇലക്ട്രിക് അവതാരങ്ങളാണ്.

ഇന്ത്യന്‍ വിപണിയില്‍ ഇലക്ട്രിക് വാഹനങ്ങള്‍ക്ക് ആവശ്യക്കാര്‍ ഏറുകയാണ്. കുറച്ച് മാസങ്ങള്‍ക്ക് മുമ്പ് വരെ ഇലക്ട്രിക് വാഹന വിഭാഗത്തില്‍ ടാറ്റ മോട്ടോര്‍സിന്റെ ഏകാധിപത്യമായിരുന്നുവെങ്കില്‍ ഇന്ന് അതല്ല സ്ഥിതി. ഒരൊറ്റ മോഡലിന്റെ വരവോടെ വിപണി വിഹിതം കുത്തനെ ഉയര്‍ത്തി ജെഎസ്ഡബ്ല്യു എംജി മോട്ടോര്‍ ഇന്ത്യ ടാറ്റയുടെ തൊട്ടുപിന്നാലെയുണ്ട്. ആ ബ്ലോക്ക്ബസ്റ്റര്‍ മോഡല്‍ ആണ് എംജി വിന്‍ഡ്‌സര്‍ ഇവി. കഴിഞ്ഞ കുറേ മാസങ്ങളായി ഇന്ത്യയില്‍ ഏറ്റവും കൂടുതല്‍ വിറ്റഴിക്കപ്പെടുന്ന ഇലക്ട്രിക് കാര്‍ കൂടിയാണ് എംജി വിന്‍ഡ്‌സര്‍ ഇവി (MG Windsor EV).

കഴിഞ്ഞ കുറച്ച് നാളുകളായി ഇന്ത്യയില്‍ ടൊയോട്ട കാര്‍ വില്‍പ്പന പതുക്കെ വര്‍ധിച്ചുകൊണ്ടിരിക്കുകയാണ്. മാരുതി സുസുക്കി കാറുകളെ അടിസ്ഥാനമാക്കി ടൊയോട്ട റീബാഡ്ജ് കാറുകള്‍ നിര്‍മ്മിക്കാന്‍ തുടങ്ങിയതാണ് ഇതിന് പ്രധാന കാരണം. അന്താരാഷ്ട്ര തലത്തില്‍ സുസുക്കിയും ടൊയോട്ടയും തമ്മിലുള്ള പങ്കാളിത്തത്തിന്റെ അടിസ്ഥാനത്തിലാണ് പരസ്പരം കാറുകളും സാങ്കേതികവിദ്യയും കൈമാറ്റം ചെയ്യുന്നത്. നിലവില്‍ ടൊയോട്ട വില്‍പ്പനയുടെ പകുതിയോട് അടുത്ത് സംഭാവന ചെയ്യുന്നത് റീബാഡ്ജ് മോഡലുകളാണ്. മാരുതിയുടെ ക്രോസ്ഓവര്‍ എസ്‌യുവിയായ ഫ്രോങ്ക്‌സിനെ (Maruti Suzuki Frronx) അടിസ്ഥാനമാക്കിയുള്ള ടൊയോട്ട റീബാഡ്ജ്ഡ് മോഡലാണ് ടൈസര്‍ (Toyota Taisor).

ജപ്പാനിൽ നിന്നാരംഭിച്ച് ലോകത്തിന്റെ എല്ലാ പ്രധാന വാഹന വിപണികളിലേക്കും തങ്ങളുടെ പേരും പ്രതാപവും വ്യാപിപ്പിച്ച ഒരു ബ്രാൻഡാണ് നിസാൻ. 1930-കളിൽ ചെറിയൊരു നിർമ്മാണ യൂണിറ്റായി തുടങ്ങിയ കമ്പനി ഇന്ന് 190-ലധികം രാജ്യങ്ങളിൽ സാന്നിധ്യമുള്ള ഒരു ഗ്ലോബൽ ഓട്ടോമൊബൈൽ കമ്പനിയായി വളർന്നിരിക്കുന്നു. എഞ്ചിൻ പെർഫോമൻസ്, സാങ്കേതിക നവീകരണം എന്നിവയാണ് നിസ്സാനെ ലോകത്തിന് മുന്നിൽ വേറിട്ട് നിലനിറുത്തുന്നത്. ഇപ്പോൾ ചൈനീസ് വിപണിക്കായി അവതരിപ്പിച്ച പുതിയ ടീനയും N6 പ്ലഗ്-ഇൻ ഹൈബ്രിഡ് ഇലക്ട്രിക് കാറും ലോകമെമ്പാടുമുള്ള സെഡാൻ ആരാധകർക്ക് പുതിയൊരു ആവേശം പകരുകയാണ്. സ്റ്റൈൽ, സാങ്കേതികവിദ്യ, പ്രീമിയം അനുഭവം എല്ലാം ഒന്നിച്ച് പുനർനിർവ്വചിക്കുകയാണ് ഈ രണ്ട് മോഡലുകളും.

