ഇന്ത്യക്കാര്‍ ഏറെ പ്രതീക്ഷയോടെ കാത്തിരുന്ന സിറോസ് കോംപാക്ട് എസ്‌യുവിയുടെ വില ഇക്കഴിഞ്ഞ ശനിയാഴ്ച കിയ പ്രഖ്യാപിച്ചു. 8.99 ലക്ഷം രൂപയില്‍ തുടങ്ങി മുന്‍നിര മോഡലിന് 17.80 ലക്ഷം രൂപ വരെയാണ് ഇന്ത്യന്‍ വിപണിയില്‍ സിറോസിന്റെ വില പോകുന്നത്. എക്‌സ്‌ഷോറൂം വിലകളാണ് ഇത്. വില പ്രഖ്യാപനത്തിന് ഏകദേശം ഒരു മാസത്തിന് മുമ്പേ 2025 ജനുവരി മൂന്ന് മുതല്‍ കമ്പനി കാറിന്റെ ബുക്കിംഗ് ആരംഭിച്ചിരുന്നു. നിരവധിയാളുകള്‍ ഇതിനോടകം 25,000 രൂപ നല്‍കി എസ്‌യുവി റിസര്‍വ് ചെയ്തു. ഫെബ്രുവരി പകുതി മുതല്‍ ഡെലിവറി ആരംഭിക്കാന്‍ പോകുന്ന എസ്‌യുവി ആദ്യ മാസം നേടിയ ബുക്കിംഗ് കണക്കുകള്‍ പുറത്തുവന്നിട്ടുണ്ട്.

ഇലക്‌ട്രിക് സ്‌കൂട്ടർ (Electric Scooter) വിപണിയിൽ കൊടുങ്കാറ്റയത് പോലെ വൈദ്യുത മോട്ടോർസൈക്കിൾ (Electric Motorcycle) സെഗ്മെന്റിലും വിപ്ലവം തീർക്കാൻ ഒരുങ്ങുകയാണ് രാജ്യത്തെ ഏറ്റവും വലിയ ഇലക്‌ട്രിക് ഇരുചക്ര വാഹന നിർമാതാക്കളായ ഓല (Ola). പെട്രോൾ ബൈക്കുകളുടെ അന്തകനാവാൻ കുറഞ്ഞ വിലയുള്ള ഇവിയുമായി കമ്പനി ഉടൻ അരങ്ങത്ത് എത്തും. ഇന്ത്യയിൽ ഏറ്റവും കൂടുതൽ വിറ്റഴിക്കുന്ന ഹീറോ സ്പ്ലെൻഡർ പോലുള്ള കമ്മ്യൂട്ടർ മോട്ടോർസൈക്കിളുകളോട് മല്ലടിക്കാൻ പോവുന്ന റോഡ്സ്റ്റർ ഇവി റെഗുലർ, എക്‌സ്, പ്രോ എന്നീ മൂന്ന് വേരിയൻ്റുകളിലായിരിക്കും വിപണനത്തിന് എത്തുക.

തങ്ങള്‍ നിര്‍മിക്കുന്ന അത്യാഡംബര കാറുകള്‍ ജര്‍മന്‍ കമ്പനിയായ മെര്‍സിഡീസ് ബെന്‍സ് മെയ്ബാക്ക് (Mercedes Maybach) എന്ന ബ്രാന്‍ഡിന് കീഴിലാണ് പുറത്തിറക്കുന്നത്. ആഡംബര സംവിധാനം, ഉയര്‍ന്ന സുരക്ഷ, മികച്ച പ്രകടനം തുടങ്ങിയ ഘടകങ്ങള്‍ കാരണം ഇന്ത്യയിലെ സെലിബ്രിറ്റികള്‍ ഇപ്പോള്‍ മെര്‍സിഡീസ് മെയ്്ബാക്ക് കാറുകളുടെ പിറകെയാണ്. അതുകൊണ്ട് തന്നെ ആഡംബര കാറുകള്‍ക്കിടയില്‍ സെലിബ്രിറ്റി സ്റ്റാറ്റസുള്ള ബ്രാന്‍ഡായി ഇത് ചുരുങ്ങിയ നാളുകള്‍ കൊണ്ട് മാറി. ഇതിനോടകം നാല് മെയ്ബാക്ക് കാറുകള്‍ സ്വന്തമാക്കിയ ഒരു നടന്‍ ഇന്ത്യയിലുണ്ട്. അത് ആരാണെന്നാണ് നമ്മള്‍ പറയാന്‍ പോകുന്നത്.

വാഹനം ഓടിക്കാൻ പഠിക്കുന്നവർക്ക് തലവേദനയായിട്ടുള്ള കാര്യമാണ് ക്ലച്ച്. ഫസ്റ്റ് ഗിയറിലിട്ട് വണ്ടി മുമ്പോട്ട് എടുക്കുമ്പോൾ മുതൽ കയറ്റത്ത് ഹാഫ് ക്ലച്ച് താങ്ങിയെടുക്കുന്നതെല്ലാം പലരേയും സംബന്ധിച്ച് ഒരു ദുസ്വപ്നം തന്നെയാണ്. അത്തരക്കാർക്ക് വേണ്ടിയാണ് ഓട്ടോമാറ്റിക് വാഹനങ്ങൾ കമ്പനികൾ കണ്ടുപിടിച്ചിരിക്കുന്നത് തന്നെ. പിന്നെ തിരക്കേറിയ സ്ഥലങ്ങളിലൂടെ ഗിയർമാറ്റി പോവാൻ മടിയുള്ളവർക്കും ഇത്തരം വാഹനങ്ങളാണ് പ്രിയം. ടൂവീലറുകളുടെ കാര്യത്തിലേക്ക് വന്നാലും സംഗതി ഒരുപോലാണ്. ഗിയർലെസ് സ്‌കൂട്ടറുകൾ നിരത്തുകൾ നിറയാനുള്ള കാരണവും ഉപയോഗിക്കാനുള്ള എളുപ്പവും മോട്ടോസൈക്കിളുകളേക്കാൾ പ്രായോഗികമാണെന്നതുമാണ്.

ഇന്ത്യന്‍ ക്രിക്കറ്റ് ടീമിലെ പുത്തന്‍ താരോദയങ്ങളില്‍ ഒന്നാണ് വെടിക്കെട്ട് ബാറ്ററായ അഭിഷേക് ശര്‍മ. ആശാനായ യുവരാജ് സിങ്ങിന്റെ ശിഷ്യന്‍ തന്നെയാണ് താന്‍ എന്ന് അടിവരയിട്ട് ഇംഗ്ലണ്ടിനെതിരായ ട്വന്റി20 പരമ്പരയിലെ അവസാന മത്സരത്തില്‍ 37 ബോളില്‍ സെഞ്ച്വറി നേടിയ താരം വീണ്ടും സോഷ്യല്‍ മീഡിയ കത്തിച്ചിരിക്കുകയാണ്. 2016-ല്‍ ഇന്ത്യയെ അണ്ടര്‍ 19 ഏഷ്യാകപ്പ് ജേതാക്കളാക്കുന്നതില്‍ മുഖ്യപങ്ക് വഹിച്ച അഭിഷേക് ഐപിഎല്ലില്‍ സണ്‍റൈസേഴ്‌സ് ഹൈദരാബാദിനായി കഴിഞ്ഞ സീസണില്‍ പുറത്തെടുത്ത മിന്നുന്ന പ്രകടനമാണ് താരമാക്കി മാറ്റിയത്. ഐപിഎല്‍ സീസണില്‍ കൂടുതല്‍ സിക്‌സറുകള്‍ പറത്തിയ താരമെന്ന റെക്കോഡ് നേടിയ താരം സാക്ഷാല്‍ വിരാട് കോഹ്‌ലിയെയാണ് മറികടന്നത്.

ടാറ്റയുടെ എസ്‌യുവി നിരയിൽ ഏറ്റവും കൂടുതൽ ഫാൻസുള്ളത് നെക്സോണിനും പഞ്ചിനും ആണെങ്കിലും ഈ പരിഗണനയെല്ലാം അർഹിക്കുന്നയാളാണ് ഹാരിയർ. ഒടുക്കത്തെ ലുക്കും കിടിലൻ ഫീച്ചറുകളും 5-സ്റ്റാർ സേഫ്റ്റിയും എല്ലാ ഒത്തുചേർന്ന ഹാരിയർ യാത്രാ സുഖത്തിന്റെ കാര്യത്തിലും വേറെ ലെവലാണ്. 5 പേർക്ക് ഒന്നിച്ച് അടിച്ചുപൊളിച്ച് യാത്ര ചെയ്യാൻ പറ്റിയ ഫാമിലി എസ്‌യുവി എന്ന് വേണമെങ്കിലും ഇതിനെ വിശേഷിപ്പിക്കാം. ഏറ്റവും പുതിയ ഹാരിയറിനെ വേറിട്ടുനിർത്തുന്നത് വൈവിധ്യമാർന്ന കളർ ഓപ്ഷനുകൾ കൂടിയാണെന്നത് എടുത്തുപറയേണ്ട വിഷയമാണ്. ഇക്കൊല്ലം ഹാരിയർ വാങ്ങണമെന്ന് പ്ലാനിട്ടിരുന്നവരെയെല്ലാം നിരാശപ്പെടുത്തുന്ന വാർത്തയാണ് ഇപ്പോൾ പുറത്തുവരുന്നത്.