സബ്-4 മീറ്റർ സെഡാൻ സെഗ്മെൻ്റിലെ ഡോണായ മാരുതി സുസുക്കി ഡിസയറിൻ്റെ ഏറ്റവും വലിയ എതിരാളിയായി എക്കാലവും അറിയപ്പെടുന്ന മോഡലാണ് ഹോണ്ട അമേസ്. പണ്ടത്തെ പ്രതാപമില്ലെങ്കിലും അടുത്തിടെ ന്യൂജെൻ ആയി വിപണിയിലെത്തിയ കാറിനെ ആളുകൾ നെഞ്ചോട് ചേർത്തുപിടിച്ചിട്ടുണ്ട്. പണ്ട് ഡീസൽ എഞ്ചിൻ വരെയുണ്ടായിരുന്ന കാർ ഇപ്പോൾ പെട്രോളിൽ മാത്രമാണ് വാങ്ങാനാവുന്നതെങ്കിലും തരക്കേടില്ലാത്ത രീതിയിൽ വിറ്റഴിയുന്നുണ്ടെന്നതാണ് ജാപ്പനീസ് വാഹന നിർമാതാക്കളുടെ സന്തോഷം. സിറ്റി പോലുള്ള ഇതിഹാസ മോഡലുകളുടെ വിൽപ്പന കുറയുന്ന സാഹചര്യത്തിൽ ഹോണ്ടയുടെ ആശ്വാസമാണ് അമേസ് (Honda Amaze Sedan).

ഇന്ത്യന്‍ ക്രിക്കറ്റ് ടീമിലെ ഏറ്റവും വിലപിടിപ്പുള്ള താരങ്ങളില്‍ ഒരാളാണ് ഹര്‍ദിക് പാണ്ഡ്യ. ബാറ്റുകൊണ്ടും പന്തുകൊണ്ടും ഒരുപോലെ തിളങ്ങുന്ന ബറോഡക്കാരനെ കപില്‍ ദേവിന്റെ പിന്‍ഗാമിയെന്നാണ് വാഴ്ത്തിയിരുന്നത്. വിമര്‍ശനങ്ങള്‍ക്കെല്ലാം കളിക്കളത്തിലെ പ്രകടനങ്ങള്‍ കൊണ്ട് മറുപടി പറയുന്ന ഹര്‍ദിക് തന്റെ വ്യത്യസ്തമായ സ്‌റ്റൈല്‍ കൊണ്ടും വ്യത്യസ്തനാകാറുണ്ട്. പലപ്പോഴും തന്റെ തലമുടിയില്‍ ചായംപൂശിയും വ്യത്യസ്ത ഹെയര്‍കട്ടുകള്‍ പരീക്ഷിച്ചും ഹര്‍ദിക് ഫ്രീക്കന്‍മാര്‍ക്ക് ഒരു റോള്‍ മോഡല്‍ ആകാറുണ്ട്. ഇപ്പോള്‍ തലമുടി കളറടിക്കുന്ന കണക്കേ തന്റെ കോടികള്‍ വിലമതിക്കുന്ന കാറിന്റെ നിറം മാറ്റിയിരിക്കുകയാണ് ഹര്‍ദിക്. അതിന്റെ വിശേഷങ്ങള്‍ വായിക്കാം.