രാജ്യത്തെ ആദ്യകാല ഇലക്‌ട്രിക് കാറുകളിൽ ഒന്നാണ് എംജി ZS ഇവി. കോമെറ്റും വിൻഡ്‌സറുമെല്ലാം നിരത്തുകൾ കീഴടക്കുന്നത് മുമ്പായി എംജി മോട്ടോർ പുറത്തിറക്കിയ ഈ ഇലക്‌ട്രിക് എസ്‌യുവി ഇതുവരെ പരാതികളോ തകരാറുകളോ ഒന്നുമില്ലാതെ ഇന്നും ജനപ്രിയമായി തുടരുകയാണ്. അങ്ങനെ നോക്കുമ്പോൾ വൈദ്യുത വാഹന രംഗത്തെ അതികായകൻമാരായ ടാറ്റ മോട്ടോർസിന്റെ ഏറ്റവും വലിയ എതിരാളിയും എംജി തന്നെയാണ്. ബജറ്റ് സെഗ്മെന്റിൽ ടിയാഗോയ്ക്ക് എതിരെ കോമെറ്റിനെയും പ്രീമിയം വിഭാഗത്തിൽ നെക്സോൺ ഇവിക്കെതിരെ ZS ഇവിയും പുറത്തിറക്കുന്ന കമ്പനി വെന്നിക്കൊടി പാറിക്കുകയാണിപ്പോൾ. ഇതിനിടയിൽ ഇവി നിരയുടെ വിലയും ചെറുതായൊന്ന് കൂട്ടിയിട്ടുണ്ട് ബ്രാൻഡ്.

ഫെബ്രുവരി പിറന്നതോടെ കാര്‍ കമ്പനികളുടെ 2024 കലണ്ടര്‍ വര്‍ഷത്തിന്റെ തുടക്കം എങ്ങനെ ഉണ്ടെന്നറിയാനുള്ള ആകാംക്ഷയിലായിരിക്കും വാഹനപ്രേമികള്‍. ബ്രാന്‍ഡുകള്‍ ഓരോന്നായി 2025 ജനുവരിയിലെ തങ്ങളുടെ വില്‍പ്പന കണക്കുള്‍ പുറത്ത് വിട്ട് തുടങ്ങിയിട്ടുണ്ട്. പ്രതീക്ഷിച്ച പോലെ തന്നെ ഇന്ത്യയിലെ നമ്പര്‍ 1 ബ്രാന്‍ഡ് ആയ മാരുതി സുസുക്കി റെക്കോഡ് വില്‍പ്പനയോടെ കിരീടം നിലനിര്‍ത്തി. കമ്പനിയുടെ ഏറ്റവും വലിയ പ്രതിമാസ വില്‍പ്പന കണക്കുകള്‍ രേഖപ്പെടുത്തിയാണ് ഇന്തോ-ജാപ്പനീസ് ബ്രാന്‍ഡ് പുതുവര്‍ഷത്തിന് ബ്ലോക്ക് ബസ്റ്റര്‍ സ്റ്റാര്‍ട്ട് നല്‍കിയത്. അതിനെ കുറിച്ച് വിശദമായി വായിക്കാം.

ഇന്ത്യൻ വാഹന വിപണിയിൽ ഏറ്റവും കൂടുതൽ വിൽപ്പന നടക്കുന്നത് ചെറുകാറുകൾ അതായത് എൻട്രി ലെവൽ വാഹനങ്ങളിലാണ്. അത് കൊണ്ട് തന്നെ ഹ്യുണ്ടായി സിഒഒ യുടെ പ്രസ്താവന ഇപ്പോൾ വൈറലായിരിക്കുകയാണ്. കുഞ്ഞൻ കാറുകളുടെ വിൽപനയിൽ വലിയ പങ്ക് വഹിക്കാൻ പോകുന്നത് സിഎൻജി ആയിരിക്കുമെന്നാണ് അദ്ദേഹം അഭിപ്രായപ്പെട്ടത്. ചെറുകാറുകളുടെ വിൽപ്പനയിൽ ചെറിയ കുറവ് വന്നിട്ടുണ്ട് എന്നാണ് കണക്കുകൾ വ്യക്തമാക്കുന്നത്. കഴിഞ്ഞ വർഷത്തെ ഹ്യുണ്ടായിയുടെ സിഎൻജി മോഡലുകളുടെ കണക്കിലേക്ക് നോക്കിയാൽ 2024 ഒക്ടോബറില്‍ ഹ്യുണ്ടായിയുടെ മൊത്തം വില്‍പ്പനയുടെ 14.9 ശതമാനം സംഭാവന ചെയ്തത് സിഎന്‍ജി പവേര്‍ഡ് കാറുകളാണ്. ഇത് റെക്കോഡ് ആണ്.

ഇന്ത്യയിലെ സമ്പന്നര്‍ക്കിടയില്‍ ഒരു ജനപ്രിയ ചോയ്സ് ആണ് മെര്‍സിഡീസ് ബെന്‍സ് GLS. അടുത്തിടെ ദൗര്‍ഭാഗ്യകരമായ സംഭവത്തില്‍ ഈ എസ്‌യുവി പഞ്ചാബില്‍ വെച്ച് ഒരു അപകടത്തില്‍ പെട്ടു. അപകടത്തിന്റെ യഥാര്‍ത്ഥ കാരണം വ്യക്തമല്ലെങ്കിലും അതിന്റെ അനന്തരഫലങ്ങള്‍ സോഷ്യല്‍ മീഡിയയില്‍ വലിയ ചര്‍ച്ചയായി. ആഡംബര എസ്‌യുവി ഒരു വയലിലേക്ക് മറിഞ്ഞതിന്റെ ദൃശ്യങ്ങളാണ് സോഷ്യല്‍ മീഡിയയില്‍ വ്യാപകമായി പ്രചരിക്കുന്നത്. വാഹനത്തിന്റെ വിവിധ ഭാഗങ്ങളില്‍ കാര്യമായ കേടുപാടുകള്‍ ദൃശ്യമാണ്. ഈ സംഭവം ശ്രദ്ധാപൂര്‍വം വാഹനമോടിക്കേണ്ടതിന്റെ പ്രാധാന്യം അടിവരയിടുന്നു, പ്രത്യേകിച്ചും ഉയര്‍ന്ന നിലവാരമുള്ള വാഹനങ്ങള്‍ കൈകാര്യം ചെയ്യുമ്പോള്‍.

ലാൻഡ് റോവർ ഡിഫൻഡറിന് പ്രത്യേക ഒരു ആമുഖം ആവശ്യമില്ല. ഏതൊരു കൊച്ചുകുട്ടികൾക്കും ഇപ്പോൾ ഈ കിടിലൻ ഡിഫൻഡറിൻ്റെ ഫീച്ചറുകൾ മുതൽ വില വരെ കാണാപാഠമാണ്. ഏതൊരു സെലിബ്രിറ്റിയുടേയും ബിസിനസുകാരുടേയും പ്രിയ വാഹനമാണ് ലാൻഡ് റോവർ ഡിഫൻഡർ. അമിതാഭ് ബച്ചന്‍, സഞ്ജയ് ദത്ത്, സണ്ണി ഡിയോള്‍, അര്‍ജുന്‍ കപൂര്‍, കരീന കപൂര്‍, സോനം കപൂര്‍ എന്നിവരുള്‍പ്പെടെയുള്ള ബോളിവുഡ് താരങ്ങള്‍ക്ക് പുറമെ മോളിവുഡില്‍ നിന്ന് മമ്മൂട്ടി, പൃഥ്വിരാജ്, ആസിഫലി, ജോജു ജോര്‍ജ്, കുഞ്ചാക്കോ ബോബന്‍, ഉണ്ണി മുകുന്ദന്‍, മനോജ് കെ ജയന്‍ എന്നിവര്‍ ഡിഫെന്‍ഡര്‍ സ്വന്തമാക്കിയിട്ടുണ്ട്.

കഴിഞ്ഞ വർഷം ബോളിവുഡിലെ (Bollywood) ഏറ്റവും വലിയ ഹിറ്റ് ചിത്രമായിരുന്നു ശ്രദ്ധ കപൂർ (Shraddha Kapoor) കേന്ദ്ര കഥാപാത്രമായെത്തിയ സ്ത്രീ 2 (Stree 2). ഹൊറർ ആക്ഷൻ കോമഡി വിഭാഗത്തിൽ പെടുന്ന ചിത്രം ബോക്സ് ഓഫീസിൽ നിന്നും 1,000 കോടി രൂപയോളമാണ് കളക്ഷൻ സ്വന്തമാക്കിയത്. ഷാരൂഖ് ഖാന്റെ പത്താൻ, സണ്ണി ഡിയോൾ ചിത്രം ഗദ്ദർ 2 എന്നി ചിത്രങ്ങളെ മറികടന്ന് ഏറ്റവും ഉയർന്ന കളക്ഷൻ നേടുന്ന ഇന്ത്യയിലെ രണ്ടാമത്തെ ചിത്രമായി സ്ത്രീ 2 മാറി എന്നാണ് റിപ്പോർട്ടുകൾ.