സൗന്ദര്യം കൊണ്ടും അഭിനയശേഷി കൊണ്ടും ഇന്ത്യൻ സിനിമയിൽ അസൂയാവഹമായ വളര്‍ച്ച നേടിയ മലയാളിയാണ് നയൻതാര. തെന്നിന്ത്യൻ താരറാണിയെന്ന് അറിയപ്പെടുന്ന നയൻസിനെ ഫാൻസ് സ്നേഹത്തോടെ വിളിക്കുന്നത് ലേഡി സൂപ്പർസ്റ്റാർ എന്നാണ്. മലയാള സിനിമയിലൂടെ അഭിനയ രം​ഗത്തേക്ക് വന്ന് പിന്നീട് തമിഴിലും തെലുങ്കിലും തന്റേതായ സ്ഥാനം കണ്ടെത്തിയ നടിയുടെ 41-ാം പിറന്നാളായിരുന്നു ഇന്നലെ. മലയാളത്തിൻ്റെ മെഗാസ്റ്റാറായ മമ്മൂട്ടിയെ പോലെ പ്രായത്തിൻ്റെ കാര്യത്തിൽ റിവേഴ്‌സ് ഗിയറിലാണ് നയൻതാര. ഗോഡ് ഫാദര്‍ ഇല്ലാതെ സിനിമ രംഗത്തെത്തിയ താരം കഠിനാധ്വാനത്തിലൂടെയാണ് ഇത്രയും വലിയ നേട്ടങ്ങള്‍ സ്വന്തമാക്കിയത്.

2025 ഒക്ടോബറിൽ ഇന്ത്യയിൽ 10 ലക്ഷത്തിൽ താഴെ വിലവരുന്ന മൾട്ടി പർപ്പസ് വെഹിക്കിൾ കാറുകളുടെ വിൽപ്പനയിൽ മുന്നിൽ തന്നെ നിൽക്കുന്നത് മാരുതി സുസുക്കി എർട്ടിഗയാണ്. മഹീന്ദ്ര ബൊലേറോ (ബൊലേറോ നിയോ ഉൾപ്പെടെ), മാരുതി സുസുക്കി ഈക്കോ എന്നിവയും കഴിഞ്ഞ മാസം മികച്ച വിൽപ്പനയാണ് നേടിയത്. 10 ലക്ഷത്തിൽ താഴെ ലഭിക്കുന്ന എംപിവികളുടെ കൂട്ടത്തിൽ മാരുതി സുസുക്കി എർട്ടിഗ എന്നും മുന്നിൽ തന്നെയുണ്ട്. ബജറ്റ് ഫ്രണ്ട്ലി ഫാമിലി വാഹനങ്ങൾ വാങ്ങാൻ ആഗ്രഹിക്കുന്നവരുടെ പ്രധാന ഓപ്ഷനാണ് എർട്ടിഗ. 2025 ഒക്ടോബറിൽ പുതിയ എർട്ടിഗയുടെ മെച്ചപ്പെടുത്തിയ പതിപ്പ് പുറത്തിറക്കിയിരുന്നു.

രാജ്യത്തെ ജനപ്രിയ വാഹന നിര്‍മാതാക്കളില്‍ ഒരാളാണ് ഹ്യുണ്ടായി. ഉപഭോക്താക്കള്‍ എന്താണ് ആഗ്രഹിക്കുന്നതെന്ന് കൃത്യമായി മനസിലാക്കാനുള്ള കഴിവ് എക്കാലത്തും ഈ ബ്രാന്‍ഡിനുണ്ട്. കഴിഞ്ഞ കുറച്ച് വര്‍ഷങ്ങളായി ഇന്ത്യന്‍ വാഹന വിപണിയില്‍ തങ്ങളുടെ സാന്നിധ്യം പുതിയ തലത്തിലേക്ക് ഉയര്‍ത്തിക്കൊണ്ടുവരാനുള്ള തത്രപ്പാടിലായിരുന്നു കമ്പനി. അതിന്റെ ഏറ്റവും പുതിയ ചുവടുവെയ്പ്പാണ് ഹ്യുണ്ടായി ബയോണ്‍ എന്ന കംപാക്ട് ക്രോസ്ഓവര്‍ മോഡല്‍ ഇന്ത്യയില്‍ കൊണ്ടുവരാനുള്ള തീരുമാനം. ബയോണിന്റെ ലോഞ്ച് ടൈംലൈന്‍ പുറത്തുവന്നതോടെ വിപണിയില്‍ പുതിയ ആവേശം ഉയര്‍ന്നിരിക്കുകയാണ്. ഇത് 2026-ന്റെ രണ്ടാം പകുതിയില്‍ ഇന്ത്യന്‍ നിരത്തുകളില്‍ ഇറങ്ങുമെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.