കേരളത്തിൽ ഇപ്പോൾ കൂൺ മുളച്ച് പൊങ്ങുന്നത് പോലെയാണ് യൂസ്ഡ് കാർ ഷോറൂമുകൾ വരുന്നത്. വലിയ കുഴപ്പമില്ലാത്ത കാറുകളൊക്കെ കൊണ്ട് വന്ന് ഷോറൂമുകളിൽ നിറച്ച് വിൽപ്പന നടത്തുകയാണ് ഇവിടെ. എന്നാൽ പല സാഹചര്യങ്ങളിലും വാഹനം വാങ്ങി ചതിയിൽപ്പെടുന്നവരുടെ എണ്ണം കുറവല്ല കേട്ടോ. ഒരു രേഖകളും ഇല്ലാതെ പ്രവർത്തിക്കുന്ന യൂസ്ഡ് കാർ ഷോറൂമുകൾക്ക് വലിയ എട്ടിൻ്റെ പണിയുമായിട്ടാണ് കേരളത്തിലെ മോട്ടോർ വാഹന വകുപ്പ്.മാർച്ച് 31നു മുൻപ് യൂസ്ഡ് കാർ ഷോറൂമുകൾ ഓതറൈസേഷൻ നേടണമെന്നും. ഓതറൈസേഷൻ ഇല്ലാത്ത സ്ഥാപനങ്ങൾക്കെതിരെ നിയമ നടപടി സ്വീകരിക്കാനും ഇത്തരം സ്ഥാപനങ്ങളിലെ വാഹനങ്ങളെ കരിമ്പട്ടികയിൽ പെടുത്താനുമാണ് തീരുമാനം.

ഓരോ മാസം കഴിയും തോറും ഇന്ത്യയിലെ കോംപാക്ട് എസ്‌യുവി വിപണി തിങ്ങി നിറയുകയാണ്. ഒതുക്കമുള്ള വലിപ്പത്തിനൊപ്പം കൊക്കിലൊതുങ്ങുന്ന വിലയും കൈനിറയെ ഫീച്ചറുകളും മികച്ച ഇന്ധനക്ഷമതയും ലഭിക്കുന്നതിനാല്‍ എല്ലാവരുടെയും കണ്ണ് ഇപ്പോള്‍ കുഞ്ഞന്‍ എസ്‌യുവികളിലാണ്. അതുകൊണ്ട് തന്നെ സെഗ്മെന്റിലെ ഒരു പങ്ക് സ്വന്തമാക്കാന്‍ പ്രമുഖ ബ്രാന്‍ഡുകള്‍ എല്ലാം ശ്രമിക്കുന്നു. മുന്‍നിര ബ്രാന്‍ഡുകളില്‍ പലതിനും ഈ വിഭാഗത്തില്‍ ഒന്നിലേറെ പോരാളികള്‍ ഉണ്ട്. പുതുവര്‍ഷം പിറന്നതിന് ശേഷം കോംപാക്ട് എസ്യുവി വിഭാഗത്തില്‍ അംഗ സംഖ്യ കൂടിയിട്ടുണ്ട്. നിലവില്‍ ഇന്ത്യയില്‍ ഏറ്റവും കൂടുതല്‍ ഇന്ധനക്ഷമതയുള്ള 10 കോംപാക്ട് എസ്‌യുവികളെ പരിചയപ്പെടുത്തുകയാണ് ഈ ലേഖനത്തിലൂടെ.

ഇലക്‌ട്രിക് സ്‌കൂട്ടർ വിപണിയിൽ ഓലയും ഏഥറുമെല്ലാം എതിരാളികളില്ലാതെ കുതിക്കുകയായിരുന്നു ഇതുവരെ. ടിവിഎസും ബജാജും ഒരു വശത്തുനിന്ന് മത്സരിക്കുന്നുണ്ടായിരുന്നുവെങ്കിലും ഓല പോലുള്ള സ്റ്റാർട്ടപ്പുകളെ കാര്യമായി പരിക്കേൽപ്പിക്കാനായിരുന്നില്ല. എന്നാൽ ടൂവീലർ വിഭാഗത്തിലെ പ്രബലൻമാരായ ഹോണ്ടയും സുസുക്കിയും ഇവി രംഗത്തേക്ക് കടന്നുവന്നിട്ടുണ്ട്. രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന ആക്‌ടിവ, ആക്‌സസ് സ്‌കൂട്ടറുകളുടെ വൈദ്യുത പതിപ്പുമായിട്ടാണ് ഇരുകമ്പനികളും വിപണിയിലേക്ക് എത്തിയിരിക്കുന്നത്. ഇതിൽ പലർക്കും ആക്‌സസ് ഇവി കാര്യമായി ബോധിച്ചിട്ടുണ്ട്. ഒതുക്കമുള്ള രൂപവും ദൈനംദിന ആവശ്യങ്ങൾക്ക് ഉതകുന്ന റേഞ്ചുമായി വരുന്ന സ്‌കൂട്ടർ ഒറ്റ നോട്ടത്തിൽ കൊള്ളാം.

ഇന്ത്യക്കാര്‍ക്കിടയില്‍ ഏറ്റവും ജനപ്രിയമായ ആഡംബര കാര്‍ ബ്രാന്‍ഡുകളില്‍ ഒന്നാണ് ബിഎംഡബ്ല്യു. ബാവേറിയന്‍ ബ്രാന്‍ഡിന്റെ ആഡംബര കാറുകള്‍ സെലിബ്രിറ്റികളും ബിസിനസുകാരുമെല്ലാം ഇഷ്ടപ്പെടുന്നു. ബിഎംഡബ്ല്യുവിന്റെ ഇന്ത്യയിലെ ഏറ്റവും കുറഞ്ഞ വിലയുള്ള സ്പോര്‍ട് യൂടിലിറ്റി വാഹനമാണ് (എസ്‌യുവി) ബിഎംഡബ്ല്യു X1. എന്‍ട്രി ലെവല്‍ എസ്‌യുവി sDrive18i M സ്പോര്‍ട്ട്, X1 sDrive18d M സ്പോര്‍ട്ട് എന്നിങ്ങനെ രണ്ട് വേരിയന്റുകളിലാണ് ഓഫര്‍ ചെയ്യുന്നത്. ഇതില്‍ ബിഎംഡബ്ല്യു X1 sDrive 18i M സ്പോര്‍ടിന്റെ വില 50.80 ലക്ഷം രൂപയാണ്. അതേസമയം X1 sDrive18d M സ്പോര്‍ട്ടിന് 53.80 ലക്ഷം രൂപയാണ് വില നിശ്ചയിച്ചിരിക്കുന്നത്. എക്സ്ഷോറൂം വിലകളാണ് ഇത്.

ഒമേഗ-3 ഫാറ്റി ആസിഡുകളും ആൻ്റിഓക്‌സിഡൻ്റുകളും ഉപയോഗിച്ച് കുതിർത്ത വാൽനട്ട് ചർമ്മത്തിൻ്റെ ആരോഗ്യം വർദ്ധിപ്പിക്കുന്നു. ആൻ്റി-ഏജിംഗ് ആനുകൂല്യങ്ങൾക്കായി അവ നിങ്ങളുടെ ഭക്ഷണത്തിൽ ഉൾപ്പെടുത്തുന്നത് എങ്ങനെയെന്ന് അറിയുക.

പുതുവർഷം പിറന്നതോടെ കാറുകൾക്കെല്ലാം വില കൂടുന്ന ട്രെൻഡാണ് ഇപ്പോൾ വിപണിയിലുള്ളത്. ഫെബ്രുവരി മുതൽ മാരുതി സുസുക്കി വില വർധിപ്പിക്കുകയാണെന്ന് അറിയിച്ചതോടെ സാധാരണക്കാരെല്ലാം നിരാശയിലായിരിക്കുകയാണ്. മഹീന്ദ്രയും ഹ്യുണ്ടായിയും ടൊയോട്ടയുമെല്ലാം ജനുവരി മുതലെ കാറുകളുടെ വില ഉയർത്തിയിരുന്നു. ഇപ്പോഴിതാ സാധാരണക്കാരുടെ പ്രിയപ്പെട്ട എസ്‌യുവിയായ മാഗ്നൈറ്റിനും വില കൂട്ടിയതായി പ്രഖ്യാപിച്ചിരിക്കുകയാണ് ജാപ്പനീസ് വാഹന നിർമാതാക്കളായ നിസാൻ. ഹാച്ച്ബാക്കിന്റെ വിലയില്‍ കുഞ്ഞന്‍ എസ്‌യുവി വില്‍പ്പനക്കെത്തിച്ചാണ് നിസാന്‍ ഇന്ത്യയില്‍ ഇതുവരെ പിടിച്ചുനിന്നത്. വില കൂടുന്നതോടെ ആളുകൾ ബ്രാൻഡിൽ നിന്നും അകലം പാലിക്കുമോയെന്ന ആശങ്ക കമ്പനിക്കുണ്ട്.

ഗർഭിണികൾക്ക് യോഗയുടെയും ധ്യാനത്തിന്റെയും ഗുണങ്ങൾ പര്യവേക്ഷണം ചെയ്യുക. ഈ രീതികൾ ഗർഭകാലത്ത് ശാരീരിക ആരോഗ്യവും വൈകാരിക ക്ഷേമവും വർദ്ധിപ്പിക്കുന്നു.

വാഹന ലോകത്തിലെ കരുത്തരില്‍ കരുത്തനായ വണ്ടിയാണ് അമേരിക്കൻ വാഹന നിർമാതാക്കളായ ജനറൽ മോട്ടോർസിന്റെ ഹമ്മർ (GMC Hummer). ആദ്യം അമേരിക്കൻ പട്ടാളത്തിനായി പണികഴിച്ച് പിന്നീട് ഹോളിവുഡ് താരം അർണോൾഡ് ഷ്വാസ്‌നെഗറിന്റെ സമ്മർദ്ദം മൂലം സാധാരണക്കാർക്കായും പുറത്തിറങ്ങിയ ഹമ്മർ ആരും വാങ്ങാൻ കൊതിക്കുന്നൊരു എസ്‌യുവിയാണെന്ന് നിസംശയം പറയാം. പരമ്പരാഗത ഇന്ധനങ്ങളോട് വിടപറഞ്ഞ് ഇലക്ട്രിക് (EV) കരുത്തില്‍ എത്തിയപ്പോഴും പരുക്കൻ സ്വഭാവം കൈവിടാതെയാണ് ജിഎം പണികഴിപ്പച്ചത്. ഇന്ത്യയിൽ നേരിട്ട് വിൽപ്പനയ്ക്ക് എത്തുന്നില്ലെങ്കിലും പലരും ഇറക്കുമതി ചെയ്‌ത് മോഡലിനെ ഇങ്ങ് എത്തിച്ചിട്ടുണ്ട്.

2025-26 സാമ്പത്തിക വർഷത്തെ യൂണിയൻ ബജറ്റ് പ്രഖ്യാപനത്തിൽ രാജ്യത്തെ വാഹന വിപണി വലിയ ആശ്വാസവും സന്തോഷവുമാണ് പ്രകടിപ്പിച്ചിരിക്കുന്നത്. ഇവികളില്‍ ഉപയോഗിക്കുന്ന ബാറ്ററികളുടെ വില കുറച്ചുകൊണ്ട് അവ കൂടുതല്‍ വിലകുറഞ്ഞതാക്കുന്നതിനാണ് ഊന്നല്‍ നല്‍കുന്നത്. നികുതിയിൽ ഇളവ് പ്രഖ്യാപിച്ചതോടെ ഇനി ഉപഭോക്താക്കൾ ഷോറൂമുകളിലേക്ക് ഇടി്ച് കയറുമെന്ന പ്രതീക്ഷയിലാണ് ഓട്ടോമോട്ടീവ് കമ്പോണന്റ് മാനുഫാക്ചറേഴ്സ് അസോസിയേഷനും ഫെഡറേഷൻ ഓഫ് ഓട്ടോമൊബൈൽ ഡീലേഴ്‌സ് അസോസിയേഷൻസുമെല്ലാം. ഇവികളുടെ നിർമ്മാണത്തിലും ക്ലീൻ മൊബിലിറ്റിയിലും ബജറ്റ് ശ്രദ്ധ കേന്ദ്രീകരിച്ചതിനെ രണ്ട് അസോസിയേഷനുകളും പ്രത്യേകം സ്വാഗതം ചെയ്തിട്ടുണ്ട്. ഇലക്ട്രിക് വാഹനങ്ങളുടെ ബാറ്ററി നിർമ്മാണത്തിനുള്ള മൂലധന വസ്തുക്കളുടെ കസ്റ്റംസ് തീരുവയിലും കേന്ദ്രം ഇളവ് പ്രഖ്യാപിച്ചിട്ടുണ്ട്.

മൂന്നാം നരേന്ദ്ര മോദി സര്‍ക്കാറിന്റെ രണ്ടാമത്തെ പൂര്‍ണ ബജറ്റില്‍ സാധാരണക്കാരായ ജനങ്ങള്‍ ഒത്തിരി പ്രതീക്ഷ വെച്ച് പുലര്‍ത്തിയിരുന്നു. ഇന്‍കം ടാക്‌സില്‍ വരുത്തിയ പരിഷ്‌കാരങ്ങള്‍ അടക്കം ചില വമ്പന്‍ പ്രഖ്യാപനങ്ങള്‍ ധനമന്ത്രി നിമല സീതാരാമന്‍ ബജറ്റില്‍ നടത്തി. പ്രതീക്ഷിച്ച പോലെ തന്നെ ഇലക്ട്രിക് വാഹനങ്ങളെ പ്രോത്സാഹിപ്പിക്കുന്ന, അവയുടെ വില്‍പ്പന കൂട്ടാന്‍ സഹായിക്കുന്ന ചില തീരുമാനങ്ങളും ബജറ്റിലുണ്ടായിരുന്നു. സര്‍ക്കാറിന്റെ പ്രധാന ശ്രദ്ധ ഇനി സോളാര്‍ എനര്‍ജി ഇവി ബാറ്ററികള്‍ എന്നിവയിലായിരിക്കുമെന്ന് ധനമന്ത്രി പറഞ്ഞു. അടുത്ത കാലത്തായി ഇലക്ട്രിക് വാഹനങ്ങള്‍ പ്രോത്സാഹിപ്പിക്കാന്‍ സര്‍ക്കാര്‍ കൊണ്ടുവരുന്ന നയങ്ങളുടെ തുടര്‍ച്ചയാണിത്.

സോഷ്യൽ മീഡിയയിൽ കാറുകൾ ഡ്രിഫ്റ്റ് ചെയ്യുന്ന വീഡിയോകൾ എപ്പോഴും വൈറലാകാറുണ്ട്. എന്നാൽ മരുഭൂമിയിൽ ഡ്രിഫ്റ്റ് ചെയ്യാൻ മിടുക്കനാണ് ടൊയോട്ട ലാൻഡ് ക്രൂയിസർ. മണലാരണ്യങ്ങളിലൂടെ കുതിച്ചു ചാടിയും തെന്നി മാറിയും പോകുന്ന വാഹനത്തിൻ്റെ നിരവധി വീഡിയോകൾ സമൂഹമാധ്യമങ്ങളിൽ എന്നും കാണാൻ സാധിക്കുന്നതാണ്. അത്തരത്തിലൊരു വീഡിയോ ആണ് ഇപ്പോൾ സോഷ്യൽ മീഡിയിയൽ വൈറലായിരിക്കുന്നത്. ടൊയോട്ട ലാൻഡ് ക്രൂയിസർ മരുഭൂമിയിൽ ഡ്രിഫ്റ്റ് ചെയ്യുന്ന വീഡിയോ humood_h എന്ന ഇൻസ്റ്റാഗ്രാം പേജിലാണ് പങ്കുവച്ചിരിക്കുന്നത്. തുടക്കത്തിലെ സ്ലോ മോഷൻ വീഡിയോ ഏതൊരു വണ്ടിപ്രാന്തൻ്റേയും മനസ് നിറയ്ക്കാൻ പ്രാപ്തമായ ഒന്നാണ്.

ഇന്ത്യക്കാരുടെ പ്രിയപ്പെട്ട കാര്‍ ബ്രാന്‍ഡുകളില്‍ ഒന്നാണ് ഹോണ്ട. നിരവധി ഐക്കണിക് കാറുകള്‍ ഇന്ത്യക്ക് സമ്മാനിച്ച ഹോണ്ടയുടെ നിലവിലെ സ്ഥിതി അത്ര ആശാവഹമല്ല. നിലവില്‍ സിറ്റി, അമേസ്, എലിവേറ്റ് എന്നിങ്ങനെ മൂന്ന് കാര്‍ മോഡലുകളാണ് ഹോണ്ട ഇന്ത്യയില്‍ വില്‍ക്കുന്നത്. എന്നാല്‍ ഈ മോഡലുകള്‍ക്ക് ഒന്നും ഷോറൂമില്‍ തിരക്കുണ്ടാക്കാന്‍ സാധിക്കുന്നില്ലെന്നതാണ് വാസ്തവം. ഇക്കാരണത്താല്‍, വില്‍പ്പന വര്‍ദ്ധിപ്പിക്കുന്നതിനായി കമ്പനി തുടര്‍ച്ചയായി പരീക്ഷണങ്ങള്‍ നടത്തുന്നു. ലിമിറ്റഡ് വേരിയന്റും അപെക്‌സ് വേരിയന്റും ഇതിന്റെ ഭാഗമാണ്. ഇപ്പോള്‍ ജാപ്പനീസ് ബ്രാന്‍ഡ് ജനപ്രിയ മിഡ്‌സൈസ് സെഡാനായ സിറ്റിയുടെ അപെക്‌സ് എഡിഷന്‍ പുറത്തിറക്കിയിട്ടുണ്ട്. അതിന്റെ വിശേഷങ്ങള്‍ നോക്കാം.

നീണ്ട കാത്തിരിപ്പിനൊടുവിൽ തങ്ങളുടെ ഏറ്റവും പുതിയ കോംപാക്‌ട് എസ്‌യുവിയുടെ വില പ്രഖ്യാപിച്ച് കിയ ഇന്ത്യ. പ്രതീക്ഷിച്ചതുപോലെ തന്നെ താങ്ങാനാവുന്ന വില നിലവാരത്തിൽ വാഹനത്തെ അവതരിപ്പിച്ചത് കമ്പനിയെ സംബന്ധിച്ച് വലിയ നേട്ടമായേക്കും. പെട്രോൾ, ഡീസൽ എഞ്ചിൻ ഓപ്ഷനുകളിലായി വരുന്ന കിയ സിറോസിന് 8.99 ലക്ഷം രൂപ മുതൽ 17.80 ലക്ഷം രൂപ വരെയാണ് എക്സ്ഷോറൂം വില വരുന്നത്. ജനുവരി 3 മുതൽ എസ്‌യുവിക്കായുള്ള പ്രീ-ബുക്കിംഗുകൾ ആരംഭിച്ചിരുന്നു. വില കേട്ടിട്ട് ബുക്ക് ചെയ്യാനിരുന്നവർക്ക് 25,000 രൂപ ടോക്കൺ തുക നൽകി സിറോസ് ഇനിയും ബുക്ക് ചെയ്യാം.